📅 2017-yil 1-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 1 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 мая 2017 г. · Постановления Президента
Официальный текст. Официальный документ. Редакционные примечания не включены.
📅 1 May 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ички ишлар органларининг жамоат тартибини сақлаш ва жамоат хавфсизлигини таъминлаш соҳасидаги фаолиятини тубдан такомиллаштириш чора-тадбирлари тўғрисида
[Кўчирма]
Ўзбекистон Республикаси Президентининг «Ички ишлар органларининг фаолияти самарадорлигини тубдан ошириш, жамоат тартибини, фуқаролар ҳуқуқлари, эркинликлари ва қонуний манфаатларини ишончли ҳимоя қилишни таъминлашда уларнинг масъулиятини кучайтириш чора-тадбирлари тўғрисида»ги 2017 йил 10 апрелдаги ПФ-5005-сонли Фармонига мувофиқ, шунингдек ички ишлар органларининг жамоат тартибини сақлаш ва жамоат хавфсизлигини таъминлаш соҳасидаги фаолиятини тубдан такомиллаштириш мақсадида:
1. Мамлакатда жамоат тартибини сақлаш ва жамоат хавфсизлигини таъминлаш самарадорлигини оширишнинг қуйидаги асосий йўналишларини амалга ошириш Ўзбекистон Республикаси Ички ишлар вазирлиги ва унинг ҳудудий бўлинмаларининг энг муҳим вазифаси деб ҳисоблансин:
биринчидан, патруль-пост хизмати ва жамоат тартибини сақлаш республика, ўрта ва қуйи бўлинмалари фаолиятини ташкил этишнинг асосий вазифа ва функцияларнинг аниқ белгиланиши ва тақсимланишини ҳамда ҳар бир ходимнинг ўзига юклатилган вазифаларни бажариш учун шахсий жавобгарлигини назарда тутувчи сифат жиҳатидан мутлақо янги тартибини ўрнатиш;
иккинчидан, кўчалар, майдонлар, истироҳат боғлари, вокзаллар, аэропортлар ва бошқа жамоат жойларида, шунингдек оммавий тадбирларни ўтказиш чоғида хизматни ўташда фуқароларнинг ҳуқуқ ва эркинликларига сўзсиз риоя этилишини, уларнинг шаъни ва қадр-қимматининг ҳурмат қилинишини, муомала маданияти ва одоб-ахлоқ қоидаларига қатъий амал қилинишини таъминлаш;
учинчидан, патруль-пост хизмати ва жамоат тартибини сақлаш бўлинмалари ходимлари ўртасида профилактик тадбирларни кучайтириш, улар томонидан хизматни ўташ жараёнида, айниқса тунги вақтларда порахўрлик ва ваколатни суиистеъмол қилиш ҳолатларига барҳам бериш;
тўртинчидан, ижтимоий-сиёсий, маданий-оммавий ва бошқа тадбирларни ўтказишда фуқаролар хавфсизлигини таъминлашнинг юқори мобиллиги ва самарадорлигини оширишга имкон берадиган янги иш усулларини жорий этиш, ҳуқуқ-тартиботнинг гуруҳлар томонидан бузилиши ва оммавий тартибсизликларнинг барвақт олдини олиш ҳамда бартараф этишнинг таъсирчан тизимини шакллантириш;
бешинчидан, жамоат тартибини сақлаш ва жамоат хавфсизлигини таъминлаш фаолиятининг мувофиқлаштирилиши ва ташкилий-услубий таъминланишини кучайтириш, мазкур соҳага юклатилган вазифаларни бажаришда ички ишлар органларининг фуқаролик жамияти институтлари ва аҳоли билан яқиндан ҳамкорлик қилиш механизмларини ривожлантириш;
олтинчидан, фаолиятда замонавий ахборот-коммуникация технологияларидан кенг фойдаланиш, маъмурий қамоққа олинган шахсларни сақлаш учун махсус қабулхоналар, вақтинча сақлаш ҳибсхоналари ва муайян яшаш жойига эга бўлмаган шахсларни реабилитация қилиш марказларининг моддий-техника базасини мустаҳкамлаш.
2. Белгилансинки:
Ўзбекистон Республикаси Ички ишлар вазирлиги Жамоат хавфсизлиги департаменти ички ишлар органлари бўлинмалари, вазирлик ва идораларнинг жамоат тартибини сақлаш ва жамоат хавфсизлигини таъминлаш, шунингдек оммавий тадбирларга тайёргарлик кўриш ва уларни ўтказиш масалалари бўйича фаолиятини мувофиқлаштиришни ва унга ташкилий-услубий раҳбарликни амалга оширади;
патруль-пост хизмати саф бўлинмаларининг жавобгарлик ҳудудларига кирмайдиган жойларда жамоат тартибини ва хавфсизликни таъминлаш туман (шаҳар) ички ишлар бошқармалари (бўлимлари), шу жумладан профилактика инспекторлари зиммасига юклатилади.
