UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Ички ишлар органлари томонидан ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ёки етказилган зарар, шунингдек транспорт воситасининг эгасига етказилган мулкий зарарнинг ўрнини қоплаш тартиби тўғрисидаги Низомни тасдиқлаш ҳақида

«Ички ишлар органлари тўғрисида»ги Ўзбекистон Республикаси Қонунига мувофиқ ички ишлар органлари томонидан ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ёки етказилган зарар, шунингдек, транспорт воситасининг эгасига етказилган мулкий зарарнинг ўрнини қоплаш мақсадида Вазирлар Маҳкамаси қарор қилади:

1. Ички ишлар органлари томонидан ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ёки етказилган зарар, шунингдек транспорт воситасининг эгасига етказилган мулкий зарарнинг ўрнини қоплаш тартиби тўғрисидаги низом иловага мувофиқ тасдиқлансин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

Вазирлар Маҳкамасининг 2017 йил 27 апрелдаги 235-сон қарорига ИЛОВА

1-боб.Умумий қоидалар

1. Ушбу Низом «Ички ишлар органлари тўғрисида»ги Ўзбекистон Республикаси Қонунига мувофиқ ички ишлар органлари томонидан хизмат вазифаларини бажариш билан боғлиқ ҳолда ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ёки етказилган зарар, шунингдек транспорт воситасининг эгасига етказилган мулкий зарарнинг (кейинги ўринларда мулкий зарар деб аталади) ўрнини қоплаш тартибини белгилайди.

2. Ички ишлар органлари томонидан ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ёки етказилган зарар, шунингдек мулкий зарарнинг ўрнини ҳамда унинг миқдорини аниқлаш билан боғлиқ харажатлар Давлат бюджети маблағлари ҳисобидан амалга оширилади.

Ички ишлар органлари томонидан ташкилотлар ва фуқароларнинг транспорт воситаларидан мажбурий тарзда ходимнинг ноқонуний хатти-ҳаракатлари туфайли фойдаланганлик натижасида қилинган харажатлар ёки етказилган зарар, шунингдек мулкий зарарнинг ўрни Ўзбекистон Республикаси Ички ишлар вазирлигининг бюджетдан ташқари жамғармаси маблағлари ҳисобидан қопланади, ушбу сумма кейинчалик айбдор шахсдан ундириб олинади.

2-боб. Ички ишлар органлари томонидан ташкилотлар ва фуқароларнинг транспорт воситаларидан мажбурий фойдаланиш тартиби

3. Ички ишлар органлари ходимлари томонидан хизмат вазифаларини бажариш билан боғлиқ қуйидаги ҳолларда ташкилотларнинг ёки фуқароларнинг транспорт воситаларидан мажбурий тартибда фойдаланиши мумкин:

табиий офат ёки фавқулодда ҳолат юз берган жойга боришда;

шошилинч тиббий ёрдамга муҳтож фуқароларни тиббий муассасаларга олиб боришда;

жиноят содир этган шахсларни таъқиб қилиш ва ички ишлар органларига олиб келишда;

ҳодиса жойига ёки ички ишлар органларининг шахсий таркибини жанговар тревога бўйича тўплаш жойига боришда.

Ушбу ҳолатларда транспорт воситалари ҳайдовчилари ички ишлар органи ходимининг транспорт воситаларидан мажбурий тарзда фойдаланиш талабига бўйсуниши шарт ва ходимдан ходимни идентификацияловчи ҳужжатни талаб қилиш ҳуқуқига эга.

4. Қуйидаги ташкилотларнинг ёки фуқароларнинг транспорт воситаларидан фойдаланишга йўл қўйилмайди:

чет давлатларнинг дипломатик, консуллик ваколатхоналарига ва бошқа ваколатхоналарига тегишли транспорт воситалари;

халқаро ташкилотларга тегишли бўлган транспорт воситалари;

махсус мўлжалланган ва овоз чиқарув мосламалари (сирена) ўртнатилган транспорт воситаларидан ҳамда Ҳукумат раҳбарларини олиб юрувчи, тиббий тез ёрдам, ёнғин учириш, конвой, инкассатор хизматларининг транспорт воситалари.

