📅 2017-yil 1-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 1 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 мая 2017 г. · Постановления Президента
Официальный текст. Официальный документ. Редакционные примечания не включены.
📅 1 May 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
тузилмаси
Балиқчилик тармоғини бошқариш тизимини такомиллаштириш чора-тадбирлари тўғрисида
Балиқчилик тармоғини бошқариш тизимини такомиллаштириш, балиқчилик ва балиқ овлаш ташкилотлари фаолияти самарадорлигини ошириш, балиқ маҳсулотларини қайта ишлаш бўйича ишлаб чиқариш қувватларини кенгайтириш, табиий ва сунъий сув ҳавзаларидан оқилона фойдаланиш, шунингдек, балиқ етиштиришнинг илмий асосланган усуллари ва интенсив технологияларини жорий этиш мақсадида:
1. Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Давлат солиқ қўмитаси, Ўзбекистон Республикаси Экология ва атроф-муҳитни муҳофаза қилиш давлат қўмитаси ва «Ипотека-банк» акциядорлик тижорат ипотека банкининг «Ўзбекбалиқсаноат» уюшмасини ташкил этиш тўғрисидаги таклифларига розилик берилсин.
2. Қуйидагилар «Ўзбекбалиқсаноат» уюшмасининг асосий вазифалари ва фаолияти йўналишлари этиб белгилансин:
а) балиқ чавоқларини етиштиришни такомиллаштириш бўйича:
табиий ва сунъий сув ҳавзаларини балиқлантириш учун қимматли балиқ турларини кўпайтиришни йўлга қўйишда балиқчилик тармоғи ташкилотларига кўмаклашиш;
личинка ишлаб чиқариш бўйича янги инкубация цехларини ташкил этиш, балиқ чавоқлари етиштириш ҳажмларини кўпайтириш, балиқ чавоқлари етиштириш бўйича мавжуд ҳовузларни модернизация қилиш ва кенгайтириш;
б) табиий ва сунъий сув ҳавзаларининг ресурсларидан оқилона фойдаланиш бўйича:
сув ҳавзалари ташкил этиш учун ер участкалари бериш масалаларида тегишли маҳаллий ижро этувчи ҳокимият органлари билан ўзаро самарали ҳамкорликни таъминлаш;
балиқ етиштиришнинг замонавий технологияларини, шу жумладан, қафас усулини кенг жорий этиш ҳамда табиий ва сунъий сув ҳавзаларида маҳсулдорликни кўпайтириш ҳисобига балиқ овлаш ҳажмларини ошириш;
балиқлар учун тўла қийматли, юқори оқсилли озуқалар ишлаб чиқариш учун янги ишлаб чиқариш қувватларини ташкил этиш ва мавжудларини модернизация қилиш йўли билан балиқчилик тармоғининг озуқа базасини мустаҳкамлаш;
в) балиқчилик тармоғини жадал ривожлантириш бўйича:
балиқчилик тармоғини ривожлантириш бўйича қабул қилинган дастурий чора-тадбирлар амалга оширилишини мувофиқлаштириш, ягона илмий-техник, технологик, инвестицион ва экспорт сиёсатини изчил амалга ошириш, шунингдек, ички ва ташқи бозорларда нархлар мониторингини олиб бориш;
табиий ва сунъий сув ҳавзаларидаги балиқ ресурсларидан оқилона фойдаланишни таъминлайдиган норматив-ҳуқуқий базани ишлаб чиқишда иштирок этиш, республикада аквакультурани ривожлантиришни рағбатлантириш механизмларини жорий этиш;
имтиёз ва енгилликлар бериш, халқаро молия институтлари ва донор мамлакатларнинг маблағларини жалб этиш йўли билан балиқчилик тармоғи ташкилотларини давлат томонидан қўллаб-қувватлашга кўмаклашиш;
маҳсулот сотиш бозорларини кенгайтириш бўйича маркетинг тадқиқотлари олиб бориш, балиқ маҳсулотлари нархлари шаклланишининг мақбул механизмини белгилаш бўйича таклифлар ва тавсияларни ишлаб чиқиш, балиқ маҳсулотларини экспорт қилиш ҳажмларини кўпайтириш;
халқаро талабларга мувофиқ сифат менежменти тизимининг замонавий усулларини, ишлаб чиқарилаётган маҳсулотни сертификатлаштириш ва стандартлаштиришни, балиқ маҳсулотларини саноат йўли билан қайта ишлаш ва қадоқлашни жорий этиш;
балиқ етиштириш ва уни қайта ишлаш соҳасида ишлаб чиқилган инновацион технологияларни кенг жорий этиш учун илмий-тадқиқот ишларини олиб бориш.
3. «Ўзбекбалиқсаноат» уюшмасининг ташкилий тузилмаси, унинг ижро этувчи аппарати бошқарув ходимларининг умумий чекланган сони 28 нафар бўлган тузилмаси ва ҳудудий «Балиқсаноат» МЧЖларнинг намунавий тузилмаси 1 * , 2 ва 3-иловаларга * мувофиқ маъқуллансин.
«Ўзбекбалиқсаноат» уюшмаси раисига зарурат бўлганда бошқарув ходимларининг штатдаги чекланган умумий сони доирасида ижро этувчи аппарат тузилмасига ўзгартишлар киритиш ҳуқуқи берилсин.
4. Қуйидагилар:
«Ўзбекбалиқсаноат» уюшмаси раиси ва унинг ўринбосарлари муассисларнинг умумий йиғилиши қарори билан сайланадилар ҳамда Ветеринария ва чорвачиликни ривожлантириш қўмитаси раисининг тақдимига биноан Ўзбекистон Республикаси Вазирлар Маҳкамаси томонидан лавозимга тасдиқланадилар;
«Ўзбекбалиқсаноат» уюшмаси ижро этувчи аппарати фаолиятини жорий таъминлаш ва молиялаштириш Уюшманинг аъзолари бўлган ташкилотларнинг бадаллари ва қонун ҳужжатларида тақиқланмаган бошқа манбалар ҳисобига амалга оширилади.
6. Маълумот учун қабул қилинсинки:
ҳудудий «Балиқсаноат» масъулияти чекланган жамиятлари (кейинги ўринларда ҳудудий «Балиқсаноат» МЧЖлар деб аталади) ва балиқчилик тармоғининг бошқа ташкилотлари «Ўзбекбалиқсаноат» уюшмасининг муассислари ҳисобланади;
ҳудудий «Балиқсаноат» МЧЖлар ва «Ўзбекбалиқсаноат» уюшмасининг ташкил этилиши 4-иловага * мувофиқ схема бўйича амалга оширилади.
7. Ўзбекистон Республикаси Қишлоқ ва сув хўжалиги вазирлигининг Ўзбекистон қишлоқ хўжалиги илмий-ишлаб чиқариш маркази бир ой муддатда Чорвачилик, паррандачилик ва балиқчилик илмий-тадқиқот институтининг Балиқчиликни ривожлантириш илмий-тажриба станциясини Балиқчилик илмий-тадқиқот институтига белгиланган тартибда айлантирсин ва унинг филиалларини Айдар — Арнасой кўллар тизимида ва республиканинг бошқа ҳудудларида ташкил этсин.
8. Илмий-тадқиқот ва селекция-наслчилик ишларини, замонавий озуқалар рецептурасини ишлаб чиқиш ва балиқчилик тармоғида замонавий технологияларни жорий этишга кўмаклашиш бўйича бошқа тадбирларни амалга оширишни, балиқларнинг касалликлари профилактикаси ва уларни даволашни, тармоқни ривожлантириш бўйича инвестиция лойиҳалари шакллантирилишини молиялаштириш учун «Ўзбекбалиқсаноат» уюшмасининг Балиқчиликни ривожлантириш жамғармаси ташкил этилсин.
Белгилансинки, табиий сув ҳавзалари ижарасидан тушган маблағлар тўлиқ миқдорда «Ўзбекбалиқсаноат» уюшмасининг Балиқчиликни ривожлантириш жамғармасига йўналтирилади.
Вазирлар Маҳкамасининг «Балиқчилик тармоғида монополиядан чиқариш ва хусусийлаштиришни чуқурлаштириш чора-тадбирлари тўғрисида»ги 2003 йил 13 августдаги 350-сон қарорига мувофиқ Чорвачилик, паррандачилик ва балиқчилик илмий-тадқиқот институти ҳузурида ташкил этилган бюджетдан ташқари Балиқчиликни ривожлантириш жамғармаси тугатилсин.
9. Ҳудудий «Балиқсаноат» МЧЖларни ва «Ўзбекбалиқсаноат» уюшмасини ташкил этиш билан боғлиқ ташкилий тадбирларни мувофиқлаштириш ва уларни амалга оширишга кўмаклашиш бўйича 5-иловага * мувофиқ таркибда Ишчи гуруҳи (кейинги ўринларда Ишчи гуруҳ деб аталади) ташкил этилсин.
