📅 2017-yil 15-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 июня 2017 г. · Постановления Президента
Официальный текст. Официальный документ. Редакционные примечания не включены.
📅 15 June 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ташкилий тузилмаси
ТУЗИЛМАСИ
тузилмаси
ТАРКИБИ
Ўзбекистон Республикасида йилқичилик ва от спортини ривожлантиришга доир қўшимча чора-тадбирлар тўғрисида
Республикамизда йилқичилик ва от спортини ривожлантириш, унинг моддий-техник базасини мустаҳкамлаш, янги авлод чавандозларини тайёрлаш ва тарбиялаш, миллий от спортининг халқаро довруғини ошириш, аҳолининг кенг қатламлари, айниқса ёшлар ўртасида от спортини фаол тарғибот қилиш ва оммалаштириш мақсадида:
1. Ўзбекистон от спорти федерацияси конференцияси, Ўзбекистон Республикаси жисмоний тарбия ва спорт давлат қўмитаси, Ўзбекистон Республикаси Қишлоқ хўжалиги вазирлиги ҳамда Ўзбекистон Миллий олимпия қўмитасининг Ўзбекистон от спорти федерацияси фаолиятини такомиллаштириш ва унинг номини Ўзбекистон йилқичилик ва от спорти федерациясига (кейинги ўринларда — Федерация) ўзгартириш тўғрисидаги таклифига розилик берилсин.
2. Қуйидагилар Федерациянинг асосий вазифалари ва фаолият йўналишлари этиб белгилансин:
йилқичиликда наслчилик ишларини такомиллаштириш йўли билан, ноёб зотли спорт отлари ҳамда Қорабайир ва Ахалтака наслдор от зотлари бош сонини кўпайтириш бўйича ташкилотларга кўмаклашиш;
хорижий давлатларнинг илғор тажрибаларини ўрганиш орқали наслдор, спорт ва хизмат отларини кўпайтириш ва парваришлашнинг замонавий усулларини ташкил этиш;
йилқичилик ва от спортини ривожлантириш бўйича меъёрий-ҳуқуқий базани ишлаб чиқишда иштирок этиш, давлат дастурларини амалга ошириш, маркетинг ва реклама ишларини кенгайтириш;
ёш авлод чавандозларини тарбиялашга йўналтирилган миллий от спорти мусобақаларини ташкил этиш ва ўтказиш ҳамда миллий от спортининг халқаро довруғини ошириш;
зарур озуқа базани таъминлаш учун ер майдонлари ажратиш масалаларида тегишли маҳаллий ижро этувчи ҳокимият органлари билан самарали ҳамкорликни таъминлаш;
отларни сақлаш ва сифатли ветеринария хизмати кўрсатиш ишларини яхшилашга кўмаклашиш, шунингдек, жаҳон бозорида наслли маҳсулот (материал)нинг рақобатдошлигини таъминлаш;
болалар спорт мактаблари тармоғи ва секциялари, от спорти клубларини кенгайтириш, юқори малакали ҳакамлар, ветеринарлар ва тақачиларни тайёрлаш ва уларни қайта тайёрлаш.
3. Қуйидагилар:
Ўзбекистон йилқичилик ва от спорти федерациясининг ташкилий тузилмаси, унинг ижро этувчи аппарати таркиби ва ҳудудий бўлинмаларининг намунавий тузилмаси 1 , 2 , ва 3-иловаларга мувофиқ;
Ўзбекистон йилқичилик ва от спорти федерацияси ҳузурида Йилқичилик ва от спортини қўллаб-қувватлаш ва ривожлантириш жамғармасини (кейинги ўринларда — Жамғарма) ташкил этилиши маъқуллансин.
4. Белгилаб қўйилсинки:
Ўзбекистон йилқичилик ва от спорти федерацияси раиси ва унинг ўринбосарларини конференция делегатлари томонидан сайланади ва Ўзбекистон Республикаси Вазирлар Маҳкамаси томонидан лавозимга тасдиқланади;
Федерациянинг ижро этувчи аппарати фаолиятини жорий таъминлаш ва молиялаштириш Федерация аъзоларининг — ташкилотларнинг ажратмалари ҳамда қонунчиликда тақиқланмаган бошқа манбалар ҳисобидан амалга оширилади.
5. Жамғарма маблағлари илмий-тадқиқот ва селекция-наслчилик ишларини молиялаштириш, Федерациянинг моддий-техник базасини мустаҳкамлаш, ҳакамлар, ветеринар ва тақачиларни қайта тайёрлаш ва уларнинг малакасини ошириш тизимини такомиллаштириш, тажриба алмашиш ва ихтисослик билимларини ошириш, шунингдек, алоҳида ўрнак кўрсатган спортчилар, ҳакамлар, зоотехниклар ва йилқичиларни моддий ва ижтимоий қўллаб-қувватлашга йўналтирилиши маълумот учун қабул қилинсин.
