UzbekAI

Ўзбекистон Республикаси Президентининг

Қарори

Ўзбекистон Республикаси Фавқулодда вазиятлар вазирлиги ёнғин-қутқарув бўлинмалари фаолиятини тубдан такомиллаштириш чора-тадбирлари тўғрисида

Мустақиллик йилларида мамлакатимизда изчил амалга оширилган комплекс чора-тадбирлар натижасида аҳоли ҳаёти ва соғлиғи, давлат мулки, жисмоний ва юридик шахслар мулкининг ишончли ҳимоясини таъминлайдиган яхлит ёнғин хавфсизлиги тизими шакллантирилди.

Лекин ёнғин хавфсизлиги соҳасида қабул қилинган қонун ҳужжатларига қарамай, бугунги кунда мамлакатимизда аҳоли, тадбиркорлар, давлат органларининг ёнғинларнинг олдини олиш ва уларни бартараф этиш масалаларига тегишли муносабат шаклланмади, шу билан бирга, ички ишлар органларининг ёнғин хавфсизлигини таъминлаш соҳасидаги назорат фаолиятининг шакл ва усуллари замон талабларига жавоб бермайди. Хусусан, қуйидагилар бу борадаги тизимли камчиликлар сирасига киради:

ёнғин хавфсизлиги инспекторларининг ўз функционал мажбуриятларини лозим даражада бажармаётгани, малакасиз хатти-ҳаракатларга йўл қўяётган ҳолатлари кузатилмоқда, ушбу лавозимларга тегишли олий маълумоти йўқ ходимларни қабул қилиш тизими пайдо бўлгани, инспекторлар аҳоли, давлат ва хўжалик бошқаруви органлари билан тўлақонли ҳамкорлик қилмаётгани бунга сабаб бўлмоқда;

тизимга, шу жумладан, шошилинч хизматлар билан ҳамкорлик қилиш ва ёнғин ўчириш бўлинмаларининг кучлари ва воситаларини бошқариш соҳасига замонавий ахборот-коммуникация технологияларини кенг жорий қилиш ишлари талаб даражасида йўлга қўйилмаган.

Ўзбекистон Республикаси Президентининг 2017 йил 10 апрелда қабул қилинган «Ички ишлар органларининг фаолияти самарадорлигини тубдан ошириш, жамоат тартибини, фуқаролар ҳуқуқлари, эркинликлари ва қонуний манфаатларини ишончли ҳимоя қилишни таъминлашда уларнинг масъулиятини кучайтириш чора-тадбирлари тўғрисида»ги Фармонига мувофиқ ҳамда барча даражадаги бўғинларнинг ёнғин хавфсизлигини таъминлаш фаолиятини такомиллаштириш мақсадида:

2. Қайд этилсинки, Ўзбекистон Республикасининг «Ёнғин хавфсизлиги тўғрисида»ги Қонунига мувофиқ давлат ва хўжалик бошқаруви органлари, маҳаллий давлат ҳокимияти органлари, фуқароларнинг ўзини ўзи бошқариш органлари ва бошқа ташкилотлар раҳбарлари зиммасига уларга қарашли объект ва ҳудудларда ёнғин хавфсизлиги талабларига риоя этилиши учун шахсий жавобгарлик юклатилган.

Юқорида кўрсатилган мансабдор шахслар ҳар чоракда ёнғин хавфсизлигини таъминлаш масалалари бўйича йиғилишлар ўтказиши, улар доирасида ўзига қарашли объект ва ҳудудларнинг ёнғинга қарши ҳолатини танқидий таҳлил қилиб бориши шартлиги белгилаб қўйилсин.

