📅 2017-yil 5-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 5 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 5 июня 2017 г. · Указы Президента
Официальный текст. Официальный документ. Редакционные примечания не включены.
📅 5 June 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тошкент шаҳрининг Яшнобод туманида инновация технопаркини ташкил қилиш тўғрисида
Юқори технологияларни ривожлантириш, илмий-технологик ва инновация тадбиркорлигининг барқарор ривожланишини таъминлаш, кичик инновация корхоналарини ташкил этиш, миллий ва хорижий бозорларда рақобатдош, илмий-ҳажмдор маҳсулотлар ишлаб чиқаришни ва етказиб беришни йўлга қўйиш учун қулай муҳит шакллантириш мақсадида:
1. Тошкент шаҳар ҳокимлиги, Ўзбекистон Республикаси Иқтисодиёт вазирлиги, Фан ва технологиялар агентлиги, Фанлар академияси, Олий ва ўрта махсус таълим вазирлиги, Молия вазирлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг «Яшнобод» инновация технопаркини (кейинги ўринларда — «Яшнобод» технопарки) ташкил этиш тўғрисидаги таклифи қабул қилинсин.
2. Белгилаб қўйилсинки, «Яшнобод» технопарки қуйидаги тамойиллар асосида ташкил этилади:
Яшнобод» технопарки резидентларини Тошкент шаҳри, Наманган вилояти Чуст тумани ва Навоий вилояти Кармана тумани ҳудудида жойлаштиришнинг илмий, технологик ва иқтисодий жиҳатдан мақсадга мувофиқлигини ҳисобга олган ҳолда ушбу ҳудудлар чегарасида экстерриториаллик асосида жойлаштириш;
илмий-ҳажмдор маҳсулотларни ишлаб чиқаришнинг яхлит инновация занжирини амалга ошириш учун илм-фан, ўқув ва ишлаб чиқариш ташкилотларининг фаолиятини интеграциялаш;
инновация лойиҳаларини давлат, илмий ташкилотлар ва таълим муассасалари, тадбиркорлик субъектлари, тижорат банклари, халқаро молия институтлар ва донор мамлакатлар кредитлари ҳамда венчур фондларининг молия ресурслари ҳисобига биргаликда молиялаштириш;
хизмат кўрсатишнинг, жумладан илмий лабораториялар, керакли реагент ва сарфлаш материаллари билан таъминлаш, лицензия ва патентлар олишни ташкил қилиш, илмий ва инновация ишланмаларини тижоратлаштиришни ўз ичига олган яхлит инфратузилмани яратиш.
3. Ўзбекистон Республикаси Фанлар академияси, Фан ва технологиялар агентлиги, Олий ва ўрта махсус таълим вазирлиги ва Иқтисодиёт вазирлигининг «Яшнобод» технопаркининг илмий ишланмалар ва тадқиқотлар, саноат-тажриба синовларини ўтказиш ва инновация маҳсулотлари намуналарини ўзлаштириш бўйича қуйидаги йўналишларда ихтисослаштириш тўғрисидаги таклифларига розилик берилсин:
кимё технологияси, биотехнология, фармацевтика ва тиббиёт биотехнологияси, ўсимликларни ҳимоя қилиш воситалари;
материалшунослик, металлга ишлов бериш технологияси, зилзилабардошлилик, қурилиш материаллари;
озиқ-овқат саноати;
энергия тежамкорлик, муқобил ва энергиянинг қайта тикланадиган манбаларини ишлаб чиқариш, электрон ўлчаш асбоблари, робототехника, машинасозлик, электротехника.
