UzbekAI

Ўзбекистон Республикаси Президентининг

Фармони

Ўзбекистон Республикаси Ўрмон хўжалиги давлат қўмитасини ташкил этиш тўғрисида

Республикамиз ўрмон ресурсларининг бой салоҳиятидан тўла-тўкис ва оқилона фойдаланишни таъминлаш, ўрмон хўжалиги бошқарув тизимини янада такомиллаштириш, ўрмон фонди ерларидан фойдаланиш самарадорлигини ошириш, соҳага илғор илмий-техника ютуқларини жорий этиш, ўрмон хўжаликларининг моддий-техника базасини мустаҳкамлаш ва модернизация қилиш, шунингдек, хорижий инвестицияларни янада фаол жалб этиш ва экологик туризмни ривожлантириш мақсадида:

1. Ўзбекистон Республикаси Қишлоқ ва сув хўжалиги вазирлиги ҳузуридаги Ўрмон хўжалиги бош бошқармаси негизида Қорақалпоғистон Республикаси ва вилоятларда бўлинмаларига эга бўлган Ўзбекистон Республикаси Ўрмон хўжалиги давлат қўмитаси ташкил қилинсин.

Белгилансинки, Ўзбекистон Республикаси Ўрмон хўжалиги давлат қўмитаси Ўзбекистон Республикаси Вазирлар Маҳкамасининг қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари комплекси таркибига киради.

2. Қуйидагилар Ўзбекистон Республикаси Ўрмон хўжалиги давлат қўмитасининг асосий вазифалари ва фаолият йўналишлари этиб белгилансин:

ўрмон бойликларини ҳар томонлама кенгайтириш ва улардан оқилона фойдаланишга қаратилган ўрмон хўжалиги соҳасида ягона давлат сиёсатини юритиш;

ўрмон тўғрисидаги қонун ҳужжатларини такомиллаштириш бўйича таклифлар ишлаб чиқиш ва уларга риоя этилишини амалий назорат қилиш;

ўрмон фонди ва муҳофаза этиладиган табиий ҳудудларни самарали бошқаришни ташкил этиш, ўрмон барпо этиш, уларни қайта тиклаш, қўриқлаш, муҳофаза қилиш, ўрмонлардан оқилона ва тежамли фойдаланиш;

республикамизда ўрмонларни тиклаш ва иҳота ўрмонларини кўпайтириш чора-тадбирларини ишлаб чиқиш ва амалга ошириш, тоғ ёнбағирлари, жарликлар ва ташландиқ ерларда эрозияга қарши дарахтзорлар барпо этиш ишлари бажарилишини ташкил қилиш;

ўрмон фондини, фауна ва флорасини ўрганиш ҳамда уларнинг қатъий ҳисобини юритиш, ўрмон хўжалигини юритиш амалиётига фан ютуқлари ва илғор тажрибани жорий этиш;

ўрмонларни ёнғинлардан, зараркунанда ва касалликлардан, ноқонуний дарахт кесишдан ва бошқа ўрмон қонунчилиги бузилишларидан муҳофаза қилиш;

манзарали ўсимликлар кўчатлари ва уруғларини сертификатлаш ва стандартлаштиришнинг ягона тизимини ишлаб чиқиш ҳамда жорий қилишни ташкил этиш;

ўрмон хўжаликларида бир-бирига боғлиқ бўлган хўжалик фаолиятини кенгайтириш ва ривожлантириш, кўчат етиштириш, доривор ўсимликлар тўплаш, асаларичилик, балиқчилик, чорвачилик маҳсулотларини етиштириш ҳамда уларни чуқур қайта ишлаш, халқ истеъмоли товарлари ишлаб чиқаришни ташкил этиш;

тармоққа халқаро молия институтлари грантларини жалб этиш ва экологик туризмни кенг кўламда ривожлантириш;

ўрмон хўжалиги соҳасида ўрта махсус ва олий маълумотли мутахассислар тайёрлаш, қайта тайёрлаш ва малакасини оширишни ташкил этиш.

