📅 2017-yil 18-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 18 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 18 апреля 2017 г. · Указы Президента
Официальный текст. Официальный документ. Редакционные примечания не включены.
📅 18 April 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ШАРҲ
Ичимлик сувдан фойдаланишни назорат қилиш тизимини ташкил этиш тўғрисида
Республика аҳолисини сифатли ичимлик суви билан таъминлашни тубдан яхшилаш, сув таъминоти ва канализация тизими объектларини самарали эксплуатация қилиш, ичимлик суви ресурсларидан оқилона фойдаланиш, шунингдек, ичимлик сувидан фойдаланишни давлат томонидан назорат қилишнинг ягона тизимини яратиш мақсадида:
2. Қуйидагилар Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш инспекциясининг (кейинги ўринларда — Инспекция) ичимлик сувдан фойдаланишни назорат қилиш соҳасидаги асосий вазифалари этиб белгилансин:
ичимлик сувини оқилона ва самарали ишлаб чиқариш, етказиб бериш ва реализация қилиш, канализация ва оқова сувларни тозалаш хизматлари кўрсатиш соҳасидаги техник жиҳатдан тартибга солишга доир қонун ҳужжатлари ҳамда норматив ҳужжатлар талабларига риоя этилиши;
сув таъминоти ва канализация ташкилотлари томонидан технологик жараённи такомиллаштиришга ва энергияни тежашга йўналтирилган сув таъминоти ва канализация тизими объектларининг техник аудитдан ўтказилиши;
сув таъминоти ва канализация тизимига уланишнинг техник шартлари талабларига риоя этилиши, сув таъминоти ва канализация тизимига ўзбошимчалик билан уланиб олишга йўл қўймаслик;
сув таъминоти ва канализация тизими объектларининг ҳолати ва уларни ишлатиш шарт-шароитлари, сув таъминоти ва канализация тизимидаги бузилишлар ва аварияларнинг профилактикаси ҳамда уларнинг олдини олиш бўйича ишлаб чиқилган тадбирларнинг амалга оширилиши, ичимлик суви йўқотилишининг белгиланган нормаларига риоя этилиши;
мулкчилик шаклларидан қатъи назар, ерости сувлари қудуқларининг ҳолати ва уларни ишлатиш шарт-шароитлари юзасидан давлат назоратини амалга ошириш.
5. Ўзбекистон Республикаси Вазирлар Маҳкамаси Ўзбекистон Республикаси Вазирлар Маҳкамаси ҳузуридаги Ичимлик сувидан фойдаланишни назорат қилиш давлат инспекцияси фаолиятини ташкил этиш тўғрисида Ўзбекистон Республикаси Президенти қарори лойиҳасини бир ҳафта муддатда тақдим этсин.
6. Мазкур Фармоннинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов зиммасига юклансин.
Ўзбекистон Республикаси Президентининг «Ўзбекистон Республикаси Вазирлар Маҳкамаси ҳузурида Ичимлик сувидан фойдаланишни назорат қилиш давлат инспекциясини ташкил этиш тўғрисида»ги Фармонига
Мустақиллик йилларида Ўзбекистонда аҳолини сифатли ичимлик суви билан таъминлашни яхшилаш борасида кенг кўламли ишлар амалга оширилди. Мамлакатимизда ичимлик суви таъминоти тизимини ривожлантиришга доир муҳим дастур ва лойиҳалар ҳаётга изчил татбиқ этилиши шаҳар ва туманлар, жумладан, қишлоқ жойларда марказлаштирилган сув таъминоти ҳолатини тубдан яхшилаш имконини берди. Шу билан бирга, ичимлик сувини оқилона ва самарали ишлаб чиқариш, етказиб бериш ва реализация қилиш, ичимлик суви сифатини назорат қилиш, фойдаланилган сувларни оқизиш (канализация) ҳамда оқова сувни тозалаш хизматларини ташкил этиш соҳасидаги қонунчилик ва меъёрий-техник ҳужжатлар талабларига риоя этилиши устидан