📅 2017-yil 1-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 1 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июня 2017 г. · Постановления Президента
Официальный текст. Официальный документ. Редакционные примечания не включены.
📅 1 June 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАШКИЛИЙ ТУЗИЛМАСИ
СХЕМАСИ
ТУЗИЛМАСИ
НАМУНАВИЙ ТУЗИЛМАСИ
ТАРКИБИ
Ёнғоқ ишлаб чиқарувчилар ва экспорт қилувчилар уюшмасини тузиш ва унинг фаолиятини ташкил этиш тўғрисида
Лалми ерлардан фойдаланишни рағбатлантириш ва самарадорлигини янада ошириш, ички ва ташқи бозорларда рақобатдош бўлган ёнғоқ ишлаб чиқариш ҳажмини кўпайтириш, хорижий инвестицияларни кенг жалб қилиш ҳисобига замонавий ёнғоқ плантацияларини барпо қилиш ҳамда ёнғоқ етиштириш бўйича илмий асосланган усуллар ва интенсив технологияларни кенг жорий этиш мақсадида:
1. Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Молия вазирлиги, Ўрмон хўжалиги давлат қўмитаси, «Sag agro» ва «Sam antep gilam» масъулияти чекланган жамиятларининг:
Ёнғоқ ишлаб чиқарувчилар ва экспорт қилувчилар уюшмасини (кейинги ўринларда Уюшма деб аталади);
Уюшма таркибида масъулияти чекланган жамият шаклида Ёнғоқчилик илмий-тадқиқот маркази, Ёнғоқ логистика маркази, «Sag agro МТП» МЧЖ, Жиззах, Қашқадарё, Сурхондарё, Наманган ва Тошкент вилоятларида ҳудудий «Ёнғоқагро» МЧЖ ташкил этиш тўғрисидаги таклифига розилик берилсин.
2. Қуйидагилар Уюшманинг асосий вазифалари ва фаолият йўналишлари этиб белгилансин:
маҳаллий табиий-иқлим шароитларига мослаштирилган ёнғоқнинг серҳосил замонавий плантацияларини яратиш, шунингдек, ёнғоқ етиштиришнинг илмий асосланган усулларини ва ресурсларни тежовчи технологияларни кенг жорий этиш бўйича қабул қилинган дастурларнинг амалга оширилишини мувофиқлаштириш;
республика ҳудудларида ёнғоқ ишлаб чиқариш ҳажмини кўпайтириш чораларини кўриш, маҳсулотни сотиш бозорларини кенгайтириш мақсадида маркетинг тадқиқотларини олиб бориш, экспорт ҳажмини кўпайтириш бўйича таклифлар ишлаб чиқиш;
республика ҳудудларининг табиий-иқлим шароитларига мос келишлигини инобатга олган ҳолда, ёнғоқнинг серҳосил ниҳолларини лаборатория шароитларида етиштиришни ташкил этиш;
ишлаб чиқилган инновациявий технологияларни ёнғоқ етиштириш жараёнига жорий қилиш учун илмий-тадқиқот ишларини олиб бориш;
ёнғоқ кўчатларини парвариш қилишга жалб этиладиган агрономларни ёнғоқ плантацияларида агротехник тадбирларни тўғри ўтказиш бўйича ўқитиш учун махсус тайёрлов курсларини ташкил этиш;
Уюшма таркибига кирувчи ташкилотларга норматив-ҳуқуқий базани такомиллаштириш бўйича таклифлар ишлаб чиқиш, имтиёз ва преференциялар бериш, хорижий инвестицияларни, жумладан, халқаро молия институтларининг маблағларини жалб қилиш йўли билан давлат кўмагини олишда ҳар томонлама кўмаклашиш.
3. Маълумот учун қабул қилинсинки:
«Sag agro» МЧЖ ва «Sam antep gilam» МЧЖ, «Ёнғоқчилик илмий-тадқиқот маркази» МЧЖ, «Ёнғоқ логистика маркази» МЧЖ, «Sag agro МТП» МЧЖ, шунингдек, ҳудудий «Ёнғоқагро» масъулияти чекланган жамиятлари Ёнғоқ ишлаб чиқарувчилар ва экспорт қилувчилар уюшмасининг муассислари ҳисобланади;
«Ёнғоқчилик илмий-тадқиқот маркази» МЧЖ ёнғоқни маҳаллий иқлимга мослаштириш ва районлаштириш, серҳосил, тез пишар, қурғоқчиликка чидамли ва вируссиз навлари бўйича илмий-тадқиқот ишларини амалга оширади;
«Ёнғоқ логистика маркази» МЧЖ ёнғоқ маҳсулотларини қайта ишлаш ва сақлаш бўйича хизматлар кўрсатишга, шунингдек, экспорт қилинадиган маҳсулотларни тайёрлаш ва божхона ҳужжатлари расмийлаштирувини таъминлашга ихтисослашади;
ташкилотлар Уюшмага эркин аъзо бўлиш ҳамда унинг таркибидан чиқиш ҳуқуқига эгадир;
Уюшма фаолиятини молиялаштириш унинг таркибига кирувчи ташкилотларнинг ихтиёрий ажратмалари ҳамда қонун ҳужжатларида тақиқланмаган бошқа маблағлар ҳисобига амалга оширилади.
4. Қуйидагилар:
Ёнғоқ ишлаб чиқарувчилар ва экспорт қилувчилар уюшмасининг ташкилий тузилмаси ва унинг таркибига кирувчи ташкилотлар ўртасидаги ўзаро муносабатлар схемаси 1 ва 1а-иловаларга ;
бошқарув ходимларининг умумий чекланган сони 20 нафар бўлган ижро этувчи аппарати тузилмаси 2-иловага ;
ҳудудий «Ёнғоқагро» масъулияти чекланган жамиятларининг намунавий тузилмалари 3-иловага мувофиқ маъқуллансин.
