📅 2017-yil 18-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 18 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 мая 2017 г. · Постановления Президента
Официальный текст. Официальный документ. Редакционные примечания не включены.
📅 18 May 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
РЎЙХАТИ
Тошкент шаҳрида кичик саноат зоналарини ташкил этиш тўғрисида
Кичик бизнес ва хусусий тадбиркорликни ривожлантириш борасида амалга оширилган изчил чора-тадбирлар доирасида Тошкент шаҳрида Юнусобод, Сергели ва Яккасарой туманларидаги фойдаланилмаётган корхоналар негизида кичик саноат зоналари барпо этилгани ва муваффақиятли фаолият юритаётгани, уларнинг ҳудудида тўқимачилик, кимё, озиқ-овқат, электротехника маҳсулотлари, мебель, замонавий қурилиш материаллари ҳамда ички ва ташқи бозорда харидоргир бўлган бошқа тайёр маҳсулотлар ишлаб чиқарувчи 513 та кичик корхоналар фаолият юритаётгани қайд этилсин.
2016 йилнинг ўзида ушбу корхоналар томонидан 1,1 трлн сўмлик маҳсулот ишлаб чиқарилди, 140 млн АҚШ долларидан ортиқ қийматдаги товарлар экспорт қилинди, 11 мингдан ортиқ янги иш ўринлари яратилди.
Янги рақобатдош ишлаб чиқаришлар ва кичик корхоналар ривожланишини янада қўллаб-қувватлаш, уларнинг муҳандислик коммуникациялари ва зарур инфратузилма билан таъминланган алоҳида ҳудудларда тўпланишини таъминлаш, саноат кооперациясини чуқурлаштириш, илмий-техника ва инновацион салоҳиятни мустаҳкамлаш, шу асосда ишлаб чиқариш соҳасида янги иш ўринларини яратиш ҳамда аҳоли бандлигини ошириш мақсадида:
1. Тошкент шаҳар ҳокимлиги, Ўзбекистон Республикаси Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Тошкент шаҳрида 1-иловада келтирилган ишлаб чиқариш майдонлари ва ер участкалари негизида кичик саноат зоналарини (кейинги ўринларда — КСЗ) ташкил этиш тўғрисидаги таклифлари қабул қилинсин.
2. Белгилансинки, КСЗ ҳудудидаги ишлаб чиқариш майдонлари ва ер участкалари тадбиркорлик субъектларига узоқ муддатли 10 йиллик ижарага, кейинчалик ижара муддатини яна 10 йилга узайтириш имконияти билан (лойиҳаларни амалга ошириш тўғрисидаги келишувларни бажариш ҳамда барча солиқлар ва бошқа мажбурий тўловларни ўз вақтида тўлаш шарти билан) ижара тўловининг қуйидаги имтиёзли ставкалари асосида берилади:
ишлаб чиқариш майдонлари учун — ижарага олинган майдонда амалга оширилаётган фаолият туридан келиб чиқиб, ортиб борадиган коэффициентни қўлламасдан, давлат кўчмас мулкидан фойдаланиш учун ижара тўловининг энг кам ставкаси миқдорида;
ер участкалари учун — қўшимча коэффициентларни қўлламасдан, Тошкент шаҳридаги ер участкаларидан фойдаланганлик учун юридик шахсларга солинадиган ер солиғининг энг кам ставкаси миқдорида.
3. Белгилаб қўйилсинки:
КСЗ иштирокчиларига давлат хизматлари КСЗ ҳудудларида ташкил этиладиган Давлат хизматлари марказлари томонидан кўрсатилади;
КСЗ иштирокчиларига улар маҳсулотларини экспорт қилишда кўмаклашиш мақсадида КСЗ ҳудудида Кичик бизнес ва хусусий тадбиркорлик субъектлари экспортини қўллаб-қувватлаш жамғармасининг ваколатхоналари ташкил этилади;
КСЗнинг зарур ташқи муҳандислик коммуникациялари ва инфратузилмасини қуриш унинг чегарасига тадбиркорлик субъектларини жойлаштириш бўйича ишлаб чиқилган лойиҳаларга мувофиқ, Тошкент шаҳрининг шаҳар бюджети маблағлари, шунингдек, «Ўзбекэнерго» АЖ, «Ўзтрансгаз» АКнинг шахсий маблағлари ҳисобидан амалга оширилади;
КСЗ кўчмас мулкига бўлган ҳуқуқларни давлат рўйхатидан ўтказиш давлат ер тузиш ва кўчмас мулк кадастри корхоналари томонидан тўлов ундирилмасдан амалга оширилади;
КСЗ фаолияти Вазирлар Маҳкамасининг 2020 йил 9 мартдаги 134-сон қарори билан тасдиқланган Кичик саноат зоналари тўғрисидаги низомга мувофиқ амалга оширилади.
4. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси манфаатдор вазирлик ва идоралар, хўжалик бошқаруви органлари билан биргаликда КСЗ ташкил этиш мақсадида бир ой муддатда 1-иловага мувофиқ, давлат мулки объектларининг белгиланган тартибда Тошкент шаҳар ҳокимлиги тасарруфига ўтказилишини, шунингдек таркибида давлат улуши бўлган хўжалик жамиятлари бошқарув органлари ва хўжалик бошқаруви органлари мажлисларида фойдаланилмаётган объектларни уларнинг устав жамғармаларидаги давлат улуши ва хўжалик бошқаруви органлари улушини топширилаётган активларнинг баҳолаш қиймати суммасига тегишлича камайтирган ҳолда Тошкент шаҳар ҳокимияти тасарруфига ўтказиш масаласи кўриб чиқилишини таъминласин.
5. Тошкент шаҳар ҳокимлигига:
икки ой муддатда 1-иловага мувофиқ, ишлаб чиқариш майдонлари ва ер участкалари негизида КСЗ барпо этиш тўғрисида қарор қабул қилсин ва улар фаолиятини ташкил этиш бўйича чора-тадбирлар комплексини амалга оширсин;
лойиҳалаштириш ташкилотларини жалб қилган ҳолда маҳаллий бюджет маблағлари ҳисобидан КСЗдан ташқаридаги зарур муҳандислик-коммуникация тармоқларини қуриш, тегишли инфратузилмани барпо этиш, шаҳарсозлик, санитария, ёнғинга қарши, табиатни муҳофаза қилиш талабларига сўзсиз риоя этишни назарда тутадиган тегишли лойиҳа-режа ҳужжатларини ишлаб чиқишни ташкил этсин ва уларни белгиланган тартибда тасдиқласин;
Ўзбекистон Республикаси Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Адлия вазирлиги билан биргаликда лойиҳаларни амалга ошириш тўғрисидаги келишув, ишлаб чиқариш майдонларини узоқ муддатли ижарага бериш шартномаси (балансда сақловчи номидан) ва КСЗ ҳудудида хизмат кўрсатиш шартномасининг намунавий шаклларини ишлаб чиқсин.
6. «Ўзбекэнерго» АЖ, «Ўзтрансгаз» АК ва Тошкент шаҳар ҳокимлиги раҳбарлари зиммасига КСЗда жойлаштирилган тадбиркорлик субъектларини уларнинг ишлаб чиқариш эҳтиёжларига мувофиқ, электр энергияси, табиий газ (ресурс ва транспорт имкониятларини ҳисобга олган ҳолда) ва бошқа турдаги коммунал хизматлар билан узлуксиз таъминлаш учун шахсий жавобгарлик юклансин.
8. Ўзбекистон Республикаси Адлия вазирлиги Ахборот технологиялари ва коммуникацияларни ривожлантириш вазирлиги, Молия вазирлиги ҳамда Тошкент шаҳар ҳокимлиги билан биргаликда бир ой муддатда КСЗ ҳудудида тадбиркорлик субъектларига «ягона дарча» тамойили асосида давлат хизматлари кўрсатиш бўйича ягона марказларни ташкил этсинлар.
9. Тижорат банкларининг КСЗда иштирок этувчи ташкилотларга банк хизматлари кўрсатиши учун Тошкент шаҳридаги КСЗ ҳудудида 2-иловага мувофиқ, мини-банклар ташкил этиш тўғрисидаги таклифлари қабул қилинсин.
10. «Ўзстандарт» агентлиги КСЗда иштирок этувчи ташкилотларга стандартлаштириш, метрология, сифат менежменти тизимларини жорий қилиш, маҳсулотни сертификатлаштириш, маркировкалаш, қадоқлаш масалаларида белгиланган тартибда амалий кўмак кўрсатсин.