4. Ўзбекистон Республикаси Фавқулодда вазиятлар вазирлигининг қуйидаги таклифлари маъқуллансин:

ёнғин хавфсизлиги инспекторларининг жавобгарлигини ошириш мақсадида уларнинг ҳар бирига хизмат ҳудуди доирасида муайян секторни бириктириш тўғрисида;

ДЁХХ ёнғин техникаси парки ва махсус жиҳозларини узлуксиз янгилаш мақсадида ҳар йили 38 та асосий ёнғинни ўчириш автомобили, стреласининг узунлиги 35 метргача бўлган 6 та ёнғин автонарвони, 1000 та ёнғинни ўчириш енглари комплекти, нафас олиш аъзоларини ҳимоя қиладиган 300 та аппарат ва бошқа ёнғин-техника мулкини харид қилиш тўғрисида;

ДЁХХ техника хизматининг ҳудудий бўлинмаларига жисмоний ва юридик шахсларнинг махсус техникаси ва жиҳозларига техник хизмат кўрсатиш, таъмирлаш ва диагностика хизматлари кўрсатиш ҳуқуқини бериш тўғрисида.

5. Ўта муҳим давлат аҳамиятига молик ёки ёнғин ва портлаш хавфи юқори бўлган объектлардаги ёнғин хавфсизлиги бошқармалари (марказлари, бўлимлари, бўлинмалари) намунавий тузилмалари 8, 9, 10-иловаларга * мувофиқ тасдиқлансин.

6. Ҳафтанинг ҳар чоршанба куни «Фавқулодда вазиятлар ва ёнғинлар профилактикаси куни» деб белгилансин ва Фавқулодда вазиятлар вазирлигига қуйидаги вазифалар юклансин:

аҳоли, ташкилотлар ва таълим муассасалари ўртасида фавқулодда вазиятларнинг олдини олиш ва ёнғин хавфсизлиги чора-тадбирларига риоя этиш тўғрисида кенг тушунтириш ишларини олиб бориш, фавқулодда вазиятлар ва ёнғинларнинг олдини олиш ва муваффақиятли бартараф этиш тадбирларига жамоатчиликни кенг жалб қилиш;

маҳалла фаоллари билан биргаликда уйма-уй юриб тушунтириш ишларини амалга ошириш, уларнинг якунида фавқулодда вазиятлар ва ёнғинлар ҳолати бўйича аниқланган камчиликларни фуқароларнинг ўзини ўзи бошқариш органларида муҳокама қилиш;

барча даражадаги ҳокимлар билан биргаликда содир бўлган йирик ва ўзига хос хусусиятли фавқулодда вазиятлар ва ёнғинларнинг сабабларини, улар вужудга келишига олиб келган шарт-шароитларни ҳамда тегишли ҳудудлардаги объектларнинг ҳолатини чуқур ва танқидий таҳлил қилишни ташкил этиш, унинг якунида уларнинг олдини олиш ва бартараф этиш учун шарт-шароитлар яратишга қаратилган «йўл хариталари»ни ишлаб чиқиш ва тасдиқлаш;

ўта муҳим давлат аҳамиятига эга ҳамда ёнғин ва портлаш хавфи юқори бўлган объектларда ёнғин хавфсизлиги ва фавқулодда вазиятлардан муҳофаза қилишни мустаҳкамлаш, уларнинг раҳбарлари билан ёнғин-тактик ўқув ва машғулотлар, тушунтириш ишларини ташкил этиш бўйича чора-тадбирлар комплексини амалга ошириш;

оммавий ахборот воситаларида, шу жумладан Интернет бутунжаҳон ахборот тармоғида фавқулодда вазиятлар ва ёнғинлар, уларнинг олдини олиш ва содир бўлганда қандай ҳаракат қилиш тўғрисидаги маълумотларни ёритиш;

Ўзбекистон Миллий телерадиокомпанияси билан келишган ҳолда марказий ва ҳудудий телеканалларда фавқулодда вазиятлар ва ёнғинлар билан боғлиқ воқеаларни, уларнинг юзага келиши сабаблари ва шарт-шароитларини ёритишга бағишланган махсус ахборот кўрсатуви, шунингдек, воқеаларни ёритиш гуруҳлари томонидан тайёрланадиган ҳодиса содир бўлган жойлардан уларни бартараф этиш бўйича тезкор репортажларни эфирга узатиш.

