📅 2017-yil 12-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 12 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 апреля 2017 г. · Постановления Президента
Официальный текст. Официальный документ. Редакционные примечания не включены.
📅 12 April 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
прогноз параметрлари
РЎЙХАТИ
«Ўзкимёсаноат» АЖ бошқарув тузилмасини такомиллаштириш чора-тадбирлари тўғрисида
Ишлаб чиқарилаётган кимё маҳсулотлари таннархини пасайтириш ҳисобига унинг ташқи ва ички бозорлардаги рақобатдошлигини ошириш, ишлаб чиқаришни диверсификациялашни чуқурлаштириш, кимё тармоғи корхоналарини янада модернизациялаш, реконструкциялаш ва техник қайта жиҳозлашни амалга ошириш, энергия ва ресурсларни тежайдиган замонавий технологияларни жорий этиш асосида харидоргир маҳсулот турларини кенгайтириш ва ишлаб чиқариш ҳажмини кўпайтириш, шунингдек, тармоқни бошқариш тизимини тубдан такомиллаштириш, корпоратив бошқарувнинг илғор усулларини кенг қўллаш мақсадида:
1. Вазирлар Маҳкамасининг Геология, ёқилғи-энергетика комплекси, кимё, нефт кимё ва металлургия саноати масалалари комплексининг раҳбари Ғ.И. Ибрагимовга, «Ўзкимёсаноат» АЖ ҳамда акциядорлик жамиятининг ташкилий тузилмасига кирувчи кимё саноати корхоналарининг раҳбарларига ишлаб чиқариш сарф-харажатларини камайтириш ва таннархини пасайтириш, энергия ва ресурсларни тежайдиган замонавий технологиялар ва ускуналарни татбиқ этиш бўйича таъсирчан чораларни амалга оширмаганликлари кўрсатиб ўтилсин.
Ишлаб чиқариш харажатлари ва маҳсулот таннархини оғишмай тубдан камайтириб бориш, мавжуд резервларни аниқлаш, энергия, материаллар ва ресурсларни тежайдиган илғор технологияларни жадал татбиқ этиш, ишлаб чиқариш сарф-харажатларини қисқартириш бўйича тизимли ишларни амалга ошириш кимё тармоғи корхоналарининг энг муҳим вазифаси деб ҳисоблансин. Таннархни арзонлаштириш ишлаб чиқарилаётган кимё маҳсулотларининг ички ва ташқи бозорларда рақобатдошлигини оширишнинг энг муҳим омили деб қаралсин.
2. Қуйидагилар «Ўзкимёсаноат» АЖнинг асосий вазифалари ва фаолият йўналишлари этиб белгилансин:
ишлаб чиқариш сарф-харажатлари ва кимё корхоналари томонидан ишлаб чиқариладиган маҳсулотлар таннархи даражасига таъсир ўтказувчи омилларни чуқур таҳлил этиш, ресурс ва энергия тежайдиган замонавий технология ва ускуналарни, ишлаб чиқариш жараёнлари ва сотувларни бошқаришнинг энг янги электрон-ахборот тизимларини жорий этиш, маҳсулотларнинг материаллар сиғимини камайтириш, бошқарув ходимлари сонини ва ноишлаб чиқариш сарф-харажатларини оптималлаштириш ҳисобига ишлаб чиқариш харажатлари ва маҳсулотлар таннархини тубдан пасайтириш бўйича аниқ чора-тадбирларни ишлаб чиқиш;
тармоқда ишлаб чиқаришни янада диверсификациялашга, мамлакат минерал хомашё ресурслари захираларини тобора чуқурроқ қайта ишлашга, юқори қўшилган қийматли харидоргир сифатли кимё маҳсулотлари ишлаб чиқаришни ва тармоқ корхоналарида технологик хавфсизликни таъминлайдиган юқори технологияли замонавий ускуналар ва инновацион технологияларни тармоққа кенг жорий этишга йўналтирилган ягона техник сиёсатни амалга ошириш;
