📅 2017-yil 7-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 7 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 июня 2017 г. · Указы Президента
Официальный текст. Официальный документ. Редакционные примечания не включены.
📅 7 June 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Маҳаллий бюджетларни шакллантиришда жойлардаги давлат ҳокимияти органларининг ваколатларини кенгайтириш чора-тадбирлари тўғрисида
2017 — 2021-йилларда Ўзбекистон Республикасини ривожлантириш бўйича Ҳаракатлар стратегиясига мувофиқ ҳамда маҳаллий бюджетларнинг даромадлари базасини тубдан мустаҳкамлаш, юқори турувчи бюджетлар ажратмаларига қарамлигини қисқартириш, уй-жой-коммунал, транспорт-коммуникация ва ижтимоий инфратузилмани модернизациялаш ва техник янгилаш бўйича стратегик муҳим инвестиция лойиҳаларни амалга оширишни сўзсиз таъминлаш юзасидан маҳаллий давлат ҳокимияти органларининг мустақил иш олиб бориши ва масъулиятини ошириш мақсадида:
1. Аҳолининг реал даромадлари, турмуш даражаси ва сифатини ошириш мақсадида ҳудудларни комплекс ривожлантиришни барқарор молиялаштирилишини таъминлаш, марказ бюджетига қарамликни кескин камайтириш, бюджетлараро муносабатларни тубдан ислоҳ қилиш орқали маҳаллий бюджетлар маблағларини бошқаришда жойлардаги давлат ҳокимияти органларининг мустақил иш олиб боришини кучайтириш мамлакат бюджет сиёсатининг асосий вазифалари этиб белгилансин.
2. Ўзбекистон Республикаси Молия вазирлиги ва Тошкент шаҳар ҳокимлигининг 2017 йилнинг 1 июлидан бошлаб Тошкент шаҳри ва унинг туманларида тартиб ўрнатиш тўғрисидаги таклифи қабул қилинсин, унда қуйидагилар назарда тутилсин:
а) даромад қисмида:
тадбиркорлик фаолиятининг айрим турлари бўйича белгиланган солиқ тушумлари, жисмоний шахсларнинг мулкларидан олинадиган солиқлар, жисмоний шахслардан олинадиган ер солиқлари, товарларнинг баъзи турлари билан савдо қилиш ва хизматларнинг алоҳида турларини кўрсатиш ҳуқуқи учун йиғимлар тўлиқ ҳажмда туманлар бюджетлари даромадлари ҳисобига ўтказилади;
Ўзбекистон Республикаси Давлат бюджетига тўланадиган микрофирмалар ва кичик корхоналар учун ягона солиқ тўлови ва бозорлардан тушаётган даромадлар Тошкент шаҳрининг шаҳар бюджети ва туманлар бюджетлари ўртасида тақсимланади;
юридик шахсларнинг ер солиқларидан тушадиган тушумлар, сув ресурсларидан фойдаланиш солиғи, жисмоний шахслардан олинадиган мулк солиғи ва бензин, дизель ёқилғиси ҳамда газ истеъмоли учун солиқ тўлиқ ҳажмда Тошкент шаҳри бюджетига йўналтирилади;
юридик шахсларнинг даромадларидан олинадиган солиқ тушумлари, ободонлаштириш ва ижтимоий инфратузилмани ривожлантириш учун олинадиган солиқлар, савдо ва умумий овқатланиш корхоналари учун ягона солиқ тўлови ҳамда жисмоний шахсларнинг даромад солиқлари Ўзбекистон Республикасининг республика бюджети ва Тошкент шаҳрининг маҳаллий бюджети ўртасида Ўзбекистон Республикаси Президенти қарори билан тасдиқланадиган Ўзбекистон Республикасининг асосий макроиқтисодий кўрсаткичлари прогнози ва Давлат бюджети параметрлари тўғрисидаги нормативларга мувофиқ тақсимланади;
Ўзбекистон Республикасининг республика бюджети ва Тошкент шаҳри бюджети ўртасида, шаҳар бюджети қисмида, ўтказилган солиқлардан белгиланган прогнозларни ортиғи билан бажариш суммаси, Тошкент шаҳрининг маҳаллий бюджети ихтиёрида қолдирилади;
