📅 2017-yil 5-iyun · Prezident farmoyishlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 5 июнь · Президент фармойишлари
Расмий матн. Расмий ҳужжат. Таҳририй изоҳлар киритилмаган.
📅 5 июня 2017 г. · Распоряжения Президента
Официальный текст. Официальный документ. Редакционные примечания не включены.
📅 5 June 2017 · Presidential orders
Official text. Official document. Editorial notes are not included.
Ўзбекистон Республикаси Президентининг
Фармойиши
РЎЙХАТИ
Ўзбекистон Республикаси тадбиркорлик субъектлари томонидан Қозоғистон Республикасида ташкил этилган савдо уйлари орқали товарлар экспортини амалга ошириш тартиби тўғрисида
Экспорт номенклатурасини кенгайтириш ва ҳажмларини ошириш, Қозоғистон Республикасида ташкил этилган савдо уйлари орқали, шу жумладан, юқори қўшимча қийматга эга маҳаллий товарларнинг кенг турларини тўғридан-тўғри етказиб беришни ташкиллаштириш мақсадида:
1. Маълумот учун қабул қилинсинки, Қозоғистон Республикаси делегациясининг Ўзбекистон Республикасига бўлган ташрифи натижалари бўйича эришилган Қозоғистон Республикаси билан савдо-иқтисодий ҳамкорликни кенгайтириш бўйича келишувларни амалга ошириш мақсадида, Ўзбекистон Республикаси тадбиркорлик субъектлари иштирокида иловага мувофиқ қўшма корхоналар (кейинги ўринларда — савдо уйлари деб юритилади) ташкил этилди.
2. Белгилансинки, 2017 йилнинг 1 июнидан бошлаб «Ўзбекнефтгаз» МХК, «Ўзкимёсаноат» АЖ, «Ўзвинсаноатхолдинг» ХК, «Ўзсаноатэкспорт» АЖ, «Ўзагроэкспорт» АЖ, шунингдек, уларнинг тузилмасига кирувчи ташкилотлар, банк кафолатномаси ёки сиёсий ва тижорат таваккалчиликларидан экспорт контрактларини суғурталаш полисини тақдим этмасдан, устав жамғармасида, мазкур ташкилотларнинг умумий улуши камида 51 фоизни ташкил қиладиган, ушбу қарорнинг иловасида белгиланган Қозоғистон Республикасидаги савдо уйлари манзилларига товарларни консигнация шартларида етказиб беришлари мумкин.
3. Вазирлар Маҳкамасининг 2005 йил 9 августдаги 189-сонли қарори (Ўзбекистон Республикаси Ҳукуматининг қарорлари тўплами, 2005 йил, 8-сон, 40-бет) билан тасдиқланган Ўзбекистон Республикаси хўжалик юритувчи субъектлари томонидан хорижий мамлакатлардаги улар ташкил этган савдо уйлари, ваколатхоналар, корхоналар орқали, шунингдек Ўзбекистон Республикаси Савдо-саноат палатасининг хорижий мамлакатлардаги савдо инвестиция уйлари орқали олиб чиқилаётган товарларни божхонада расмийлаштириш тартиби тўғрисидаги Низомнинг 6-банди , қуйидаги мазмундаги хатбоши билан тўлдирилсин:
«Ўзбекнефтгаз» МХК, «Ўзкимёсаноат» АЖ, «Ўзбекозиқовқатхолдинг» ХК, «Ўзвинсаноатхолдинг» ХК, «Ўзсаноатэкспорт» АЖ, «Ўзтрейд»АЖ, «Ўзагроэкспорт» АЖ, шунингдек, уларнинг тузилмасига кирувчи ташкилотлар, устав жамғармасида, мазкур ташкилотларнинг умумий улуши камида 51 фоизни ташкил қиладиган Қозоғистон Республикасидаги савдо уйлари манзилига етказиб берилиши мумкин.»
4. Мазкур фармойишнинг ижросини назорат қилиш Ўзбекистон Республикаси Бош вазирининг ўринбосари У. Розукулов зиммасига юклансин.
Ўзбекистон Республикаси Президентининг 2017 йил 5 июндаги Ф-4956-сон фармойишига ИЛОВА
Ўзбекистон Республикаси тадбиркорлик субъектлари иштирокида ташкил этилган қўшма корхоналар (савдо уйлари)
1. «НефтехимТрейдинг» Ўзбекистон-Қозоғистон савдо уйи» МЧШ — нефть-кимё ва кимё маҳсулотларини етказиб беришни ташкил этиш бўйича. Ўзбекистон Республикаси хўжалик юритувчи субъектлари улуши: «Ўзбекнефтгаз» МХК — 17 фоиз, «Ўзкимёсаноат» АЖ — 17 фоиз, «Ўзсаноатэкспорт» АЖ — 17 фоиз.
