UzbekAI

Ўзбекистон Республикаси Президентининг

Қарори

Маҳаллий давлат ҳокимияти органларининг бюджет ваколатларини кенгайтириш ва маҳаллий бюджет даромадларини шакллантиришдаги масъулиятини ошириш тўғрисида

Ўзбекистон Республикаси Президентининг 2017 йил 7 июндаги «Маҳаллий бюджетларни шакллантиришда маҳаллий давлат ҳокимияти органларининг бюджет ваколатларини кенгайтириш чора-тадбирлари тўғрисида» ПФ-5075-сонли Фармони ижросини таъминлаш ҳамда маҳаллий бюджетларнинг даромад базасини кенгайтириш ва харажатларини мақбуллаштиришда уларнинг манфаатдорлигини оширишни таъминлайдиган маҳаллий давлат ҳокимияти органларининг бюджет ваколатлари ва мажбуриятларини белгилашнинг замонавий механизмларини жорий этиш мақсадида:

1. Қорақалпоғистон Республикаси Вазирлар Кенгаши, вилоятлар, Тошкент шаҳри, туманлар ва шаҳарлар ҳокимликларига қуйидагиларни таъминлаш юклатилсин:

ўз ҳудудидаги солиқ тўловчиларни тўлиқ қамраб олиш ва солиқлар йиғилувчанлигини ошириш, янги ишлаб чиқариш корхоналарини барпо этиш, ишламаётган, иқтисодий ночор корхоналарни фаолиятини қайта тиклаш орқали маҳаллий бюджет даромадларини кўпайтириш;

тегишли бюджетларнинг тасдиқланган даромадлари режасини бажаришни, қонунчилик доирасида харажатларни, шу жумладан, иш ҳақи ва унга тенглаштирилган тўловларни ўз вақтида ва тўлиқ молиялаштирилишини таъминлаш;

бюджет ташкилотлари ходимларининг иш ҳақи миқдорини Ўзбекистон Республикаси Президентининг иш ҳақини ошириш тўғрисидаги фармонлари ва бошқа норматив-ҳужжатларда белгиланган миқдорлар доирасида ошириш;

бюджет ташкилотларида амалдаги қонун ҳужжатларига мувофиқ белгиланган штат нормативларидан ортиқча штат бирликлари киритмаслик.

2. Белгилансинки:

2017 йилнинг 1 июлидан бошлаб Тошкент шаҳри туманлари бюджетларининг умумий ҳажмидан 1 фоиз миқдорида туман ҳокимликлари захира жамғармалари шакллантирилади;

туман бюджетларида белгиланган айланма касса маблағларининг чорак якуни билан сақланиши ва харажатларнинг қонун ҳужжатларига мувофиқ амалга оширилишини ғазначилик бўлинмалари таъминлайди.

3. Тошкент шаҳри ҳудудида бюджетлараро муносабатларни амалга оширишда:

фойдаланилмаган мақсадли ижтимоий трансфертлар жорий молиявий йил охирида тегишли юқори турувчи бюджетга қайтарилиши лозим;

қонун ҳужжатларига мувофиқ молия йили мобайнида Ўзбекистон Республикаси республика бюджетининг ваколатига кирувчи муайян харажатлар Тошкент шаҳар маҳаллий бюджетига берилганда, уларни молиялаштириш учун Ўзбекистон Республикаси республика бюджетидан ўзаро ҳисоб-китоблар орқали маблағлар ажратилади;

тасдиқланган даромадлар параметрлари бажарилмаслиги натижасида қуйи маҳаллий бюджетларда юзага келиши мумкин бўлган даромадлар билан харажатлар ўртасидаги молия йили мобайнидаги вақтинчалик касса узилишлари — айланма касса маблағларини жалб қилиш ва юқори бюджетдан олинадиган қисқа муддатли фоизсиз бюджет ссудалари орқали қопланади, бир молия йилидан ортиқ бўлган даврдаги касса узилишлари — юқори бюджетдан 2 йилгача бўлган муддатга йиллик 2 фоизли бюджет ссудалари олиш орқали қопланади.

