📅 2017-yil 7-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 7 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 апреля 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 7 April 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Сурхондарё вилояти соғлиқни сақлаш муассасаларида ихтисослаштирилган тиббий ёрдам кўрсатишни янада яхшилаш чора-тадбирлари тўғрисида
Республика аҳолисига юқори малакали ихтисослаштирилган тиббий ёрдам кўрсатиш учун шарт-шароитлар яратиш, республика ихтисослаштирилган марказларининг вилоят ва туман даражаларидаги тиббиёт муассасалари билан касалликларни профилактика, диагностика қилиш ва даволаш, Сурхондарё вилояти соғлиқни сақлаш муассасаларининг моддий-техника базасини янада ривожлантириш ва мустаҳкамлаш масалаларидаги ўзаро вертикал алоқасини мустаҳкамлаш мақсадида Вазирлар Маҳкамаси қарор қилади:
1. Ўзбекистон Республикаси Соғлиқни сақлаш вазирлиги, Ўзбекистон Республикаси Давлат архитектура ва қурилиш қўмитаси ҳамда Сурхондарё вилояти ҳокимлигининг қуйидагилар тўғрисидаги таклифларига розилик берилсин:
Сурхондарё вилоят перинатал марказининг беморлар ўрни фондини 160 тагача кўпайтириш, уни Сурхондарё вилоятининг офтальмология шифохонаси бинолари ва иншоотларида жойлаштириш, шунингдек Денов, Шеробод, Шўрчи, Бойсун ва Қумқўрғон туманлари тиббиёт бирлашмаларида перинатал бўлимлар ташкил этиш;
Сурхондарё вилоят офтальмология шифохонасини Сурхондарё вилоят перинатал маркази бинолари ва иншоотларига жойлаштириш, унинг беморлар ўрни фондини 70 тагача қисқартириш йўли билан уни оптималлаштириш, шунингдек Денов туман тиббиёт бирлашмасида офтальмология бўлими ташкил этиш;
Сурхондарё вилоят кўп тармоқли тиббиёт маркази урология бўлимининг беморлар ўрни фондини 50 тагача кўпайтириш, шунингдек Денов туман тиббиёт бирлашмасида урология бўлими ташкил этиш.
2. Қуйидагилар Сурхондарё вилояти перинатал маркази, вилоят офтальмология шифохонаси ва вилоят кўп тармоқли тиббиёт маркази урология бўлимининг асосий вазифалари этиб белгилансин:
вилоят ва яқин атрофдаги минтақалар аҳолисининг янада самарали ва юқори технологияли диагностика методларига, касалликларни илғор жаҳон ютуқлари даражасида даволаш ва профилактика қилишга бўлган эҳтиёжини таъминлаш;
тиббий жиҳозларнинг мавжуд паркини доимий равишда янгилаб бориш ва модернизация қилишни таъминлаш, муассасаларни ихтисослаштирилган, юқори малакали тиббий ёрдам кўрсатиш имконини берадиган замонавий тиббий анжомлар билан жиҳозлаш;
муассасаларнинг тиббиёт ходимлари касбий даражасини шу жумладан мутахассисларнинг етакчи хорижий тиббиёт ўқув муассасалари ва клиникаларида стажировкасини ташкил этиш ҳисобига доимий равишда ошириш ва такомиллаштириш;
мутахассис врачларнинг ўз мактабини шакллантириш ва ривожлантириш ҳамда вилоятнинг бошқа туманларини ўз соҳаси бўйича юқори малакали мутахассислар билан таъминлаш;
беморларни даволашнинг ўз илғор методлари ва технологияларини ишлаб чиқишга ва тиббий амалиётга жорий этишга йўналтирилган илмий тадқиқотларни ўтказиш;
соҳага оид етакчи хорижий тиббиёт муассасалари ва марказлари билан халқаро ҳамкорликни кенгайтириш ва мустаҳкамлаш, ахборотлар, тўпланган тажриба ва мутахассислар билан кенг алмашувни таъминлаш.