5. Белгилаб қўйилсинки, Уюшма раиси ва унинг ўринбосарлари муассисларнинг умумий йиғилиши қарори билан сайланади ва Ўзбекистон Республикаси Вазирлар Маҳкамаси томонидан лавозимга тасдиқланади;
6. Ёнғоқ ишлаб чиқарувчилар ва экспорт қилувчилар уюшмасини ҳамда ҳудудий «Ёнғоқагро» масъулияти чекланган жамиятларини ташкил этиш билан боғлиқ ташкилий тадбирларни мувофиқлаштириш ва уларни амалга оширишга кўмаклашиш бўйича 4-иловага мувофиқ таркибда Ишчи гуруҳ (кейинги ўринларда Ишчи гуруҳ деб аталади) тузилсин.
Ишчи гуруҳи (З.Т. Мирзаев) бир ой муддатда:
Ёнғоқ ишлаб чиқарувчилар ва экспорт қилувчилар уюшмаси ҳамда ҳудудий «Ёнғоқагро» масъулияти чекланган жамиятлари белгиланган тартибда ташкил этилишини;
Ёнғоқ ишлаб чиқарувчилар ва экспорт қилувчилар уюшмаси Уставининг тасдиқланишини ва давлат рўйхатидан ўтказилишини;
Ёнғоқ ишлаб чиқарувчилар ва экспорт қилувчилар уюшмаси ижро аппарати тасдиқланган тузилмага ва штатлар жадвалига мувофиқ пухта танлаш асосида юқори малакали мутахассислар билан тўлдирилишини таъминласин.
7. Ишчи гуруҳ (З.Т. Мирзаев) Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Молия вазирлиги, Ўрмон хўжалиги давлат қўмитаси билан биргаликда уч ой муддатда 2017 — 2021 йилларда ёнғоқ етиштириш ҳажмини янада кўпайтириш бўйича чора-тадбирлар Дастури лойиҳасини ишлаб чиқсин ҳамда Вазирлар Маҳкамасига тасдиқлаш учун киритсин, Дастурда қуйидагилар:
биринчи босқичда (2017 — 2019 йиллар) — ёнғоқ кўчатларини республикага олиб келиш;
иккинчи босқичда (2018-2019 йиллар) — ёнғоқни пайвандлаш учун пайвандтагларни келтириш;
учинчи босқичда (2020 йил) — лаборатория шароитида ёнғоқнинг тегишли минтақа табиий-иқлим шароитларига мос юқори ҳосилдор навларини ишлаб чиқариш;
тўртинчи босқичда (2018 — 2020 йиллар) — ёнғоқ етиштириш ва уни ички ҳамда ташқи бозорда сотишни йўлга қўйиш назарда тутилсин.
8. Ўзбекистон Республикаси Қишлоқ ва сув хўжалиги вазирлиги, Андижон, Қашқадарё, Жиззах, Наманган, Самарқанд, Сурхондарё, Тошкент ва Фарғона вилоятлари ҳокимликлари, Ёнғоқ ишлаб чиқарувчилар ва экспорт қилувчилар уюшмаси икки ой муддатда:
Ер ресурслари, геодезия, картография ва давлат кадастри давлат қўмитаси, Давлат геология ва минерал ресурслар қўмитаси, Тупроқшунослик ва агрокимё илмий-тадқиқот институти, хорижий мутахассислар билан биргаликда табиий-иқлим шароитлари ва тупроқ таркиби бўйича ёнғоқ кўчатларини экиш учун қулай, умумий майдони 10 минг гектаргача бўлган ер участкалари танланишини;
ёнғоқ плантацияларини барпо этиш бўйича лойиҳа ташаббускорлари — тадбиркорлик субъектлари танлаб олинишини таъминласинлар.
9. Ўзбекистон Республикаси Қишлоқ ва сув хўжалиги вазирлиги Қишлоқ хўжалиги корхоналарини таркибий қайта тузиш агентлиги, Ўзбекистон Республикаси Ташқи иқтисодий фаолият Миллий банки билан биргаликда икки ой муддатда ёнғоқ плантацияларини барпо этиш бўйича лойиҳаларни, шу жумладан, халқаро молия институтларининг имтиёзли кредитларини жалб қилиш ҳисобига, босқичма-босқич молиялаштириш манбаларини аниқласин ва 50,0 млн АҚШ долларигача бўлган миқдорда кредит маблағлари ажратилишини таъминласин.
10. Ёнғоқ плантацияларини барпо этиш бўйича лойиҳаларни амалга ошириш доирасида Уюшма таркибига кирувчи ташкилотлар томонидан четдан олиб келинадиган Ўзбекистон Республикасида ишлаб чиқарилмайдиган томчилатиб суғориш ускуналари, махсус қишлоқ хўжалиги техникалари, ёнғоқ кўчатлари, пайвандтаглари, пайвандустлари, оналик материаллари, белгиланган тартибда тасдиқланадиган рўйхат асосида, божхона тўловларидан (божхона йиғимлари бундан мустасно) 2020 йилнинг 1 январигача бўлган муддатга озод этилсин.
11. Ўзбекистон Республикаси Ташқи ишлар вазирлиги Уюшманинг талабномаларига асосан ёнғоқ плантацияларини барпо этиш лойиҳаларини амалга ошириш доирасида жалб этиладиган хорижий мутахассисларга консуллик йиғимлари ва бошқа йиғимлар ундирилмасдан кириш визалари расмийлаштирилишини таъминласин.
12. Ўзбекистон Республикаси Ички ишлар вазирлиги Уюшманинг талабномаларига асосан ёнғоқ плантацияларини барпо этиш лойиҳаларини амалга ошириш доирасида жалб қилинаётган хорижий мутахассисларга давлат божи ундирилмасдан кўп марталик визалар берилишини ва уларнинг муддати узайтирилишини, шунингдек, уларнинг турган жойи бўйича рўйхатдан ўтказилишини ва унинг муддати узайтирилишини таъминласин.