16. Ўзбекистон Республикасида ишлаб чиқарилмаётган ва ушбу қарор ижросини таъминлаш мақсадида Ўзбекистон Республикаси Вазирлар Маҳкамаси томонидан тасдиқланадиган рўйхатлар бўйича четдан олиб келинадиган асбоб-ускуналар, техника, алоқа тизимлари ва воситалари, дастурий маҳсулотлар ва бошқа моддий-техник воситалар 2025 йилнинг 1 январига қадар божхона тўловларидан озод қилинсин (божхона расмийлаштируви йиғимлари ва қўшилган қиймат солиғи бундан мустасно).

17. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов ва Ўзбекистон Республикаси фавқулодда вазиятлар вазири вазифасини бажарувчи Т.А. Худайбергенов зиммасига юклансин.

Ўзбекистон Республикаси Президенти Ички ишлар органларининг ёнғин хавфсизлиги бўлинмалари фаолиятини тубдан такомиллаштириш тўғрисидаги қарорни имзолади. Ушбу ҳужжатга мувофиқ ёнғин хавфсизлигини барча даражада таъминлашга доир фаолиятни такомиллаштириш мақсадида: давлат ва хўжалик бошқаруви органлари, шунингдек, жойлардаги давлат ҳокимияти органлари, фуқароларнинг ўзини ўзи бошқариш органлари ва бошқа ташкилотлар раҳбарлари зиммасига уларга қарашли объектлар ва ҳудудларда ёнғин хавфсизлиги талабларига риоя этиш бўйича шахсий жавобгарлик юклатилди; юқорида қайд этилган мансабдор шахслар ҳар чоракда ўзларига қарашли объект ва ҳудудлардаги ёнғинга қарши ҳолатни танқидий таҳлил қилиши зарурлиги белгиланди. Қарорда ҳафтанинг ҳар чоршанба куни «Ёнғинлар профилактикаси куни» деб белгиланди ва Давлат ёнғин хавфсизлиги хизматига қуйидаги асосий вазифалар юкланди: барча даражадаги ҳокимлар билан биргаликда юз берган катта ёнғинлар сабаблари ва уларнинг пайдо бўлишига олиб келган шароитларни чуқур ва танқидий таҳлил қилиш ва ушбу таҳлил якунлари бўйича ёнғинларнинг олдини олишга қаратилган «Йўл хариталари» тасдиқланади; давлат аҳамиятига эга алоҳида объектларда ёнғин хавфсизлигини мустаҳкамлаш, шунингдек, ёнғин-тактик ўқув машғулотлар ва ушбу объектлар раҳбарлари ўртасида тушунтириш ишларини ташкил этишга доир комплекс тадбирлар ўтказиш; марказий ва вилоят телеканалларида ёнғинлар билан боғлиқ ҳодисаларни ёритиш бўйича махсус ахборот кўрсатувларини, шунингдек, ёнғин содир бўлган жойлардан ва уларни бартараф этиш бўйича кўрилаётган чора-тадбирлар ҳақида тезкор репортажлар тайёрлаб эфирга узатиш. Мазкур қарорга биноан Қорақалпоғистон Республикаси Вазирлар Кенгаши, вилоятлар, Тошкент шаҳри, шаҳар ва туманлар ҳокимликлари ҳузурида ёнғин хавфсизлиги бўйича комиссиялар ташкил этилишини алоҳида таъкидлаш зарур. Ёнғин хавфсизлигини таъминлаш, ёнғин содир бўлишига олиб келадиган сабаб ва шароитларни аниқлаш ва бартараф этиш, ёнғинларнинг олдини олиш соҳасида давлат органлари, тадбиркорлик субъектлари ва фуқароларнинг ўзини ўзи бошқариш органлари фаолиятини мувофиқлаштириш, қишлоқ жойларда ва олис аҳоли пунктларида кўнгилли ёнғин бўлинмаларини ташкил қилишга кўмаклашиш ва уларни моддий ва ижтимоий рағбатлантириш комиссияларнинг асосий вазифалари ҳисобланади.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 23 май,