4. «Яшнобод» технопаркининг асосий вазифа ва функциялари этиб қуйидагилар белгилансин:
патент софлигини инобатга олган ҳолда, инновация ишланмаларини, ички ва ташқи бозорларда талаб юқори бўлган юқори технологияли ва рақобатдош маҳсулотлар ишлаб чиқариш учун саноат-тажриба ва кичик инновация корхоналарини ташкил этиш;
инновация ишланмаларнинг саноат-тажриба синовларини ўтказиш ва ишлаб чиқаришда интеллектуал мулк объектларидан фойдаланишнинг ҳуқуқий ҳимоясини таъминлаш;
маҳаллий ишлаб чиқарувчиларнинг татбиқ этиш имкониятларини ҳисобга олган ҳолда, замонавий хорижий ва мамлакатимиз технологияларини трансфер қилишни таъминлаш;
юқори технологияли ва инновацияли ишлаб чиқаришни ташкил этишга қизиққан маҳаллий ва хорижий инвесторларни, шунингдек, ушбу мақсадлар учун имконият ва ресурсларга эга бўлган тадбиркорларни жалб этиш;
илмий-тадқиқот ва инновация ишланмаларининг самарадорлигини ошириш, уларнинг фаолият кўрсатишлари учун қулай шарт-шароитлар яратиш, юқори малакали мутахассисларни ҳамда талабаларни жалб этиш мақсадида олий таълим муассасалари, Ўзбекистон Республикаси Фанлар академияси ва ишлаб чиқариш соҳасидаги субъектлар ўртасида ўзаро узвий ва амалий алоқаларни таъминлаш;
инновация ишланмалари натижаларини тегишли тармоқлар маҳаллий ишлаб чиқарувчилар амалий фаолиятига кенг жорий этиш.
6. Белгилансинки:
технопаркнинг фаолият кўрсатиш муддати кейинчалик узайтириш имконияти билан 30 йилни ташкил этади;
Ўзбекистон Республикаси Инновацион ривожланиш вазирлиги «Яшнобод» технопарки фаолиятини мувофиқлаштиради, хўжалик юритувчи субъектларга «Яшнобод» технопарки резиденти мақомини бериш тўғрисида қарор қабул қилади ва «Яшнобод» технопарки раҳбарини лавозимга тайинлайди ва лавозимидан озод қилади.
Тошкент шаҳар ва Яшнобод тумани ҳокимликлари «Яшнобод» технопарки фаолиятига кўмаклашади.
7. Белгилаб қўйилсинки:
«Яшнобод» технопарки резидентларига инновация ишлаб чиқаришини ва стартаплар ташкил қилиш учун Яшнобод тумани ҳудудидан ер майдонлари электрон-онлайн аукцион орқали ажратилади.
«Яшнобод» технопарки иштирокчилари ҳисобланган илмий ва олий таълим муассасалари технопарк резидентларига илмий ишлаб чиқариш бинолари, шу жумладан лабораториялар, конструкторлик бюролари, тажриба-синов ишлаб чиқариш, техник хизмат кўрсатиш комплексларини, шунингдек, фойдаланилмаётган давлат мулки биноларини ижарага беришлари мумкин ва ижара тўловларидан тушган пул маблағларни, ўрнатилган тартибда балансда сақловчи ихтиёрида қоладиган маблағлардан ташқари, «Яшнобод» технопарки дирекциясига йўналтирилади;
«Яшнобод» технопарки резиденти статуси 10 йилгача танлов асосида берилади;
«Яшнобод» технопарки раҳбари мақомига кўра Ўзбекистон Республикаси инновацион ривожланиш вазири ўринбосарига тенглаштирилади.
8. Яшнобод тумани ҳокимлиги ва «Яшнобод туман коммунал таъмирлаш- авария тиклаш хизмати» масъулияти чекланган жамияти лабораторияларининг бир қисми ҳамда раҳбарият маъмуриятини жойлаштириш мақсадида Яшнобод тумани, Мажнунтол кўчаси, 5-уй манзилида жойлашган бинони берилишини таъминласин.
9. Белгилансинки, Ўзбекистон Республикаси ташқи иқтисодий фаолият миллий банки, «Яшнобод» технопарки ва унинг резидентлари ривожланишини молиявий қўллаб-қувватлаш бўйича асосий ваколатли банк ҳисобланади.
Тижорат банкларига «Яшнобод» технопаркида амалга оширилаётган инновация лойиҳаларига 2 йиллик имтиёзли давр билан 7 йил муддатгача, Ўзбекистон Республикаси Марказий банкининг қайта молиялаштириш ставкасидан 50 фоиздан ошмайдиган ставка бўйича имтиёзли кредитлар бериш тавсия этилсин.