13. Ўзбекистон Республикаси Бандлик ва меҳнат муносабатлари вазирлиги Уюшманинг талабномалари бўйича ёнғоқ плантацияларини барпо этиш лойиҳаларини амалга ошириш учун юқори малакали хорижий (Ўзбекистон Республикаси фуқаролари орасида мавжуд бўлмаган) мутахассисларни республикага жалб қилишга рухсатномалар берилишини (муддати узайтирилишини) ҳамда қайд этилган хорижий фуқароларга Ўзбекистон Республикаси ҳудудида меҳнат фаолияти ҳуқуқига розилик берилишини (муддати узайтирилишини) таъминласин.
14. Ёнғоқ ишлаб чиқарувчилар ва экспорт қилувчилар уюшмаси Самарқанд вилояти, Самарқанд шаҳри, Катта Ўзбек тракти кўчаси, 14-уйга жойлаштирилсин.
15. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Респуликаси Президентининг 2017 йил 1 июндаги ПҚ-3025-сон қарорига 1-ИЛОВА
Ёнғоқ ишлаб чиқарувчилар ва экспорт қилувчилар уюшмасининг
Ўзбекистон Респуликаси Президентининг 2017 йил 1 июндаги ПҚ-3025-сон қарорига 1а-ИЛОВА
Ёнғоқ ишлаб чиқарувчилар ва экспорт қилувчилар уюшмаси таркибига кирувчи ташкилотлар ўртасидаги ўзаро муносабатлар
I- босқич а) кўчатлар, ёнғоқ пайвандтаглари, ускуналар, томчилатиб суғориш тизимлари ва қишлоқ хўжалиги техникаларини сотиб олиш учун кредит ресурслари ажратиш; б) кўчатлар, ёнғоқ пайвандтаглари, ускуналар, томчилатиб суғориш тизимлари ва қишлоқ хўжалиги техникалар тўлови ва сотиб олиш; II- босқич а) ёнғоқ кўчатлатларини, томчилатиб суғориш тизимларини сотиш ; б) ёнғоқ кўчатлатларини етиштириш учун «Ёнғоқчилик илмий-тадқиқот маркази» МЧЖни пайвандтаглар, агротехник хизматлар кўрсатиш учун «Sag agro МТП» МЧЖни қишлоқ хўжалиги техникаси билан таъминлаш ; III- босқич фермер ва деҳқон хўжаликларига, ҳудудий «Ёнғоқагро» МЧЖлар ва бошқаларга агротехник хизматлар кўрсатиш; IV- босқич ҳудудий «Ёнғоқагро» МЧЖлар томонидан фермер, деҳқон хўжаликлари ва аҳоли томонидан етиштирилган ёнғоқ маҳсулотларини сотишни ташкил қилиш; V- босқич маҳсулотларни (ёнғоқлар, кўчатлар)ни кейинчалик белгиланган тартибда экспорт қилиш учун Логистика марказига юклаб жўнатиш; VI- босқич « Sag agro » МЧЖ , ҳудудий «Ёнғоқагро» МЧЖлар, фермер, деҳқон хўжаликлари, аҳоли ва бошқа ташкилотлар томонидан етиштирилган маҳсулотларни (ёнғоқлар) ички бозорларда сотиш; VII- босқич маҳсулотларни ( ёнғоқлар, кўчатлар) экспорт қилиш учун белгиланган тартибда юклаб жўнатиш.
Ўзбекистон Респуликаси Президентининг 2017 йил 1 июндаги ПҚ-3025-сон қарорига 2-ИЛОВА
Ёнғоқ ишлаб чиқарувчилар ва экспорт қилувчилар уюшмасининг ижро этувчи аппарати
Ўзбекистон Респуликаси Президентининг 2017 йил 1 июндаги ПҚ-3025-сон қарорига 3-ИЛОВА
Ҳудудий «Ёнғоқагро» масъулияти чекланган жамиятларининг
Директор Директор ўринбосари — бош агроном Инвестиция лойиҳаларни амалга ошириш бўлими 2 Бухгалтерия 1 Кадрлар бўйича инспектор 1 Илғор технологияларни жорий этиш бўлими 2 Юрисконсульт 1 Э кспорт, маркетинг ва мониторинг қилиш бўлими 2 Ўсимликларни ҳимоя қилиш бўйича мутахассис 1 Фермер хўжаликлари ва бошқа ташкилотлар Деҳқон хўжаликлари ва аҳоли
Ўзбекистон Респуликаси Президентининг 2017 йил 1 июндаги ПҚ-3025-сон қарорига 4-ИЛОВА
Ёнғоқ ишлаб чиқарувчилар ва экспорт қилувчилар уюшмасини ҳамда ҳудудий «Ёнғоқагро» масъулияти чекланган жамиятларини ташкил этиш билан боғлиқ ташкилий тадбирларни мувофиқлаштириш ва уларни амалга оширишга кўмаклашиш бўйича Ишчи гуруҳ
З.Т. Мирзаев — Бош вазир ўринбосари — Ўзбекистон Республикаси қишлоқ ва сув хўжалиги вазири, Ишчи гуруҳ раҳбари О.Б. Рустамов — «Ўзбекозиқовқатхолдинг» холдинг компанияси раиси, Ишчи гуруҳ раҳбари ўринбосари С.Х. Бекенов — иқтисодиёт вазирининг биринчи ўринбосари О.С. Мустафоев — қишлоқ ва сув хўжалиги вазири ўринбосари М.М. Мирзаев — молия вазири ўринбосари А.А. Усманов — адлия вазири ўринбосари лавозими бўйича — Хусусийлаштирилган корхоналарга кўмаклашиш ва рақобатни ривожлантириш давлат қўмитаси раисининг биринчи ўринбосари М.И. Рўзметов — Ер ресурслари, геодезия, картография ва давлат кадастри давлат қўмитаси раиси ўринбосари С.С. Ходжаев — Марказий банк раисининг биринчи ўринбосари лавозими бўйича — Қорақалпоғистон Республикаси Вазирлар Кенгаши раисининг, вилоят ҳокимларининг сув ва қишлоқ хўжалиги масалалари бўйича ўринбосари лавозими бўйича — Вазирлар Маҳкамасиниг Қишлоқ ва сув хўжалиги, қишлоқ хўжалиги ва озиқ-овқатни қайта ишлаш масалалари бўйича ахборот-таҳлилий бўлими бошлиғи, Ишчи гуруҳнинг масъул котиби
