📅 2017-yil 13-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 июня 2017 г. · Постановления Президента
Официальный текст. Официальный документ. Редакционные примечания не включены.
📅 13 June 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Нукус шаҳрида электротехника маҳсулотлари ишлаб чиқаришни ташкил этиш тўғрисида
Қорақалпоғистон Республикасида замонавий энергия тежовчи ускуналар ишлаб чиқариш бўйича янги қувватларни ташкил қилиш ва импорт ўрнини босадиган маҳсулотларни янада маҳаллийлаштириш мақсадида:
1. «Ўзбекэнерго» АЖнинг умумий қиймати 8 млн. АҚШ доллари бўлган «Нукус шаҳрида (Қорақалпоғистон Республикаси) электротехника маҳсулотлари ишлаб чиқариш бўйича «Nukuselektroapparat» МЧЖ корхонасини ташкил этиш» (кейинги ўринларда — инвестиция лойиҳаси) инвестиция лойиҳасини амалга ошириш ва 2017 йилнинг 1 сентябрига фойдаланишга топшириш тўғрисидаги таклифига розилик берилсин.
2. Маълумот учун қабул қилинсинки, умумий қиймати 8 млн. АҚШ доллари бўлган инвестиция лойиҳаси «Tanotrade AG» компаниясининг (Швейцария) 80 фоиз улуши ва «Toshelektroapparat» МЧЖ ХК (Ўзбекистон Республикаси) томонидан маҳаллий инвестициялар эквиваленти 20 фоиз улуши бўлган тўғридан-тўғри хориж инвестицияларини жалб этиш орқали амалга оширилади.
3. Қуйидагилар инвестиция лойиҳасини амалга ошириш доирасида:
«Nukuselektroapparat» МЧЖ — буюртмачи;
«Иссиқликэлектрлойиҳа» АЖ — бош лойиҳа ташкилоти;
«Element Plus» МЧЖ — бош пудратчи ташкилоти этиб белгилансин.
4. Инвестиция лойиҳасини амалга ошириш доирасида 2017 йилнинг 15 августигача қурилиш-монтаж ишларини лойиҳа-смета ҳужжатларини ишлаб чиқиш билан бир вақтда амалга оширишга, истисно тариқасида, рухсат этилсин.
5. Ўзбекистон Республикаси Давархитектқурилиш қўмитаси 2017 йилнинг 15 августигача инвестиция лойиҳасини амалга ошириш доирасида лойиҳа-смета ҳужжатларини давлат экспертизасидан ўтказишни ҳамда қурилиш-монтаж ишларини сифатли бажарилиши юзасидан лозим бўлган давлат архитектура-қурилиш назоратини таъминласин.
6. Қорақалпоғистон Республикаси Вазирлар Кенгаши бир ой муддатда белгиланган тартибда электротехника маҳсулотлари ишлаб чиқариш бўйича «Nukuselektroapparat» МЧЖ корхонаси қурилишига ер майдони ажратилишини таъминласин.
7. Ўзбекистон Республикаси Ахборот технологиялари ва коммуникацияларини ривожлантириш вазирлиги, «Ўзбекэнерго» АЖ, «Ўзбекнефтгаз» МХК, «Ўзбекистон темир йўллари» АЖ ўз маблағлари ҳисобига, мансублиги бўйича, қурилиш ҳудудига тушган амалдаги муҳандислик коммуникацияларини кўчириш ва улаш, шунингдек, лойиҳа ҳужжатларига мувофиқ уларнинг узлуксиз ишлаб туришини ҳисобга олган ҳолда, муҳандислик коммуникациялари ва темир йўл линиясини улаш, бош пудрат ташкилотлари ўзларининг бўлинмаларини белгилашни ва тайёрловчи-заводлар ёки уларнинг расмий дилерлари (дистрибьютерлари) билан тендер савдоларисиз энг яхши таклифлар асосида, импорт қилинаётган товарларни албатта юклаш олди инспекциясини ўтказиш шарти билан, ускуна ва материаллар, эҳтиёт қисмлари, бутловчи буюмлар ва узеллар етказиб берилишини таъминласин.
Ўзбекистон Республикаси Иқтисодиёт вазирлиги ва Молия вазирлиги Ўзбекистон Республикаси Уй-жой коммунал хизмат кўрсатиш вазирлигининг асосланган ҳисоб-китоблари бўйича 2017 йилда Ўзбекистон Республикаси Давлат бюджети ҳисобига қурилиш ҳудудига тушган мавжуд водопровод тармоқларини кўчириш ва уланишига лойиҳа-смета ҳужжатларига мувофиқ марказлашган инвестициялар ажратишни таъминласин.
