📅 2017-yil 24-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 24 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 апреля 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 24 April 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси ходимлари иш ҳақини туманлар (ҳудудлар) бўйича тартибга солишни такомиллаштириш тўғрисида
«Навоий КМК» давлат корхонасининг кадрлар салоҳиятини янада мустаҳкамлаш, юқори малакали мутахассисларининг касбий ва моддий манфаатдорлигини ошириш, шунингдек уларнинг ижтимоий муҳофазасини кучайтириш мақсадида Вазирлар Маҳкамаси қарор қилади:
1. «Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси ходимларининг иш ҳақига қуйидаги миқдорларда туман (ҳудудий) коэффициентлари белгилансин:
1,60 — Навоий вилоятининг Зарафшон, Учқудуқ шаҳарларида, Томди, Учқудуқ, Конимех, Нурота туманларида, Бухоро вилоятининг Ғиждувон, Пешку ва Шофиркон туманларида, Хоразм вилоятининг Тупроққалъа туманида жойлашган бўлинмалар ходимлари учун;
1,30 — Самарқанд вилоятининг Нуробод шаҳрида, Қўшрабод, Нуробод, Пахтачи, Ургут туманларида, Жиззах вилоятининг Ғаллаорол, Зомин ва Фориш туманларида, Навоий вилоятининг Навбаҳор, Қизилтепа ва Хатирчи туманларида жойлашган бўлинмалар ходимлари учун;
1,20 — Навоий вилоятининг Навоий шаҳрида ва Кармана туманида, Қашқадарё вилоятининг Шаҳрисабз шаҳрида, Китоб, Муборак ва Косон туманларида, Тошкент вилоятининг Ангрен ва Олмалиқ шаҳарларида, Пискент ва Оҳангарон туманларида ҳамда Наманган вилоятининг Поп туманида жойлашган бўлинмалар ходимлари учун;
1,15 — Қорақалпоғистон Республикаси Тахиатош туманида жойлашган бўлинмалар ходимлари учун.
2. Белгилаб қўйилсинки:
«Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси ходимларининг иш ҳақига туман (ҳудудий) коэффициентларини ҳисоблашнинг чекланган суммаси Ўзбекистон Республикаси ҳудудида белгиланган меҳнатга ҳақ тўлашнинг энг кам миқдорининг 2,11 бараварини ташкил этади;
Вазирлар Маҳкамасининг «Меҳнат бозорида меҳнат муносабатларини тартибга солишга доир қўшимча чора-тадбирлар тўғрисида» 2019 йил 6 сентябрдаги 743-сон қарори 1-иловасига мувофиқ тасдиқланган Табиий-иқлим ва маиший шароитлари оғир ва ноқулай бўлган жойларда ишловчи ходимлар меҳнатига ҳақ тўлашга туман коэффициентларини, шунингдек, уларга ҳар йили бериладиган қўшимча таътилнинг энг кам муддатини белгилаш ва қўллаш тартиби тўғрисидаги низом «Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасасининг ходимларига нисбатан қўлланмайди.
3. Ходимларнинг иш ҳақига коэффициентлар белгилаш билан боғлиқ харажатлар «Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси маблағлари ҳисобига амалга оширилсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 24 апрель,
232-сон
Oʻzbekiston Respublikasi Vazirlar Mahkamasining
qarori
“Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi xodimlari ish haqini tumanlar (hududlar) boʻyicha tartibga solishni takomillashtirish toʻgʻrisida
“Navoiy KMK” davlat korxonasining kadrlar salohiyatini yanada mustahkamlash, yuqori malakali mutaxassislarining kasbiy va moddiy manfaatdorligini oshirish, shuningdek ularning ijtimoiy muhofazasini kuchaytirish maqsadida Vazirlar Mahkamasi qaror qiladi:
1. “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi xodimlarining ish haqiga quyidagi miqdorlarda tuman (hududiy) koeffitsiyentlari belgilansin:
1,60 — Navoiy viloyatining Zarafshon, Uchquduq shaharlarida, Tomdi, Uchquduq, Konimex, Nurota tumanlarida, Buxoro viloyatining Gʻijduvon, Peshku va Shofirkon tumanlarida, Xorazm viloyatining Tuproqqalʼa tumanida joylashgan boʻlinmalar xodimlari uchun;
1,30 — Samarqand viloyatining Nurobod shahrida, Qoʻshrabod, Nurobod, Paxtachi, Urgut tumanlarida, Jizzax viloyatining Gʻallaorol, Zomin va Forish tumanlarida, Navoiy viloyatining Navbahor, Qiziltepa va Xatirchi tumanlarida joylashgan boʻlinmalar xodimlari uchun;
1,20 — Navoiy viloyatining Navoiy shahrida va Karmana tumanida, Qashqadaryo viloyatining Shahrisabz shahrida, Kitob, Muborak va Koson tumanlarida, Toshkent viloyatining Angren va Olmaliq shaharlarida, Piskent va Ohangaron tumanlarida hamda Namangan viloyatining Pop tumanida joylashgan boʻlinmalar xodimlari uchun;
1,15 — Qoraqalpogʻiston Respublikasi Taxiatosh tumanida joylashgan boʻlinmalar xodimlari uchun.