14. Тошкент шаҳар ҳокимлиги, Ўзбекистон Савдо-саноат палатаси, Ўзбекистон Республикаси Иқтисодиёт вазирлиги, вазирликлар, идора ва хўжаликлар бирлашмалари:
бир ой муддатда Ўзбекистон Республикаси Иқтисодиёт вазирлиги томонидан шакллантирилган КСЗда ишлаб чиқарилиши ўзлаштирилиши учун тавсия қилинаётган тайёр маҳсулотлар, материаллар ва бутловчи буюмлар рўйхати тадбиркорлик субъектларига етказишини;
икки ой муддатда КСЗда ўзлаштирилиши лозим бўлган тайёр маҳсулотлар, материаллар ва бутловчи буюмларни ишлаб чиқариш корхоналарини жойлаштириш бўйича аниқ таклифлар — «йўл хариталари» ишлаб чиқаришини таъминласин.
15. Ўзбекистон Республикаси Вазирлар Маҳкамасига Тошкент шаҳар ҳокимлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Иқтисодиёт вазирлиги томонидан фаолият юритмаётган, паст рентабелли ва зарар кўриб ишлаётган корхоналар, бўшаб ётган ва самарали фойдаланилмаётган объектлар ва ер участкаларини аниқлаш бўйича ўтказилаётган таҳлил натижалари асосида тақдим этилган асосланган таклифлар асосида ушбу қарорнинг 1-иловасига ўзгартириш ва қўшимчалар киритиш ҳуқуқи берилсин.
16. Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов ва Тошкент шаҳар ҳокими Р.Ж. Усмонов зиммасига юклансин.
Ўзбекистон Республикаси Президентининг 2017 йил 18 майдаги ПҚ-2973-сон қарорига 1-ИЛОВА
Тошкент шаҳрида кичик саноат зоналарида ташкил этиладиган ишлаб чиқариш майдонлари ва ер участкалари
Т/р Кичик саноат зоналарининг номи Ҳудуд ва майдонлар номи Майдони (га) * Бино, иншоотлар майдони (минг кв. м.) * 1. Мирзо Улуғбек кичик саноат зонаси Собиқ «ТТЗ» заводи ҳудудининг бир қисми ** 38,8 117,15 2. Олмазор кичик саноат зонаси «ОНИКС» АЖ ишлаб чиқариш ҳудуди *** 14,1 82 3. Учтепа кичик саноат зонаси «Аокс плюс бизнес» МЧЖ (собиқ «Сигнал» ИИБ) ишлаб чиқариш ҳудуди 5,1 25,6 4. Чилонзор кичик саноат зонаси «Sovplastital» МЧЖ «2-сонли ишлаб чиқариш ва омборхоналар» бинолари (бино қисмлари) ва иншоотлари 2,6 21,4 «Реле ва автоматика» АЖ ишлаб чиқариш ҳудудининг бир қисми 1,0 5,5 5. Бектемир кичик саноат зонаси Собиқ «Мотор заводи» АЖ 2-ҳудудидаги бино ва иншоотлар 5,0 29
Ўзбекистон Республикаси Президентининг 2017 йил 18 майдаги ПҚ-2973-сон қарорига 2-ИЛОВА
Тошкент шаҳрида кичик саноат зоналари ҳудудида иштирок этувчи ташкилотларга банк хизматларини кўрсатиш учун ташкил этиладиган мини-банклар
№ Кичик саноат зонасининг номи Тижорат банкининг номи 1. Мирзо Улуғбек кичик саноат зонаси «Ипотека-банк» АТИБ «Ўзсаноатқурилишбанк» АТБ 2. Олмазор кичик саноат зонаси «Ўзсаноатқурилишбанк» АТБ 3. Миробод кичик саноат зонаси «Капиталбанк» АТБ 4. Чилонзор кичик саноат зонаси «Ўзсаноатқурилишбанк» АТБ 5. Бектемир кичик саноат зонаси АТ «Халқ банки» 6. Яккасарой кичик саноат зонаси «Асака» АТБ 7. Юнусобод кичик саноат зонаси «Ўзсаноатқурилишбанк» АТБ 8. Сергели кичик саноат зонаси «Асака» АТБ
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 18 май,
ПҚ-2973-сон
Oʻzbekiston Respublikasi Prezidentining
Qarori
ROʻYXATI
ROʻYXATI
Toshkent shahrida kichik sanoat zonalarini tashkil etish toʻgʻrisida
Kichik biznes va xususiy tadbirkorlikni rivojlantirish borasida amalga oshirilgan izchil chora-tadbirlar doirasida Toshkent shahrida Yunusobod, Sergeli va Yakkasaroy tumanlaridagi foydalanilmayotgan korxonalar negizida kichik sanoat zonalari barpo etilgani va muvaffaqiyatli faoliyat yuritayotgani, ularning hududida toʻqimachilik, kimyo, oziq-ovqat, elektrotexnika mahsulotlari, mebel, zamonaviy qurilish materiallari hamda ichki va tashqi bozorda xaridorgir boʻlgan boshqa tayyor mahsulotlar ishlab chiqaruvchi 513 ta kichik korxonalar faoliyat yuritayotgani qayd etilsin.
