📅 2017-yil 4-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 4 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 мая 2017 г. · Постановления Президента
Официальный текст. Официальный документ. Редакционные примечания не включены.
📅 4 May 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Судьялар олий кенгаши фаолиятини моддий-техника ва молиявий жиҳатдан таъминлаш тўғрисида
Ўзбекистон Республикасининг «Ўзбекистон Республикаси Судьялар олий кенгаши тўғрисида»ги Қонунига мувофиқ ҳамда Ўзбекистон Республикаси Судьялар олий кенгаши фаолиятини моддий-техника ва молиявий жиҳатдан таъминлаш мақсадида:
1. Белгилаб қўйилсинки:
Ўзбекистон Республикаси Судьялар олий кенгаши (кейинги ўринларда Кенгаш деб юритилади) фаолиятини моддий-техника ва молиявий жиҳатдан таъминлаш республика бюджети, Суд ҳокимияти органларини ривожлантириш жамғармаси ҳамда қонун ҳужжатларида тақиқланмаган бошқа манбалар ҳисобидан амалга оширилади;
Ўзбекистон Республикаси Судьялар олий кенгашининг раиси Суд ҳокимияти органларини ривожлантириш жамғармаси кузатув кенгашининг таркибига киради;
Кенгашнинг доимий асосда фаолиятини амалга оширувчи аъзоларига ва унинг ижро этувчи девони ходимларига олдинги иш жойида берилган кўп йиллик хизмати, махсус унвон ва мансаб даражалари учун қўшимча тўлов ва устамалар сақлаб қолинади, шунингдек Кенгашда ишлаган даври бошқа давлат органлари, шу жумладан ҳуқуқни муҳофаза қилувчи органларига ўтганда навбатдаги тегишли унвонлар олиш, шунингдек мансаб даражаси учун қўшимча тўловлар ва кўп йиллик хизмат қилганлигига устамалар тўлаш учун зарур бўлган иш стажига қўшилади;
Кенгашнинг доимий асосда фаолиятини амалга оширувчи аъзоларига имтиёзли шартларда уй-жой сотиб олишга узоқ муддатли ипотека кредитлари бериш ва уй-жойларни ижарага олганлик (ижарага турганлик) учун ҳар ойлик пул компенсацияси тўлаш Ўзбекистон Республикаси Вазирлар Маҳкамасининг 2012 йил 31 октябрдаги 312-сонли қарори асосида амалга оширилади.
2. Маълумот учун қабул қилинсинки, Ўзбекистон Республикаси Президентининг 2017 йил 10 апрелдаги ПФ-5006-сон «Ўзбекистон Республикаси судьялар олий кенгашини шакллантириш тўғрисида»ги Фармонига асосан Кенгаш раиси моддий, тиббий ва транспорт таъминоти шароитлари бўйича Ўзбекистон Республикаси Олий суди раисига тенглаштирилган.
Кенгаш раиси ўринбосари ва Кенгашнинг доимий асосда фаолиятини амалга оширувчи аъзолари моддий, тиббий ва транспорт таъминоти шароитлари бўйича тегишинча Ўзбекистон Республикаси Олий суди раиси ўринбосари ва Ўзбекистон Республикаси Олий суди судьяларига тенглаштирилсин.
Ўзбекистон Республикаси судьялар олий кенгашининг ижро этувчи девони ходимларига Ўзбекистон Республикаси Президенти Администрацияси ходимлари учун белгиланган тиббий таъминот шарт-шароитлари сақлаб қолинсин.
3. Ўзбекистон Республикаси Молия вазирлиги 2017 йилда Кенгашнинг жорий молиявий таъминоти учун маблағлар ажратсин, 2018 йилдан бошлаб эса ҳар йили Ўзбекистон Республикаси Давлат бюджети параметрларида ушбу қарорни рўёбга чиқариш билан боғлиқ харажатларни назарда тутсин.
Суд ҳокимияти органларини ривожлантириш жамғармаси Кузатув кенгаши Кенгашнинг асослантирилган ҳисоб-китобига мувофиқ 2017 йилда идора мебеллари, компьютер ва бошқа ташкилий техника билан жиҳозлаш учун зарур бўлган маблағларни ажратсин.
4. Ўзбекистон Республикаси Президенти ҳузуридаги Судьяларни танлаш ва лавозимларга тавсия этиш бўйича олий малака комиссиясининг балансидаги асосий воситалар Кенгаш балансига ўтказилсин.
5. Кенгашга Ўзбекистон Республикаси Вазирлар Маҳкамаси Хўжалик фаолияти бошқармаси автохўжалиги томонидан бериладиган учта хизмат енгил автомобили учун лимит белгилансин.