Ишчи гуруҳ Ўзбекистон Республикаси Қишлоқ ва сув хўжалиги вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси ва «Ипотека-банк» акциядорлик тижорат ипотека банки билан биргаликда бир ой муддатда:
мазкур қарорнинг 4-иловасига * мувофиқ ҳудудий «Балиқсаноат» МЧЖлари ва «Ўзбекбалиқсаноат» уюшмаси ташкил этилишини;
«Ўзбекбалиқсаноат» уюшмаси устави тасдиқланишини ва унинг давлат рўйхатидан ўтказилишини;
«Ўзбекбалиқсаноат» уюшмаси ижро этувчи аппаратининг тасдиқланган тузилмасига ва штатлар жадвалига мувофиқ юқори малакали мутахассислар билан пухта танлаш асосида тўлдирилишини таъминласин.
10. Ишчи гуруҳ Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Молия вазирлиги ва Давлат солиқ қўмитаси билан биргаликда 2017 — 2021 йиллар даврида балиқчилик тармоғини янада комплекс ривожлантириш чора-тадбирлари дастури лойиҳасини ишлаб чиқсин ва тасдиқлаш учун икки ой муддатда Вазирлар Маҳкамасига киритсин. Дастур лойиҳасини ишлаб чиқишда қуйидаги устувор вазифаларга алоҳида эътибор қаратсин:
балиқчилик тармоғининг норматив-ҳуқуқий базасини янада такомиллаштириш;
балиқлар учун юқори оқсилли озуқалар ишлаб чиқариш бўйича мавжуд қувватларни модернизация қилиш ва янги қувватларни барпо этиш йўли билан балиқчилик тармоғининг озуқа базасини мустаҳкамлаш;
балиқларнинг юқори маҳсулдор зотларини жорий этиш, балиқ етиштириш ҳажмларини босқичма-босқич кўпайтириш, ички эҳтиёжни тўлиқ таъминлаш учун сув ҳавзаларининг сифатини яхшилаш ва ҳосилдорлигини ошириш;
ҳудудий «Балиқсаноат» МЧЖлар негизида инкубация цехларини қуриш, балиқларни парвариш қилиш жойларини, балиқни қайта ишлаш ва омухта ем ишлаб чиқариш бўйича ишлаб чиқариш қувватларини ташкил этиш;
Айдар — Арнасой кўллар тизимидан янада самарали фойдаланиш, балиқ етиштириш, овлаш ва қайта ишлашни кенгайтириш бўйича комплекс чора-тадбирлар дастурини ишлаб чиқиш ва амалга ошириш;
республика сув омборларидан самарали фойдаланиш учун балиқ етиштириш ва овлаш ишларини ташкил этиш;
юқори малакали хорижий мутахассисларни жалб этиш йўли билан балиқ етиштиришнинг қафас усулини тизимли равишда кенг жорий этиш;
балиқчилик тармоғи ташкилотларига бошқариладиган нархлар бўйича моддий-техника ресурсларини етказиб бериш, шунингдек, катерлар, қайиқ ва бошқа махсус техникаларни сотиб олиш;
балиқчилик маҳсулотлари сифати менежментининг замонавий усулларини кенг жорий этиш, шунингдек, уни халқаро талабларга мувофиқ сертификатлаштириш ва стандартлаштириш бўйича таклифларни ишлаб чиқиш;
олий ва ўрта махсус, касб-ҳунар таълими муассасаларида кадрлар, шунингдек, балиқчилик тармоғи учун илмий тадқиқотчилар, ихтиолог мутахассислар тайёрлашнинг ўқув режалари ҳамда дастурларини такомиллаштириш ва янгилаш, кадрлар малакасини оширишни ташкил этиш.
11. Қорақалпоғистон Республикаси Вазирлар Кенгаши ва вилоятлар ҳокимликлари:
балиқ овлаш тармоғини ривожлантириш мақсадида табиий сув ҳавзаларини 2018 йилдан бошлаб белгиланган тартибда доимий равишда танҳо фойдаланиш учун «Ўзбекбалиқсаноат» уюшмасига берилишини таъминласинлар.
12. Ўзбекистон Республикаси Қишлоқ ва сув хўжалиги вазирлиги Молия вазирлиги, Ўзбекистон Республикаси Экология ва атроф-муҳитни муҳофаза қилиш давлат қўмитаси ва «Ўзбекбалиқсаноат» уюшмаси, манфаатдор вазирликлар ва идоралар билан биргаликда бир ой муддатда Вазирлар Маҳкамасига:
балиқчилик хўжаликларига табиий сув ҳавзалари участкаларини ажратиш, балиқни саноат йўли билан овлаш, балиқчилик ташкилотларининг табиий сув ҳавзаларидан фойдаланганлиги учун ижара тўловини ҳисоблаш ва ундириш тартиби тўғрисидаги низом лойиҳасини;
«Ўзбекбалиқсаноат» уюшмасининг Балиқчиликни ривожлантириш жамғармасини шакллантириш ва маблағларидан фойдаланиш тартиби тўғрисидаги низом лойиҳасини тасдиқлаш учун киритсин.
13. «Ўзбекистон темир йўллари» АЖ қуйи бўлинмалари базасида балиқчилик тармоғининг, шу жумладан, Айдар — Арнасой кўллар тизими ишчиларининг вақтинчалик яшаши учун махсус вагонлар ва қафас ускуналари ишлаб чиқаришни ташкил этиш бўйича бир ой муддатда таклиф киритсин.
14. Ўзбекистон Республикаси Олий ва ўрта махсус таълим вазирлиги Қишлоқ ва сув хўжалиги вазирлиги билан биргаликда:
балиқчилик тармоғи учун юқори малакали кадрлар тайёрлаш ва уларни қайта тайёрлаш мақсадида Тошкент давлат аграр университетида балиқчилик факультетини ташкил этсин;
2017-2018 ўқув йилидан бошлаб Арнасой қишлоқ хўжалиги ва транспорт касб-ҳунар коллежи базасида балиқчилик тармоғи учун кадрлар тайёрлашни ҳамда мазкур коллеж Тошкент давлат аграр университетига бириктирилишини таъминласин.
15. Ўзбекистон Республикаси Иқтисодий тараққиёт ва камбағалликни қисқартириш вазирлиги «Ўздонмаҳсулот» акциядорлик компанияси билан биргаликда ҳар йили озиқ-овқат буғдойи балансини шакллантиришда омухта ем ишлаб чиқариш учун ҳудудий «Балиқсаноат» МЧЖларга биржа савдолари орқали сотиш учун буғдой ажратилишини назарда тутсин.
16. Юридик шахслар 2023 йил 1 январгача бўлган муддатда личинка, балиқ чавоқлари ва товар балиқ етиштиришдан, балиқчилик маҳсулотларини тайёрлаш ва қайта ишлашдан олинган даромадлар бўйича айланмадан олинадиган солиқни тўлашдан озод этилсин.
17. Ўзбекистон Республикаси Марказий банки «Ўзбекбалиқсаноат» уюшмасининг асосланган буюртмалари бўйича премикслар, ветеринария препаратлари, балиқ чавоқлари, балиқни қайта ишлаш бўйича технологияларни, бошқа зарур материаллар ва ускуналарни ҳамда махсус техникаларни сотиб олиш учун маблағларнинг етишмаётган қисмини конвертация қилишни таъминласин.
18. «Ўзбекбалиқсаноат» уюшмасига Уюшманинг аъзолари манфаатларини кўзлаб даъволар тақдим этиш, давлат органларининг қарорлари, уларнинг мансабдор шахсларининг ҳаракатлари (ҳаракатсизлиги) устидан давлат божи тўламасдан судга шикоят қилиш ҳуқуқи берилсин.
19. Ўзбекистон Республикаси Ташқи ишлар вазирлиги «Ўзбекбалиқсанот» уюшмасининг буюртманомаларига биноан балиқчилик тармоғида ишлашга жалб этиладиган хорижий мутахассисларга кириш визаларининг консуллик йиғимлари ва бошқа йиғимлар ундирилмасдан расмийлаштирилишини белгиланган тартибда таъминласин.
20. Ўзбекистон Республикаси Ички ишлар вазирлиги «Ўзбекбалиқсанот» уюшмасининг буюртманомаларига биноан балиқчилик тармоғида ишлашга жалб этиладиган хорижий мутахассисларга давлат божи ундирилмасдан кўп марталик кириш визалари берилишини ва уларнинг муддати узайтирилишини, шунингдек, уларнинг турган жойи бўйича рўйхатдан ўтказилишини ва унинг муддати узайтирилишини белгиланган тартибда таъминласин.
21. Ўзбекистон Республикаси Меҳнат вазирлиги «Ўзбекбалиқсанот» уюшмасининг буюртманомаларига биноан балиқчилик тармоғида ишлаш учун юқори малакали хорижий мутахассисларни (Ўзбекистон Республикаси фуқаролари орасида бундай мутахассислар бўлмаган тақдирда) Ўзбекистон Республикасига жалб этишга рухсатномалар беришни (муддатини узайтиришни), шунингдек, кўрсатиб ўтилган хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (муддати узайтирилишини) таъминласин.
22. Ўзбекистон Республикаси Қишлоқ ва сув хўжалиги вазирлиги ва Тошкент шаҳар ҳокимлиги «Ўзбекбалиқсаноат» уюшмасини Тошкент шаҳри, Чилонзор тумани, Кичик Ҳалқа йўли кўчаси, 21 «а»-уй манзилига бепул фойдаланиш ҳуқуқи билан жойлаштирилишини таъминласин.