3. Белгилаб қўйилсинки:
республика ихтисослаштирилган кўз микрохирургияси ва урология марказлари тегишли равишда Сурхондарё вилоятининг офтальмология шифохонасига ва вилоят кўп тармоқли тиббиёт марказининг урология бўлимига ташкилий-методик ва илмий-амалий ёрдам кўрсатадилар;
Сурхондарё вилоят перинатал маркази, вилоят офтальмология шифохонаси, вилоят кўп тармоқли тиббиёт маркази урология бўлимининг беморлар ўрни фондини оптималлаштириш, шунингдек тегишли туманларнинг тиббиёт бирлашмаларида уларнинг бўлимларини ташкил этиш Сурхондарё вилояти соғлиқни сақлаш муассасаларининг амалдаги беморлар ўрни фонди доирасида амалга оширилади.
4. Сурхондарё вилоят перинатал маркази, вилоят офтальмология шифохонаси ва вилоят кўп тармоқли тиббиёт маркази урология бўлимининг бинолари ва иншоотларини (кейинги ўринларда объектлар деб аталади) реконструкция қилиш бўйича:
Сурхондарё вилояти ҳокимлиги ҳузуридаги «Ягона буюртмачи хизмати» инжиниринг компанияси — буюртмачи этиб;
«Уйжойсаноатсувқурилиш» хусусий лойиҳалаш корхонаси — бош лойиҳалаш ташкилоти этиб;
ўтказиладиган танлов савдолари натижалари бўйича пудратчи ташкилотлар — бош пудратчи ташкилотлар этиб белгилансин.
5. Сурхондарё вилояти ҳокимлиги Ўзбекистон Республикаси Соғлиқни сақлаш вазирлиги билан биргаликда объектларни реконструкция қилиш бўйича лойиҳа-смета ҳужжатларини бир ой муддатда ишлаб чиқсин ва уларнинг 2018 йил 1 сентябргача фойдаланишга топширилишини таъминласин.
6. Ўзбекистон Республикаси Молия вазирлиги ҳузуридаги бюджетдан ташқари Таълим ва тиббиёт муассасалари моддий-техника базасини ривожлантириш жамғармаси маблағлари лойиҳа-смета ҳужжатларини ишлаб чиқиш, шунингдек объектларни реконструкция қилиш ва жиҳозлаш бўйича молиялаштириш манбаи этиб белгилансин.
7. Ўзбекистон Республикаси Соғлиқни сақлаш вазирлиги Ўзбекистон Республикаси Инвестициялар бўйича давлат қўмитаси билан биргаликда объектларни юқори технологияли тиббий анжомлар билан жиҳозлаш учун хорижий кредитларни ва халқаро молия институтлари ҳамда бошқа хорижий донорлар грантларини жалб этиш бўйича тизимли ишлар олиб борсин.
8. Ўзбекистон Республикаси Вазирлар Маҳкамаси томонидан тасдиқланадиган рўйхатлар бўйича, объектларни реконструкция қилиш доирасида четдан келтириладиган, Ўзбекистон Республикасида ишлаб чиқарилмайдиган тиббий анжомлар, қурилиш материаллари, асбоб-ускуналар ва бутловчи буюмлар 2018 йил 1 сентябргача бўлган муддатга божхона тўловларидан (божхонада расмийлаштириш йиғимларидан ташқари) озод қилинсин.