9. Ўзбекистон Республикаси Иқтисодиёт вазирлиги, «Ўзқурилишиматериаллари» АК ва «Ўзбекнефтгаз» МХК «Nukuselektroapparat» МЧЖ иш ҳужжатлари асосида тақдим этилган талабномалари бўйича инвестиция лойиҳасини амалга ошириш учун зарур бўлган цементни бошқариладиган нархларда ва ёнилғи-мойлаш материалларини ўртача баҳоланган нархларда тўғридан-тўғри тузилган шартномалар бўйича ажратилиши ва етказилишини таъминласин.
10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 13 июнь,
ПҚ-3055-сон
Oʻzbekiston Respublikasi Prezidentining
Qarori
Nukus shahrida elektrotexnika mahsulotlari ishlab chiqarishni tashkil etish toʻgʻrisida
Qoraqalpogʻiston Respublikasida zamonaviy energiya tejovchi uskunalar ishlab chiqarish boʻyicha yangi quvvatlarni tashkil qilish va import oʻrnini bosadigan mahsulotlarni yanada mahalliylashtirish maqsadida:
1. “Oʻzbekenergo” AJning umumiy qiymati 8 mln. AQSH dollari boʻlgan “Nukus shahrida (Qoraqalpogʻiston Respublikasi) elektrotexnika mahsulotlari ishlab chiqarish boʻyicha “Nukuselektroapparat” MCHJ korxonasini tashkil etish” (keyingi oʻrinlarda — investitsiya loyihasi) investitsiya loyihasini amalga oshirish va 2017-yilning 1-sentabriga foydalanishga topshirish toʻgʻrisidagi taklifiga rozilik berilsin.
2. Maʼlumot uchun qabul qilinsinki, umumiy qiymati 8 mln. AQSH dollari boʻlgan investitsiya loyihasi “Tanotrade AG” kompaniyasining (Shveysariya) 80 foiz ulushi va “Toshelektroapparat” MCHJ XK (Oʻzbekiston Respublikasi) tomonidan mahalliy investitsiyalar ekvivalenti 20 foiz ulushi boʻlgan toʻgʻridan-toʻgʻri xorij investitsiyalarini jalb etish orqali amalga oshiriladi.
3. Quyidagilar investitsiya loyihasini amalga oshirish doirasida:
“Nukuselektroapparat” MCHJ — buyurtmachi;
“Issiqlikelektrloyiha” AJ — bosh loyiha tashkiloti;
“Element Plus” MCHJ — bosh pudratchi tashkiloti etib belgilansin.
4. Investitsiya loyihasini amalga oshirish doirasida 2017-yilning 15-avgustigacha qurilish-montaj ishlarini loyiha-smeta hujjatlarini ishlab chiqish bilan bir vaqtda amalga oshirishga, istisno tariqasida, ruxsat etilsin.
5. Oʻzbekiston Respublikasi Davarxitektqurilish qoʻmitasi 2017-yilning 15-avgustigacha investitsiya loyihasini amalga oshirish doirasida loyiha-smeta hujjatlarini davlat ekspertizasidan oʻtkazishni hamda qurilish-montaj ishlarini sifatli bajarilishi yuzasidan lozim boʻlgan davlat arxitektura-qurilish nazoratini taʼminlasin.
6. Qoraqalpogʻiston Respublikasi Vazirlar Kengashi bir oy muddatda belgilangan tartibda elektrotexnika mahsulotlari ishlab chiqarish boʻyicha “Nukuselektroapparat” MCHJ korxonasi qurilishiga yer maydoni ajratilishini taʼminlasin.
7. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, “Oʻzbekenergo” AJ, “Oʻzbekneftgaz” MXK, “Oʻzbekiston temir yoʻllari” AJ oʻz mablagʻlari hisobiga, mansubligi boʻyicha, qurilish hududiga tushgan amaldagi muhandislik kommunikatsiyalarini koʻchirish va ulash, shuningdek, loyiha hujjatlariga muvofiq ularning uzluksiz ishlab turishini hisobga olgan holda, muhandislik kommunikatsiyalari va temir yoʻl liniyasini ulash, bosh pudrat tashkilotlari oʻzlarining boʻlinmalarini belgilashni va tayyorlovchi-zavodlar yoki ularning rasmiy dilerlari (distribyuterlari) bilan tender savdolarisiz eng yaxshi takliflar asosida, import qilinayotgan tovarlarni albatta yuklash oldi inspeksiyasini oʻtkazish sharti bilan, uskuna va materiallar, ehtiyot qismlari, butlovchi buyumlar va uzellar yetkazib berilishini taʼminlasin.
Oʻzbekiston Respublikasi Iqtisodiyot vazirligi va Moliya vazirligi Oʻzbekiston Respublikasi Uy-joy kommunal xizmat koʻrsatish vazirligining asoslangan hisob-kitoblari boʻyicha 2017-yilda Oʻzbekiston Respublikasi Davlat budjeti hisobiga qurilish hududiga tushgan mavjud vodoprovod tarmoqlarini koʻchirish va ulanishiga loyiha-smeta hujjatlariga muvofiq markazlashgan investitsiyalar ajratishni taʼminlasin.