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 1 июнь,
ПҚ-3025-сон
Oʻzbekiston Respublikasi Prezidentining
Qarori
TASHKILIY TUZILMASI
SXEMASI
TUZILMASI
NAMUNAVIY TUZILMASI
TARKIBI
Yongʻoq ishlab chiqaruvchilar va eksport qiluvchilar uyushmasini tuzish va uning faoliyatini tashkil etish toʻgʻrisida
Lalmi yerlardan foydalanishni ragʻbatlantirish va samaradorligini yanada oshirish, ichki va tashqi bozorlarda raqobatdosh boʻlgan yongʻoq ishlab chiqarish hajmini koʻpaytirish, xorijiy investitsiyalarni keng jalb qilish hisobiga zamonaviy yongʻoq plantatsiyalarini barpo qilish hamda yongʻoq yetishtirish boʻyicha ilmiy asoslangan usullar va intensiv texnologiyalarni keng joriy etish maqsadida:
1. Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi, Oʻrmon xoʻjaligi davlat qoʻmitasi, “Sag agro” va “Sam antep gilam” masʼuliyati cheklangan jamiyatlarining:
Yongʻoq ishlab chiqaruvchilar va eksport qiluvchilar uyushmasini (keyingi oʻrinlarda Uyushma deb ataladi);
Uyushma tarkibida masʼuliyati cheklangan jamiyat shaklida Yongʻoqchilik ilmiy-tadqiqot markazi, Yongʻoq logistika markazi, “Sag agro MTP” MCHJ, Jizzax, Qashqadaryo, Surxondaryo, Namangan va Toshkent viloyatlarida hududiy “Yongʻoqagro” MCHJ tashkil etish toʻgʻrisidagi taklifiga rozilik berilsin.
2. Quyidagilar Uyushmaning asosiy vazifalari va faoliyat yoʻnalishlari etib belgilansin:
mahalliy tabiiy-iqlim sharoitlariga moslashtirilgan yongʻoqning serhosil zamonaviy plantatsiyalarini yaratish, shuningdek, yongʻoq yetishtirishning ilmiy asoslangan usullarini va resurslarni tejovchi texnologiyalarni keng joriy etish boʻyicha qabul qilingan dasturlarning amalga oshirilishini muvofiqlashtirish;
respublika hududlarida yongʻoq ishlab chiqarish hajmini koʻpaytirish choralarini koʻrish, mahsulotni sotish bozorlarini kengaytirish maqsadida marketing tadqiqotlarini olib borish, eksport hajmini koʻpaytirish boʻyicha takliflar ishlab chiqish;
respublika hududlarining tabiiy-iqlim sharoitlariga mos kelishligini inobatga olgan holda, yongʻoqning serhosil nihollarini laboratoriya sharoitlarida yetishtirishni tashkil etish;
ishlab chiqilgan innovatsiyaviy texnologiyalarni yongʻoq yetishtirish jarayoniga joriy qilish uchun ilmiy-tadqiqot ishlarini olib borish;
yongʻoq koʻchatlarini parvarish qilishga jalb etiladigan agronomlarni yongʻoq plantatsiyalarida agrotexnik tadbirlarni toʻgʻri oʻtkazish boʻyicha oʻqitish uchun maxsus tayyorlov kurslarini tashkil etish;
Uyushma tarkibiga kiruvchi tashkilotlarga normativ-huquqiy bazani takomillashtirish boʻyicha takliflar ishlab chiqish, imtiyoz va preferensiyalar berish, xorijiy investitsiyalarni, jumladan, xalqaro moliya institutlarining mablagʻlarini jalb qilish yoʻli bilan davlat koʻmagini olishda har tomonlama koʻmaklashish.
3. Maʼlumot uchun qabul qilinsinki:
“Sag agro” MCHJ va “Sam antep gilam” MCHJ, “Yongʻoqchilik ilmiy-tadqiqot markazi” MCHJ, “Yongʻoq logistika markazi” MCHJ, “Sag agro MTP” MCHJ, shuningdek, hududiy “Yongʻoqagro” masʼuliyati cheklangan jamiyatlari Yongʻoq ishlab chiqaruvchilar va eksport qiluvchilar uyushmasining muassislari hisoblanadi;
“Yongʻoqchilik ilmiy-tadqiqot markazi” MCHJ yongʻoqni mahalliy iqlimga moslashtirish va rayonlashtirish, serhosil, tez pishar, qurgʻoqchilikka chidamli va virussiz navlari boʻyicha ilmiy-tadqiqot ishlarini amalga oshiradi;
“Yongʻoq logistika markazi” MCHJ yongʻoq mahsulotlarini qayta ishlash va saqlash boʻyicha xizmatlar koʻrsatishga, shuningdek, eksport qilinadigan mahsulotlarni tayyorlash va bojxona hujjatlari rasmiylashtiruvini taʼminlashga ixtisoslashadi;
tashkilotlar Uyushmaga erkin aʼzo boʻlish hamda uning tarkibidan chiqish huquqiga egadir;
Uyushma faoliyatini moliyalashtirish uning tarkibiga kiruvchi tashkilotlarning ixtiyoriy ajratmalari hamda qonun hujjatlarida taqiqlanmagan boshqa mablagʻlar hisobiga amalga oshiriladi.