9. Ўзбекистон Республикаси Давлат архитектура ва қурилиш қўмитаси объектларни реконструкция қилиш бўйича лойиҳа-смета ҳужжатларининг давлат экспертизасидан ўз вақтида ўтказилишини таъминласин ҳамда қурилиш-монтаж ишларини бажариш сифатига риоя этилиши юзасидан зарур даражадаги давлат архитектура-қурилиш назорати ўрнатсин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 7 апрель,
191-сон
Oʻzbekiston Respublikasi Vazirlar Mahkamasining
qarori
Surxondaryo viloyati sogʻliqni saqlash muassasalarida ixtisoslashtirilgan tibbiy yordam koʻrsatishni yanada yaxshilash chora-tadbirlari toʻgʻrisida
Respublika aholisiga yuqori malakali ixtisoslashtirilgan tibbiy yordam koʻrsatish uchun shart-sharoitlar yaratish, respublika ixtisoslashtirilgan markazlarining viloyat va tuman darajalaridagi tibbiyot muassasalari bilan kasalliklarni profilaktika, diagnostika qilish va davolash, Surxondaryo viloyati sogʻliqni saqlash muassasalarining moddiy-texnika bazasini yanada rivojlantirish va mustahkamlash masalalaridagi oʻzaro vertikal aloqasini mustahkamlash maqsadida Vazirlar Mahkamasi qaror qiladi:
1. Oʻzbekiston Respublikasi Sogʻliqni saqlash vazirligi, Oʻzbekiston Respublikasi Davlat arxitektura va qurilish qoʻmitasi hamda Surxondaryo viloyati hokimligining quyidagilar toʻgʻrisidagi takliflariga rozilik berilsin:
Surxondaryo viloyat perinatal markazining bemorlar oʻrni fondini 160 tagacha koʻpaytirish, uni Surxondaryo viloyatining oftalmologiya shifoxonasi binolari va inshootlarida joylashtirish, shuningdek Denov, Sherobod, Shoʻrchi, Boysun va Qumqoʻrgʻon tumanlari tibbiyot birlashmalarida perinatal boʻlimlar tashkil etish;
Surxondaryo viloyat oftalmologiya shifoxonasini Surxondaryo viloyat perinatal markazi binolari va inshootlariga joylashtirish, uning bemorlar oʻrni fondini 70 tagacha qisqartirish yoʻli bilan uni optimallashtirish, shuningdek Denov tuman tibbiyot birlashmasida oftalmologiya boʻlimi tashkil etish;
Surxondaryo viloyat koʻp tarmoqli tibbiyot markazi urologiya boʻlimining bemorlar oʻrni fondini 50 tagacha koʻpaytirish, shuningdek Denov tuman tibbiyot birlashmasida urologiya boʻlimi tashkil etish.
2. Quyidagilar Surxondaryo viloyati perinatal markazi, viloyat oftalmologiya shifoxonasi va viloyat koʻp tarmoqli tibbiyot markazi urologiya boʻlimining asosiy vazifalari etib belgilansin:
viloyat va yaqin atrofdagi mintaqalar aholisining yanada samarali va yuqori texnologiyali diagnostika metodlariga, kasalliklarni ilgʻor jahon yutuqlari darajasida davolash va profilaktika qilishga boʻlgan ehtiyojini taʼminlash;
tibbiy jihozlarning mavjud parkini doimiy ravishda yangilab borish va modernizatsiya qilishni taʼminlash, muassasalarni ixtisoslashtirilgan, yuqori malakali tibbiy yordam koʻrsatish imkonini beradigan zamonaviy tibbiy anjomlar bilan jihozlash;
muassasalarning tibbiyot xodimlari kasbiy darajasini shu jumladan mutaxassislarning yetakchi xorijiy tibbiyot oʻquv muassasalari va klinikalarida stajirovkasini tashkil etish hisobiga doimiy ravishda oshirish va takomillashtirish;
mutaxassis vrachlarning oʻz maktabini shakllantirish va rivojlantirish hamda viloyatning boshqa tumanlarini oʻz sohasi boʻyicha yuqori malakali mutaxassislar bilan taʼminlash;
bemorlarni davolashning oʻz ilgʻor metodlari va texnologiyalarini ishlab chiqishga va tibbiy amaliyotga joriy etishga yoʻnaltirilgan ilmiy tadqiqotlarni oʻtkazish;
sohaga oid yetakchi xorijiy tibbiyot muassasalari va markazlari bilan xalqaro hamkorlikni kengaytirish va mustahkamlash, axborotlar, toʻplangan tajriba va mutaxassislar bilan keng almashuvni taʼminlash.
3. Belgilab qoʻyilsinki:
respublika ixtisoslashtirilgan koʻz mikroxirurgiyasi va urologiya markazlari tegishli ravishda Surxondaryo viloyatining oftalmologiya shifoxonasiga va viloyat koʻp tarmoqli tibbiyot markazining urologiya boʻlimiga tashkiliy-metodik va ilmiy-amaliy yordam koʻrsatadilar;
Surxondaryo viloyat perinatal markazi, viloyat oftalmologiya shifoxonasi, viloyat koʻp tarmoqli tibbiyot markazi urologiya boʻlimining bemorlar oʻrni fondini optimallashtirish, shuningdek tegishli tumanlarning tibbiyot birlashmalarida ularning boʻlimlarini tashkil etish Surxondaryo viloyati sogʻliqni saqlash muassasalarining amaldagi bemorlar oʻrni fondi doirasida amalga oshiriladi.