3. Тошкент шаҳар ички ишлар бош бошқармаси Патруль-пост хизмати ва жамоат тартибини сақлаш бошқармасининг Патруль-пост хизмати бригадаси таркибида ўрнатилган умумий штатлар сони доирасида 50 бош хизмат отлари бириктирилган Отлиқ отряд тузилсин ҳамда унинг асосий вазифалари этиб қуйидагилар белгилансин:
очиқ жойларда ўтказиладиган оммавий тадбирлар чоғида жамоат тартибини сақлаш ва жамоат хавфсизлигини таъминлашда юқори ҳаракатчанлик ҳамда мобил тўсиқлар ва ҳалқаларнинг ташкил этилишини таъминлаш;
Тошкент шаҳрининг марказий кўчалари, дам олиш зоналари ва аҳоли гавжум бўладиган бошқа жойларда жамоат тартибини сақлаш ва фуқаролар хавфсизлигини таъминлаш, ҳуқуқбузарларни ушлаш бўйича кечиктириб бўлмайдиган чораларни кўриш;
ходимларга йилқичилик асосларини ва от миниб юриш кўникмаларини ўргатишни ташкил этиш, ушбу соҳадаги ижобий хорижий тажрибани ўрганиш ва амалиётга жорий этиш, экстремал вазиятларда хизмат отларини тайёрлаш усуллари ва улардан фойдаланиш тактикасини такомиллаштириш.
7. Ўзбекистон Республикаси Ички ишлар вазирлиги Молия вазирлиги, Иқтисодиёт вазирлиги, бошқа манфаатдор вазирликлар ва идоралар билан биргаликда уч ой муддатда Ўзбекистон Республикаси Вазирлар Маҳкамасига қуйидагиларни назарда тутувчи таклифларни киритсин:
Тошкент шаҳар Ички ишлар бош бошқармаси Патруль-пост хизмати ва жамоат тартибини сақлаш бошқармасининг Патруль-пост хизмати бригадаси Отлиқ отряди учун 50 бош хизмат отларини сотиб олиш, уларнинг ўргатилишини ташкил этиш ва отлиқ отряднинг тўлақонли фаолиятини таъминлашга оид бошқа масалаларни ҳал этиш;
хизмат отларини ташиш учун мўлжалланган асосан мамлакатимизда ишлаб чиқариладиган автотранспорт воситаларини, шу жумладан шатакка олувчи автомобиллар, тиркамалар ва ярим тиркамаларни харид қилиш;
туман (шаҳар) ички ишлар бошқармалари (бўлимлари)нинг ертўла ва ярим ертўла хоналарида жойлашган вақтинча сақлаш ҳибсхоналарини қайта қуриш ва реконструкция қилиш.
8. «Ўзавтосаноат» АК мамлакатимиз ишлаб чиқарувчиларининг ишлаб чиқариш қувватларини инобатга олган ҳолда, хизмат отларини ташиш учун мўлжалланган автотранспорт воситаларининг, шу жумладан шатакка олувчи автомобиллар, тиркамалар ва ярим тиркамаларнинг техник параметрларини белгилаш ва келишишда Ўзбекистон Республикаси Ички ишлар вазирлигига зарур ёрдам кўрсатсин.
9. Ўзбекистон Республикаси Молия вазирлиги Ички ишлар вазирлигининг асослантирилган ҳисоб-китоблари бўйича ушбу қарорда назарда тутилган чора-тадбирларни амалга ошириш учун зарур маблағларнинг ажратилишини таъминласин.