5. Ички ишлар органлари томонидан транспорт воситаларидан фойдаланилганда, транспорт воситасининг эгасига ходим транспорт воситасидан фойдаланилганлик фактини тасдиқловчи идентификацияловчи ҳужжат берилиши шарт.

Идентификацияловчи ҳужжат намунаси ва унинг бериш тартиби Ўзбекистон Республикаси Ички ишлар вазирлиги томонидан белгиланади.

6. Транспорт воситасидан фойдаланган ички ишлар органи ходими ҳолат бўйича барча тасдиқловчи ҳужжатлар (ҳуқуқни муҳофаза қилувчи органлар ва бошқа ваколатли давлат ташкилотларининг маълумотномалари) илова қилинган билдирги билан хизмат жойи бўйича ички ишлар органи раҳбарига ахборот беради.

3-боб. Ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ва етказилган зарар, шунингдек мулкий зарарнинг ўрнини қоплаш масалалари бўйича мурожаатларни кўриб чиқиш тартиби

7. Ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ёки етказилган зарар, шунингдек мулкий зарарнинг ўрнини қоплаш масалаларини ўрганиш бўйича ички ишлар органларида доимий комиссиялар тузилади.

8. Комиссия таркибига ички ишлар органининг тегишли хизматлари ходимлари киритилади ва ички ишлар органи раҳбари томонидан тасдиқланади.

9. Қилинган харажатлар ва етказилган зарар, шунингдек мулкий зарарнинг ўрнини қоплаш учун транспорт воситасининг эгаси ёки унинг вакили ички ишлар органига мурожаат қилади ва қуйидаги ҳужжатларни тақдим этади:

а) транспорт воситасидан мажбурий фойдаланганлик натижасида қилинган харажатлар ва етказилган зарар, шунингдек мулкий зарарнинг ўрнини қоплаш тўғрисидаги ариза, унда қуйидагилар кўрсатилади:

юридик шахслар учун — юридик шахснинг номи, унинг реквизитлари, солиқ тўловчининг идентификация рақами (кейинги ўринларда СТИР деб аталади), банк реквизитлари, раҳбарнинг фамилияси, исми ва отасининг исми;

жисмоний шахслар — фамилияси, исми ва отасининг исми, банк реквизитлари (мавжуд бўлса), яшаш манзили ва боғланиш учун телефон рақами, электрон манзили (мавжуд бўлса) тўғрисида маълумотлар;

б) жисмоний шахслар учун — паспорт ёки шахсни тасдиқловчи бошқа ҳужжатнинг нусхаси;

в) транспорт воситасини қайд этиш гувоҳномаси (техник паспорти) нусхаси;

г) ички ишлар органлари томонидан транспорт воситаларидан фойдаланилганлик фактини тасдиқловчи ҳамда ундан фойдаланган ички ишлар органи ходимини идентификацияловчи ҳужжат;

д) юридик ёки жисмоний шахснинг вакили учун (транспорт воситаси эгасининг вакили мурожаат қилган тақдирда) — вакил сифатида мурожаат қилиш ҳуқуқини тасдиқловчи ҳужжат ва шахсни тасдиқловчи ҳужжатнинг нусхаси;

10. Ҳолатга аниқлик киритиш учун ички ишлар органи раҳбари томонидан ходимнинг билдиргиси барча асословчи ҳужжатлари билан биргаликда уч кун муддатда комиссияга тақдим этилади.

11. Комиссиянинг зарарни қоплаш тўғрисидаги қарорига асосан:

бутунлай яроқсиз ҳолга келган ва тиклаш имкони бўлмаган транспорт воситасининг ички ишлар органи томонидан фойдаланишдан аввалги ҳолатидаги бозор қиймати;

фойдаланганлик натижасида меъёр бўйича сарф қилинган ёқилғининг ҳақиқий харажат қиймати;

ички ишлар органи томонидан транспорт воситасидан фойдаланилгандан кейин қилинган харажатлар ёки етказилган зарарнинг ўрни ички ишлар органлари томонидан қопланади.

