UzbekAI

Ўзбекистон Республикаси Президентининг

Қарори

Алишер Навоий номидаги Ўзбекистон Миллий боғи ҳудудида Адиблар хиёбонини барпо этиш тўғрисида

Алишер Навоий номидаги Ўзбекистон Миллий боғи мустақиллик йилларида халқимизнинг бунёдкорлик салоҳияти билан тобора чирой очиб бормоқда.

Қайд этиш лозимки, 1991 йили Миллий боғ ҳудудида буюк шоир ва мутафаккир Алишер Навоийнинг муаззам ҳайкали барпо этилиб, ўтган давр мобайнида улуғ аждодимиз тараннум этган юксак гуманистик ғояларга ҳамоҳанг равишда, аниқ меъморий режа асосида кенг кўламли қурилиш ва ободонлаштириш ишлари амалга оширилди.

Ушбу ҳудудда 2007 йили Ўзбекистон халқ ёзувчиси Абдулла Қаҳҳор, 2010 йили Ўзбекистон халқ ёзувчиси Ойбек, 2013 йили Ўзбекистон Қаҳрамони, Ўзбекистон халқ ёзувчиси Саид Аҳмад ва таниқли шоира Саида Зуннунова хотираларига бағишлаб ёдгорлик мажмуалари ўрнатилди.

Миллий боғни халқимиз, авваламбор, ёшларимизнинг маданий-маърифий савиясини юксалтиришга хизмат қиладиган, нафақат юртимиз, балки жаҳоннинг турли мамлакатларидан меҳмонлар ва сайёҳлар ташриф буюрадиган ҳар томонлама гўзал ва бетакрор масканга айлантириш, маънавий ҳаётимизда ўчмас из қолдирган атоқли сўз санъаткорларининг тарихий хотирасини абадийлаштириш мақсадида:

1. Ўзбекистон Ёзувчилар уюшмаси, Ўзбекистон Бадиий академияси, Ўзбекистон Республикаси Маданият вазирлиги, Фанлар академияси, Республика Маънавият тарғибот маркази, «Нуроний» жамғармаси, «Маҳалла» хайрия жамоат фонди, «Камолот» ёшлар ижтимоий ҳаракати, Тошкент шаҳар ҳокимлиги ва кенг жамоатчилик вакилларининг Ўзбекистон Миллий боғи ҳудудида Адиблар хиёбонини барпо этиш тўғрисидаги таклифи маъқуллансин.

2. Ўзбекистон Давлат архитектура ва қурилиш қўмитаси Тошкент шаҳар ҳокимлиги, Молия вазирлиги, Маданият вазирлиги, Ўзбекистон Бадиий академияси, Ёзувчилар уюшмаси билан биргаликда бир ой муддатда Ўзбекистон Миллий боғи ҳудудида боғнинг умумий кўриниши ва Алишер Навоий ҳайкали билан уйғун равишда Адиблар хиёбонининг яхлит меъморий ансамбль шаклидаги лойиҳасини ишлаб чиқсин ва тасдиқлаш учун киритсин.

3. Адиблар хиёбонининг меъморий лойиҳасини ишлаб чиқишда ушбу манзилда Ўзбекистон Ёзувчилар уюшмаси учун замонавий янги бино қуриш назарда тутилсин.

4. Мазкур ҳудудда жойлашган Ўзбекистон маданияти ва санъати кўргазмаси биноси Ўзбекистон Ёзувчилар уюшмаси тасарруфига ўтказилсин ва бу ерда доимий равишда китоблар кўргазмалари ва тақдимотлари, турли адабий-маърифий тадбирлар ўтказиладиган адабий марказ ташкил этилсин.

5. Ўзбекистон Бадиий академияси тегишли ташкилот ва идоралар билан биргаликда миллий адабиётимизнинг улкан намояндалари:

Ўзбекистон Қаҳрамони, атоқли олим ва жамоат арбоби Озод Шарафиддинов;

Ўзбекистон Қаҳрамони, Ўзбекистон халқ шоири Эркин Воҳидов;

Ўзбекистон Қаҳрамони, Ўзбекистон халқ шоири Абдулла Орипов;

Ўзбекистон халқ шоири Муҳаммад Юсуф хотирасига бағишланган ёдгорлик мажмуаларини барпо этиш бўйича бир ой муддатда ижодий танлов эълон қилсин ва уни белгиланган тартибда ўтказсин.