Гаров сифатида харид қилинаётган (ташкил этилаётган) ускуна ҳамда «Яшнобод» технопарки маъмурияти кафолати этиб белгилансин.
10. «Яшнобод» технопарки маъмурияти ва резидентлари амалга оширилаётган инновация лойиҳалари бўйича «Яшнобод» технопаркининг бутун фаолият кўрсатиш даврида қуйидагилардан:
ер солиғи ва юридик шахсларнинг мол-мулкига солинадиган солиқдан;
белгиланган тартибда тасдиқланадиган рўйхатларга мувофиқ, инновация лойиҳаларини амалга ошириш доирасида ўз ишлаб чиқариш эҳтиёжи учун олиб кириладиган, Ўзбекистон Республикасида ишлаб чиқарилмайдиган асбоб-ускуна, хом ашё, материаллар, реактивлар, бутловчи буюмлар ҳамда қурилиш материаллари учун божхона тўловларидан (қўшилган қиймат солиғи ва божхона йиғимларидан ташқари) озод этилсин.
11. Ўзбекистон Республикаси Вазирлар Маҳкамаси ўн кунлик муддатда «Яшнобод» инновация технопарки тўғрисидаги Низом, технопарк маъмурияти таркиби, «Яшнобод» технопарки резидентларига ер майдонлари ажратиш тартиби, 2017-2018 йилларда «Яшнобод»технопаркида амалга оширилиши таклиф этилаётган инновация лойиҳалари рўйхатини тасдиқлашни ўз ичига олган «Яшнобод» технопарки фаолиятини ташкил этиш тўғрисида Вазирлар Маҳкамаси қарор қабул қилсин.
12. Ўзбекистон Республикаси Иқтисодиёт вазирлиги Тошкент шаҳар ҳокимлиги, Ўзбекистон Республикаси Фан ва технологиялар агентлиги, бошқа манфаатдор вазирлик ва идоралар билан икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар бўйича Ўзбекистон Республикаси Вазирлар Маҳкамасига таклифлар киритсин.
13. Мазкур Фармоннинг бажарилишини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 5 июнь,
ПФ-5068-сон
Oʻzbekiston Respublikasi Prezidentining
Farmoni
Toshkent shahrining Yashnobod tumanida innovatsiya texnoparkini tashkil qilish toʻgʻrisida
Yuqori texnologiyalarni rivojlantirish, ilmiy-texnologik va innovatsiya tadbirkorligining barqaror rivojlanishini taʼminlash, kichik innovatsiya korxonalarini tashkil etish, milliy va xorijiy bozorlarda raqobatdosh, ilmiy-hajmdor mahsulotlar ishlab chiqarishni va yetkazib berishni yoʻlga qoʻyish uchun qulay muhit shakllantirish maqsadida:
1. Toshkent shahar hokimligi, Oʻzbekiston Respublikasi Iqtisodiyot vazirligi, Fan va texnologiyalar agentligi, Fanlar akademiyasi, Oliy va oʻrta maxsus taʼlim vazirligi, Moliya vazirligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasining “Yashnobod” innovatsiya texnoparkini (keyingi oʻrinlarda — “Yashnobod” texnoparki) tashkil etish toʻgʻrisidagi taklifi qabul qilinsin.
2. Belgilab qoʻyilsinki, “Yashnobod” texnoparki quyidagi tamoyillar asosida tashkil etiladi:
Yashnobod” texnoparki rezidentlarini Toshkent shahri, Namangan viloyati Chust tumani va Navoiy viloyati Karmana tumani hududida joylashtirishning ilmiy, texnologik va iqtisodiy jihatdan maqsadga muvofiqligini hisobga olgan holda ushbu hududlar chegarasida eksterritoriallik asosida joylashtirish;
ilmiy-hajmdor mahsulotlarni ishlab chiqarishning yaxlit innovatsiya zanjirini amalga oshirish uchun ilm-fan, oʻquv va ishlab chiqarish tashkilotlarining faoliyatini integratsiyalash;
innovatsiya loyihalarini davlat, ilmiy tashkilotlar va taʼlim muassasalari, tadbirkorlik subyektlari, tijorat banklari, xalqaro moliya institutlar va donor mamlakatlar kreditlari hamda venchur fondlarining moliya resurslari hisobiga birgalikda moliyalashtirish;
xizmat koʻrsatishning, jumladan ilmiy laboratoriyalar, kerakli reagent va sarflash materiallari bilan taʼminlash, litsenziya va patentlar olishni tashkil qilish, ilmiy va innovatsiya ishlanmalarini tijoratlashtirishni oʻz ichiga olgan yaxlit infratuzilmani yaratish.