2016-yilning oʻzida ushbu korxonalar tomonidan 1,1 trln soʻmlik mahsulot ishlab chiqarildi, 140 mln AQSH dollaridan ortiq qiymatdagi tovarlar eksport qilindi, 11 mingdan ortiq yangi ish oʻrinlari yaratildi.
Yangi raqobatdosh ishlab chiqarishlar va kichik korxonalar rivojlanishini yanada qoʻllab-quvvatlash, ularning muhandislik kommunikatsiyalari va zarur infratuzilma bilan taʼminlangan alohida hududlarda toʻplanishini taʼminlash, sanoat kooperatsiyasini chuqurlashtirish, ilmiy-texnika va innovatsion salohiyatni mustahkamlash, shu asosda ishlab chiqarish sohasida yangi ish oʻrinlarini yaratish hamda aholi bandligini oshirish maqsadida:
1. Toshkent shahar hokimligi, Oʻzbekiston Respublikasi Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Toshkent shahrida 1-ilovada keltirilgan ishlab chiqarish maydonlari va yer uchastkalari negizida kichik sanoat zonalarini (keyingi oʻrinlarda — KSZ) tashkil etish toʻgʻrisidagi takliflari qabul qilinsin.
2. Belgilansinki, KSZ hududidagi ishlab chiqarish maydonlari va yer uchastkalari tadbirkorlik subyektlariga uzoq muddatli 10 yillik ijaraga, keyinchalik ijara muddatini yana 10 yilga uzaytirish imkoniyati bilan (loyihalarni amalga oshirish toʻgʻrisidagi kelishuvlarni bajarish hamda barcha soliqlar va boshqa majburiy toʻlovlarni oʻz vaqtida toʻlash sharti bilan) ijara toʻlovining quyidagi imtiyozli stavkalari asosida beriladi:
ishlab chiqarish maydonlari uchun — ijaraga olingan maydonda amalga oshirilayotgan faoliyat turidan kelib chiqib, ortib boradigan koeffitsiyentni qoʻllamasdan, davlat koʻchmas mulkidan foydalanish uchun ijara toʻlovining eng kam stavkasi miqdorida;
yer uchastkalari uchun — qoʻshimcha koeffitsiyentlarni qoʻllamasdan, Toshkent shahridagi yer uchastkalaridan foydalanganlik uchun yuridik shaxslarga solinadigan yer soligʻining eng kam stavkasi miqdorida.
3. Belgilab qoʻyilsinki:
KSZ ishtirokchilariga davlat xizmatlari KSZ hududlarida tashkil etiladigan Davlat xizmatlari markazlari tomonidan koʻrsatiladi;
KSZ ishtirokchilariga ular mahsulotlarini eksport qilishda koʻmaklashish maqsadida KSZ hududida Kichik biznes va xususiy tadbirkorlik subyektlari eksportini qoʻllab-quvvatlash jamgʻarmasining vakolatxonalari tashkil etiladi;
KSZning zarur tashqi muhandislik kommunikatsiyalari va infratuzilmasini qurish uning chegarasiga tadbirkorlik subyektlarini joylashtirish boʻyicha ishlab chiqilgan loyihalarga muvofiq, Toshkent shahrining shahar budjeti mablagʻlari, shuningdek, “Oʻzbekenergo” AJ, “Oʻztransgaz” AKning shaxsiy mablagʻlari hisobidan amalga oshiriladi;
KSZ koʻchmas mulkiga boʻlgan huquqlarni davlat roʻyxatidan oʻtkazish davlat yer tuzish va koʻchmas mulk kadastri korxonalari tomonidan toʻlov undirilmasdan amalga oshiriladi;
KSZ faoliyati Vazirlar Mahkamasining 2020-yil 9-martdagi 134-son qarori bilan tasdiqlangan Kichik sanoat zonalari toʻgʻrisidagi nizomga muvofiq amalga oshiriladi.
4. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi manfaatdor vazirlik va idoralar, xoʻjalik boshqaruvi organlari bilan birgalikda KSZ tashkil etish maqsadida bir oy muddatda 1-ilovaga muvofiq, davlat mulki obyektlarining belgilangan tartibda Toshkent shahar hokimligi tasarrufiga oʻtkazilishini, shuningdek tarkibida davlat ulushi boʻlgan xoʻjalik jamiyatlari boshqaruv organlari va xoʻjalik boshqaruvi organlari majlislarida foydalanilmayotgan obyektlarni ularning ustav jamgʻarmalaridagi davlat ulushi va xoʻjalik boshqaruvi organlari ulushini topshirilayotgan aktivlarning baholash qiymati summasiga tegishlicha kamaytirgan holda Toshkent shahar hokimiyati tasarrufiga oʻtkazish masalasi koʻrib chiqilishini taʼminlasin.
5. Toshkent shahar hokimligiga:
ikki oy muddatda 1-ilovaga muvofiq, ishlab chiqarish maydonlari va yer uchastkalari negizida KSZ barpo etish toʻgʻrisida qaror qabul qilsin va ular faoliyatini tashkil etish boʻyicha chora-tadbirlar kompleksini amalga oshirsin;
loyihalashtirish tashkilotlarini jalb qilgan holda mahalliy budjet mablagʻlari hisobidan KSZdan tashqaridagi zarur muhandislik-kommunikatsiya tarmoqlarini qurish, tegishli infratuzilmani barpo etish, shaharsozlik, sanitariya, yongʻinga qarshi, tabiatni muhofaza qilish talablariga soʻzsiz rioya etishni nazarda tutadigan tegishli loyiha-reja hujjatlarini ishlab chiqishni tashkil etsin va ularni belgilangan tartibda tasdiqlasin;
Oʻzbekiston Respublikasi Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Adliya vazirligi bilan birgalikda loyihalarni amalga oshirish toʻgʻrisidagi kelishuv, ishlab chiqarish maydonlarini uzoq muddatli ijaraga berish shartnomasi (balansda saqlovchi nomidan) va KSZ hududida xizmat koʻrsatish shartnomasining namunaviy shakllarini ishlab chiqsin.
6. “Oʻzbekenergo” AJ, “Oʻztransgaz” AK va Toshkent shahar hokimligi rahbarlari zimmasiga KSZda joylashtirilgan tadbirkorlik subyektlarini ularning ishlab chiqarish ehtiyojlariga muvofiq, elektr energiyasi, tabiiy gaz (resurs va transport imkoniyatlarini hisobga olgan holda) va boshqa turdagi kommunal xizmatlar bilan uzluksiz taʼminlash uchun shaxsiy javobgarlik yuklansin.
8. Oʻzbekiston Respublikasi Adliya vazirligi Axborot texnologiyalari va kommunikatsiyalarni rivojlantirish vazirligi, Moliya vazirligi hamda Toshkent shahar hokimligi bilan birgalikda bir oy muddatda KSZ hududida tadbirkorlik subyektlariga “yagona darcha” tamoyili asosida davlat xizmatlari koʻrsatish boʻyicha yagona markazlarni tashkil etsinlar.
9. Tijorat banklarining KSZda ishtirok etuvchi tashkilotlarga bank xizmatlari koʻrsatishi uchun Toshkent shahridagi KSZ hududida 2-ilovaga muvofiq, mini-banklar tashkil etish toʻgʻrisidagi takliflari qabul qilinsin.
10. “Oʻzstandart” agentligi KSZda ishtirok etuvchi tashkilotlarga standartlashtirish, metrologiya, sifat menejmenti tizimlarini joriy qilish, mahsulotni sertifikatlashtirish, markirovkalash, qadoqlash masalalarida belgilangan tartibda amaliy koʻmak koʻrsatsin.
14. Toshkent shahar hokimligi, Oʻzbekiston Savdo-sanoat palatasi, Oʻzbekiston Respublikasi Iqtisodiyot vazirligi, vazirliklar, idora va xoʻjaliklar birlashmalari:
bir oy muddatda Oʻzbekiston Respublikasi Iqtisodiyot vazirligi tomonidan shakllantirilgan KSZda ishlab chiqarilishi oʻzlashtirilishi uchun tavsiya qilinayotgan tayyor mahsulotlar, materiallar va butlovchi buyumlar roʻyxati tadbirkorlik subyektlariga yetkazishini;
ikki oy muddatda KSZda oʻzlashtirilishi lozim boʻlgan tayyor mahsulotlar, materiallar va butlovchi buyumlarni ishlab chiqarish korxonalarini joylashtirish boʻyicha aniq takliflar — “yoʻl xaritalari” ishlab chiqarishini taʼminlasin.