4. Тошкент шаҳар ҳокимлиги Молия вазирлиги билан келишилган ҳолда, 2017 йил учун тасдиқланган Тошкент шаҳар маҳаллий бюджети параметрларига ўрнатилган тартибда ўзгартириш киритсин, бунда Тошкент шаҳри шаҳар ва туманлар бюджетларининг параметрлари молия йили учун бир марта тасдиқланади ва уларнинг даромадларини ошириш ёки камайтиришга аниқлик киритиш тақиқланади.

5. Қорақалпоғистон Республикаси Вазирлар Кенгаши раисига, вилоятлар ва Тошкент шаҳри, туманлар ва шаҳарлар ҳокимларига қуйидаги ваколатлар берилсин:

зарур ҳолларда маҳаллий бюджетлар параметрларига тасдиқланган бюджет параметрлари доирасида ўзгартириш киритиш бўйича Қорақалпоғистон Республикаси Жўқорғи Кенгесига, вилоятлар ва Тошкент шаҳри, туманлар ва шаҳарларнинг тегишли Халқ депутатлари кенгашига таклиф киритиш;

тегишли бюджетлар ҳар чорак якунида шакллантириладиган даромадлар режасидан орттириб бажарилган қисмини мустақил тасарруф этиш;

маҳаллий бюджет харажатлари, жумладан, белгиланган нормативлар доирасида бюджет ташкилотлари ва уларнинг штат бирликларини оптималлаштириш ҳисобига молия йили давомида бўшаб қолган маблағларни бошқа зарур харажатларга йўналтириш;

ўз вазифаларини виждонан, шунингдек, алоҳида муҳим ва масъулиятли ишларни бажараётган бюджет ташкилотлари раҳбарлари, ҳокимлик, молия, ғазначилик ва солиқ органлари ходимларини эришилган натижалар асосида йилига бир ойлик лавозим иш ҳақи миқдорида тегишли равишда тегишли бюджетларининг қўшимча маблағлари ҳисобидан бир марталик мукофотлаш.

6. Ўзбекистон Республикаси Молия вазирлиги марказий аппарати бошқарув ходимларининг чекланган сони доирасида 2 та штат бирлигидан иборат бюджет инспекторлари лавозимлари жорий этилсин ва унинг асосий вазифалари этиб қуйидагилар белгилансин:

маҳаллий бюджетлар параметрларининг бюджет тўғрисидаги қонун ҳужжатлари, белгиланган нормативлар ҳамда мазкур қарор асосида шакллантирилиши ва ижро қилинишини мониторинг қилиш;

бюджет ташкилотлари ва бюджет маблағлари олувчиларнинг харажатлар сметаси, штатлар жадвалини сифатли тузилиши ҳамда унинг ижроси бўйича назоратни таъминлаш;

маҳаллий бюджетларда айланма касса маблағларининг сақланиши, даромадлар прогнозининг ошириб бажарилиши ва эркин қолдиқ маблағлари миқдорларининг тўғри аниқланиши устидан мониторинг қилиш;

маҳаллий бюджетлар ижроси тўғрисидаги молиявий ҳисоботларни норматив-ҳуқуқий ҳужжатларда белгиланган тартибда ва муддатларда Халқ депутатлари Кенгаши ва юқори молия органига тақдим этилишини таъминлаш;

маҳаллий бюджетлар ҳисобидан бюджет ташкилотлари томонидан амалга ошириладиган давлат харидларини, шу жумладан, эълонлар бериш муддатлари белгиланиши ҳамда тўғридан-тўғри шартномалар тузилиши мақсадга мувофиқлигини назорат қилиш.

7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 7 июнь,

ПҚ-3042-сон

(Ўзбекистон Республикаси қонун ҳужжатлари тўплами, 2017 й., 24-сон, 491-модда; Қонун ҳужжатлари маълумотлари миллий базаси, 05.04.2018 й., 06/18/5398/1004-сон)

lex.uz

Oʻzbekiston Respublikasi Prezidentining

Qarori

Mahalliy davlat hokimiyati organlarining budjet vakolatlarini kengaytirish va mahalliy budjet daromadlarini shakllantirishdagi masʼuliyatini oshirish toʻgʻrisida