6. Ўзбекистон Республикаси Судьялар олий кенгаши Адлия вазирлиги билан биргаликда бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида таклифлар киритсин.
7. Мазкур қарорнинг бажарилишини назорат қилиш Ўзбекистон Республикаси Бош вазири А. Арипов ва Ўзбекистон Республикаси Президентининг Давлат маслаҳатчиси О. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 4 май,
ПҚ-2951-сон
Oʻzbekiston Respublikasi Prezidentining
Qarori
Oʻzbekiston Respublikasi Sudyalar oliy kengashi faoliyatini moddiy-texnika va moliyaviy jihatdan taʼminlash toʻgʻrisida
Oʻzbekiston Respublikasining “Oʻzbekiston Respublikasi Sudyalar oliy kengashi toʻgʻrisida”gi Qonuniga muvofiq hamda Oʻzbekiston Respublikasi Sudyalar oliy kengashi faoliyatini moddiy-texnika va moliyaviy jihatdan taʼminlash maqsadida:
1. Belgilab qoʻyilsinki:
Oʻzbekiston Respublikasi Sudyalar oliy kengashi (keyingi oʻrinlarda Kengash deb yuritiladi) faoliyatini moddiy-texnika va moliyaviy jihatdan taʼminlash respublika budjeti, Sud hokimiyati organlarini rivojlantirish jamgʻarmasi hamda qonun hujjatlarida taqiqlanmagan boshqa manbalar hisobidan amalga oshiriladi;
Oʻzbekiston Respublikasi Sudyalar oliy kengashining raisi Sud hokimiyati organlarini rivojlantirish jamgʻarmasi kuzatuv kengashining tarkibiga kiradi;
Kengashning doimiy asosda faoliyatini amalga oshiruvchi aʼzolariga va uning ijro etuvchi devoni xodimlariga oldingi ish joyida berilgan koʻp yillik xizmati, maxsus unvon va mansab darajalari uchun qoʻshimcha toʻlov va ustamalar saqlab qolinadi, shuningdek Kengashda ishlagan davri boshqa davlat organlari, shu jumladan huquqni muhofaza qiluvchi organlariga oʻtganda navbatdagi tegishli unvonlar olish, shuningdek mansab darajasi uchun qoʻshimcha toʻlovlar va koʻp yillik xizmat qilganligiga ustamalar toʻlash uchun zarur boʻlgan ish stajiga qoʻshiladi;
Kengashning doimiy asosda faoliyatini amalga oshiruvchi aʼzolariga imtiyozli shartlarda uy-joy sotib olishga uzoq muddatli ipoteka kreditlari berish va uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash Oʻzbekiston Respublikasi Vazirlar Mahkamasining 2012-yil 31-oktabrdagi 312-sonli qarori asosida amalga oshiriladi.
2. Maʼlumot uchun qabul qilinsinki, Oʻzbekiston Respublikasi Prezidentining 2017-yil 10-apreldagi PF-5006-son “Oʻzbekiston Respublikasi sudyalar oliy kengashini shakllantirish toʻgʻrisida”gi Farmoniga asosan Kengash raisi moddiy, tibbiy va transport taʼminoti sharoitlari boʻyicha Oʻzbekiston Respublikasi Oliy sudi raisiga tenglashtirilgan.
Kengash raisi oʻrinbosari va Kengashning doimiy asosda faoliyatini amalga oshiruvchi aʼzolari moddiy, tibbiy va transport taʼminoti sharoitlari boʻyicha tegishincha Oʻzbekiston Respublikasi Oliy sudi raisi oʻrinbosari va Oʻzbekiston Respublikasi Oliy sudi sudyalariga tenglashtirilsin.
Oʻzbekiston Respublikasi sudyalar oliy kengashining ijro etuvchi devoni xodimlariga Oʻzbekiston Respublikasi Prezidenti Administratsiyasi xodimlari uchun belgilangan tibbiy taʼminot shart-sharoitlari saqlab qolinsin.
3. Oʻzbekiston Respublikasi Moliya vazirligi 2017-yilda Kengashning joriy moliyaviy taʼminoti uchun mablagʻlar ajratsin, 2018-yildan boshlab esa har yili Oʻzbekiston Respublikasi Davlat budjeti parametrlarida ushbu qarorni roʻyobga chiqarish bilan bogʻliq xarajatlarni nazarda tutsin.
Sud hokimiyati organlarini rivojlantirish jamgʻarmasi Kuzatuv kengashi Kengashning asoslantirilgan hisob-kitobiga muvofiq 2017-yilda idora mebellari, kompyuter va boshqa tashkiliy texnika bilan jihozlash uchun zarur boʻlgan mablagʻlarni ajratsin.