15. Oʻzbekiston Respublikasi Vazirlar Mahkamasiga Toshkent shahar hokimligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Iqtisodiyot vazirligi tomonidan faoliyat yuritmayotgan, past rentabelli va zarar koʻrib ishlayotgan korxonalar, boʻshab yotgan va samarali foydalanilmayotgan obyektlar va yer uchastkalarini aniqlash boʻyicha oʻtkazilayotgan tahlil natijalari asosida taqdim etilgan asoslangan takliflar asosida ushbu qarorning 1-ilovasiga oʻzgartirish va qoʻshimchalar kiritish huquqi berilsin.
16. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov va Toshkent shahar hokimi R.J. Usmonov zimmasiga yuklansin.
Oʻzbekiston Respublikasi Prezidentining 2017-yil 18-maydagi PQ-2973-son qaroriga 1-ILOVA
Toshkent shahrida kichik sanoat zonalarida tashkil etiladigan ishlab chiqarish maydonlari va yer uchastkalari
T/r Kichik sanoat zonalarining nomi Hudud va maydonlar nomi Maydoni (ga) * Bino, inshootlar maydoni (ming kv. m.) * 1. Mirzo Ulugʻbek kichik sanoat zonasi Sobiq “TTZ” zavodi hududining bir qismi ** 38,8 117,15 2. Olmazor kichik sanoat zonasi “ONIKS” AJ ishlab chiqarish hududi *** 14,1 82 3. Uchtepa kichik sanoat zonasi “Aoks plyus biznes” MCHJ (sobiq “Signal” IIB) ishlab chiqarish hududi 5,1 25,6 4. Chilonzor kichik sanoat zonasi “Sovplastital” MCHJ “2-sonli ishlab chiqarish va omborxonalar” binolari (bino qismlari) va inshootlari 2,6 21,4 “Rele va avtomatika” AJ ishlab chiqarish hududining bir qismi 1,0 5,5 5. Bektemir kichik sanoat zonasi Sobiq “Motor zavodi” AJ 2-hududidagi bino va inshootlar 5,0 29
Oʻzbekiston Respublikasi Prezidentining 2017-yil 18-maydagi PQ-2973-son qaroriga 2-ILOVA
Toshkent shahrida kichik sanoat zonalari hududida ishtirok etuvchi tashkilotlarga bank xizmatlarini koʻrsatish uchun tashkil etiladigan mini-banklar
№ Kichik sanoat zonasining nomi Tijorat bankining nomi 1. Mirzo Ulugʻbek kichik sanoat zonasi “Ipoteka-bank” ATIB “Oʻzsanoatqurilishbank” ATB 2. Olmazor kichik sanoat zonasi “Oʻzsanoatqurilishbank” ATB 3. Mirobod kichik sanoat zonasi “Kapitalbank” ATB 4. Chilonzor kichik sanoat zonasi “Oʻzsanoatqurilishbank” ATB 5. Bektemir kichik sanoat zonasi AT “Xalq banki” 6. Yakkasaroy kichik sanoat zonasi “Asaka” ATB 7. Yunusobod kichik sanoat zonasi “Oʻzsanoatqurilishbank” ATB 8. Sergeli kichik sanoat zonasi “Asaka” ATB
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 18-may,
PQ-2973-son
Президента Республики Узбекистан
Постановление
ПЕРЕЧЕНЬ
ПЕРЕЧЕНЬ
О создании малых промышленных зон в городе Ташкенте
Отметить, что в рамках последовательной реализации мер по поддержке развития малого бизнеса и частного предпринимательства в городе Ташкенте на базе бездействовавших предприятий в Юнусабадском, Сергелийском и Яккасарайском районах созданы и успешно функционируют малые промышленные зоны, на территории которых осуществляют деятельность 513 малых предприятий по производству текстильной, химической, пищевой, электротехнической продукции, мебели, современных строительных материалов и другой востребованной на внутреннем и внешнем рынках готовой продукции.
Только в 2016 году данными предприятиями произведено продукции на сумму 1,1 трлн. сум, экспортировано товаров более, чем на 140 млн. долларов США, создано свыше 11 тысяч новых рабочих мест.
