UzbekAI

Ўзбекистон Республикаси Президентининг

Қарори

Халқаро шартномани тасдиқлаш тўғрисида

Ўзбекистон Республикаси ҳамда Қозоғистон Республикаси ўртасида савдо-иқтисодий ва маданий-гуманитар соҳаларда, қишлоқ хўжалиги, соғлиқни сақлаш, аҳоли бандлигига кўмаклашиш, туризм ва атроф муҳитни муҳофаза қилишда, шунингдек, ўзаро қизиқиш уйғотаётган бошқа йўналишларда ҳудудлараро манфаатли ҳамкорликни янада кенгайтириш ва ривожлантириш мақсадида:

1. Ўзбекистон Республикаси Ҳукумати ва Қозоғистон Республикаси Ҳукумати ўртасида 2017 йил 23 мартда Остона шаҳрида имзоланган ҳудудлараро ҳамкорлик тўғрисидаги Битим тасдиқлансин.

2. Ўзбекистон Республикаси Ташқи ишлар вазирлиги Ўзбекистон Республикаси мазкур халқаро шартнома кучга кириши учун зарур бўлган ички давлат тартиб-таомилларини бажаргани ҳақида Қозоғистон томонига тегишли билдиришнома йўлласин.

3. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда тегишли вазирлик ва идоралар раҳбарлари ушбу халқаро шартнома кучга киргандан кейин белгиланган тартибда Ўзбекистон Республикасининг мажбуриятлари бажарилиши устидан назоратни таъминласинлар.

4. Мазкур қарорнинг ижросини назорат қилиш Ўзбекистон Республикасининг Бош вазири А. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 6 июнь,

ПҚ-3038-сон

(Ўзбекистон Республикаси қонун ҳужжатлари тўплами, 2017 й., 23-сон, 458-модда)

lex.uz

Oʻzbekiston Respublikasi Prezidentining

Qarori

Xalqaro shartnomani tasdiqlash toʻgʻrisida

Oʻzbekiston Respublikasi hamda Qozogʻiston Respublikasi oʻrtasida savdo-iqtisodiy va madaniy-gumanitar sohalarda, qishloq xoʻjaligi, sogʻliqni saqlash, aholi bandligiga koʻmaklashish, turizm va atrof muhitni muhofaza qilishda, shuningdek, oʻzaro qiziqish uygʻotayotgan boshqa yoʻnalishlarda hududlararo manfaatli hamkorlikni yanada kengaytirish va rivojlantirish maqsadida:

1. Oʻzbekiston Respublikasi Hukumati va Qozogʻiston Respublikasi Hukumati oʻrtasida 2017-yil 23-martda Ostona shahrida imzolangan hududlararo hamkorlik toʻgʻrisidagi Bitim tasdiqlansin.

2. Oʻzbekiston Respublikasi Tashqi ishlar vazirligi Oʻzbekiston Respublikasi mazkur xalqaro shartnoma kuchga kirishi uchun zarur boʻlgan ichki davlat tartib-taomillarini bajargani haqida Qozogʻiston tomoniga tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda tegishli vazirlik va idoralar rahbarlari ushbu xalqaro shartnoma kuchga kirgandan keyin belgilangan tartibda Oʻzbekiston Respublikasining majburiyatlari bajarilishi ustidan nazoratni taʼminlasinlar.

4. Mazkur qarorning ijrosini nazorat qilish Oʻzbekiston Respublikasining Bosh vaziri A. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 6-iyun,

PQ-3038-son

(Oʻzbekiston Respublikasi qonun hujjatlari toʻplami, 2017-y., 23-son, 458-modda)

lex.uz

Президента Республики Узбекистан

Постановление

Об утверждении международного договора

В целях дальнейшего расширения и развития взаимовыгодного межрегионального сотрудничества между Республикой Узбекистан и Республикой Казахстан в торгово-экономической и культурно-гуманитарной сферах, в областях сельского хозяйства, здравоохранения, содействия занятости населения, туризма и охраны окружающей среды, а также в других направлениях, представляющих взаимный интерес:

1. Утвердить Соглашение между Правительством Республики Узбекистан и Правительством Республики Казахстан о межрегиональном сотрудничестве, подписанное 23 марта 2017 года в г. Астане.

2. Министерству иностранных дел Республики Узбекистан направить Казахстанской стороне соответствующее уведомление о выполнении Республикой Узбекистан внутригосударственных процедур, необходимых для вступления в силу указанного международного договора.

3. Кабинету Министров Республики Узбекистан, руководителям Совета Министров Республики Каракалпакстан, хокимиятов областей и г.Ташкента, а также соответствующих министерств и ведомств после вступления в силу данного международного договора в установленном порядке обеспечить контроль за выполнением обязательств Республики Узбекистан.

4. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

6 июня 2017 г.,

№ ПП-3038

(Собрание законодательства Республики Узбекистан, 2017 г., № 23, ст. 458)

lex.uz