4. Quyidagilar:
Yongʻoq ishlab chiqaruvchilar va eksport qiluvchilar uyushmasining tashkiliy tuzilmasi va uning tarkibiga kiruvchi tashkilotlar oʻrtasidagi oʻzaro munosabatlar sxemasi 1 va 1a-ilovalarga ;
boshqaruv xodimlarining umumiy cheklangan soni 20 nafar boʻlgan ijro etuvchi apparati tuzilmasi 2-ilovaga ;
hududiy “Yongʻoqagro” masʼuliyati cheklangan jamiyatlarining namunaviy tuzilmalari 3-ilovaga muvofiq maʼqullansin.
5. Belgilab qoʻyilsinki, Uyushma raisi va uning oʻrinbosarlari muassislarning umumiy yigʻilishi qarori bilan saylanadi va Oʻzbekiston Respublikasi Vazirlar Mahkamasi tomonidan lavozimga tasdiqlanadi;
6. Yongʻoq ishlab chiqaruvchilar va eksport qiluvchilar uyushmasini hamda hududiy “Yongʻoqagro” masʼuliyati cheklangan jamiyatlarini tashkil etish bilan bogʻliq tashkiliy tadbirlarni muvofiqlashtirish va ularni amalga oshirishga koʻmaklashish boʻyicha 4-ilovaga muvofiq tarkibda Ishchi guruh (keyingi oʻrinlarda Ishchi guruh deb ataladi) tuzilsin.
Ishchi guruhi (Z.T. Mirzayev) bir oy muddatda:
Yongʻoq ishlab chiqaruvchilar va eksport qiluvchilar uyushmasi hamda hududiy “Yongʻoqagro” masʼuliyati cheklangan jamiyatlari belgilangan tartibda tashkil etilishini;
Yongʻoq ishlab chiqaruvchilar va eksport qiluvchilar uyushmasi Ustavining tasdiqlanishini va davlat roʻyxatidan oʻtkazilishini;
Yongʻoq ishlab chiqaruvchilar va eksport qiluvchilar uyushmasi ijro apparati tasdiqlangan tuzilmaga va shtatlar jadvaliga muvofiq puxta tanlash asosida yuqori malakali mutaxassislar bilan toʻldirilishini taʼminlasin.
7. Ishchi guruh (Z.T. Mirzayev) Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi, Oʻrmon xoʻjaligi davlat qoʻmitasi bilan birgalikda uch oy muddatda 2017 — 2021-yillarda yongʻoq yetishtirish hajmini yanada koʻpaytirish boʻyicha chora-tadbirlar Dasturi loyihasini ishlab chiqsin hamda Vazirlar Mahkamasiga tasdiqlash uchun kiritsin, Dasturda quyidagilar:
birinchi bosqichda (2017 — 2019-yillar) — yongʻoq koʻchatlarini respublikaga olib kelish;
ikkinchi bosqichda (2018-2019-yillar) — yongʻoqni payvandlash uchun payvandtaglarni keltirish;
uchinchi bosqichda (2020-yil) — laboratoriya sharoitida yongʻoqning tegishli mintaqa tabiiy-iqlim sharoitlariga mos yuqori hosildor navlarini ishlab chiqarish;
toʻrtinchi bosqichda (2018 — 2020-yillar) — yongʻoq yetishtirish va uni ichki hamda tashqi bozorda sotishni yoʻlga qoʻyish nazarda tutilsin.
8. Oʻzbekiston Respublikasi Qishloq va suv xoʻjaligi vazirligi, Andijon, Qashqadaryo, Jizzax, Namangan, Samarqand, Surxondaryo, Toshkent va Fargʻona viloyatlari hokimliklari, Yongʻoq ishlab chiqaruvchilar va eksport qiluvchilar uyushmasi ikki oy muddatda:
Yer resurslari, geodeziya, kartografiya va davlat kadastri davlat qoʻmitasi, Davlat geologiya va mineral resurslar qoʻmitasi, Tuproqshunoslik va agrokimyo ilmiy-tadqiqot instituti, xorijiy mutaxassislar bilan birgalikda tabiiy-iqlim sharoitlari va tuproq tarkibi boʻyicha yongʻoq koʻchatlarini ekish uchun qulay, umumiy maydoni 10 ming gektargacha boʻlgan yer uchastkalari tanlanishini;
yongʻoq plantatsiyalarini barpo etish boʻyicha loyiha tashabbuskorlari — tadbirkorlik subyektlari tanlab olinishini taʼminlasinlar.
9. Oʻzbekiston Respublikasi Qishloq va suv xoʻjaligi vazirligi Qishloq xoʻjaligi korxonalarini tarkibiy qayta tuzish agentligi, Oʻzbekiston Respublikasi Tashqi iqtisodiy faoliyat Milliy banki bilan birgalikda ikki oy muddatda yongʻoq plantatsiyalarini barpo etish boʻyicha loyihalarni, shu jumladan, xalqaro moliya institutlarining imtiyozli kreditlarini jalb qilish hisobiga, bosqichma-bosqich moliyalashtirish manbalarini aniqlasin va 50,0 mln AQSH dollarigacha boʻlgan miqdorda kredit mablagʻlari ajratilishini taʼminlasin.
10. Yongʻoq plantatsiyalarini barpo etish boʻyicha loyihalarni amalga oshirish doirasida Uyushma tarkibiga kiruvchi tashkilotlar tomonidan chetdan olib kelinadigan Oʻzbekiston Respublikasida ishlab chiqarilmaydigan tomchilatib sugʻorish uskunalari, maxsus qishloq xoʻjaligi texnikalari, yongʻoq koʻchatlari, payvandtaglari, payvandustlari, onalik materiallari, belgilangan tartibda tasdiqlanadigan roʻyxat asosida, bojxona toʻlovlaridan (bojxona yigʻimlari bundan mustasno) 2020-yilning 1-yanvarigacha boʻlgan muddatga ozod etilsin.
11. Oʻzbekiston Respublikasi Tashqi ishlar vazirligi Uyushmaning talabnomalariga asosan yongʻoq plantatsiyalarini barpo etish loyihalarini amalga oshirish doirasida jalb etiladigan xorijiy mutaxassislarga konsullik yigʻimlari va boshqa yigʻimlar undirilmasdan kirish vizalari rasmiylashtirilishini taʼminlasin.