10. Ўзбекистон Республикаси Ички ишлар вазирлиги:
икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар киритиш тўғрисида Вазирлар Маҳкамасига таклифлар киритсин;
уч ой муддатда идоравий норматив-ҳуқуқий ҳужжатларни ушбу қарорга мувофиқлаштирсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 1 май,
ПҚ-2940-сон
Oʻzbekiston Respublikasi Prezidentining
Qarori
Ichki ishlar organlarining jamoat tartibini saqlash va jamoat xavfsizligini taʼminlash sohasidagi faoliyatini tubdan takomillashtirish chora-tadbirlari toʻgʻrisida
[Koʻchirma]
Oʻzbekiston Respublikasi Prezidentining “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni taʼminlashda ularning masʼuliyatini kuchaytirish chora-tadbirlari toʻgʻrisida”gi 2017-yil 10-apreldagi PF-5005-sonli Farmoniga muvofiq, shuningdek ichki ishlar organlarining jamoat tartibini saqlash va jamoat xavfsizligini taʼminlash sohasidagi faoliyatini tubdan takomillashtirish maqsadida:
1. Mamlakatda jamoat tartibini saqlash va jamoat xavfsizligini taʼminlash samaradorligini oshirishning quyidagi asosiy yoʻnalishlarini amalga oshirish Oʻzbekiston Respublikasi Ichki ishlar vazirligi va uning hududiy boʻlinmalarining eng muhim vazifasi deb hisoblansin:
birinchidan, patrul-post xizmati va jamoat tartibini saqlash respublika, oʻrta va quyi boʻlinmalari faoliyatini tashkil etishning asosiy vazifa va funksiyalarning aniq belgilanishi va taqsimlanishini hamda har bir xodimning oʻziga yuklatilgan vazifalarni bajarish uchun shaxsiy javobgarligini nazarda tutuvchi sifat jihatidan mutlaqo yangi tartibini oʻrnatish;
ikkinchidan, koʻchalar, maydonlar, istirohat bogʻlari, vokzallar, aeroportlar va boshqa jamoat joylarida, shuningdek ommaviy tadbirlarni oʻtkazish chogʻida xizmatni oʻtashda fuqarolarning huquq va erkinliklariga soʻzsiz rioya etilishini, ularning shaʼni va qadr-qimmatining hurmat qilinishini, muomala madaniyati va odob-axloq qoidalariga qatʼiy amal qilinishini taʼminlash;
uchinchidan, patrul-post xizmati va jamoat tartibini saqlash boʻlinmalari xodimlari oʻrtasida profilaktik tadbirlarni kuchaytirish, ular tomonidan xizmatni oʻtash jarayonida, ayniqsa tungi vaqtlarda poraxoʻrlik va vakolatni suiisteʼmol qilish holatlariga barham berish;
toʻrtinchidan, ijtimoiy-siyosiy, madaniy-ommaviy va boshqa tadbirlarni oʻtkazishda fuqarolar xavfsizligini taʼminlashning yuqori mobilligi va samaradorligini oshirishga imkon beradigan yangi ish usullarini joriy etish, huquq-tartibotning guruhlar tomonidan buzilishi va ommaviy tartibsizliklarning barvaqt oldini olish hamda bartaraf etishning taʼsirchan tizimini shakllantirish;
beshinchidan, jamoat tartibini saqlash va jamoat xavfsizligini taʼminlash faoliyatining muvofiqlashtirilishi va tashkiliy-uslubiy taʼminlanishini kuchaytirish, mazkur sohaga yuklatilgan vazifalarni bajarishda ichki ishlar organlarining fuqarolik jamiyati institutlari va aholi bilan yaqindan hamkorlik qilish mexanizmlarini rivojlantirish;
oltinchidan, faoliyatda zamonaviy axborot-kommunikatsiya texnologiyalaridan keng foydalanish, maʼmuriy qamoqqa olingan shaxslarni saqlash uchun maxsus qabulxonalar, vaqtincha saqlash hibsxonalari va muayyan yashash joyiga ega boʻlmagan shaxslarni reabilitatsiya qilish markazlarining moddiy-texnika bazasini mustahkamlash.
2. Belgilansinki:
Oʻzbekiston Respublikasi Ichki ishlar vazirligi Jamoat xavfsizligi departamenti ichki ishlar organlari boʻlinmalari, vazirlik va idoralarning jamoat tartibini saqlash va jamoat xavfsizligini taʼminlash, shuningdek ommaviy tadbirlarga tayyorgarlik koʻrish va ularni oʻtkazish masalalari boʻyicha faoliyatini muvofiqlashtirishni va unga tashkiliy-uslubiy rahbarlikni amalga oshiradi;
patrul-post xizmati saf boʻlinmalarining javobgarlik hududlariga kirmaydigan joylarda jamoat tartibini va xavfsizlikni taʼminlash tuman (shahar) ichki ishlar boshqarmalari (boʻlimlari), shu jumladan profilaktika inspektorlari zimmasiga yuklatiladi.
