📅 2017-yil 24-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 24 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 мая 2017 г. · Постановления Президента
Официальный текст. Официальный документ. Редакционные примечания не включены.
📅 24 May 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
УЛУШИ
РЎЙХАТИ
Касаначиликни янада ривожлантириш учун қулай шароитлар яратиш чора-тадбирлари тўғрисида
Банд бўлмаган аҳолини ишлаб чиқариш фаолиятига жалб қилишнинг самарали воситаларидан бири бўлган касаначиликни янада ривожлантириш ҳамда замонавий машина, асбоб-ускуналар, хом ашё ва материалларни харид қилиш учун молиявий ресурслар билан фойдаланишни кенгайтириш орқали оила бюджетлари даромадларини кўпайтириш мақсадида:
1. Ўзбекистон Республикаси Иқтисодиёт вазирлиги, Марказий банки, Молия вазирлиги ва тижорат банкларининг Тошкент шаҳрида тижорат банклари томонидан «Касаначиликни кўллаб-қувватлаш бўйича Консорциум» масъулияти чекланган жамиятини (кейинги ўринларда Консорциум деб юритилади) 50,0 млрд.сўмлик бошланғич устав капитали билан ташкил этиш ва уни иштирокчилари орасида 1-иловага мувофиқ тақсимлаш борасидаги таклифлари маъқуллансин.
2. Консорциумга:
мазкур қарорнинг 2-иловасида келтирилган рўйхатга мувофиқ замонавий машина, асбоб-ускуналар, хом ашё ва материалларни харид қилишга касаначи ва (ёки) касана маҳсулотларини ишлаб чиқаришга буюртма берувчи корхоналарга заёмларни ажратиш;
мазкур қарорнинг 2-иловасида келтирилган касаначилик турлари бўйича уй шароитида маҳсулотлар (товарлар ва хизматлар) ишлаб чиқариш учун маркетинг амалга ошириш ва буюртмачиларни топиш вазифалари билан таркибий бўлинмаларини ҳамда касаначи ва касана маҳсулотларини ишлаб чиқаришга буюртма берувчи ташкилотлар ўртасида ўзаро алоқаларни ўрнатишни таъминлаш бўйича — Тошкент шаҳрининг барча туманларида филиалларни ташкил этиш;
амалга оширилаётган иш ҳажмларига мувофиқ Консорциумнинг таркибий бўлинмалари ходимлари сонини мустақил белгилаш;
касаначилар ва касана маҳсулотларини ишлаб чиқаришга буюртма берувчи ташкилотлар билан маҳсулотлар ишлаб чиқариш, ишларни бажариш ва хизматларни кўрсатиш борасидаги шартномаларни тузиш ҳуқуқлари берилсин.
3. Белгилаб қўйилсинки:
касаначиларга замонавий машина, асбоб-ускуналар, хом ашё ва материалларни харид қилиш учун займларни ажратиш сотиб олинаётган товарларнинг кафилликка олиш орқали амалга оширилади;
2017 йилнинг 1 июлидан бошлаб касаначилар учун жисмоний шахсларга қўлланиладиган даромад солиғи қатъий 7,5 фоиз миқдорида белгиланади.
4. Консорциумни барча турдаги солиқлар тўлашдан озод этилиб, бўшаётган маблағларни устав жамғармасини тўлдирилишига йўналтирсин.
5. Тошкент шаҳри ҳокимияти манфаатдор вазирликлар, идоралар ва хўжалик бошқаруви органлари билан биргаликда Консорциумга фаолиятини ташкил этиш ва келгусида амалга ошириш масалаларида амалий ёрдам кўрсатсин.
6. Ўзбекистон Республикаси хусусийлаштирилган корхоналарга кўмаклашиш ва рақобатни ривожлантириш давлат қўмитаси Тошкент шаҳри ҳокимияти икки ҳафта муддатида Консорциум ва унинг туман филиалларини жойлаштириш учун бино ва хоналарни ажратиш борасида таклифлар киритсин.