12. Комиссия раиси ва аъзолари зарарни қоплаш тўғрисидаги комиссия қарорининг қонунийлиги ва уни тўғри қабул қилинганлигига масъул ҳисобланади.

13. Ички ишлар органлари томонидан транспорт воситасининг эгаси ёки унинг вакилларининг мурожаатлари, мазкур Низомнинг 9-бандида кўрсатиб ўтилган ҳужжатлар тақдим этилган кундан бошлаб ўн беш кун давомида, қўшимча ҳужжатлар ёки текширув талаб этилганда эса бир ойгача бўлган муддатда кўриб чиқилади.

14. Ички ишлар органлари томонидан мурожаат кўриб чиқилгандан сўнг, унинг натижалари ҳақида мурожаат муаллифига уч кун муддатда ёзма маълумот берилади.

15. Ички ишлар органлари томонидан транспорт воситаларидан фойдаланилганлик фактини тасдиқловчи ҳамда ундан фойдаланган ички ишлар органи ходимини идентификацияловчи ҳужжат бўлмаган тақдирда зарар қопланмайди.

4-боб. Ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ва етказилган зарар, шунингдек мулкий зарар миқдори ва қоплаш муддатларини аниқлаш тартиби

16. Қилинган харажатлар ва етказилган зарар, шунингдек мулкий зарар миқдори ички ишлар органи томонидан баҳолаш ташкилотини жалб қилган ҳолда аниқланади.

17. Ички ишлар органлари транспорт воситаси эгасига етказилган мулкий зарар ва қилинган харажатлар миқдори тўғрисидаги зарур маълумотларни ваколатли давлат органлари ва бошқа давлат ташкилотларидан талаб қилиб олиш ҳуқуқига эга.

18. Транспорт воситаси эгаси ёки унинг вакили билан келишилган ҳолда, мулкий зарар нақд ёки пул ўтказиш, тенг қийматдаги транспорт воситасини бериш йўли билан, уни расмийлаштириш билан боғлиқ харажатларни инобатга олган ҳолда натура тарзида қопланиши мумкин.

19. Қилинган харажатлар ва етказилган зарар, шунингдек мулкий зарар ўрнини қоплаш бўйича тегишли қарор қабул қилингандан сўнг, ички ишлар органлари томонидан ўн кун муддатда келтирилган зарар қопланиши (берилиши) лозим.

20. Ички ишлар органлари томонидан ташкилотлар ва фуқароларнинг транспорт воситаларидан мажбурий тарзда фойдаланганлик натижасида қилинган харажатлар ёки етказилган зарар, шунингдек транспорт воситасининг эгасига етказилган мулкий зарарнинг ўрнини қоплаш ушбу Низомнинг иловасидаги схемага мувофиқ амалга оширилади.

5-боб. Якунловчи қоидалар

21. Ташкилотлар ва фуқароларнинг транспорт воситаларидан мажбурий тарзда фойдаланганлик натижасида харажатлар қилинган ёки зарар етказилган тақдирда, шунингдек, транспорт воситасининг эгасига мулкий зарар етказилганда ушбу харажатларнинг ёки зарарларнинг ўрнини ички ишлар органлари томонидан қоплаш масалалари бўйича низо ва келишмовчиликлар қонунчилик ҳужжатларида белгиланган тартибда ҳал этилади.

22. Мазкур Низомнинг талаблари бузилишида айбдор бўлган шахслар қонунчиликда белгиланган тартибда жавобгарликка тортилади.

