📅 2017-yil 20-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 20 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 апреля 2017 г. · Постановления Президента
Официальный текст. Официальный документ. Редакционные примечания не включены.
📅 20 April 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республика фармацевтика саноатини жадал ривожлантириш учун қулай шарт-шароитлар яратиш чора-тадбирлари тўғрисида
[Кўчирма]
Сўнгги йилларда фармацевтика соҳасида маҳаллий дори воситаларини ишлаб чиқаришни ривожлантириш борасида бир қатор чора-тадбирлар амалга оширилганлигини таъкидлаб ўтиш лозим. 2010 — 2016 йилларда ушбу соҳада 501,9 млн доллар инвестиция, шу жумладан, 135,6 млн доллар миқдорида тўғридан-тўғри чет эл инвестициялари ўзлаштирилди, 99 та янги саноат объектлари ишга туширилди. Натижада маҳаллий дори воситаларининг улуши ички бозордаги умумий ҳажмга нисбатан 55 фоиздан ошди. Мамлакатимиздаги корхоналар томонидан 2000 турдан кўпроқ дори воситалари ишлаб чиқарилади, уларни маҳаллийлаштиришнинг ўртача даражаси 62 фоизни ташкил этади.
Шу билан бирга, маҳаллий хом ашёдан кенг фойдаланган ҳолда мамлакатимизда ишлаб чиқаришни йўлга қўйиш орқали дори воситалари ва тиббиёт буюмлари импортини қисқартиришнинг талайгина резервлари мавжуд.
Ишлаб чиқаришни маҳаллийлаштириш жараёнини янада чуқурлаштириш, тармоқлараро саноат кооперациясини кенгайтириш, ички бозорни маҳаллий хом ашё ресурслари негизида ишлаб чиқарилган дори воситалари ва тиббиёт буюмлари билан тўлдириш, фармацевтика саноатини ҳар томонлама ва жадал ривожлантириш учун қулай шарт-шароитларни таъминлаш мақсадида:
1. Ўзбекистон Республикаси Соғлиқни сақлаш вазирлиги «Ўзфармсаноат» ДАК, Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги, Давлат божхона қўмитаси билан биргаликда:
импорт қилишда Вазирлар Маҳкамасининг 2011 йил 25 февралдаги 49-сонли қарори билан тасдиқланган Ўзбекистон Республикаси Солиқ кодекси 211-моддасининг 6-бандида назарда тутилган қўшилган қиймат солиғи бўйича имтиёз жорий этилмайдиган дори воситалари Рўйхатига тиббиёт буюмлари киритилсин;
2. Ҳисобот даври якунлари бўйича тиббиёт буюмлари ишлаб чиқаришдан олинадиган тушум улуши умумий реализация ҳажмининг камида 60 фоизини ташкил этадиган шундай буюмлар ишлаб чиқаришга ихтисослашган ташкилотлар 2021 йилнинг 1 январига қадар фойда солиғи ва мол-мулк солиғи, микрофирмалар ҳамда кичик корхоналар учун ягона солиқ тўлови, Республика йўл жамғармаси мажбурий ажратмалар тўлашдан озод қилинсин.
3. 2021 йил 1 январга қадар дори воситаларини ишлаб чиқариш учун мўлжалланган хом ашёни импорт қилишда ундириладиган божхона тўлови ва акциз солиғига Ўзбекистон Республикаси Солиқ кодекси 211-моддасининг 6-бандида назарда тутилган қўшилган қиймат солиғи бўйича имтиёз татбиқ этилсин.
5. Ўзбекистон Республикаси Соғлиқни сақлаш вазирлиги ва «Ўзфармсаноат» ДАК манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси А.Н. Юнусхўжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 20 апрель,
ПҚ-2911-сон
Oʻzbekiston Respublikasi Prezidentining
Qarori
Respublika farmatsevtika sanoatini jadal rivojlantirish uchun qulay shart-sharoitlar yaratish chora-tadbirlari toʻgʻrisida
[Koʻchirma]
Soʻnggi yillarda farmatsevtika sohasida mahalliy dori vositalarini ishlab chiqarishni rivojlantirish borasida bir qator chora-tadbirlar amalga oshirilganligini taʼkidlab oʻtish lozim. 2010 — 2016-yillarda ushbu sohada 501,9 mln dollar investitsiya, shu jumladan, 135,6 mln dollar miqdorida toʻgʻridan toʻgʻri chet el investitsiyalari oʻzlashtirildi, 99 ta yangi sanoat obyektlari ishga tushirildi. Natijada mahalliy dori vositalarining ulushi ichki bozordagi umumiy hajmga nisbatan 55 foizdan oshdi. Mamlakatimizdagi korxonalar tomonidan 2000 turdan koʻproq dori vositalari ishlab chiqariladi, ularni mahalliylashtirishning oʻrtacha darajasi 62 foizni tashkil etadi.
Shu bilan birga, mahalliy xomashyodan keng foydalangan holda mamlakatimizda ishlab chiqarishni yoʻlga qoʻyish orqali dori vositalari va tibbiyot buyumlari importini qisqartirishning talaygina rezervlari mavjud.
