UzbekAI

Ўзбекистон Республикаси Вазирлар Маҳкамасининг

қарори

ТАРКИБИ

намунавий таркиби

Муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштириш бўйича Республика комиссиясини ҳамда Қорақалпоғистон Республикаси Вазирлар Кенгаши, вилоятлар, Тошкент шаҳри, туман ва шаҳарлар ҳокимликлари ҳузурида тегишли комиссияларни ташкил этиш тўғрисида

Ўзбекистон Республикаси Президентининг «Ўзбекистон Республикаси Қуролли Кучларини янада ислоҳ қилиш ва ривожлантириш вазифаларини амалга ошириш бўйича чора-тадбирлар Дастури тўғрисида» 2017 йил 24 январдаги ПҚ-2738-сон қарори билан тасдиқланган Ўзбекистон Республикаси Қуролли Кучларини янада ислоҳ қилиш ва ривожлантириш вазифаларини амалга ошириш бўйича чора-тадбирлар Дастурининг амалда бажарилишини самарали ташкил этиш, ёшларнинг ижтимоий муҳофаза қилинганлигининг ишончли кафолатлари таъминланишини давом эттириш, давлат органларининг барча соҳаларини республиканинг ишончли, ғоявий етук ва ватанпарвар фуқаролари билан тўлдириш, шунингдек муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштириш бўйича амалий чора-тадбирлар кўриш мақсадида Вазирлар Маҳкамаси қарор қилади:

1. Муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштириш бўйича Республика комиссияси (кейинги ўринларда Республика комиссияси деб аталади) ташкил этилсин.

Қуйидагилар Республика комиссиясининг асосий вазифалари ва фаолияти йўналишлари ҳисоблансин:

фуқароларни ишга жойлаштириш бўйича амалий чора-тадбирларни ишлаб чиқиш ва амалга ошириш;

фуқароларни ишга жойлаштиришга тааллуқли меъёрий-ҳуқуқий ҳужжатларни, шунингдек фуқароларнинг бандлигини таъминлаш бўйича вазифаларни ўз вақтида амалга оширишга қаратилган амалий чора-тадбирлар режаларини такомиллаштиришга доир таклифлар тайёрлаш;

Республика комиссиясининг аъзолари, ҳудудий комиссиялар, вазирлик ва идоралар, Қорақалпоғистон Республикаси Вазирлар Кенгаши, вилоятлар ҳокимликлари, Тошкент шаҳри, туман ва шаҳарлар раҳбарларининг фуқароларни ишга жойлаштириш масалалари бўйича ҳисоботларини эшитиш;

фуқароларни ишга жойлаштириш бўйича ҳудудий комиссияларнинг келишилган ишларини таъминлаш;

Қорақалпоғистон Республикаси, вилоятлар, Тошкент шаҳри, туман ва шаҳарларда фуқароларни ишга жойлаштириш бўйича ишларнинг ҳолати ва натижадорлиги юзасидан доимий мониторингни амалга ошириш ҳамда, зарурат туғилганда, уни яхшилашга доир аниқ тадбирлар ишлаб чиқиш;

фуқароларни ишга жойлаштиришнинг ҳолати юзасидан назоратни амалга оширувчи ҳудудий комиссиялар, вазирлик ва идоралар фаолиятини мувофиқлаштириш;

муддатли ҳарбий хизматни ва сафарбарлик чақируви резервида хизматни ўтаган фуқароларнинг тадбиркорлик фаолиятини амалга ошириш учун кредит олишига кенг имкониятлар яратиш;

жорий йилда муддатли ҳарбий хизматга чақирилган ёшларнинг умумий сони тўғрисида Ўзбекистон Республикаси Мудофаа вазирлиги томонидан тақдим этилган ахборот асосида иш ўринларини банд қилишни ташкиллаштириш (ҳар йили сентябрь ойида — олий маълумотга эга бўлган муддатли ҳарбий хизматчилар учун, февраль ойида — қолган муддатли ҳарбий хизматчилар учун);

фуқароларни ишга жойлаштириш учун ҳар чоракда семинарлар, давра суҳбатлари ва бўш иш ўринлари ярмаркаларини ўтказиш.

2. Белгилансинки, Республика комиссияси ўз фаолияти бўйича Ўзбекистон Республикаси Вазирлар Маҳкамасига ҳисобот беради.

3. Қуйидагилар:

муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштириш бўйича Республика комиссияси таркиби 1-иловага мувофиқ;

муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштириш бўйича ҳудудий комиссияларнинг (кейинги ўринларда ҳудудий комиссиялар деб аталади) намунавий таркиби 2-иловага мувофиқ тасдиқлансин.

4. Қуйидагилар:

Ўзбекистон Республикаси Камбағалликни қисқартириш ва бандлик вазирлиги — Республика комиссиясининг;

меҳнат бўйича ҳудудий органлар — ҳудудий комиссияларнинг ишчи органи этиб белгилансин.

5. Ўзбекистон Республикаси Камбағалликни қисқартириш ва бандлик вазирлиги — Республика комиссиясининг ишчи органи:

икки ҳафта муддатда комиссиялар мажлисларини ўтказиш жадвалини, уларнинг иш регламентини тасдиқласин, келгусида комиссиялар протокол қарорларининг ўз вақтида бажарилиши юзасидан таъсирчан назоратни белгиланган муддатларда амалга оширсин;

фуқароларни ишга жойлаштириш бўйича вазифаларнинг ўз вақтида амалга оширилишини таъминловчи амалий чора-тадбирлар режаси бажарилиши юзасидан мунтазам ва сифатли мониторингни амалга оширсин;

муддатли ҳарбий хизматни ва сафарбарлик чақируви резервида хизматни ўтаган фуқароларни ҳудудий меҳнат бозорини пухта таҳлил қилиш асосида, ишга жойлаштиришни ва қайта ўқитишни ташкил этсин;

муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштиришда мутахассислиги бўйича мақсадли йўналтиришни амалга оширсин;

ҳар чоракда (ҳисобот чораги охирги ойининг 25-кунидан кечикмасдан) Ўзбекистон Республикаси Вазирлар Маҳкамасига фуқароларни ишга жойлаштириш бўйича бажарилган тадбирлар тўғрисида ахборот тақдим этсин.

6. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари:

ушбу қарор билан тасдиқланган ҳудудий комиссияларнинг намунавий таркибига мувофиқ уларнинг шахсий таркибини ва улар тўғрисидаги низомни бир ҳафта муддатда тасдиқласинлар;

ҳудудий комиссиялар ишларини самарали ташкил этсинлар ва келгусида уларнинг фаолиятини мувофиқлаштириб борсинлар;

муддатли ҳарбий хизматнинг белгиланган муддатини ўтаган фуқароларнинг ишга жойлаштирилиши мониторингини ташкил этсинлар, кейинчалик уларга давлат ташкилотларида ишга жойлаштиришда кўмаклашишни таъминлаш мақсадида унда зарур маълумотларнинг (фамилиялари бўйича рўйхати, иш жойи, меҳнат шароитлари ва ижтимоий муҳофазаси) тўлиқ қамраб олинишига алоҳида эътибор берсинлар;

муддатли ҳарбий хизматни ва сафарбарлик чақируви резервида хизматни ўтаган фуқароларнинг самарали ишга жойлаштирилиши юзасидан доимий назорат ўрнатсинлар;

ҳар чоракда камида бир марта туман ва шаҳарларда фуқароларни ишга жойлаштириш масалаларида олиб борилаётган ишлар бўйича ва кўрсатилаётган амалий ёрдамларнинг ҳақиқий натижадорлигини ўрнатсинлар ва таҳлил қилсинлар;

меҳнат бозори конъюнктурасини ҳисобга олган ҳолда, муддатли ҳарбий хизматни ўтаган фуқароларни касб танлаш, тайёрлаш, қайта тайёрлаш ва малакасини ошириш ишларини ташкил этсинлар;

истиқболли йўналишлар бўйича муваффақиятли фаолият олиб бораётган кичик ва хусусий тадбиркорлик вакиллари билан тажриба алмашиш бўйича мунтазам учрашувлар ташкил этсинлар;

ҳар ойда камида бир марта муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштириш масалалари бўйича фермер хўжаликлари ва бошқа ташкилотлар раҳбарлари иштирокида тарғибот-тушунтириш ишларини ташкил қилсинлар;

ҳар чоракда камида бир марта вакант иш ўринлари ярмаркалари ўтказишни ташкил этсинлар.

7. Ўзбекистон Республикаси Мудофаа вазирлиги туман ва шаҳарлар мудофаа ишлари бўлимлари орқали ҳар йили ҳудудий комиссияларга қуйидагиларнинг тақдим этилишини таъминласин:

март ойида — муддатли ҳарбий хизматни белгиланган муддатларда ўтаган резервга бўшатилган фуқароларнинг, шунингдек ҳар ойда — сафарбарлик чақирув резервида хизматни ўтаган фуқароларнинг фамилиялар бўйича рўйхатлари;

1 майгача — кейинги йилга иш ўринларини резерв қилиб қўйиш учун жорий йилда муддатли ҳарбий хизматга чақирилган ёшларнинг умумий сони тўғрисидаги ахборот.

8. «Камолот» ЁИҲ Марказий Кенгаши Республика «Маҳалла» хайрия жамоат фонди бошқаруви ва Ўзбекистон фахрийларини ижтимоий қўллаб-қувватлаш «Нуроний» жамғармаси Марказий кенгаши билан биргаликда:

ёшларни бузғунчи кучлар, гиёҳвандлик, алкоголизм ва бошқа салбий ҳодисалар таъсиридан муҳофаза қилиш мақсадида улар билан фаол тарбиявий-маърифий, тушунтириш-тарғибот ишларини олиб борсин, уларни мамлакатни ижтимоий-иқтисодий ўзгартиришларда иштирок этишга кенг жалб этсин;

муддатли ҳарбий хизматни ва сафарбарлик чақируви резервида хизматни ўтаган фуқароларни тадбиркорлик фаолиятига жалб этиш учун «Ёш тадбиркор — мамлакатимиз таянчи», «Менинг бизнесим — менинг ғоям», «Ёш тадбиркор — мамлакат келажаги замини» ва шу каби бизнес-лойиҳаларда уларнинг фаол иштирокини таъминлаш ишларини ўтказсин;

оммавий ахборот воситаларини жалб этган ҳолда доимий асосда хизмат бўйича кўтарилишнинг ишончли замини сифатида Ўзбекистон Республикаси Қуролли Кучлари сафларида хизмат қилишнинг ижтимоий ва шахсий аҳамиятини тушунтириш бўйича тарғибот ишларини амалга оширсин;

ёшлар ўртасида меҳнатга жойлаштиришнинг, шунингдек муддатли ҳарбий хизматни ва сафарбарлик чақируви резервида хизматни ўтаган, ижтимоий-фойдали меҳнат билан банд бўлмаган фуқароларни ўз вақтида аниқлаш бўйича фаол тарғибот ва ташвиқот ишларини амалга оширсин, келгусида уларни ишга жойлаштириш чора-тадбирларини кўрсин;