ПҚ-2992-сон

lex.uz

Oʻzbekiston Respublikasi Prezidentining

Qarori

Oʻzbekiston Respublikasi Favqulodda vaziyatlar vazirligi yongʻin-qutqaruv boʻlinmalari faoliyatini tubdan takomillashtirish chora-tadbirlari toʻgʻrisida

Mustaqillik yillarida mamlakatimizda izchil amalga oshirilgan kompleks chora-tadbirlar natijasida aholi hayoti va sogʻligʻi, davlat mulki, jismoniy va yuridik shaxslar mulkining ishonchli himoyasini taʼminlaydigan yaxlit yongʻin xavfsizligi tizimi shakllantirildi.

Lekin yongʻin xavfsizligi sohasida qabul qilingan qonun hujjatlariga qaramay, bugungi kunda mamlakatimizda aholi, tadbirkorlar, davlat organlarining yongʻinlarning oldini olish va ularni bartaraf etish masalalariga tegishli munosabat shakllanmadi, shu bilan birga, ichki ishlar organlarining yongʻin xavfsizligini taʼminlash sohasidagi nazorat faoliyatining shakl va usullari zamon talablariga javob bermaydi. Xususan, quyidagilar bu boradagi tizimli kamchiliklar sirasiga kiradi:

yongʻin xavfsizligi inspektorlarining oʻz funksional majburiyatlarini lozim darajada bajarmayotgani, malakasiz xatti-harakatlarga yoʻl qoʻyayotgan holatlari kuzatilmoqda, ushbu lavozimlarga tegishli oliy maʼlumoti yoʻq xodimlarni qabul qilish tizimi paydo boʻlgani, inspektorlar aholi, davlat va xoʻjalik boshqaruvi organlari bilan toʻlaqonli hamkorlik qilmayotgani bunga sabab boʻlmoqda;

tizimga, shu jumladan, shoshilinch xizmatlar bilan hamkorlik qilish va yongʻin oʻchirish boʻlinmalarining kuchlari va vositalarini boshqarish sohasiga zamonaviy axborot-kommunikatsiya texnologiyalarini keng joriy qilish ishlari talab darajasida yoʻlga qoʻyilmagan.

Oʻzbekiston Respublikasi Prezidentining 2017-yil 10-aprelda qabul qilingan “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni taʼminlashda ularning masʼuliyatini kuchaytirish chora-tadbirlari toʻgʻrisida”gi Farmoniga muvofiq hamda barcha darajadagi boʻgʻinlarning yongʻin xavfsizligini taʼminlash faoliyatini takomillashtirish maqsadida:

2. Qayd etilsinki, Oʻzbekiston Respublikasining “Yongʻin xavfsizligi toʻgʻrisida”gi Qonuniga muvofiq davlat va xoʻjalik boshqaruvi organlari, mahalliy davlat hokimiyati organlari, fuqarolarning oʻzini oʻzi boshqarish organlari va boshqa tashkilotlar rahbarlari zimmasiga ularga qarashli obyekt va hududlarda yongʻin xavfsizligi talablariga rioya etilishi uchun shaxsiy javobgarlik yuklatilgan.

Yuqorida koʻrsatilgan mansabdor shaxslar har chorakda yongʻin xavfsizligini taʼminlash masalalari boʻyicha yigʻilishlar oʻtkazishi, ular doirasida oʻziga qarashli obyekt va hududlarning yongʻinga qarshi holatini tanqidiy tahlil qilib borishi shartligi belgilab qoʻyilsin.