Жамғармани шакллантириш манбалари этиб, хайр-эҳсон ёрдамлари ва қонунчиликда тақиқланмаган бошқа маблағлар белгилансин.
6. Федерация ва унинг аъзоларига, спорт отларини экспорт қилишга рухсат этилсин.
7. Республикамизда йилқичилик ва от спортини ривожлантиришга кўмаклашиш бўйича Ишчи гуруҳ (кейинги ўринларда — Ишчи гуруҳ) 4-иловага мувофиқ таркибда ташкил этилсин.
8. Ишчи гуруҳ (З.Т. Мирзаев) Ўзбекистон Республикаси Қишлоқ хўжалиги вазирлиги, Ўзбекистон Республикаси Жисмоний тарбия ва спорт давлат қўмитаси ва бошқа манфаатдор вазирлик ва идоралар билан биргаликда 2017-2021 йилларда йилқичилик ва от спортини комплекс ривожлантириш чора-тадбирлари Дастури лойиҳасини икки ой муддатда ишлаб чиқсин ва тасдиқлаш учун Вазирлар Маҳкамасига киритсин.
Дастур лойиҳасини ишлаб чиқишда қуйидаги устувор вазифаларни амалга оширишга алоҳида эътибор қаратилсин:
йилқичилик ва от спортининг норматив-ҳуқуқий базасини янада такомиллаштириш;
соф зотли ҳамда Қорабайир ва Ахалтака зотли спорт отларини урчитиш ва кўпайтириш;
йилқичилик ва от спортининг моддий-техник ва озуқа базасини мустаҳкамлаш;
хорижий давлатларнинг йилқичилик ва от спорти бўйича илғор тажрибаларини жорий этиш, йилқичилик ва от спорти мутахассисларини тайёрлаш, қайта тайёрлаш ва уларнинг малакасини ошириш;
ёш спортчиларни жалб қилган ҳолда миллий ва халқаро от спорт турларини ривожлантириш, спорт тадбирларини ташкил этиш ва ўтказиш, шунингдек, миллий ва халқаро даражада йилқилар кўргазмалари ва аукцион савдоларини ташкил этиш;
олий ва ўрта махсус, касб-ҳунар таълими муассасаларида кадрлар, шунингдек, йилқичилик бўйича илмий кадрлар ва тайёрлашнинг ўқув режалари ҳамда дастурларини такомиллаштириш ва янгилаш, кадрлар малакасини оширишни ташкил этиш.
9. 2021 йилнинг 1 январигача бўлган муддатда:
Федерацияни барча солиқлар ва давлат мақсадли жамғармаларига мажбурий ажратмалар тўлашдан;
ипподромлар, от спорти клублари ва мактабларининг моддий-техник базасини мустаҳкамлаш учун олиб келинадиган, республикамизда ишлаб чиқарилмайдиган, инвентарлар, спорт отлари, наслли маҳсулотлар (материаллар), озуқа ва озуқа қўшимчалари, витаминлар, ветеринария дори воситалари, ускуналар ва материаллар белгиланган тартибда тасдиқланадиган рўйхат бўйича божхона тўловларидан (божхона расмийлаштируви йиғимларидан ташқари) озод этилсин.
10. Қуйидагилар:
«Ўзбекнефтгаз» миллий холдинг компанияси ва Қашқадарё вилояти ҳокимлигининг Қорабайир зотли отларни кўпайтириш ва парваришлаш бўйича замонавий талабларга жавоб берадиган мажмуасини қуриш ва 2018 йилнинг 1 январига қадар фойдаланишга топшириш;
Тошкент вилояти ҳокимлигининг Ахалтака зотли отларни кўпайтиш ва парваришлаш бўйича «Ўзбегим отлари» МЧЖ от заводини қуриш;
Тошкент шаҳри ҳокимлигининг халқаро от спорти Федерациясининг талабларини ҳисобга олган ҳолда, 2017 — 2019 йиллар даврида «Марказий ипподром» АЖни қайта таъмирлаш ва жиҳозлаш;
Ўзбекистон Республикаси Жисмоний тарбия ва спорт давлат қўмитаси, Федерация ва Ўзбекистон Миллий олимпия қўмитасининг Федерация ҳузурида От спорти мураббийлари, ҳакамлар, ветеринарлар ва тақачилар Республика мактабини, шунингдек, От спорти бўйича олий спорт маҳорати республика мактаби базасида ёшлар ва ўсмирлар терма жамоасини ташкил этиш;
Федерация, Тошкент шаҳри ҳокимлиги ва «Марказий ипподром» АЖнинг Отлар карантини ва ветеринария марказини «Марказий ипподром» АЖ ҳудудида ташкил этиш;
Федерация, Тошкент вилояти ҳокимлиги ва «Ўзбек спорт отлари» МЧЖнинг спорт отларини кўпайтириш бўйича «Ўзбек спорт отлари» МЧЖ от заводини ташкил этиш тўғрисидаги таклифлари маъқуллансин.