муддатли ҳарбий хизматни ва сафарбарлик чақируви резервида хизматни ўтаган фуқароларни ижтимоий ҳимоя қилиш бўйича тадбирларни амалга оширишда, ёшларни ишга жойлаштиришни ташкил этиш фаолияти юзасидан таъсирчан мониторингни амалга оширишда фаол иштирок этсин;

ёшларни ватанпарварлик, Ватанга ва ўз халқига хизмат қилиш, меҳнатсеварлик, мамлакатни гуллаб-яшнатишда, унинг иқтисодиётини изчил ривожлантиришда, шу жумладан кичик ва хусусий тадбиркорликни ривожлантиришдан астойдил манфаатдорлик, мамлакатнинг ижтимоий-иқтисодий салоҳиятини ошириш учун шахсий масъулият руҳида тарбиялаш ишларини амалга оширсин.

9. Ўзбекистон Республикаси Камбағалликни қисқартириш ва бандлик вазирлиги Савдо-саноат палатаси билан биргаликда:

муддатли ҳарбий хизматни ва сафарбарлик чақируви резервида хизматни ўтаган фуқароларни мамлакат иқтисодиётининг ишончли замини ҳисобланадиган кичик ва хусусий тадбиркорлик билан шуғулланишга кенг жалб этишга кўмаклашсин;

муддатли ҳарбий хизматни ва сафарбарлик чақируви резервида хизматни ўтаган фуқароларга тадбиркорлик фаолиятини амалга ошириш, тадбиркорлик фаолияти учун кадрлар тайёрлаш ва уларни ўқитишни ташкил этиш масалалари бўйича ахборот ва консультация ёрдами беришни ташкил этсин.

11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

Вазирлар Маҳкамасининг 2017 йил 2 июндаги 339-сон қарорига 1-ИЛОВА

Муддатли ҳарбий хизматни ўтаган ва сафарбарлик чақирув резерви хизматчиларини ишга жойлаштириш бўйича Республика комиссияси

Арипов А.Н. — Ўзбекистон Республикасининг Бош вазири, Республика комиссияси раиси Азимов Р.С. — Бош вазир ўринбосари, Республика комиссияси раисининг ўринбосари Б.Э. Захидов — камбағалликни қисқартириш ва бандлик вазири, Республика комиссияси раисининг ўринбосари — ишчи орган раҳбари Салиев М.Х. — Мудофаа вазирининг ўринбосари Мирзаев А.Ш. — Ички ишлар вазирининг ўринбосари Жалилов Ш.И. — Ўзбекистон фахрийларини ижтимоий қўллаб-қувватлаш «Нуроний» жамғармаси Марказий кенгаши раиси Жавлонов Ш.С. — «Маҳалла» хайрия жамоат фонди бошқаруви раиси Қуранбаев Қ.Қ. — Ўзбекистон ёшлар иттифоқи Марказий Кенгаши раиси Шайхов А.Э. — Савдо-саноат палатаси раиси

Вазирлар Маҳкамасининг 2017 йил 2 июндаги 339-сон қарорига 2-ИЛОВА

Муддатли ҳарбий хизматни ўтаган ва сафарбарлик чақирув резерви хизматчиларини ишга жойлаштириш бўйича ҳудудий комиссияларнинг

1. Қорақалпоғистон Республикаси Вазирлар Кенгаши раиси, вилоятлар ҳокимлари, Тошкент шаҳри ҳокими, туман ва шаҳарлар ҳокимлари, ҳудудий комиссиялар раислари.

2. Қорақалпоғистон Республикаси Вазирлар Кенгаши Раисининг, вилоятлар ҳокимларининг, Тошкент шаҳри ҳокимининг, туман ва шаҳарлар ҳокимларининг биринчи ўринбосарлари, ҳудудий комиссиялар раисларининг ўринбосарлари.

3. Ўзбекистон Республикаси Камбағалликни қисқартириш ва бандлик вазирлиги ҳудудий органлари раҳбарлари, ишчи орган раҳбари.

4. Мудофаа ишлари бўйича бошқармалар ва бўлимлар бошлиқлари.

5. Ички ишлар бошқармалари ва бўлимлари бошлиқлари.

6. Ёшлар иттифоқининг ҳудудий кенгашлари раислари.

7. Ўзбекистон фахрийларни ижтимоий қўллаб-қувватлаш «Нуроний» жамғармаси ҳудудий кенгашлари раислари.

8. «Маҳалла» хайрия жамоат фонди ҳудудий кенгашлари раислари.

Ўзбекистон Республикасининг Бош вазири А. АРИПОВ

Тошкент ш.,

2017 йил 2 июнь,

339-сон

(Ўзбекистон Республикаси қонун ҳужжатлари тўплами, 2017 й., 23-сон, 466-модда, 37-сон, 996-модда; Қонун ҳужжатлари маълумотлари миллий базаси, 13.12.2019 й., 06/19/5893/4150-сон; Қонунчилик маълумотлари миллий базаси, 10.11.2025 й., 09/25/709/1027-сон)

lex.uz

Oʻzbekiston Respublikasi Vazirlar Mahkamasining

qarori

TARKIBI

namunaviy tarkibi

Muddatli harbiy xizmatni va safarbarlik chaqiruvi rezervida xizmatni oʻtagan fuqarolarni ishga joylashtirish boʻyicha Respublika komissiyasini hamda Qoraqalpogʻiston Respublikasi Vazirlar Kengashi, viloyatlar, Toshkent shahri, tuman va shaharlar hokimliklari huzurida tegishli komissiyalarni tashkil etish toʻgʻrisida