4. Oʻzbekiston Respublikasi Favqulodda vaziyatlar vazirligining quyidagi takliflari maʼqullansin:

yongʻin xavfsizligi inspektorlarining javobgarligini oshirish maqsadida ularning har biriga xizmat hududi doirasida muayyan sektorni biriktirish toʻgʻrisida;

DYOXX yongʻin texnikasi parki va maxsus jihozlarini uzluksiz yangilash maqsadida har yili 38 ta asosiy yongʻinni oʻchirish avtomobili, strelasining uzunligi 35 metrgacha boʻlgan 6 ta yongʻin avtonarvoni, 1000 ta yongʻinni oʻchirish yenglari komplekti, nafas olish aʼzolarini himoya qiladigan 300 ta apparat va boshqa yongʻin-texnika mulkini xarid qilish toʻgʻrisida;

DYOXX texnika xizmatining hududiy boʻlinmalariga jismoniy va yuridik shaxslarning maxsus texnikasi va jihozlariga texnik xizmat koʻrsatish, taʼmirlash va diagnostika xizmatlari koʻrsatish huquqini berish toʻgʻrisida.

5. Oʻta muhim davlat ahamiyatiga molik yoki yongʻin va portlash xavfi yuqori boʻlgan obyektlardagi yongʻin xavfsizligi boshqarmalari (markazlari, boʻlimlari, boʻlinmalari) namunaviy tuzilmalari 8, 9, 10-ilovalarga * muvofiq tasdiqlansin.

6. Haftaning har chorshanba kuni “Favqulodda vaziyatlar va yongʻinlar profilaktikasi kuni” deb belgilansin va Favqulodda vaziyatlar vazirligiga quyidagi vazifalar yuklansin:

aholi, tashkilotlar va taʼlim muassasalari oʻrtasida favqulodda vaziyatlarning oldini olish va yongʻin xavfsizligi chora-tadbirlariga rioya etish toʻgʻrisida keng tushuntirish ishlarini olib borish, favqulodda vaziyatlar va yongʻinlarning oldini olish va muvaffaqiyatli bartaraf etish tadbirlariga jamoatchilikni keng jalb qilish;

mahalla faollari bilan birgalikda uyma-uy yurib tushuntirish ishlarini amalga oshirish, ularning yakunida favqulodda vaziyatlar va yongʻinlar holati boʻyicha aniqlangan kamchiliklarni fuqarolarning oʻzini oʻzi boshqarish organlarida muhokama qilish;

barcha darajadagi hokimlar bilan birgalikda sodir boʻlgan yirik va oʻziga xos xususiyatli favqulodda vaziyatlar va yongʻinlarning sabablarini, ular vujudga kelishiga olib kelgan shart-sharoitlarni hamda tegishli hududlardagi obyektlarning holatini chuqur va tanqidiy tahlil qilishni tashkil etish, uning yakunida ularning oldini olish va bartaraf etish uchun shart-sharoitlar yaratishga qaratilgan “yoʻl xaritalari”ni ishlab chiqish va tasdiqlash;

oʻta muhim davlat ahamiyatiga ega hamda yongʻin va portlash xavfi yuqori boʻlgan obyektlarda yongʻin xavfsizligi va favqulodda vaziyatlardan muhofaza qilishni mustahkamlash, ularning rahbarlari bilan yongʻin-taktik oʻquv va mashgʻulotlar, tushuntirish ishlarini tashkil etish boʻyicha chora-tadbirlar kompleksini amalga oshirish;

ommaviy axborot vositalarida, shu jumladan Internet butunjahon axborot tarmogʻida favqulodda vaziyatlar va yongʻinlar, ularning oldini olish va sodir boʻlganda qanday harakat qilish toʻgʻrisidagi maʼlumotlarni yoritish;

Oʻzbekiston Milliy teleradiokompaniyasi bilan kelishgan holda markaziy va hududiy telekanallarda favqulodda vaziyatlar va yongʻinlar bilan bogʻliq voqealarni, ularning yuzaga kelishi sabablari va shart-sharoitlarini yoritishga bagʻishlangan maxsus axborot koʻrsatuvi, shuningdek, voqealarni yoritish guruhlari tomonidan tayyorlanadigan hodisa sodir boʻlgan joylardan ularni bartaraf etish boʻyicha tezkor reportajlarni efirga uzatish.