3. Oʻzbekiston Respublikasi Fanlar akademiyasi, Fan va texnologiyalar agentligi, Oliy va oʻrta maxsus taʼlim vazirligi va Iqtisodiyot vazirligining “Yashnobod” texnoparkining ilmiy ishlanmalar va tadqiqotlar, sanoat-tajriba sinovlarini oʻtkazish va innovatsiya mahsulotlari namunalarini oʻzlashtirish boʻyicha quyidagi yoʻnalishlarda ixtisoslashtirish toʻgʻrisidagi takliflariga rozilik berilsin:
kimyo texnologiyasi, biotexnologiya, farmatsevtika va tibbiyot biotexnologiyasi, oʻsimliklarni himoya qilish vositalari;
materialshunoslik, metallga ishlov berish texnologiyasi, zilzilabardoshlilik, qurilish materiallari;
oziq-ovqat sanoati;
energiya tejamkorlik, muqobil va energiyaning qayta tiklanadigan manbalarini ishlab chiqarish, elektron oʻlchash asboblari, robototexnika, mashinasozlik, elektrotexnika.
4. “Yashnobod” texnoparkining asosiy vazifa va funksiyalari etib quyidagilar belgilansin:
patent sofligini inobatga olgan holda, innovatsiya ishlanmalarini, ichki va tashqi bozorlarda talab yuqori boʻlgan yuqori texnologiyali va raqobatdosh mahsulotlar ishlab chiqarish uchun sanoat-tajriba va kichik innovatsiya korxonalarini tashkil etish;
innovatsiya ishlanmalarning sanoat-tajriba sinovlarini oʻtkazish va ishlab chiqarishda intellektual mulk obyektlaridan foydalanishning huquqiy himoyasini taʼminlash;
mahalliy ishlab chiqaruvchilarning tatbiq etish imkoniyatlarini hisobga olgan holda, zamonaviy xorijiy va mamlakatimiz texnologiyalarini transfer qilishni taʼminlash;
yuqori texnologiyali va innovatsiyali ishlab chiqarishni tashkil etishga qiziqqan mahalliy va xorijiy investorlarni, shuningdek, ushbu maqsadlar uchun imkoniyat va resurslarga ega boʻlgan tadbirkorlarni jalb etish;
ilmiy-tadqiqot va innovatsiya ishlanmalarining samaradorligini oshirish, ularning faoliyat koʻrsatishlari uchun qulay shart-sharoitlar yaratish, yuqori malakali mutaxassislarni hamda talabalarni jalb etish maqsadida oliy taʼlim muassasalari, Oʻzbekiston Respublikasi Fanlar akademiyasi va ishlab chiqarish sohasidagi subyektlar oʻrtasida oʻzaro uzviy va amaliy aloqalarni taʼminlash;
innovatsiya ishlanmalari natijalarini tegishli tarmoqlar mahalliy ishlab chiqaruvchilar amaliy faoliyatiga keng joriy etish.
6. Belgilansinki:
texnoparkning faoliyat koʻrsatish muddati keyinchalik uzaytirish imkoniyati bilan 30 yilni tashkil etadi;
Oʻzbekiston Respublikasi Innovatsion rivojlanish vazirligi “Yashnobod” texnoparki faoliyatini muvofiqlashtiradi, xoʻjalik yurituvchi subyektlarga “Yashnobod” texnoparki rezidenti maqomini berish toʻgʻrisida qaror qabul qiladi va “Yashnobod” texnoparki rahbarini lavozimga tayinlaydi va lavozimidan ozod qiladi.