Oʻzbekiston Respublikasi Prezidentining “Oʻzbekiston Respublikasi Qurolli Kuchlarini yanada isloh qilish va rivojlantirish vazifalarini amalga oshirish boʻyicha chora-tadbirlar Dasturi toʻgʻrisida” 2017-yil 24-yanvardagi PQ-2738-son qarori bilan tasdiqlangan Oʻzbekiston Respublikasi Qurolli Kuchlarini yanada isloh qilish va rivojlantirish vazifalarini amalga oshirish boʻyicha chora-tadbirlar Dasturining amalda bajarilishini samarali tashkil etish, yoshlarning ijtimoiy muhofaza qilinganligining ishonchli kafolatlari taʼminlanishini davom ettirish, davlat organlarining barcha sohalarini respublikaning ishonchli, gʻoyaviy yetuk va vatanparvar fuqarolari bilan toʻldirish, shuningdek muddatli harbiy xizmatni va safarbarlik chaqiruvi rezervida xizmatni oʻtagan fuqarolarni ishga joylashtirish boʻyicha amaliy chora-tadbirlar koʻrish maqsadida Vazirlar Mahkamasi qaror qiladi:

1. Muddatli harbiy xizmatni va safarbarlik chaqiruvi rezervida xizmatni oʻtagan fuqarolarni ishga joylashtirish boʻyicha Respublika komissiyasi (keyingi oʻrinlarda Respublika komissiyasi deb ataladi) tashkil etilsin.

Quyidagilar Respublika komissiyasining asosiy vazifalari va faoliyati yoʻnalishlari hisoblansin:

fuqarolarni ishga joylashtirish boʻyicha amaliy chora-tadbirlarni ishlab chiqish va amalga oshirish;

fuqarolarni ishga joylashtirishga taalluqli meʼyoriy-huquqiy hujjatlarni, shuningdek fuqarolarning bandligini taʼminlash boʻyicha vazifalarni oʻz vaqtida amalga oshirishga qaratilgan amaliy chora-tadbirlar rejalarini takomillashtirishga doir takliflar tayyorlash;

Respublika komissiyasining aʼzolari, hududiy komissiyalar, vazirlik va idoralar, Qoraqalpogʻiston Respublikasi Vazirlar Kengashi, viloyatlar hokimliklari, Toshkent shahri, tuman va shaharlar rahbarlarining fuqarolarni ishga joylashtirish masalalari boʻyicha hisobotlarini eshitish;

fuqarolarni ishga joylashtirish boʻyicha hududiy komissiyalarning kelishilgan ishlarini taʼminlash;

Qoraqalpogʻiston Respublikasi, viloyatlar, Toshkent shahri, tuman va shaharlarda fuqarolarni ishga joylashtirish boʻyicha ishlarning holati va natijadorligi yuzasidan doimiy monitoringni amalga oshirish hamda, zarurat tugʻilganda, uni yaxshilashga doir aniq tadbirlar ishlab chiqish;

fuqarolarni ishga joylashtirishning holati yuzasidan nazoratni amalga oshiruvchi hududiy komissiyalar, vazirlik va idoralar faoliyatini muvofiqlashtirish;

muddatli harbiy xizmatni va safarbarlik chaqiruvi rezervida xizmatni oʻtagan fuqarolarning tadbirkorlik faoliyatini amalga oshirish uchun kredit olishiga keng imkoniyatlar yaratish;

joriy yilda muddatli harbiy xizmatga chaqirilgan yoshlarning umumiy soni toʻgʻrisida Oʻzbekiston Respublikasi Mudofaa vazirligi tomonidan taqdim etilgan axborot asosida ish oʻrinlarini band qilishni tashkillashtirish (har yili sentabr oyida — oliy maʼlumotga ega boʻlgan muddatli harbiy xizmatchilar uchun, fevral oyida — qolgan muddatli harbiy xizmatchilar uchun);

fuqarolarni ishga joylashtirish uchun har chorakda seminarlar, davra suhbatlari va boʻsh ish oʻrinlari yarmarkalarini oʻtkazish.

2. Belgilansinki, Respublika komissiyasi oʻz faoliyati boʻyicha Oʻzbekiston Respublikasi Vazirlar Mahkamasiga hisobot beradi.

3. Quyidagilar:

muddatli harbiy xizmatni va safarbarlik chaqiruvi rezervida xizmatni oʻtagan fuqarolarni ishga joylashtirish boʻyicha Respublika komissiyasi tarkibi 1-ilovaga muvofiq;

muddatli harbiy xizmatni va safarbarlik chaqiruvi rezervida xizmatni oʻtagan fuqarolarni ishga joylashtirish boʻyicha hududiy komissiyalarning (keyingi oʻrinlarda hududiy komissiyalar deb ataladi) namunaviy tarkibi 2-ilovaga muvofiq tasdiqlansin.

4. Quyidagilar:

Oʻzbekiston Respublikasi Kambagʻallikni qisqartirish va bandlik vazirligi — Respublika komissiyasining;

mehnat boʻyicha hududiy organlar — hududiy komissiyalarning ishchi organi etib belgilansin.