кимё саноати маҳсулотларининг жаҳон конъюнктураси тенденцияларини чуқур ўрганиш ва бунинг асосида жаҳон бозорларида харидоргир бўлган кимё буюмларининг хилма-хил турларини ишлаб чиқаришни ўзлаштириш, маҳаллий маҳсулотларни янги ташқи бозорларга олиб чиқиш;
импорт бўйича республикага олиб келинаётган кимё маҳсулотларини таҳлил қилиш ва кимё ишлаб чиқаришларини маҳаллийлаштириш даражасини муттасил чуқурлаштириб бориш, тармоқлараро саноат кооперациясини, шу жумладан, кичик тадбиркорлик субъектлари билан республикамизнинг йирик корхоналари ўртасида кооперация алоқаларини кенгайтириш;
республика қишлоқ хўжалиги товар ишлаб чиқарувчиларини агротехнология нормаларига мувофиқ мутаносиб нисбатдаги азот, фосфор, калий ва комплекс ўғитлар билан барқарор таъминлаш;
фаол инвестиция сиёсатини юритиш, лойиҳа ишлари, уларнинг экспертизасини такомиллаштириш, тармоққа тўғридан-тўғри хорижий инвестицияларни жалб этиш;
«Ўзкимёсаноат» АЖ тузилмасига кирувчи акциядорлик жамиятлари фаолияти самарадорлигини оширишга кўмаклашиш, уларда замонавий корпоратив бошқарув усулларини жорий этиш ва такомиллаштириш;
янги рақобатдош, инновацион технологиялар, маҳсулот турлари яратиш ва жорий этишга, маҳсулотга энергия ва ресурс сарфини камайтиришга, ишлаб чиқариш харажатларини қисқартиришга йўналтирилган илмий тадқиқотлар, шу жумладан, тармоқлараро илмий тадқиқотларни қўллаб-қувватлаш ва рағбатлантириш;
замонавий корпоратив бошқарув усулларини эгаллаган, бозор шароитларида ишларни самарали ташкил эта оладиган муҳандис-техник ва бошқарув кадрлари малакасини ошириш ва қайта тайёрлаш.
6. «Ўзкимёсаноат» АЖ:
ишларни тизимли асосда ташкил қилсин ва 4-иловага мувофиқ 2017 йилда корхоналар бўйича ишлаб чиқариш харажатларини камайтириш ҳамда маҳсулот таннархини пасайтиришнинг прогноз параметрларига сўзсиз эришишни таъминласин;
ишлаб чиқариш харажатларининг ва тармоқ корхоналари томонидан ишлаб чиқарилаётган маҳсулотлар таннархининг муттасил камайиб боришини таъминлайдиган омилларни доимо пухта таҳлил этиб борсин ҳамда 2017 йилнинг 1 декабрига қадар муддатда 2018-2019 йилларда ишлаб чиқариш харажатларини камайтириш ва ишлаб чиқарилаётган кимё маҳсулотларининг рақобатдошлигини ошириш бўйича аниқ чора-тадбирлар дастурини Ўзбекистон Республикаси Вазирлар Маҳкамасига тасдиқлаш учун киритсин.
7. «Ўзкимёсаноат» АЖ Ўзбекистон Республикаси Иқтисодиёт вазирлиги ва Молия вазирлиги билан биргаликда икки ой муддатда 2017 — 2021 йилларда кимё саноатини ривожлантириш дастурини ишлаб чиқсин ва Вазирлар Маҳкамасига киритсин, унда фосфорли ўғитлар ишлаб чиқариш бўйича мавжуд қувватларни кенгайтириш, ички ва ташқи бозорларда талаб бўлган кимё маҳсулотлари ишлаб чиқариш бўйича мослашувчан қувватларни ташкил этиш юзасидан аниқ чора-тадбирлар назарда тутилсин.
8. Ўзбекистон Республикаси Президенти ва Ўзбекистон Республикаси Ҳукуматининг баъзи қарорларига 5-иловага мувофиқ ўзгартиш ва қўшимчалар киритилсин.
9. Ўзбекистон Республикаси Президенти ва Ўзбекистон Республикаси Ҳукуматининг айрим қарорлари 6-иловага мувофиқ ўз кучини йўқотган деб ҳисоблансин.
10. «Ўзкимёсаноат» АЖ Ўзбекистон Республикаси Адлия вазирлиги билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.