Oʻzbekiston Respublikasi Prezidentining 2017-yil 7-iyundagi “Mahalliy budjetlarni shakllantirishda mahalliy davlat hokimiyati organlarining budjet vakolatlarini kengaytirish chora-tadbirlari toʻgʻrisida” PF-5075-sonli Farmoni ijrosini taʼminlash hamda mahalliy budjetlarning daromad bazasini kengaytirish va xarajatlarini maqbullashtirishda ularning manfaatdorligini oshirishni taʼminlaydigan mahalliy davlat hokimiyati organlarining budjet vakolatlari va majburiyatlarini belgilashning zamonaviy mexanizmlarini joriy etish maqsadida:

1. Qoraqalpogʻiston Respublikasi Vazirlar Kengashi, viloyatlar, Toshkent shahri, tumanlar va shaharlar hokimliklariga quyidagilarni taʼminlash yuklatilsin:

oʻz hududidagi soliq toʻlovchilarni toʻliq qamrab olish va soliqlar yigʻiluvchanligini oshirish, yangi ishlab chiqarish korxonalarini barpo etish, ishlamayotgan, iqtisodiy nochor korxonalarni faoliyatini qayta tiklash orqali mahalliy budjet daromadlarini koʻpaytirish;

tegishli budjetlarning tasdiqlangan daromadlari rejasini bajarishni, qonunchilik doirasida xarajatlarni, shu jumladan, ish haqi va unga tenglashtirilgan toʻlovlarni oʻz vaqtida va toʻliq moliyalashtirilishini taʼminlash;

budjet tashkilotlari xodimlarining ish haqi miqdorini Oʻzbekiston Respublikasi Prezidentining ish haqini oshirish toʻgʻrisidagi farmonlari va boshqa normativ-hujjatlarda belgilangan miqdorlar doirasida oshirish;

budjet tashkilotlarida amaldagi qonun hujjatlariga muvofiq belgilangan shtat normativlaridan ortiqcha shtat birliklari kiritmaslik.

2. Belgilansinki:

2017-yilning 1-iyulidan boshlab Toshkent shahri tumanlari budjetlarining umumiy hajmidan 1 foiz miqdorida tuman hokimliklari zaxira jamgʻarmalari shakllantiriladi;

tuman budjetlarida belgilangan aylanma kassa mablagʻlarining chorak yakuni bilan saqlanishi va xarajatlarning qonun hujjatlariga muvofiq amalga oshirilishini gʻaznachilik boʻlinmalari taʼminlaydi.

3. Toshkent shahri hududida budjetlararo munosabatlarni amalga oshirishda:

foydalanilmagan maqsadli ijtimoiy transfertlar joriy moliyaviy yil oxirida tegishli yuqori turuvchi budjetga qaytarilishi lozim;

qonun hujjatlariga muvofiq moliya yili mobaynida Oʻzbekiston Respublikasi respublika budjetining vakolatiga kiruvchi muayyan xarajatlar Toshkent shahar mahalliy budjetiga berilganda, ularni moliyalashtirish uchun Oʻzbekiston Respublikasi respublika budjetidan oʻzaro hisob-kitoblar orqali mablagʻlar ajratiladi;

tasdiqlangan daromadlar parametrlari bajarilmasligi natijasida quyi mahalliy budjetlarda yuzaga kelishi mumkin boʻlgan daromadlar bilan xarajatlar oʻrtasidagi moliya yili mobaynidagi vaqtinchalik kassa uzilishlari — aylanma kassa mablagʻlarini jalb qilish va yuqori budjetdan olinadigan qisqa muddatli foizsiz budjet ssudalari orqali qoplanadi, bir moliya yilidan ortiq boʻlgan davrdagi kassa uzilishlari — yuqori budjetdan 2 yilgacha boʻlgan muddatga yillik 2 foizli budjet ssudalari olish orqali qoplanadi.

4. Toshkent shahar hokimligi Moliya vazirligi bilan kelishilgan holda, 2017-yil uchun tasdiqlangan Toshkent shahar mahalliy budjeti parametrlariga oʻrnatilgan tartibda oʻzgartirish kiritsin, bunda Toshkent shahri shahar va tumanlar budjetlarining parametrlari moliya yili uchun bir marta tasdiqlanadi va ularning daromadlarini oshirish yoki kamaytirishga aniqlik kiritish taqiqlanadi.