3. Белгилаб қўйилсинки:

Ўзбекистон Республикаси Ўрмон хўжалиги давлат қўмитаси Ўзбекистон Республикаси Қишлоқ ва сув хўжалиги вазирлиги ҳузуридаги Ўрмон хўжалиги бош бошқармасининг ҳуқуқлари ва мажбуриятлари бўйича ҳуқуқий вориси ҳисобланади;

Ўзбекистон Республикаси Ўрмон хўжалиги давлат қўмитасининг ўз ваколатлари доирасида қабул қилган қарорлари давлат ва хўжалик бошқаруви органлари, маҳаллий давлат ҳокимияти органлари, хўжалик юритувчи субъектлар ва фуқаролар томонидан бажарилиши мажбурийдир;

Ўзбекистон Республикаси Ўрмон хўжалиги давлат қўмитаси раиси ва унинг ўринбосарлари Ўзбекистон Республикаси Бош вазирининг тақдимномасига биноан Ўзбекистон Республикаси Президенти томонидан лавозимга тасдиқланади ва лавозимдан озод этилади.

4. Ўзбекистон Республикаси Ўрмон хўжалиги давлат қўмитаси таркибида қуйидагилар:

Қорақалпоғистон Республикаси Ўрмон хўжалиги бошқармаси негизида Қорақалпоғистон Республикаси Ўрмон хўжалиги қўмитаси;

Бухоро, Жиззах, Қашқадарё, Навоий, Наманган, Самарқанд, Сурхондарё, Тошкент ва Фарғона вилоятлари Ўрмон хўжалиги бошқармалари ташкил этилсин.

Белгилансинки, Андижон, Сирдарё ва Хоразм давлат ўрмон хўжаликлари бевосита Ўзбекистон Республикаси ўрмон хўжалиги давлат қўмитасига идоравий бўйсунади.

Белгилаб қўйилсинки:

Қорақалпоғистон Республикаси Ўрмон хўжалиги қўмитаси ва вилоятлар ўрмон хўжалиги бошқармалари Ўзбекистон Республикаси Ўрмон хўжалиги давлат қўмитасига ва тегишли равишда Қорақалпоғистон Республикаси Вазирлар Кенгаши ҳамда вилоятлар ҳокимликларига ҳисобот беради;

Қорақалпоғистон Республикаси Ўрмон хўжалиги қўмитасининг раиси Ўзбекистон Республикаси Ўрмон хўжалиги давлат қўмитаси билан келишилган ҳолда Қорақалпоғистон Республикаси Жўқорғи Кенгеси томонидан лавозимга тайинланади ва лавозимдан озод қилинади;

вилоятлар ўрмон хўжалиги бошқармаларининг бошлиқлари, шунингдек, Андижон, Сирдарё ва Хоразм давлат ўрмон хўжаликлари бошлиқлари вилоят ҳокимларининг тақдимномасига кўра Ўзбекистон Республикаси Ўрмон хўжалиги давлат қўмитасининг раиси томонидан лавозимга тайинланади ва лавозимдан озод этилади.

5. Манзарали боғдорчилик ва ўрмон хўжалиги республика илмий-ишлаб чиқариш маркази негизида Ўзбекистон Республикаси Ўрмон хўжалиги давлат қўмитаси тизимида Ўрмон хўжалиги илмий-тадқиқот институти ташкил этилсин.

Қуйидагилар Ўрмон хўжалиги илмий-тадқиқот институтининг асосий вазифалари ва фаолият йўналишлари этиб белгилансин:

ички ва ташқи бозорлар эҳтиёжини тизимли ўрганиш асосида республикада манзарали боғдорчиликни ривожлантиришнинг ягона стратегиясини ишлаб чиқиш ва амалга ошириш;

манзарали, мевали дарахтлар ва бута кўчатлари етиштириш, доривор ўсимликлар плантацияларини яратиш, тоғ ёнбағирларида, чўл ва лалми ерларда етиштириладиган, қурғоқчиликка, касаллик ва зараркунандаларга чидамли бўлган ўсимликлар селекцияси ва уруғчилиги бўйича илмий-тадқиқотлар олиб бориш;

