UzbekAI

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИНИНГ ЎРТА МАХСУС, КАСБ-ҲУНАР ТАЪЛИМИ МАРКАЗИ ЎЗБЕКИСТОН РЕСПУБЛИКАСИ МЕҲНАТ ВАЗИРЛИГИНИНГ

ҚАРОРИ

НИЗОМ

Академик лицейлар битирувчиларига мутахассисликлар бериш тартиби тўғрисидаги низомни тасдиқлаш ҳақида

Ўзбекистон Республикаси Президентининг 2017 йил 14 мартдаги ПҚ-2829-сон «Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида»ги қарорига асосан, Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази ҳамда Меҳнат вазирлиги қарор қилади:

1. Академик лицейлар битирувчиларига мутахассисликлар бериш тартиби тўғрисидаги низом иловага мувофиқ тасдиқлансин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази ҳамда Меҳнат вазирлигининг 2017 йил 7 апрелдаги 22/ҚҚ ва 8-Қ/Қ-сон қарорига ИЛОВА

Академик лицейлар битирувчиларига мутахассисликлар бериш тартиби тўғрисидаги

Мазкур Низом Ўзбекистон Республикаси Президентининг 2017 йил 14 мартдаги ПҚ-2829-сон «Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида»ги қарорига мувофиқ академик лицейлар битирувчиларига мутахассисликлар бериш тартибини белгилайди.

1-боб. Умумий қоидалар

1. Академик лицейларнинг битирувчиларига Ўзбекистон Республикаси Президентининг 2017 йил 14 мартдаги ПҚ-2829-сон қарори билан тасдиқланган Академик лицейлар битирувчиларига бериладиган айрим мутахассисликлар рўйхатида назарда тутилган таълим йўналишлари бўйича махсус чуқурлаштирилган тайёргарликни талаб этмайдиган алоҳида мутахассисликлар (бундан буён матнда мутахассислик деб юритилади) берилади.

2. Академик лицейларнинг битирувчиларига бериладиган мутахассислик академик лицейнинг таълим йўналиши бўйича, ўқитувчилар таркиби, ўқув-методик, моддий-техника базасидан келиб чиққан ҳолда белгиланади ва академик лицей педагогик кенгашининг қарори билан тасдиқланади.

3. Академик лицей томонидан бериладиган мутахассислик академик лицейнинг барча шахслар кириши ва кўриши мумкин бўлган жойда (жойларда) эълонлар тахтасига осиб қўйилиши, расмий веб-сайтида (агар расмий веб-сайти мавжуд бўлса) эълон қилиниши шарт.

2-боб. Академик лицейлар ўқувчиларини мутахассисликка ўқитиш

4. Академик лицейларда мутахассислик ўқув режаларда назарда тутилган касбий фан (бундан буён матнда мутахассислик фани деб юритилади) сифатида ўқитилади.

5. Академик лицейлар ўқувчиларининг мутахассислик фани бўйича билим савиясини баҳолаш ва якуний рейтинг кўрсаткичларини аниқлаш Академик лицейлар ва касб-ҳунар коллежлари ўқувчиларининг билим савияси, кўникма ва малакаларини назорат қилишнинг рейтинг тизими тўғрисидаги низомда (рўйхат рақами 1812, 2008 йил 19 май) белгиланган тартибда амалга оширилади.

6. Ўқувчиларнинг мутахассислик фани бўйича эгаллаган билими ва ўқув дастурини ўзлаштириш даражасини белгилаш учун ўқитилган мутахассислик фани бўйича амалий имтиҳон ўтказилади.

3-боб. Мутахассислик фани бўйича амалий имтиҳон ўтказиш

7. Мутахассислик фани бўйича ўқув режа ва дастурининг барча талабларини тўлиқ бажарган академик лицей ўқувчиси академик лицей директорининг буйруғига асосан амалий имтиҳонни топширишга қўйилади.

8. Амалий имтиҳон якуний давлат аттестациясидан олдин ўтказилади.