6. Ўзбекистон Ёзувчилар уюшмаси, Маданият вазирлиги, Ўзбекистон Бадиий академияси, Республика Маънавият тарғибот маркази:

Тошкент шаҳар ҳокимлигининг пойтахтимиздаги Мирзо Улуғбек туманида жойлашган Ҳамид Олимжон ҳайкалини;

Ғафур Ғулом номидаги маданият ва истироҳат боғида ўрнатилган Ўзбекистон халқ шоири Ғафур Ғулом ҳайкалини;

Ўзбекистон давлат санъат музейи ёнидаги хиёбонда ўрнатилган Ўзбекистон халқ шоири Зулфия ҳайкалини Адиблар хиёбонига кўчириш тўғрисидаги таклифига розилик берилсин.

7. Тошкент шаҳар ҳокимлиги ҳузуридаги «Ягона буюртмачи хизмати» инжиниринг компанияси Адиблар хиёбонининг яхлит меъморий ансамблини барпо этиш бўйича, Ўзбекистон Бадиий академияси мазкур қарорнинг 5-бандида кўрсатилган адибларнинг ҳайкалларини яратиш бўйича буюртмачи этиб, шунингдек, «ТошкентбошпланЛИТИ» ДУК лойиҳа-смета ҳужжатларини ишлаб чиқиш учун бош лойиҳачи этиб белгилансин.

8. Ўзбекистон Давлат архитектура ва қурилиш қўмитаси лойиҳа-смета ҳужжатларини белгиланган тартибда давлат экспертизасидан ўтказсин ва бажарилаётган қурилиш-монтаж ишлари юзасидан давлат архитектура-қурилиш назоратини амалга оширсин.

9. Ўзбекистон Республикаси Вазирлар Маҳкамаси икки ой муддатда тасдиқланган лойиҳа ҳамда ушбу қарорнинг 5-бандида кўрсатилган ижодий танлов натижалари асосида Адиблар хиёбонининг яхлит меъморий ансамблини барпо этиш билан боғлиқ ташкилий масалаларни, шунингдек, молиялаштириш манбаларини белгилаган ҳолда қарор қабул қилсин.

10. Мазкур қарорнинг бажарилишини назорат қилиш Ўзбекистон Республикаси Бош вазири А.Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 18 апрель,

ПҚ-2894-сон

lex.uz

Oʻzbekiston Respublikasi Prezidentining

Qarori

Alisher Navoiy nomidagi Oʻzbekiston Milliy bogʻi hududida Adiblar xiyobonini barpo etish toʻgʻrisida

Alisher Navoiy nomidagi Oʻzbekiston Milliy bogʻi mustaqillik yillarida xalqimizning bunyodkorlik salohiyati bilan tobora chiroy ochib bormoqda.

Qayd etish lozimki, 1991-yili Milliy bogʻ hududida buyuk shoir va mutafakkir Alisher Navoiyning muazzam haykali barpo etilib, oʻtgan davr mobaynida ulugʻ ajdodimiz tarannum etgan yuksak gumanistik gʻoyalarga hamohang ravishda, aniq meʼmoriy reja asosida keng koʻlamli qurilish va obodonlashtirish ishlari amalga oshirildi.

Ushbu hududda 2007-yili Oʻzbekiston xalq yozuvchisi Abdulla Qahhor, 2010-yili Oʻzbekiston xalq yozuvchisi Oybek, 2013-yili Oʻzbekiston Qahramoni, Oʻzbekiston xalq yozuvchisi Said Ahmad va taniqli shoira Saida Zunnunova xotiralariga bagʻishlab yodgorlik majmualari oʻrnatildi.

Milliy bogʻni xalqimiz, avvalambor, yoshlarimizning madaniy-maʼrifiy saviyasini yuksaltirishga xizmat qiladigan, nafaqat yurtimiz, balki jahonning turli mamlakatlaridan mehmonlar va sayyohlar tashrif buyuradigan har tomonlama goʻzal va betakror maskanga aylantirish, maʼnaviy hayotimizda oʻchmas iz qoldirgan atoqli soʻz sanʼatkorlarining tarixiy xotirasini abadiylashtirish maqsadida:

1. Oʻzbekiston Yozuvchilar uyushmasi, Oʻzbekiston Badiiy akademiyasi, Oʻzbekiston Respublikasi Madaniyat vazirligi, Fanlar akademiyasi, Respublika Maʼnaviyat targʻibot markazi, “Nuroniy” jamgʻarmasi, “Mahalla” xayriya jamoat fondi, “Kamolot” yoshlar ijtimoiy harakati, Toshkent shahar hokimligi va keng jamoatchilik vakillarining Oʻzbekiston Milliy bogʻi hududida Adiblar xiyobonini barpo etish toʻgʻrisidagi taklifi maʼqullansin.