давлат назоратини амалга ошириш билан боғлиқ ҳал этилмаган қатор муаммолар мавжуд. Ушбу муҳим вазифаларни инобатга олган ҳолда, мазкур Фармон билан Ўзбекистон Республикаси Вазирлар Маҳкамаси ҳузурида Ичимлик сувидан фойдаланишни назорат қилиш давлат инспекцияси (кейинги ўринларда — «Давсувинспекция») ташкил этилди. Инспекциянинг асосий вазифалари этиб: ичимлик сувини оқилона ва самарали ишлаб чиқариш, етказиб бериш ва реализация қилиш, канализация ҳамда оқова сувларни тозалаш хизматлари кўрсатишни техник тартибга солишга оид қонунчилик ва меъёрий ҳужжатлар талабларига риоя этиш; сув таъминоти ва канализация ташкилотлари томонидан сув таъминоти ва канализация тизими объектларини технологик жараён ва энергия тежашни такомиллаштиришга қаратилган техник аудитдан ўтказиш; сув таъминоти ва канализация тизимига уланиш бўйича техник шартлар талабига риоя этиш, сув таъминоти ва канализация тизимига ўзбошимчалик билан уланиш ҳолатларига йўл қўймаслик; сув таъминоти ва канализация тизими объектларидан фойдаланиш ҳолати ва шароитлари, сув таъминоти ва канализация тизимида носозликлар ва авария ҳолатларининг олдини олиш бўйича тадбирларни амалга ошириш, ичимлик суви исроф бўлишининг ўрнатилган меъёрлардан ошмаслиги; мулкчилик шаклидан қатъи назар, барча ерости сув қудуқларидан фойдаланиш ҳолати ва шароитлари устидан давлат назоратини таъминлаш белгиланди. «Давсувинспекция» ўз зиммасига юклатилган вазифаларни амалга ошириш учун: мулкчилик шаклидан қатъи назар, барча тоифадаги сув таъминоти ва канализация объектлари, шунингдек, сув чиқариш қудуқларини ўз ваколатига тааллуқли масалалар бўйича ўрганиш; юридик ва жисмоний шахсларнинг объектлари, шунингдек, турар жойларда сув таъминоти ва канализация тизимларига уланиш ҳамда улардан фойдаланиш қоидаларига риоя этиш бўйича белгиланган тартибда текширувлар ўтказиш; сув таъминоти ва канализация соҳасидаги қонунчилик талаблари, шунингдек, сув таъминоти ва канализация тизимларига уланиш ва улардан фойдаланиш қоидаларини бузганлик учун жарима солиш ҳуқуқига эга. Фармонга мувофиқ, «Давсувинспекция» ўз фаолиятини: ичимлик сувини оқилона ва самарали ишлаб чиқариш, етказиб бериш ва реализация қилиш, ичимлик сувидан фойдаланишни назорат қилиш, канализация ва оқова сувларни тозалаш хизмати кўрсатиш масалалари бўйича — Ичимлик суви таъминоти ва канализация тизимларини комплекс ривожлантириш ҳамда модернизация қилиш дастурининг амалга оширилишини мувофиқлаштириш ва мониторингини олиб бориш бўйича Республика комиссияси билан; сув таъминоти ва канализация соҳасида норматив-ҳуқуқий базани такомиллаштириш, шунингдек, ичимлик суви ишлаб чиқаришнинг технологик жараёнига риоя қилиш масалаларида — Ўзбекистон Республикаси Уй-жой коммунал хизмат кўрсатиш вазирлиги билан; ерости сувлари қудуқларидан самарали фойдаланишни таъминлаш бўйича тизимли мониторинг олиб бориш, гидрогеологик ахборотларни таҳлил қилиш масалаларида — Ўзбекистон Республикаси Давлат геология ва минерал ресурслар қўмитаси билан; ичимлик сувидан оқилона фойдаланиш, сув таъминоти ва канализация тизимига ўзбошимчалик билан уланишга йўл қўймаслик масалалари бўйича — маҳаллий ижро ҳокимияти органлари, фуқароларнинг ўзини ўзи бошқариш органлари билан ўзаро ҳамкорликда амалга оширади. «Давсувинспекция» ва унинг ҳудудий инспекциялари фаолияти