📅 2017-yil 26-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 26 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 мая 2017 г. · Постановления Президента
Официальный текст. Официальный документ. Редакционные примечания не включены.
📅 26 May 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Женерал Моторс Ўзбекистон» АЖ ишлаб чиқараётган маҳсулотларга нархлар шаклланишини такомиллаштириш чора-тадбирлари тўғрисида
«Женерал Моторс Ўзбекистон» АЖнинг ички ва ташқи бозорларда сотилаётган маҳсулотларига нархлар шаклланиш механизмини янада такомиллаштириш мақсадида:
1. Ўзбекистон Республикаси Иқтисодиёт вазирлиги, Молия вазирлиги ҳамда «Ўзавтосаноат» АКнинг 2017 йилнинг 1 июнидан бошлаб «Женерал Моторс Ўзбекистон» АЖнинг барча автомобиль моделларини ички бозорда миллий валюта — сўмга сотишга ўтиш тўғрисидаги таклифларига розилик берилсин.
2. «Ўзавтосаноат» АК:
2017 йилнинг 1 июнигача тузилган шартномалар бўйича енгил автомобиллар етказиб бериш ва тўловларни қабул қилиш, шартномаларда назарда тутилган қатъий шартлар ва белгиланган муддатларда тўловларни халқаро пластик карточкалари орқали амалга оширишни;
ташқи бозорларни ва экспорт қилинаётган маҳсулотлар турларини янада диверсификациялаш, ташқи бозорлардаги ўрнимизни мустаҳкамлаш ҳисобига экспорт ҳажмини кўпайтиришни;
янги рақобатдош маҳсулотлар ишлаб чиқаришни ўзлаштиришга қаратилган инвестиция лойиҳаларини амалга ошириш ҳисобига маҳсулотлар ишлаб чиқаришни оширишни;
бутловчи қисм ва узеллар ишлаб чиқаришни маҳаллийлаштиришни чуқурлаштириш, автомобилсозликни ривожлантириш учун зарур бўлган асосий хом ашё ва материалларни ўзлаштириш ва ишлаб чиқариш ҳажмини ошириш бўйича тармоқлараро кооперацияни кенгайтириш ҳисобига импортнинг улушини камайтириш ва маҳсулотлар таннархини пасайтиришни таъминласин.
3. Ўзбекистон Республикаси Вазирлар Маҳкамаси бир ҳафта муддатда мазкур қарорни амалга ошириш чора-тадбирлари тўғрисида тегишли қарор қабул қилсин.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 26 май,
ПҚ-3010-сон
Oʻzbekiston Respublikasi Prezidentining
Qarori
“Jeneral Motors Oʻzbekiston” AJ ishlab chiqarayotgan mahsulotlarga narxlar shakllanishini takomillashtirish chora-tadbirlari toʻgʻrisida
“Jeneral Motors Oʻzbekiston” AJning ichki va tashqi bozorlarda sotilayotgan mahsulotlariga narxlar shakllanish mexanizmini yanada takomillashtirish maqsadida:
1. Oʻzbekiston Respublikasi Iqtisodiyot vazirligi, Moliya vazirligi hamda “Oʻzavtosanoat” AKning 2017-yilning 1-iyunidan boshlab “Jeneral Motors Oʻzbekiston” AJning barcha avtomobil modellarini ichki bozorda milliy valyuta — soʻmga sotishga oʻtish toʻgʻrisidagi takliflariga rozilik berilsin.
2. “Oʻzavtosanoat” AK:
2017-yilning 1-iyunigacha tuzilgan shartnomalar boʻyicha yengil avtomobillar yetkazib berish va toʻlovlarni qabul qilish, shartnomalarda nazarda tutilgan qatʼiy shartlar va belgilangan muddatlarda toʻlovlarni xalqaro plastik kartochkalari orqali amalga oshirishni;
tashqi bozorlarni va eksport qilinayotgan mahsulotlar turlarini yanada diversifikatsiyalash, tashqi bozorlardagi oʻrnimizni mustahkamlash hisobiga eksport hajmini koʻpaytirishni;
yangi raqobatdosh mahsulotlar ishlab chiqarishni oʻzlashtirishga qaratilgan investitsiya loyihalarini amalga oshirish hisobiga mahsulotlar ishlab chiqarishni oshirishni;
butlovchi qism va uzellar ishlab chiqarishni mahalliylashtirishni chuqurlashtirish, avtomobilsozlikni rivojlantirish uchun zarur boʻlgan asosiy xom ashyo va materiallarni oʻzlashtirish va ishlab chiqarish hajmini oshirish boʻyicha tarmoqlararo kooperatsiyani kengaytirish hisobiga importning ulushini kamaytirish va mahsulotlar tannarxini pasaytirishni taʼminlasin.
3. Oʻzbekiston Respublikasi Vazirlar Mahkamasi bir hafta muddatda mazkur qarorni amalga oshirish chora-tadbirlari toʻgʻrisida tegishli qaror qabul qilsin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 26-may,
PQ-3010-son
Президента Республики Узбекистан
Постановление
О мерах по совершенствованию ценообразования на продукцию, производимую АО «Дженерал Моторс Узбекистан»
В целях дальнейшего совершенствования механизма формирования цен на продукцию АО «Дженерал Моторс Узбекистан», реализуемую на внутреннем и внешнем рынках:
1. Согласиться с предложением Министерства экономики, Министерства финансов Республики Узбекистан и АК «Узавтосаноат» о переводе с 1 июня 2017 года реализации на внутреннем рынке всего модельного ряда легковых автомобилей АО «Дженерал Моторс Узбекистан» за национальную валюту — сум.
2. АК «Узавтосаноат» обеспечить:
поставку легковых автомобилей и прием платежей по контрактам, заключенным до 1 июня 2017 года, строго на условиях и в сроки, предусмотренные в контрактах, с оплатой через международные пластиковые карточки;
увеличение объемов экспорта за счет дальнейшей диверсификации рынков сбыта и номенклатуры экспортируемой продукции, укрепления позиций на внешних рынках;
увеличение объемов производства за счет реализации инвестиционных проектов, направленных на освоение новой конкурентоспособной продукции;
сокращение доли импорта и снижение себестоимости продукции за счет углубления локализации производства комплектующих деталей и узлов, расширения межотраслевой кооперации по освоению и увеличению объемов производства базового сырья и материалов, необходимых для развития автомобилестроения.
3. Кабинету Министров Республики Узбекистан в недельный срок принять соответствующее решение о мерах по реализации настоящего постановления.
4. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
26 мая 2017 г.,
№ ПП-3010