5. Oʻzbekiston Respublikasi Kambagʻallikni qisqartirish va bandlik vazirligi — Respublika komissiyasining ishchi organi:

ikki hafta muddatda komissiyalar majlislarini oʻtkazish jadvalini, ularning ish reglamentini tasdiqlasin, kelgusida komissiyalar protokol qarorlarining oʻz vaqtida bajarilishi yuzasidan taʼsirchan nazoratni belgilangan muddatlarda amalga oshirsin;

fuqarolarni ishga joylashtirish boʻyicha vazifalarning oʻz vaqtida amalga oshirilishini taʼminlovchi amaliy chora-tadbirlar rejasi bajarilishi yuzasidan muntazam va sifatli monitoringni amalga oshirsin;

muddatli harbiy xizmatni va safarbarlik chaqiruvi rezervida xizmatni oʻtagan fuqarolarni hududiy mehnat bozorini puxta tahlil qilish asosida, ishga joylashtirishni va qayta oʻqitishni tashkil etsin;

muddatli harbiy xizmatni va safarbarlik chaqiruvi rezervida xizmatni oʻtagan fuqarolarni ishga joylashtirishda mutaxassisligi boʻyicha maqsadli yoʻnaltirishni amalga oshirsin;

har chorakda (hisobot choragi oxirgi oyining 25-kunidan kechikmasdan) Oʻzbekiston Respublikasi Vazirlar Mahkamasiga fuqarolarni ishga joylashtirish boʻyicha bajarilgan tadbirlar toʻgʻrisida axborot taqdim etsin.

6. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari:

ushbu qaror bilan tasdiqlangan hududiy komissiyalarning namunaviy tarkibiga muvofiq ularning shaxsiy tarkibini va ular toʻgʻrisidagi nizomni bir hafta muddatda tasdiqlasinlar;

hududiy komissiyalar ishlarini samarali tashkil etsinlar va kelgusida ularning faoliyatini muvofiqlashtirib borsinlar;

muddatli harbiy xizmatning belgilangan muddatini oʻtagan fuqarolarning ishga joylashtirilishi monitoringini tashkil etsinlar, keyinchalik ularga davlat tashkilotlarida ishga joylashtirishda koʻmaklashishni taʼminlash maqsadida unda zarur maʼlumotlarning (familiyalari boʻyicha roʻyxati, ish joyi, mehnat sharoitlari va ijtimoiy muhofazasi) toʻliq qamrab olinishiga alohida eʼtibor bersinlar;

muddatli harbiy xizmatni va safarbarlik chaqiruvi rezervida xizmatni oʻtagan fuqarolarning samarali ishga joylashtirilishi yuzasidan doimiy nazorat oʻrnatsinlar;

har chorakda kamida bir marta tuman va shaharlarda fuqarolarni ishga joylashtirish masalalarida olib borilayotgan ishlar boʻyicha va koʻrsatilayotgan amaliy yordamlarning haqiqiy natijadorligini oʻrnatsinlar va tahlil qilsinlar;

mehnat bozori konyunkturasini hisobga olgan holda, muddatli harbiy xizmatni oʻtagan fuqarolarni kasb tanlash, tayyorlash, qayta tayyorlash va malakasini oshirish ishlarini tashkil etsinlar;

istiqbolli yoʻnalishlar boʻyicha muvaffaqiyatli faoliyat olib borayotgan kichik va xususiy tadbirkorlik vakillari bilan tajriba almashish boʻyicha muntazam uchrashuvlar tashkil etsinlar;

har oyda kamida bir marta muddatli harbiy xizmatni va safarbarlik chaqiruvi rezervida xizmatni oʻtagan fuqarolarni ishga joylashtirish masalalari boʻyicha fermer xoʻjaliklari va boshqa tashkilotlar rahbarlari ishtirokida targʻibot-tushuntirish ishlarini tashkil qilsinlar;

har chorakda kamida bir marta vakant ish oʻrinlari yarmarkalari oʻtkazishni tashkil etsinlar.

7. Oʻzbekiston Respublikasi Mudofaa vazirligi tuman va shaharlar mudofaa ishlari boʻlimlari orqali har yili hududiy komissiyalarga quyidagilarning taqdim etilishini taʼminlasin:

mart oyida — muddatli harbiy xizmatni belgilangan muddatlarda oʻtagan rezervga boʻshatilgan fuqarolarning, shuningdek har oyda — safarbarlik chaqiruv rezervida xizmatni oʻtagan fuqarolarning familiyalar boʻyicha roʻyxatlari;

1-maygacha — keyingi yilga ish oʻrinlarini rezerv qilib qoʻyish uchun joriy yilda muddatli harbiy xizmatga chaqirilgan yoshlarning umumiy soni toʻgʻrisidagi axborot.

8. “Kamolot” YOIH Markaziy Kengashi Respublika “Mahalla” xayriya jamoat fondi boshqaruvi va Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi Markaziy kengashi bilan birgalikda:

yoshlarni buzgʻunchi kuchlar, giyohvandlik, alkogolizm va boshqa salbiy hodisalar taʼsiridan muhofaza qilish maqsadida ular bilan faol tarbiyaviy-maʼrifiy, tushuntirish-targʻibot ishlarini olib borsin, ularni mamlakatni ijtimoiy-iqtisodiy oʻzgartirishlarda ishtirok etishga keng jalb etsin;

muddatli harbiy xizmatni va safarbarlik chaqiruvi rezervida xizmatni oʻtagan fuqarolarni tadbirkorlik faoliyatiga jalb etish uchun “Yosh tadbirkor — mamlakatimiz tayanchi”, “Mening biznesim — mening gʻoyam”, “Yosh tadbirkor — mamlakat kelajagi zamini” va shu kabi biznes-loyihalarda ularning faol ishtirokini taʼminlash ishlarini oʻtkazsin;

ommaviy axborot vositalarini jalb etgan holda doimiy asosda xizmat boʻyicha koʻtarilishning ishonchli zamini sifatida Oʻzbekiston Respublikasi Qurolli Kuchlari saflarida xizmat qilishning ijtimoiy va shaxsiy ahamiyatini tushuntirish boʻyicha targʻibot ishlarini amalga oshirsin;