2. «Марказий Осиё савдо уйи» МЧШ — озиқ-овқат маҳсулотларини етказиб беришни ташкил этиш бўйича. Ўзбекистон Республикаси хўжалик юритувчи субъектлари улуши: «Ўзагроэкспорт» АЖ — 17 фоиз, «Винпромимпэкс» МЧЖ — 17 фоиз, «Ўзтрейд» АЖ — 17 фоиз.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 5 июнь,
Ф-4956-сон
Oʻzbekiston Respublikasi Prezidentining
Farmoyishi
ROʻYXATI
Oʻzbekiston Respublikasi tadbirkorlik subyektlari tomonidan Qozogʻiston Respublikasida tashkil etilgan savdo uylari orqali tovarlar eksportini amalga oshirish tartibi toʻgʻrisida
Eksport nomenklaturasini kengaytirish va hajmlarini oshirish, Qozogʻiston Respublikasida tashkil etilgan savdo uylari orqali, shu jumladan, yuqori qoʻshimcha qiymatga ega mahalliy tovarlarning keng turlarini toʻgʻridan-toʻgʻri yetkazib berishni tashkillashtirish maqsadida:
1. Maʼlumot uchun qabul qilinsinki, Qozogʻiston Respublikasi delegatsiyasining Oʻzbekiston Respublikasiga boʻlgan tashrifi natijalari boʻyicha erishilgan Qozogʻiston Respublikasi bilan savdo-iqtisodiy hamkorlikni kengaytirish boʻyicha kelishuvlarni amalga oshirish maqsadida, Oʻzbekiston Respublikasi tadbirkorlik subyektlari ishtirokida ilovaga muvofiq qoʻshma korxonalar (keyingi oʻrinlarda — savdo uylari deb yuritiladi) tashkil etildi.
2. Belgilansinki, 2017-yilning 1-iyunidan boshlab “Oʻzbekneftgaz” MXK, “Oʻzkimyosanoat” AJ, “Oʻzvinsanoatxolding” XK, “Oʻzsanoateksport” AJ, “Oʻzagroeksport” AJ, shuningdek, ularning tuzilmasiga kiruvchi tashkilotlar, bank kafolatnomasi yoki siyosiy va tijorat tavakkalchiliklaridan eksport kontraktlarini sugʻurtalash polisini taqdim etmasdan, ustav jamgʻarmasida, mazkur tashkilotlarning umumiy ulushi kamida 51 foizni tashkil qiladigan, ushbu qarorning ilovasida belgilangan Qozogʻiston Respublikasidagi savdo uylari manzillariga tovarlarni konsignatsiya shartlarida yetkazib berishlari mumkin.
3. Vazirlar Mahkamasining 2005-yil 9-avgustdagi 189-sonli qarori (Oʻzbekiston Respublikasi Hukumatining qarorlari toʻplami, 2005-yil, 8-son, 40-bet) bilan tasdiqlangan Oʻzbekiston Respublikasi xoʻjalik yurituvchi subyektlari tomonidan xorijiy mamlakatlardagi ular tashkil etgan savdo uylari, vakolatxonalar, korxonalar orqali, shuningdek Oʻzbekiston Respublikasi Savdo-sanoat palatasining xorijiy mamlakatlardagi savdo investitsiya uylari orqali olib chiqilayotgan tovarlarni bojxonada rasmiylashtirish tartibi toʻgʻrisidagi Nizomning 6-bandi , quyidagi mazmundagi xatboshi bilan toʻldirilsin:
“Oʻzbekneftgaz” MXK, “Oʻzkimyosanoat” AJ, “Oʻzbekoziqovqatxolding” XK, “Oʻzvinsanoatxolding” XK, “Oʻzsanoateksport” AJ, “Oʻztreyd”AJ, “Oʻzagroeksport” AJ, shuningdek, ularning tuzilmasiga kiruvchi tashkilotlar, ustav jamgʻarmasida, mazkur tashkilotlarning umumiy ulushi kamida 51 foizni tashkil qiladigan Qozogʻiston Respublikasidagi savdo uylari manziliga yetkazib berilishi mumkin.”
4. Mazkur farmoyishning ijrosini nazorat qilish Oʻzbekiston Respublikasi Bosh vazirining oʻrinbosari U. Rozukulov zimmasiga yuklansin.