9. Амалий имтиҳон ўтказиш жадвали у ўтказиладиган кунлар кўрсатилган ҳолда, академик лицей директори томонидан тасдиқланади ва амалий имтиҳон бошланишидан камида ўн беш кун олдин академик лицейнинг барча ўқувчилар кўриши мумкин бўлган жойдаги (жойлардаги) эълонлар тахтасига осиб қўйиш орқали ўқувчилар эътиборига етказилади.

10. Амалий имтиҳон амалий топшириқ шаклида ўтказилади. Бунда имтиҳон билетида 1 та амалий топшириқ берилади.

11. Амалий топшириқлар ўқитилган мутахассислик фани ўқув дастури асосида тузилади ва академик лицейнинг педагогик кенгаши томонидан тасдиқланади ҳамда амалий имтиҳон бошланишидан камида ўн беш кун олдин академик лицейнинг барча ўқувчилар кўриши мумкин бўлган жойдаги (жойлардаги) эълонлар тахтасига осиб қўйиш орқали ўқувчилар эътиборига етказилади.

12. Амалий имтиҳонни ўтказиш учун тегишли олий таълим муассасаси ректорининг буйруғи билан камида 5 кишидан иборат таркибда Амалий имтиҳон ўтказиш комиссияси (бундан буён матнда Комиссия деб юритилади) тузилади.

Комиссия қуйидаги таркибдан иборат бўлади:

комиссия раиси — академик лицей директори (у бўлмаганда, унинг вазифасини бажарувчи шахс);

комиссия котиби — академик лицей директорининг ўринбосари;

комиссия аъзолари — тегишли олий таълим муассасаси вакили, шунингдек академик лицей ҳамда келишув асосида турдош профессионал таълим муассасаларининг касбий фан ўқитувчилари.

13. Амалий имтиҳон академик лицейнинг ҳар бир гуруҳи учун алоҳида кунда ўтказилади.

14. Ҳар бир ўқувчига амалий топшириқларни бажариш учун 15 дақиқа вақт берилади.

15. Академик лицей ўқувчилари амалий топшириқни бажариши қуйидаги мезонлар асосида «5» баллик тизимда баҳоланади:

ўқувчи топшириқни тўғри ва тўлиқ, мустақил ҳамда амалий методик қўлланмалардан фойдаланмасдан бажарди деб топилганда — «5» балл;

ўқувчи топшириқни тўғри ва тўлиқ, мустақил бажарди, бироқ тегишли амалий методик қўлланмалардан фойдаланди деб топилганда — «4» балл;

ўқувчи топшириқни тўғри ва тўлиқ бажарди, бироқ тегишли методик қўлланмалардан ҳамда махсус фан ўқитувчисининг оғзаки маслаҳатидан фойдаланди деб топилганда — «3» балл;

ўқувчи тегишли методик қўлланмалардан ҳамда касбий фан ўқитувчисининг оғзаки маслаҳатидан фойдаланган ҳолда топшириқни тўғри ва тўлиқ бажара олмади деб топилганда — «2» балл.

16. Ўқувчи томонидан амалий топшириқ бажарилгандан сўнг, Комиссиянинг ҳар бир аъзоси ўқувчига ўзининг баҳосини қўяди. Комиссия аъзолари томонидан қўйилган баҳолар муҳокама қилиниб, ўқувчига ўртача арифметик балл қўйилади.

17. Амалий имтиҳон натижалари имтиҳон якунлангандан сўнг ўқувчиларга эълон қилинади.

18. Ўртача арифметик балл «3» баллдан кам бўлган ўқувчи амалий имтиҳондан ўтмаган деб ҳисобланади.

19. Амалий имтиҳондан ўтмаган, шунингдек амалий имтиҳонга узрли сабабларга кўра келмаган ўқувчиларга Комиссия қарорига асосан амалий имтиҳонни академик лицейни тамомлаганлик тўғрисидаги диплом берилгунга қадар бўлган вақт ичида қайта топшириши (топшириши) мумкин.