ўрмон фонди ерларининг экологик ҳолатини яхшилаш, ўрмонларни кенгайтириш ва қайта тиклаш, чўлга айланишининг олдини олиш, иҳота ўрмонлари барпо этиш бўйича самарали инновацион усулларни ишлаб чиқиш;

манзарали ўсимликлар кўчатлари етиштиришнинг илмий асосларини ҳамда истиқболли технологияларини ишлаб чиқиш ва жорий этиш;

минтақаларнинг тупроқ-иқлим шароитларини ҳисобга олган ҳолда қурғоқчиликка, зараркунанда ва касалликларга чидамли ўсимликлар турларини танлаш, манзарали ўсимликларни районлаштириш бўйича тавсиялар ишлаб чиқиш;

эрозияга қарши дарахтзорлар барпо этишнинг илмий асосланган технологияларини ишлаб чиқиш ва жорий этиш;

импорт ўрнини босадиган доривор ўсимликлар уруғлари, шунингдек, манзарали, мевали дарахт ва бута кўчатлари етиштиришни ташкил этиш;

манзарали ўсимликлар кўчатларини сертификатлаш ва стандартлаштиришнинг ягона тизимини ишлаб чиқиш ва жорий этишни ташкил қилиш.

6. Ўзбекистон Республикаси Вазирлар Маҳкамаси бир ҳафта муддатда ўрнатилган тартибда Ўзбекистон Республикаси Президентининг Ўзбекистон Республикаси Ўрмон хўжалиги давлат қўмитаси фаолиятини ташкил этиш тўғрисидаги қарори лойиҳасини киритсин.

7. Ўзбекистон Республикаси Президентининг «Ўзбекистон Республикаси Давлат ўрмон қўмитасини Ўзбекистон Республикаси Қишлоқ ва сув хўжалиги вазирлиги ҳузуридаги Ўрмон хўжалиги бош бошқармасига айлантириш тўғрисида» 2000 йил 7 февралдаги ПФ-2536-сон Фармони ўз кучини йўқотган, деб ҳисоблансин.

8. Ўзбекистон Республикаси Ўрмон хўжалиги давлат қўмитаси Адлия вазирлиги ҳамда манфаатдор вазирликлар ва идоралар билан биргаликда бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.

9. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси В.А. Голишев зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 11 май,

ПФ-5041-сон

(Ўзбекистон Республикаси қонун ҳужжатлари тўплами, 2017 й., 20-сон, 353-модда; Қонун ҳужжатлари маълумотлари миллий базаси, 03.03.2018 й., 06/18/5329/0846-сон)

lex.uz

Oʻzbekiston Respublikasi Prezidentining

Farmoni

Oʻzbekiston Respublikasi Oʻrmon xoʻjaligi davlat qoʻmitasini tashkil etish toʻgʻrisida

Respublikamiz oʻrmon resurslarining boy salohiyatidan toʻla-toʻkis va oqilona foydalanishni taʼminlash, oʻrmon xoʻjaligi boshqaruv tizimini yanada takomillashtirish, oʻrmon fondi yerlaridan foydalanish samaradorligini oshirish, sohaga ilgʻor ilmiy-texnika yutuqlarini joriy etish, oʻrmon xoʻjaliklarining moddiy-texnika bazasini mustahkamlash va modernizatsiya qilish, shuningdek, xorijiy investitsiyalarni yanada faol jalb etish va ekologik turizmni rivojlantirish maqsadida:

1. Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi negizida Qoraqalpogʻiston Respublikasi va viloyatlarda boʻlinmalariga ega boʻlgan Oʻzbekiston Respublikasi Oʻrmon xoʻjaligi davlat qoʻmitasi tashkil qilinsin.

Belgilansinki, Oʻzbekiston Respublikasi Oʻrmon xoʻjaligi davlat qoʻmitasi Oʻzbekiston Respublikasi Vazirlar Mahkamasining qishloq va suv xoʻjaligi, qishloq xoʻjaligi va oziq-ovqat mahsulotlarini qayta ishlash masalalari kompleksi tarkibiga kiradi.