7. «Маҳалла» хайрия жамоат жамғармаси ва фуқароларни ўзини-ўзи бошқариш органлари:
касаначилар билан корхоналар ўртасида ўзаро иқтисодий ҳамкорлик борасидаги, шу жумладан корхоналар буюртмаларини уй шароитларида бажариш истагини билдирувчи маҳаллалар аҳолисини аниқлаш фаолиятини жадаллаштиришни;
аҳоли орасида касаначилик афзалликларини тушунтириш бўйича жадал тарғибот ишларини амалга оширилишини таъминласинлар.
8. Ўзбекистон Республикаси Марказий банки Иқтисодиёт вазирлиги ва бошқа манфаатдор вазирликлар ва идоралар ҳамда Консорциум иштирокчилари билан биргаликда касаначиларга замонавий машина, асбоб-ускуналар, хом ашё ва материалларни харид қилиш учун займларни тақдим этиш тартиботлари тўғрисидаги Низомни ишлаб чиқиб бир ойлик муддатда Вазирлар Маҳкамасига тасдиқлаш учун белгиланган тартибда киритсин.
9. Ўзбекистон миллий ахборот агентлиги, Ўзбекистон миллий телерадиокомпанияси, Ўзбекистон матбуот ва ахборот агентлиги босма ва электрон оммавий ахборот воситаларни, шу жумладан Интернет умумжахон ахборот тармоғини кенг жалб қилган ҳолда мазкур қарорнинг мақсади ва вазифаларини аҳоли орасида тизимли равишда мунтазам ва хар томонлама ёритиб борилишини таъминласин.
10. Ўзбекистон Республикаси Марказий банки, Иқтисодиёт вазирлиги ва Адлия вазирлиги манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқувчи ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ва Ўзбекистон Республикаси Марказий банки раиси зиммасига юклансин.
Ўзбекистон Республикаси Президентининг 2017 йил 24 майдаги ПҚ-2996-сонли қарорига 1-ИЛОВА
«Касаначиликни кўллаб-қувватлаш бўйича Консорциум» масъулияти чекланган жамиятининг иштирокчилари таркиби ҳамда уларнинг устав капиталидаги
Т/р Консорциум иштирокчилари Иштирокчилар улуши млрд сўм улуш, фоизда 1. Ташқи иқтисодий фаолият Миллий банки 7,5 15,0 2. «Ўзсаноатқурилишбанк» АТБ 7,5 15,0 3. «Асака» АТБ 7,5 15,0 4. «Ипотека-банк» АТИБ 7,5 15,0 5. АТ «Халқ банки» 5,0 10,0 6. «Микрокредитбанк» АТБ 5,0 10,0 7. «Турон банк» АТБ 5,0 10,0 8. «Алоқа банк» АТБ 5,0 10,0 Жами: 50,0 100%
Ўзбекистон Республикаси Президентининг 2017 йил 24 майдаги ПҚ-2996-сонли қарорига 2-ИЛОВА
«Касаначиликни кўллаб-қувватлаш бўйича Консорциум» масъулияти чекланган жамияти томондан ажратиладиган заёмлар эвазига ташкил этиладиган касаначилик турлари
1. Тўқима ва трикотаж маҳсулотларни ишлаб чиқариш. 2. Галантерея (атторлик) маҳсулотларини ишлаб чиқариш. 3. Қандолат ва нон маҳсулотларини ишлаб чиқариш. 4. Мебель маҳсулотларини ишлаб чиқариш. 5. Электротехника маҳсулотларини таъмирлаш ва хизмат кўрсатиш. 6. Боғдорчилик ва ободонлаштириш хизматлари.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 24 май,
ПҚ-2996-сон
Oʻzbekiston Respublikasi Prezidentining
Qarori
ULUSHI
ROʻYXATI
Kasanachilikni yanada rivojlantirish uchun qulay sharoitlar yaratish chora-tadbirlari toʻgʻrisida
Band boʻlmagan aholini ishlab chiqarish faoliyatiga jalb qilishning samarali vositalaridan biri boʻlgan kasanachilikni yanada rivojlantirish hamda zamonaviy mashina, asbob-uskunalar, xom ashyo va materiallarni xarid qilish uchun moliyaviy resurslar bilan foydalanishni kengaytirish orqali oila budjetlari daromadlarini koʻpaytirish maqsadida:
1. Oʻzbekiston Respublikasi Iqtisodiyot vazirligi, Markaziy banki, Moliya vazirligi va tijorat banklarining Toshkent shahrida tijorat banklari tomonidan “Kasanachilikni koʻllab-quvvatlash boʻyicha Konsorsium” masʼuliyati cheklangan jamiyatini (keyingi oʻrinlarda Konsorsium deb yuritiladi) 50,0 mlrd.soʻmlik boshlangʻich ustav kapitali bilan tashkil etish va uni ishtirokchilari orasida 1-ilovaga muvofiq taqsimlash borasidagi takliflari maʼqullansin.