2. Oʻzbekiston Davlat arxitektura va qurilish qoʻmitasi Toshkent shahar hokimligi, Moliya vazirligi, Madaniyat vazirligi, Oʻzbekiston Badiiy akademiyasi, Yozuvchilar uyushmasi bilan birgalikda bir oy muddatda Oʻzbekiston Milliy bogʻi hududida bogʻning umumiy koʻrinishi va Alisher Navoiy haykali bilan uygʻun ravishda Adiblar xiyobonining yaxlit meʼmoriy ansambl shaklidagi loyihasini ishlab chiqsin va tasdiqlash uchun kiritsin.

3. Adiblar xiyobonining meʼmoriy loyihasini ishlab chiqishda ushbu manzilda Oʻzbekiston Yozuvchilar uyushmasi uchun zamonaviy yangi bino qurish nazarda tutilsin.

4. Mazkur hududda joylashgan Oʻzbekiston madaniyati va sanʼati koʻrgazmasi binosi Oʻzbekiston Yozuvchilar uyushmasi tasarrufiga oʻtkazilsin va bu yerda doimiy ravishda kitoblar koʻrgazmalari va taqdimotlari, turli adabiy-maʼrifiy tadbirlar oʻtkaziladigan adabiy markaz tashkil etilsin.

5. Oʻzbekiston Badiiy akademiyasi tegishli tashkilot va idoralar bilan birgalikda milliy adabiyotimizning ulkan namoyandalari:

Oʻzbekiston Qahramoni, atoqli olim va jamoat arbobi Ozod Sharafiddinov;

Oʻzbekiston Qahramoni, Oʻzbekiston xalq shoiri Erkin Vohidov;

Oʻzbekiston Qahramoni, Oʻzbekiston xalq shoiri Abdulla Oripov;

Oʻzbekiston xalq shoiri Muhammad Yusuf xotirasiga bagʻishlangan yodgorlik majmualarini barpo etish boʻyicha bir oy muddatda ijodiy tanlov eʼlon qilsin va uni belgilangan tartibda oʻtkazsin.

6. Oʻzbekiston Yozuvchilar uyushmasi, Madaniyat vazirligi, Oʻzbekiston Badiiy akademiyasi, Respublika Maʼnaviyat targʻibot markazi:

Toshkent shahar hokimligining poytaxtimizdagi Mirzo Ulugʻbek tumanida joylashgan Hamid Olimjon haykalini;

Gʻafur Gʻulom nomidagi madaniyat va istirohat bogʻida oʻrnatilgan Oʻzbekiston xalq shoiri Gʻafur Gʻulom haykalini;

Oʻzbekiston davlat sanʼat muzeyi yonidagi xiyobonda oʻrnatilgan Oʻzbekiston xalq shoiri Zulfiya haykalini Adiblar xiyoboniga koʻchirish toʻgʻrisidagi taklifiga rozilik berilsin.

7. Toshkent shahar hokimligi huzuridagi “Yagona buyurtmachi xizmati” injiniring kompaniyasi Adiblar xiyobonining yaxlit meʼmoriy ansamblini barpo etish boʻyicha, Oʻzbekiston Badiiy akademiyasi mazkur qarorning 5-bandida koʻrsatilgan adiblarning haykallarini yaratish boʻyicha buyurtmachi etib, shuningdek, “ToshkentboshplanLITI” DUK loyiha-smeta hujjatlarini ishlab chiqish uchun bosh loyihachi etib belgilansin.

8. Oʻzbekiston Davlat arxitektura va qurilish qoʻmitasi loyiha-smeta hujjatlarini belgilangan tartibda davlat ekspertizasidan oʻtkazsin va bajarilayotgan qurilish-montaj ishlari yuzasidan davlat arxitektura-qurilish nazoratini amalga oshirsin.

9. Oʻzbekiston Respublikasi Vazirlar Mahkamasi ikki oy muddatda tasdiqlangan loyiha hamda ushbu qarorning 5-bandida koʻrsatilgan ijodiy tanlov natijalari asosida Adiblar xiyobonining yaxlit meʼmoriy ansamblini barpo etish bilan bogʻliq tashkiliy masalalarni, shuningdek, moliyalashtirish manbalarini belgilagan holda qaror qabul qilsin.

10. Mazkur qarorning bajarilishini nazorat qilish Oʻzbekiston Respublikasi Bosh vaziri A.Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 18-aprel,

PQ-2894-son

lex.uz

Президента Республики Узбекистан

Постановление

О создании Аллеи литераторов в Национальном парке Узбекистана имени Алишера Навои

Благодаря созидательному труду нашего народа в годы независимости все более преображается Национальный парк Узбекистана имени Алишера Навои.