Амалий имтиҳонни қайта топшириши лозим бўлган ва узрли сабабларга кўра имтиҳонга келмаган ўқувчилар рўйхати, имтиҳонни қайта топшириш (топшириш) куни ва вақти Комиссия қарорида кўрсатилади.

20. Академик лицей ўқувчиси амалий имтиҳон натижасидан норози бўлган тақдирда, амалий имтиҳон натижаси эълон қилинган вақтдан бошлаб 24 соат ичида тегишли олий таълим муассасаси ректорининг буйруғи билан тузиладиган апелляция комиссиясига апелляция бериш ҳуқуқига эга.

21. Апелляция комиссияси таркибига Комиссия фаолиятида иштирок этмаган академик лицейнинг педагог ходимлари орасидан комиссия раиси ва камида тўрт нафар аъзо киритилади.

22. Академик лицей ўқувчиси томонидан берилган апелляция апелляция комиссияси томонидан 24 соат ичида кўриб чиқилиши лозим.

4-боб. Мутахассислик бўйича давлат намунасидаги сертификатни бериш

23. Амалий имтиҳондан муваффақиятли ўтган (ўртача арифметик балл «3» ва ундан юқори бўлган) ўқувчиларга ўқитилган мутахассислик бўйича мазкур Низомнинг иловасига мувофиқ давлат намунасидаги сертификат берилади.

24. Мутахассислик бўйича давлат намунасидаги сертификат академик лицей ўқувчисига академик лицейни тамомлаганлик тўғрисидаги диплом билан биргаликда берилади.

25. Мутахассислик бўйича берилган давлат намунасидаги сертификат иккинчи ўрта-махсус таълим олганлик ҳисобланмайди.

26. Мутахассислик бўйича берилган давлат намунасидаги сертификат эгалланган билимларни меҳнат фаолиятида амалга ошириш ҳуқуқини беради.

5-боб. Якуний қоида

27. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавоб беради.

Академик лицейлар битирувчиларига мутахассисликлар бериш тартиби тўғрисидаги низомга ИЛОВА

Академик лицей сертификатининг давлат намунаси. Академик лицей сертификатининг тавсифи

Сертификат 105х297 мм ўлчамда, қоғози 100% пахтадан тайёрланган, зичлиги 120+5 гр/м2, оқартиргичсиз, акс этмайдиган ультрабинафша нур ва миллий орнамент нақши кўринишидаги сув белгисидан иборат бўлади.

Сертификат бланкасининг юз томони юқори қисми марказида диаметри 30 мм бўлган Ўзбекистон Республикаси Давлат герби (рангли) тасвири туширилади. Давлат гербидан (рангли) 10 мм паст қисмида «OʻZBEKISTON RESPUBLIKASI» сўзлари, унинг таг қисмида «SERTIFIKAT» сўзи қизил рангда лотин алифбосида ёзилади.

Матн — Сертификат бланкаси ички қисми чап томонида лотин алифбосида, ўнг томонида инглиз тилида тегишли ёзувлар туширилади.

Сертификат варағи ички қисмининг икки тарафи марказида «Ҳумо» қуши (25х10 мм ўлчамда) қиёфаси кўринмайдиган тасвири жойлаштирилади ва мазкур қуш қиёфаси ультрабинафша нурлари остида кўринади.

Сертификат бланкаси қуйидаги ҳимоя элементлари билан тайёрланади:

а) тартиб рақами қора флуоресценция бўёғида чоп этилиб, ультрабинафша нурларида яшил рангда ёруғлик сочади;

б) босма жараёнида кимёвий барқарор матбаа бўёқлардан фойдаланади;

в) ҳар хил шаклдаги растрли сеткалардан фойдаланиш;

г) махсус ҳимояланган сув белгили қоғоз ишлатиш;

д) давлат гербини рангли тасвирлаш;

е) кичик матн бир неча бор катталаштирилганда кўринадиган сертификат саҳифасининг матн чизиқларида жойлашади ва такрорланувчи «OZBEKISTON RESPUBLIKASI» микроматнли сўз бирикмаси мавжуд.