2. Quyidagilar Oʻzbekiston Respublikasi Oʻrmon xoʻjaligi davlat qoʻmitasining asosiy vazifalari va faoliyat yoʻnalishlari etib belgilansin:

oʻrmon boyliklarini har tomonlama kengaytirish va ulardan oqilona foydalanishga qaratilgan oʻrmon xoʻjaligi sohasida yagona davlat siyosatini yuritish;

oʻrmon toʻgʻrisidagi qonun hujjatlarini takomillashtirish boʻyicha takliflar ishlab chiqish va ularga rioya etilishini amaliy nazorat qilish;

oʻrmon fondi va muhofaza etiladigan tabiiy hududlarni samarali boshqarishni tashkil etish, oʻrmon barpo etish, ularni qayta tiklash, qoʻriqlash, muhofaza qilish, oʻrmonlardan oqilona va tejamli foydalanish;

respublikamizda oʻrmonlarni tiklash va ihota oʻrmonlarini koʻpaytirish chora-tadbirlarini ishlab chiqish va amalga oshirish, togʻ yonbagʻirlari, jarliklar va tashlandiq yerlarda eroziyaga qarshi daraxtzorlar barpo etish ishlari bajarilishini tashkil qilish;

oʻrmon fondini, fauna va florasini oʻrganish hamda ularning qatʼiy hisobini yuritish, oʻrmon xoʻjaligini yuritish amaliyotiga fan yutuqlari va ilgʻor tajribani joriy etish;

oʻrmonlarni yongʻinlardan, zararkunanda va kasalliklardan, noqonuniy daraxt kesishdan va boshqa oʻrmon qonunchiligi buzilishlaridan muhofaza qilish;

manzarali oʻsimliklar koʻchatlari va urugʻlarini sertifikatlash va standartlashtirishning yagona tizimini ishlab chiqish hamda joriy qilishni tashkil etish;

oʻrmon xoʻjaliklarida bir-biriga bogʻliq boʻlgan xoʻjalik faoliyatini kengaytirish va rivojlantirish, koʻchat yetishtirish, dorivor oʻsimliklar toʻplash, asalarichilik, baliqchilik, chorvachilik mahsulotlarini yetishtirish hamda ularni chuqur qayta ishlash, xalq isteʼmoli tovarlari ishlab chiqarishni tashkil etish;

tarmoqqa xalqaro moliya institutlari grantlarini jalb etish va ekologik turizmni keng koʻlamda rivojlantirish;

oʻrmon xoʻjaligi sohasida oʻrta maxsus va oliy maʼlumotli mutaxassislar tayyorlash, qayta tayyorlash va malakasini oshirishni tashkil etish.

3. Belgilab qoʻyilsinki:

Oʻzbekiston Respublikasi Oʻrmon xoʻjaligi davlat qoʻmitasi Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasining huquqlari va majburiyatlari boʻyicha huquqiy vorisi hisoblanadi;

Oʻzbekiston Respublikasi Oʻrmon xoʻjaligi davlat qoʻmitasining oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy davlat hokimiyati organlari, xoʻjalik yurituvchi subyektlar va fuqarolar tomonidan bajarilishi majburiydir;

Oʻzbekiston Respublikasi Oʻrmon xoʻjaligi davlat qoʻmitasi raisi va uning oʻrinbosarlari Oʻzbekiston Respublikasi Bosh vazirining taqdimnomasiga binoan Oʻzbekiston Respublikasi Prezidenti tomonidan lavozimga tasdiqlanadi va lavozimdan ozod etiladi.

4. Oʻzbekiston Respublikasi Oʻrmon xoʻjaligi davlat qoʻmitasi tarkibida quyidagilar:

Qoraqalpogʻiston Respublikasi Oʻrmon xoʻjaligi boshqarmasi negizida Qoraqalpogʻiston Respublikasi Oʻrmon xoʻjaligi qoʻmitasi;

Buxoro, Jizzax, Qashqadaryo, Navoiy, Namangan, Samarqand, Surxondaryo, Toshkent va Fargʻona viloyatlari Oʻrmon xoʻjaligi boshqarmalari tashkil etilsin.

Belgilansinki, Andijon, Sirdaryo va Xorazm davlat oʻrmon xoʻjaliklari bevosita Oʻzbekiston Respublikasi oʻrmon xoʻjaligi davlat qoʻmitasiga idoraviy boʻysunadi.