16. Oʻzbekiston Respublikasida ishlab chiqarilmayotgan va ushbu qaror ijrosini taʼminlash maqsadida Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha chetdan olib kelinadigan asbob-uskunalar, texnika, aloqa tizimlari va vositalari, dasturiy mahsulotlar va boshqa moddiy-texnik vositalar 2025-yilning 1-yanvariga qadar bojxona toʻlovlaridan ozod qilinsin (bojxona rasmiylashtiruvi yigʻimlari va qoʻshilgan qiymat soligʻi bundan mustasno).

17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin.

Oʻzbekiston Respublikasi Prezidenti Ichki ishlar organlarining yongʻin xavfsizligi boʻlinmalari faoliyatini tubdan takomillashtirish toʻgʻrisidagi qarorni imzoladi. Ushbu hujjatga muvofiq yongʻin xavfsizligini barcha darajada taʼminlashga doir faoliyatni takomillashtirish maqsadida: davlat va xoʻjalik boshqaruvi organlari, shuningdek, joylardagi davlat hokimiyati organlari, fuqarolarning oʻzini oʻzi boshqarish organlari va boshqa tashkilotlar rahbarlari zimmasiga ularga qarashli obyektlar va hududlarda yongʻin xavfsizligi talablariga rioya etish boʻyicha shaxsiy javobgarlik yuklatildi; yuqorida qayd etilgan mansabdor shaxslar har chorakda oʻzlariga qarashli obyekt va hududlardagi yongʻinga qarshi holatni tanqidiy tahlil qilishi zarurligi belgilandi. Qarorda haftaning har chorshanba kuni “Yongʻinlar profilaktikasi kuni” deb belgilandi va Davlat yongʻin xavfsizligi xizmatiga quyidagi asosiy vazifalar yuklandi: barcha darajadagi hokimlar bilan birgalikda yuz bergan katta yongʻinlar sabablari va ularning paydo boʻlishiga olib kelgan sharoitlarni chuqur va tanqidiy tahlil qilish va ushbu tahlil yakunlari boʻyicha yongʻinlarning oldini olishga qaratilgan “Yoʻl xaritalari” tasdiqlanadi; davlat ahamiyatiga ega alohida obyektlarda yongʻin xavfsizligini mustahkamlash, shuningdek, yongʻin-taktik oʻquv mashgʻulotlar va ushbu obyektlar rahbarlari oʻrtasida tushuntirish ishlarini tashkil etishga doir kompleks tadbirlar oʻtkazish; markaziy va viloyat telekanallarida yongʻinlar bilan bogʻliq hodisalarni yoritish boʻyicha maxsus axborot koʻrsatuvlarini, shuningdek, yongʻin sodir boʻlgan joylardan va ularni bartaraf etish boʻyicha koʻrilayotgan chora-tadbirlar haqida tezkor reportajlar tayyorlab efirga uzatish. Mazkur qarorga binoan Qoraqalpogʻiston Respublikasi Vazirlar Kengashi, viloyatlar, Toshkent shahri, shahar va tumanlar hokimliklari huzurida yongʻin xavfsizligi boʻyicha komissiyalar tashkil etilishini alohida taʼkidlash zarur. Yongʻin xavfsizligini taʼminlash, yongʻin sodir boʻlishiga olib keladigan sabab va sharoitlarni aniqlash va bartaraf etish, yongʻinlarning oldini olish sohasida davlat organlari, tadbirkorlik subyektlari va fuqarolarning oʻzini oʻzi boshqarish organlari faoliyatini muvofiqlashtirish, qishloq joylarda va olis aholi punktlarida koʻngilli yongʻin boʻlinmalarini tashkil qilishga koʻmaklashish va ularni moddiy va ijtimoiy ragʻbatlantirish komissiyalarning asosiy vazifalari hisoblanadi.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 23-may,

PQ-2992-son

lex.uz

Президента Республики Узбекистан

Постановление

О мерах по коренному совершенствованию деятельности пожарно-спасательных подразделений Министерства по чрезвычайным ситуациям Республики Узбекистан

За годы независимости в результате осуществления последовательных комплексных мер сформирована целостная система пожарной безопасности, обеспечивающая надежную защиту жизни и здоровья людей, государственной собственности, имущества физических и юридических лиц.