Ўзбекистон Республикаси Президентининг 2017 йил 12 апрелдаги ПҚ-2884-сонли қарорига 4-ИЛОВА
2017 йилда «Ўзкимёсаноат» АЖ корхоналари кесимида ишлаб чиқариш харажатларини қисқартиришнинг
Корхоналар номи Ўлчов бирлиги Харажатлар қисқариши параметрлари Шу жумладан: ишлаб чиқариш харажатлари ҳисобига Қўшимча харажатлар ҳисобига жами шулардан : жами шулардан : энергия ресурсларини тежаш хомашё ва материалларга харажатларни оптималлаштириш технологик ва бошқа нобудгарчиликларни камайтириш саноат-ишлаб чиқариш ходимлари сонини оптималлаштириш Бошқа ишлаб чиқариш харажатлари ва эксплуатация чиқимларини камайтириш МБХга сарф-харажатларни қисқартириш қўшимча харажатларни камайтириш «Ў зкимёсаноат » АЖ % 103 6,1 0,9 0,7 13 0,4 2,8 4,2 0,01 4,2 млн сўм 254 231 150 564 23 109 17 245 32 780 9 059 68 371 103 667 313 103 354 шу жумладан : « Навои й азот » АЖ % 7,7 7,0 0,5 1,7 3,8 0,3 0,7 0,6 - 0,6 млн. сўм 62 357 57 308 3 992 14 086 30 985 2 250 5 994 5 049 - 5 049 « Максам-Чирчи қ» АЖ % 3,7 2,5 1,3 0,02 - 1,1 0,08 1,2 0,03 1,09 млн. сўм 23 574 16 023 8 573 139 - 6 809 503 7 551 174 7 377 «Фарғонаазот» АЖ % 6,3 6,3 1,7 0,2 - - 4,3 0,002 - 0,002 млн. сўм 37 194 37 181 9 973 1 409 - - 25 799 13 - 13 «Деҳқонобод калий ўғитлари заводи» У К % 40,0 9,1 0,16 0,06 0,08 - 8,8 31,0 - 31,0 млн. сўм 117 358 26 546 470 172 243 - 25 662 90 811 - 90 811 «Қў н ғи р о д сод а завод и» У К % 10,2 10,0 0,07 1,1 1,2 - 7,7 0,2 0,1 0,08 млн. сўм 13 749 13 505 101 1 438 1 552 - 10 414 243 139 104
Ўзбекистон Республикаси Президентининг 2017 йил 12 апрелдаги ПҚ-2884-сонли қарорига 6-ИЛОВА
Ўзбекистон Республикаси Президенти ва Ўзбекистон Республикаси Ҳукуматининг ўз кучини йўқотган деб топилган айрим қарорлари
1. Ўзбекистон Республикаси Президентининг «Давлат активларига эга айрим йирик акциядорлик компаниялари Кенгашларининг таркибларини тасдиқлаш тўғрисида» 2006 йил 24 июлдаги ПҚ-424-сонли қарори 2-иловасининг 3-банди .
2. Вазирлар Маҳкамасининг «Кимё саноати корхоналари ишини барқарорлаштириш чора-тадбирлари ва уларни янада ривожлантириш йўналишлари тўғрисида» 1994 йил 9 июндаги 292-сонли қарори .
3. Вазирлар Маҳкамасининг «Кимё саноати корхоналарини бошқариш тузилмасини такомиллаштириш ва қишлоқ хўжалигига агрокимё хизмати кўрсатишни яхшилаш чора-тадбирлари тўғрисида» 2004 йил 23 январдаги 33-сонли қарори .
4. Вазирлар Маҳкамасининг «Ўзкимёсаноат» давлат-акциядорлик компанияси ташкилий тузилмасини қисман ўзгартириш тўғрисида» 2004 йил 31 мартдаги 154-сонли қарори .
5. Вазирлар Маҳкамасининг «Ўзкимёсаноат» давлат-акциядорлик компанияси таркибига ўзгартириш киритиш тўғрисида» 2004 йил 12 октябрдаги 471-сонли қарори (Ўзбекистон Республикасининг қонун ҳужжатлари тўплами, 2004 йил, № 40-41, 439-модда).
6. Вазирлар Маҳкамасининг «Ўзбекистон Республикаси Ҳукуматининг вазирликлар, давлат қўмиталари ва идоралар тўғрисидаги низомларни тасдиқлаш бўйича айрим қарорларига ўзгартириш ва қўшимчалар киритиш ҳақида» 2010 йил 5 июндаги 108-сонли қарори иловасининг 29-банди (Ўзбекистон Республикасининг ҚТ, 2010 йил, № 6, 27-модда).