5. Qoraqalpogʻiston Respublikasi Vazirlar Kengashi raisiga, viloyatlar va Toshkent shahri, tumanlar va shaharlar hokimlariga quyidagi vakolatlar berilsin:

zarur hollarda mahalliy budjetlar parametrlariga tasdiqlangan budjet parametrlari doirasida oʻzgartirish kiritish boʻyicha Qoraqalpogʻiston Respublikasi Joʻqorgʻi Kengesiga, viloyatlar va Toshkent shahri, tumanlar va shaharlarning tegishli Xalq deputatlari kengashiga taklif kiritish;

tegishli budjetlar har chorak yakunida shakllantiriladigan daromadlar rejasidan orttirib bajarilgan qismini mustaqil tasarruf etish;

mahalliy budjet xarajatlari, jumladan, belgilangan normativlar doirasida budjet tashkilotlari va ularning shtat birliklarini optimallashtirish hisobiga moliya yili davomida boʻshab qolgan mablagʻlarni boshqa zarur xarajatlarga yoʻnaltirish;

oʻz vazifalarini vijdonan, shuningdek, alohida muhim va masʼuliyatli ishlarni bajarayotgan budjet tashkilotlari rahbarlari, hokimlik, moliya, gʻaznachilik va soliq organlari xodimlarini erishilgan natijalar asosida yiliga bir oylik lavozim ish haqi miqdorida tegishli ravishda tegishli budjetlarining qoʻshimcha mablagʻlari hisobidan bir martalik mukofotlash.

6. Oʻzbekiston Respublikasi Moliya vazirligi markaziy apparati boshqaruv xodimlarining cheklangan soni doirasida 2 ta shtat birligidan iborat budjet inspektorlari lavozimlari joriy etilsin va uning asosiy vazifalari etib quyidagilar belgilansin:

mahalliy budjetlar parametrlarining budjet toʻgʻrisidagi qonun hujjatlari, belgilangan normativlar hamda mazkur qaror asosida shakllantirilishi va ijro qilinishini monitoring qilish;

budjet tashkilotlari va budjet mablagʻlari oluvchilarning xarajatlar smetasi, shtatlar jadvalini sifatli tuzilishi hamda uning ijrosi boʻyicha nazoratni taʼminlash;

mahalliy budjetlarda aylanma kassa mablagʻlarining saqlanishi, daromadlar prognozining oshirib bajarilishi va erkin qoldiq mablagʻlari miqdorlarining toʻgʻri aniqlanishi ustidan monitoring qilish;

mahalliy budjetlar ijrosi toʻgʻrisidagi moliyaviy hisobotlarni normativ-huquqiy hujjatlarda belgilangan tartibda va muddatlarda Xalq deputatlari Kengashi va yuqori moliya organiga taqdim etilishini taʼminlash;

mahalliy budjetlar hisobidan budjet tashkilotlari tomonidan amalga oshiriladigan davlat xaridlarini, shu jumladan, eʼlonlar berish muddatlari belgilanishi hamda toʻgʻridan-toʻgʻri shartnomalar tuzilishi maqsadga muvofiqligini nazorat qilish.

7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 7-iyun,

PQ-3042-son

(Oʻzbekiston Respublikasi qonun hujjatlari toʻplami, 2017-y., 24-son, 491-modda; Qonun hujjatlari maʼlumotlari milliy bazasi, 05.04.2018-y., 06/18/5398/1004-son)

lex.uz

Президента Республики Узбекистан

Постановление

О расширении полномочий органов государственной власти на местах и повышении их ответственности за формирования доходов местных бюджетов

Во исполнение Указа Президента Республики Узбекистан от 7 июня 2017 года № УП-5075 «О мерах по расширению полномочий органов государственной власти на местах в формировании местных бюджетов» и в целях введения современных механизмов определения бюджетных полномочий и обязательств органов государственной власти на местах, обеспечивающих повышение их заинтересованности и ответственности за расширение доходной базы и оптимизацию расходов местных бюджетов:

1. Возложить на Совет Министров Республики Каракалпакстан, хокимиятов областей и города Ташкента, районов и городов обеспечение:

увеличения доходов местного бюджета за счет полного охвата налогоплательщиков на своей территории и повышения собираемости налогов, создания новых производственных предприятий, восстановления производственной деятельности экономически несостоятельных, неработающих предприятий;

выполнения утвержденных прогнозов доходов соответствующих местных бюджетов, своевременного и полного финансирования расходов в рамках законодательства, в том числе по заработной плате и приравненным к ней платежам;

увеличения заработной платы работников бюджетных организаций в размерах, установленных Указами Президента Республики Узбекистан о повышении заработной платы и другими нормативно-правовыми актами;

недопущения введения дополнительных штатных единиц в бюджетных организациях сверх утвержденных законодательством штатных нормативов.