3. Toshkent shahar ichki ishlar bosh boshqarmasi Patrul-post xizmati va jamoat tartibini saqlash boshqarmasining Patrul-post xizmati brigadasi tarkibida oʻrnatilgan umumiy shtatlar soni doirasida 50 bosh xizmat otlari biriktirilgan Otliq otryad tuzilsin hamda uning asosiy vazifalari etib quyidagilar belgilansin:
ochiq joylarda oʻtkaziladigan ommaviy tadbirlar chogʻida jamoat tartibini saqlash va jamoat xavfsizligini taʼminlashda yuqori harakatchanlik hamda mobil toʻsiqlar va halqalarning tashkil etilishini taʼminlash;
Toshkent shahrining markaziy koʻchalari, dam olish zonalari va aholi gavjum boʻladigan boshqa joylarda jamoat tartibini saqlash va fuqarolar xavfsizligini taʼminlash, huquqbuzarlarni ushlash boʻyicha kechiktirib boʻlmaydigan choralarni koʻrish;
xodimlarga yilqichilik asoslarini va ot minib yurish koʻnikmalarini oʻrgatishni tashkil etish, ushbu sohadagi ijobiy xorijiy tajribani oʻrganish va amaliyotga joriy etish, ekstremal vaziyatlarda xizmat otlarini tayyorlash usullari va ulardan foydalanish taktikasini takomillashtirish.
7. Oʻzbekiston Respublikasi Ichki ishlar vazirligi Moliya vazirligi, Iqtisodiyot vazirligi, boshqa manfaatdor vazirliklar va idoralar bilan birgalikda uch oy muddatda Oʻzbekiston Respublikasi Vazirlar Mahkamasiga quyidagilarni nazarda tutuvchi takliflarni kiritsin:
Toshkent shahar Ichki ishlar bosh boshqarmasi Patrul-post xizmati va jamoat tartibini saqlash boshqarmasining Patrul-post xizmati brigadasi Otliq otryadi uchun 50 bosh xizmat otlarini sotib olish, ularning oʻrgatilishini tashkil etish va otliq otryadning toʻlaqonli faoliyatini taʼminlashga oid boshqa masalalarni hal etish;
xizmat otlarini tashish uchun moʻljallangan asosan mamlakatimizda ishlab chiqariladigan avtotransport vositalarini, shu jumladan shatakka oluvchi avtomobillar, tirkamalar va yarim tirkamalarni xarid qilish;
tuman (shahar) ichki ishlar boshqarmalari (boʻlimlari)ning yertoʻla va yarim yertoʻla xonalarida joylashgan vaqtincha saqlash hibsxonalarini qayta qurish va rekonstruksiya qilish.
8. “Oʻzavtosanoat” AK mamlakatimiz ishlab chiqaruvchilarining ishlab chiqarish quvvatlarini inobatga olgan holda, xizmat otlarini tashish uchun moʻljallangan avtotransport vositalarining, shu jumladan shatakka oluvchi avtomobillar, tirkamalar va yarim tirkamalarning texnik parametrlarini belgilash va kelishishda Oʻzbekiston Respublikasi Ichki ishlar vazirligiga zarur yordam koʻrsatsin.
9. Oʻzbekiston Respublikasi Moliya vazirligi Ichki ishlar vazirligining asoslantirilgan hisob-kitoblari boʻyicha ushbu qarorda nazarda tutilgan chora-tadbirlarni amalga oshirish uchun zarur mablagʻlarning ajratilishini taʼminlasin.