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 12 апрель,
ПҚ-2884-сон
Oʻzbekiston Respublikasi Prezidentining
Qarori
prognoz parametrlari
ROʻYXATI
“Oʻzkimyosanoat” AJ boshqaruv tuzilmasini takomillashtirish chora-tadbirlari toʻgʻrisida
Ishlab chiqarilayotgan kimyo mahsulotlari tannarxini pasaytirish hisobiga uning tashqi va ichki bozorlardagi raqobatdoshligini oshirish, ishlab chiqarishni diversifikatsiyalashni chuqurlashtirish, kimyo tarmogʻi korxonalarini yanada modernizatsiyalash, rekonstruksiyalash va texnik qayta jihozlashni amalga oshirish, energiya va resurslarni tejaydigan zamonaviy texnologiyalarni joriy etish asosida xaridorgir mahsulot turlarini kengaytirish va ishlab chiqarish hajmini koʻpaytirish, shuningdek, tarmoqni boshqarish tizimini tubdan takomillashtirish, korporativ boshqaruvning ilgʻor usullarini keng qoʻllash maqsadida:
1. Vazirlar Mahkamasining Geologiya, yoqilgʻi-energetika kompleksi, kimyo, neft kimyo va metallurgiya sanoati masalalari kompleksining rahbari Gʻ.I. Ibragimovga, “Oʻzkimyosanoat” AJ hamda aksiyadorlik jamiyatining tashkiliy tuzilmasiga kiruvchi kimyo sanoati korxonalarining rahbarlariga ishlab chiqarish sarf-xarajatlarini kamaytirish va tannarxini pasaytirish, energiya va resurslarni tejaydigan zamonaviy texnologiyalar va uskunalarni tatbiq etish boʻyicha taʼsirchan choralarni amalga oshirmaganliklari koʻrsatib oʻtilsin.
Ishlab chiqarish xarajatlari va mahsulot tannarxini ogʻishmay tubdan kamaytirib borish, mavjud rezervlarni aniqlash, energiya, materiallar va resurslarni tejaydigan ilgʻor texnologiyalarni jadal tatbiq etish, ishlab chiqarish sarf-xarajatlarini qisqartirish boʻyicha tizimli ishlarni amalga oshirish kimyo tarmogʻi korxonalarining eng muhim vazifasi deb hisoblansin. Tannarxni arzonlashtirish ishlab chiqarilayotgan kimyo mahsulotlarining ichki va tashqi bozorlarda raqobatdoshligini oshirishning eng muhim omili deb qaralsin.
2. Quyidagilar “Oʻzkimyosanoat” AJning asosiy vazifalari va faoliyat yoʻnalishlari etib belgilansin:
ishlab chiqarish sarf-xarajatlari va kimyo korxonalari tomonidan ishlab chiqariladigan mahsulotlar tannarxi darajasiga taʼsir oʻtkazuvchi omillarni chuqur tahlil etish, resurs va energiya tejaydigan zamonaviy texnologiya va uskunalarni, ishlab chiqarish jarayonlari va sotuvlarni boshqarishning eng yangi elektron-axborot tizimlarini joriy etish, mahsulotlarning materiallar sigʻimini kamaytirish, boshqaruv xodimlari sonini va noishlab chiqarish sarf-xarajatlarini optimallashtirish hisobiga ishlab chiqarish xarajatlari va mahsulotlar tannarxini tubdan pasaytirish boʻyicha aniq chora-tadbirlarni ishlab chiqish;
tarmoqda ishlab chiqarishni yanada diversifikatsiyalashga, mamlakat mineral xomashyo resurslari zaxiralarini tobora chuqurroq qayta ishlashga, yuqori qoʻshilgan qiymatli xaridorgir sifatli kimyo mahsulotlari ishlab chiqarishni va tarmoq korxonalarida texnologik xavfsizlikni taʼminlaydigan yuqori texnologiyali zamonaviy uskunalar va innovatsion texnologiyalarni tarmoqqa keng joriy etishga yoʻnaltirilgan yagona texnik siyosatni amalga oshirish;