yoshlar oʻrtasida mehnatga joylashtirishning, shuningdek muddatli harbiy xizmatni va safarbarlik chaqiruvi rezervida xizmatni oʻtagan, ijtimoiy-foydali mehnat bilan band boʻlmagan fuqarolarni oʻz vaqtida aniqlash boʻyicha faol targʻibot va tashviqot ishlarini amalga oshirsin, kelgusida ularni ishga joylashtirish chora-tadbirlarini koʻrsin;

muddatli harbiy xizmatni va safarbarlik chaqiruvi rezervida xizmatni oʻtagan fuqarolarni ijtimoiy himoya qilish boʻyicha tadbirlarni amalga oshirishda, yoshlarni ishga joylashtirishni tashkil etish faoliyati yuzasidan taʼsirchan monitoringni amalga oshirishda faol ishtirok etsin;

yoshlarni vatanparvarlik, Vatanga va oʻz xalqiga xizmat qilish, mehnatsevarlik, mamlakatni gullab-yashnatishda, uning iqtisodiyotini izchil rivojlantirishda, shu jumladan kichik va xususiy tadbirkorlikni rivojlantirishdan astoydil manfaatdorlik, mamlakatning ijtimoiy-iqtisodiy salohiyatini oshirish uchun shaxsiy masʼuliyat ruhida tarbiyalash ishlarini amalga oshirsin.

9. Oʻzbekiston Respublikasi Kambagʻallikni qisqartirish va bandlik vazirligi Savdo-sanoat palatasi bilan birgalikda:

muddatli harbiy xizmatni va safarbarlik chaqiruvi rezervida xizmatni oʻtagan fuqarolarni mamlakat iqtisodiyotining ishonchli zamini hisoblanadigan kichik va xususiy tadbirkorlik bilan shugʻullanishga keng jalb etishga koʻmaklashsin;

muddatli harbiy xizmatni va safarbarlik chaqiruvi rezervida xizmatni oʻtagan fuqarolarga tadbirkorlik faoliyatini amalga oshirish, tadbirkorlik faoliyati uchun kadrlar tayyorlash va ularni oʻqitishni tashkil etish masalalari boʻyicha axborot va konsultatsiya yordami berishni tashkil etsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining 2017-yil 2-iyundagi 339-son qaroriga 1-ILOVA

Muddatli harbiy xizmatni oʻtagan va safarbarlik chaqiruv rezervi xizmatchilarini ishga joylashtirish boʻyicha Respublika komissiyasi

Aripov A.N. — Oʻzbekiston Respublikasining Bosh vaziri, Respublika komissiyasi raisi Azimov R.S. — Bosh vazir oʻrinbosari, Respublika komissiyasi raisining oʻrinbosari B.E. Zaxidov — kambagʻallikni qisqartirish va bandlik vaziri, Respublika komissiyasi raisining oʻrinbosari — ishchi organ rahbari Saliyev M.X. — Mudofaa vazirining oʻrinbosari Mirzayev A.Sh. — Ichki ishlar vazirining oʻrinbosari Jalilov Sh.I. — Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi Markaziy kengashi raisi Javlonov Sh.S. — “Mahalla” xayriya jamoat fondi boshqaruvi raisi Quranbayev Q.Q. — Oʻzbekiston yoshlar ittifoqi Markaziy Kengashi raisi Shayxov A.E. — Savdo-sanoat palatasi raisi

Vazirlar Mahkamasining 2017-yil 2-iyundagi 339-son qaroriga 2-ILOVA

Muddatli harbiy xizmatni oʻtagan va safarbarlik chaqiruv rezervi xizmatchilarini ishga joylashtirish boʻyicha hududiy komissiyalarning

1. Qoraqalpogʻiston Respublikasi Vazirlar Kengashi raisi, viloyatlar hokimlari, Toshkent shahri hokimi, tuman va shaharlar hokimlari, hududiy komissiyalar raislari.

2. Qoraqalpogʻiston Respublikasi Vazirlar Kengashi Raisining, viloyatlar hokimlarining, Toshkent shahri hokimining, tuman va shaharlar hokimlarining birinchi oʻrinbosarlari, hududiy komissiyalar raislarining oʻrinbosarlari.

3. Oʻzbekiston Respublikasi Kambagʻallikni qisqartirish va bandlik vazirligi hududiy organlari rahbarlari, ishchi organ rahbari.

4. Mudofaa ishlari boʻyicha boshqarmalar va boʻlimlar boshliqlari.

5. Ichki ishlar boshqarmalari va boʻlimlari boshliqlari.

6. Yoshlar ittifoqining hududiy kengashlari raislari.

7. Oʻzbekiston faxriylarni ijtimoiy qoʻllab-quvvatlash “Nuroniy” jamgʻarmasi hududiy kengashlari raislari.

8. “Mahalla” xayriya jamoat fondi hududiy kengashlari raislari.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 2-iyun,

339-son

(Oʻzbekiston Respublikasi qonun hujjatlari toʻplami, 2017-y., 23-son, 466-modda, 37-son, 996-modda; Qonun hujjatlari maʼlumotlari milliy bazasi, 13.12.2019-y., 06/19/5893/4150-son; Qonunchilik maʼlumotlari milliy bazasi, 10.11.2025-y., 09/25/709/1027-son)

lex.uz

Кабинета Министров Республики Узбекистан

Постановление

СОСТАВ

Типовой состав

Об образовании Республиканской комиссии по трудоустройству граждан, прошедших срочную военную службу и службу в мобилизационном призывном резерве, и соответствующих комиссий при Совете Министров Республики Каракалпакстан, хокимиятах областей, города Ташкента, районов и городов