‎ ‎ ‎ ‎ ‎ ‎ ‎‎Сертификатнинг ташқи ўнг томони: ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎(Oʻzbekiston Respublikasi Davlat gerbining tasviri) ‎ ‎ ‎‎‎OʻZBEKISTON RESPUBLIKASI ‎ ‎SERTIFIKAT‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Сертификатнинг ички чап томони: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎O`ZBEKISTON RESPUBLIKASI ‎‎AKADEMIK LITSEY SERTIFIKATI ‎‎LS № __________________________ ‎ ‎ ‎ ‎ ‎‎‎‎(diрlоmsiz kuchga ega emas) ‎ ‎ ‎ ‎‎ ‎‎________________________________________________________________________ (familiyasi, ismi, otasining ismi)‎‎ ‎‎20 ____ yilda _______________________________________________________________________ ‎‎(akademik litsey nomi) ‎‎____________________________________________________________________________ga kirib, ‎ ‎‎20___yilda _________________________________________________________________________ ‎‎(akademik litsey nomi) __________________________________________________________________________ akademik ‎ ‎‎litseyni ____________________________________________________________________ yoʻnalishi ‎‎(yoʻnalish nomi) ‎ ‎‎boʻyicha tamomladi hamda _____________________________________________ mutaxassisligi berildi. ‎‎(mutaxassislik nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ M.Oʻ‎ ‎‎Davlat attestatsiya ‎ komissiyasi raisi ‎ ‎‎Direktor ‎ Kotib(а) ‎ ‎ ‎‎ ‎‎_______________________ shahri (tumani), 20___ yil ‎‎Roʻyxat raqami _____________ ‎‎

‎‎Сертификатнинг ички ўнг томони: ‎ ‎ ‎ ‎ ‎ ‎ ‎ ‎ ‎ ‎ ‎‎TНE REPUBLIC OF UZBEKISTAN CERTIFICATE OF ACADEMIC LYCEUM‎‎ ‎‎LS № ___________________________ ‎ ‎ ‎ ‎ ‎‎‎‎(not valid without diploma) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_________________________________________________________________ (full name)‎‎ ‎‎enrolled in 20________________________________________________________________ ‎ ‎‎‎‎(name of academic lyceum) ‎‎and completed in 20 ___________________________________________________________ ‎‎(name of academic lyceum) ‎‎_________________________________________________________________ ‎‎‎having speсialized in __________________________________________________________ ‎‎(field of study) having speсialist in ___________________________________________________________ ‎‎(speciality) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Seal)‎‎ ‎ ‎ ‎‎‎‎Chairman of the State Attestation commission ‎‎‎ ‎ ‎‎‎‎Director ‎ Kotib(a)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Given________________________ ‎ ‎ ‎‎Registration № ________________

Ўрта махсус, касб-ҳунар таълими маркази директори У. САЛИМОВ

Меҳнат вазири ўринбосари Б. НИЗОМОВ

Тошкент ш.,

2017 йил 7 апрель,

Тошкент ш.,

2017 йил 7 апрель,

22/ҚҚ-сон

8-Қ/Қ-сон

(Ўзбекистон Республикаси қонун ҳужжатлари тўплами, 2017 й., 19-сон, 350-модда, Қонун ҳужжатлари маълумотлари миллий базаси, 22.04.2019 й., 10/19/2882-1/2985-сон; Қонунчилик маълумотлари миллий базаси, 28.07.2021 й., 10/21/3313/0724-сон; 12.12.2022 й., 10/22/2882-2/1077-сон)

lex.uz

OʻZBEKISTON RESPUBLIKASI OLIY VA OʻRTA MAXSUS TAʼLIM VAZIRLIGINING OʻRTA MAXSUS, KASB-HUNAR TAʼLIMI MARKAZI OʻZBEKISTON RESPUBLIKASI MEHNAT VAZIRLIGINING

