📅 2017-yil 29-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 29 мая 2017 г. · Указы Президента
Официальный текст. Официальный документ. Редакционные примечания не включены.
📅 29 May 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
НИЗОМ
Ўзбекистон Республикасида сиёсий бошпана бериш тартиби тўғрисидаги низомни тасдиқлаш тўғрисида
Халқаро ҳуқуқнинг умумэътироф этилган тамойиллари ва нормаларига амал қилган ҳолда, шунингдек Ўзбекистон Республикаси Конституциясининг 109-моддаси 22-бандига мувофиқ:
1. Ўзбекистон Республикасида сиёсий бошпана бериш тартиби тўғрисидаги низом иловага мувофиқ тасдиқлансин.
2. Ички ишлар вазирлиги Молия вазирлиги ва Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази билан биргаликда икки ой муддатда Ўзбекистон Республикасида сиёсий бошпана бериш учун мурожаат қилган чет эл фуқаролари ва фуқаролиги бўлмаган шахсларнинг биометрик маълумотлар базасини шакллантириш бўйича белгиланган тартибда таклифни киритсин.
3. Мазкур Фармоннинг ижросини назорат қилиш Ўзбекистон Республикаси Президентининг Давлат маслаҳатчиси О.Б. Муродов зиммасига юклансин.
Ўзбекистон Республикаси Президентининг 2017 йил 29 майдаги ПФ-5060-сонли Фармонига ИЛОВА
Ўзбекистон Республикасида сиёсий бошпана бериш тартиби тўғрисидаги
1-боб. Умумий қоидалар
1. Ўзбекистон Республикасида сиёсий бошпана чет эл фуқаролари ва фуқаролиги бўлмаган шахсларга (кейинги ўринларда — шахслар) Ўзбекистон Республикаси миллий манфаатларини инобатга олган ҳолда, халқаро ҳуқуқнинг умумэътироф этилган тамойиллари ва нормаларига асосан, Ўзбекистон Республикасининг Конституцияси, қонунлари ва бошқа норматив-ҳуқуқий ҳужжатлари ҳамда ушбу Низомга мувофиқ берилади.
2. Ўзбекистон Республикасида сиёсий бошпана ўзининг фуқаролиги бўйича мансуб давлатда ёки доимий яшаш жойида ижтимоий-сиёсий фаолияти, диний эътиқоди, ирқий ёки миллий мансублиги учун таъқиб қилинаётган ёки таъқиб қилишнинг жабрланувчиси бўлишига реал таҳдиддан, шунингдек халқаро ҳуқуқ нормаларида назарда тутилган инсон ҳуқуқлари бузилишининг бошқа ҳолатларидан бошпана ва ҳимоя излаётган шахсларга ва уларнинг оила аъзоларига берилади.
3. Ўзбекистон Республикасида сиёсий бошпана берилган шахс ва унинг оила аъзолари Ўзбекистон Республикаси ҳудудида Ўзбекистон Республикасининг қонун ҳужжатлари ва халқаро шартномаларида белгиланган Ўзбекистон Республикасида доимий яшаётган чет эл фуқаролари ва фуқаролиги бўлмаган шахсларнинг ҳуқуқ ва эркинликлардан фойдаланади ҳамда мажбуриятларга эга бўлади.
4. Агар шахс:
Ўзбекистон Республикасида жиноят деб тан олинадиган ҳаракат (ҳаракатсизлик) учун тақиб қилинаётган бўлса ёки Бирлашган Миллатлар Ташкилотининг асосий мақсад ва принципларига зид ҳаракатлар содир этишда айбдор бўлса;
айбланувчи сифатида ишда иштирок этишга жалб қилинган ёки унга нисбатан қонуний кучга кирган ва Ўзбекистон Республикасида ижро этилиши лозим бўлган суднинг айблов ҳукми мавжуд бўлса;
таъқиб қилиниш хавфи бўлмаган учинчи давлатдан келган бўлса;
у таъқиб қилинмаётган учинчи давлатнинг фуқаролигига эга бўлса;
била туриб ёлғон маълумотлар берган бўлса;
иқтисодий, экологик ёки ижтимоий сабабларга кўра, шунингдек табиий ва техноген хусусиятдаги фавқулодда вазиятлар муносабати билан фуқаролиги бўйича мансуб давлатга ёки доимий яшайдиган давлатига қайтиш имкониятига эга бўлмаса ёки қайтишни хоҳламаса Ўзбекистон Республикасида сиёсий бошпана берилмайди.
2-боб. Ўзбекистон Республикасида сиёсий бошпана бериш тўғрисидаги илтимосномани расмийлаштириш ва кўриб чиқиш тартиби
5. Сиёсий бошпана қидираётган шахс турган жойи бўйича рўйхатдан ўтказилгандан кейин ёхуд ушбу шахсга фуқаролиги бўйича мансуб давлатга ёки доимий яшайдиган давлатга қайтиш имкониятини бермайдиган ҳолатлар вужудга келган пайтдан бошлаб етти кун ичида ўзи турган жой бўйича ҳудудий ички ишлар органларига Ўзбекистон Республикасининг Президенти номига Ички ишлар вазири томонидан тасдиқланадиган шаклда ёзма илтимоснома билан шахсан мурожаат қилиши керак.
Ўн саккиз ёшга тўлмаган шахсга Ўзбекистон Республикасида сиёсий бошпана бериш тўғрисидаги илтимоснома (кейинги ўринларда — илтимоснома) туғилганлик тўғрисидаги гувоҳнома нусхаси билан биргаликда унинг ота-онаси ёки бошқа қонуний вакиллари томонидан берилади. Ўн тўрт ёшдан ўн саккиз ёшгача бўлган вояга етмаганларга ота-онаси ёки бошқа қонуний вакиллари илтимосномасига уларнинг нотариал тасдиқланган ёзма розилиги ҳам илова қилиниши лозим.