В целях эффективной организации практического выполнения Программы мер по реализации задач дальнейшего реформирования и развития Вооруженных Сил Республики Узбекистан, утвержденной постановлением Президента Республики Узбекистан от 24 января 2017 года № ПП-2738 «О программе мер по реализации задач дальнейшего реформирования и развития Вооруженных Сил Республики Узбекистан», дальнейшего обеспечения надежных гарантий социальной защищенности молодежи, повышения качества укомплектования всех сфер государственных органов надежными, идейно подкованными и патриотически настроенными гражданами республики, а также принятия действенных мер по трудоустройству граждан, прошедших срочную военную службу и службу в мобилизационном призывном резерве, Кабинет Министров постановляет:

1. Образовать Республиканскую комиссию по трудоустройству граждан, прошедших срочную военную службу и службу в мобилизационном призывном резерве (далее — Республиканская комиссия).

Считать основными задачами и направлениями деятельности Республиканской комиссии:

разработку и реализацию действенных мер по трудоустройству граждан;

подготовку предложений по совершенствованию нормативно-правовых актов в части, касающейся трудоустройства граждан, а также планов практических мер, направленных на своевременную реализацию задач по обеспечению занятости граждан;

заслушивание отчетов членов Республиканской комиссии, руководителей территориальных комиссий, министерств и ведомств, Совета Министров Республики Каракалпакстан, хокимиятов областей, города Ташкента, районов и городов по вопросам трудоустройства граждан;

обеспечение согласованных действий территориальных комиссий по трудоустройству граждан;

осуществление постоянного мониторинга за состоянием и результативностью работы по трудоустройству граждан в Республике Каракалпакстан, областях, городе Ташкенте, районах и городах, с разработкой при необходимости конкретных мероприятий по ее улучшению;

координацию деятельности территориальных комиссий, министерств и ведомств, осуществляющих контроль за состоянием трудоустройства граждан;

создание широкого доступа для граждан, прошедших срочную военную службу и службу в мобилизационном призывном резерве, к получению кредитов на осуществление предпринимательской деятельности;

организацию резервирования рабочих мест на основе представленной Министерством обороны Республики Узбекистан информации об общем количестве молодежи, призванной на срочную военную службу в текущем году (ежегодно в сентябре — для военнослужащих срочной военной службы, имеющих высшее образование, феврале — для остальных военнослужащих срочной военной службы);

проведение ежеквартальных семинаров, «круглых столов» и ярмарок вакантных рабочих мест для трудоустройства граждан.

2. Установить, что Республиканская комиссия в своей деятельности подотчетна Кабинету Министров Республики Узбекистан.

3. Утвердить:

состав Республиканской комиссии по трудоустройству граждан, прошедших срочную военную службу и службу в мобилизационном призывном резерве, согласно приложению № 1 ;

типовой состав территориальных комиссий по трудоустройству граждан, прошедших срочную военную службу и службу в мобилизационном призывном резерве (далее — территориальные комиссии), согласно приложению № 2 .

4. Определить рабочим органом:

Республиканской комиссии — Министерство занятости и сокращения бедности Республики Узбекистан;

территориальных комиссий — территориальные органы по труду.

5. Министерству ззанятости и сокращения бедности Республики Узбекистан — рабочему органу Республиканской комиссии:

в двухнедельный срок утвердить графики проведения заседаний комиссий, регламент их работы, с последующим осуществлением действенного контроля за своевременным исполнением протокольных решений комиссий в установленные сроки;

осуществлять регулярный и качественный мониторинг за ходом выполнения плана практических мер, обеспечивающих своевременную реализацию задач по трудоустройству граждан;

на основе тщательного анализа регионального рынка труда организовать трудоустройство и переобучение граждан, прошедших срочную военную службу и службу в мобилизационном призывном резерве;

осуществлять целевое направление по специальности граждан, прошедших срочную военную службу и службу в мобилизационном призывном резерве, при их трудоустройстве;

ежеквартально (не позднее 25 числа последнего месяца отчетного квартала) представлять в Кабинет Министров Республики Узбекистан информацию о выполненных мероприятиях по трудоустройству граждан.

6. Председателю Совета Министров Республики Каракалпакстан, хокимам областей и г. Ташкента:

в недельный срок в соответствии с утвержденным настоящим постановлением типовым составом территориальных комиссий утвердить персональный состав и Положения о них;

эффективно организовать работу и дальнейшую координацию деятельности территориальных комиссий;

в месячный срок организовать мониторинг трудоустройства граждан, выслуживших установленные сроки срочной военной службы, обратив особое внимание на полный охват необходимых сведений (пофамильные списки, место работы, условия труда и социальной защиты), с целью оказания им дальнейшего содействия по обеспечению трудоустройства в государственных организациях;

установить постоянный контроль за эффективным трудоустройством граждан, прошедших срочную военную службу и службу в мобилизационном призывном резерве;

не реже одного раза в квартал осуществлять анализ реальной результативности проводимой работы по изучению и оказанию практической помощи в вопросах трудоустройства граждан в районах и городах;

организовывать, с учетом конъюнктуры рынка труда, профориентацию, подготовку, переподготовку и повышение квалификации граждан, прошедших срочную военную службу;

организовывать на периодической основе встречи по обмену опытом с успешно функционирующими представителями малого и частного предпринимательства по перспективным направлениям;

не реже одного раза в месяц организовывать агитационно-разъяснительные мероприятия с участием руководителей фермерских хозяйств и других организаций по вопросам трудоустройства граждан, прошедших срочную военную службу и службу в мобилизационном призывном резерве;

не реже одного раза в квартал организовывать проведение ярмарок вакантных рабочих мест.