QARORI

NIZOM

Akademik litseylar bitiruvchilariga mutaxassisliklar berish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining 2017-yil 14-martdagi PQ-2829-son “Oʻrta maxsus, kasb-hunar taʼlimi muassasalari faoliyatini yanada takomillashtirish chora-tadbirlari toʻgʻrisida”gi qaroriga asosan, Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi hamda Mehnat vazirligi qaror qiladi:

1. Akademik litseylar bitiruvchilariga mutaxassisliklar berish tartibi toʻgʻrisidagi nizom ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi hamda Mehnat vazirligining 2017-yil 7-apreldagi 22/QQ va 8-Q/Q-son qaroriga ILOVA

Akademik litseylar bitiruvchilariga mutaxassisliklar berish tartibi toʻgʻrisidagi

Mazkur Nizom Oʻzbekiston Respublikasi Prezidentining 2017-yil 14-martdagi PQ-2829-son “Oʻrta maxsus, kasb-hunar taʼlimi muassasalari faoliyatini yanada takomillashtirish chora-tadbirlari toʻgʻrisida”gi qaroriga muvofiq akademik litseylar bitiruvchilariga mutaxassisliklar berish tartibini belgilaydi.

1-bob. Umumiy qoidalar

1. Akademik litseylarning bitiruvchilariga Oʻzbekiston Respublikasi Prezidentining 2017-yil 14-martdagi PQ-2829-son qarori bilan tasdiqlangan Akademik litseylar bitiruvchilariga beriladigan ayrim mutaxassisliklar roʻyxatida nazarda tutilgan taʼlim yoʻnalishlari boʻyicha maxsus chuqurlashtirilgan tayyorgarlikni talab etmaydigan alohida mutaxassisliklar (bundan buyon matnda mutaxassislik deb yuritiladi) beriladi.

2. Akademik litseylarning bitiruvchilariga beriladigan mutaxassislik akademik litseyning taʼlim yoʻnalishi boʻyicha, oʻqituvchilar tarkibi, oʻquv-metodik, moddiy-texnika bazasidan kelib chiqqan holda belgilanadi va akademik litsey pedagogik kengashining qarori bilan tasdiqlanadi.

3. Akademik litsey tomonidan beriladigan mutaxassislik akademik litseyning barcha shaxslar kirishi va koʻrishi mumkin boʻlgan joyda (joylarda) eʼlonlar taxtasiga osib qoʻyilishi, rasmiy veb-saytida (agar rasmiy veb-sayti mavjud boʻlsa) eʼlon qilinishi shart.

2-bob. Akademik litseylar oʻquvchilarini mutaxassislikka oʻqitish

4. Akademik litseylarda mutaxassislik oʻquv rejalarda nazarda tutilgan kasbiy fan (bundan buyon matnda mutaxassislik fani deb yuritiladi) sifatida oʻqitiladi.

5. Akademik litseylar oʻquvchilarining mutaxassislik fani boʻyicha bilim saviyasini baholash va yakuniy reyting koʻrsatkichlarini aniqlash Akademik litseylar va kasb-hunar kollejlari oʻquvchilarining bilim saviyasi, koʻnikma va malakalarini nazorat qilishning reyting tizimi toʻgʻrisidagi nizomda (roʻyxat raqami 1812, 2008-yil 19-may) belgilangan tartibda amalga oshiriladi.

6. Oʻquvchilarning mutaxassislik fani boʻyicha egallagan bilimi va oʻquv dasturini oʻzlashtirish darajasini belgilash uchun oʻqitilgan mutaxassislik fani boʻyicha amaliy imtihon oʻtkaziladi.

3-bob. Mutaxassislik fani boʻyicha amaliy imtihon oʻtkazish

7. Mutaxassislik fani boʻyicha oʻquv reja va dasturining barcha talablarini toʻliq bajargan akademik litsey oʻquvchisi akademik litsey direktorining buyrugʻiga asosan amaliy imtihonni topshirishga qoʻyiladi.