4. Surxondaryo viloyat perinatal markazi, viloyat oftalmologiya shifoxonasi va viloyat koʻp tarmoqli tibbiyot markazi urologiya boʻlimining binolari va inshootlarini (keyingi oʻrinlarda obyektlar deb ataladi) rekonstruksiya qilish boʻyicha:
Surxondaryo viloyati hokimligi huzuridagi “Yagona buyurtmachi xizmati” injiniring kompaniyasi — buyurtmachi etib;
“Uyjoysanoatsuvqurilish” xususiy loyihalash korxonasi — bosh loyihalash tashkiloti etib;
oʻtkaziladigan tanlov savdolari natijalari boʻyicha pudratchi tashkilotlar — bosh pudratchi tashkilotlar etib belgilansin.
5. Surxondaryo viloyati hokimligi Oʻzbekiston Respublikasi Sogʻliqni saqlash vazirligi bilan birgalikda obyektlarni rekonstruksiya qilish boʻyicha loyiha-smeta hujjatlarini bir oy muddatda ishlab chiqsin va ularning 2018-yil 1-sentabrgacha foydalanishga topshirilishini taʼminlasin.
6. Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalari moddiy-texnika bazasini rivojlantirish jamgʻarmasi mablagʻlari loyiha-smeta hujjatlarini ishlab chiqish, shuningdek obyektlarni rekonstruksiya qilish va jihozlash boʻyicha moliyalashtirish manbai etib belgilansin.
7. Oʻzbekiston Respublikasi Sogʻliqni saqlash vazirligi Oʻzbekiston Respublikasi Investitsiyalar boʻyicha davlat qoʻmitasi bilan birgalikda obyektlarni yuqori texnologiyali tibbiy anjomlar bilan jihozlash uchun xorijiy kreditlarni va xalqaro moliya institutlari hamda boshqa xorijiy donorlar grantlarini jalb etish boʻyicha tizimli ishlar olib borsin.
8. Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha, obyektlarni rekonstruksiya qilish doirasida chetdan keltiriladigan, Oʻzbekiston Respublikasida ishlab chiqarilmaydigan tibbiy anjomlar, qurilish materiallari, asbob-uskunalar va butlovchi buyumlar 2018-yil 1-sentabrgacha boʻlgan muddatga bojxona toʻlovlaridan (bojxonada rasmiylashtirish yigʻimlaridan tashqari) ozod qilinsin.
9. Oʻzbekiston Respublikasi Davlat arxitektura va qurilish qoʻmitasi obyektlarni rekonstruksiya qilish boʻyicha loyiha-smeta hujjatlarining davlat ekspertizasidan oʻz vaqtida oʻtkazilishini taʼminlasin hamda qurilish-montaj ishlarini bajarish sifatiga rioya etilishi yuzasidan zarur darajadagi davlat arxitektura-qurilish nazorati oʻrnatsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 7-aprel,
191-son
Кабинета Министров Республики Узбекистан
Постановление
О мерах по дальнейшему улучшению оказания специализированной медицинской помощи в учреждениях здравоохранения Сурхандарьинской области
В целях создания условий для оказания высококвалифицированной специализированной медицинской помощи населению республики, укрепления вертикальной взаимосвязи республиканских специализированных центров с медицинскими учреждениями областного и районного уровней в вопросах профилактики, диагностики и лечения заболеваний, дальнейшего развития и укрепления материально-технической базы учреждений здравоохранения Сурхандарьинской области Кабинет Министров постановляет:
1. Согласиться с предложениями Министерства здравоохранения Республики Узбекистан, Государственного комитета Республики Узбекистан по архитектуре и строительству и хокимията Сурхандарьинской области об:
увеличении коечного фонда Сурхандарьинского областного перинатального центра до 160 коек с размещением его в зданиях и сооружениях Сурхандарьинской областной офтальмологической больницы, а также организации перинатальных отделений в Денауском, Шерабадском, Шурчинском, Байсунском и Кумкурганском районных медицинских объединениях;
оптимизации Сурхандарьинской областной офтальмологической больницы путем размещения ее в зданиях и сооружениях Сурхандарьинского областного перинатального центра, с сокращением ее коечного фонда до 70 коек, а также организации офтальмологического отделения в Денауском районном медицинском объединении;
увеличении коечного фонда урологического отделения Сурхандарьинского областного многопрофильного медицинского центра до 50 коек, а также организации урологического отделения в Денауском районном медицинском объединении.