23. Ўзбекистон Республикаси Қишлоқ ва сув хўжалиги вазирлиги «Ўзбекбалиқсаноат» уюшмаси ҳамда манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқувчи ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
24. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Қишлоқ ва сув хўжалиги вазири З.Т. Мирзаев ва Ўзбекистон Республикаси Давлат солиқ қўмитаси раиси Б.Р. Парпиев зиммасига юклансин.
Ўзбекистон Республикаси Президентининг 2017 йил 1 майдаги ПҚ-2939-сонли қарорига 2-ИЛОВА
«Ўзбекбалиқсаноат» уюшмасининг ижро этувчи аппарати ташкилий
Ўзбекистон Республикаси Президентининг «Балиқчилик тармоғини бошқариш тизимини такомиллаштириш чора-тадбирлари тўғрисида»ги қарорига ШАРҲ
Кейинги йилларда республикада аҳолининг озиқ-овқат хавфсизлигини таъминлаш, шу жумладан, сифатли балиқ маҳсулотлари ишлаб чиқариш ҳажмларини кўпайтириш бўйича бир қанча дастурий чора-тадбирлар қабул қилинди. Амалга оширилаётган чора-тадбирлар натижасида 2016 йилда қарийб 3 минг гектар янги сунъий ҳовузлар ташкил этилди, уларда 900 тага яқин янги балиқчилик хўжалиги тадбиркорлик фаолиятини амалга оширмоқда. Балиқчилик хўжаликларини молиявий қўллаб-қувватлаш мақсадида «Ипотека-банк» акциядорлик тижорат ипотека банки томонидан 116 миллиард сўмдан ортиқ кредитлар ажратилди. Аҳолининг балиқ маҳсулотларига бўлган эҳтиёжини таъминлаш мақсадида 2016 йилда 76 минг тоннага яқин балиқ етиштирилди, бу 2015 йилга қараганда 16 минг тонна кўпдир. Шу билан бирга, таҳлиллар шуни кўрсатадики, балиқ чавоқлари ишлаб чиқариш ҳамда табиий сув ҳавзалари ва сунъий кўллардан самарасиз фойдаланиш балиқчилик тармоғининг энг заиф бўғини ҳисобланади. Натижада сунъий кўлларнинг ҳосилдорлиги бир гектарда 20 центнердан ошмайди, бу жаҳондаги ўртача кўрсаткичлардан анча пастдир. Балиқчилик соҳасидаги илғор хорижий тажрибаларни ўрганиш, интенсив технологияларни кенг жорий этиш ва балиқ етиштиришнинг юқори технологик усулларидан фойдаланиш алоҳида эътиборни талаб қилади. Балиқчиликни янада ривожлантириш ва аҳолини кенг турдаги ва арзон балиқ маҳсулотлари билан таъминлашдаги камчиликлар, муаммолар ва мавжуд имкониятлар Ўзбекистон Республикаси Президенти Шавкат Мирзиёев томонидан жорий йилнинг 27 апрель куни Жиззах вилоятида амалга оширилаётган ишлар билан танишиш чоғида кўрсатиб ўтилди. Балиқчилик тармоғидаги бу муаммоларни бартараф этиш мақсадида Ўзбекистон Республикаси Президентининг «Балиқчилик тармоғини бошқариш тизимини такомиллаштириш чора-тадбирлари тўғрисида»ги қарори қабул қилинди. Қарорга мувофиқ «Ўзбекбалиқсаноат» уюшмаси ташкил этилади, унинг таркибига жойларда балиқчилик тармоғи ташкилотлари ишларини мувофиқлаштирувчи 13 та ҳудудий «Балиқсаноат» масъулияти чекланган жамияти киради. Балиқ маҳсулотлари ишлаб чиқаришнинг ташкилий-технологик жараёнларини тизимли ташкил этиш, балиқ чавоқларини такрор кўпайтириш ва озуқа базани мустаҳкамлаш, табиий сув ҳавзалари ва сунъий кўлларнинг ресурсларидан оқилона фойдаланиш, шунингдек, балиқ етиштириш жараёнига илмий асосланган усулларни ва интенсив технологияларни жорий этиш «Ўзбекбалиқсаноат» уюшмасининг асосий вазифалари ва йўналишлари ҳисобланади. Бундан ташқари, балиқчилик тармоғида илмий-тадқиқот ишларини янада такомиллаштириш, илмий кадрлар тайёрлаш, илмий ва техник янгиликларни тадбиркорлик субъектларига етказиш мақсадида Балиқчиликни ривожлантириш илмий-тажриба станцияси Балиқчилик илмий-тадқиқот институтига айлантирилди ва Айдар — Арнасой кўллар тизимида ҳамда республиканинг бошқа ҳудудларида унинг филиалларини очиш белгиланди. Тармоқ лойиҳаларини биргаликда молиялаштириш, шунингдек, маслаҳат, ахборот-таҳлил ва маркетинг хизматлари кўрсатиш йўли билан балиқчиликни ривожлантириш дастурлари амалга оширилишига кўмаклашиш учун қарорда «Ипотека-банк» акциядорлик тижорат ипотека банкининг инвестицион компаниясини ташкил этиш маъқулланди ва унинг улуши янгидан ташкил этилаётган ҳудудий «Балиқсаноат» масъулияти чекланган жамиятларининг устав фондида камида 51 фоизни ташкил этади. Илмий-тадқиқот, селекция ва наслчилик ишларини молиялаштириш, озуқаларнинг замонавий рецептураларини ишлаб чиқиш ва балиқчилик тармоғига илғор технологияларни жорий этишда кўмаклашиш, балиқларнинг касалликлари профилактикаси ва уларни даволаш ҳамда тармоқни ривожлантириш бўйича инвестиция лойиҳаларини шакллантириш мақсадида «Ўзбекбалиқсаноат» уюшмасида Балиқчиликни ривожлантириш жамғармаси ташкил этилади. «Ўзбекбалиқсаноат» уюшмасини, унинг ҳудудий «Балиқсаноат» масъулияти чекланган жамиятларини ва уюшма таркибига кирувчи юридик шахсларни молиявий қўллаб-қувватлаш мақсадида уларга 2023 йилнинг 1 январигача уруғ, балиқ чавоқлари ва товар балиқ етиштиришдан, балиқ маҳсулотларини тайёрлаш ва қайта ишлашдан олинган даромадларидан ягона солиқ тўлови тўлашдан озод этиш бўйича имтиёзлар берилмоқда. Бунда бўшайдиган маблағлар, биринчи навбатда, белгиланган тартибда балиқчилик ташкилотларини иқтисодий қўллаб-қувватлашга, балиқчилик тармоғининг моддий-техника базасини мустаҳкамлашга ва соҳа ходимларини моддий рағбатлантиришга йўналтирилади. Мазкур қарор билан, шунингдек, балиқ етиштириш ва уни қайта ишлаш ҳажмларини кўпайтиришга, балиқ чавоқлари билан таъминлашга, балиқ етиштиришнинг замонавий усулларини жорий этишга йўналтирилган 2017 — 2021 йилларда балиқчилик тармоғини янада комплекс ривожлантириш бўйича дастурий чора-тадбирларни ишлаб чиқиш ва амалга ошириш бўйича ишчи гуруҳ ташкил этилди. Юқори маҳсулдор балиқ турларини иқлимлаштириш ишларини илмий асосда ташкил этиш ҳисобига балиқларнинг африка лаққаси, тиляпия, форель, венгрия сазани ва осётр турларини кўпайтириш йўлга қўйилади. Бу, ўз навбатида, ички бозорларга узлуксиз равишда кенг ассортиментдаги арзон ва сифатли балиқ маҳсулотлари етказиб берилишини таъминлайди. Шубҳасиз, бу ютуқларга эришиш учун бир қатор кечиктириб бўлмайдиган ва амалий вазифаларни ўз вақтида ва сифатли ҳал этиш талаб этилади. Улар жумласига Айдар — Арнасой кўллар тизими ва сув омборларидаги мавжуд имкониятлардан янада самарали фойдаланиш бўйича чора-тадбирларни ишлаб чиқиш ва амалга ошириш, қафас усулида балиқ етиштиришни кенг жорий этиш, балиқ етиштирувчи ва балиқ овловчи ташкилотларнинг моддий-техника базасини янада мустаҳкамлаш, бугунги кунда фаолият кўрсатаётган бир қатор касб-ҳунар коллежларининг ихтисослашувини қайта кўриб чиқиш ва Тошкент давлат аграр университетида балиқчилик соҳаси учун кадрлар тайёрлаш факультетини ташкил этиш, бу борада халқаро тажрибани ўрганиш ва балиқчилик соҳасида ишлаш учун чет эл мутахассисларини жалб этиш каби масалалар киради. Қарорда назарда тутилган тадбирларнинг амалга оширилиши балиқчилик тармоғининг барча соҳасини қамраб олувчи ва унинг жадал ривожланишини таъминловчи ягона бошқарув тизими ташкил этилишига, янги иш ўринлари яратилишига, балиқ етиштириш ҳажмларини кескин кўпайтиришга, республика аҳолисининг балиқ маҳсулотларига бўлган эҳтиёжини таъминлашга ва соҳанинг экспорт салоҳиятини оширишга кўмаклашади.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 1 май,
ПҚ-2939-сон
Oʻzbekiston Respublikasi Prezidentining
Qarori
tuzilmasi
Baliqchilik tarmogʻini boshqarish tizimini takomillashtirish chora-tadbirlari toʻgʻrisida
Baliqchilik tarmogʻini boshqarish tizimini takomillashtirish, baliqchilik va baliq ovlash tashkilotlari faoliyati samaradorligini oshirish, baliq mahsulotlarini qayta ishlash boʻyicha ishlab chiqarish quvvatlarini kengaytirish, tabiiy va sunʼiy suv havzalaridan oqilona foydalanish, shuningdek, baliq yetishtirishning ilmiy asoslangan usullari va intensiv texnologiyalarini joriy etish maqsadida:
1. Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Davlat soliq qoʻmitasi, Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va “Ipoteka-bank” aksiyadorlik tijorat ipoteka bankining “Oʻzbekbaliqsanoat” uyushmasini tashkil etish toʻgʻrisidagi takliflariga rozilik berilsin.