kimyo sanoati mahsulotlarining jahon konyunkturasi tendensiyalarini chuqur oʻrganish va buning asosida jahon bozorlarida xaridorgir boʻlgan kimyo buyumlarining xilma-xil turlarini ishlab chiqarishni oʻzlashtirish, mahalliy mahsulotlarni yangi tashqi bozorlarga olib chiqish;
import boʻyicha respublikaga olib kelinayotgan kimyo mahsulotlarini tahlil qilish va kimyo ishlab chiqarishlarini mahalliylashtirish darajasini muttasil chuqurlashtirib borish, tarmoqlararo sanoat kooperatsiyasini, shu jumladan, kichik tadbirkorlik subyektlari bilan respublikamizning yirik korxonalari oʻrtasida kooperatsiya aloqalarini kengaytirish;
respublika qishloq xoʻjaligi tovar ishlab chiqaruvchilarini agrotexnologiya normalariga muvofiq mutanosib nisbatdagi azot, fosfor, kaliy va kompleks oʻgʻitlar bilan barqaror taʼminlash;
faol investitsiya siyosatini yuritish, loyiha ishlari, ularning ekspertizasini takomillashtirish, tarmoqqa toʻgʻridan-toʻgʻri xorijiy investitsiyalarni jalb etish;
“Oʻzkimyosanoat” AJ tuzilmasiga kiruvchi aksiyadorlik jamiyatlari faoliyati samaradorligini oshirishga koʻmaklashish, ularda zamonaviy korporativ boshqaruv usullarini joriy etish va takomillashtirish;
yangi raqobatdosh, innovatsion texnologiyalar, mahsulot turlari yaratish va joriy etishga, mahsulotga energiya va resurs sarfini kamaytirishga, ishlab chiqarish xarajatlarini qisqartirishga yoʻnaltirilgan ilmiy tadqiqotlar, shu jumladan, tarmoqlararo ilmiy tadqiqotlarni qoʻllab-quvvatlash va ragʻbatlantirish;
zamonaviy korporativ boshqaruv usullarini egallagan, bozor sharoitlarida ishlarni samarali tashkil eta oladigan muhandis-texnik va boshqaruv kadrlari malakasini oshirish va qayta tayyorlash.
6. “Oʻzkimyosanoat” AJ:
ishlarni tizimli asosda tashkil qilsin va 4-ilovaga muvofiq 2017-yilda korxonalar boʻyicha ishlab chiqarish xarajatlarini kamaytirish hamda mahsulot tannarxini pasaytirishning prognoz parametrlariga soʻzsiz erishishni taʼminlasin;
ishlab chiqarish xarajatlarining va tarmoq korxonalari tomonidan ishlab chiqarilayotgan mahsulotlar tannarxining muttasil kamayib borishini taʼminlaydigan omillarni doimo puxta tahlil etib borsin hamda 2017-yilning 1-dekabriga qadar muddatda 2018-2019-yillarda ishlab chiqarish xarajatlarini kamaytirish va ishlab chiqarilayotgan kimyo mahsulotlarining raqobatdoshligini oshirish boʻyicha aniq chora-tadbirlar dasturini Oʻzbekiston Respublikasi Vazirlar Mahkamasiga tasdiqlash uchun kiritsin.
7. “Oʻzkimyosanoat” AJ Oʻzbekiston Respublikasi Iqtisodiyot vazirligi va Moliya vazirligi bilan birgalikda ikki oy muddatda 2017 — 2021-yillarda kimyo sanoatini rivojlantirish dasturini ishlab chiqsin va Vazirlar Mahkamasiga kiritsin, unda fosforli oʻgʻitlar ishlab chiqarish boʻyicha mavjud quvvatlarni kengaytirish, ichki va tashqi bozorlarda talab boʻlgan kimyo mahsulotlari ishlab chiqarish boʻyicha moslashuvchan quvvatlarni tashkil etish yuzasidan aniq chora-tadbirlar nazarda tutilsin.
8. Oʻzbekiston Respublikasi Prezidenti va Oʻzbekiston Respublikasi Hukumatining baʼzi qarorlariga 5-ilovaga muvofiq oʻzgartish va qoʻshimchalar kiritilsin.
9. Oʻzbekiston Respublikasi Prezidenti va Oʻzbekiston Respublikasi Hukumatining ayrim qarorlari 6-ilovaga muvofiq oʻz kuchini yoʻqotgan deb hisoblansin.