9. Oʻzbekiston Respublikasi Iqtisodiyot vazirligi, “Oʻzqurilishimateriallari” AK va “Oʻzbekneftgaz” MXK “Nukuselektroapparat” MCHJ ish hujjatlari asosida taqdim etilgan talabnomalari boʻyicha investitsiya loyihasini amalga oshirish uchun zarur boʻlgan sementni boshqariladigan narxlarda va yonilgʻi-moylash materiallarini oʻrtacha baholangan narxlarda toʻgʻridan-toʻgʻri tuzilgan shartnomalar boʻyicha ajratilishi va yetkazilishini taʼminlasin.
10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 13-iyun,
PQ-3055-son
Президента Республики Узбекистан
Постановление
Об организации производства электротехнической продукции в г. Нукусе
В целях создания производственных мощностей по выпуску современного энергосберегающего оборудования и дальнейшей локализации импортозамещающей продукции в Республике Каракалпакстан:
1. Согласиться с предложением АО «Узбекэнерго» о реализации инвестиционного проекта «Создание предприятия по производству электротехнической продукции ООО «Nukuselectroapparat» в городе Нукусе (Республика Каракалпакстан)» (далее — инвестиционный проект) общей стоимостью 8 млн. долларов США со сроком ввода в эксплуатацию к 1 сентября 2017 года.
2. Принять к сведению, что инвестиционный проект общей стоимостью 8 млн.долларов США реализуется с привлечением прямых иностранных инвестиций компании «Tanotrade AG» (Швейцария) — с долей 80 процентов и отечественных инвестиций в эквиваленте со стороны ИП ООО «Toshelectroapparat» (Республика Узбекистан) — с долей 20 процентов.
3. Определить в рамках реализации инвестиционного проекта:
заказчиком — ООО «Nukuselectroapparat»;
генеральной проектной организацией — АО «Теплоэлектропроект»;
генеральной подрядной организацией — ООО «Element Plus».
4. Разрешить, в порядке исключения, в рамках реализации инвестиционного проекта осуществление до 15 августа 2017 года строительно-монтажных работ одновременно с разработкой проектно-сметной документации.
5. Госархитектстрою Республики Узбекистан в срок до 15 августа 2017 года обеспечить в рамках реализации инвестиционного проекта проведение государственной экспертизы проектно-сметной документации и надлежащий государственный архитектурно-строительный надзор за качеством выполнения строительно-монтажных работ.
6. Совету Министров Республики Каракалпакстан в месячный срок обеспечить в установленном порядке предоставление земельного участка под строительство предприятия по производству электротехнической продукции ООО «Nukuselectroapparat».
7. Министерству по развитию информационных технологий и коммуникаций Республики Узбекистан, АО «Узбекэнерго», НХК «Узбекнефтегаз», АО «Узбекистон темир йуллари» обеспечить за счет собственных средств, по принадлежности, перенос и подключение существующих инженерных коммуникаций, подпадающих в зону строительства, а также подключение инженерных коммуникаций и железнодорожной линии согласно проектной документации с учетом их бесперебойного функционирования, предусмотрев определение генеральными подрядными организациями своих подразделений и заключение договоров с заводами-изготовителями или их официальными дилерами (дистрибьюторами) на поставку оборудования и материалов, запасных частей, комплектующих изделий и узлов без проведения тендерных торгов на основе отбора наилучших предложений, с обязательным проведением предотгрузочной инспекции импортируемых товаров.
Министерству экономики и Министерству финансов Республики Узбекистан, по обоснованным расчетам Министерства жилищно-коммунального обслуживания Республики Узбекистан, обеспечить выделение в 2017 году централизованных инвестиций за счет Государственного бюджета Республики Узбекистан на перенос и подключение существующих водопроводных сетей, подпадающих в зону строительства, согласно проектно-сметной документации.
9. Министерству экономики Республики Узбекистан, АК «Узкурилишматериаллари» и НХК «Узбекнефтегаз» обеспечить по заявкам, представляемым ООО «Nukuselectroapparat» на основе рабочей документации, выделение и поставку по прямым договорам необходимых для реализации инвестиционного проекта цемента — по регулируемым ценам и горюче-смазочных материалов — по средневзвешенным ценам биржевых котировок.
10. Контроль за исполнением настоящего постановления возложить на заместителя Премьер-министра Республики Узбекистан Г.И. Ибрагимова.
Президент Республики Узбекистан Ш. МИРЗИЁЕВ
г. Ташкент,
13 июня 2017 г.,
№ ПП-3055