Однако, несмотря на принятые акты законодательства в сфере пожарной безопасности, к настоящему времени в стране не создана соответствующая среда отношения населения, предпринимателей, государственных органов к вопросам предупреждения и противодействия пожарам, при этом формы и методы надзорной деятельности органов внутренних дел в области обеспечения пожарной безопасности не отвечают современным требованиям. В частности, к системным недостаткам относятся:

наличие фактов ненадлежащего исполнения инспекторами пожарной безопасности своих функциональных обязанностей, выражающихся в их неквалифицированных действиях, чему способствует система комплектования данных должностей сотрудниками без высшего профильного образования, а также отсутствие полноценного их взаимодействия с населением и органами государственного и хозяйственного управления;

не на должном уровне организована работа по широкому внедрению современных информационно-коммуникационных технологий, в том числе в сфере взаимодействия с экстренными службами и управления силами и средствами подразделений пожаротушения.

В соответствии с Указом Президента Республики Узбекистан «О мерах по коренному повышению эффективности деятельности органов внутренних дел, усилению их ответственности за обеспечение общественного порядка, надежной защиты прав, свобод и законных интересов граждан» от 10 апреля 2017 года, а также в целях совершенствования деятельности по обеспечению пожарной безопасности на всех уровнях:

2. Отметить, что в соответствии с Законом Республики Узбекистан «О пожарной безопасности» на руководителей органов государственного и хозяйственного управления, а также органов государственной власти на местах, самоуправления граждан и других организаций возложена персональная ответственность за соблюдение требований пожарной безопасности на подведомственных объектах и территориях.

Установить, что вышеуказанные должностные лица обязаны ежеквартально проводить совещания по вопросам обеспечения пожарной безопасности, в рамках которых осуществлять критический анализ противопожарного состояния подведомственных объектов и территорий.

4. Одобрить предложения Министерства по чрезвычайным ситуациям Республики Узбекистан о:

закреплении за каждым инспектором пожарной безопасности конкретного сектора в пределах обслуживаемой территории с целью разграничения и повышения уровня их ответственности;

ежегодном приобретении 38 основных пожарных автомобилей, 6 пожарных автолестниц с вылетом стрелы до 35 метров, 1000 комплектов рукавов пожарных, 300 аппаратов защиты органов дыхания и другого пожарно-технического имущества в целях бесперебойного обновления парка пожарной техники и специального оборудования пожарно-спасательных подразделений;

предоставлении территориальным подразделениям технической службы Министерства по чрезвычайным ситуациям права на оказание услуг по техническому обслуживанию, ремонту и диагностике специальной техники и оборудования физических и юридических лиц.

5. Утвердить типовые структуры управлений (центров, отделов, отделений) пожарной безопасности на объектах, имеющих особо важное государственное значение или повышенную пожаро- и взрывоопасность, согласно приложениям №№ 8, 9, 10 * .

6. Определить каждую среду недели «Днем профилактики чрезвычайных ситуаций и пожаров», возложив на Министерство по чрезвычайным ситуациям задачи по:

проведению широкой разъяснительной работы по предупреждению чрезвычайных ситуаций и соблюдению мер пожарной безопасности среди населения, организаций и образовательных учреждений, с широким привлечением общественности к мероприятиям по предупреждению и успешной ликвидации чрезвычайных ситуаций и пожаров;

осуществлению совместно с активистами махаллей подворных обходов с проведением по их итогам в органах самоуправления граждан обсуждений выявленных недостатков в области предупреждения чрезвычайных ситуаций и пожаров;