б) харажатлар қисмида:
ҳалқ таълими муассасалари, поликлиникалар, ётиш ўрнига эга бўлмаган диспансерлар, аҳолининг маданият ва дам олиши марказлари, туманлар ҳокимликлари ва уларнинг бўлимлари, фуқароларнинг ўзини ўзи бошқариш органлари, ижтимоий ёрдам ва ижтимоий мослашиш марказлари ва ободонлаштиришга бўлган харажатлар туманлар бюджетларидан молиялаштирилиши тартиби сақланиб қолинади;
шаҳар бюджетидан молиялаштириладиган ички автомобиль йўлларини таъмирлаш харажатлари, туманлар бюджетига ўтказилади;
туманлар бюджетларидан молиялаштириладиган умум таълим мактабларининг ойлик иш ҳақи ва ягона ижтимоий тўловлар бўйича харажатлари, Тошкент шаҳрининг шаҳар бюджетидан ажратиладиган мақсадли бюджетлараро трансфертлари ҳисобига амалга оширилади;
алоҳида тоифадаги фуқароларнинг бепул ва имтиёзли йўлкираси билан боғлиқ йўловчи ташувчиларнинг даромадларининг камайган қисмини қоплаш, транспорт воситаларини харид қилиш билан боғлиқ шаҳар йўловчи транспорти ташкилотларининг харажатлари Тошкент шаҳрининг шаҳар бюджетидан молиялаштирилади;
туманлар бюджетларидан молиялаштириладиган махсус мактаблар, мактаб интернатлари ва ихтисослаштирилган мактаб-интернатларнинг таъминоти харажатлари Тошкент шаҳрининг шаҳар бюджетига ўтказилади;
Тошкент шаҳрининг шаҳар бюджетидан молиялаштириладиган харажатлар, мазкур кичик бандда белгиланган ўзгартиришларни ҳисобга олган ҳолда, белгиланган тартибда амалга оширилади.
3. Ўзбекистон Республикаси Молия вазирлиги мазкур тажриба натижалари асосида 2018 йилги солиқ ва бюджет сиёсати Концепцияси доирасида республикамизнинг барча ҳудудларига тажриба тартибини жорий этиш, шунингдек, замонавий ахборот-коммуникация технологияларини кенг қўллаш ҳисобига Ўзбекистон Республикасининг Давлат бюджети ғазначилиги ижросини янада такомиллаштириш ва кучайтириш бўйича таклифларни киритсин.
4. Белгилансинки, 2017 йилнинг 1 июлидан бошлаб, ҳудудларнинг ўзини-ўзи молиявий таъминлаш даражасини ошириш ҳамда маҳаллий давлат ҳокимияти органларининг дебиторлик қарзларини камайтиришдан манфаатдорлигини ошириш мақсадида, «Ўзтрансгаз» АК газ таъминоти корхоналари сотиладиган газга қўшимча қиймат солиғини тўлаш Ўзбекистон Республикаси Молия вазирлиги ва Давлат солиқ қўмитаси томонидан белгиланган тартибда, уни сотиш жойида амалга оширилади.
5. Ўзбекистон Республикаси Молия вазирлиги Хусусийлаштирилган корхоналарга кўмаклашиш ва рақобатни ривожлантириш давлат қўмитаси икки ой муддатда давлат мулкини хусусийлаштиришдан тушган тушумнинг бир қисмини Қорақалпоғистон Республикаси бюджетига, вилоятлар ва Тошкент шаҳрининг маҳаллий бюджетига йўналтириш бўйича таклифларни Ўзбекистон Республикаси Вазирлар Маҳкамасига киритсин.
6. Ўзбекистон Республикаси Молия вазирлиги бошқа манфаатдор вазирликлар ва идоралар билан биргаликда:
ўн кун муддатда ушбу Фармонни амалга ошириш бўйича чора-тадбирлар тўғрисидаги Ўзбекистон Республикаси Президентининг қарори лойиҳасини Ўзбекистон Республикаси Вазирлар Маҳкамасига киритсин;
икки ой муддатда қонун ҳужжатларига ушбу Фармондан келиб чиқадиган қўшимча ва ўзгартиришлар киритиш юзасидан таклифларни Ўзбекистон Республикаси Вазирлар Маҳкамасига киритсин.
7. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 7 июнь,
ПФ-5075-сон
Oʻzbekiston Respublikasi Prezidentining
Farmoni
Mahalliy budjetlarni shakllantirishda joylardagi davlat hokimiyati organlarining vakolatlarini kengaytirish chora-tadbirlari toʻgʻrisida
2017 — 2021-yillarda Oʻzbekiston Respublikasini rivojlantirish boʻyicha Harakatlar strategiyasiga muvofiq hamda mahalliy budjetlarning daromadlari bazasini tubdan mustahkamlash, yuqori turuvchi budjetlar ajratmalariga qaramligini qisqartirish, uy-joy-kommunal, transport-kommunikatsiya va ijtimoiy infratuzilmani modernizatsiyalash va texnik yangilash boʻyicha strategik muhim investitsiya loyihalarni amalga oshirishni soʻzsiz taʼminlash yuzasidan mahalliy davlat hokimiyati organlarining mustaqil ish olib borishi va masʼuliyatini oshirish maqsadida:
1. Aholining real daromadlari, turmush darajasi va sifatini oshirish maqsadida hududlarni kompleks rivojlantirishni barqaror moliyalashtirilishini taʼminlash, markaz budjetiga qaramlikni keskin kamaytirish, budjetlararo munosabatlarni tubdan isloh qilish orqali mahalliy budjetlar mablagʻlarini boshqarishda joylardagi davlat hokimiyati organlarining mustaqil ish olib borishini kuchaytirish mamlakat budjet siyosatining asosiy vazifalari etib belgilansin.
2. Oʻzbekiston Respublikasi Moliya vazirligi va Toshkent shahar hokimligining 2017-yilning 1-iyulidan boshlab Toshkent shahri va uning tumanlarida tartib oʻrnatish toʻgʻrisidagi taklifi qabul qilinsin, unda quyidagilar nazarda tutilsin:
a) daromad qismida:
tadbirkorlik faoliyatining ayrim turlari boʻyicha belgilangan soliq tushumlari, jismoniy shaxslarning mulklaridan olinadigan soliqlar, jismoniy shaxslardan olinadigan yer soliqlari, tovarlarning baʼzi turlari bilan savdo qilish va xizmatlarning alohida turlarini koʻrsatish huquqi uchun yigʻimlar toʻliq hajmda tumanlar budjetlari daromadlari hisobiga oʻtkaziladi;
Oʻzbekiston Respublikasi Davlat budjetiga toʻlanadigan mikrofirmalar va kichik korxonalar uchun yagona soliq toʻlovi va bozorlardan tushayotgan daromadlar Toshkent shahrining shahar budjeti va tumanlar budjetlari oʻrtasida taqsimlanadi;
yuridik shaxslarning yer soliqlaridan tushadigan tushumlar, suv resurslaridan foydalanish soligʻi, jismoniy shaxslardan olinadigan mulk soligʻi va benzin, dizel yoqilgʻisi hamda gaz isteʼmoli uchun soliq toʻliq hajmda Toshkent shahri budjetiga yoʻnaltiriladi;
yuridik shaxslarning daromadlaridan olinadigan soliq tushumlari, obodonlashtirish va ijtimoiy infratuzilmani rivojlantirish uchun olinadigan soliqlar, savdo va umumiy ovqatlanish korxonalari uchun yagona soliq toʻlovi hamda jismoniy shaxslarning daromad soliqlari Oʻzbekiston Respublikasining respublika budjeti va Toshkent shahrining mahalliy budjeti oʻrtasida Oʻzbekiston Respublikasi Prezidenti qarori bilan tasdiqlanadigan Oʻzbekiston Respublikasining asosiy makroiqtisodiy koʻrsatkichlari prognozi va Davlat budjeti parametrlari toʻgʻrisidagi normativlarga muvofiq taqsimlanadi;
Oʻzbekiston Respublikasining respublika budjeti va Toshkent shahri budjeti oʻrtasida, shahar budjeti qismida, oʻtkazilgan soliqlardan belgilangan prognozlarni ortigʻi bilan bajarish summasi, Toshkent shahrining mahalliy budjeti ixtiyorida qoldiriladi;
b) xarajatlar qismida:
halq taʼlimi muassasalari, poliklinikalar, yotish oʻrniga ega boʻlmagan dispanserlar, aholining madaniyat va dam olishi markazlari, tumanlar hokimliklari va ularning boʻlimlari, fuqarolarning oʻzini oʻzi boshqarish organlari, ijtimoiy yordam va ijtimoiy moslashish markazlari va obodonlashtirishga boʻlgan xarajatlar tumanlar budjetlaridan moliyalashtirilishi tartibi saqlanib qolinadi;
shahar budjetidan moliyalashtiriladigan ichki avtomobil yoʻllarini taʼmirlash xarajatlari, tumanlar budjetiga oʻtkaziladi;
tumanlar budjetlaridan moliyalashtiriladigan umum taʼlim maktablarining oylik ish haqi va yagona ijtimoiy toʻlovlar boʻyicha xarajatlari, Toshkent shahrining shahar budjetidan ajratiladigan maqsadli budjetlararo transfertlari hisobiga amalga oshiriladi;
alohida toifadagi fuqarolarning bepul va imtiyozli yoʻlkirasi bilan bogʻliq yoʻlovchi tashuvchilarning daromadlarining kamaygan qismini qoplash, transport vositalarini xarid qilish bilan bogʻliq shahar yoʻlovchi transporti tashkilotlarining xarajatlari Toshkent shahrining shahar budjetidan moliyalashtiriladi;
tumanlar budjetlaridan moliyalashtiriladigan maxsus maktablar, maktab internatlari va ixtisoslashtirilgan maktab-internatlarning taʼminoti xarajatlari Toshkent shahrining shahar budjetiga oʻtkaziladi;
Toshkent shahrining shahar budjetidan moliyalashtiriladigan xarajatlar, mazkur kichik bandda belgilangan oʻzgartirishlarni hisobga olgan holda, belgilangan tartibda amalga oshiriladi.