Toshkent shahar va Yashnobod tumani hokimliklari “Yashnobod” texnoparki faoliyatiga koʻmaklashadi.
7. Belgilab qoʻyilsinki:
“Yashnobod” texnoparki rezidentlariga innovatsiya ishlab chiqarishini va startaplar tashkil qilish uchun Yashnobod tumani hududidan yer maydonlari elektron-onlayn auksion orqali ajratiladi.
“Yashnobod” texnoparki ishtirokchilari hisoblangan ilmiy va oliy taʼlim muassasalari texnopark rezidentlariga ilmiy ishlab chiqarish binolari, shu jumladan laboratoriyalar, konstruktorlik byurolari, tajriba-sinov ishlab chiqarish, texnik xizmat koʻrsatish komplekslarini, shuningdek, foydalanilmayotgan davlat mulki binolarini ijaraga berishlari mumkin va ijara toʻlovlaridan tushgan pul mablagʻlarni, oʻrnatilgan tartibda balansda saqlovchi ixtiyorida qoladigan mablagʻlardan tashqari, “Yashnobod” texnoparki direksiyasiga yoʻnaltiriladi;
“Yashnobod” texnoparki rezidenti statusi 10 yilgacha tanlov asosida beriladi;
“Yashnobod” texnoparki rahbari maqomiga koʻra Oʻzbekiston Respublikasi innovatsion rivojlanish vaziri oʻrinbosariga tenglashtiriladi.
8. Yashnobod tumani hokimligi va “Yashnobod tuman kommunal taʼmirlash- avariya tiklash xizmati” masʼuliyati cheklangan jamiyati laboratoriyalarining bir qismi hamda rahbariyat maʼmuriyatini joylashtirish maqsadida Yashnobod tumani, Majnuntol koʻchasi, 5-uy manzilida joylashgan binoni berilishini taʼminlasin.
9. Belgilansinki, Oʻzbekiston Respublikasi tashqi iqtisodiy faoliyat milliy banki, “Yashnobod” texnoparki va uning rezidentlari rivojlanishini moliyaviy qoʻllab-quvvatlash boʻyicha asosiy vakolatli bank hisoblanadi.
Tijorat banklariga “Yashnobod” texnoparkida amalga oshirilayotgan innovatsiya loyihalariga 2 yillik imtiyozli davr bilan 7 yil muddatgacha, Oʻzbekiston Respublikasi Markaziy bankining qayta moliyalashtirish stavkasidan 50 foizdan oshmaydigan stavka boʻyicha imtiyozli kreditlar berish tavsiya etilsin.
Garov sifatida xarid qilinayotgan (tashkil etilayotgan) uskuna hamda “Yashnobod” texnoparki maʼmuriyati kafolati etib belgilansin.
10. “Yashnobod” texnoparki maʼmuriyati va rezidentlari amalga oshirilayotgan innovatsiya loyihalari boʻyicha “Yashnobod” texnoparkining butun faoliyat koʻrsatish davrida quyidagilardan:
yer soligʻi va yuridik shaxslarning mol-mulkiga solinadigan soliqdan;
belgilangan tartibda tasdiqlanadigan roʻyxatlarga muvofiq, innovatsiya loyihalarini amalga oshirish doirasida oʻz ishlab chiqarish ehtiyoji uchun olib kiriladigan, Oʻzbekiston Respublikasida ishlab chiqarilmaydigan asbob-uskuna, xom ashyo, materiallar, reaktivlar, butlovchi buyumlar hamda qurilish materiallari uchun bojxona toʻlovlaridan (qoʻshilgan qiymat soligʻi va bojxona yigʻimlaridan tashqari) ozod etilsin.