12. Oʻzbekiston Respublikasi Ichki ishlar vazirligi Uyushmaning talabnomalariga asosan yongʻoq plantatsiyalarini barpo etish loyihalarini amalga oshirish doirasida jalb qilinayotgan xorijiy mutaxassislarga davlat boji undirilmasdan koʻp martalik vizalar berilishini va ularning muddati uzaytirilishini, shuningdek, ularning turgan joyi boʻyicha roʻyxatdan oʻtkazilishini va uning muddati uzaytirilishini taʼminlasin.
13. Oʻzbekiston Respublikasi Bandlik va mehnat munosabatlari vazirligi Uyushmaning talabnomalari boʻyicha yongʻoq plantatsiyalarini barpo etish loyihalarini amalga oshirish uchun yuqori malakali xorijiy (Oʻzbekiston Respublikasi fuqarolari orasida mavjud boʻlmagan) mutaxassislarni respublikaga jalb qilishga ruxsatnomalar berilishini (muddati uzaytirilishini) hamda qayd etilgan xorijiy fuqarolarga Oʻzbekiston Respublikasi hududida mehnat faoliyati huquqiga rozilik berilishini (muddati uzaytirilishini) taʼminlasin.
14. Yongʻoq ishlab chiqaruvchilar va eksport qiluvchilar uyushmasi Samarqand viloyati, Samarqand shahri, Katta Oʻzbek trakti koʻchasi, 14-uyga joylashtirilsin.
15. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respulikasi Prezidentining 2017-yil 1-iyundagi PQ-3025-son qaroriga 1-ILOVA
Yongʻoq ishlab chiqaruvchilar va eksport qiluvchilar uyushmasining
Oʻzbekiston Respulikasi Prezidentining 2017-yil 1-iyundagi PQ-3025-son qaroriga 1a-ILOVA
Yongʻoq ishlab chiqaruvchilar va eksport qiluvchilar uyushmasi tarkibiga kiruvchi tashkilotlar oʻrtasidagi oʻzaro munosabatlar
I- bosqich a) koʻchatlar, yongʻoq payvandtaglari, uskunalar, tomchilatib sugʻorish tizimlari va qishloq xoʻjaligi texnikalarini sotib olish uchun kredit resurslari ajratish; b) koʻchatlar, yongʻoq payvandtaglari, uskunalar, tomchilatib sugʻorish tizimlari va qishloq xoʻjaligi texnikalar toʻlovi va sotib olish; II- bosqich a) yongʻoq koʻchatlatlarini, tomchilatib sugʻorish tizimlarini sotish ; b) yongʻoq koʻchatlatlarini yetishtirish uchun “Yongʻoqchilik ilmiy-tadqiqot markazi” MCHJni payvandtaglar, agrotexnik xizmatlar koʻrsatish uchun “Sag agro MTP” MCHJni qishloq xoʻjaligi texnikasi bilan taʼminlash ; III- bosqich fermer va dehqon xoʻjaliklariga, hududiy “Yongʻoqagro” MCHJlar va boshqalarga agrotexnik xizmatlar koʻrsatish; IV- bosqich hududiy “Yongʻoqagro” MCHJlar tomonidan fermer, dehqon xoʻjaliklari va aholi tomonidan yetishtirilgan yongʻoq mahsulotlarini sotishni tashkil qilish; V- bosqich mahsulotlarni (yongʻoqlar, koʻchatlar)ni keyinchalik belgilangan tartibda eksport qilish uchun Logistika markaziga yuklab joʻnatish; VI- bosqich “ Sag agro ” MCHJ , hududiy “Yongʻoqagro” MCHJlar, fermer, dehqon xoʻjaliklari, aholi va boshqa tashkilotlar tomonidan yetishtirilgan mahsulotlarni (yongʻoqlar) ichki bozorlarda sotish; VII- bosqich mahsulotlarni ( yongʻoqlar, koʻchatlar) eksport qilish uchun belgilangan tartibda yuklab joʻnatish.
Oʻzbekiston Respulikasi Prezidentining 2017-yil 1-iyundagi PQ-3025-son qaroriga 2-ILOVA
Yongʻoq ishlab chiqaruvchilar va eksport qiluvchilar uyushmasining ijro etuvchi apparati
Oʻzbekiston Respulikasi Prezidentining 2017-yil 1-iyundagi PQ-3025-son qaroriga 3-ILOVA
Hududiy “Yongʻoqagro” masʼuliyati cheklangan jamiyatlarining
Direktor Direktor oʻrinbosari — bosh agronom Investitsiya loyihalarni amalga oshirish boʻlimi 2 Buxgalteriya 1 Kadrlar boʻyicha inspektor 1 Ilgʻor texnologiyalarni joriy etish boʻlimi 2 Yuriskonsult 1 E ksport, marketing va monitoring qilish boʻlimi 2 Oʻsimliklarni himoya qilish boʻyicha mutaxassis 1 Fermer xoʻjaliklari va boshqa tashkilotlar Dehqon xoʻjaliklari va aholi
Oʻzbekiston Respulikasi Prezidentining 2017-yil 1-iyundagi PQ-3025-son qaroriga 4-ILOVA
Yongʻoq ishlab chiqaruvchilar va eksport qiluvchilar uyushmasini hamda hududiy “Yongʻoqagro” masʼuliyati cheklangan jamiyatlarini tashkil etish bilan bogʻliq tashkiliy tadbirlarni muvofiqlashtirish va ularni amalga oshirishga koʻmaklashish boʻyicha Ishchi guruh
Z.T. Mirzayev — Bosh vazir oʻrinbosari — Oʻzbekiston Respublikasi qishloq va suv xoʻjaligi vaziri, Ishchi guruh rahbari O.B. Rustamov — “Oʻzbekoziqovqatxolding” xolding kompaniyasi raisi, Ishchi guruh rahbari oʻrinbosari S.X. Bekenov — iqtisodiyot vazirining birinchi oʻrinbosari O.S. Mustafoyev — qishloq va suv xoʻjaligi vaziri oʻrinbosari M.M. Mirzayev — moliya vaziri oʻrinbosari A.A. Usmanov — adliya vaziri oʻrinbosari lavozimi boʻyicha — Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisining birinchi oʻrinbosari M.I. Roʻzmetov — Yer resurslari, geodeziya, kartografiya va davlat kadastri davlat qoʻmitasi raisi oʻrinbosari S.S. Xodjayev — Markaziy bank raisining birinchi oʻrinbosari lavozimi boʻyicha — Qoraqalpogʻiston Respublikasi Vazirlar Kengashi raisining, viloyat hokimlarining suv va qishloq xoʻjaligi masalalari boʻyicha oʻrinbosari lavozimi boʻyicha — Vazirlar Mahkamasinig Qishloq va suv xoʻjaligi, qishloq xoʻjaligi va oziq-ovqatni qayta ishlash masalalari boʻyicha axborot-tahliliy boʻlimi boshligʻi, Ishchi guruhning masʼul kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 1-iyun,