3. Oʻzbekiston Respublikasi Moliya vazirligi mazkur tajriba natijalari asosida 2018-yilgi soliq va budjet siyosati Konsepsiyasi doirasida respublikamizning barcha hududlariga tajriba tartibini joriy etish, shuningdek, zamonaviy axborot-kommunikatsiya texnologiyalarini keng qoʻllash hisobiga Oʻzbekiston Respublikasining Davlat budjeti gʻaznachiligi ijrosini yanada takomillashtirish va kuchaytirish boʻyicha takliflarni kiritsin.
4. Belgilansinki, 2017-yilning 1-iyulidan boshlab, hududlarning oʻzini-oʻzi moliyaviy taʼminlash darajasini oshirish hamda mahalliy davlat hokimiyati organlarining debitorlik qarzlarini kamaytirishdan manfaatdorligini oshirish maqsadida, “Oʻztransgaz” AK gaz taʼminoti korxonalari sotiladigan gazga qoʻshimcha qiymat soligʻini toʻlash Oʻzbekiston Respublikasi Moliya vazirligi va Davlat soliq qoʻmitasi tomonidan belgilangan tartibda, uni sotish joyida amalga oshiriladi.
5. Oʻzbekiston Respublikasi Moliya vazirligi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi ikki oy muddatda davlat mulkini xususiylashtirishdan tushgan tushumning bir qismini Qoraqalpogʻiston Respublikasi budjetiga, viloyatlar va Toshkent shahrining mahalliy budjetiga yoʻnaltirish boʻyicha takliflarni Oʻzbekiston Respublikasi Vazirlar Mahkamasiga kiritsin.
6. Oʻzbekiston Respublikasi Moliya vazirligi boshqa manfaatdor vazirliklar va idoralar bilan birgalikda:
oʻn kun muddatda ushbu Farmonni amalga oshirish boʻyicha chora-tadbirlar toʻgʻrisidagi Oʻzbekiston Respublikasi Prezidentining qarori loyihasini Oʻzbekiston Respublikasi Vazirlar Mahkamasiga kiritsin;
ikki oy muddatda qonun hujjatlariga ushbu Farmondan kelib chiqadigan qoʻshimcha va oʻzgartirishlar kiritish yuzasidan takliflarni Oʻzbekiston Respublikasi Vazirlar Mahkamasiga kiritsin.
7. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 7-iyun,
PF-5075-son
Президента Республики Узбекистан
Указ
О мерах по расширению полномочий органов государственной власти на местах в формировании местных бюджетов
В соответствии со Стратегией действий по приоритетным направлениям развития Республики Узбекистан на 2017 — 2021 годы и в целях кардинального укрепления доходной базы местных бюджетов, сокращения их зависимости от отчислений из вышестоящих бюджетов, повышения на этой основе самостоятельности и ответственности органов государственной власти на местах за безусловное обеспечение реализации стратегически важных инвестиционных проектов по модернизации и техническому обновлению жилищно-коммунальной, транспортно-коммуникационной и социальной инфраструктуры:
1. Определить основной задачей бюджетной политики страны обеспечение устойчивого финансирования комплексного развития территорий с целью повышения реальных доходов, уровня и качества жизни населения, резкого снижения зависимости от бюджетирования из центра, усиления самостоятельности органов государственной власти на местах в управлении средствами местных бюджетов путем коренного реформирования межбюджетных отношений.