11. Oʻzbekiston Respublikasi Vazirlar Mahkamasi oʻn kunlik muddatda “Yashnobod” innovatsiya texnoparki toʻgʻrisidagi Nizom, texnopark maʼmuriyati tarkibi, “Yashnobod” texnoparki rezidentlariga yer maydonlari ajratish tartibi, 2017-2018-yillarda “Yashnobod”texnoparkida amalga oshirilishi taklif etilayotgan innovatsiya loyihalari roʻyxatini tasdiqlashni oʻz ichiga olgan “Yashnobod” texnoparki faoliyatini tashkil etish toʻgʻrisida Vazirlar Mahkamasi qaror qabul qilsin.
12. Oʻzbekiston Respublikasi Iqtisodiyot vazirligi Toshkent shahar hokimligi, Oʻzbekiston Respublikasi Fan va texnologiyalar agentligi, boshqa manfaatdor vazirlik va idoralar bilan ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar boʻyicha Oʻzbekiston Respublikasi Vazirlar Mahkamasiga takliflar kiritsin.
13. Mazkur Farmonning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 5-iyun,
PF-5068-son
Президента Республики Узбекистан
Указ
О создании инновационного технопарка в Яшнабадском районе города Ташкента
В целях формирования благоприятной среды для развития высоких технологий, обеспечения устойчивого развития научно-технологического и инновационного предпринимательства, создания малых инновационных предприятий, налаживания производства и поставки на отечественный и зарубежный рынки конкурентоспособной, востребованной наукоемкой продукции:
1. Принять предложение хокимията города Ташкента, Министерства экономики, Агентства по науке и технологиям, Академии наук, Министерства высшего и среднего специального образования, Министерства финансов Республики Узбекистан, Государственного комитета Республики Узбекистан по содействию приватизированным предприятиям и развитию конкуренции о создании инновационного технопарка «Яшнабад» (далее — технопарк «Яшнабад»).
2. Установить, что технопарк «Яшнабад» создается на следующих принципах:
экстерриториальность в пределах города Ташкента, Чустского района Наманганской области и Карманинского района Навоийской области, предусматривающая размещение резидентов технопарка «Яшнабад» на данных территориях с учетом научной, технологической и экономической целесообразности;
интеграция деятельности научных, учебных и производственных организаций для осуществления всей инновационной цепочки производства наукоемкой продукции;
софинансирование реализации инновационных проектов за счет финансовых ресурсов государства, научных организаций и образовательных учреждений, субъектов предпринимательства, коммерческих банков, кредитов и грантов международных финансовых институтов и стран — доноров, а также венчурных фондов;
создание единой инфраструктуры обслуживания, включающей в том числе научные лаборатории, снабжение необходимыми реагентами и расходными материалами, организация получения патентов и лицензий, содействие в трансфере технологий и коммерциализации научных и инновационных разработок.
3. Согласиться с предложением Академии наук, Агентства по науке и технологиям, Министерства высшего и среднего специального образования и Министерства экономики Республики Узбекистан о специализации технопарка «Яшнабад» на проведение научных разработок и исследований, опытно-промышленных испытаний и передачи на освоение образцов инновационной продукции в областях:
химических технологий, биотехнологии, фармацевтики и медицинской биотехнологии, средств защиты растений;
материаловедения, технологий обработки металлов, сейсмостойкости, строительных материалов;
пищевой промышленности;
энергосбережения, производства альтернативных и возобновляемых источников энергии, электронных измерительных приборов, робототехники, машиностроения, электротехники.
4. Определить основными направлениями деятельности технопарка «Яшнабад»:
организацию инновационных разработок с учетом патентной чистоты, опытно-промышленных и малых инновационных предприятий для производства высокотехнологичной, конкурентоспособной продукции, востребованной на внутреннем и внешнем рынках;
проведение опытно-промышленных испытаний инновационных разработок и обеспечение правовой охраны использования объектов интеллектуальной собственности в производстве;
обеспечение трансфера современных зарубежных и отечественных технологий с учетом возможности их внедрения среди отечественных производителей;
привлечение отечественных и зарубежных инвесторов, заинтересованных в организации высокотехнологичных и инновационных производств, а также имеющих потенциал и ресурсы для этих целей;
обеспечение тесного и практического взаимодействия между высшими образовательными учреждениями, Академией наук Республики Узбекистан и субъектами производственной сферы в целях повышения эффективности научно-исследовательских и инновационных разработок, создание благоприятных условий для их функционирования, привлечение высококвалифицированных специалистов, а также студентов;
широкое внедрение результатов инновационных разработок в практику деятельности отечественных производителей в соответствующих отраслях.