6. Илтимосномада ушбу Низомнинг 2-бандида кўрсатилган ҳолатлар баён этилиши лозим.
Илтимосномага:
анкета-ариза — 2 та нусхада;
таржимаи ҳол — 2 та нусхада;
3,5х4,5 ўлчамли 4 та фотосурат;
Ўзбекистон Республикасининг тиббий муассасаларидан олинган тиббий маълумотнома;
шахсни тасдиқловчи ҳужжатнинг нусхаси илова қилинади.
Илтимосномага ушбу масалага тааллуқли бўлган бошқа ҳужжатлар ҳам илова қилиниши мумкин.
7. Илтимоснома, анкета-ариза ҳамда таржимаи ҳолнинг барча нусхалари илтимоснома берувчи шахс томонидан улар тузилган сана кўрсатилган ҳолда имзоланган бўлиши лозим. Агар шахс ўзининг жисмоний нуқсонлари, касаллиги ёки саводсизлиги туфайли илтимосномани имзолай олмаса, илтимоснома бошқа шахс томонидан имзоланиши мумкин, бу ҳақда ички ишлар органлари томонидан илтимосномада илтимоснома берувчи уни ўз қўли билан имзолай олмаганлиги сабаблари кўрсатилган тегишли белги киритилади.
8. Илтимоснома ушбу Низомда назарда тутилган барча ҳужжатларнинг илтимоснома берувчи шахс томонидан тақдим қилинган пайтдан бошлаб ижрога қабул қилинган ҳисобланади.
Илтимосномани кўриб чиқиш учун етарли асослар мавжуд бўлганда, ҳудудий ички ишлар органлари томонидан 2 нусхада иш жилди очилади, улар барча зарур ҳужжатлар билан биргаликда Ўзбекистон Республикаси Ички ишлар вазирлигига юборилади.
9. Ушбу Низомнинг 4-бандида кўрсатилган асослар мавжуд бўлганда Ўзбекистон Республикасида сиёсий бошпана бериш тўғрисидаги илтимоснома кўриб чиқиш учун қабул қилинмайди.
10. Илтимоснома кўриб чиқилиши даврида мурожаат этган шахсга 1-иловага мувофиқ шаклдаги маълумотнома берилади. Илтимоснома бўйича қарор қабул қилинганидан сўнг маълумотнома уни берган орган томонидан олиб қўйилади.
Маълумотномани расмийлаштиришда ҳудудий ички ишлар органлари томонидан илтимоснома берувчининг қўл бармоқ излари ва рақамли сурати чет эл фуқаролари ва фуқаролиги бўлмаган шахслар биометрик маълумотлар базасига киритиш учун олинади.
Маълумотнома олган шахс мақоми бўйича тегишли равишда Ўзбекистон Республикасида турган жойи бўйича рўйхатдан ўтган чет эл фуқаролари ёки фуқаролиги бўлмаган шахсларга тенглаштирилади.
11. Илтимоснома берувчи шахс Ўзбекистон Республикасида сиёсий бошпана бериш тўғрисидаги масала ҳал қилингунга қадар бир ойда камида икки марта (ҳар икки ҳафтада 1 марталик даврийликда) ҳудудий ички ишлар органларида қайд қилиниб борилади. Мазкур тартибга риоя этилмаган тақдирда ҳудудий ички ишлар органлари ҳолатларга аниқлик киритилгунига қадар материаллар расмийлаштирилишини тўхтатиб туради.
12. Ўзбекистон Республикаси Ички ишлар вазирлиги келиб тушган илтимосномани кўриб чиқишда Ўзбекистон Республикаси Ташқи ишлар вазирлиги ҳамда Давлат хавфсизлик хизмати хулосаларини олади, шундан сўнг барча материалларни шахсга Ўзбекистон Республикасида сиёсий бошпана бериш масаласи бўйича ўзининг хулосаси билан бирга Ўзбекистон Республикаси Президенти ҳузуридаги Фуқаролик масалалари бўйича комиссияга юборади.
13. Ўзбекистон Республикаси Ички ишлар вазирлиги, Ташқи ишлар вазирлиги ҳамда Давлат хавфсизлик хизматида илтимосномани кўриб чиқишнинг умумий муддати бир йилдан ошмаслиги лозим.
Илтимосномани қўриб чиқиш жараёнида ушбу Низомнинг 4-бандида келтирилган асослар мавжудлиги аниқланганда Ўзбекистон Республикаси Ички ишлар вазирлиги илтимосномани кўриб чиқиш мақсадга мувофиқ эмаслиги тўғрисида хулоса тайёрлайди ва бу ҳақда илтимоснома берган шахсга қарор қабул қилинганидан кейин етти кун ичида хабар беради.
14. Илтимоснома кўриб чиқилганлиги учун йиғим ундирилмайди.
15. Ўзбекистон Республикаси Президенти ҳузуридаги Фуқаролик масалалари бўйича комиссия материалларни кўриб чиқади ва қарор қабул қилиши учун Ўзбекистон Республикаси Президентига таклиф киритади.
16. Ўзбекистон Республикасида сиёсий бошпана Ўзбекистон Республикаси Президентининг фармони билан берилади.
17. Илтимоснома рад этилган тақдирда шахсга қабул қилинган қарор ҳақида хабар берилади ва уни Ўзбекистон Республикасида бўлиши чет эл фуқаролари ва фуқаролиги бўлмаган шахсларнинг Ўзбекистон Республикасида бўлиши тўғрисидаги қонун ҳужжатлари билан тартибга солинади.
Сиёсий бошпана бериш тўғрисидаги илтимосномаси рад қилинган шахс илтимоснома рад қилинган пайтдан бошлаб бир йилдан кейин такроран мурожаат этиш ҳуқуқига эга.
3-боб. Ўзбекистон Республикаси Президентининг Ўзбекистон Республикасида сиёсий бошпана бериш тўғрисидаги фармонларини ижро этиш тартиби
18. Ўзбекистон Республикаси Президентининг Ўзбекистон Республикасида сиёсий бошпана бериш тўғрисидаги фармони имзоланган кундан кучга киради.