2. Принять предложение Министерства финансов Республики Узбекистан и хокимията города Ташкента об установлении с 1 июля 2017 года в городе Ташкенте и его районах порядка, предусматривающего, что:
а) в части доходов:
поступления по фиксированному налогу по отдельным видам предпринимательской деятельности, налогу' на имущество физических лиц, земельному налогу с физических лиц, сборам за право розничной торговли отдельными видами товаров и оказание отдельных видов услуг в полном объеме зачисляются в доходы бюджетов районов;
отчисления единого налогового платежа для микрофирм и малых предприятий в Государственный бюджет Республики Узбекистан и доходы, поступающие с рынков, распределяются между городским бюджетом города Ташкента и бюджетами районов;
поступления от земельного налога с юридических лиц, налога за пользование водными ресурсами, налога на имущество с юридических лиц и налога на потребление бензина, дизельного топлива и газа в полном объеме направляются в городской бюджет города Ташкента;
поступления от единого налогового платежа для предприятий торговли и общественного питания и налога на доходы физических лиц распределяются между республиканским бюджетом Республики Узбекистан и местным бюджетом города Ташкента в соответствии с нормативами, утверждаемыми постановлением Президента Республики Узбекистан о прогнозе основных макроэкономических показателей и параметрах Государственного бюджета Республики Узбекистан;
сумма перевыполнения установленных прогнозов от отчисляемых налогов между республиканским бюджетом Республики Узбекистан и бюджетом города Ташкента, в части городского бюджета, оставляется в распоряжении местного бюджета города Ташкента;
б) в части расходов:
сохраняется порядок финансирования из бюджетов районов учреждений народного образования, поликлиник, диспансеров без коек, центров культуры и досуга населения, хокимиятов районов и их отделов, органов самоуправления граждан, центров социальной помощи и социальной адаптации и расходов на благоустройство;
расходы по ремонту внутренних автомобильных дорог, финансируемые из городского бюджета, передаются в бюджеты районов;
расходы общеобразовательных школ по заработной плате и единому социальному платежу, финансируемые из бюджетов районов, осуществляются за счет целевых социальных трансфертов, выделяемых из городского бюджета города Ташкента;
расходы по возмещению выпадающих доходов перевозчиков, связанных с бесплатным и льготным проездом отдельных категорий граждан, расходы городских пассажирских транспортных организаций, связанные с приобретением транспортных средств, финансируются из городского бюджета города Ташкента;
расходы на содержание специальных школ, школ-интернатов и специализированных школ-интернатов, финансируемых из бюджетов районов, передаются в городской бюджет города Ташкента;
расходы, финансируемые из городского бюджета города Ташкента, осуществляются в установленном порядке, с учетом изменений, указанных в настоящем подпункте.
3. Министерству финансов Республики Узбекистан на основе результатов указанного эксперимента в рамках Концепции налоговой и бюджетной политики на 2018 год внести предложения по внедрению экспериментального порядка во всех регионах республики, а также дальнейшему совершенствованию и усилению казначейского исполнения Государственного бюджета Республики Узбекистан за счет широкого применения современных информационно-коммуникационных технологий.
4. Установить, что с 1 июля 2017 года, с целью повышения уровня финансовой самодостаточности регионов и заинтересованности органов государственной власти на местах в снижении дебиторской задолженности, уплата налога на добавленную стоимость на газ, реализуемый газоснабжающими организациями АК «Узтрансгаз», осуществляется по месту его реализации в порядке, установленном Министерством финансов и Государственным налоговым комитетом Республики Узбекистан.
5. Министерству финансов Республики Узбекистан совместно с Государственным комитетом Республики Узбекистан по содействию приватизированным предприятиям и развитию конкуренции в двухмесячный срок внести предложения в Кабинет Министров Республики Узбекистан по направлению части поступлений от приватизации государственного имущества в бюджет Республики Каракалпакстан, местные бюджеты областей и города Ташкента.
6. Министерству финансов Республики Узбекистан совместно с другими заинтересованными министерствами и ведомствами:
в десятидневный срок внести в Кабинет Министров Республики Узбекистан проект постановления Президента Республики Узбекистан о мерах по реализацию настоящего Указа;
в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
7. Контроль за исполнением настоящего Указа возложить на Премьер- министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 июня 2017 г.,
№ УП-5075