11. Тошкент шаҳри ҳокимлиги ва Ўзбекистон Касаба уюшмалари Федерацияси Кенгаши Федерациянинг Тошкент шаҳри, Бухоро кўчаси, 24-уй манзилига бепул фойдаланиш ҳуқуқи билан жойлаштирилишини таъминласинлар.
12. Ўзбекистон Республикаси Ташқи ишлар вазирлиги Федерациянинг буюртманомаларига биноан йилқичилик ва от спорти соҳасида ишлашга жалб этиладиган хорижий мутахассисларга кириш визаларининг консуллик йиғимлари ва бошқа йиғимлар ундирилмасдан расмийлаштирилишини белгиланган тартибда таъминласин.
13. Ўзбекистон Республикаси Ички ишлар вазирлиги Федерациянинг буюртманомаларига биноан йилқичилик ва от спорти соҳасида ишлашга жалб этиладиган хорижий мутахассисларга давлат божи ундирилмасдан кўп марталик кириш визалари берилишини ва уларнинг муддати узайтирилишини, шунингдек, уларнинг турган жойи бўйича рўйхатдан ўтказилишини ва унинг муддати узайтирилишини белгиланган тартибда таъминласин.
14. Ўзбекистон Республикаси Бандлик ва меҳнат муносабатлари вазирлиги Федерациянинг буюртманомаларига биноан йилқичилик ва от спорти соҳасида ишлаш учун юқори малакали хорижий мутахассисларни (Ўзбекистон Республикаси фуқаролари орасида бундай мутахассислар бўлмаган тақдирда) Ўзбекистон Республикасига жалб этишга рухсатномалар беришни (муддатини узайтиришни), шунингдек, кўрсатиб ўтилган хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (муддати узайтирилишини) таъминласин.
15. Ўзбекистон Республикаси Ахборот технологиялари ва коммуникацияларини ривожлантириш вазирлиги Федерацияни белгиланган тартибда зарур бўлган телекоммуникация ва телефон алоқаси, шу жумладан, ҳукумат алоқаси билан таъминласин.
16. Ўзбекистон Республикаси Қишлоқ ва сув хўжалиги вазирлиги манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида бир ой муддатда Ўзбекистон Республикаси Вазирлар Маҳкамасига таклифлар киритсин.
17. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2017 йил 15 июндаги ПҚ-3057-сонли қарорига 1-ИЛОВА
Ўзбекистон йилқичилик ва от спорти Федерациясининг
Ўзбекистон Республикаси Президентининг 2017 йил 15 июндаги ПҚ-3057-сонли қарорига 2-ИЛОВА
Ўзбекистон йилқичилик ва от спорти федерацияси ижро этувчи аппаратининг
Ўзбекистон Республикаси Президентининг 2017 йил 15 июндаги ПҚ-3057-сонли қарорига 3-ИЛОВА
Ўзбекистон йилқичилик ва от спорти Федерацияси ижро этувчи аппаратининг
Ўзбекистон Республикаси Президентининг 2017 йил 15 июндаги ПҚ-3057-сонли қарорига 4-ИЛОВА
Республикамизда йилқичилик ва от спортини ривожлантиришга кўмаклашиш бўйича ишчи гуруҳ
1. Мирзаев З.Т. — Ўзбекистон Республикаси Бош вазири ўринбосари, Ишчи гуруҳ раҳбари 2. Рафиқов К.М. — Касаба уюшмалари Федерацияси Кенгаши раиси, Ишчи гуруҳ раҳбарининг ўринбосари 3. Исроилов Ш.Х. — Ўзбекистон Республикаси жисмоний тарбия ва спорт вазири 4. Ғуломов Р.А. — Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси 5. Ахмаджонов У.М. — Ўзбекистон Миллий олимпия қўмитаси президенти 6. Маджидов И.У. — Ўзбекистон Республикаси олий ва ўрта махсус таълим вазири 7. Азимов М.Б.. — Ўзбекистон Республикаси Давлат божхона қўмитаси раиси 8. Фарманов А.К. — «Олмалиқ кон-металлургия комбинати» АЖ бош директори 9. лавозими бўйича — Ўзбекистон йилқичилик ва от спорти Федерацияси раиси 10. лавозими бўйича — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари 11. Тошов А.А. — Қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари ахборот-таҳлил департаменти шуъба мудири 12. Баязитов К.Ф. — Таълим, соғлиқни сақлаш, жисмоний тарбия, спорт ва туризм масалалари ахборот-таҳлил департаменти шуъба мудири, Ишчи гуруҳ котиби
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 июнь,
ПҚ-3057-сон
Oʻzbekiston Respublikasi Prezidentining
Qarori
tashkiliy tuzilmasi
TUZILMASI
tuzilmasi
TARKIBI
Oʻzbekiston Respublikasida yilqichilik va ot sportini rivojlantirishga doir qoʻshimcha chora-tadbirlar toʻgʻrisida
Respublikamizda yilqichilik va ot sportini rivojlantirish, uning moddiy-texnik bazasini mustahkamlash, yangi avlod chavandozlarini tayyorlash va tarbiyalash, milliy ot sportining xalqaro dovrugʻini oshirish, aholining keng qatlamlari, ayniqsa yoshlar oʻrtasida ot sportini faol targʻibot qilish va ommalashtirish maqsadida:
1. Oʻzbekiston ot sporti federatsiyasi konferensiyasi, Oʻzbekiston Respublikasi jismoniy tarbiya va sport davlat qoʻmitasi, Oʻzbekiston Respublikasi Qishloq xoʻjaligi vazirligi hamda Oʻzbekiston Milliy olimpiya qoʻmitasining Oʻzbekiston ot sporti federatsiyasi faoliyatini takomillashtirish va uning nomini Oʻzbekiston yilqichilik va ot sporti federatsiyasiga (keyingi oʻrinlarda — Federatsiya) oʻzgartirish toʻgʻrisidagi taklifiga rozilik berilsin.