Ўзбекистон Республикасининг Давлат бюджети маблағлари ва қонунчиликда тақиқланмаган бошқа манбалар ҳисобидан молиялаштирилади. Мазкур Фармоннинг амалга оширилиши: биринчидан — ичимлик сувини оқилона ва самарали ишлаб чиқариш соҳасидаги қонунчилик ва норматив-ҳуқуқий ҳужжатлар талабларига риоя этилиши устидан давлат назоратини ўрнатиш; иккинчидан — ичимлик сувини етказиб бериш ва реализация қилиш, шунингдек, канализация ва оқова сувларни тозалаш хизматларини кўрсатиш устидан назорат ўрнатиш; учинчидан — Вазирлар Маҳкамаси ҳузуридаги Ичимлик суви таъминоти ва канализация тизимларини комплекс ривожлантириш ҳамда модернизация қилиш дастурининг амалга оширилишини мувофиқлаштириш ва мониторингини олиб бориш бўйича Республика комиссияси, Ўзбекистон Республикаси Уй-жой коммунал хизмат кўрсатиш вазирлиги, Ўзбекистон Республикаси Давлат геология ва минерал ресурслар қўмитаси ҳамда жойлардаги ижро ҳокимияти органлари билан ўзаро ҳамкорликни таъминлаш имконини беради.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 18 апрель,
ПФ-5018-сон
Oʻzbekiston Respublikasi Prezidentining
Farmoni
ShARH
Ichimlik suvdan foydalanishni nazorat qilish tizimini tashkil etish toʻgʻrisida
Respublika aholisini sifatli ichimlik suvi bilan taʼminlashni tubdan yaxshilash, suv taʼminoti va kanalizatsiya tizimi obyektlarini samarali ekspluatatsiya qilish, ichimlik suvi resurslaridan oqilona foydalanish, shuningdek, ichimlik suvidan foydalanishni davlat tomonidan nazorat qilishning yagona tizimini yaratish maqsadida:
2. Quyidagilar Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasining (keyingi oʻrinlarda — Inspeksiya) ichimlik suvdan foydalanishni nazorat qilish sohasidagi asosiy vazifalari etib belgilansin:
ichimlik suvini oqilona va samarali ishlab chiqarish, yetkazib berish va realizatsiya qilish, kanalizatsiya va oqova suvlarni tozalash xizmatlari koʻrsatish sohasidagi texnik jihatdan tartibga solishga doir qonun hujjatlari hamda normativ hujjatlar talablariga rioya etilishi;
suv taʼminoti va kanalizatsiya tashkilotlari tomonidan texnologik jarayonni takomillashtirishga va energiyani tejashga yoʻnaltirilgan suv taʼminoti va kanalizatsiya tizimi obyektlarining texnik auditdan oʻtkazilishi;
suv taʼminoti va kanalizatsiya tizimiga ulanishning texnik shartlari talablariga rioya etilishi, suv taʼminoti va kanalizatsiya tizimiga oʻzboshimchalik bilan ulanib olishga yoʻl qoʻymaslik;
suv taʼminoti va kanalizatsiya tizimi obyektlarining holati va ularni ishlatish shart-sharoitlari, suv taʼminoti va kanalizatsiya tizimidagi buzilishlar va avariyalarning profilaktikasi hamda ularning oldini olish boʻyicha ishlab chiqilgan tadbirlarning amalga oshirilishi, ichimlik suvi yoʻqotilishining belgilangan normalariga rioya etilishi;
mulkchilik shakllaridan qatʼi nazar, erosti suvlari quduqlarining holati va ularni ishlatish shart-sharoitlari yuzasidan davlat nazoratini amalga oshirish.
5. Oʻzbekiston Respublikasi Vazirlar Mahkamasi Oʻzbekiston Respublikasi Vazirlar Mahkamasi huzuridagi Ichimlik suvidan foydalanishni nazorat qilish davlat inspeksiyasi faoliyatini tashkil etish toʻgʻrisida Oʻzbekiston Respublikasi Prezidenti qarori loyihasini bir hafta muddatda taqdim etsin.
6. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov zimmasiga yuklansin.
Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzurida Ichimlik suvidan foydalanishni nazorat qilish davlat inspeksiyasini tashkil etish toʻgʻrisida”gi Farmoniga
Mustaqillik yillarida Oʻzbekistonda aholini sifatli ichimlik suvi bilan taʼminlashni yaxshilash borasida keng koʻlamli ishlar amalga oshirildi. Mamlakatimizda ichimlik suvi taʼminoti tizimini rivojlantirishga doir muhim dastur va loyihalar hayotga izchil tatbiq etilishi shahar va tumanlar, jumladan, qishloq joylarda markazlashtirilgan suv taʼminoti holatini tubdan yaxshilash imkonini berdi. Shu bilan birga, ichimlik suvini oqilona va samarali ishlab chiqarish, yetkazib berish va realizatsiya qilish, ichimlik suvi sifatini nazorat qilish, foydalanilgan suvlarni oqizish (kanalizatsiya) hamda oqova suvni tozalash xizmatlarini tashkil etish sohasidagi qonunchilik va meʼyoriy-texnik hujjatlar talablariga rioya etilishi ustidan davlat nazoratini amalga oshirish bilan bogʻliq hal etilmagan qator muammolar mavjud. Ushbu muhim vazifalarni inobatga olgan holda, mazkur Farmon bilan Oʻzbekiston Respublikasi Vazirlar Mahkamasi huzurida Ichimlik suvidan foydalanishni nazorat qilish davlat inspeksiyasi (keyingi oʻrinlarda — “Davsuvinspeksiya”) tashkil etildi. Inspeksiyaning asosiy vazifalari etib: ichimlik suvini oqilona va samarali ishlab chiqarish, yetkazib berish va realizatsiya qilish, kanalizatsiya hamda oqova suvlarni tozalash xizmatlari koʻrsatishni texnik tartibga solishga oid qonunchilik va meʼyoriy hujjatlar talablariga rioya etish; suv taʼminoti va kanalizatsiya tashkilotlari tomonidan suv taʼminoti va kanalizatsiya tizimi obyektlarini texnologik jarayon va energiya tejashni takomillashtirishga qaratilgan texnik auditdan oʻtkazish; suv taʼminoti va kanalizatsiya tizimiga ulanish boʻyicha texnik shartlar talabiga rioya etish, suv taʼminoti va kanalizatsiya tizimiga oʻzboshimchalik bilan ulanish holatlariga yoʻl qoʻymaslik; suv taʼminoti va kanalizatsiya tizimi obyektlaridan foydalanish holati va sharoitlari, suv taʼminoti va kanalizatsiya tizimida nosozliklar va avari� holatlarining oldini olish boʻyicha tadbirlarni amalga oshirish, ichimlik suvi isrof boʻlishining oʻrnatilgan meʼyorlardan oshmasligi; mulkchilik shaklidan qatʼi nazar, barcha erosti suv quduqlaridan foydalanish holati va sharoitlari ustidan davlat nazoratini taʼminlash belgilandi. “Davsuvinspeksiya” oʻz zimmasiga yuklatilgan vazifalarni amalga oshirish uchun: mulkchilik shaklidan qatʼi nazar, barcha toifadagi suv taʼminoti va kanalizatsiya obyektlari, shuningdek, suv chiqarish quduqlarini oʻz vakolatiga taalluqli masalalar boʻyicha oʻrganish; yuridik va jismoniy shaxslarning obyektlari, shuningdek, turar joylarda suv taʼminoti va kanalizatsiya tizimlariga ulanish hamda ulardan foydalanish qoidalariga rioya etish boʻyicha belgilangan tartibda tekshiruvlar oʻtkazish; suv taʼminoti va kanalizatsiya sohasidagi qonunchilik talablari, shuningdek, suv taʼminoti va kanalizatsiya tizimlariga ulanish va ulardan foydalanish qoidalarini buzganlik uchun jarima solish huquqiga ega. Farmonga muvofiq, “Davsuvinspeksiya” oʻz faoliyatini: ichimlik suvini oqilona va samarali ishlab chiqarish, yetkazib berish va realizatsiya qilish, ichimlik suvidan foydalanishni nazorat qilish, kanalizatsiya va oqova suvlarni tozalash xizmati koʻrsatish masalalari boʻyicha — Ichimlik suvi taʼminoti va kanalizatsiya tizimlarini kompleks rivojlantirish hamda modernizatsiya qilish dasturining amalga oshirilishini muvofiqlashtirish va monitoringini olib borish boʻyicha Respublika komissiyasi bilan; suv taʼminoti va kanalizatsiya sohasida normativ-huquqiy bazani takomillashtirish, shuningdek, ichimlik suvi ishlab chiqarishning texnologik jarayoniga rioya qilish masalalarida — Oʻzbekiston Respublikasi Uy-joy kommunal