19. Ўзбекистон Республикаси Президентининг фармони қабул қилинган кундан бошлаб етти кунлик муддат ичида Ўзбекистон Республикаси Ички ишлар вазирлиги ҳудудий ички ишлар органлари орқали илтимоснома берувчи шахсни қабул қилинган қарор ҳақида хабардор қилади.
20. Ўзбекистон Республикасида сиёсий бошпана берилган шахсга, шунингдек унинг оила аъзоларига Ўзбекистон Республикаси Ички ишлар вазирлиги томонидан шахснинг илтимоснома билан мурожаат қилган ҳудудий ички ишлар органлари орқали 2-иловага мувофиқ шаклдаги гувоҳнома берилади.
21. Ҳудудий ички ишлар органи Ўзбекистон Республикасида сиёсий бошпана берилганлиги тўғрисидаги гувоҳнома асосида мазкур Низомнинг 20-бандида кўрсатилган шахсга 5 йилгача бўлган муддатга идентификацияловчи ID-картани расмийлаштиради.
22. Ўзбекистон Республикаси Ички ишлар вазирлиги Ўзбекистон Республикаси Президенти ҳузуридаги Фуқаролик масалалари бўйича комиссияни йилига 2 марта ярим йиллик якуни бўйича Ўзбекистон Республикаси Президентининг Ўзбекистон Республикасида сиёсий бошпана бериш тўғрисидаги фармонларининг ижроси юзасидан хабардор қилиб боради.
4-боб. Ўзбекистон Республикасида сиёсий бошпанани йўқотиш асослари ва расмийлаштириш тартиби
23. Ўзбекистон Республикасида сиёсий бошпана берилган шахс қуйидаги ҳолларда берилган сиёсий бошпанани йўқотади:
фуқаролиги бўйича мансуб давлатга ёки доимий яшайдиган давлатга ўз ихтиёри билан қайтганда;
бошқа давлатга доимий яшаш учун чиқишда;
Ўзбекистон Республикаси ҳудудида сиёсий бошпанадан ўз ихтиёри билан воз кечганда;
Ўзбекистон Республикасининг ёки бошқа давлатнинг фуқаролигини олганда.
24. Шахсга Ўзбекистон Республикасида берилган сиёсий бошпана миллий хавфсизлик нуқтаи назаридан, шунингдек агар, шахс Бирлашган Миллатлар Ташкилотининг асосий мақсад ва тамойилларига зид келувчи фаолият билан шуғулланаётган бўлса ёхуд у жиноят содир этган ва унга нисбатан суднинг қонуний кучга кирган ва ижро этилиши шарт бўлган айблов ҳукми мавжуд бўлса, йўқотилиши мумкин.
Шахснинг Ўзбекистон Республикасида берилган сиёсий бошпанаси Ўзбекистон Республикаси Президенти ҳузуридаги Фуқаролик масалалари бўйича комиссияси таклифи бўйича Ўзбекистон Республикаси Президентининг тегишли фармони имзоланган кундан бошлаб йўқотилади.
Ўзбекистон Республикаси Президентининг фармони Ўзбекистон Республикасида сиёсий бошпанани йўқотган шахс эътиборига етказилади.
5-боб. Якуний қоида
25. Мазкур Низом талаблари бузилишида айбдор бўлган шахслар қонун ҳужжатларида белгиланган тартибда жавобгар бўладилар.
Ўзбекистон Республикасида сиёсий бошпана бериш тартиби тўғрисидаги низомга 1-ИЛОВА
Ўзбекистон Республикасида сиёсий бошпана бериш тартиби тўғрисидаги низомга 2-ИЛОВА
(ЎзР ИИВ М ва ФРББ нинг ҳудудий органининг штампи) Фото-сурат 3,5 x 4,5 М.Ў. Чет эл фуқароси ёки фуқаролиги бўлмаган шахсга Ўзбекистон Республикасида сиёсий бошпана бериш тўғрисида ГУВОҲНОМА № ___________ Фамилияси: Исми: Отасининг исми: Туғилган йили: Туғилган жойи: Фуқаролиги: Шахсини тасдиқловчи ҳужжат: ким томонидан берилган / рақами /берилган санаси / амал қилиш муддати Ўзбекистон Республикаси Президентининг 20__ йил _________даги ПФ-____-сонли Фармонига мувофиқ унга Ўзбекистон Республикасида сиёсий бошпана берилди. Сиёсий бошпана унинг фарзандларига (васийлик ёки ҳомийлик белгиланган шахсларга) ҳам берилди: Т/р Фамилияси, исми, отасининг исми Туғилган санаси Қариндошлик даражаси Шахсини тасдиқловчи ҳужжати Ким томонидан берилган / рақами / берилган санаси / амал қилиш муддати Мазкур гувоҳнома Ўзбекистон Республикасида идентификацияловчи ID-картани расмийлаштириш учун асос ҳисобланади. Гувоҳнома берилган: __________________________________________________________________________ (ЎзР ИИВ М ва ФРББ нинг ҳудудий органи номи) Берилган вақти: _______________________ ________________________________________________ ___________ ______________________________ ЎзР ИИВ М ва ФРББ нинг ҳудудий органи раҳбари лавозими, махсус унвони) (имзо) (Ф.И.Ш.)