2. Quyidagilar Federatsiyaning asosiy vazifalari va faoliyat yoʻnalishlari etib belgilansin:
yilqichilikda naslchilik ishlarini takomillashtirish yoʻli bilan, noyob zotli sport otlari hamda Qorabayir va Axaltaka nasldor ot zotlari bosh sonini koʻpaytirish boʻyicha tashkilotlarga koʻmaklashish;
xorijiy davlatlarning ilgʻor tajribalarini oʻrganish orqali nasldor, sport va xizmat otlarini koʻpaytirish va parvarishlashning zamonaviy usullarini tashkil etish;
yilqichilik va ot sportini rivojlantirish boʻyicha meʼyoriy-huquqiy bazani ishlab chiqishda ishtirok etish, davlat dasturlarini amalga oshirish, marketing va reklama ishlarini kengaytirish;
yosh avlod chavandozlarini tarbiyalashga yoʻnaltirilgan milliy ot sporti musobaqalarini tashkil etish va oʻtkazish hamda milliy ot sportining xalqaro dovrugʻini oshirish;
zarur ozuqa bazani taʼminlash uchun yer maydonlari ajratish masalalarida tegishli mahalliy ijro etuvchi hokimiyat organlari bilan samarali hamkorlikni taʼminlash;
otlarni saqlash va sifatli veterinariya xizmati koʻrsatish ishlarini yaxshilashga koʻmaklashish, shuningdek, jahon bozorida naslli mahsulot (material)ning raqobatdoshligini taʼminlash;
bolalar sport maktablari tarmogʻi va seksiyalari, ot sporti klublarini kengaytirish, yuqori malakali hakamlar, veterinarlar va taqachilarni tayyorlash va ularni qayta tayyorlash.
3. Quyidagilar:
Oʻzbekiston yilqichilik va ot sporti federatsiyasining tashkiliy tuzilmasi, uning ijro etuvchi apparati tarkibi va hududiy boʻlinmalarining namunaviy tuzilmasi 1 , 2 , va 3-ilovalarga muvofiq;
Oʻzbekiston yilqichilik va ot sporti federatsiyasi huzurida Yilqichilik va ot sportini qoʻllab-quvvatlash va rivojlantirish jamgʻarmasini (keyingi oʻrinlarda — Jamgʻarma) tashkil etilishi maʼqullansin.
4. Belgilab qoʻyilsinki:
Oʻzbekiston yilqichilik va ot sporti federatsiyasi raisi va uning oʻrinbosarlarini konferensiya delegatlari tomonidan saylanadi va Oʻzbekiston Respublikasi Vazirlar Mahkamasi tomonidan lavozimga tasdiqlanadi;
Federatsiyaning ijro etuvchi apparati faoliyatini joriy taʼminlash va moliyalashtirish Federatsiya aʼzolarining — tashkilotlarning ajratmalari hamda qonunchilikda taqiqlanmagan boshqa manbalar hisobidan amalga oshiriladi.
5. Jamgʻarma mablagʻlari ilmiy-tadqiqot va seleksiya-naslchilik ishlarini moliyalashtirish, Federatsiyaning moddiy-texnik bazasini mustahkamlash, hakamlar, veterinar va taqachilarni qayta tayyorlash va ularning malakasini oshirish tizimini takomillashtirish, tajriba almashish va ixtisoslik bilimlarini oshirish, shuningdek, alohida oʻrnak koʻrsatgan sportchilar, hakamlar, zootexniklar va yilqichilarni moddiy va ijtimoiy qoʻllab-quvvatlashga yoʻnaltirilishi maʼlumot uchun qabul qilinsin.