2. Quyidagilar “Oʻzbekbaliqsanoat” uyushmasining asosiy vazifalari va faoliyati yoʻnalishlari etib belgilansin:
a) baliq chavoqlarini yetishtirishni takomillashtirish boʻyicha:
tabiiy va sunʼiy suv havzalarini baliqlantirish uchun qimmatli baliq turlarini koʻpaytirishni yoʻlga qoʻyishda baliqchilik tarmogʻi tashkilotlariga koʻmaklashish;
lichinka ishlab chiqarish boʻyicha yangi inkubatsiya sexlarini tashkil etish, baliq chavoqlari yetishtirish hajmlarini koʻpaytirish, baliq chavoqlari yetishtirish boʻyicha mavjud hovuzlarni modernizatsiya qilish va kengaytirish;
b) tabiiy va sunʼiy suv havzalarining resurslaridan oqilona foydalanish boʻyicha:
suv havzalari tashkil etish uchun yer uchastkalari berish masalalarida tegishli mahalliy ijro etuvchi hokimiyat organlari bilan oʻzaro samarali hamkorlikni taʼminlash;
baliq yetishtirishning zamonaviy texnologiyalarini, shu jumladan, qafas usulini keng joriy etish hamda tabiiy va sunʼiy suv havzalarida mahsuldorlikni koʻpaytirish hisobiga baliq ovlash hajmlarini oshirish;
baliqlar uchun toʻla qiymatli, yuqori oqsilli ozuqalar ishlab chiqarish uchun yangi ishlab chiqarish quvvatlarini tashkil etish va mavjudlarini modernizatsiya qilish yoʻli bilan baliqchilik tarmogʻining ozuqa bazasini mustahkamlash;
v) baliqchilik tarmogʻini jadal rivojlantirish boʻyicha:
baliqchilik tarmogʻini rivojlantirish boʻyicha qabul qilingan dasturiy chora-tadbirlar amalga oshirilishini muvofiqlashtirish, yagona ilmiy-texnik, texnologik, investitsion va eksport siyosatini izchil amalga oshirish, shuningdek, ichki va tashqi bozorlarda narxlar monitoringini olib borish;
tabiiy va sunʼiy suv havzalaridagi baliq resurslaridan oqilona foydalanishni taʼminlaydigan normativ-huquqiy bazani ishlab chiqishda ishtirok etish, respublikada akvakulturani rivojlantirishni ragʻbatlantirish mexanizmlarini joriy etish;
imtiyoz va yengilliklar berish, xalqaro moliya institutlari va donor mamlakatlarning mablagʻlarini jalb etish yoʻli bilan baliqchilik tarmogʻi tashkilotlarini davlat tomonidan qoʻllab-quvvatlashga koʻmaklashish;
mahsulot sotish bozorlarini kengaytirish boʻyicha marketing tadqiqotlari olib borish, baliq mahsulotlari narxlari shakllanishining maqbul mexanizmini belgilash boʻyicha takliflar va tavsiyalarni ishlab chiqish, baliq mahsulotlarini eksport qilish hajmlarini koʻpaytirish;
xalqaro talablarga muvofiq sifat menejmenti tizimining zamonaviy usullarini, ishlab chiqarilayotgan mahsulotni sertifikatlashtirish va standartlashtirishni, baliq mahsulotlarini sanoat yoʻli bilan qayta ishlash va qadoqlashni joriy etish;
baliq yetishtirish va uni qayta ishlash sohasida ishlab chiqilgan innovatsion texnologiyalarni keng joriy etish uchun ilmiy-tadqiqot ishlarini olib borish.
3. “Oʻzbekbaliqsanoat” uyushmasining tashkiliy tuzilmasi, uning ijro etuvchi apparati boshqaruv xodimlarining umumiy cheklangan soni 28 nafar boʻlgan tuzilmasi va hududiy “Baliqsanoat” MCHJlarning namunaviy tuzilmasi 1 * , 2 va 3-ilovalarga * muvofiq maʼqullansin.
“Oʻzbekbaliqsanoat” uyushmasi raisiga zarurat boʻlganda boshqaruv xodimlarining shtatdagi cheklangan umumiy soni doirasida ijro etuvchi apparat tuzilmasiga oʻzgartishlar kiritish huquqi berilsin.
4. Quyidagilar:
“Oʻzbekbaliqsanoat” uyushmasi raisi va uning oʻrinbosarlari muassislarning umumiy yigʻilishi qarori bilan saylanadilar hamda Veterinariya va chorvachilikni rivojlantirish qoʻmitasi raisining taqdimiga binoan Oʻzbekiston Respublikasi Vazirlar Mahkamasi tomonidan lavozimga tasdiqlanadilar;
“Oʻzbekbaliqsanoat” uyushmasi ijro etuvchi apparati faoliyatini joriy taʼminlash va moliyalashtirish Uyushmaning aʼzolari boʻlgan tashkilotlarning badallari va qonun hujjatlarida taqiqlanmagan boshqa manbalar hisobiga amalga oshiriladi.
6. Maʼlumot uchun qabul qilinsinki:
hududiy “Baliqsanoat” masʼuliyati cheklangan jamiyatlari (keyingi oʻrinlarda hududiy “Baliqsanoat” MCHJlar deb ataladi) va baliqchilik tarmogʻining boshqa tashkilotlari “Oʻzbekbaliqsanoat” uyushmasining muassislari hisoblanadi;
hududiy “Baliqsanoat” MCHJlar va “Oʻzbekbaliqsanoat” uyushmasining tashkil etilishi 4-ilovaga * muvofiq sxema boʻyicha amalga oshiriladi.
7. Oʻzbekiston Respublikasi Qishloq va suv xoʻjaligi vazirligining Oʻzbekiston qishloq xoʻjaligi ilmiy-ishlab chiqarish markazi bir oy muddatda Chorvachilik, parrandachilik va baliqchilik ilmiy-tadqiqot institutining Baliqchilikni rivojlantirish ilmiy-tajriba stansiyasini Baliqchilik ilmiy-tadqiqot institutiga belgilangan tartibda aylantirsin va uning filiallarini Aydar — Arnasoy koʻllar tizimida va respublikaning boshqa hududlarida tashkil etsin.
8. Ilmiy-tadqiqot va seleksiya-naslchilik ishlarini, zamonaviy ozuqalar retsepturasini ishlab chiqish va baliqchilik tarmogʻida zamonaviy texnologiyalarni joriy etishga koʻmaklashish boʻyicha boshqa tadbirlarni amalga oshirishni, baliqlarning kasalliklari profilaktikasi va ularni davolashni, tarmoqni rivojlantirish boʻyicha investitsiya loyihalari shakllantirilishini moliyalashtirish uchun “Oʻzbekbaliqsanoat” uyushmasining Baliqchilikni rivojlantirish jamgʻarmasi tashkil etilsin.
Belgilansinki, tabiiy suv havzalari ijarasidan tushgan mablagʻlar toʻliq miqdorda “Oʻzbekbaliqsanoat” uyushmasining Baliqchilikni rivojlantirish jamgʻarmasiga yoʻnaltiriladi.
Vazirlar Mahkamasining “Baliqchilik tarmogʻida monopoliyadan chiqarish va xususiylashtirishni chuqurlashtirish chora-tadbirlari toʻgʻrisida”gi 2003-yil 13-avgustdagi 350-son qaroriga muvofiq Chorvachilik, parrandachilik va baliqchilik ilmiy-tadqiqot instituti huzurida tashkil etilgan budjetdan tashqari Baliqchilikni rivojlantirish jamgʻarmasi tugatilsin.
9. Hududiy “Baliqsanoat” MCHJlarni va “Oʻzbekbaliqsanoat” uyushmasini tashkil etish bilan bogʻliq tashkiliy tadbirlarni muvofiqlashtirish va ularni amalga oshirishga koʻmaklashish boʻyicha 5-ilovaga * muvofiq tarkibda Ishchi guruhi (keyingi oʻrinlarda Ishchi guruh deb ataladi) tashkil etilsin.