Belgilab qoʻyilsinki:

Qoraqalpogʻiston Respublikasi Oʻrmon xoʻjaligi qoʻmitasi va viloyatlar oʻrmon xoʻjaligi boshqarmalari Oʻzbekiston Respublikasi Oʻrmon xoʻjaligi davlat qoʻmitasiga va tegishli ravishda Qoraqalpogʻiston Respublikasi Vazirlar Kengashi hamda viloyatlar hokimliklariga hisobot beradi;

Qoraqalpogʻiston Respublikasi Oʻrmon xoʻjaligi qoʻmitasining raisi Oʻzbekiston Respublikasi Oʻrmon xoʻjaligi davlat qoʻmitasi bilan kelishilgan holda Qoraqalpogʻiston Respublikasi Joʻqorgʻi Kengesi tomonidan lavozimga tayinlanadi va lavozimdan ozod qilinadi;

viloyatlar oʻrmon xoʻjaligi boshqarmalarining boshliqlari, shuningdek, Andijon, Sirdaryo va Xorazm davlat oʻrmon xoʻjaliklari boshliqlari viloyat hokimlarining taqdimnomasiga koʻra Oʻzbekiston Respublikasi Oʻrmon xoʻjaligi davlat qoʻmitasining raisi tomonidan lavozimga tayinlanadi va lavozimdan ozod etiladi.

5. Manzarali bogʻdorchilik va oʻrmon xoʻjaligi respublika ilmiy-ishlab chiqarish markazi negizida Oʻzbekiston Respublikasi Oʻrmon xoʻjaligi davlat qoʻmitasi tizimida Oʻrmon xoʻjaligi ilmiy-tadqiqot instituti tashkil etilsin.

Quyidagilar Oʻrmon xoʻjaligi ilmiy-tadqiqot institutining asosiy vazifalari va faoliyat yoʻnalishlari etib belgilansin:

ichki va tashqi bozorlar ehtiyojini tizimli oʻrganish asosida respublikada manzarali bogʻdorchilikni rivojlantirishning yagona strategiyasini ishlab chiqish va amalga oshirish;

manzarali, mevali daraxtlar va buta koʻchatlari yetishtirish, dorivor oʻsimliklar plantatsiyalarini yaratish, togʻ yonbagʻirlarida, choʻl va lalmi yerlarda yetishtiriladigan, qurgʻoqchilikka, kasallik va zararkunandalarga chidamli boʻlgan oʻsimliklar seleksiyasi va urugʻchiligi boʻyicha ilmiy-tadqiqotlar olib borish;

oʻrmon fondi yerlarining ekologik holatini yaxshilash, oʻrmonlarni kengaytirish va qayta tiklash, choʻlga aylanishining oldini olish, ihota oʻrmonlari barpo etish boʻyicha samarali innovatsion usullarni ishlab chiqish;

manzarali oʻsimliklar koʻchatlari yetishtirishning ilmiy asoslarini hamda istiqbolli texnologiyalarini ishlab chiqish va joriy etish;

mintaqalarning tuproq-iqlim sharoitlarini hisobga olgan holda qurgʻoqchilikka, zararkunanda va kasalliklarga chidamli oʻsimliklar turlarini tanlash, manzarali oʻsimliklarni rayonlashtirish boʻyicha tavsiyalar ishlab chiqish;

eroziyaga qarshi daraxtzorlar barpo etishning ilmiy asoslangan texnologiyalarini ishlab chiqish va joriy etish;

import oʻrnini bosadigan dorivor oʻsimliklar urugʻlari, shuningdek, manzarali, mevali daraxt va buta koʻchatlari yetishtirishni tashkil etish;

manzarali oʻsimliklar koʻchatlarini sertifikatlash va standartlashtirishning yagona tizimini ishlab chiqish va joriy etishni tashkil qilish.

6. Oʻzbekiston Respublikasi Vazirlar Mahkamasi bir hafta muddatda oʻrnatilgan tartibda Oʻzbekiston Respublikasi Prezidentining Oʻzbekiston Respublikasi Oʻrmon xoʻjaligi davlat qoʻmitasi faoliyatini tashkil etish toʻgʻrisidagi qarori loyihasini kiritsin.