Jamgʻarmani shakllantirish manbalari etib, xayr-ehson yordamlari va qonunchilikda taqiqlanmagan boshqa mablagʻlar belgilansin.
6. Federatsiya va uning aʼzolariga, sport otlarini eksport qilishga ruxsat etilsin.
7. Respublikamizda yilqichilik va ot sportini rivojlantirishga koʻmaklashish boʻyicha Ishchi guruh (keyingi oʻrinlarda — Ishchi guruh) 4-ilovaga muvofiq tarkibda tashkil etilsin.
8. Ishchi guruh (Z.T. Mirzayev) Oʻzbekiston Respublikasi Qishloq xoʻjaligi vazirligi, Oʻzbekiston Respublikasi Jismoniy tarbiya va sport davlat qoʻmitasi va boshqa manfaatdor vazirlik va idoralar bilan birgalikda 2017-2021-yillarda yilqichilik va ot sportini kompleks rivojlantirish chora-tadbirlari Dasturi loyihasini ikki oy muddatda ishlab chiqsin va tasdiqlash uchun Vazirlar Mahkamasiga kiritsin.
Dastur loyihasini ishlab chiqishda quyidagi ustuvor vazifalarni amalga oshirishga alohida eʼtibor qaratilsin:
yilqichilik va ot sportining normativ-huquqiy bazasini yanada takomillashtirish;
sof zotli hamda Qorabayir va Axaltaka zotli sport otlarini urchitish va koʻpaytirish;
yilqichilik va ot sportining moddiy-texnik va ozuqa bazasini mustahkamlash;
xorijiy davlatlarning yilqichilik va ot sporti boʻyicha ilgʻor tajribalarini joriy etish, yilqichilik va ot sporti mutaxassislarini tayyorlash, qayta tayyorlash va ularning malakasini oshirish;
yosh sportchilarni jalb qilgan holda milliy va xalqaro ot sport turlarini rivojlantirish, sport tadbirlarini tashkil etish va oʻtkazish, shuningdek, milliy va xalqaro darajada yilqilar koʻrgazmalari va auksion savdolarini tashkil etish;
oliy va oʻrta maxsus, kasb-hunar taʼlimi muassasalarida kadrlar, shuningdek, yilqichilik boʻyicha ilmiy kadrlar va tayyorlashning oʻquv rejalari hamda dasturlarini takomillashtirish va yangilash, kadrlar malakasini oshirishni tashkil etish.
9. 2021-yilning 1-yanvarigacha boʻlgan muddatda:
Federatsiyani barcha soliqlar va davlat maqsadli jamgʻarmalariga majburiy ajratmalar toʻlashdan;
ippodromlar, ot sporti klublari va maktablarining moddiy-texnik bazasini mustahkamlash uchun olib kelinadigan, respublikamizda ishlab chiqarilmaydigan, inventarlar, sport otlari, naslli mahsulotlar (materiallar), ozuqa va ozuqa qoʻshimchalari, vitaminlar, veterinariya dori vositalari, uskunalar va materiallar belgilangan tartibda tasdiqlanadigan roʻyxat boʻyicha bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin.
10. Quyidagilar:
“Oʻzbekneftgaz” milliy xolding kompaniyasi va Qashqadaryo viloyati hokimligining Qorabayir zotli otlarni koʻpaytirish va parvarishlash boʻyicha zamonaviy talablarga javob beradigan majmuasini qurish va 2018-yilning 1-yanvariga qadar foydalanishga topshirish;
Toshkent viloyati hokimligining Axaltaka zotli otlarni koʻpaytish va parvarishlash boʻyicha “Oʻzbegim otlari” MCHJ ot zavodini qurish;
Toshkent shahri hokimligining xalqaro ot sporti Federatsiyasining talablarini hisobga olgan holda, 2017 — 2019-yillar davrida “Markaziy ippodrom” AJni qayta taʼmirlash va jihozlash;
Oʻzbekiston Respublikasi Jismoniy tarbiya va sport davlat qoʻmitasi, Federatsiya va Oʻzbekiston Milliy olimpiya qoʻmitasining Federatsiya huzurida Ot sporti murabbiylari, hakamlar, veterinarlar va taqachilar Respublika maktabini, shuningdek, Ot sporti boʻyicha oliy sport mahorati respublika maktabi bazasida yoshlar va oʻsmirlar terma jamoasini tashkil etish;
Federatsiya, Toshkent shahri hokimligi va “Markaziy ippodrom” AJning Otlar karantini va veterinariya markazini “Markaziy ippodrom” AJ hududida tashkil etish;
Federatsiya, Toshkent viloyati hokimligi va “Oʻzbek sport otlari” MCHJning sport otlarini koʻpaytirish boʻyicha “Oʻzbek sport otlari” MCHJ ot zavodini tashkil etish toʻgʻrisidagi takliflari maʼqullansin.