Ishchi guruh Oʻzbekiston Respublikasi Qishloq va suv xoʻjaligi vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi va “Ipoteka-bank” aksiyadorlik tijorat ipoteka banki bilan birgalikda bir oy muddatda:
mazkur qarorning 4-ilovasiga * muvofiq hududiy “Baliqsanoat” MCHJlari va “Oʻzbekbaliqsanoat” uyushmasi tashkil etilishini;
“Oʻzbekbaliqsanoat” uyushmasi ustavi tasdiqlanishini va uning davlat roʻyxatidan oʻtkazilishini;
“Oʻzbekbaliqsanoat” uyushmasi ijro etuvchi apparatining tasdiqlangan tuzilmasiga va shtatlar jadvaliga muvofiq yuqori malakali mutaxassislar bilan puxta tanlash asosida toʻldirilishini taʼminlasin.
10. Ishchi guruh Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi va Davlat soliq qoʻmitasi bilan birgalikda 2017 — 2021-yillar davrida baliqchilik tarmogʻini yanada kompleks rivojlantirish chora-tadbirlari dasturi loyihasini ishlab chiqsin va tasdiqlash uchun ikki oy muddatda Vazirlar Mahkamasiga kiritsin. Dastur loyihasini ishlab chiqishda quyidagi ustuvor vazifalarga alohida eʼtibor qaratsin:
baliqchilik tarmogʻining normativ-huquqiy bazasini yanada takomillashtirish;
baliqlar uchun yuqori oqsilli ozuqalar ishlab chiqarish boʻyicha mavjud quvvatlarni modernizatsiya qilish va yangi quvvatlarni barpo etish yoʻli bilan baliqchilik tarmogʻining ozuqa bazasini mustahkamlash;
baliqlarning yuqori mahsuldor zotlarini joriy etish, baliq yetishtirish hajmlarini bosqichma-bosqich koʻpaytirish, ichki ehtiyojni toʻliq taʼminlash uchun suv havzalarining sifatini yaxshilash va hosildorligini oshirish;
hududiy “Baliqsanoat” MCHJlar negizida inkubatsiya sexlarini qurish, baliqlarni parvarish qilish joylarini, baliqni qayta ishlash va omuxta yem ishlab chiqarish boʻyicha ishlab chiqarish quvvatlarini tashkil etish;
Aydar — Arnasoy koʻllar tizimidan yanada samarali foydalanish, baliq yetishtirish, ovlash va qayta ishlashni kengaytirish boʻyicha kompleks chora-tadbirlar dasturini ishlab chiqish va amalga oshirish;
respublika suv omborlaridan samarali foydalanish uchun baliq yetishtirish va ovlash ishlarini tashkil etish;
yuqori malakali xorijiy mutaxassislarni jalb etish yoʻli bilan baliq yetishtirishning qafas usulini tizimli ravishda keng joriy etish;
baliqchilik tarmogʻi tashkilotlariga boshqariladigan narxlar boʻyicha moddiy-texnika resurslarini yetkazib berish, shuningdek, katerlar, qayiq va boshqa maxsus texnikalarni sotib olish;
baliqchilik mahsulotlari sifati menejmentining zamonaviy usullarini keng joriy etish, shuningdek, uni xalqaro talablarga muvofiq sertifikatlashtirish va standartlashtirish boʻyicha takliflarni ishlab chiqish;
oliy va oʻrta maxsus, kasb-hunar taʼlimi muassasalarida kadrlar, shuningdek, baliqchilik tarmogʻi uchun ilmiy tadqiqotchilar, ixtiolog mutaxassislar tayyorlashning oʻquv rejalari hamda dasturlarini takomillashtirish va yangilash, kadrlar malakasini oshirishni tashkil etish.
11. Qoraqalpogʻiston Respublikasi Vazirlar Kengashi va viloyatlar hokimliklari:
baliq ovlash tarmogʻini rivojlantirish maqsadida tabiiy suv havzalarini 2018-yildan boshlab belgilangan tartibda doimiy ravishda tanho foydalanish uchun “Oʻzbekbaliqsanoat” uyushmasiga berilishini taʼminlasinlar.
12. Oʻzbekiston Respublikasi Qishloq va suv xoʻjaligi vazirligi Moliya vazirligi, Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va “Oʻzbekbaliqsanoat” uyushmasi, manfaatdor vazirliklar va idoralar bilan birgalikda bir oy muddatda Vazirlar Mahkamasiga:
baliqchilik xoʻjaliklariga tabiiy suv havzalari uchastkalarini ajratish, baliqni sanoat yoʻli bilan ovlash, baliqchilik tashkilotlarining tabiiy suv havzalaridan foydalanganligi uchun ijara toʻlovini hisoblash va undirish tartibi toʻgʻrisidagi nizom loyihasini;
“Oʻzbekbaliqsanoat” uyushmasining Baliqchilikni rivojlantirish jamgʻarmasini shakllantirish va mablagʻlaridan foydalanish tartibi toʻgʻrisidagi nizom loyihasini tasdiqlash uchun kiritsin.
13. “Oʻzbekiston temir yoʻllari” AJ quyi boʻlinmalari bazasida baliqchilik tarmogʻining, shu jumladan, Aydar — Arnasoy koʻllar tizimi ishchilarining vaqtinchalik yashashi uchun maxsus vagonlar va qafas uskunalari ishlab chiqarishni tashkil etish boʻyicha bir oy muddatda taklif kiritsin.
14. Oʻzbekiston Respublikasi Oliy va oʻrta maxsus taʼlim vazirligi Qishloq va suv xoʻjaligi vazirligi bilan birgalikda:
baliqchilik tarmogʻi uchun yuqori malakali kadrlar tayyorlash va ularni qayta tayyorlash maqsadida Toshkent davlat agrar universitetida baliqchilik fakultetini tashkil etsin;
2017-2018 oʻquv yilidan boshlab Arnasoy qishloq xoʻjaligi va transport kasb-hunar kolleji bazasida baliqchilik tarmogʻi uchun kadrlar tayyorlashni hamda mazkur kollej Toshkent davlat agrar universitetiga biriktirilishini taʼminlasin.
15. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi “Oʻzdonmahsulot” aksiyadorlik kompaniyasi bilan birgalikda har yili oziq-ovqat bugʻdoyi balansini shakllantirishda omuxta yem ishlab chiqarish uchun hududiy “Baliqsanoat” MCHJlarga birja savdolari orqali sotish uchun bugʻdoy ajratilishini nazarda tutsin.
16. Yuridik shaxslar 2023-yil 1-yanvargacha boʻlgan muddatda lichinka, baliq chavoqlari va tovar baliq yetishtirishdan, baliqchilik mahsulotlarini tayyorlash va qayta ishlashdan olingan daromadlar boʻyicha aylanmadan olinadigan soliqni toʻlashdan ozod etilsin.
17. Oʻzbekiston Respublikasi Markaziy banki “Oʻzbekbaliqsanoat” uyushmasining asoslangan buyurtmalari boʻyicha premikslar, veterinariya preparatlari, baliq chavoqlari, baliqni qayta ishlash boʻyicha texnologiyalarni, boshqa zarur materiallar va uskunalarni hamda maxsus texnikalarni sotib olish uchun mablagʻlarning yetishmayotgan qismini konvertatsiya qilishni taʼminlasin.
18. “Oʻzbekbaliqsanoat” uyushmasiga Uyushmaning aʼzolari manfaatlarini koʻzlab daʼvolar taqdim etish, davlat organlarining qarorlari, ularning mansabdor shaxslarining harakatlari (harakatsizligi) ustidan davlat boji toʻlamasdan sudga shikoyat qilish huquqi berilsin.
19. Oʻzbekiston Respublikasi Tashqi ishlar vazirligi “Oʻzbekbaliqsanot” uyushmasining buyurtmanomalariga binoan baliqchilik tarmogʻida ishlashga jalb etiladigan xorijiy mutaxassislarga kirish vizalarining konsullik yigʻimlari va boshqa yigʻimlar undirilmasdan rasmiylashtirilishini belgilangan tartibda taʼminlasin.
20. Oʻzbekiston Respublikasi Ichki ishlar vazirligi “Oʻzbekbaliqsanot” uyushmasining buyurtmanomalariga binoan baliqchilik tarmogʻida ishlashga jalb etiladigan xorijiy mutaxassislarga davlat boji undirilmasdan koʻp martalik kirish vizalari berilishini va ularning muddati uzaytirilishini, shuningdek, ularning turgan joyi boʻyicha roʻyxatdan oʻtkazilishini va uning muddati uzaytirilishini belgilangan tartibda taʼminlasin.
21. Oʻzbekiston Respublikasi Mehnat vazirligi “Oʻzbekbaliqsanot” uyushmasining buyurtmanomalariga binoan baliqchilik tarmogʻida ishlash uchun yuqori malakali xorijiy mutaxassislarni (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasiga jalb etishga ruxsatnomalar berishni (muddatini uzaytirishni), shuningdek, koʻrsatib oʻtilgan xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) taʼminlasin.
22. Oʻzbekiston Respublikasi Qishloq va suv xoʻjaligi vazirligi va Toshkent shahar hokimligi “Oʻzbekbaliqsanoat” uyushmasini Toshkent shahri, Chilonzor tumani, Kichik Halqa yoʻli koʻchasi, 21 “a”-uy manziliga bepul foydalanish huquqi bilan joylashtirilishini taʼminlasin.
23. Oʻzbekiston Respublikasi Qishloq va suv xoʻjaligi vazirligi “Oʻzbekbaliqsanoat” uyushmasi hamda manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiquvchi oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
24. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Qishloq va suv xoʻjaligi vaziri Z.T. Mirzayev va Oʻzbekiston Respublikasi Davlat soliq qoʻmitasi raisi B.R. Parpiyev zimmasiga yuklansin.