2. Определить основными задачами Сурхандарьинского областного перинатального центра, областной офтальмологической больницы и урологического отделения областного многопрофильного медицинского центра:
обеспечение потребности населения области и близлежащих регионов в наиболее эффективных и высокотехнологичных методах диагностики, лечения и профилактики заболеваний на уровне передовых мировых достижений;
обеспечение постоянного обновления и модернизации имеющегося парка медицинского оборудования, оснащение учреждений современным медицинским оборудованием, позволяющим оказывать специализированную, высококвалифицированную медицинскую помощь;
постоянное повышение и совершенствование профессионального уровня медицинского персонала учреждений, в том числе за счет организации стажировки специалистов в ведущих зарубежных медицинских образовательных учреждениях и клиниках;
формирование и развитие собственной школы врачей-специалистов и обеспечение других районов области высококвалифицированными специалистами по своему профилю;
проведение научных исследований, направленных на разработку и внедрение в медицинскую практику собственных прогрессивных методов и технологий лечения больных;
расширение и укрепление международного сотрудничества с ведущими профильными зарубежными медицинскими организациями, обеспечение широкого обмена информацией, накопленным опытом и специалистами.
3. Установить, что:
республиканские специализированные центры микрохирургии глаза и урологии оказывают организационно-методическую и научно-практическую помощь, соответственно, Сурхандарьинской областной офтальмологической больнице и урологическому отделению областного многопрофильного медицинского центра;
оптимизация коечного фонда Сурхандарьинского областного перинатального центра, областной офтальмологической больницы, урологического отделения областного многопрофильного медицинского центра, а также организация их отделений в соответствующих районных медицинских объединениях, осуществляются в пределах действующего коечного фонда учреждений здравоохранения Сурхандарьинской области.
4. Определить по реконструкции зданий и сооружений Сурхандарьинского областного перинатального центра, областной офтальмологической больницы и урологического отделения областного многопрофильного медицинского центра (далее — объекты):
заказчиком — инжиниринговую компанию «Служба единого заказчика» при хокимияте Сурхандарьинской области;
генеральной проектной организацией — частное проектное предприятие «Уйжойсаноатсувкурилиш»;
генеральными подрядными организациями — подрядные организации по результатам проводимых конкурсных торгов.
5. Хокимияту Сурхандарьинской области совместно с Министерством здравоохранения Республики Узбекистан в месячный срок разработать проектно-сметную документацию по реконструкции объектов и обеспечить их ввод в эксплуатацию до 1 сентября 2018 года.
6. Определить источником финансирования по разработке проектно-сметной документации, а также по реконструкции и оснащению объектов средства внебюджетного Фонда развития материально-технической базы образовательных и медицинских учреждений при Министерстве финансов Республики Узбекистан.
7. Министерству здравоохранения совместно с Государственным комитетом Республики Узбекистан по инвестициям проводить системную работу по привлечению иностранных кредитов и грантов международных финансовых институтов и других зарубежных доноров для оснащения объектов высокотехнологичным медицинским оборудованием.
8. Освободить сроком до 1 сентября 2018 года от таможенных платежей (за исключением сборов за таможенное оформление) медицинское оборудование, строительные материалы, оборудование и комплектующие изделия, не производимые в Республике Узбекистан, ввозимые в рамках реконструкции объектов, по перечням, утверждаемым Кабинетом Министров Республики Узбекистан.
9. Государственному комитету Республики Узбекистан по архитектуре и строительству обеспечить своевременное проведение государственной экспертизы проектно-сметной документации по реконструкции объектов и установить надлежащий государственный архитектурно-строительный надзор за соблюдением качества выполнения строительно-монтажных работ.
10. Контроль за исполнением настоящего постановления возложить на первого заместителя Премьер-министра Республики Узбекистан А.Ж. Раматова.
Премьер-министр Республики Узбекистан А. АРИПОВ
г. Ташкент,
7 апреля 2017 г.,
№ 191