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 29 май,
ПФ-5060-сон
Oʻzbekiston Respublikasi Prezidentining
Farmoni
NIZOM
Oʻzbekiston Respublikasida siyosiy boshpana berish tartibi toʻgʻrisidagi nizomni tasdiqlash toʻgʻrisida
Xalqaro huquqning umumeʼtirof etilgan tamoyillari va normalariga amal qilgan holda, shuningdek Oʻzbekiston Respublikasi Konstitutsiyasining 109-moddasi 22-bandiga muvofiq:
1. Oʻzbekiston Respublikasida siyosiy boshpana berish tartibi toʻgʻrisidagi nizom ilovaga muvofiq tasdiqlansin.
2. Ichki ishlar vazirligi Moliya vazirligi va Oʻzbekiston Respublikasi Vazirlar Mahkamasi huzuridagi Davlat personallashtirish markazi bilan birgalikda ikki oy muddatda Oʻzbekiston Respublikasida siyosiy boshpana berish uchun murojaat qilgan chet el fuqarolari va fuqaroligi boʻlmagan shaxslarning biometrik maʼlumotlar bazasini shakllantirish boʻyicha belgilangan tartibda taklifni kiritsin.
3. Mazkur Farmonning ijrosini nazorat qilish Oʻzbekiston Respublikasi Prezidentining Davlat maslahatchisi O.B. Murodov zimmasiga yuklansin.
Oʻzbekiston Respublikasi Prezidentining 2017-yil 29-maydagi PF-5060-sonli Farmoniga ILOVA
Oʻzbekiston Respublikasida siyosiy boshpana berish tartibi toʻgʻrisidagi
1-bob. Umumiy qoidalar
1. Oʻzbekiston Respublikasida siyosiy boshpana chet el fuqarolari va fuqaroligi boʻlmagan shaxslarga (keyingi oʻrinlarda — shaxslar) Oʻzbekiston Respublikasi milliy manfaatlarini inobatga olgan holda, xalqaro huquqning umumeʼtirof etilgan tamoyillari va normalariga asosan, Oʻzbekiston Respublikasining Konstitutsiyasi, qonunlari va boshqa normativ-huquqiy hujjatlari hamda ushbu Nizomga muvofiq beriladi.
2. Oʻzbekiston Respublikasida siyosiy boshpana oʻzining fuqaroligi boʻyicha mansub davlatda yoki doimiy yashash joyida ijtimoiy-siyosiy faoliyati, diniy eʼtiqodi, irqiy yoki milliy mansubligi uchun taʼqib qilinayotgan yoki taʼqib qilishning jabrlanuvchisi boʻlishiga real tahdiddan, shuningdek xalqaro huquq normalarida nazarda tutilgan inson huquqlari buzilishining boshqa holatlaridan boshpana va himoya izlayotgan shaxslarga va ularning oila aʼzolariga beriladi.
3. Oʻzbekiston Respublikasida siyosiy boshpana berilgan shaxs va uning oila aʼzolari Oʻzbekiston Respublikasi hududida Oʻzbekiston Respublikasining qonun hujjatlari va xalqaro shartnomalarida belgilangan Oʻzbekiston Respublikasida doimiy yashayotgan chet el fuqarolari va fuqaroligi boʻlmagan shaxslarning huquq va erkinliklardan foydalanadi hamda majburiyatlarga ega boʻladi.
4. Agar shaxs:
Oʻzbekiston Respublikasida jinoyat deb tan olinadigan harakat (harakatsizlik) uchun taqib qilinayotgan boʻlsa yoki Birlashgan Millatlar Tashkilotining asosiy maqsad va prinsiplariga zid harakatlar sodir etishda aybdor boʻlsa;
ayblanuvchi sifatida ishda ishtirok etishga jalb qilingan yoki unga nisbatan qonuniy kuchga kirgan va Oʻzbekiston Respublikasida ijro etilishi lozim boʻlgan sudning ayblov hukmi mavjud boʻlsa;
taʼqib qilinish xavfi boʻlmagan uchinchi davlatdan kelgan boʻlsa;
u taʼqib qilinmayotgan uchinchi davlatning fuqaroligiga ega boʻlsa;
bila turib yolgʻon maʼlumotlar bergan boʻlsa;
iqtisodiy, ekologik yoki ijtimoiy sabablarga koʻra, shuningdek tabiiy va texnogen xususiyatdagi favqulodda vaziyatlar munosabati bilan fuqaroligi boʻyicha mansub davlatga yoki doimiy yashaydigan davlatiga qaytish imkoniyatiga ega boʻlmasa yoki qaytishni xohlamasa Oʻzbekiston Respublikasida siyosiy boshpana berilmaydi.
2-bob. Oʻzbekiston Respublikasida siyosiy boshpana berish toʻgʻrisidagi iltimosnomani rasmiylashtirish va koʻrib chiqish tartibi
5. Siyosiy boshpana qidirayotgan shaxs turgan joyi boʻyicha roʻyxatdan oʻtkazilgandan keyin yoxud ushbu shaxsga fuqaroligi boʻyicha mansub davlatga yoki doimiy yashaydigan davlatga qaytish imkoniyatini bermaydigan holatlar vujudga kelgan paytdan boshlab yetti kun ichida oʻzi turgan joy boʻyicha hududiy ichki ishlar organlariga Oʻzbekiston Respublikasining Prezidenti nomiga Ichki ishlar vaziri tomonidan tasdiqlanadigan shaklda yozma iltimosnoma bilan shaxsan murojaat qilishi kerak.
Oʻn sakkiz yoshga toʻlmagan shaxsga Oʻzbekiston Respublikasida siyosiy boshpana berish toʻgʻrisidagi iltimosnoma (keyingi oʻrinlarda — iltimosnoma) tugʻilganlik toʻgʻrisidagi guvohnoma nusxasi bilan birgalikda uning ota-onasi yoki boshqa qonuniy vakillari tomonidan beriladi. Oʻn toʻrt yoshdan oʻn sakkiz yoshgacha boʻlgan voyaga yetmaganlarga ota-onasi yoki boshqa qonuniy vakillari iltimosnomasiga ularning notarial tasdiqlangan yozma roziligi ham ilova qilinishi lozim.
6. Iltimosnomada ushbu Nizomning 2-bandida koʻrsatilgan holatlar bayon etilishi lozim.
Iltimosnomaga:
anketa-ariza — 2 ta nusxada;
tarjimai hol — 2 ta nusxada;
3,5x4,5 oʻlchamli 4 ta fotosurat;
Oʻzbekiston Respublikasining tibbiy muassasalaridan olingan tibbiy maʼlumotnoma;
shaxsni tasdiqlovchi hujjatning nusxasi ilova qilinadi.