Oʻzbekiston Respublikasi Prezidentining 2017-yil 1-maydagi PQ-2939-sonli qaroriga 2-ILOVA
“Oʻzbekbaliqsanoat” uyushmasining ijro etuvchi apparati tashkiliy
Oʻzbekiston Respublikasi Prezidentining “Baliqchilik tarmogʻini boshqarish tizimini takomillashtirish chora-tadbirlari toʻgʻrisida”gi qaroriga SHARH
Keyingi yillarda respublikada aholining oziq-ovqat xavfsizligini taʼminlash, shu jumladan, sifatli baliq mahsulotlari ishlab chiqarish hajmlarini koʻpaytirish boʻyicha bir qancha dasturiy chora-tadbirlar qabul qilindi. Amalga oshirilayotgan chora-tadbirlar natijasida 2016-yilda qariyb 3 ming gektar yangi sunʼiy hovuzlar tashkil etildi, ularda 900 taga yaqin yangi baliqchilik xoʻjaligi tadbirkorlik faoliyatini amalga oshirmoqda. Baliqchilik xoʻjaliklarini moliyaviy qoʻllab-quvvatlash maqsadida “Ipoteka-bank” aksiyadorlik tijorat ipoteka banki tomonidan 116 milliard soʻmdan ortiq kreditlar ajratildi. Aholining baliq mahsulotlariga boʻlgan ehtiyojini taʼminlash maqsadida 2016-yilda 76 ming tonnaga yaqin baliq yetishtirildi, bu 2015-yilga qaraganda 16 ming tonna koʻpdir. Shu bilan birga, tahlillar shuni koʻrsatadiki, baliq chavoqlari ishlab chiqarish hamda tabiiy suv havzalari va sunʼiy koʻllardan samarasiz foydalanish baliqchilik tarmogʻining eng zaif boʻgʻini hisoblanadi. Natijada sunʼiy koʻllarning hosildorligi bir gektarda 20 sentnerdan oshmaydi, bu jahondagi oʻrtacha koʻrsatkichlardan ancha pastdir. Baliqchilik sohasidagi ilgʻor xorijiy tajribalarni oʻrganish, intensiv texnologiyalarni keng joriy etish va baliq yetishtirishning yuqori texnologik usullaridan foydalanish alohida eʼtiborni talab qiladi. Baliqchilikni yanada rivojlantirish va aholini keng turdagi va arzon baliq mahsulotlari bilan taʼminlashdagi kamchiliklar, muammolar va mavjud imkoniyatlar Oʻzbekiston Respublikasi Prezidenti Shavkat Mirziyoyev tomonidan joriy yilning 27-aprel kuni Jizzax viloyatida amalga oshirilayotgan ishlar bilan tanishish chogʻida koʻrsatib oʻtildi. Baliqchilik tarmogʻidagi bu muammolarni bartaraf etish maqsadida Oʻzbekiston Respublikasi Prezidentining “Baliqchilik tarmogʻini boshqarish tizimini takomillashtirish chora-tadbirlari toʻgʻrisida”gi qarori qabul qilindi. Qarorga muvofiq “Oʻzbekbaliqsanoat” uyushmasi tashkil etiladi, uning tarkibiga joylarda baliqchilik tarmogʻi tashkilotlari ishlarini muvofiqlashtiruvchi 13 ta hududiy “Baliqsanoat” masʼuliyati cheklangan jamiyati kiradi. Baliq mahsulotlari ishlab chiqarishning tashkiliy-texnologik jarayonlarini tizimli tashkil etish, baliq chavoqlarini takror koʻpaytirish va ozuqa bazani mustahkamlash, tabiiy suv havzalari va sunʼiy koʻllarning resurslaridan oqilona foydalanish, shuningdek, baliq yetishtirish jarayoniga ilmiy asoslangan usullarni va intensiv texnologiyalarni joriy etish “Oʻzbekbaliqsanoat” uyushmasining asosiy vazifalari va yoʻnalishlari hisoblanadi. Bundan tashqari, baliqchilik tarmogʻida ilmiy-tadqiqot ishlarini yanada takomillashtirish, ilmiy kadrlar tayyorlash, ilmiy va texnik yangiliklarni tadbirkorlik subyektlariga yetkazish maqsadida Baliqchilikni rivojlantirish ilmiy-tajriba stansiyasi Baliqchilik ilmiy-tadqiqot institutiga aylantirildi va Aydar — Arnasoy koʻllar tizimida hamda respublikaning boshqa hududlarida uning filiallarini ochish belgilandi. Tarmoq loyihalarini birgalikda moliyalashtirish, shuningdek, maslahat, axborot-tahlil va marketing xizmatlari koʻrsatish yoʻli bilan baliqchilikni rivojlantirish dasturlari amalga oshirilishiga koʻmaklashish uchun qarorda “Ipoteka-bank” aksiyadorlik tijorat ipoteka bankining investitsion kompaniyasini tashkil etish maʼqullandi va uning ulushi yangidan tashkil etilayotgan hududiy “Baliqsanoat” masʼuliyati cheklangan jamiyatlarining ustav fondida kamida 51 foizni tashkil etadi. Ilmiy-tadqiqot, seleksiya va naslchilik ishlarini moliyalashtirish, ozuqalarning zamonaviy retsepturalarini ishlab chiqish va baliqchilik tarmogʻiga ilgʻor texnologiyalarni joriy etishda koʻmaklashish, baliqlarning kasalliklari profilaktikasi va ularni davolash hamda tarmoqni rivojlantirish boʻyicha investitsiya loyihalarini shakllantirish maqsadida “Oʻzbekbaliqsanoat” uyushmasida Baliqchilikni rivojlantirish jamgʻarmasi tashkil etiladi. “Oʻzbekbaliqsanoat” uyushmasini, uning hududiy “Baliqsanoat” masʼuliyati cheklangan jamiyatlarini va uyushma tarkibiga kiruvchi yuridik shaxslarni moliyaviy qoʻllab-quvvatlash maqsadida ularga 2023-yilning 1-yanvarigacha urugʻ, baliq chavoqlari va tovar baliq yetishtirishdan, baliq mahsulotlarini tayyorlash va qayta ishlashdan olingan daromadlaridan yagona soliq toʻlovi toʻlashdan ozod etish boʻyicha imtiyozlar berilmoqda. Bunda boʻshaydigan mablagʻlar, birinchi navbatda, belgilangan tartibda baliqchilik tashkilotlarini iqtisodiy qoʻllab-quvvatlashga, baliqchilik tarmogʻining moddiy-texnika bazasini mustahkamlashga va soha xodimlarini moddiy ragʻbatlantirishga yoʻnaltiriladi. Mazkur qaror bilan, shuningdek, baliq yetishtirish va uni qayta ishlash hajmlarini koʻpaytirishga, baliq chavoqlari bilan taʼminlashga, baliq yetishtirishning zamonaviy usullarini joriy etishga yoʻnaltirilgan 2017 — 2021-yillarda baliqchilik tarmogʻini yanada kompleks rivojlantirish boʻyicha dasturiy chora-tadbirlarni ishlab chiqish va amalga oshirish boʻyicha ishchi guruh tashkil etildi. Yuqori mahsuldor baliq turlarini iqlimlashtirish ishlarini ilmiy asosda tashkil etish hisobiga baliqlarning afrika laqqasi, tilyapiya, forel, vengriya sazani va osyotr turlarini koʻpaytirish yoʻlga qoʻyiladi. Bu, oʻz navbatida, ichki bozorlarga uzluksiz ravishda keng assortimentdagi arzon va sifatli baliq mahsulotlari yetkazib berilishini taʼminlaydi. Shubhasiz, bu yutuqlarga erishish uchun bir qator kechiktirib boʻlmaydigan va amaliy vazifalarni oʻz vaqtida va sifatli hal etish talab etiladi. Ular jumlasiga Aydar — Arnasoy koʻllar tizimi va suv omborlaridagi mavjud imkoniyatlardan yanada samarali foydalanish boʻyicha chora-tadbirlarni ishlab chiqish va amalga oshirish, qafas usulida baliq yetishtirishni keng joriy etish, baliq yetishtiruvchi va baliq ovlovchi tashkilotlarning moddiy-texnika bazasini yanada mustahkamlash, bugungi kunda faoliyat koʻrsatayotgan bir qator kasb-hunar kollejlarining ixtisoslashuvini qayta koʻrib chiqish va Toshkent davlat agrar universitetida baliqchilik sohasi uchun kadrlar tayyorlash fakultetini tashkil etish, bu borada xalqaro tajribani oʻrganish va baliqchilik sohasida ishlash uchun chet el mutaxassislarini jalb etish kabi masalalar kiradi. Qarorda nazarda tutilgan tadbirlarning amalga oshirilishi baliqchilik tarmogʻining barcha sohasini qamrab oluvchi va uning jadal rivojlanishini taʼminlovchi yagona boshqaruv tizimi tashkil etilishiga, yangi ish oʻrinlari yaratilishiga, baliq yetishtirish hajmlarini keskin koʻpaytirishga, respublika aholisining baliq mahsulotlariga boʻlgan ehtiyojini taʼminlashga va sohaning eksport salohiyatini oshirishga koʻmaklashadi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 1-may,
PQ-2939-son
Президента Республики Узбекистан
Постановление
Структура
О мерах по совершенствованию системы управления рыбной отраслью
В целях совершенствования системы управления рыбной отраслью, повышения эффективности деятельности рыбоводных и рыболовных организаций, расширения производственных мощностей по переработке рыбной продукции, рационального использования естественных и искусственных водоемов, а также внедрения научно обоснованных методов и интенсивных технологий по выращиванию рыбы:
1. Согласиться с предложением Министерства сельского и водного хозяйства, Министерства экономики Республики Узбекистан, Государственного комитета по содействию приватизированным предприятиям и развитию конкуренции, Государственного налогового комитета, Государственного комитета Республики Узбекистан по экологии и охране окружающей среды и АКИБ «Ипотека-банк» о создании Ассоциации «Узбекбаликсаноат».