7. Oʻzbekiston Respublikasi Prezidentining “Oʻzbekiston Respublikasi Davlat oʻrmon qoʻmitasini Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasiga aylantirish toʻgʻrisida” 2000-yil 7-fevraldagi PF-2536-son Farmoni oʻz kuchini yoʻqotgan, deb hisoblansin.

8. Oʻzbekiston Respublikasi Oʻrmon xoʻjaligi davlat qoʻmitasi Adliya vazirligi hamda manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

9. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi V.A. Golishev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 11-may,

PF-5041-son

(Oʻzbekiston Respublikasi qonun hujjatlari toʻplami, 2017-y., 20-son, 353-modda; Qonun hujjatlari maʼlumotlari milliy bazasi, 03.03.2018-y., 06/18/5329/0846-son)

lex.uz

Президента Республики Узбекистан

Указ

О создании Государственного комитета Республики Узбекистан по лесному хозяйству

В целях обеспечения наиболее полного и рационального использования богатого потенциала лесных ресурсов республики, дальнейшего совершенствования системы управления лесным хозяйством, повышения эффективности использования земель лесного фонда, внедрения в отрасль передовых научно-технических достижений, модернизации и укрепления материально-технической базы лесных хозяйств, а также активного привлечения иностранных инвестиций и развития экологического туризма:

1. Образовать Государственный комитет Республики Узбекистан по лесному хозяйству с территориальными подразделениями в Республике Каракалпакстан и областях на базе Главного управления лесного хозяйства при Министерстве сельского и водного хозяйства Республики Узбекистан.

Установить, что Государственный комитет Республики Узбекистан по лесному хозяйству входит в состав комплекса Кабинета Министров Республики Узбекистан по вопросам сельского и водного хозяйства, переработки сельскохозяйственной и продовольственной продукции.

2. Определить основными задачами и направлениями деятельности Государственного комитета Республики Узбекистан по лесному хозяйству:

проведение единой государственной политики в сфере лесного хозяйства, направленной на всестороннее расширение и рациональное использование лесных богатств;

разработку предложений по совершенствованию лесного законодательства и осуществление действенного контроля за его соблюдением;

организацию эффективного управления лесным фондом и охраняемыми природными территориями, создание, воспроизводство, охрану и защиту лесонасаждений, рациональное и бережное использование лесов;

разработку и осуществление мер по предотвращению опустынивания, лесовосстановлению и защитному лесоразведению в республике, организацию выполнения работ по созданию противоэрозионных насаждений на горных склонах, в оврагах и на бросовых землях;

ведение строгого учета и изучение лесного фонда, фауны и флоры, внедрение достижений науки и передового опыта в практику ведения лесного хозяйства;

охрану лесов от пожаров, вредителей и болезней, незаконных порубок и других нарушений лесного законодательства;

организацию разработки и внедрения единой системы сертификации и стандартизации посадочного материала декоративных растений;

расширение и развитие в лесных хозяйствах сопряженной хозяйственной деятельности, реализацию мер по производству саженцев, сбору лекарственных трав, организации производства и глубокой переработки сельскохозяйственной продукции, продукции пчеловодства, рыбоводства, животноводства, производства товаров народного потребления;

привлечение в отрасль грантов международных финансовых институтов, широкое развитие экологического туризма;

организацию подготовки, переподготовки и повышения квалификации специалистов с высшим и средним специальным образованием в сфере лесного хозяйства.

3. Установить, что:

Государственный комитет Республики Узбекистан по лесному хозяйству является правопреемником по правам и обязательствам Главного управления лесного хозяйства при Министерстве сельского и водного хозяйства Республики Узбекистан;

решения Государственного комитета Республики Узбекистан по лесному хозяйству, принятые в пределах его полномочий, являются обязательными для исполнения органами государственного и хозяйственного управления, органами государственной власти на местах, хозяйствующими субъектами и гражданами;

председатель Государственного комитета Республики Узбекистан по лесному хозяйству и его заместители назначаются на должность и освобождаются от должности Президентом Республики Узбекистан по представлению Премьер-министра Республики Узбекистан.