PQ-3025-son
Президента Республики Узбекистан
Постановление
Организационная структура
СХЕМА
СТРУКТУРА
Типовая структура
Состав
О создании и организации деятельности ассоциации производителей и экспортеров грецкого ореха
В целях дальнейшего стимулирования эффективного использования богарных земель, увеличения объемов производства грецкого ореха, конкурентоспособного на внутреннем и внешнем рынках, создания современных плантаций и активного внедрения научно-обоснованных методов и интенсивных технологий по выращиванию грецкого ореха на основе широкого привлечения иностранных инвестиций:
1. Согласиться с предложением Министерства сельского и водного хозяйства, Министерства экономики, Министерства финансов Республики Узбекистан, Государственного комитета Республики Узбекистан по лесному хозяйству, ООО «Sag agro» и ООО «Sam antep gilam»:
о создании Ассоциации производителей и экспортеров грецкого ореха (далее — Ассоциация);
об образовании в составе Ассоциации в форме обществ с ограниченной ответственностью Научно-исследовательского центра ореховодства, Центра логистики грецкого ореха, ООО «МТП Sag agro», территориальных ООО «Ёнгокагро» в Джизакской, Кашкадарьинской, Сурхандарьинской, Наманганской и Ташкентской областях.
2. Определить основными задачами и направлениями деятельности Ассоциации:
координацию реализации принятых программ по созданию современных плантаций высокоурожайных, адаптированных к местным природно-климатическим условиям сортов грецкого ореха, а также широкому внедрению научно-обоснованных методов выращивания грецкого ореха и современных ресурсосберегающих технологий;
принятие мер по увеличению объемов производства грецкого ореха в регионах республики, проведение маркетинговых исследований в целях расширения рынков сбыта, разработку предложений по увеличению объемов экспорта грецкого ореха;
организацию производства в лабораторных условиях высокоурожайной рассады грецкого ореха с учетом ее максимальной адаптации к природно-климатическим условиям регионов республики;
проведение научно-исследовательских работ для дальнейшего внедрения разработанных инновационных технологий в процессы производства грецкого ореха;
организацию для агрономов, привлекаемых к уходу за саженцами грецкого ореха, специальных курсов по обучению правильному проведению агротехнических мероприятий на плантациях грецкого ореха;
содействие организациям, входящим в состав Ассоциации, в получении государственной поддержки путем разработки предложений по совершенствованию нормативно-правовой базы, предоставлению льгот и преференций, привлечению иностранных инвестиций, включая средства международных финансовых институтов.
3. Принять к сведению, что:
учредителями Ассоциации являются ООО «Sam antep gilam» и ООО «Sag agro», ООО «Научно-исследовательский центр ореховодства», ООО «Центр логистики грецкого ореха», ООО «МТП Sag agro», а также территориальные ООО «Ёнгокагро»;
ООО «Научно-исследовательский центр ореховодства» осуществляет научно-исследовательские работы по акклиматизации и районированию высокоурожайных, скороспелых, засухоустойчивых и безвирусных сортов ореха;
ООО «Центр логистики грецкого ореха» специализируется на оказании услуг по обработке и хранению ореховой продукции, а также обеспечивает подготовку и таможенное оформление продукции, отгружаемой на экспорт;
организации имеют право свободно вступать в Ассоциацию и выходить из ее состава;
финансирование деятельности Ассоциации осуществляется за счет добровольных отчислений организаций, входящих в ее состав, и иных источников, не запрещенных законодательством.
4. Одобрить:
организационную структуру Ассоциации производителей и экспортеров грецкого ореха и схему взаимодействия организаций, входящих в ее состав, согласно приложениям №№ 1 и 1а ;
структуру исполнительного аппарата Ассоциации с предельной общей численностью управленческого персонала в количестве 20 единиц согласно приложению № 2 ;
типовую структуру территориальных ООО «Ёнгокагро» согласно приложению № 3 .
5. Определить, что председатель Ассоциации и его заместители избираются решением общего собрания учредителей и утверждаются в должности Кабинетом Министров Республики Узбекистан.
6. Образовать Рабочую группу по координации и оказанию содействия в осуществлении организационных мероприятий, связанных с созданием Ассоциации производителей и экспортеров грецкого ореха и территориальных ООО «Ёнгокагро» (далее — Рабочая группа), в составе согласно приложению № 4 .
Рабочей группе (З.Т. Мирзаев) в месячный срок обеспечить:
осуществление всех организационных вопросов по созданию в установленном порядке Ассоциации и территориальных ООО «Ёнгокагро»;
утверждение устава Ассоциации и ее государственную регистрацию;
укомплектование исполнительного аппарата Ассоциации высококвалифицированными специалистами на основе тщательного отбора, в соответствии с утвержденной структурой и штатным расписанием.