2. Определить основными задачами и направлениями деятельности Ассоциации «Узбекбаликсаноат» в части:
а) совершенствования воспроизводства рыбопосадочного материала:
содействие организациям и предприятиям рыбной отрасли в организации воспроизводства ценных видов рыб для дальнейшего зарыбления естественных и искусственных водоемов;
создание новых инкубационных цехов по выпуску личинок, увеличение объемов производства молоди рыб, модернизация и расширение действующих прудов по выращиванию рыбопосадочного материала;
б) рационального использования ресурсов естественных и искусственных водоемов:
обеспечение эффективного взаимодействия с соответствующими органами исполнительной власти на местах в вопросах предоставления земельных участков для создания водоемов;
увеличение объемов улова рыбы за счет широкого внедрения современных интенсивных технологий, в том числе садкового метода выращивания рыбы, и повышения урожайности естественных и искусственных водоемов;
укрепление кормовой базы рыбной отрасли путем создания новых и модернизации существующих производственных мощностей для производства сбалансированных и высокобелковых кормов для рыбы;
в) динамичного развития рыбной отрасли:
координация реализации программных мер по развитию рыбной отрасли, последовательное проведение единой научно-технической, технологической, инвестиционной и экспортной политики, а также мониторинг цен на внутреннем и внешнем рынках;
участие в разработке нормативно-правовой базы, обеспечивающей рациональное использование рыбных ресурсов естественных и искусственных водоемов, внедрение механизмов стимулирования развития аквакультуры в республике;
содействие в оказании государственной поддержки организациям и предприятиям рыбной отрасли путем предоставления льгот и преференций, привлечения средств международных финансовых институтов и стран-доноров;
проведение маркетинговых исследований по расширению рынков сбыта, разработка предложений и рекомендаций по формированию оптимального механизма ценообразования на рыбную продукцию, увеличение объемов экспорта рыбной продукции;
внедрение современных методов системы менеджмента качества, сертификации и стандартизации производимой продукции, промышленной переработки и упаковки рыбной продукции в соответствии с международными требованиями;
проведение научно-исследовательских работ для дальнейшего внедрения разработанных инновационных технологий в процесс производства и переработки рыбы.
3. Одобрить организационную структуру Ассоциации «Узбекбаликсаноат», структуру ее исполнительного аппарата с предельной общей численностью управленческого персонала в количестве 28 единиц и типовую структуру территориальных ООО «Баликсаноат» согласно приложениям №№ 1 * , 2 и 3 * .
Предоставить право председателю Ассоциации «Узбекбаликсаноат» вносить, при необходимости, изменения в структуру исполнительного аппарата в пределах установленной предельной общей штатной численности управленческого персонала.
4. Определить, что:
председатель Ассоциации «Узбекбаликсаноат» и его заместители избираются решением общего собрания учредителей и утверждаются на должность Кабинетом Министров Республики Узбекистан по представлению председателя Комитета ветеринарии и развития животноводства;
текущее содержание и финансирование деятельности исполнительного аппарата Ассоциации «Узбекбаликсаноат» осуществляется за счет взносов организаций и предприятий — членов Ассоциации и иных источников, не запрещенных законодательством.
6. Принять к сведению, что:
учредителями Ассоциации «Узбекбаликсаноат» являются территориальные общества c ограниченной ответственностью «Баликсаноат» (далее — территориальные ООО «Баликсаноат») и другие организации рыбной отрасли;
создание территориальных ООО «Баликсаноат» и Ассоциации «Узбекбаликсаноат» реализуется по схеме согласно приложению № 4 * .
7. Узбекскому научно-производственному центру сельского хозяйства Министерства сельского и водного хозяйства Республики Узбекистан в месячный срок обеспечить в установленном порядке преобразование научно-опытной станции по развитию рыбоводства Научно-исследовательского института животноводства, птицеводства и рыбоводства в Научно-исследовательский институт рыбоводства и создание его филиалов в Айдар-Арнасайской системе озер и других регионах республики.
8. Образовать Фонд развития рыбоводства Ассоциации «Узбекбаликсаноат» для финансирования научно-исследовательских и селекционно-племенных работ, разработки современных рецептур кормов и реализации мероприятий по содействию внедрения современных технологий в рыбной отрасли, профилактике и лечению болезней рыбы, формированию инвестиционных проектов по развитию отрасли.
Определить, что средства от аренды естественных водоемов в полном размере направляются в Фонд развития рыбоводства Ассоциации «Узбекбаликсаноат».
Упразднить внебюджетный Фонд развития рыбоводства, образованный при Научно-исследовательском институте животноводства, птицеводства и рыбоводства в соответствии с постановлением Кабинета Министров от 13 августа 2003 года № 350 «О мерах по углублению демонополизации и приватизации в рыбной отрасли».
9. Образовать Рабочую группу по координации и оказанию содействия в осуществлении организационных мероприятий, связанных с созданием территориальных ООО «Баликсаноат» и Ассоциации «Узбекбаликсаноат» (далее — Рабочая группа), в составе согласно приложению № 5 * .
Рабочей группе совместно с Министерством сельского и водного хозяйства и Государственным комитетом Республики Узбекистан по содействию приватизированным предприятиям и развитию конкуренции и АКИБ «Ипотека-банк» в месячный срок обеспечить:
создание территориальных ООО «Баликсаноат» и Ассоциации «Узбекбаликсаноат» в соответствии с приложением № 4 * к настоящему постановлению;
утверждение устава Ассоциации «Узбекбаликсаноат» и его государственную регистрацию;
укомплектование исполнительного аппарата Ассоциации «Узбекбаликсаноат» высококвалифицированными специалистами на основе тщательного отбора, в соответствии с утвержденной структурой и штатным расписанием.
10. Рабочей группе совместно с Министерством сельского и водного хозяйства, Министерством экономики, Министерством финансов и Государственным налоговым комитетом Республики Узбекистан в двухмесячный срок разработать и внести на утверждение в Кабинет Министров проект Программы мер по дальнейшему комплексному развитию рыбной отрасли на период 2017 — 2021 годы. При разработке проекта Программы обратить особое внимание на реализацию следующих приоритетных задач:
дальнейшее совершенствование нормативно-правовой базы рыбной отрасли;
укрепление кормовой базы рыбной отрасли путем модернизации и создания новых мощностей по производству высокобелковых кормов для рыб;
внедрение высокопродуктивных пород рыбы, поэтапное увеличение объемов ее производства, улучшение качества и повышение урожайности водоемов для полного обеспечения внутренней потребности в рыбной продукции;
создание на базе территориальных ООО «Баликсаноат» собственных инкубационных цехов, рыбопитомников, производственных мощностей по переработке рыбы и производству комбинированных кормов;
разработка и реализация комплекса мер по более эффективному использованию Айдар-Арнасайской системы озер для расширения производства, лова и переработки рыбы;
эффективное использование водохранилищ республики для организации выращивания и лова рыбы;
широкое внедрение садкового метода выращивания рыбы на системной основе с привлечением высококвалифицированных иностранных специалистов;
поставка организациям рыбной отрасли материально-технических ресурсов по регулируемым ценам, а также приобретение катеров, лодок и другой специальной техники;
внедрение современных методов менеджмента качества рыбной продукции, а также разработка предложений по ее сертификации и стандартизации в соответствии с международными требованиями;
совершенствование и обновление учебных планов и программ подготовки кадров в высших и средних специальных, профессиональных образовательных учреждениях, а также научных исследователей и специалистов — ихтиологов для рыбной отрасли, организация повышения квалификации кадров.
11. Совету Министров Республики Каракалпакстан и хокимиятам областей:
в установленном порядке начиная с 2018 года предоставить Ассоциации «Узбекбаликсаноат» естественные водоемы в постоянное обособленное пользование для развития рыболовной отрасли.
12. Министерству сельского и водного хозяйства, Министерству финансов Республики Узбекистан, Государственному комитету Республики Узбекистан по экологии и охране окружающей среды и Ассоциации «Узбекбаликсаноат» совместно с министерствами и ведомствами в месячный срок внести на утверждение в Кабинет Министров:
проект Положения о порядке предоставления рыболовным хозяйствам участков естественных водоемов, ведения промыслового лова рыбы, начисления и взимания арендной платы за использование естественных водоемов рыболовными предприятиями;
проект Положения о порядке формирования и использования средств Фонда развития рыбоводства.