Iltimosnomaga ushbu masalaga taalluqli boʻlgan boshqa hujjatlar ham ilova qilinishi mumkin.
7. Iltimosnoma, anketa-ariza hamda tarjimai holning barcha nusxalari iltimosnoma beruvchi shaxs tomonidan ular tuzilgan sana koʻrsatilgan holda imzolangan boʻlishi lozim. Agar shaxs oʻzining jismoniy nuqsonlari, kasalligi yoki savodsizligi tufayli iltimosnomani imzolay olmasa, iltimosnoma boshqa shaxs tomonidan imzolanishi mumkin, bu haqda ichki ishlar organlari tomonidan iltimosnomada iltimosnoma beruvchi uni oʻz qoʻli bilan imzolay olmaganligi sabablari koʻrsatilgan tegishli belgi kiritiladi.
8. Iltimosnoma ushbu Nizomda nazarda tutilgan barcha hujjatlarning iltimosnoma beruvchi shaxs tomonidan taqdim qilingan paytdan boshlab ijroga qabul qilingan hisoblanadi.
Iltimosnomani koʻrib chiqish uchun yetarli asoslar mavjud boʻlganda, hududiy ichki ishlar organlari tomonidan 2 nusxada ish jildi ochiladi, ular barcha zarur hujjatlar bilan birgalikda Oʻzbekiston Respublikasi Ichki ishlar vazirligiga yuboriladi.
9. Ushbu Nizomning 4-bandida koʻrsatilgan asoslar mavjud boʻlganda Oʻzbekiston Respublikasida siyosiy boshpana berish toʻgʻrisidagi iltimosnoma koʻrib chiqish uchun qabul qilinmaydi.
10. Iltimosnoma koʻrib chiqilishi davrida murojaat etgan shaxsga 1-ilovaga muvofiq shakldagi maʼlumotnoma beriladi. Iltimosnoma boʻyicha qaror qabul qilinganidan soʻng maʼlumotnoma uni bergan organ tomonidan olib qoʻyiladi.
Maʼlumotnomani rasmiylashtirishda hududiy ichki ishlar organlari tomonidan iltimosnoma beruvchining qoʻl barmoq izlari va raqamli surati chet el fuqarolari va fuqaroligi boʻlmagan shaxslar biometrik maʼlumotlar bazasiga kiritish uchun olinadi.
Maʼlumotnoma olgan shaxs maqomi boʻyicha tegishli ravishda Oʻzbekiston Respublikasida turgan joyi boʻyicha roʻyxatdan oʻtgan chet el fuqarolari yoki fuqaroligi boʻlmagan shaxslarga tenglashtiriladi.
11. Iltimosnoma beruvchi shaxs Oʻzbekiston Respublikasida siyosiy boshpana berish toʻgʻrisidagi masala hal qilingunga qadar bir oyda kamida ikki marta (har ikki haftada 1-martalik davriylikda) hududiy ichki ishlar organlarida qayd qilinib boriladi. Mazkur tartibga rioya etilmagan taqdirda hududiy ichki ishlar organlari holatlarga aniqlik kiritilguniga qadar materiallar rasmiylashtirilishini toʻxtatib turadi.
12. Oʻzbekiston Respublikasi Ichki ishlar vazirligi kelib tushgan iltimosnomani koʻrib chiqishda Oʻzbekiston Respublikasi Tashqi ishlar vazirligi hamda Davlat xavfsizlik xizmati xulosalarini oladi, shundan soʻng barcha materiallarni shaxsga Oʻzbekiston Respublikasida siyosiy boshpana berish masalasi boʻyicha oʻzining xulosasi bilan birga Oʻzbekiston Respublikasi Prezidenti huzuridagi Fuqarolik masalalari boʻyicha komissiyaga yuboradi.
13. Oʻzbekiston Respublikasi Ichki ishlar vazirligi, Tashqi ishlar vazirligi hamda Davlat xavfsizlik xizmatida iltimosnomani koʻrib chiqishning umumiy muddati bir yildan oshmasligi lozim.
Iltimosnomani qoʻrib chiqish jarayonida ushbu Nizomning 4-bandida keltirilgan asoslar mavjudligi aniqlanganda Oʻzbekiston Respublikasi Ichki ishlar vazirligi iltimosnomani koʻrib chiqish maqsadga muvofiq emasligi toʻgʻrisida xulosa tayyorlaydi va bu haqda iltimosnoma bergan shaxsga qaror qabul qilinganidan keyin yetti kun ichida xabar beradi.
14. Iltimosnoma koʻrib chiqilganligi uchun yigʻim undirilmaydi.
15. Oʻzbekiston Respublikasi Prezidenti huzuridagi Fuqarolik masalalari boʻyicha komissiya materiallarni koʻrib chiqadi va qaror qabul qilishi uchun Oʻzbekiston Respublikasi Prezidentiga taklif kiritadi.
16. Oʻzbekiston Respublikasida siyosiy boshpana Oʻzbekiston Respublikasi Prezidentining farmoni bilan beriladi.
17. Iltimosnoma rad etilgan taqdirda shaxsga qabul qilingan qaror haqida xabar beriladi va uni Oʻzbekiston Respublikasida boʻlishi chet el fuqarolari va fuqaroligi boʻlmagan shaxslarning Oʻzbekiston Respublikasida boʻlishi toʻgʻrisidagi qonun hujjatlari bilan tartibga solinadi.
Siyosiy boshpana berish toʻgʻrisidagi iltimosnomasi rad qilingan shaxs iltimosnoma rad qilingan paytdan boshlab bir yildan keyin takroran murojaat etish huquqiga ega.