8. Amaliy imtihon yakuniy davlat attestatsiyasidan oldin oʻtkaziladi.

9. Amaliy imtihon oʻtkazish jadvali u oʻtkaziladigan kunlar koʻrsatilgan holda, akademik litsey direktori tomonidan tasdiqlanadi va amaliy imtihon boshlanishidan kamida oʻn besh kun oldin akademik litseyning barcha oʻquvchilar koʻrishi mumkin boʻlgan joydagi (joylardagi) eʼlonlar taxtasiga osib qoʻyish orqali oʻquvchilar eʼtiboriga yetkaziladi.

10. Amaliy imtihon amaliy topshiriq shaklida oʻtkaziladi. Bunda imtihon biletida 1 ta amaliy topshiriq beriladi.

11. Amaliy topshiriqlar oʻqitilgan mutaxassislik fani oʻquv dasturi asosida tuziladi va akademik litseyning pedagogik kengashi tomonidan tasdiqlanadi hamda amaliy imtihon boshlanishidan kamida oʻn besh kun oldin akademik litseyning barcha oʻquvchilar koʻrishi mumkin boʻlgan joydagi (joylardagi) eʼlonlar taxtasiga osib qoʻyish orqali oʻquvchilar eʼtiboriga yetkaziladi.

12. Amaliy imtihonni oʻtkazish uchun tegishli oliy taʼlim muassasasi rektorining buyrugʻi bilan kamida 5 kishidan iborat tarkibda Amaliy imtihon oʻtkazish komissiyasi (bundan buyon matnda Komissiya deb yuritiladi) tuziladi.

Komissiya quyidagi tarkibdan iborat boʻladi:

komissiya raisi — akademik litsey direktori (u boʻlmaganda, uning vazifasini bajaruvchi shaxs);

komissiya kotibi — akademik litsey direktorining oʻrinbosari;

komissiya aʼzolari — tegishli oliy taʼlim muassasasi vakili, shuningdek akademik litsey hamda kelishuv asosida turdosh professional taʼlim muassasalarining kasbiy fan oʻqituvchilari.

13. Amaliy imtihon akademik litseyning har bir guruhi uchun alohida kunda oʻtkaziladi.

14. Har bir oʻquvchiga amaliy topshiriqlarni bajarish uchun 15 daqiqa vaqt beriladi.

15. Akademik litsey oʻquvchilari amaliy topshiriqni bajarishi quyidagi mezonlar asosida “5” ballik tizimda baholanadi:

oʻquvchi topshiriqni toʻgʻri va toʻliq, mustaqil hamda amaliy metodik qoʻllanmalardan foydalanmasdan bajardi deb topilganda — “5” ball;

oʻquvchi topshiriqni toʻgʻri va toʻliq, mustaqil bajardi, biroq tegishli amaliy metodik qoʻllanmalardan foydalandi deb topilganda — “4” ball;

oʻquvchi topshiriqni toʻgʻri va toʻliq bajardi, biroq tegishli metodik qoʻllanmalardan hamda maxsus fan oʻqituvchisining ogʻzaki maslahatidan foydalandi deb topilganda — “3” ball;

oʻquvchi tegishli metodik qoʻllanmalardan hamda kasbiy fan oʻqituvchisining ogʻzaki maslahatidan foydalangan holda topshiriqni toʻgʻri va toʻliq bajara olmadi deb topilganda — “2” ball.

16. Oʻquvchi tomonidan amaliy topshiriq bajarilgandan soʻng, Komissiyaning har bir aʼzosi oʻquvchiga oʻzining bahosini qoʻyadi. Komissiya aʼzolari tomonidan qoʻyilgan baholar muhokama qilinib, oʻquvchiga oʻrtacha arifmetik ball qoʻyiladi.

17. Amaliy imtihon natijalari imtihon yakunlangandan soʻng oʻquvchilarga eʼlon qilinadi.

18. Oʻrtacha arifmetik ball “3” balldan kam boʻlgan oʻquvchi amaliy imtihondan oʻtmagan deb hisoblanadi.

19. Amaliy imtihondan oʻtmagan, shuningdek amaliy imtihonga uzrli sabablarga koʻra kelmagan oʻquvchilarga Komissiya qaroriga asosan amaliy imtihonni akademik litseyni tamomlaganlik toʻgʻrisidagi diplom berilgunga qadar boʻlgan vaqt ichida qayta topshirishi (topshirishi) mumkin.