10. “Oʻzkimyosanoat” AJ Oʻzbekiston Respublikasi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasi Prezidentining 2017-yil 12-apreldagi PQ-2884-sonli qaroriga 4-ILOVA
2017-yilda “Oʻzkimyosanoat” AJ korxonalari kesimida ishlab chiqarish xarajatlarini qisqartirishning
Korxonalar nomi Oʻlchov birligi Xarajatlar qisqarishi parametrlari Shu jumladan: ishlab chiqarish xarajatlari hisobiga Qoʻshimcha xarajatlar hisobiga jami shulardan : jami shulardan : energiya resurslarini tejash xomashyo va materiallarga xarajatlarni optimallashtirish texnologik va boshqa nobudgarchiliklarni kamaytirish sanoat-ishlab chiqarish xodimlari sonini optimallashtirish Boshqa ishlab chiqarish xarajatlari va ekspluatatsiya chiqimlarini kamaytirish MBXga sarf-xarajatlarni qisqartirish qoʻshimcha xarajatlarni kamaytirish “Oʻ zkimyosanoat ” AJ % 103 6,1 0,9 0,7 13 0,4 2,8 4,2 0,01 4,2 mln soʻm 254 231 150 564 23 109 17 245 32 780 9 059 68 371 103 667 313 103 354 shu jumladan : “ Navoi y azot ” AJ % 7,7 7,0 0,5 1,7 3,8 0,3 0,7 0,6 - 0,6 mln. soʻm 62 357 57 308 3 992 14 086 30 985 2 250 5 994 5 049 - 5 049 “ Maksam-Chirchi q” AJ % 3,7 2,5 1,3 0,02 - 1,1 0,08 1,2 0,03 1,09 mln. soʻm 23 574 16 023 8 573 139 - 6 809 503 7 551 174 7 377 “Fargʻonaazot” AJ % 6,3 6,3 1,7 0,2 - - 4,3 0,002 - 0,002 mln. soʻm 37 194 37 181 9 973 1 409 - - 25 799 13 - 13 “Dehqonobod kaliy oʻgʻitlari zavodi” U K % 40,0 9,1 0,16 0,06 0,08 - 8,8 31,0 - 31,0 mln. soʻm 117 358 26 546 470 172 243 - 25 662 90 811 - 90 811 “Qoʻ n gʻi r o d sod a zavod i” U K % 10,2 10,0 0,07 1,1 1,2 - 7,7 0,2 0,1 0,08 mln. soʻm 13 749 13 505 101 1 438 1 552 - 10 414 243 139 104
Oʻzbekiston Respublikasi Prezidentining 2017-yil 12-apreldagi PQ-2884-sonli qaroriga 6-ILOVA
Oʻzbekiston Respublikasi Prezidenti va Oʻzbekiston Respublikasi Hukumatining oʻz kuchini yoʻqotgan deb topilgan ayrim qarorlari
1. Oʻzbekiston Respublikasi Prezidentining “Davlat aktivlariga ega ayrim yirik aksiyadorlik kompaniyalari Kengashlarining tarkiblarini tasdiqlash toʻgʻrisida” 2006-yil 24-iyuldagi PQ-424-sonli qarori 2-ilovasining 3-bandi .
2. Vazirlar Mahkamasining “Kimyo sanoati korxonalari ishini barqarorlashtirish chora-tadbirlari va ularni yanada rivojlantirish yoʻnalishlari toʻgʻrisida” 1994-yil 9-iyundagi 292-sonli qarori .
3. Vazirlar Mahkamasining “Kimyo sanoati korxonalarini boshqarish tuzilmasini takomillashtirish va qishloq xoʻjaligiga agrokimyo xizmati koʻrsatishni yaxshilash chora-tadbirlari toʻgʻrisida” 2004-yil 23-yanvardagi 33-sonli qarori .
4. Vazirlar Mahkamasining “Oʻzkimyosanoat” davlat-aksiyadorlik kompaniyasi tashkiliy tuzilmasini qisman oʻzgartirish toʻgʻrisida” 2004-yil 31-martdagi 154-sonli qarori .
5. Vazirlar Mahkamasining “Oʻzkimyosanoat” davlat-aksiyadorlik kompaniyasi tarkibiga oʻzgartirish kiritish toʻgʻrisida” 2004-yil 12-oktabrdagi 471-sonli qarori (Oʻzbekiston Respublikasining qonun hujjatlari toʻplami, 2004-yil, № 40-41, 439-modda).
6. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-sonli qarori ilovasining 29-bandi (Oʻzbekiston Respublikasining QT, 2010-yil, № 6, 27-modda).