Oʻzbekiston Respublikasi Prezidentining 2017-yil 5-iyundagi F-4956-son farmoyishiga ILOVA
Oʻzbekiston Respublikasi tadbirkorlik subyektlari ishtirokida tashkil etilgan qoʻshma korxonalar (savdo uylari)
1. “NefteximTreyding” Oʻzbekiston-Qozogʻiston savdo uyi” MCHSH — neft-kimyo va kimyo mahsulotlarini yetkazib berishni tashkil etish boʻyicha. Oʻzbekiston Respublikasi xoʻjalik yurituvchi subyektlari ulushi: “Oʻzbekneftgaz” MXK — 17 foiz, “Oʻzkimyosanoat” AJ — 17 foiz, “Oʻzsanoateksport” AJ — 17 foiz.
2. “Markaziy Osiyo savdo uyi” MCHSH — oziq-ovqat mahsulotlarini yetkazib berishni tashkil etish boʻyicha. Oʻzbekiston Respublikasi xoʻjalik yurituvchi subyektlari ulushi: “Oʻzagroeksport” AJ — 17 foiz, “Vinpromimpeks” MCHJ — 17 foiz, “Oʻztreyd” AJ — 17 foiz.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 5-iyun,
F-4956-son
Президента Республики Узбекистан
Распоряжение
СПИСОК
О порядке осуществления экспорта товаров субъектами предпринимательства Республики Узбекистан через торговые дома, созданные в Республике Казахстан
В целях расширения номенклатуры и увеличения объемов экспорта, организации прямых поставок широкого ассортимента отечественных товаров, в том числе с высокой добавленной стоимостью, через торговые дома, созданные в Республике Казахстан:
1. Принять к сведению, что в целях реализации договоренностей по расширению торгово-экономического сотрудничества с Республикой Казахстан, достигнутых по итогам состоявшегося визита делегации Республики Казахстан в Республику Узбекистан, созданы совместные предприятия с участием субъектов предпринимательства Республики Узбекистан (далее — торговые дома) согласно приложению .
2. Установить, что с 1 июня 2017 года НХК «Узбекнефтегаз», АО «Узкимесаноат», ХК «Узвинпромхолдинг», АО «Узсаноатэкспорт», АО «Узагроэкспорт», а также организации, входящие в их структуру, могут поставлять товар на условиях консигнации, без предоставления банковской гарантии или полиса страхования экспортных контрактов от политических и коммерческих рисков в адрес торговых домов в Республике Казахстан, указанных в приложении к настоящему постановлению, в уставном фонде которых совокупная доля данных организаций составляет не менее 51 процента.
3. Пункт 6 Положения о порядке таможенного оформления товаров, вывозимых хозяйствующими субъектами Республики Узбекистан через торговые дома, представительства, предприятия, созданные ими в зарубежных странах, а также через торгово-инвестиционные дома Торгово-промышленной палаты Республики Узбекистан в зарубежных странах, утвержденного постановлением Кабинета Министров от 9 августа 2005 года № 189 (СП Правительства Республики Узбекистан, 2005 г., № 8, ст. 40), дополнить абзацем следующего содержания:
«НХК «Узбекнефтегаз», АО «Узкимесаноат», ХК «Узбекозиковкатхолдинг», ХК «Узвинпромхолдинг», АО «Узсаноатэкспорт», АО «Узагроэкспорт», АО «Узтрейд», а также организации, входящие в их структуру, в адрес торговых домов в Республике Казахстан, в уставном фонде которых совокупная доля данных организаций составляет не менее 51 процента».
4. Контроль за исполнением настоящего распоряжения возложить на заместителя Премьер-министра Республики Узбекистан У.У. Розукулова.
ПРИЛОЖЕНИЕ к распоряжению Президента Республики Узбекистан от 5 июня 2017 года № Р-4956
совместных предприятий (торговых домов), созданных с участием субъектов предпринимательства Республики Узбекистан
1. ТОО «Казахстанско-узбекский торговый дом «НефтехимТрейдинг»» — по организации поставок нефтехимической и химической продукции. Доля хозяйствующих субъектов Республики Узбекистан: НХК «Узбекнефтегаз» — 17%, АО «Узкимесаноат» -17%, АО «Узсаноатэкспорт» -17 %.
2. ТОО «Центрально-Азиатский торговый дом» — по организации поставок продовольственных товаров. Доля хозяйствующих субъектов Республики Узбекистан: АО «Узагроэкспорт» — 17%, ООО «Винпромимпэкс» -17%, АО «Узтрейд» — 17%.
Президент Республики Узбекистан Ш. МИРЗИЁЕВ
г. Ташкент,
5 июня 2017 г.,
№ Р-4956