2. Konsorsiumga:
mazkur qarorning 2-ilovasida keltirilgan roʻyxatga muvofiq zamonaviy mashina, asbob-uskunalar, xom ashyo va materiallarni xarid qilishga kasanachi va (yoki) kasana mahsulotlarini ishlab chiqarishga buyurtma beruvchi korxonalarga zayomlarni ajratish;
mazkur qarorning 2-ilovasida keltirilgan kasanachilik turlari boʻyicha uy sharoitida mahsulotlar (tovarlar va xizmatlar) ishlab chiqarish uchun marketing amalga oshirish va buyurtmachilarni topish vazifalari bilan tarkibiy boʻlinmalarini hamda kasanachi va kasana mahsulotlarini ishlab chiqarishga buyurtma beruvchi tashkilotlar oʻrtasida oʻzaro aloqalarni oʻrnatishni taʼminlash boʻyicha — Toshkent shahrining barcha tumanlarida filiallarni tashkil etish;
amalga oshirilayotgan ish hajmlariga muvofiq Konsorsiumning tarkibiy boʻlinmalari xodimlari sonini mustaqil belgilash;
kasanachilar va kasana mahsulotlarini ishlab chiqarishga buyurtma beruvchi tashkilotlar bilan mahsulotlar ishlab chiqarish, ishlarni bajarish va xizmatlarni koʻrsatish borasidagi shartnomalarni tuzish huquqlari berilsin.
3. Belgilab qoʻyilsinki:
kasanachilarga zamonaviy mashina, asbob-uskunalar, xom ashyo va materiallarni xarid qilish uchun zaymlarni ajratish sotib olinayotgan tovarlarning kafillikka olish orqali amalga oshiriladi;
2017-yilning 1-iyulidan boshlab kasanachilar uchun jismoniy shaxslarga qoʻllaniladigan daromad soligʻi qatʼiy 7,5 foiz miqdorida belgilanadi.
4. Konsorsiumni barcha turdagi soliqlar toʻlashdan ozod etilib, boʻshayotgan mablagʻlarni ustav jamgʻarmasini toʻldirilishiga yoʻnaltirsin.
5. Toshkent shahri hokimiyati manfaatdor vazirliklar, idoralar va xoʻjalik boshqaruvi organlari bilan birgalikda Konsorsiumga faoliyatini tashkil etish va kelgusida amalga oshirish masalalarida amaliy yordam koʻrsatsin.
6. Oʻzbekiston Respublikasi xususiylashtirilgan korxonalarga koʻmaklashish va raqobatni rivojlantirish davlat qoʻmitasi Toshkent shahri hokimiyati ikki hafta muddatida Konsorsium va uning tuman filiallarini joylashtirish uchun bino va xonalarni ajratish borasida takliflar kiritsin.
7. “Mahalla” xayriya jamoat jamgʻarmasi va fuqarolarni oʻzini-oʻzi boshqarish organlari:
kasanachilar bilan korxonalar oʻrtasida oʻzaro iqtisodiy hamkorlik borasidagi, shu jumladan korxonalar buyurtmalarini uy sharoitlarida bajarish istagini bildiruvchi mahallalar aholisini aniqlash faoliyatini jadallashtirishni;
aholi orasida kasanachilik afzalliklarini tushuntirish boʻyicha jadal targʻibot ishlarini amalga oshirilishini taʼminlasinlar.