3-bob. Oʻzbekiston Respublikasi Prezidentining Oʻzbekiston Respublikasida siyosiy boshpana berish toʻgʻrisidagi farmonlarini ijro etish tartibi
18. Oʻzbekiston Respublikasi Prezidentining Oʻzbekiston Respublikasida siyosiy boshpana berish toʻgʻrisidagi farmoni imzolangan kundan kuchga kiradi.
19. Oʻzbekiston Respublikasi Prezidentining farmoni qabul qilingan kundan boshlab yetti kunlik muddat ichida Oʻzbekiston Respublikasi Ichki ishlar vazirligi hududiy ichki ishlar organlari orqali iltimosnoma beruvchi shaxsni qabul qilingan qaror haqida xabardor qiladi.
20. Oʻzbekiston Respublikasida siyosiy boshpana berilgan shaxsga, shuningdek uning oila aʼzolariga Oʻzbekiston Respublikasi Ichki ishlar vazirligi tomonidan shaxsning iltimosnoma bilan murojaat qilgan hududiy ichki ishlar organlari orqali 2-ilovaga muvofiq shakldagi guvohnoma beriladi.
21. Hududiy ichki ishlar organi Oʻzbekiston Respublikasida siyosiy boshpana berilganligi toʻgʻrisidagi guvohnoma asosida mazkur Nizomning 20-bandida koʻrsatilgan shaxsga 5 yilgacha boʻlgan muddatga identifikatsiyalovchi ID-kartani rasmiylashtiradi.
22. Oʻzbekiston Respublikasi Ichki ishlar vazirligi Oʻzbekiston Respublikasi Prezidenti huzuridagi Fuqarolik masalalari boʻyicha komissiyani yiliga 2-marta yarim yillik yakuni boʻyicha Oʻzbekiston Respublikasi Prezidentining Oʻzbekiston Respublikasida siyosiy boshpana berish toʻgʻrisidagi farmonlarining ijrosi yuzasidan xabardor qilib boradi.
4-bob. Oʻzbekiston Respublikasida siyosiy boshpanani yoʻqotish asoslari va rasmiylashtirish tartibi
23. Oʻzbekiston Respublikasida siyosiy boshpana berilgan shaxs quyidagi hollarda berilgan siyosiy boshpanani yoʻqotadi:
fuqaroligi boʻyicha mansub davlatga yoki doimiy yashaydigan davlatga oʻz ixtiyori bilan qaytganda;
boshqa davlatga doimiy yashash uchun chiqishda;
Oʻzbekiston Respublikasi hududida siyosiy boshpanadan oʻz ixtiyori bilan voz kechganda;
Oʻzbekiston Respublikasining yoki boshqa davlatning fuqaroligini olganda.
24. Shaxsga Oʻzbekiston Respublikasida berilgan siyosiy boshpana milliy xavfsizlik nuqtai nazaridan, shuningdek agar, shaxs Birlashgan Millatlar Tashkilotining asosiy maqsad va tamoyillariga zid keluvchi faoliyat bilan shugʻullanayotgan boʻlsa yoxud u jinoyat sodir etgan va unga nisbatan sudning qonuniy kuchga kirgan va ijro etilishi shart boʻlgan ayblov hukmi mavjud boʻlsa, yoʻqotilishi mumkin.
Shaxsning Oʻzbekiston Respublikasida berilgan siyosiy boshpanasi Oʻzbekiston Respublikasi Prezidenti huzuridagi Fuqarolik masalalari boʻyicha komissiyasi taklifi boʻyicha Oʻzbekiston Respublikasi Prezidentining tegishli farmoni imzolangan kundan boshlab yoʻqotiladi.
Oʻzbekiston Respublikasi Prezidentining farmoni Oʻzbekiston Respublikasida siyosiy boshpanani yoʻqotgan shaxs eʼtiboriga yetkaziladi.
5-bob. Yakuniy qoida
25. Mazkur Nizom talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladilar.
Oʻzbekiston Respublikasida siyosiy boshpana berish tartibi toʻgʻrisidagi nizomga 1-ILOVA
Oʻzbekiston Respublikasida siyosiy boshpana berish tartibi toʻgʻrisidagi nizomga 2-ILOVA
(OʻzR IIV M va FRBB ning hududiy organining shtampi) Foto-surat 3,5 x 4,5 M.Oʻ. Chet el fuqarosi yoki fuqaroligi boʻlmagan shaxsga Oʻzbekiston Respublikasida siyosiy boshpana berish toʻgʻrisida GUVOHNOMA № ___________ Familiyasi: Ismi: Otasining ismi: Tugʻilgan yili: Tugʻilgan joyi: Fuqaroligi: Shaxsini tasdiqlovchi hujjat: kim tomonidan berilgan / raqami /berilgan sanasi / amal qilish muddati Oʻzbekiston Respublikasi Prezidentining 20__ yil _________dagi PF-____-sonli Farmoniga muvofiq unga Oʻzbekiston Respublikasida siyosiy boshpana berildi. Siyosiy boshpana uning farzandlariga (vasiylik yoki homiylik belgilangan shaxslarga) ham berildi: T/r Familiyasi, ismi, otasining ismi Tugʻilgan sanasi Qarindoshlik darajasi Shaxsini tasdiqlovchi hujjati Kim tomonidan berilgan / raqami / berilgan sanasi / amal qilish muddati Mazkur guvohnoma Oʻzbekiston Respublikasida identifikatsiyalovchi ID-kartani rasmiylashtirish uchun asos hisoblanadi. Guvohnoma berilgan: __________________________________________________________________________ (OʻzR IIV M va FRBB ning hududiy organi nomi) Berilgan vaqti: _______________________ ________________________________________________ ___________ ______________________________ OʻzR IIV M va FRBB ning hududiy organi rahbari lavozimi, maxsus unvoni) (imzo) (F.I.Sh.)