xizmat koʻrsatish vazirligi bilan; erosti suvlari quduqlaridan samarali foydalanishni taʼminlash boʻyicha tizimli monitoring olib borish, gidrogeologik axborotlarni tahlil qilish masalalarida — Oʻzbekiston Respublikasi Davlat geologiya va mineral resurslar qoʻmitasi bilan; ichimlik suvidan oqilona foydalanish, suv taʼminoti va kanalizatsiya tizimiga oʻzboshimchalik bilan ulanishga yoʻl qoʻymaslik masalalari boʻyicha — mahalliy ijro hokimiyati organlari, fuqarolarning oʻzini oʻzi boshqarish organlari bilan oʻzaro hamkorlikda amalga oshiradi. “Davsuvinspeksiya” va uning hududiy inspeksiyalari faoliyati Oʻzbekiston Respublikasining Davlat budjeti mablagʻlari va qonunchilikda taqiqlanmagan boshqa manbalar hisobidan moliyalashtiriladi. Mazkur Farmonning amalga oshirilishi: birinchidan — ichimlik suvini oqilona va samarali ishlab chiqarish sohasidagi qonunchilik va normativ-huquqiy hujjatlar talablariga rioya etilishi ustidan davlat nazoratini oʻrnatish; ikkinchidan — ichimlik suvini yetkazib berish va realizatsiya qilish, shuningdek, kanalizatsiya va oqova suvlarni tozalash xizmatlarini koʻrsatish ustidan nazorat oʻrnatish; uchinchidan — Vazirlar Mahkamasi huzuridagi Ichimlik suvi taʼminoti va kanalizatsiya tizimlarini kompleks rivojlantirish hamda modernizatsiya qilish dasturining amalga oshirilishini muvofiqlashtirish va monitoringini olib borish boʻyicha Respublika komissiyasi, Oʻzbekiston Respublikasi Uy-joy kommunal xizmat koʻrsatish vazirligi, Oʻzbekiston Respublikasi Davlat geologiya va mineral resurslar qoʻmitasi hamda joylardagi ijro hokimiyati organlari bilan oʻzaro hamkorlikni taʼminlash imkonini beradi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 18-aprel,
PF-5018-son
Президента Республики Узбекистан
Указ
КОММЕНТАРИЙ
О создании системы контроля за использованием питьевой воды
В целях коренного улучшения обеспечения населения республики качественной питьевой водой, эффективной эксплуатации объектов системы водоснабжения и канализации, рационального использования ресурсов питьевой воды, а также создания единой системы государственного контроля за использованием питьевой воды:
2. Определить основной задачей в сфере осуществления контроля за использованием питьевой воды Инспекции по контролю в сфере строительства и жилищно-коммунального хозяйства при Министерстве строительства и жилищно-коммунального хозяйства (далее — Инспекция) осуществление государственного контроля за:
соблюдением требований законодательства и нормативных документов в области технического регулирования в сфере рационального и эффективного производства, транспортировки и реализации питьевой воды, оказанием услуг канализации и очистки сточных вод;
проведением организациями водоснабжения и канализации технического аудита объектов системы водоснабжения и канализации, направленного на совершенствование технологического процесса и энергосбережения;
соблюдением требований технических условий на подключение к системе водоснабжения и канализации, недопущением самовольных подключений к системе водоснабжения и канализации;
состоянием и условиями эксплуатации объектов системы водоснабжения и канализации, реализацией мероприятий по профилактике и предупреждению повреждений и аварий в системе водоснабжения и канализации, за соблюдением установленных норм потерь питьевой воды;
состоянием и условиями эксплуатации скважин подземных вод, независимо от их форм собственности.
5. Кабинету Министров Республики Узбекистан в недельный срок внести проект постановления Президента Республики Узбекистан об организации деятельности Государственной инспекции по контролю за использованием питьевой воды при Кабинете Министров Республики Узбекистан.
6. Контроль за исполнением настоящего Указа возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова.