Ўзбекистон Республикасининг Бош вазири А. АРИПОВ

Тошкент ш.,

2017 йил 24 апрель,

235-сон

(Ўзбекистон Республикаси қонун ҳужжатлари тўплами, 2017 й., 17-сон, 298-модда; Қонунчилик маълумотлари миллий базаси, 05.04.2022 й., 09/22/153/0266-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Ichki ishlar organlari tomonidan tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar yoki yetkazilgan zarar, shuningdek transport vositasining egasiga yetkazilgan mulkiy zararning oʻrnini qoplash tartibi toʻgʻrisidagi Nizomni tasdiqlash haqida

“Ichki ishlar organlari toʻgʻrisida”gi Oʻzbekiston Respublikasi Qonuniga muvofiq ichki ishlar organlari tomonidan tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar yoki yetkazilgan zarar, shuningdek, transport vositasining egasiga yetkazilgan mulkiy zararning oʻrnini qoplash maqsadida Vazirlar Mahkamasi qaror qiladi:

1. Ichki ishlar organlari tomonidan tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar yoki yetkazilgan zarar, shuningdek transport vositasining egasiga yetkazilgan mulkiy zararning oʻrnini qoplash tartibi toʻgʻrisidagi nizom ilovaga muvofiq tasdiqlansin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining 2017-yil 27-apreldagi 235-son qaroriga ILOVA

1-bob.Umumiy qoidalar

1. Ushbu Nizom “Ichki ishlar organlari toʻgʻrisida”gi Oʻzbekiston Respublikasi Qonuniga muvofiq ichki ishlar organlari tomonidan xizmat vazifalarini bajarish bilan bogʻliq holda tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar yoki yetkazilgan zarar, shuningdek transport vositasining egasiga yetkazilgan mulkiy zararning (keyingi oʻrinlarda mulkiy zarar deb ataladi) oʻrnini qoplash tartibini belgilaydi.

2. Ichki ishlar organlari tomonidan tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar yoki yetkazilgan zarar, shuningdek mulkiy zararning oʻrnini hamda uning miqdorini aniqlash bilan bogʻliq xarajatlar Davlat budjeti mablagʻlari hisobidan amalga oshiriladi.

Ichki ishlar organlari tomonidan tashkilotlar va fuqarolarning transport vositalaridan majburiy tarzda xodimning noqonuniy xatti-harakatlari tufayli foydalanganlik natijasida qilingan xarajatlar yoki yetkazilgan zarar, shuningdek mulkiy zararning oʻrni Oʻzbekiston Respublikasi Ichki ishlar vazirligining budjetdan tashqari jamgʻarmasi mablagʻlari hisobidan qoplanadi, ushbu summa keyinchalik aybdor shaxsdan undirib olinadi.

2-bob. Ichki ishlar organlari tomonidan tashkilotlar va fuqarolarning transport vositalaridan majburiy foydalanish tartibi

3. Ichki ishlar organlari xodimlari tomonidan xizmat vazifalarini bajarish bilan bogʻliq quyidagi hollarda tashkilotlarning yoki fuqarolarning transport vositalaridan majburiy tartibda foydalanishi mumkin:

tabiiy ofat yoki favqulodda holat yuz bergan joyga borishda;

shoshilinch tibbiy yordamga muhtoj fuqarolarni tibbiy muassasalarga olib borishda;

jinoyat sodir etgan shaxslarni taʼqib qilish va ichki ishlar organlariga olib kelishda;

hodisa joyiga yoki ichki ishlar organlarining shaxsiy tarkibini jangovar trevoga boʻyicha toʻplash joyiga borishda.

Ushbu holatlarda transport vositalari haydovchilari ichki ishlar organi xodimining transport vositalaridan majburiy tarzda foydalanish talabiga boʻysunishi shart va xodimdan xodimni identifikatsiyalovchi hujjatni talab qilish huquqiga ega.

4. Quyidagi tashkilotlarning yoki fuqarolarning transport vositalaridan foydalanishga yoʻl qoʻyilmaydi:

chet davlatlarning diplomatik, konsullik vakolatxonalariga va boshqa vakolatxonalariga tegishli transport vositalari;

xalqaro tashkilotlarga tegishli boʻlgan transport vositalari;

maxsus moʻljallangan va ovoz chiqaruv moslamalari (sirena) oʻrtnatilgan transport vositalaridan hamda Hukumat rahbarlarini olib yuruvchi, tibbiy tez yordam, yongʻin uchirish, konvoy, inkassator xizmatlarining transport vositalari.