7. Рабочей группе (Мирзаев З.Т.) совместно с Министерством сельского и водного хозяйства, Министерством экономики, Министерством финансов Республики Узбекистан, Государственным комитетом Республики Узбекистан по лесному хозяйству в трехмесячный срок разработать и внести на утверждение в Кабинет Министров проект Программы мер по дальнейшему увеличению объемов производства грецкого ореха на период 2017 — 2020 годы, предусмотрев организацию на:
первом этапе (2017 — 2019 гг.) — завоза саженцев грецкого ореха;
втором этапе (2018-2019 гг.) — завоза подвоя для привития грецкого ореха;
третьем этапе (2020 г.) — производства в лабораторных условиях высокоурожайной рассады грецкого ореха с учетом ее адаптации к природно-климатическим условиям соответствующего региона;
четвертом этапе (2018 — 2020 гг.) — производства и реализации грецкого ореха на внутреннем и внешнем рынках.
8. Министерству сельского и водного хозяйства Республики Узбекистан, хокимиятам Андижанской, Кашкадарьинской, Джизакской, Наманганской, Самаркандской, Сурхандарьинской, Ташкентской и Ферганской областей, Ассоциации в двухмесячный срок обеспечить:
совместно с Государственным комитетом Республики Узбекистан по земельным ресурсам, геодезии, картографии и государственному кадастру, Государственным комитетом Республики Узбекистан по геологии и минеральным ресурсам, Научно-исследовательским институтом почвоведения и агрохимии, иностранными специалистами отбор земельных участков общей площадью до 10 тысяч гектаров, благоприятных для посадки саженцев грецкого ореха по природно-климатическим условиям и составу почвы;
отбор предложений субъектов предпринимательства — инициаторов проектов по созданию плантаций грецкого ореха.
9. Министерству сельского и водного хозяйства Республики Узбекистан совместно с Агентством по реструктуризации сельскохозяйственных предприятий, Национальным банком внешнеэкономической деятельности Республики Узбекистан в двухмесячный срок определить источники поэтапного финансирования, в том числе за счет привлечения льготных кредитов международных финансовых институтов, и обеспечить выделение кредитных средств в размере до 50,0 млн. долларов США для финансирования проектов по созданию плантаций грецкого ореха.
10. Освободить сроком до 1 января 2020 года от таможенных платежей (за исключением таможенных сборов) не производимые в Республике Узбекистан оборудование для капельного орошения, специализированную сельскохозяйственную технику, саженцы, подвой, привой, маточный материал грецкого ореха, ввозимые организациями, входящими в состав Ассоциации, в рамках реализации проектов по созданию плантаций грецкого ореха по перечням, утверждаемым в установленном порядке.
11. Министерству иностранных дел Республики Узбекистан обеспечить по заявкам Ассоциации оформление въездных виз иностранным специалистам, привлекаемым в рамках реализации проектов по созданию плантаций грецкого ореха, без взимания консульских и иных сборов.
12. Министерству внутренних дел Республики Узбекистан обеспечить по заявкам Ассоциации оформление, выдачу и продление многократных виз, а также регистрацию по месту пребывания и продление ее срока иностранным специалистам, привлекаемым в рамках реализации проектов по созданию плантаций грецкого ореха, без взимания государственной пошлины.
13. Министерству занятости и трудовых отношений Республики Узбекистан обеспечить по заявкам Ассоциации выдачу (продление) разрешений на привлечение в республику высококвалифицированных иностранных специалистов (не имеющихся в числе граждан Республики Узбекистан) для реализации проектов по созданию плантаций грецкого ореха, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
14. Разместить Ассоциацию по адресу: Самаркандская область, г. Самарканд, улица Катта Узбек тракт, дом 14.
15. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 1 июня 2017 года № ПП–3025
Ассоциации производителей и экспортеров грецкого ореха
ПРИЛОЖЕНИЕ № 1а к постановлению Президента Республики Узбекистан от 1 июня 2017 года № ПП–3025
взаимодействия организаций, входящих в состав Ассоциации производителей и экспортеров грецкого ореха
ПРИЛОЖЕНИЕ № 2 к постановлению Президента Республики Узбекистан от 1 июня 2017 года № ПП–3025
исполнительного аппарата Ассоциации производителей и экспортеров грецкого ореха
ПРИЛОЖЕНИЕ № 3 к постановлению Президента Республики Узбекистан от 1 июня 2017 года № ПП–3025
территориальных ООО «Ёнгокагро»
ПРИЛОЖЕНИЕ № 4 к постановлению Президента Республики Узбекистан от 1 июня 2017 года № ПП–3025
Рабочей группы по координации и оказанию содействия в осуществлении организационных мероприятий, связанных с созданием Ассоциации производителей и экспортеров грецкого ореха и территориальных ООО «Ёнгокагро»
Мирзаев З.Т. — заместитель Премьер-министра — министр сельского и водного хозяйства Республики Узбекистан, руководитель Рабочей группы Рустамов О.Б. — председатель холдинговой компании «Узбекозиковкатхолдинг», заместитель руководителя Рабочей группы Бекенов С.Х. — первый заместитель министра экономики Мустафоев О.С. — заместитель министра сельского и водного хозяйства Мирзаев М.М. — заместитель министра финансов Усманов А.А. — заместитель министра юстиции по должности — первый заместитель председателя Государственного комитета по содействию приватизированным предприятиям и развитию конкуренции Рузметов М.И. — заместитель председателя Государственного комитета по земельным ресурсам, геодезии, картографии и государственному кадастру Ходжаев С.С. — первый заместитель председателя Центрального банка по должности — заместитель Председателя Совета Министров Республики Каракалпакстан и хокимов областей по вопросам сельского и водного хозяйства по должности — заведующий Информационно-аналитическим департаментом по вопросам сельского и водного хозяйства, переработки сельскохозяйственной и продовольственной продукции Кабинета Министров, ответственный секретарь Рабочей группы
Президент Республики Узбекистан Ш. МИРЗИЁЕВ
г. Ташкент,
1 июня 2017 г.,
№ ПП-3025