7. Министерству обороны Республики Узбекистан обеспечить ежегодно через районные и городские отделы по делам обороны представление в территориальные комиссии:

в марте — пофамильных списков граждан, уволенных в резерв, выслуживших установленные сроки срочной военной службы, а также ежемесячно — граждан, отслуживших службу в мобилизационном призывном резерве;

до 1 мая — информации об общем количестве молодежи, призванной на срочную военную службу в текущем году, для резервирования рабочих мест на следующий год.

8. Центральному Совету Союза молодежи Узбекистана совместно с Республиканским правлением благотворительного общественного фонда «Махалла» и Центральным советом Фонда «Нуроний» по социальной поддержке ветеранов Узбекистана:

в целях защиты молодежи от воздействия деструктивных сил, наркомании, алкоголизма и других негативных явлений проводить с ними активную воспитательно-просветительскую, разъяснительно-пропагандистскую работу, широко привлекать их к участию в социально-экономических преобразованиях страны;

для вовлечения граждан, прошедших срочную военную службу и службу в мобилизационном призывном резерве, в предпринимательскую деятельность проводить работу по обеспечению их активного участия в бизнес-проектах «Молодой предприниматель — опора страны», «Мой бизнес — моя идея», «Молодой предприниматель — фундамент будущего страны» и др;

с задействованием средств массовой информации проводить на постоянной основе пропагандистскую работу по разъяснению социальной и личностной значимости службы в рядах Вооруженных Сил Республики Узбекистан, как надежного фундамента в продвижении по службе, карьере;

проводить активную агитационную и пропагандистскую работу по разъяснению среди молодежи важности трудоустройства, а также по своевременному выявлению граждан, прошедших срочную военную службу и службу в мобилизационном призывном резерве, незанятых общественно-полезным трудом, с принятием мер по их дальнейшему трудоустройству;

принимать активное участие в реализации мероприятий по социальной защите граждан, прошедших срочную военную службу и службу в мобилизационном призывном резерве, в осуществлении действенного мониторинга за деятельностью организаций по трудоустройству молодежи;

проводить работу по воспитанию молодежи в духе патриотизма, служения Родине и своему народу, трудолюбия, искренней заинтересованности в процветании страны, поступательном развитии ее экономики, в том числе малого и частного предпринимательства, личной ответственности за повышение социально-экономического потенциала страны.

9. Министерству занятости и сокращения бедности Республики Узбекистан совместно с Торгово-промышленной палатой Республики Узбекистан:

оказать содействие в широком привлечении граждан, прошедших срочную военную службу и службу в мобилизационном призывном резерве, к занятию малым и частным предпринимательством, являющемуся надежным фундаментом экономики страны;

организовать предоставление информационной и консультативной помощи гражданам, прошедшим срочную военную службу и службу в мобилизационном призывном резерве, по вопросам осуществления предпринимательской деятельности, подготовки кадров для предпринимательской деятельности и организации их обучения.

11. Контроль за исполнением настоящего постановления возложить на Заместителя Премьер-министра Р.С. Азимова.

ПРИЛОЖЕНИЕ № 1 к постановлению Кабинета Министров от 2 июня 2017 года № 339

Республиканской комиссии по трудоустройству граждан, прошедших срочную военную службу и службу в мобилизационном призывном резерве

Арипов А.Н. — Премьер-министр Республики Узбекистан, председатель Республиканской комиссии Азимов Р.С. — заместитель Премьер-министра, заместитель председателя Республиканской комиссии Захидов Б.Э. — министр занятости и сокращения бедности, заместитель председателя Республиканской комиссии — руководитель рабочего органа Салиев М.Х. — заместитель министра обороны Мирзаев А.Ш. — заместитель министра внутренних дел Жалилов Ш.И. — председатель Центрального совета Фонда «Нуроний» по социальной поддержке ветеранов Узбекистана Жавлонов Ш.С. — председатель правления Благотворительного общественного фонда «Махалла» Куранбаев К.К. — председатель Центрального Совета Союза молодежи Узбекистана Шайхов А.Э. — председатель Торгово-промышленной палаты

ПРИЛОЖЕНИЕ № 2 к постановлению Кабинета Министров от 2 июня 2017 года № 339

территориальных комиссий по трудоустройству граждан, прошедших срочную военную службу и службу в мобилизационном призывном резерве

1. Председатель Совета Министров Республики Каракалпакстан, хокимы областей, г. Ташкента, районов и городов, председатели территориальных комиссий.

2. Первые заместители Председателя Совета Министров Республики Каракалпакстан, хокимов областей, г. Ташкента, районов и городов по вопросам экономики и предпринимательства, заместители председателей территориальных комиссий.

3. Руководители территориальных органов Министерства занятости и сокращения бедности Республики Узбекистан, руководитель рабочего органа.

4. Начальники управлений и отделов по делам обороны.

5. Начальники управлений и отделов внутренних дел.

6. Председатели территориальных советов Союза молодежи Узбекистана.

7. Председатели территориальных советов Фонда «Нуроний» по социальной поддержке ветеранов Узбекистана.

8. Председатели территориальных советов Благотворительного общественного фонда «Махалла».

Премьер-министр Республики Узбекистан А. АРИПОВ

г. Ташкент,

2 июня 2017 г.,

№ 339

(Собрание законодательства Республики Узбекистан, 2017 г., № 23, ст. 466, № 37, ст. 996; Национальная база данных законодательства, 13.12.2019 г., № 06/19/5893/4150)

lex.uz