Amaliy imtihonni qayta topshirishi lozim boʻlgan va uzrli sabablarga koʻra imtihonga kelmagan oʻquvchilar roʻyxati, imtihonni qayta topshirish (topshirish) kuni va vaqti Komissiya qarorida koʻrsatiladi.

20. Akademik litsey oʻquvchisi amaliy imtihon natijasidan norozi boʻlgan taqdirda, amaliy imtihon natijasi eʼlon qilingan vaqtdan boshlab 24 soat ichida tegishli oliy taʼlim muassasasi rektorining buyrugʻi bilan tuziladigan apellyatsiya komissiyasiga apellyatsiya berish huquqiga ega.

21. Apellyatsiya komissiyasi tarkibiga Komissiya faoliyatida ishtirok etmagan akademik litseyning pedagog xodimlari orasidan komissiya raisi va kamida toʻrt nafar aʼzo kiritiladi.

22. Akademik litsey oʻquvchisi tomonidan berilgan apellyatsiya apellyatsiya komissiyasi tomonidan 24 soat ichida koʻrib chiqilishi lozim.

4-bob. Mutaxassislik boʻyicha davlat namunasidagi sertifikatni berish

23. Amaliy imtihondan muvaffaqiyatli oʻtgan (oʻrtacha arifmetik ball “3” va undan yuqori boʻlgan) oʻquvchilarga oʻqitilgan mutaxassislik boʻyicha mazkur Nizomning ilovasiga muvofiq davlat namunasidagi sertifikat beriladi.

24. Mutaxassislik boʻyicha davlat namunasidagi sertifikat akademik litsey oʻquvchisiga akademik litseyni tamomlaganlik toʻgʻrisidagi diplom bilan birgalikda beriladi.

25. Mutaxassislik boʻyicha berilgan davlat namunasidagi sertifikat ikkinchi oʻrta-maxsus taʼlim olganlik hisoblanmaydi.

26. Mutaxassislik boʻyicha berilgan davlat namunasidagi sertifikat egallangan bilimlarni mehnat faoliyatida amalga oshirish huquqini beradi.

5-bob. Yakuniy qoida

27. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradi.

Akademik litseylar bitiruvchilariga mutaxassisliklar berish tartibi toʻgʻrisidagi nizomga ILOVA

Akademik litsey sertifikatining davlat namunasi. Akademik litsey sertifikatining tavsifi

Sertifikat 105x297 mm oʻlchamda, qogʻozi 100% paxtadan tayyorlangan, zichligi 120+5 gr/m2, oqartirgichsiz, aks etmaydigan ultrabinafsha nur va milliy ornament naqshi koʻrinishidagi suv belgisidan iborat boʻladi.

Sertifikat blankasining yuz tomoni yuqori qismi markazida diametri 30 mm boʻlgan Oʻzbekiston Respublikasi Davlat gerbi (rangli) tasviri tushiriladi. Davlat gerbidan (rangli) 10 mm past qismida “OʻZBEKISTON RESPUBLIKASI” soʻzlari, uning tag qismida “SERTIFIKAT” soʻzi qizil rangda lotin alifbosida yoziladi.

Matn — Sertifikat blankasi ichki qismi chap tomonida lotin alifbosida, oʻng tomonida ingliz tilida tegishli yozuvlar tushiriladi.

Sertifikat varagʻi ichki qismining ikki tarafi markazida “Humo” qushi (25x10 mm oʻlchamda) qiyofasi koʻrinmaydigan tasviri joylashtiriladi va mazkur qush qiyofasi ultrabinafsha nurlari ostida koʻrinadi.