6. Определить, что:
срок функционирования технопарка составляет 30 лет с возможностью его последующего продления;
Министерство инновационного развития Республики Узбекистан координирует деятельность технопарка «Яшнабад», принимает решение о предоставлении статуса резидента технопарка «Яшнабад» хозяйствующим субъектам, а также назначает на должность и освобождает от должности руководителя технопарка «Яшнабад;
хокимияты города Ташкента и Яшнабадского района оказывают необходимое содействие в деятельности технопарка «Яшнабад».
7. Установить, что:
резидентам технопарка «Яшнабад» земельные участки на территории Яшнабадского района для организации инновационного производства и стартапов выделяются посредством электронных онлайн-аукционов.
участники технопарка «Яшнабад» из числа научных и высших образовательных учреждений могут предоставлять в аренду резидентам технопарка «Яшнабад» научно-производственные помещения, включая лаборатории, конструкторские бюро, опытные производства, комплексы технического обслуживания, а также неиспользуемые помещения, являющиеся государственной собственностью, с направлением поступающих от аренды средств дирекции технопарка «Яшнабад», за исключением средств, оставляемых в установленном порядке в распоряжении балансодержателя;
статус резидентов технопарка «Яшнабад» присваивается сроком до 10 лет на конкурсной основе;
директор технопарка «Яшнабад» приравнивается по статусу к заместителю министра инновационного развития Республики Узбекистан.
8. Хокимияту Яшнабадского района и ООО «Коммунальная ремонтно-аварийная восстановительная служба Яшнабадского района» передать дирекции технопарка «Яшнабад» для размещения администрации дирекции и части лабораторий здание, расположенное по адресу: г.Ташкент, Яшнабадский район, ул. Мажнунтол, 5.
9. Определить Национальный банк внешнеэкономической деятельности Республики Узбекистан основным уполномоченным банком, ответственным за финансовую поддержку развития технопарка «Яшнабад» и его резидентов.
Рекомендовать коммерческим банкам выделять льготные кредиты для инновационных проектов, реализуемых в технопарке «Яшнабад» на срок до 7 лет, с двухлетним льготным периодом, с процентной ставкой в размере не более 50 процентов от установленной ставки рефинансирования Центрального банка Республики Узбекистан.
Разрешить в качестве залогового обеспечения принимать закупаемое (создаваемое) оборудование, а также поручительство дирекции технопарка «Яшнабад».
10. Освободить дирекцию и резидентов технопарка «Яшнабад» по реализуемым инновационным проектам на весь период функционирования технопарка «Яшнабад» от уплаты:
земельного налога и налога на имущество с юридических лиц;
таможенных платежей (кроме налога на добавленную стоимость и таможенных сборов) за оборудование, сырье, материалы, реактивы, комплектующие изделия и строительные материалы, не производимые в Республике Узбекистан, завозимые для собственных производственных нужд в рамках реализации инновационных проектов, по перечням, утверждаемым в установленном порядке.
11. Кабинету Министров Республики Узбекистан в десятидневный срок принять постановление об организации деятельности технопарка «Яшнабад», предусмотрев в нем утверждение Положения об инновационном технопарке «Яшнабад», структуры дирекции, порядка выделения земельных участков резидента технопарка «Яшнабад», перечня инновационных проектов, предлагаемых к реализации в технопарке «Яшнабад» в 2017-2018 гг.
12. Министерству экономики Республики Узбекистан совместно с хокимиятом города Ташкента, Агентством по науке и технологиям, Министерством юстиции Республики Узбекистан, другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
13. Контроль за исполнением настоящего Указа возложить на Премьер-министра Республики Узбекистан Арипова А.Н.
Президент Республики Узбекистан Ш. МИРЗИЁЕВ
г. Ташкент,
5 июня 2017 г.,
№ УП-5068