В целях дальнейшей поддержки развития новых конкурентоспособных производств и малых предприятий, обеспечения их концентрации на отдельных территориях с подведенными инженерными коммуникациями и необходимой инфраструктурой, углубления промышленной кооперации, укрепления научно-технологического и инновационного потенциала, создания на этой основе новых рабочих мест в производственной сфере и повышения занятости населения:
1. Согласиться с предложением хокимията города Ташкента, Министерства экономики Республики Узбекистан, Государственного комитета Республики Узбекистан по содействию приватизированным предприятиям и развитию конкуренции о создании в городе Ташкенте малых промышленных зон (далее — МПЗ) на базе производственных площадей и земельных участков согласно приложению № 1 .
2. Установить, что производственные площади и земельные участки, находящиеся на территории МПЗ, предоставляются субъектам предпринимательства в долгосрочную аренду сроком на 10 лет, с последующим продлением еще на 10 лет (при условии выполнения соглашений о реализации проектов и своевременной уплаты всех налогов и других обязательных платежей) по следующим льготным ставкам арендной платы:
для производственных площадей — в размере минимальной ставки арендной платы за пользование недвижимым государственным имуществом, исходя из вида деятельности, осуществляемого на арендуемой площади, без применения повышающих коэффициентов;
для земельных участков — в размере минимальной ставки земельного налога за использование земельных участков в городе Ташкенте, взимаемого с юридических лиц, без применения дополнительных коэффициентов.
3. Определить, что:
государственные услуги участникам МПЗ предоставляются Центрами государственных услуг, создаваемыми на территориях МПЗ;
для оказания содействия участникам МПЗ в экспорте их продукции на территориях МПЗ создаются представительства Фонда поддержки экспорта субъектов малого бизнеса и частного предпринимательства;
строительство необходимых внешних инженерных коммуникаций и инфраструктуры МПЗ до границы раздела осуществляется за счет средств городского бюджета города Ташкента, а также собственных средств АО «Узбекэнерго», АК «Узтрансгаз» — согласно разработанным проектам размещения субъектов предпринимательства;
государственная регистрация прав на недвижимое имущество МПЗ осуществляется государственными предприятиями землеустройства и кадастра недвижимости без взимания платы;
деятельность МПЗ осуществляется в соответствии с Положением о малых промышленных зонах, утвержденным постановлением Кабинета Министров от 9 марта 2020 года № 134.
4. Государственному комитету Республики Узбекистан по содействию приватизированным предприятиям и развитию конкуренции совместно с заинтересованными министерствами и ведомствами, органами хозяйственного управления для создания МПЗ в месячный срок обеспечить в установленном порядке передачу хокимияту города Ташкента соответствующих неиспользуемых государственных объектов недвижимости, а также инициирование рассмотрения на заседаниях органов управления хозяйственных обществ с долей государства и органов хозяйственного управления вопроса о передаче хокимияту города Ташкента неиспользуемых объектов, с соответствующим уменьшением доли государства и доли органов хозяйственного управления в их уставных фондах на сумму оценочной стоимости передаваемых активов, согласно приложению № 1 к настоящему постановлению.
5. Хокимияту города Ташкента:
в двухмесячный срок принять решение о создании МПЗ на базе производственных площадей и земельных участков согласно приложению № 1 , а также дирекций МПЗ и осуществить комплекс мер по организации их деятельности;
организовать с привлечением проектных организаций разработку за счет средств местного бюджета и утвердить в установленном порядке соответствующую проектно-планировочную документацию, предусмотрев строительство необходимых внешних, за пределами МПЗ, инженерно-коммуникационных сетей и создание соответствующей инфраструктуры, неукоснительное соблюдение градостроительных, санитарных, противопожарных, природоохранных требований;
совместно с Министерством экономики, Государственным комитетом по содействию приватизированным предприятиям и развитию конкуренции, Министерством юстиции Республики Узбекистан разработать типовые формы соглашения о реализации проектов, договора долгосрочной аренды производственных площадей (от имени балансодержателя) и договора на оказание услуг на территории МПЗ.
6. Возложить персональную ответственность на руководителей АО «Узбекэнерго», АК «Узтрансгаз» и хокимията города Ташкента за бесперебойное обеспечение субъектов предпринимательства, размещенных в МПЗ, электроэнергией, природным газом (с учетом ресурсных и газотранспортных возможностей) и другими видами коммунальных услуг в соответствии с их производственными потребностями.