8. Oʻzbekiston Respublikasi Markaziy banki Iqtisodiyot vazirligi va boshqa manfaatdor vazirliklar va idoralar hamda Konsorsium ishtirokchilari bilan birgalikda kasanachilarga zamonaviy mashina, asbob-uskunalar, xom ashyo va materiallarni xarid qilish uchun zaymlarni taqdim etish tartibotlari toʻgʻrisidagi Nizomni ishlab chiqib bir oylik muddatda Vazirlar Mahkamasiga tasdiqlash uchun belgilangan tartibda kiritsin.
9. Oʻzbekiston milliy axborot agentligi, Oʻzbekiston milliy teleradiokompaniyasi, Oʻzbekiston matbuot va axborot agentligi bosma va elektron ommaviy axborot vositalarni, shu jumladan Internet umumjaxon axborot tarmogʻini keng jalb qilgan holda mazkur qarorning maqsadi va vazifalarini aholi orasida tizimli ravishda muntazam va xar tomonlama yoritib borilishini taʼminlasin.
10. Oʻzbekiston Respublikasi Markaziy banki, Iqtisodiyot vazirligi va Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiquvchi oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov va Oʻzbekiston Respublikasi Markaziy banki raisi zimmasiga yuklansin.
Oʻzbekiston Respublikasi Prezidentining 2017-yil 24-maydagi PQ-2996-sonli qaroriga 1-ILOVA
“Kasanachilikni koʻllab-quvvatlash boʻyicha Konsorsium” masʼuliyati cheklangan jamiyatining ishtirokchilari tarkibi hamda ularning ustav kapitalidagi
T/r Konsorsium ishtirokchilari Ishtirokchilar ulushi mlrd soʻm ulush, foizda 1. Tashqi iqtisodiy faoliyat Milliy banki 7,5 15,0 2. “Oʻzsanoatqurilishbank” ATB 7,5 15,0 3. “Asaka” ATB 7,5 15,0 4. “Ipoteka-bank” ATIB 7,5 15,0 5. AT “Xalq banki” 5,0 10,0 6. “Mikrokreditbank” ATB 5,0 10,0 7. “Turon bank” ATB 5,0 10,0 8. “Aloqa bank” ATB 5,0 10,0 Jami: 50,0 100%
Oʻzbekiston Respublikasi Prezidentining 2017-yil 24-maydagi PQ-2996-sonli qaroriga 2-ILOVA
“Kasanachilikni koʻllab-quvvatlash boʻyicha Konsorsium” masʼuliyati cheklangan jamiyati tomondan ajratiladigan zayomlar evaziga tashkil etiladigan kasanachilik turlari
1. Toʻqima va trikotaj mahsulotlarni ishlab chiqarish. 2. Galantereya (attorlik) mahsulotlarini ishlab chiqarish. 3. Qandolat va non mahsulotlarini ishlab chiqarish. 4. Mebel mahsulotlarini ishlab chiqarish. 5. Elektrotexnika mahsulotlarini taʼmirlash va xizmat koʻrsatish. 6. Bogʻdorchilik va obodonlashtirish xizmatlari.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 24-may,
PQ-2996-son
Президента Республики Узбекистан
Постановление
СОСТАВ
ПЕРЕЧЕНЬ
О мерах по созданию дополнительных благоприятных условий для дальнейшего развития надомного труда
В целях дальнейшего развития надомного труда как одной из наиболее эффективных форм вовлечения незанятого населения в производственную деятельность и увеличения доходов семейных бюджетов граждан путем расширения их доступа к финансовым ресурсам для приобретения современных машин, оборудования, сырья и материалов:
1. Согласиться с предложением Министерства экономики, Центрального банка, Министерства финансов Республики Узбекистан и коммерческих банков о создании в городе Ташкенте коммерческими банками общества с ограниченной ответственностью «Консорциум по поддержке надомного труда» (далее — Консорциум) с первоначальным уставным фондом в размере 50,0 млрд. сум и его распределением между участниками согласно приложению № 1 .