Ishlab chiqarishni mahalliylashtirish jarayonini yanada chuqurlashtirish, tarmoqlararo sanoat kooperatsiyasini kengaytirish, ichki bozorni mahalliy xomashyo resurslari negizida ishlab chiqarilgan dori vositalari va tibbiyot buyumlari bilan toʻldirish, farmatsevtika sanoatini har tomonlama va jadal rivojlantirish uchun qulay shart-sharoitlarni taʼminlash maqsadida:
1. Oʻzbekiston Respublikasi Sogʻliqni saqlash vazirligi “Oʻzfarmsanoat” DAK, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, Davlat bojxona qoʻmitasi bilan birgalikda:
import qilishda Vazirlar Mahkamasining 2011-yil 25-fevraldagi 49-sonli qarori bilan tasdiqlangan Oʻzbekiston Respublikasi Soliq kodeksi 211-moddasining 6-bandida nazarda tutilgan qoʻshilgan qiymat soligʻi boʻyicha imtiyoz joriy etilmaydigan dori vositalari Roʻyxatiga tibbiyot buyumlari kiritilsin;
2. Hisobot davri yakunlari boʻyicha tibbiyot buyumlari ishlab chiqarishdan olinadigan tushum ulushi umumiy realizatsiya hajmining kamida 60 foizini tashkil etadigan shunday buyumlar ishlab chiqarishga ixtisoslashgan tashkilotlar 2021-yilning 1-yanvariga qadar foyda soligʻi va mol-mulk soligʻi, mikrofirmalar hamda kichik korxonalar uchun yagona soliq toʻlovi, Respublika yoʻl jamgʻarmasi majburiy ajratmalar toʻlashdan ozod qilinsin.
3. 2021-yil 1-yanvarga qadar dori vositalarini ishlab chiqarish uchun moʻljallangan xomashyoni import qilishda undiriladigan bojxona toʻlovi va aksiz soligʻiga Oʻzbekiston Respublikasi Soliq kodeksi 211-moddasining 6-bandida nazarda tutilgan qoʻshilgan qiymat soligʻi boʻyicha imtiyoz tatbiq etilsin.
5. Oʻzbekiston Respublikasi Sogʻliqni saqlash vazirligi va “Oʻzfarmsanoat” DAK manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi A.N. Yunusxoʻjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 20-aprel,
PQ-2911-son
Президента Республики Узбекистан
Постановление
О мерах по созданию благоприятных условий для ускоренного развития фармацевтической промышленности республики
[Извлечение]
Отметить, что в последние годы в фармацевтической отрасли осуществлен ряд мер по развитию локального производства лекарственных средств. За период с 2010 по 2016 годы в отрасли освоены 501,9 млн. долларов инвестиций, в том числе 135,6 млн. долларов прямых иностранных инвестиций, введены в строй 99 новых промышленных объектов. В результате доля отечественных препаратов в общем объеме внутреннего фармацевтического рынка превысила 55,0 процентов. Отечественными предприятиями производится более 2000 наименований лекарственных препаратов, средний уровень их локализации составляет 62,0 процента.
Вместе с тем имеются значительные резервы сокращения импорта лекарственных средств и изделий медицинского назначения за счет локализации их производства на отечественных предприятиях с широким использованием местной сырьевой базы.
В целях дальнейшего углубления процессов локализации производства, расширения межотраслевой промышленной кооперации, насыщения внутреннего рынка отечественными лекарственными средствами и изделиями медицинского назначения на основе местных сырьевых ресурсов, обеспечения благоприятных условий для всестороннего и ускоренного развития фармацевтической промышленности:
1. Министерству здравоохранения совместно с ГАК «Узфармсаноат», Министерством экономического развития и сокращения бедности, Министерством инвестиций и внешней торговли, Государственным таможенным комитетом Республики Узбекистан:
включить в Перечень лекарственных средств, при импорте которых не распространяется льгота по налогу на добавленную стоимость, предусмотренная пунктом 6 статьи 211 Налогового кодекса Республики Узбекистан, утвержденный постановлением Кабинета Министров от 25 февраля 2011 г. № 49, изделия медицинского назначения;
2. Освободить сроком до 1 января 2021 года организации, специализирующиеся на выпуске изделий медицинского назначения, у которых доля выручки от производства этих товаров в общем объеме реализации составляет не менее 60 процентов по итогам отчетного периода, от уплаты налога на прибыль и налога на имущество, единого налогового платежа для микрофирм и малых предприятий, уплаты обязательных отчислений в Республиканский дорожный фонд.
3. Распространить сроком до 1 января 2021 года льготу по налогу на добавленную стоимость, предусмотренную пунктом 6 статьи 211 Налогового кодекса Республики Узбекистан, на таможенную пошлину и акцизный налог, взимаемые при импорте сырья, предназначенного для производства лекарственных средств.
5. Министерству здравоохранения и ГАК «Узфармсаноат» совместно с заинтересованными министерствами и ведомствами Республики Узбекистан в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника Президента Республики Узбекистан А.Н. Юнусходжаева.
Президент Республики Узбекистан Ш. МИРЗИЁЕВ
г. Ташкент,
20 апреля 2017 г.,
№ ПП-2911