11. Toshkent shahri hokimligi va Oʻzbekiston Kasaba uyushmalari Federatsiyasi Kengashi Federatsiyaning Toshkent shahri, Buxoro koʻchasi, 24-uy manziliga bepul foydalanish huquqi bilan joylashtirilishini taʼminlasinlar.
12. Oʻzbekiston Respublikasi Tashqi ishlar vazirligi Federatsiyaning buyurtmanomalariga binoan yilqichilik va ot sporti sohasida ishlashga jalb etiladigan xorijiy mutaxassislarga kirish vizalarining konsullik yigʻimlari va boshqa yigʻimlar undirilmasdan rasmiylashtirilishini belgilangan tartibda taʼminlasin.
13. Oʻzbekiston Respublikasi Ichki ishlar vazirligi Federatsiyaning buyurtmanomalariga binoan yilqichilik va ot sporti sohasida ishlashga jalb etiladigan xorijiy mutaxassislarga davlat boji undirilmasdan koʻp martalik kirish vizalari berilishini va ularning muddati uzaytirilishini, shuningdek, ularning turgan joyi boʻyicha roʻyxatdan oʻtkazilishini va uning muddati uzaytirilishini belgilangan tartibda taʼminlasin.
14. Oʻzbekiston Respublikasi Bandlik va mehnat munosabatlari vazirligi Federatsiyaning buyurtmanomalariga binoan yilqichilik va ot sporti sohasida ishlash uchun yuqori malakali xorijiy mutaxassislarni (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasiga jalb etishga ruxsatnomalar berishni (muddatini uzaytirishni), shuningdek, koʻrsatib oʻtilgan xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) taʼminlasin.
15. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Federatsiyani belgilangan tartibda zarur boʻlgan telekommunikatsiya va telefon aloqasi, shu jumladan, hukumat aloqasi bilan taʼminlasin.
16. Oʻzbekiston Respublikasi Qishloq va suv xoʻjaligi vazirligi manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir oy muddatda Oʻzbekiston Respublikasi Vazirlar Mahkamasiga takliflar kiritsin.
17. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2017-yil 15-iyundagi PQ-3057-sonli qaroriga 1-ILOVA
Oʻzbekiston yilqichilik va ot sporti Federatsiyasining
Oʻzbekiston Respublikasi Prezidentining 2017-yil 15-iyundagi PQ-3057-sonli qaroriga 2-ILOVA
Oʻzbekiston yilqichilik va ot sporti federatsiyasi ijro etuvchi apparatining
Oʻzbekiston Respublikasi Prezidentining 2017-yil 15-iyundagi PQ-3057-sonli qaroriga 3-ILOVA
Oʻzbekiston yilqichilik va ot sporti Federatsiyasi ijro etuvchi apparatining
Oʻzbekiston Respublikasi Prezidentining 2017-yil 15-iyundagi PQ-3057-sonli qaroriga 4-ILOVA
Respublikamizda yilqichilik va ot sportini rivojlantirishga koʻmaklashish boʻyicha ishchi guruh
1. Mirzayev Z.T. — Oʻzbekiston Respublikasi Bosh vaziri oʻrinbosari, Ishchi guruh rahbari 2. Rafiqov K.M. — Kasaba uyushmalari Federatsiyasi Kengashi raisi, Ishchi guruh rahbarining oʻrinbosari 3. Isroilov Sh.X. — Oʻzbekiston Respublikasi jismoniy tarbiya va sport vaziri 4. Gʻulomov R.A. — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi 5. Axmadjonov U.M. — Oʻzbekiston Milliy olimpiya qoʻmitasi prezidenti 6. Madjidov I.U. — Oʻzbekiston Respublikasi oliy va oʻrta maxsus taʼlim vaziri 7. Azimov M.B.. — Oʻzbekiston Respublikasi Davlat bojxona qoʻmitasi raisi 8. Farmanov A.K. — “Olmaliq kon-metallurgiya kombinati” AJ bosh direktori 9. lavozimi boʻyicha — Oʻzbekiston yilqichilik va ot sporti Federatsiyasi raisi 10. lavozimi boʻyicha — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari 11. Toshov A.A. — Qishloq va suv xoʻjaligi, qishloq xoʻjaligi va oziq-ovqat mahsulotlarini qayta ishlash masalalari axborot-tahlil departamenti shuʼba mudiri 12. Bayazitov K.F. — Taʼlim, sogʻliqni saqlash, jismoniy tarbiya, sport va turizm masalalari axborot-tahlil departamenti shuʼba mudiri, Ishchi guruh kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-iyun,
PQ-3057-son
Президента Республики Узбекистан
Постановление
ОРГАНИЗАЦИОННАЯ СТРУКТУРА
СТРУКТУРА
ТИПОВАЯ СТРУКТУРА
СОСТАВ
О дополнительных мерах по дальнейшему развитию коневодства и конного спорта в Республике Узбекистан
В целях дальнейшего развития в республике коневодства и конного спорта, укрепления его материально-технической базы, подготовки и воспитания нового поколения конников, повышения международного авторитета национального конного спорта, активной пропаганды и популяризации конного спорта среди широких слоев населения, особенно молодежи:
1. Согласится с предложением конференции Федерации конного спорта Узбекистана, Государственного комитета Республики Узбекистан по физической культуре и спорту, Министерства сельского хозяйства Республики Узбекистан и Национального олимпийского комитета Узбекистана о совершенствовании деятельности Федерации конного спорта Узбекистана и переименовании ее в Федерацию коневодства и конного спорта Узбекистана (далее — Федерация).