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 12-aprel,
PQ-2884-son
Президента Республики Узбекистан
Постановление
Прогнозные параметры
ПЕРЕЧЕНЬ
О мерах по совершенствованию структуры управления АО «Узкимёсаноат»
В целях кардинального повышения конкурентоспособности на внешнем и внутреннем рынках производимой химической продукции за счет снижения ее себестоимости, расширения ассортимента и увеличения объема производства востребованной продукции на основе углубления диверсификации производства, осуществления дальнейшей модернизации, реконструкции и технического перевооружения предприятий химической отрасли, внедрения современных энергоэффективных и ресурсосберегающих технологий, а также коренного совершенствования системы управления отраслью, широкого применения прогрессивных методов корпоративного управления:
1. Указать руководителю Комплекса Кабинета Министров по вопросам геологии, топливно-энергетического комплекса, химической, нефтехимической и металлургической промышленности Ибрагимову Г.И., руководителям АО «Узкимёсаноат» и химических промышленных предприятий, входящих в организационную структуру акционерного общества, на непринятие действенных мер по сокращению издержек производства и снижения себестоимости, внедрению современных энерго- и ресурсосберегающих технологий и оборудования.
Считать важнейшей задачей предприятий химической отрасли проведение системной работы по неуклонному кардинальному снижению издержек производства и себестоимости продукции, выявлению имеющихся резервов, ускоренному внедрению прогрессивных энергоэффективных, материало- и ресурсосберегающих технологий, сокращению производственных затрат. Рассматривать снижение себестоимости как важнейший фактор повышения конкурентоспособности производимой химической продукции на внутреннем и внешних рынках.
2. Определить основными задачами и направлениями деятельности АО «Узкимёсаноат»:
проведение глубокого анализа факторов, влияющих на уровень издержек производства и себестоимости производимой химическими предприятиями продукции, выработку конкретных мер по их кардинальному снижению за счет внедрения современных ресурсо- и энергосберегающих технологий и оборудования, новейших электронно-информационных систем управления производственными процессами и продажами, сокращению материалоемкости продукции, оптимизации численности управленческого персонала и непроизводительных затрат;
проведение единой технической политики в отрасли, направленной на дальнейшую диверсификацию производства, более глубокую переработку отечественных запасов минерально-сырьевых ресурсов, широкое внедрение в отрасли современного высокотехнологического оборудования и инновационных технологий, обеспечивающих производство пользующейся спросом качественной химической продукции с высокой добавленной стоимостью и технологическую безопасность на предприятиях отрасли;
глубокое изучение тенденций мировой конъюнктуры на продукцию химической промышленности и на этой основе освоение выпуска широкой номенклатуры химических изделий, пользующейся спросом на мировых рынках, продвижение отечественной продукции на новые внешние рынки;
анализ завозимой в республику по импорту химической продукции и постоянное углубление уровня локализации химических производств, расширение межотраслевой промышленной кооперации, в том числе с субъектами малого предпринимательства и крупными предприятиями республики;
устойчивое обеспечение сельскохозяйственных товаропроизводителей республики азотными, фосфорными, калийными и комплексными удобрениями в их сбалансированном соотношении в соответствии с агротехнологическими нормами;
проведение активной инвестиционной политики, совершенствование проектных работ, их экспертизы, привлечение в отрасль прямых иностранных инвестиций;
содействие в повышении эффективности деятельности акционерных обществ, входящих в структуру АО «Узкимёсаноат», внедрение и совершенствование в них современных методов корпоративного управления;
поддержку и стимулирование научных исследований, в том числе межотраслевых, направленных на создание и внедрение новых конкурентных, инновационных технологий, видов продукции, снижение энерго- и ресурсоемкости продукции, издержек производства;
повышение квалификации и переподготовку инженерно-технических и управленческих кадров, владеющих современными методами корпоративного управления, способных организовать эффективную работу в рыночных условиях.
6. АО «Узкимёсаноат»:
организовать на системной основе работу и обеспечить безусловное достижение прогнозных параметров сокращения производственных затрат и снижения себестоимости продукции в разрезе предприятий в 2017 году согласно приложению № 4 ;
постоянно проводить тщательный анализ факторов, обеспечивающих неуклонное снижение производственных затрат и себестоимости производимой предприятиями отрасли продукции и в срок до 1 декабря 2017 года внести на утверждение в Кабинет Министров Республики Узбекистан Программу конкретных мер по снижению издержек производства и повышению конкурентоспособности производимой химической продукции на 2018-2019 годы.