В 1991 году на территории Национального парка был установлен памятник великому поэту и мыслителю Алишеру Навои, и за прошедшее время здесь в соответствии с высокими гуманистическими идеями нашего гениального предка и на основе четкого архитектурного плана осуществлена широкомасштабная работа по строительству и благоустройству.

На территории парка установлены памятники известным литераторам страны: народному писателю Узбекистана Абдулле Каххару — в 2007 году, народному писателю Узбекистана Айбеку — в 2010 году, Герою Узбекистана, народному писателю Узбекистана Саиду Ахмаду и известной поэтессе Саиде Зуннуновой — в 2013 году.

В целях увековечения памяти выдающихся мастеров слова, оставивших яркий след в духовной жизни нашего народа, превращения Национального парка в уникальный историко-культурный комплекс, способствующий повышению культурного уровня населения, прежде всего молодежи, а также ознакомлению гостей и туристов из разных стран мира с достижениями национальной литературы:

1. Одобрить предложение Союза писателей Узбекистана, Академии художеств Узбекистана, Министерства культуры, Академии наук Республики Узбекистан, Республиканского центра духовности, фонда «Нуроний», благотворительного общественного фонда «Махалла», общественного движения молодежи «Камолот», хокимията города Ташкента и представителей широкой общественности о создании Аллеи литераторов в Национальном парке Узбекистана имени Алишера Навои.

2. Государственному комитету Республики Узбекистан по архитектуре и строительству совместно с хокимиятом города Ташкента, Министерством финансов, Министерством культуры, Академией художеств, Союзом писателей Узбекистана в месячный срок разработать и внести на утверждение проект Аллеи литераторов как части единого архитектурного ансамбля Национального парка Узбекистана, гармонично сочетающейся с общей композицией парка и памятником Алишеру Навои.

3. При разработке архитектурного проекта Аллеи литераторов предусмотреть строительство на территории парка нового здания для Союза писателей Узбекистана.

4. Передать в ведение Союза писателей Узбекистана здание Выставочного зала культуры и искусства Узбекистана, расположенное на территории парка, и организовать в нем литературный центр для проведения выставок и презентаций книг, различных литературно-просветительских мероприятий.

5. Академии художеств Узбекистана совместно с соответствующими организациями и ведомствами в месячный срок объявить и в установленном порядке провести творческий конкурс на создание памятников выдающимся представителям национальной литературы:

Герою Узбекистана, известному ученому и общественному деятелю Озоду Шарафиддинову;

Герою Узбекистана, народному поэту Узбекистана Эркину Вахидову;

Герою Узбекистана, народному поэту Узбекистана Абдулле Арипову;

народному поэту Узбекистана Мухаммаду Юсуфу.

6. Согласиться с предложением Союза писателей Узбекистана, Министерства культуры, Академии художеств Узбекистана, Республиканского центра духовности, хокимията города Ташкента о переносе на Аллею литераторов:

памятника Хамиду Алимджану, расположенного в Мирзо-Улугбекском районе города Ташкента;

памятника народному поэту Узбекистана Гафуру Гуляму, установленного на территории носящего его имя парка культуры и отдыха;

памятника народному поэту Узбекистана Зульфие, установленного возле Государственного музея искусств Узбекистана.

7. Определить заказчиком в создании единого архитектурного ансамбля Аллеи литераторов — инжиниринговую компанию «Служба единого заказчика» при хокимияте города Ташкента, заказчиком в создании памятников литераторам, названным в пункте 5 настоящего постановления, — Академию художеств Узбекистана, главным проектировщиком в разработке проектно-сметной документации — ГУП «ТошкентбошпланЛИТИ».

8. Государственному комитету Республики Узбекистан по архитектуре и строительству провести в установленном порядке государственную экспертизу проектно-сметной документации и обеспечить государственный архитектурно-строительный надзор за осуществляемыми строительно-монтажными работами.

9. Кабинету Министров Республики Узбекистан в двухмесячный срок на основе утвержденного проекта и результатов творческого конкурса, указанного в пункте 5 настоящего постановления, принять постановление, предусматривающее решение организационных вопросов, связанных с созданием единого архитектурного ансамбля Аллеи литераторов, а также определяющее источники финансирования.

10. Контроль за исполнением настоящего постановления возложить на Премьер-министра Республики Узбекистан А. Арипова.

Президент Республики Узбекистан Ш. МИРЗИЁЕВ

г. Ташкент,

18 апреля 2017 г.,

№ ПП-2894

lex.uz