10. Oʻzbekiston Respublikasi Ichki ishlar vazirligi:
ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar kiritish toʻgʻrisida Vazirlar Mahkamasiga takliflar kiritsin;
uch oy muddatda idoraviy normativ-huquqiy hujjatlarni ushbu qarorga muvofiqlashtirsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 1-may,
PQ-2940-son
Президента Республики Узбекистан
Постановление
О мерах по коренному совершенствованию деятельности органов внутренних дел в сфере охраны общественного порядка и обеспечения общественной безопасности
[Извлечение]
В соответствии с Указом Президента Республики Узбекистан от 10 апреля 2017 года № УП-5005 «О мерах по коренному повышению эффективности деятельности органов внутренних дел, усилению их ответственности за обеспечение общественного порядка, надежной защиты прав, свобод и законных интересов граждан», а также в целях коренного совершенствования деятельности органов внутренних дел в сфере охраны общественного порядка и обеспечения общественной безопасности:
1. Считать важнейшей задачей Министерства внутренних дел Республики Узбекистан и его территориальных подразделений реализацию следующих основных направлений повышения эффективности охраны общественного порядка и обеспечения общественной безопасности в стране:
первое — установление качественно нового порядка организации работы республиканских, средних и низовых подразделений патрульно-постовой службы и охраны общественного порядка, предусматривающего четкое определение и разграничение их основных задач и функций, персональной ответственности каждого сотрудника за вверенный участок работы;
второе — обеспечение неукоснительного соблюдения прав и свобод граждан, уважения их чести и достоинства, строгого следования правилам культуры общения и этического поведения в ходе несения службы на улицах, площадях, в парках, вокзалах, аэропортах и иных общественных местах, а также при проведении массовых мероприятий;
третье — усиление профилактических мероприятий среди сотрудников подразделений патрульно-постовой службы и охраны общественного порядка, искоренение фактов взяточничества и злоупотреблений при несении ими службы, особенно в ночное время суток;
четвертое — внедрение новых форм работы, способствующих высокой мобильности и эффективности обеспечения безопасности граждан при проведении общественно-политических, культурно-массовых и иных мероприятий, формирование действенной системы раннего предупреждения и пресечения групповых нарушений правопорядка и массовых беспорядков;
пятое — усиление координации и организационно-методического обеспечения деятельности по охране общественного порядка и обеспечению общественной безопасности, развитие механизмов тесного взаимодействия органов внутренних дел с институтами гражданского общества и населением в решении поставленных задач в данной сфере;
шестое — широкое применение в деятельности современных информационно-коммуникационных технологий, укрепление материально-технической базы специальных приемников для содержания лиц, подвергнутых административному аресту, изоляторов временного содержания и центров реабилитации лиц без определенного места жительства.
2. Определить, что:
Департамент общественной безопасности Министерства внутренних дел Республики Узбекистан осуществляет координацию и организационно-методическое руководство деятельностью подразделений органов внутренних дел, министерств и ведомств по вопросам охраны общественного порядка и обеспечения общественной безопасности, а также при подготовке и проведении массовых мероприятий;
обеспечение общественного порядка и безопасности в местах, не входящих в зону ответственности строевых подразделений патрульно-постовой службы, возлагается на районные (городские) управления (отделы) внутренних дел, в том числе инспекторов по профилактике.
3. Создать в структуре Бригады патрульно-постовой службы Управления патрульно-постовой службы и охраны общественного порядка Главного управления внутренних дел города Ташкента в пределах общей установленной штатной численности Конный отряд с закреплением за ним 50 единиц служебных лошадей, определив его основными задачами:
обеспечение высокой маневренности и организацию мобильных заслонов и кордонов при осуществлении охраны общественного порядка и обеспечении общественной безопасности в ходе массовых мероприятий, проводимых на открытой местности;
охрану общественного порядка и обеспечение безопасности граждан на центральных улицах, зонах отдыха и иных местах массового пребывания граждан в городе Ташкенте, принятие незамедлительных мер по задержанию правонарушителей;
организацию обучения сотрудников основам коневодства и навыкам верховой езды, изучение и внедрение в практику положительного зарубежного опыта в этой сфере, совершенствование методики подготовки и тактики использования служебных лошадей в экстремальных ситуациях.
7. Министерству внутренних дел совместно с Министерством финансов, Министерством экономики Республики Узбекистан, другими заинтересованными министерствами и ведомствами в трехмесячный срок внести в Кабинет Министров предложения, предусматривающие:
приобретение 50 единиц служебных лошадей для Конного отряда Бригады патрульно-постовой службы Управления патрульно-постовой службы и охраны общественного порядка Главного управления внутренних дел города Ташкента, организацию их дрессировки и решение других вопросов для обеспечения его полноценной деятельности;
приобретение автотранспортных средств, в том числе автомобилей-тягачей, прицепов и полуприцепов, предназначенных для перевозки служебных лошадей, преимущественно отечественного производства;
строительство и реконструкцию изоляторов временного содержания, расположенных в подвальных и полуподвальных помещениях районных (городских) управлений (отделов) внутренних дел.
8. АК «Узавтосаноат» оказать необходимое содействие Министерству внутренних дел Республики Узбекистан в определении и согласовании технических параметров автотранспортных средств, в том числе автомобилей-тягачей, прицепов и полуприцепов, предназначенных для перевозки служебных лошадей, с учетом производственных мощностей отечественных производителей.
9. Министерству финансов обеспечить по обоснованным расчетам Министерства внутренних дел Республики Узбекистан выделение необходимых средств на реализацию мероприятий, предусмотренных настоящим постановлением.
10. Министерству внутренних дел Республики Узбекистан:
в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления;
в трехмесячный срок привести ведомственные нормативно-правовые акты в соответствие с настоящим постановлением.
11. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника Президента Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
1 мая 2017 г.,
№ ПП-2940