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 29-may,
PF-5060-son
Президента Республики Узбекистан
Указ
ПОЛОЖЕНИЕ
Об утверждении Положения о порядке предоставления политического убежища в Республике Узбекистан
Руководствуясь общепризнанными принципами и нормами международного права, а также в соответствии с пунктом 22 статьи 109 Конституции Республики Узбекистан:
1. Утвердить Положение о порядке предоставления политического убежища в Республике Узбекистан согласно приложению.
2. Министерству внутренних дел совместно с Министерством финансов и Государственным центром персонализации при Кабинете Министров Республики Узбекистан в двухмесячный срок внести в установленном порядке предложение по формированию биометрических баз данных иностранных граждан и лиц без гражданства, обратившихся за предоставлением политического убежища в Республике Узбекистан.
3. Контроль за исполнением настоящего Указа возложить на Государственного советника Президента Республики Узбекистан О.Б. Муродова.
ПРИЛОЖЕНИЕ к Указу Президента Республики Узбекистан от 29 мая 2017 года № УП-5060
о порядке предоставления политического убежища в Республике Узбекистан
Глава 1. Общие положения
1. Политическое убежище в Республике Узбекистан предоставляется иностранным гражданам и лицам без гражданства (далее — лица) с учетом национальных интересов Республики Узбекистан на основании общепризнанных принципов и норм международного права, в соответствии с Конституцией , законами и иными нормативно-правовыми актами Республики Узбекистан и настоящим Положением.
2. Политическое убежище в Республике Узбекистан предоставляется лицам и членам их семей, ищущим убежище и защиту от преследования или реальной угрозы стать жертвой преследования в стране своей гражданской принадлежности или постоянного местожительства за общественно-политическую деятельность, религиозные убеждения, расовую или национальную принадлежность, а также других случаев нарушений прав человека, которые предусмотрены нормами международного права.
3. Лицо, которому предоставлено политическое убежище в Республике Узбекистан, и члены его семьи пользуются на территории Республики Узбекистан правами и свободами, а также несут обязанности, установленные законодательством или международными договорами Республики Узбекистан для иностранных граждан и лиц без гражданства, постоянно проживающих в Республике Узбекистан.
4. Политическое убежище в Республике Узбекистан не предоставляется, если лицо:
преследуется за действия (бездействие), признаваемые в Республике Узбекистан преступлением, или виновно в совершении действий, противоречащих основополагающим целям и принципам Организации Объединенных Наций;
привлечено в качестве обвиняемого по уголовному делу либо в отношении него имеется вступивший в законную силу и подлежащий исполнению на территории Республики Узбекистан обвинительный приговор суда;
прибыло из третьей страны, где ему не грозило преследование;
имеет гражданство третьей страны, где оно не преследуется;
представило заведомо ложные сведения;
не может или не желает вернуться в страну своей гражданской принадлежности или страну своего постоянного местожительства по экономическим, экологическим или социальным причинам, а также в связи с чрезвычайными ситуациями природного и техногенного характера.
Глава 2. Порядок оформления и рассмотрения ходатайства о предоставлении политического убежища в Республике Узбекистан
5. Лицо, ищущее политическое убежище, в течение семи дней после оформления регистрации по месту пребывания либо с момента возникновения обстоятельств, не позволяющих этому лицу вернуться в страну своей гражданской принадлежности или постоянного местожительства, должно лично обратиться в территориальный орган внутренних дел по месту своего пребывания с письменным ходатайством на имя Президента Республики Узбекистан по форме, утверждаемой министром внутренних дел Республики Узбекистан.
Ходатайство о предоставлении политического убежища в Республике Узбекистан (далее — ходатайство) лицу, не достигшему восемнадцати лет, подается его родителями или иными законными представителями вместе с копией свидетельства о рождении. Несовершеннолетним в возрасте от четырнадцати до восемнадцати лет к ходатайству родителей или иных законных представителей необходимо приложить также их нотариально удостоверенное письменное согласие.
6. В ходатайстве должны быть изложены обстоятельства, указанные в пункте 2 настоящего Положения.
К ходатайству прилагаются:
анкета-заявление в 2-х экземплярах;
автобиография в 2-х экземплярах;
4 фотографии размера 3,5х4,5;
справка о состоянии здоровья, полученная в медицинских учреждениях Республики Узбекистан;
копия документа, удостоверяющего личность.
К ходатайству также могут быть приложены другие документы, имеющие отношение к данному вопросу.
7. Ходатайство и все экземпляры анкеты-заявления и автобиографии должны быть подписаны ходатайствующим лицом с указанием даты их составления. Если лицо не может подписать ходатайство в силу физических недостатков, болезни или неграмотности, ходатайство по его просьбе может быть подписано другим лицом, о чем органом внутренних дел делается соответствующая отметка на ходатайстве с указанием причин, в силу которых ходатайствующий не мог подписать его собственноручно.
8. Ходатайство считается принятым к исполнению с момента подачи ходатайствующим лицом всех документов, предусмотренных настоящим Положением.
При наличии достаточных оснований для рассмотрения ходатайства, территориальным органом внутренних дел заводится дело в 2-х экземплярах, которые вместе со всеми необходимыми документами направляются в Министерство внутренних дел Республики Узбекистан.
9. Не принимается к рассмотрению ходатайство о предоставлении политического убежища в Республике Узбекистан при наличии оснований, указанных в пункте 4 настоящего Положения.
10. На период рассмотрения ходатайства обратившемуся лицу выдается справка по форме согласно приложению № 1 . После принятия решения по ходатайству справка изымается органом, ее выдавшим.
При оформлении справки территориальным органом внутренних дел принимаются отпечатки пальцев рук и цифровое фото ходатайствующего лица для включения в биометрическую базу данных иностранных граждан и лиц без гражданства.
Лицо, получившее справку, по статусу приравнивается соответственно к иностранному гражданину или лицу без гражданства, зарегистрированному по месту пребывания в Республике Узбекистан.
11. Ходатайствующее лицо до решения вопроса о предоставлении политического убежища в Республике Узбекистан не реже двух раз в месяц (с периодичностью 1 раз в две недели) отмечается в территориальном органе внутренних дел. В случае несоблюдения данного порядка территориальный орган внутренних дел приостанавливает оформление материалов до выяснения обстоятельств.