5. Ichki ishlar organlari tomonidan transport vositalaridan foydalanilganda, transport vositasining egasiga xodim transport vositasidan foydalanilganlik faktini tasdiqlovchi identifikatsiyalovchi hujjat berilishi shart.

Identifikatsiyalovchi hujjat namunasi va uning berish tartibi Oʻzbekiston Respublikasi Ichki ishlar vazirligi tomonidan belgilanadi.

6. Transport vositasidan foydalangan ichki ishlar organi xodimi holat boʻyicha barcha tasdiqlovchi hujjatlar (huquqni muhofaza qiluvchi organlar va boshqa vakolatli davlat tashkilotlarining maʼlumotnomalari) ilova qilingan bildirgi bilan xizmat joyi boʻyicha ichki ishlar organi rahbariga axborot beradi.

3-bob. Tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar va yetkazilgan zarar, shuningdek mulkiy zararning oʻrnini qoplash masalalari boʻyicha murojaatlarni koʻrib chiqish tartibi

7. Tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar yoki yetkazilgan zarar, shuningdek mulkiy zararning oʻrnini qoplash masalalarini oʻrganish boʻyicha ichki ishlar organlarida doimiy komissiyalar tuziladi.

8. Komissiya tarkibiga ichki ishlar organining tegishli xizmatlari xodimlari kiritiladi va ichki ishlar organi rahbari tomonidan tasdiqlanadi.

9. Qilingan xarajatlar va yetkazilgan zarar, shuningdek mulkiy zararning oʻrnini qoplash uchun transport vositasining egasi yoki uning vakili ichki ishlar organiga murojaat qiladi va quyidagi hujjatlarni taqdim etadi:

a) transport vositasidan majburiy foydalanganlik natijasida qilingan xarajatlar va yetkazilgan zarar, shuningdek mulkiy zararning oʻrnini qoplash toʻgʻrisidagi ariza, unda quyidagilar koʻrsatiladi:

yuridik shaxslar uchun — yuridik shaxsning nomi, uning rekvizitlari, soliq toʻlovchining identifikatsiya raqami (keyingi oʻrinlarda STIR deb ataladi), bank rekvizitlari, rahbarning familiyasi, ismi va otasining ismi;

jismoniy shaxslar — familiyasi, ismi va otasining ismi, bank rekvizitlari (mavjud boʻlsa), yashash manzili va bogʻlanish uchun telefon raqami, elektron manzili (mavjud boʻlsa) toʻgʻrisida maʼlumotlar;

b) jismoniy shaxslar uchun — pasport yoki shaxsni tasdiqlovchi boshqa hujjatning nusxasi;

v) transport vositasini qayd etish guvohnomasi (texnik pasporti) nusxasi;

g) ichki ishlar organlari tomonidan transport vositalaridan foydalanilganlik faktini tasdiqlovchi hamda undan foydalangan ichki ishlar organi xodimini identifikatsiyalovchi hujjat;

d) yuridik yoki jismoniy shaxsning vakili uchun (transport vositasi egasining vakili murojaat qilgan taqdirda) — vakil sifatida murojaat qilish huquqini tasdiqlovchi hujjat va shaxsni tasdiqlovchi hujjatning nusxasi;

10. Holatga aniqlik kiritish uchun ichki ishlar organi rahbari tomonidan xodimning bildirgisi barcha asoslovchi hujjatlari bilan birgalikda uch kun muddatda komissiyaga taqdim etiladi.

11. Komissiyaning zararni qoplash toʻgʻrisidagi qaroriga asosan:

butunlay yaroqsiz holga kelgan va tiklash imkoni boʻlmagan transport vositasining ichki ishlar organi tomonidan foydalanishdan avvalgi holatidagi bozor qiymati;

foydalanganlik natijasida meʼyor boʻyicha sarf qilingan yoqilgʻining haqiqiy xarajat qiymati;

ichki ishlar organi tomonidan transport vositasidan foydalanilgandan keyin qilingan xarajatlar yoki yetkazilgan zararning oʻrni ichki ishlar organlari tomonidan qoplanadi.