организации совместно с хокимами всех уровней глубокого и критического анализа причин произошедших крупных и характерных чрезвычайных ситуаций и пожаров, условий, способствовавших их возникновению, а также состояния защиты объектов на соответствующих территориях, с разработкой и утверждением по итогам «дорожных карт», направленных на предупреждение их возникновения и ликвидацию;

реализации комплекса мероприятий по укреплению пожарной безопасности и защите от чрезвычайных ситуаций на объектах, имеющих особо важное государственное значение и повышенную пожаро- и взрывоопасность, организации пожарно-тактических учений и занятий, разъяснительной работы с их руководителями;

освещению в средствах массовой информации, в том числе во всемирной информационной сети Интернет, сведений о чрезвычайных ситуациях и пожарах, мерах по их предупреждению и порядке действий при их возникновении;

выпуску на определенных по согласованию с Национальной телерадиокомпанией Узбекистана центральном и территориальных телеканалах специальной информационной передачи, освещающей произошедшие чрезвычайные ситуации и происшествия, связанные с пожарами, причины и условия их возникновения, а также оперативных репортажей с мест событий и мерах по ликвидации пожаров и чрезвычайных ситуаций, подготавливаемых группами информационного освещения происшествий.

16. Освободить до 1 января 2025 года от таможенных платежей (за исключением сборов за таможенное оформление и налога на добавленную стоимость) оборудование, технику, системы и средства связи, программную продукцию и другие материально-технические средства, не производимые в Республике Узбекистан и ввозимые для реализации настоящего постановления, по утверждаемым Кабинетом Министров Республики Узбекистан перечням.

17. Контроль за исполнением настоящего постановления возложить на Премьер-министра Республики Узбекистан А.Н. Арипова, секретаря Совета безопасности при Президенте Республики Узбекистан В.В. Махмудова и исполняющего обязанности министра по чрезвычайным ситуациям Республики Узбекистан Т.А. Худайбергенова.

Президентом Республики Узбекистан подписано постановление по коренному совершенствованию деятельности подразделений пожарной безопасности органов внутренних дел. В соответствии с данным документом в целях совершенствования деятельности по обеспечению пожарной безопасности на всех уровнях: на руководителей органов государственного и хозяйственного управления, а также органов государственной власти на местах, самоуправления граждан и других организаций возложена персональная ответственность за соблюдение требований пожарной безопасности на подведомственных объектах и территориях; установлено, что вышеуказанные должностные лица обязаны ежеквартально осуществлять критический анализ противопожарного состояния подведомственных объектов и территорий. Постановлением определено, что каждая среда недели является «Днем профилактики пожаров», в рамках которой на Государственную службу пожарной безопасности возложены следующие основные задачи: организация совместно с хокимами всех уровней глубокого и критического анализа причин произошедших крупных пожаров и условий, способствовавших их возникновению, по итогам которого будут утверждаться «Дорожные карты», направленные на предупреждение пожаров; проведение комплекса мероприятий по укреплению пожарной безопасности на объектах, имеющих особо важное государственное значение, а также организацию пожарно-тактических учений и занятий, разъяснительной работы с их руководителями; выпуск на центральном и областных телеканалах специальных информационных передач по освещению происшествий, связанных с пожарами, а также оперативных репортажей с мест пожаров и о мерах по их ликвидации. Необходимо отдельно отметить, что в соответствии с данным постановлением при Совете Министров Республики Каракалпакстан, хокимиятах областей, города Ташкента, городов и районов будут созданы комиссии по пожарной безопасности. Основными задачами данных комиссий являются: осуществление комплекса мер по обеспечению пожарной безопасности, выявлению и устранению причин и условий, способствующих возникновению пожаров; координация деятельности государственных органов, субъектов предпринимательства и органов самоуправления граждан в области профилактики пожаров; содействие в создании добровольных пожарных подразделений в сельской местности и отдаленных населенных пунктах, а также их материальное и социальное стимулирование.

Президент Республики Узбекистан Ш. МИРЗИЁЕВ

г. Ташкент,

23 мая 2017 г.,

№ ПП-2992

lex.uz