Sertifikat blankasi quyidagi himoya elementlari bilan tayyorlanadi:

a) tartib raqami qora fluoressensiya boʻyogʻida chop etilib, ultrabinafsha nurlarida yashil rangda yorugʻlik sochadi;

b) bosma jarayonida kimyoviy barqaror matbaa boʻyoqlardan foydalanadi;

v) har xil shakldagi rastrli setkalardan foydalanish;

g) maxsus himoyalangan suv belgili qogʻoz ishlatish;

d) davlat gerbini rangli tasvirlash;

e) kichik matn bir necha bor kattalashtirilganda koʻrinadigan sertifikat sahifasining matn chiziqlarida joylashadi va takrorlanuvchi “OZBEKISTON RESPUBLIKASI” mikromatnli soʻz birikmasi mavjud.

‎ ‎ ‎ ‎ ‎ ‎ ‎‎Sertifikatning tashqi oʻng tomoni: ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎(Oʻzbekiston Respublikasi Davlat gerbining tasviri) ‎ ‎ ‎‎‎OʻZBEKISTON RESPUBLIKASI ‎ ‎SERTIFIKAT‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Sertifikatning ichki chap tomoni: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎O`ZBEKISTON RESPUBLIKASI ‎‎AKADEMIK LITSEY SERTIFIKATI ‎‎LS № __________________________ ‎ ‎ ‎ ‎ ‎‎‎‎(dirlomsiz kuchga ega emas) ‎ ‎ ‎ ‎‎ ‎‎________________________________________________________________________ (familiyasi, ismi, otasining ismi)‎‎ ‎‎20 ____ yilda _______________________________________________________________________ ‎‎(akademik litsey nomi) ‎‎____________________________________________________________________________ga kirib, ‎ ‎‎20___yilda _________________________________________________________________________ ‎‎(akademik litsey nomi) __________________________________________________________________________ akademik ‎ ‎‎litseyni ____________________________________________________________________ yoʻnalishi ‎‎(yoʻnalish nomi) ‎ ‎‎boʻyicha tamomladi hamda _____________________________________________ mutaxassisligi berildi. ‎‎(mutaxassislik nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ M.Oʻ‎ ‎‎Davlat attestatsiya ‎ komissiyasi raisi ‎ ‎‎Direktor ‎ Kotib(a) ‎ ‎ ‎‎ ‎‎_______________________ shahri (tumani), 20___ yil ‎‎Roʻyxat raqami _____________ ‎‎

‎‎Sertifikatning ichki oʻng tomoni: ‎ ‎ ‎ ‎ ‎ ‎ ‎ ‎ ‎ ‎ ‎‎TNE REPUBLIC OF UZBEKISTAN CERTIFICATE OF ACADEMIC LYCEUM‎‎ ‎‎LS № ___________________________ ‎ ‎ ‎ ‎ ‎‎‎‎(not valid without diploma) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_________________________________________________________________ (full name)‎‎ ‎‎enrolled in 20________________________________________________________________ ‎ ‎‎‎‎(name of academic lyceum) ‎‎and completed in 20 ___________________________________________________________ ‎‎(name of academic lyceum) ‎‎_________________________________________________________________ ‎‎‎having spesialized in __________________________________________________________ ‎‎(field of study) having spesialist in ___________________________________________________________ ‎‎(speciality) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Seal)‎‎ ‎ ‎ ‎‎‎‎Chairman of the State Attestation commission ‎‎‎ ‎ ‎‎‎‎Director ‎ Kotib(a)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Given________________________ ‎ ‎ ‎‎Registration № ________________

Oʻrta maxsus, kasb-hunar taʼlimi markazi direktori U. SALIMOV

Mehnat vaziri oʻrinbosari B. NIZOMOV

Toshkent sh.,

2017-yil 7-aprel,

Toshkent sh.,

2017-yil 7-aprel,

22/QQ-son

8-Q/Q-son

(Oʻzbekiston Respublikasi qonun hujjatlari toʻplami, 2017-y., 19-son, 350-modda, Qonun hujjatlari maʼlumotlari milliy bazasi, 22.04.2019-y., 10/19/2882-1/2985-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 12.12.2022-y., 10/22/2882-2/1077-son)

lex.uz