13. АО «Узбекистон темир йуллари» в месячный срок внести предложения по организации на базе подведомственных подразделений производства садковых установок и специализированных вагонов для временного проживания работников рыбной отрасли, в том числе в Айдар-Арнасайской системе озер.
14. Министерству высшего и среднего специального образования совместно с Министерством сельского и водного хозяйства Республики Узбекистан:
создать в Ташкентском государственном аграрном университете факультет рыбоводства с целью подготовки и переподготовки высококвалифицированных кадров для рыбной отрасли;
обеспечить начиная с 2017/2018 учебного года на базе Арнасайского профессионального колледжа сельского хозяйства и транспорта подготовку кадров для рыбной отрасли, а также закрепление за ним Ташкентского государственного аграрного университета.
15. Министерству экономического развития и сокращения бедности Республики Узбекистан совместно с АК «Уздонмахсулот» ежегодно при формировании баланса продовольственной пшеницы из государственных ресурсов предусматривать выделение объемов пшеницы через биржевые торги для реализации территориальным ООО «Баликсаноат» для последующего производства комбикормов.
16. Освободить сроком до 1 января 2023 года юридические лица от уплаты налога с оборота в части доходов, полученных от производства личинок, молоди и товарной рыбы, заготовки и переработки рыбной продукции.
17. Центральному банку Республики Узбекистан по обоснованным заявкам Ассоциации «Узбекбаликсаноат» обеспечить конвертацию средств в недостающей части для приобретения премиксов, ветеринарных препаратов, рыбопосадочного материала, технологий по переработке рыбы, других необходимых материалов и оборудования, а также специальной техники.
18. Предоставить право Ассоциации «Узбекбаликсаноат» предъявлять иски в интересах членов Ассоциации, обжаловать решения государственных органов, действия (бездействие) их должностных лиц в суде без уплаты государственной пошлины.
19. Министерству иностранных дел Республики Узбекистан обеспечить по заявкам Ассоциации «Узбекбаликсаноат» оформление въездных виз иностранным специалистам, привлекаемым для работы в рыбной отрасли, без взимания консульских и иных сборов.
20. Министерству внутренних дел Республики Узбекистан обеспечить по заявкам Ассоциации «Узбекбаликсаноат» оформление, выдачу и продление многократных виз, а также регистрацию по месту пребывания и продление ее срока иностранным специалистам, привлекаемым для работы в рыбной отрасли, без взимания государственной пошлины.
21. Министерству труда Республики Узбекистан обеспечить по заявкам Ассоциации «Узбекбаликсаноат» выдачу (продление) разрешений на привлечение в республику высококвалифицированных иностранных специалистов (не имеющихся из числа граждан Республики Узбекистан) для работы в рыбной отрасли, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
22. Министерству сельского и водного хозяйства Республики Узбекистан и хокимияту г. Ташкента обеспечить размещение Ассоциации «Узбекбаликсаноат» по адресу: г. Ташкент, Чиланзарский район, улица Кичик Халка йули, 21-а на праве безвозмездного пользования.
23. Министерству сельского и водного хозяйства Республики Узбекистан совместно с Ассоциацией «Узбекбаликсаноат», министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
24. Контроль за исполнением настоящего постановления возложить на заместителя Премьер-министра — министра сельского и водного хозяйства Республики Узбекистан З.Т. Мирзаева и председателя Государственного налогового комитета Республики Узбекистан Б.Р. Парпиева.
ПРИЛОЖЕНИЕ № 2 к постановлению Президента Республики Узбекистан от 1 мая 2017 года № ПП-2939
исполнительного аппарата Ассоциации «Узбекбаликсаноат»
КОММЕНТАРИЙ к постановлению Президента Республики Узбекистан «О мерах по совершенствованию системы управления рыбной отраслью»
За последние годы в республике принят ряд программных мер по обеспечению продовольственной безопасности населения, в том числе за счет увеличения объемов производства качественной рыбной продукции. В результате осуществляемых мер только за 2016 год создано около 3 тысяч гектаров новых искусственных прудов, где осуществляют предпринимательскую деятельность около 900 новых рыбоводных хозяйств. В целях финансовой поддержки рыбоводных хозяйств АКИБ «Ипотека-банк» выделено более 116 миллиардов сумов кредитов. В целях обеспечения потребности населения в рыбной продукции в 2016 году произведено около 76 тысяч тонн рыбы, что на 16 тысяч тонн больше, чем в 2015 году. Вместе с тем, как показывает анализ, наиболее слабым звеном в рыбной отрасли является производство рыбопосадочного материала и неэффективное использование естественных водоемов и искусственных прудов. В результате продуктивность искусственных прудов не превышает 20 центнеров с одного гектара, что ниже среднемировых показателей. Особого внимания требует изучение передового зарубежного опыта в рыбоводстве, широкое внедрение интенсивных технологий, использование высокотехнологичных методов выращивания рыбы. На указанные недостатки и резервы в дальнейшем развитии рыбоводства и улучшении обеспечения населения рыбной продукцией в широком ассортименте и по доступным ценам было указано Президентом Республики Узбекистан Шавкатом Мирзиёевым 27 апреля т.г. в ходе поездки в Джизакскую область. В целях устранения этих проблем в рыбной отрасли принято постановление Президента Республики Узбекистан «О мерах по совершенствованию системы управления рыбной отраслью». В соответствии с постановлением создается Ассоциация «Узбекбаликсаноат», в состав которой входят 13 территориальных ООО «Баликсаноат», обеспечивающих координацию работ в рыбной отрасли на местах. Основными задачами и направлениями деятельности Ассоциации «Узбекбаликсаноат» являются создание организационно-технологической цепочки производства рыбной продукции, воспроизводства рыбопосадочного материала и укрепление кормовой базы, рациональное использование ресурсов естественных водоемов и искусственных прудов, а также внедрение научно обоснованных методов и интенсивных технологий в процесс выращивания рыбы. Кроме этого, в целях дальнейшего совершенствования научно-исследовательских работ, подготовки научных кадров в рыбной отрасли, доведения научных и технических знаний до субъектов предпринимательства Научно-опытная станция по развитию рыбоводства преобразована в Научно-исследовательский институт рыбоводства с филиалами в Айдар-Арнасайской системе озер и на других территориях республики. Для оказания содействия в реализации программ развития рыбоводства путем софинансирования проектов отрасли, а также оказания консультативных, информационно-аналитических и маркетинговых услуг постановлением одобрено создание инвестиционной компании АКИБ «Ипотека-банк», доля которой в уставном фонде вновь создаваемых территориальных ООО «Баликсаноат» составляет не менее 51 процента. В целях дальнейшего финансирования научно-исследовательских и селекционно-племенных работ, разработки современных рецептур кормов и реализации мероприятий по содействию внедрения современных технологий в рыбной отрасли, профилактике и лечению болезней рыбы, формированию инвестиционных проектов по развитию отрасли Ассоциации «Узбаликсаноат» создается Фонд развития рыбоводства. В целях финансовой поддержки Ассоциации «Узбекбаликсаноат», территориальных ООО «Баликсаноат» и юридических лиц, входящих в ее состав, им предоставляется льгота — освобождение до 1 января 2023 года от уплаты единого налогового платежа в части доходов, полученных от производства личинок, молоди и товарной рыбы, заготовки и переработки рыбной продукции. При этом высвобождаемые средства в установленном порядке направляются, в первую очередь, на экономическую поддержку рыбоводных организаций, укрепление материально-технической базы и материальное стимулирование работников рыбной отрасли. Постановлением также создана Рабочая группа по разработке и реализации программных мер по дальнейшему комплексному развитию рыбной отрасли на 2017 — 2021 годы, направленных на обеспечение воспроизводства рыбопосадочного материала, внедрение современных методов по выращиванию рыбы, увеличению объемов ее производства и переработки. За счет акклиматизации высокопродуктивных пород рыб на научной основе предстоит организовать выращивание африканского сома, тиляпии, форели, венгерского сазана и осетровых видов рыб. Это, в свою очередь, позволит обеспечить бесперебойные поставки на внутренний рынок и по низким ценам качественных рыбопродуктов более широкого ассортимента. Безусловно, что достижение этих результатов потребует своевременного и качественного решения ряда неотложных и практических задач. В их числе: разработка и реализация комплекса мер по более эффективному использованию возможностей Айдар-Арнасайской системы озер и водохранилищ; широкое внедрение садкового метода выращивания рыбы; дальнейшее укрепление материально-технической базы рыбоводческих и рыболовных организаций; перепрофилирование ряда действующих профессиональных колледжей и создание в структуре Ташкентского государственного аграрного университета факультета по подготовке кадров для рыбной отрасли; активное изучение международного опыта в этой сфере и привлечение для работы в рыбной отрасли зарубежных специалистов. Осуществление предусмотренных постановлением мероприятий будет способствовать созданию единой системы управления, охватывающей все сферы рыбной отрасли и обеспечивающей ее ускоренное развитие, создание новых рабочих мест, существенное увеличение объемов производства рыбы, удовлетворение потребностей населения республики в рыбной продукции, и наращиванию экспортного потенциала отрасли.
Президент Республики Узбекистан Ш. МИРЗИЁЕВ
г. Ташкент,
1 мая 2017 г.,
№ ПП-2939