4. Oʻzbekiston Respublikasi Prezidenti huzuridagi Sudyalarni tanlash va lavozimlarga tavsiya etish boʻyicha oliy malaka komissiyasining balansidagi asosiy vositalar Kengash balansiga oʻtkazilsin.
5. Kengashga Oʻzbekiston Respublikasi Vazirlar Mahkamasi Xoʻjalik faoliyati boshqarmasi avtoxoʻjaligi tomonidan beriladigan uchta xizmat yengil avtomobili uchun limit belgilansin.
6. Oʻzbekiston Respublikasi Sudyalar oliy kengashi Adliya vazirligi bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida takliflar kiritsin.
7. Mazkur qarorning bajarilishini nazorat qilish Oʻzbekiston Respublikasi Bosh vaziri A. Aripov va Oʻzbekiston Respublikasi Prezidentining Davlat maslahatchisi O. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 4-may,
PQ-2951-son
Президента Республики Узбекистан
Постановление
О материально-техническом и финансовом обеспечении деятельности Высшего судейского совета Республики Узбекистан
В целях материально-технического и финансового обеспечения деятельности Высшего судейского совета Республики Узбекистан, и в соответствии с Законом Республики Узбекистан «О Высшем Судейском совете Республики Узбекистан»:
1. Установить, что:
материально-техническое и финансовое обеспечение деятельности Высшего судейского совета Республики Узбекистан (далее — Совет) осуществляется за счет республиканского бюджета, Фонда развития органов судебной власти и иных источников, не запрещенных законодательством;
председатель Высшего судейского совета Республики Узбекистан входит в состав наблюдательного совета Фонда развития органов судебной власти;
за членами Совета, осуществляющими свою деятельность на постоянной основе и работниками его исполнительного аппарата сохраняются надбавки и доплаты за выслугу лет, специальные звания и классные чины, присвоенные по прежнему месту работы, также время работы в Совете включается в стаж работы, необходимый для получения очередных соответствующих званий, а также для начисления доплат за классный чин и надбавок за выслугу лет при переходе в другие государственные органы, в том числе в правоохранительные органы;
выдача долгосрочных ипотечных кредитов для приобретения жилья на льготных условиях и выплата ежемесячной денежной компенсации за аренду (наем) жилых помещений членам Совета, осуществляющим свою деятельность на постоянной основе, согласно постановлению Кабинета Министров Республики Узбекистан от 31 октября 2012 года — № 312.
2. Принять к сведению, что согласно Указу Президента Республики Узбекистан от 10 апреля 2017 года № УП-5006 «О формировании Высшего судейского совета Республики Узбекистан» председатель Совета по условиям материального, медицинского и транспортного обеспечения приравнен к председателю Верховного суда Республики Узбекистан.
Заместитель председателя Совета и члены Совета, осуществляющие деятельность на постоянной основе по условиям материального, медицинского и транспортного обеспечения приравниваются к заместителю Верховного суда Республики Узбекистан и судьям Верховного суда Республики Узбекистан соответственно.
Сохранить за работниками исполнительного аппарата, работниками Высшего судейского совета Республики Узбекистан условия медицинского обеспечения, установленные для работников Администрации Президента Республики Узбекистан.
3. Министерству финансов Республики Узбекистан выделить в 2017 году средства для текущего финансового обеспечения Совета, а начиная с 2018 года ежемесячно предусматривать расходы в параметрах Государственного бюджета Республики Узбекистан средства на финансирование расходов, связанных с реализацией настоящего постановления.
Наблюдательному совету Фонда развития органов судебной власти по обоснованным расчетам Совета выделить в 2017 году необходимые средства оснащения офисной мебелью, компьютерной и другой оргтехникой.
4. Перевести на баланс Совета основные средства, числящие на балансе Высшей квалифицированной комиссии по отбору и рекомендации на должности судей при Президенте Республики Узбекистан.
5. Определить Совету лимит на использование трех служебных легковых автомобилей, предоставляемых автохозяйством Управления хозяйственной деятельности Кабинета Министров Республики Узбекистан.
6. Высшему судейскому совету Республики Узбекистан совместно с Министерством юстиции в месячный срок внести предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на Премьер-министра Республики Узбекистан А. Арипова и Государственного советника Президента Республики Узбекистан О. Муродова.
Президент Республики Узбекистан Ш. МИРЗИЁЕВ
г. Ташкент,
4 мая 2017 г.,
№ ПП-2951