2. Предоставить Консорциуму право:
выделять займы надомникам и (или) предприятиям-заказчикам надомной продукции для приобретения современных машин, оборудования, сырья и материалов по перечню согласно приложению № 2 ;
создавать структурные подразделения с функциями по проведению маркетинга и поиску заказчиков для организации производства надомной продукции (работ и услуг), а также филиалы в каждом районе города Ташкента — по обеспечению взаимодействия между надомником и предприятием-заказчиком надомной продукции по видам надомной деятельности, предусмотренных в приложении № 2 ;
самостоятельно определять численность работников структурных подразделений Консорциума, исходя из объемов выполняемых работ;
заключать договоры с надомниками и предприятиями-заказчиками надомной продукции на производство товаров, выполнение работ и оказание услуг.
3. Установить:
что займы надомникам на приобретение современных машин и оборудования для организации надомной деятельности выдаются под залог приобретаемого товара;
с 1 июля 2017 года для надомников фиксированную ставку налога на доходы физических лиц в размере 7,5 процента.
4. Освободить Консорциум от уплаты всех видов налогов, с целевым направлением высвобождаемых средств на пополнение уставного фонда.
5. Хокимияту города Ташкента совместно с заинтересованными министерствами, ведомствами и органами хозяйственного управления оказать содействие Консорциуму в вопросах организации и дальнейшем осуществлении его деятельности.
6. Государственному комитету Республики Узбекистан по содействию приватизированным предприятиям и развитию конкуренции совместно с хокимиятом города Ташкента в двухнедельный срок внести в Кабинет Министров Республики Узбекистан предложения по выделению зданий и помещений для размещения Консорциума и его районных филиалов.
7. Благотворительному общественному фонду Узбекистана «Махалла» и органам самоуправления граждан обеспечить активную работу по:
налаживанию тесного экономического сотрудничества предприятий с надомниками, в том числе регулярному выявлению жителей махалли, желающих на дому выполнять заказы предприятий;
широкой пропаганде и доступному разъяснению среди населения преимуществ надомного труда.
8. Центральному банку Республики Узбекистан совместно с Министерством экономики, другими заинтересованными министерствами и ведомствами, а также участниками Консорциума в месячный срок разработать и внести в установленном порядке на утверждение в Кабинет Министров Республики Узбекистан проект Положения о порядке предоставления надомникам займов для приобретения современных машин, оборудования, сырья и материалов.
9. Национальному информационному агентству Узбекистана, Национальной телерадиокомпании Узбекистана, Узбекскому агентству по печати и информации обеспечить на системной основе регулярное и всестороннее освещение среди населения целей и задач настоящего постановления, с широким привлечением печатных и электронных средств массовой информации, включая всемирную информационную сеть Интернет.
10. Центральному банку, Министерству экономики и Министерству юстиции Республики Узбекистан совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на заместителя Премьер-министра Республики Узбекистан Р.С. Азимова и Председателя Центрального банка Республики Узбекистан.
ПРИЛОЖЕНИЕ № 1 к постановлению Президента Республики Узбекистан от 24 мая 2017 года № ПП-2996
участников ООО «Консорциум по поддержке надомного труда» и их долей в уставном фонде
№ Участники Консорциума Размер взноса участников млрд сум. доля в % 1. Национальный банк внешнеэкономической деятельности 7,5 15,0 2. АКБ «Узпромстройбанк» 7,5 15,0 3. АКБ «Асака» 7,5 15,0 4. АКИБ «Ипотека-банк» 7,5 15,0 5. АК «Народный банк» 5,0 10,0 6. АКБ «Микрокредитбанк» 5,0 10,0 7. АКБ «Турон банк» 5,0 10,0 8. АКБ «Алока банк» 5,0 10,0 Всего: 50,0 100%
ПРИЛОЖЕНИЕ № 2 к постановлению Президента Республики Узбекистан от 24 мая 2017 года № ПП-2996
видов надомной деятельности, для организации которых выделяются займы ООО «Консорциум по поддержке надомного труда»
1. Изготовление швейных и трикотажных изделий. 2. Изготовление галантерейных изделий. 3. Изготовление кондитерских и хлебобулочных изделий. 4. Изготовление мебельных изделий. 5. Ремонт и обслуживание электротехнической продукции. 6. Услуги садоводства и благоустройства.
Президент Республики Узбекистан Ш. МИРЗИЁЕВ
г. Ташкент,
24 мая 2017 г.,
№ ПП-2996