2. Определить основными задачами и направлениями деятельности Федерации:
содействие коневодческим организациям и хозяйствам по увеличению поголовья Карабаирских и Ахалтекинских племенных пород, а также высокоценных спортивных лошадей путем совершенствования племенного дела в коневодстве;
организацию современных методов выращивания и воспроизводства племенных, спортивных и служебных лошадей путем изучения передового опыта зарубежных стран;
участие в разработке нормативно-правовой базы развития коневодства и конного спорта, а также реализации государственных программ и налаживании маркетинговой и рекламной работы;
системную организацию и проведение национальных конноспортивных соревнований, направленных на воспитание молодого поколения всадников, а также повышение международного авторитета отечественного конного спорта;
обеспечение эффективного взаимодействия с соответствующими органами исполнительной власти на местах в вопросах предоставления земельных участков для обеспечения необходимой кормовой базы;
содействие в улучшении содержания лошадей и организации качественного ветеринарного обслуживания, а также обеспечение конкурентоспособности племенной продукции (материала) на мировом рынке;
расширение сети детских спортивных школ, секций, конноспортивных клубов, подготовку и переподготовку судей, ветеринаров и ковалей высокой квалификации.
3. Одобрить:
организационную структуру Федерации коневодства и конного спорта Узбекистана, структуру ее исполнительного аппарата и типовую структуру ее территориальных отделений согласно приложениям № 1 , 2 и 3 ;
создание при Федерации коневодства и конного спорта Узбекистана Фонда поддержки и развития коневодства и конного спорта (далее — Фонд).
4. Определить, что:
Председатель Федерации коневодства и конного спорта Узбекистана и его заместители избираются делегатами конференции и утверждаются в должности Кабинетом Министров Республики Узбекистан;
текущее содержание и финансирование деятельности исполнительного аппарата Федерации осуществляется за счет взносов организаций — членов Федерации и иных источников, не запрещенных законодательством.
5. Принять к сведению что, средства Фонда направляются на финансирование научно-исследовательских работ, укрепление материально- технической базы Федерации, совершенствование системы переподготовки и повышения квалификации судей, ветеринаров и ковалей, обмена опытом и повышения профессиональных навыков, а также материальную и социальную поддержку отличившихся спортсменов, тренеров, зоотехников, коневодов.
Определить источниками формирования Фонда благотворительные пожертвования и иные средства, не запрещенные законодательством.
6. Разрешить Федерации и ее членам экспортировать спортивных лошадей.
7. Образовать Рабочую группу по оказанию содействия в развитии коневодства и конного спорта в республике (далее — Рабочая группа) в составе согласно приложению № 4 .
8. Рабочей группе (Мирзаев З.Т.) совместно с Министерством сельского хозяйства Республики Узбекистан и Государственным комитетом Республики Узбекистан по физической культуре и спорту, другими заинтересованными министерствами и ведомствами в двухмесячный срок разработать и внести на утверждение в Кабинет Министров проект Программы мер по дальнейшему комплексному развитию коневодства и конного спорта в республике на период 2017 — 2021 годы.
При разработке проекта Программы обратить особое внимание на реализацию следующих приоритетных задач:
дальнейшее совершенствование нормативно-правовой базы коневодства и конного спорта;
разведение и воспроизводство чистокровных и спортивных лошадей Карабаирской и Ахалтекинской пород;
укрепление материально-технической и кормовой базы коневодства и конного спорта;
внедрение передового опыта зарубежных стран по коневодству и конному спорту, подготовке, переподготовке и повышению квалификации специалистов коневодства и конного спорта;
развитие национальных и международных видов конного спорта, с широким вовлечением молодежи, организацией и проведением спортивных мероприятий, а также организацией конных выставок и аукционов национального и международного уровня;
совершенствование и обновление учебных планов и программ подготовки кадров в высших и средних специальных, профессиональных образовательных учреждениях, а также научных кадров и специалистов — коневодов, организация повышения квалификации кадров.