2. Belgilab qoʻyilsinki:
“Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi xodimlarining ish haqiga tuman (hududiy) koeffitsiyentlarini hisoblashning cheklangan summasi Oʻzbekiston Respublikasi hududida belgilangan mehnatga haq toʻlashning eng kam miqdorining 2,11 baravarini tashkil etadi;
Vazirlar Mahkamasining “Mehnat bozorida mehnat munosabatlarini tartibga solishga doir qoʻshimcha chora-tadbirlar toʻgʻrisida” 2019-yil 6-sentabrdagi 743-son qarori 1-ilovasiga muvofiq tasdiqlangan Tabiiy-iqlim va maishiy sharoitlari ogʻir va noqulay boʻlgan joylarda ishlovchi xodimlar mehnatiga haq toʻlashga tuman koeffitsiyentlarini, shuningdek, ularga har yili beriladigan qoʻshimcha taʼtilning eng kam muddatini belgilash va qoʻllash tartibi toʻgʻrisidagi nizom “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasining xodimlariga nisbatan qoʻllanmaydi.
3. Xodimlarning ish haqiga koeffitsiyentlar belgilash bilan bogʻliq xarajatlar “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi mablagʻlari hisobiga amalga oshirilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 24-aprel,
232-son
Кабинета Министров Республики Узбекистан
Постановление
О совершенствовании районного (территориального) регулирования заработной платы работников государственного предприятия «Навоийуран», акционерного общества «Навоийский горно-металлургический комбинат» и государственного учреждения «Фонд Навоийского горно-металлургического комбината»
В целях дальнейшего укрепления кадрового потенциала ГП «Навоийский ГМК», повышения профессиональной и материальной заинтересованности высококвалифицированных специалистов, а также усиления их социальной защищенности Кабинет Министров постановляет:
1. Установить районные (территориальные) коэффициенты к заработной плате работников государственного предприятия «Навоийуран», акционерного общества «Навоийский горно-металлургический комбинат» и государственного учреждения «Фонд Навоийского горно-металлургического комбината» в следующих размерах:
1,60 — для работников подразделений, расположенных: в г. Зарафшане, г. Учкудуке, в Тамдынском, Учкудукском, Канимехском, Нуратинском районах Навоийской области, в Гиждуванском, Пешкунском и Шафирканском районах Бухарской области, в Тупраккалинском районе Хорезмской области;
1,30 — для работников подразделений, расположенных: в г. Нурабаде, в Кошрабадском, Нурабадском, Пахтачийском, Ургутском районах Самаркандской области, в Галляаральском, Зааминском и Фаришском районах Джизакской области, Навбахорском, Кызылтепинском и Хатырчинском районах Навоийской области;
1,20 — для работников подразделений, расположенных: в г. Навои и Карманинском районе Навоийской области, в г. Шахрисабзе, в Китабском, Мубарекском и Касанском районах Кашкадарьинской области, в г. Ангрен и Алмалыке, Пскентском и Ахангаранском районах Ташкентской области и в Папском районе Наманганской области;
1,15 - для работников подразделений, расположенных в Тахиаташском районе Республики Каракалпакстан.
2. Определить, что:
предельная сумма для начисления районных (территориальных) коэффициентов к заработной плате работников государственного предприятия «Навоийуран», акционерного общества «Навоийский горно-металлургический комбинат» и государственного учреждения «Фонд Навоийского горно-металлургического комбината» составляет 2,11 минимального размера оплаты труда, установленного на территории Республики Узбекистан;
Положение о порядке установления и применения районных коэффициентов к оплате труда, а также минимальной продолжительности ежегодного дополнительного отпуска работникам, занятым на работах в местностях с тяжелыми и неблагоприятными природно-климатическими и бытовыми условиями, утвержденное согласно приложению № 1 к постановлению Кабинета Министров от 6 сентября 2019 года № 743 «О дополнительных мерах по регулированию трудовых отношений на рынке труда» в отношении работников государственного предприятия «Навоийуран», акционерного общества «Навоийский горно-металлургический комбинат» и государственного учреждения «Фонд Навоийского горно-металлургического комбината» не применяются».
3. Расходы, связанные с установлением коэффициента к заработной плате работников, осуществлять за счет средств государственного предприятия «Навоийуран», акционерного общества «Навоийский горно-металлургический комбинат» и государственного учреждения «Фонд Навоийского горно-металлургического комбината».
4. Контроль за исполнением настоящего постановления возложить на заместителя Премьер-министра Республики Узбекистан Г.И. Ибрагимова.
Премьер-министр Республики Узбекистан А. АРИПОВ
г. Ташкент,
24 апреля 2017 г.,
№ 232