к Указу Президента Республики Узбекистан «Об образовании Государственной инспекции по контролю за использованием питьевой воды при Кабинете Министров Республики Узбекистан»
За годы независимости в Узбекистане проведена широкомасштабная работа по улучшению обеспечения населения качественной питьевой водой. Последовательная реализация важнейших программ и проектов по развитию систем питьевого водоснабжения позволила существенно улучшить состояние централизованного водоснабжения в городах и районах, в том числе в сельской местности. Вместе с тем все еще остается целый ряд нерешенных проблем, связанных с осуществлением государственного контроля за соблюдением требований законодательства и нормативно-технических документов в области рационального и эффективного производства, транспортировки и реализации питьевой воды, контроля за качеством питьевой воды, организации услуг водоотведения (канализации) и очистки сточных вод. С учетом этих важнейших задач указом утверждается создание Государственной инспекции по контролю за использованием питьевой воды при Кабинете Министров (далее — Госводинспекция), ее основными задачами определено осуществление государственного контроля за: соблюдением требований законодательства и нормативных документов в области технического регулирования в сфере рационального и эффективного производства, транспортировки и реализации питьевой воды, оказанием услуг канализации и очистки сточных вод; проведением организациями водоснабжения и канализации технического аудита объектов системы водоснабжения и канализации, направленного на совершенствование технологического процесса и энергосбережения; соблюдением требований технических условий на подключение к системе водоснабжения и канализации, недопущением самовольных подключений к системе водоснабжения и канализации; состоянием и условиями эксплуатации объектов системы водоснабжения и канализации, реализацией мероприятий по профилактике и предупреждению повреждений и аварий в системе водоснабжения и канализации, за соблюдением установленных норм потерь питьевой воды; состоянием и условиями эксплуатации скважин подземных вод, независимо от их форм собственности. Для выполнения возложенных задач и функций Госводинспекция имеет право: проводить обследования всех категорий объектов водоснабжения и канализации, а также водозаборных скважин независимо от форм собственности по вопросам, относящимся к своей компетенции; проводить в установленном порядке проверки на объектах юридических и физических лиц, в том числе в жилых помещениях, на предмет соблюдения правил подключения и пользования системой водоснабжения и канализации; наложение штрафов за нарушения требований законодательства в сфере водоснабжения и канализации, а также правил подключения и пользования системой водоснабжения и канализации. В соответствии с указом установлено, что Госводинспекция осуществляет свою деятельность во взаимодействии с: Республиканской комиссией по координации и мониторингу реализации программы комплексного развития и модернизации систем питьевого водоснабжения — по вопросам рационального и эффективного производства, транспортировки и реализации питьевой воды, контроля за использованием питьевой воды, оказания услуг канализации и очистки сточных вод; Министерством жилищно-коммунального обслуживания Республики Узбекистан — по вопросам совершенствования нормативно-правовой базы в области водоснабжения и канализации, а также соблюдения технологического процесса производства питьевой воды; Государственным комитетом Республики Узбекистан по геологии и минеральным ресурсам — по вопросам осуществления системного мониторинга, анализа гидрогеологической информации и обеспечения эффективного использования скважин подземных вод; органами исполнительной власти на местах, органами самоуправления граждан — по вопросам рационального использования питьевой воды, недопущения самовольного подключения к системе водоснабжения и канализации. Финансирование деятельности Госводинспекции и территориальных инспекций осуществляется за счет средств Государственного бюджета Республики Узбекистан и иных источников, не запрещенных законодательством. Реализация указа позволит: во-первых — установить государственный контроль за соблюдением требований законодательства и нормативно-технических документов в области рационального и эффективного производства питьевой воды; во-вторых — установить контроль по транспортировке и реализации питьевой воды, а также оказания услуг канализации и очистки сточных вод; в-третьих — обеспечить взаимодействие с Республиканской комиссией по координации и мониторингу реализации Программы комплексного развития и модернизации системы питьевого водоснабжения при Кабинете Министров, Министерством жилищно-коммунального обслуживания, Государственным комитетом Республики Узбекистан по геологии и минеральным ресурсам, а также с органами исполнительной власти на местах.
Президент Республики Узбекистан Ш. МИРЗИЁЕВ
г. Ташкент,
18 апреля 2017 г.,
№ УП-5018