2. Определить, что:

с 1 июля 2017 года резервные фонды хокимиятов районов формируются в размере 1 процента от общего объема бюджетов районов города Ташкента;

казначейские подразделения обеспечивают сохранение установленных бюджетам районов оборотной кассовой наличности по итогам квартала и осуществление расходов в соответствии с законодательством.

3. Установить, что при осуществлении межбюджетных отношений на территории города Ташкента:

неиспользованные целевые социальные трансферты в конце текущего финансового года подлежат возврату в соответствующий вышестоящий бюджет.

в случае передачи в течение финансового года в соответствии с законодательством местному бюджету города Ташкента определенных расходов, входящих в полномочия республиканского бюджета Республики Узбекистан, для их финансирования из республиканского бюджета Республики Узбекистан выделяются бюджетные ассигнования путем взаиморасчетов;

кассовый разрыв между доходами и расходами, возникший в результате невыполнения утвержденных параметров доходов нижестоящих бюджетов, покрывается в течение финансового года — путем привлечения оборотной кассовой наличности и краткосрочных беспроцентных ссуд, предоставляемых вышестоящим бюджетом, а более чем на один финансовый год — путем предоставления вышестоящим бюджетом 2-процентной бюджетной ссуды сроком до 2 лет.

4. Хокимияту города Ташкента по согласованию с Министерством финансов Республики Узбекистан внести в установленном порядке изменения в утвержденные на 2017 год параметры местного бюджета города Ташкента. При этом параметры бюджетов города Ташкента и районов утверждаются один раз на финансовый год и внесение уточнений по увеличению или уменьшению их доходов запрещается.

5. Предоставить следующие полномочия председателю Совета Министров Республики Каракалпакстан, хокимам областей и города Ташкента, районов и городов:

внесение, при необходимости, в Жокаргы Кенес Республики Каракалпакстан, соответствующие Кенгаши народных депутатов областей и города Ташкента, районов и городов предложений по внесению изменений в утвержденные параметры местных бюджетов;

самостоятельное распоряжение суммой перевыполнения прогноза доходов соответствующих бюджетов, формируемой по итогам каждого квартала;

направление расходов местных бюджетов, в том числе средств, высвободившихся в течение финансового года за счет оптимизации бюджетных организаций и их штатных единиц в пределах установленных нормативов, на другие необходимые расходы в установленном порядке;

единовременное премирование руководителей бюджетных организаций, работников хокимиятов, финансовых, казначейских органов и органов государственной налоговой службы, добросовестно выполняющих свои обязанности, а также особо важные и ответственные поручения на основе достигнутых результатов в размере одного должностного оклада за счет дополнительных источников соответствующих бюджетов.

6. Ввести в центральном аппарате Министерства финансов Республики Узбекистан в пределах установленной численности управленческого персонала, должности бюджетных инспекторов в количестве 2 штатных единиц, определив их основными задачами:

мониторинг формирования и исполнения параметров местного бюджета в соответствии с бюджетным законодательством, установленными нормативами и настоящим постановлением;

обеспечение контроля за качественным составлением и исполнением смет расходов, штатных расписаний бюджетных организаций и получателей бюджетных средств;

мониторинг за обеспечением сохранения установленного размера оборотной кассовой наличности соответствующих местных бюджетов, правильностью определения размеров перевыполнения прогноза доходов и свободного остатка средств;

обеспечение представления финансовых отчетов об исполнении местного бюджета Кенгашам народных депутатов и вышестоящим финансовым органам в порядке и сроки, установленные нормативно-правовыми актами;

контроль за осуществлением бюджетными организациями государственных закупок за счет средств местных бюджетов, в том числе определения сроков публикаций объявлений и целесообразности заключения прямых договоров.

7. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

7 июня 2017 г.,

№ ПП-3042

(Собрание законодательства Республики Узбекистан, 2017 г., № 24, ст. 491; Национальная база данных законодательства, 31.12.2017 г., № 07/17/3454/0484, 05.04.2018 г., № 06/18/5398/1004)

lex.uz