12. Министерство внутренних дел Республики Узбекистан при рассмотрении поступившего ходатайства запрашивает заключения Министерства иностранных дел и Службы государственной безопасности Республики Узбекистан, после чего направляет все материалы в Комиссию по вопросам гражданства при Президенте Республики Узбекистан со своим заключением по вопросу предоставления лицу политического убежища в Республике Узбекистан.
13. Общий срок рассмотрения ходатайства в Министерстве внутренних дел, Министерстве иностранных дел и Службе государственной безопасности Республики Узбекистан не должен превышать одного года.
В случае выявления в процессе рассмотрения ходатайства оснований, изложенных в пункте 4 настоящего Положения, Министерство внутренних дел Республики Узбекистан готовит заключение о нецелесообразности дальнейшего рассмотрения ходатайства, о чем сообщает ходатайствующему лицу в течение семи дней после принятия решения.
14. За рассмотрение ходатайства сбор не взимается.
15. Комиссия по вопросам гражданства при Президенте Республики Узбекистан рассматривает материалы и вносит предложения Президенту Республики Узбекистан для принятия им решения.
16. Политическое убежище в Республике Узбекистан предоставляется Указом Президента Республики Узбекистан.
17. В случае отклонения ходатайства лицу сообщается о принятом решении и его дальнейшее пребывание регулируется законодательством Республики Узбекистан о пребывании иностранных граждан и лиц без гражданства на территории Республики Узбекистан.
Лицо, при отклонении его ходатайства о предоставлении политического убежища, имеет право на повторное обращение спустя год после отклонения ходатайства.
Глава 3. Порядок исполнения указов Президента Республики Узбекистан о предоставлении политического убежища в Республике Узбекистан
18. Указ Президента Республики Узбекистан о предоставлении политического убежища в Республике Узбекистан вступает в силу со дня его подписания.
19. Министерство внутренних дел Республики Узбекистан через территориальный орган внутренних дел в семидневный срок со дня издания указа Президента Республики Узбекистан уведомляет ходатайствующее лицо о принятом решении.
20. Лицу, которому предоставлено политическое убежище в Республике Узбекистан, а также членам его семьи Министерством внутренних дел Республики Узбекистан через территориальный орган внутренних дел по месту обращения лица с ходатайством выдается свидетельство по форме согласно приложению № 2 .
21. Территориальный орган внутренних дел на основании свидетельства о предоставлении политического убежища в Республике Узбекистан оформляет лицу, указанному в пункте 20 настоящего Положения, идентификационную ID-карту сроком до 5 лет.
22. Министерство внутренних дел Республики Узбекистан информирует Комиссию по вопросам гражданства при Президенте Республики Узбекистан об исполнении указов Президента Республики Узбекистан по вопросам предоставления политического убежища в Республике Узбекистан 2 раза в год по итогам полугодий.
Глава 4. Основания и порядок оформления утраты политического убежища в Республике Узбекистан
23. Лицо, которому предоставлено политическое убежище в Республике Узбекистан, утрачивает предоставленное политическое убежище в случаях:
добровольного возвращения в страну своей гражданской принадлежности или страну своего постоянного местожительства;
выезда на постоянное местожительство в третью страну;
добровольного отказа от политического убежища на территории Республики Узбекистан;
приобретения гражданства Республики Узбекистан или гражданства другой страны.
24. Предоставленное лицу политическое убежище в Республике Узбекистан также может быть утрачено по соображениям национальной безопасности, а также, если это лицо занимается деятельностью, противоречащей основополагающим целям и принципам Организации Объединенных Наций, либо если оно совершило преступление и в отношении него имеется вступивший в законную силу и подлежащий исполнению обвинительный приговор суда.
Предоставленное лицу политическое убежище в Республике Узбекистан утрачивается со дня подписания соответствующего Указа Президента Республики Узбекистан по предложению Комиссии по вопросам гражданства при Президенте Республики Узбекистан.
Указ Президента Республики Узбекистан доводится до сведения лица, утратившего политическое убежище в Республике Узбекистан.
Глава 5. Заключительное положение
25. Лица, виновные в нарушении требований настоящего Положения, несут ответственность в порядке, установленном законодательством.
ПРИЛОЖЕНИЕ № 1 к Положению о порядке предоставления политического убежища в Республике Узбекистан
ПРИЛОЖЕНИЕ № 2 к Положению о порядке предоставления политического убежища в Республике Узбекистан
(штамп территориального органа ГУМиОГ МВД РУ) Фото 3,5 х 4,5 М.П. СВИДЕТЕЛЬСТВО № _________ о предоставлении иностранному гражданину или лицу без гражданства политического убежища в Республике Узбекистан Фамилия: Имя: Отчество: Год рождения: Место рождения: Гражданство: Документ, удостоверяющий личность: кем выдан/номер/дата выдачи/срок действия В соответствии с Указом Президента Республики Узбекистан от _________ 20__ г. № УП–____ ему (ей) предоставлено политическое убежище в Республике Узбекистан. Политическое убежище предоставлено также его (ее) детям (лицам, в отношении которых установлена опека или попечительство): № Фамилия, имя, отчество Дата рождения Степень родства Документ, удостоверяющий личность кем выдан/номер/дата выдачи/ срок действия Данное свидетельство является основанием для оформления идентификационной ID-карты в Республике Узбекистан. Свидетельство выдано:__________________________________________________________________________ (наименование территориального органа ГУМиОГ МВД РУ) Дата выдачи: _________________________ ________________________________________________ ___________ ______________________________ (должность, специальное звание руководителя территориального органа ГУМиОГ МВД РУ) (подпись) (Ф.И.О.)
Президент Республики Узбекистан Ш. МИРЗИЁЕВ
г. Ташкент,
29 мая 2017 г.,
№ УП-5060