8. Министерству юстиции совместно с Министерством по развитию информационных технологий и коммуникаций, Министерством финансов Республики Узбекистан и хокимиятом города Ташкента в месячный срок образовать на территориях МПЗ единые центры по оказанию государственных услуг субъектам предпринимательства по принципу «одно окно».
9. Принять предложения коммерческих банков о создании на территориях МПЗ в городе Ташкенте минибанков для оказания организациям- участникам МПЗ банковских услуг согласно приложению № 2 .
10. Агентству «Узстандарт» оказывать в установленном порядке практическое содействие организациям-участникам МПЗ в вопросах стандартизации, метрологии, внедрения систем менеджмента качества, сертификации, маркировки, упаковки продукции.
14. Хокимияту города Ташкента, Торгово-промышленной палате Узбекистана, Министерству экономики Республики Узбекистан, министерствам, ведомствам и хозяйственным объединениям обеспечить:
в месячный срок доведение до субъектов предпринимательства сформированного Министерством экономики Республики Узбекистан перечня видов готовой продукции, материалов и комплектующих изделий, рекомендуемых к освоению в МПЗ;
в двухмесячный срок разработку конкретных предложений — «дорожных карт» по размещению в МПЗ производств по выпуску подлежащих к освоению видов готовой продукции, материалов и комплектующих изделий.
15. Предоставить право Кабинету Министров Республики Узбекистан вносить, по обоснованным предложениям хокимията города Ташкента, Государственного комитета по содействию приватизированным предприятиям и развитию конкуренции, Министерства экономики Республики Узбекистан, по результатам проводимого анализа и определения бездействующих, низкорентабельных и убыточных предприятий, пустующих и неэффективно используемых объектов и земельных участков изменения и дополнения в приложение № 1 к настоящему постановлению.
16. Контроль за исполнением настоящего постановления возложить на Премьер-министра Республики Узбекистан А.Н. Арипова и хокима города Ташкента Р.Ж. Усманова.
ПРИЛОЖЕНИЕ №1 к постановлению Президента Республики Узбекистан от 18 мая 2017 года № ПП-2973
производственных площадей и земельных участков в городе Ташкенте, на которых создаются малые промышленные зоны
№ п/п Наименование малой промышленной зоны Наименования территорий и площадей Территория (га) * Площадь зданий, сооружений (тыс. кв.м) 1. Мирзо Улугбекская малая промышленная зона Часть территории бывшего завода АО «ТТЗ» ** 38,8 117,15 2. Алмазарская малая промышленная зона Производственная территория АО «ОНИКС» *** 14,1 82 3 Учтепинская малая промышленная зона Производственная территория ООО «Аокс плюс бизнес» (бывший НПО «Сигнал») 5,1 25,6 4. Чиланзарская малая промышленная зона Здания (части зданий) и сооружения «Производственные и складские помещения № 2» ООО «Sovplastital» 2,6 21,4 Часть производственной территории АО «Реле и автоматика» 1,0 5,5 5. Бектемирская малая промышленная зона Здания и сооружения 2-ой территории бывшего АО «Моторный завод» 5,0 29 6. Яшнабадская малая промышленная зона Здания и сооружения: Центра кинологии Министерства внутренних дел Республики Узбекистан; 8,6 16,5 ООО «Янгиобод ихтисослаштирилган бозори» 7,5 31,8
ПРИЛОЖЕНИЕ № 2 к постановлению Президента Республики Узбекистан от 18 мая 2017 года № ПП-2973
мини-банков, создаваемых на территориях малых промышленных зон города Ташкента, для оказания организациям-участникам банковских услуг
№ п/п Наименование малой промышленной зоны Наименование коммерческого банка 1. Мирзо Улугбекская малая промышленная зона АКИБ «Ипотека-банк», АКБ «Узпромстройбанк» 2. Алмазарская малая промышленная зона АКБ «Узпромстройбанк» 3. Мирабадская малая промышленная зона АКБ «Капиталбанк» 4. Чиланзарская малая промышленная зона АКБ «Узпромстройбанк» 5. Бектемирская малая промышленная зона АК «Народный банк» 6. Яккасарайская малая промышленная зона АКБ «Асака» 7. Юнусабадская малая промышленная зона АКБ «Узпромстройбанк» 8. Сергелийская малая промышленная зона АКБ «Асака»
Президент Республики Узбекистан Ш. МИРЗИЁЕВ
г. Ташкент,
18 мая 2017 г.,
№ ПП-2973