4. Создать в структуре Государственного комитета Республики Узбекистан по лесному хозяйству:

Комитет Республики Каракалпакстан по лесному хозяйству на базе Управления лесного хозяйства Республики Каракалпакстан;

управления лесного хозяйства Бухарской, Джизакской, Кашкадарьинской, Навоийской, Наманганской, Самаркандской, Сурхандарьинской, Ташкентской и Ферганской областей.

Определить, что Андижанское, Сырдарьинское и Хорезмское государственные лесные хозяйства подведомственны непосредственно Государственному комитету Республики Узбекистан по лесному хозяйству.

Установить, что:

Комитет Республики Каракалпакстан по лесному хозяйству и управления по лесному хозяйству областей подотчетны Государственному комитету Республики Узбекистан по лесному хозяйству и, соответственно, Совету Министров Республики Каракалпакстан и хокимиятам областей;

председатель Комитета Республики Каракалпакстан по лесному хозяйству назначается и освобождается от должности Жокаргы Кенесом Республики Каракалпакстан по согласованию с Государственным комитетом Республики Узбекистан по лесному хозяйству;

начальники управлений по лесному хозяйству областей, а также начальники Андижанского, Сырдарьинского и Хорезмского государственных лесных хозяйств назначаются и освобождаются от должности председателем Государственного комитета Республики Узбекистан по лесному хозяйству по представлению хокимов областей.

5. Образовать в системе Государственного комитета Республики Узбекистан по лесному хозяйству Научно-исследовательский институт лесного хозяйства на базе Республиканского научно-производственного центра декоративного садоводства и лесного хозяйства.

Определить основными задачами и направлениями деятельности Научно-исследовательского института лесного хозяйства:

разработку и реализацию единой стратегии развития декоративного садоводства в республике на основе системного изучения потребности внутреннего и внешнего рынков;

проведение научных исследований по возделыванию саженцев декоративных, плодовых деревьев и кустарников, созданию плантаций лекарственных растений, селекции и семеноводству растений, выращиваемых на горных склонах, степных и богарных землях, устойчивых к засухе, болезням и вредителям;

разработку эффективных инновационных методов по улучшению экологического состояния земель лесного фонда, лесорасширению и лесовосстановлению, предотвращению опустынивания, созданию защитных лесоразведений;

разработку и внедрение научных основ и перспективных технологий выращивания посадочного материала декоративных растений;

разработку рекомендаций по отбору видов растений, устойчивых к засухе, вредителям и болезням, районированию декоративных растений с учетом почвенно-климатических условий регионов;

разработку и внедрение научно обоснованных технологий создания противоэрозионных насаждений;

организацию производства импортозамещающих семян лекарственных растений, а также саженцев декоративных, плодовых деревьев и кустарников;

разработку и организацию внедрения единой системы сертификации и стандартизации посадочного материала декоративных растений.

6. Кабинету Министров Республики Узбекистан в недельный срок внести в установленном порядке проект постановления Президента Республики Узбекистан об организации деятельности Государственного комитета Республики Узбекистан по лесному хозяйству.

7. Признать утратившим силу Указ Президента Республики Узбекистан от 7 февраля 2000 года № УП-2536 «О преобразовании Государственного комитета Республики Узбекистан по лесу в Главное управление лесного хозяйства при Министерстве сельского и водного хозяйства Республики Узбекистан».

8. Государственному комитету Республики Узбекистан по лесному хозяйству совместно с Министерством юстиции Республики Узбекистан, заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.

9. Контроль за исполнением настоящего Указа возложить на Премьер-министра Республики Узбекистан А.Н. Арипова и Государственного советника Президента Республики Узбекистан В.А. Голышева.

Президент Республики Узбекистан Ш. МИРЗИЁЕВ

г. Ташкент,

11 мая 2017 г.,

№ УП-5041

(Собрание законодательства Республики Узбекистан, 2017 г., № 20, ст. 353; Национальная база данных законодательства, 03.03.2018 г., № 06/18/5329/0846)

lex.uz