7. АО «Узкимёсаноат» совместно с Министерством экономики, Министерством финансов Республики в двухмесячный срок разработать и внести в Кабинет Министров Программу развития химической промышленности на 2017 — 2021 годы, предусмотрев в ней конкретные меры по расширению имеющихся мощностей по производству фосфорных удобрений, организации гибких производств по выпуску химической продукции, востребованной на внутреннем и внешнем рынках.
8. Внести изменения и дополнения в некоторые решения Президента Республики Узбекистан и Правительства Республики Узбекистан согласно приложению № 5 .
9. Признать утратившими силу некоторые решения Президента Республики Узбекистан и Правительства Республики Узбекистан согласно приложению № 6 .
10. АО «Узкимёсаноат» совместно с Министерством юстиции Республики Узбекистан в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на заместителя Премьер-министра Республики Узбекистан Г.И. Ибрагимова.
ПРИЛОЖЕНИЕ № 4 к постановлению Президента Республики Узбекистан от 12 апреля 2017 года № ПП-2884
сокращения производственных затрат в разрезе предприятий АО «Узкимёсаноат» на 2017 год
Наименование предприятий Единица измерения Параметры снижения затрат в том числе за счет: производственных затрат косвенных затрат всего из них: всего из них: Экономия энергоресурсов оптимизация затрат на сырье и материалы снижение технологических и других потерь оптимизация численности промышленно- производственного персонала снижение прочих производственных затрат и эксплуатационных расходов сокращение расходов на АУП снижение накладных затрат АО «Узкимёсаноат» % 103 6,1 0,9 0,7 13 0,4 2,8 4,2 0,01 4,2 млн сум 254 231 150 564 23 109 17 245 32 780 9 059 68 371 103 667 313 103 354 в том числе: АО «Навоиазот» % 7,7 7,0 0,5 1,7 3,8 0,3 0,7 0,6 - 0,6 млн. сум 62 357 57 308 3 992 14 086 30 985 2 250 5 994 5 049 - 5 049 АО «Максам-Чирчик» % 3,7 2,5 1,3 0,02 - 1,1 0,08 1,2 0,03 1,09 млн. сум 23 574 16 023 8 573 139 - 6 809 503 7 551 174 7 377 АО «Ферганаазот» % 6,3 6,3 1,7 0,2 - - 4,3 0,002 - 0,002 млн. сум 37 194 37 181 9 973 1 409 - - 25 799 13 - 13 УП «Дехканабадский завод калийных удобрений» % 40,0 9,1 0,16 0,06 0,08 - 8,8 31,0 - 31,0 млн. сум 117 358 26 546 470 172 243 - 25 662 90 811 - 90 811 УП «Кунградский содовый завод» % 10,2 10,0 0,07 1,1 1,2 - 7,7 0,2 0,1 0,08 млн. сум 13 749 13 505 101 1 438 1 552 - 10 414 243 139 104
ПРИЛОЖЕНИЕ № 6 к постановлению Президента Республики Узбекистан от 12 апреля 2017 года № ПП-2884
некоторых решений Президента Республики Узбекистан и Правительства Республики Узбекистан, признаваемых утратившими силу
1. Пункт 3 приложения № 2 к постановлению Президента Республики Узбекистан от 24 июля 2006 года № ПП-424 «Об утверждении составов Советов отдельных крупных акционерных компаний с государственными активами».
2. Постановление Кабинета Министров от 9 июня 1994 года № 292 «О мерах по стабилизации работы предприятий химической промышленности и направлениях их дальнейшего развития».
3. Постановление Кабинета Министров от 23 января 2004 года № 33 «О совершенствовании структуры управления предприятиями химической промышленности и мерах по улучшению агрохимического обслуживания сельского хозяйства».
4. Постановление Кабинета Министров от 31 марта 2004 года № 154 «О частичном изменении организационной структуры ГАК «Узкимёсаноат».
5. Постановление Кабинета Министров от 12 октября 2004 года № 471 «О внесении изменений в состав ГАК «Узкимёсаноат». (Собрание законодательства Республики Узбекистан», 2004 г., № 40-41,ст. 439).
6. Пункт 29 приложения к постановлению Кабинета Министров от 5 июня 2010 года № 108 «О внесении изменений и дополнений в решения правительства Республики Узбекистан по утверждению положений о министерствах, государственных комитетах и ведомствах» (СП Республики Узбекистан, 2010 г., № 6, ст. 27).
Президент Республики Узбекистан Ш. МИРЗИЁЕВ
г. Ташкент,
12 апреля 2017 г.,
№ ПП-2884