12. Komissiya raisi va aʼzolari zararni qoplash toʻgʻrisidagi komissiya qarorining qonuniyligi va uni toʻgʻri qabul qilinganligiga masʼul hisoblanadi.

13. Ichki ishlar organlari tomonidan transport vositasining egasi yoki uning vakillarining murojaatlari, mazkur Nizomning 9-bandida koʻrsatib oʻtilgan hujjatlar taqdim etilgan kundan boshlab oʻn besh kun davomida, qoʻshimcha hujjatlar yoki tekshiruv talab etilganda esa bir oygacha boʻlgan muddatda koʻrib chiqiladi.

14. Ichki ishlar organlari tomonidan murojaat koʻrib chiqilgandan soʻng, uning natijalari haqida murojaat muallifiga uch kun muddatda yozma maʼlumot beriladi.

15. Ichki ishlar organlari tomonidan transport vositalaridan foydalanilganlik faktini tasdiqlovchi hamda undan foydalangan ichki ishlar organi xodimini identifikatsiyalovchi hujjat boʻlmagan taqdirda zarar qoplanmaydi.

4-bob. Tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar va yetkazilgan zarar, shuningdek mulkiy zarar miqdori va qoplash muddatlarini aniqlash tartibi

16. Qilingan xarajatlar va yetkazilgan zarar, shuningdek mulkiy zarar miqdori ichki ishlar organi tomonidan baholash tashkilotini jalb qilgan holda aniqlanadi.

17. Ichki ishlar organlari transport vositasi egasiga yetkazilgan mulkiy zarar va qilingan xarajatlar miqdori toʻgʻrisidagi zarur maʼlumotlarni vakolatli davlat organlari va boshqa davlat tashkilotlaridan talab qilib olish huquqiga ega.

18. Transport vositasi egasi yoki uning vakili bilan kelishilgan holda, mulkiy zarar naqd yoki pul oʻtkazish, teng qiymatdagi transport vositasini berish yoʻli bilan, uni rasmiylashtirish bilan bogʻliq xarajatlarni inobatga olgan holda natura tarzida qoplanishi mumkin.

19. Qilingan xarajatlar va yetkazilgan zarar, shuningdek mulkiy zarar oʻrnini qoplash boʻyicha tegishli qaror qabul qilingandan soʻng, ichki ishlar organlari tomonidan oʻn kun muddatda keltirilgan zarar qoplanishi (berilishi) lozim.

20. Ichki ishlar organlari tomonidan tashkilotlar va fuqarolarning transport vositalaridan majburiy tarzda foydalanganlik natijasida qilingan xarajatlar yoki yetkazilgan zarar, shuningdek transport vositasining egasiga yetkazilgan mulkiy zararning oʻrnini qoplash ushbu Nizomning ilovasidagi sxemaga muvofiq amalga oshiriladi.

5-bob. Yakunlovchi qoidalar

21. Tashkilotlar va fuqarolarning transport vositalaridan majburiy tarzda foydalanganlik natijasida xarajatlar qilingan yoki zarar yetkazilgan taqdirda, shuningdek, transport vositasining egasiga mulkiy zarar yetkazilganda ushbu xarajatlarning yoki zararlarning oʻrnini ichki ishlar organlari tomonidan qoplash masalalari boʻyicha nizo va kelishmovchiliklar qonunchilik hujjatlarida belgilangan tartibda hal etiladi.

22. Mazkur Nizomning talablari buzilishida aybdor boʻlgan shaxslar qonunchilikda belgilangan tartibda javobgarlikka tortiladi.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 24-aprel,

235-son

(Oʻzbekiston Respublikasi qonun hujjatlari toʻplami, 2017-y., 17-son, 298-modda; Qonunchilik maʼlumotlari milliy bazasi, 05.04.2022-y., 09/22/153/0266-son)

lex.uz