9. Освободить сроком до 1 января 2021 года:
Федерацию от уплаты всех налогов и обязательных отчислений в государственные целевые фонды;
таможенных платежей (кроме таможенных сборов) при ввозе спортивного инвентаря, коневозок, спортивных лошадей, племенной продукции (материала), кормов и кормовых добавок, витаминов, ветеринарных препаратов, оборудования и материалов, не производимых в республике, необходимых для укрепления материально-технической базы ипподромов, конных заводов, конноспортивных клубов и школ, по перечням, утверждаемым в установленном порядке.
10. Принять предложение:
Национальной холдинговой компании «Узбекнефтегаз» и хокимията Кашкадарьинской области о строительстве и сдаче в эксплуатацию до 1 января 2018 года отвечающего современным требованиям комплекса по разведению и выращиванию лошадей породы Карабаир;
хокимията Ташкентской области о строительстве конного завода по разведению и выращиванию лошадей породы Ахалтеке ООО «Узбегим отлари»;
хокимията города Ташкента о реконструкции и оснащении АО «Марказий ипподром» в период 2017 — 2019 годы, с учетом требований международной Федерации конного спорта;
Государственного комитета Республики Узбекистан по физической культуре и спорту, Федерации и Национального олимпийского комитета Узбекистана о создании при Федерации Республиканской школы тренеров, судей по конному спорту, ветеринаров и ковалей, а также организации молодежных и юношеских сборных команд на базе Республиканской школы высшего спортивного мастерства по конному спорту;
Федерации, хокимията города Ташкента и АО «Марказий ипподром» о создании Центра карантина лошадей и ветеринарии на территории АО «Марказий ипподром»;
Федерации, хокимията Ташкентской области и ООО «Узбек спорт отлари» об организации конного завода ООО «Узбек спорт отлари» по разведению спортивных лошадей.
11. Хокимияту города Ташкента и Совету Федерации профсоюзов Узбекистана обеспечить размещение Федерации на первом этаже здания по адресу: г.Ташкент, ул. Бухара, 24 на праве безвозмездного пользования.
12. Министерству иностранных дел Республики Узбекистан обеспечить по заявкам Федерации оформление въездных виз иностранным специалистам, привлекаемым для работы в коневодстве и конном спорте, без взимания консульских и иных сборов.
13. Министерству внутренних дел Республики Узбекистан обеспечить по заявкам Федерации оформление, выдачу и продление многократных виз, а также регистрацию по месту пребывания и продление ее срока иностранным специалистам, привлекаемым для работы в коневодстве и конном спорте, без взимания государственной пошлины.
14. Министерству занятости и трудовых отношений Республики Узбекистан обеспечить по заявкам Федерации выдачу (продление) разрешений на привлечение в республику высококвалифицированных иностранных специалистов в коневодстве и конном спорте (не имеющихся из числа граждан Республики Узбекистан) для работы, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
15. Министерству по развитию информационных технологий и коммуникаций Республики Узбекистан в установленном порядке обеспечить Федерацию необходимой телефонной связью, включая правительственную связь.
16. Министерству сельского и водного хозяйства Республики Узбекистан совместно с Министерством юстиции Республики Узбекистан и другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
17. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 15 июня 2017 года № ПП–3057
Федерации коневодства и конного спорта Узбекистана
ПРИЛОЖЕНИЕ № 2 к постановлению Президента Республики Узбекистан от 15 июня 2017 года № ПП–3057
исполнительного аппарата Федерации коневодства и конного спорта Узбекистана
ПРИЛОЖЕНИЕ № 3 к постановлению Президента Республики Узбекистан от 15 июня 2017 года № ПП–3057
территориальных отделений Федерации коневодства и конного спорта Узбекистана
ПРИЛОЖЕНИЕ № 4 к постановлению Президента Республики Узбекистан от 15 июня 2017 года № ПП-3057
Рабочей группы по оказанию содействия в развитии коневодства и конного спорта в республике
1. Мирзаев З.Т. — заместитель Премьер-министра Республики Узбекистан, руководитель Рабочей группы 2. Рафиков К.М. — председатель Совета Федерации профсоюзов Узбекистана, заместитель руководителя Рабочей группы 3. Исроилов Ш.Х. — министр физической культуры и спорта Республики Узбекистан 4. Гулямов Р.А. — председатель Государственного комитета Республики Узбекистан по содействию приватизированным предприятиям и развитию конкуренции 5. Ахмаджанов У.М. — президент Национального олимпийского комитета Узбекистана 6. Маджидов И.У. — министр высшего и среднего специального образования Республики Узбекистан 7. Азимов М.Б. — председатель Государственного таможенного комитета Республики Узбекистан 8. Фарманов А.К. — генеральный директор АО «Алмалыкский горно-металлургический комбинат» 9. по должности — заместитель председателя Федерации коневодства и конного спорта Узбекистана 10. по должности — председатель Совета Министров Республики Каракалпакстан, хокимы областей и г. Ташкента 11. Тошов А.А. — заведующий сектором Информационно-аналитического департамента по вопросам сельского и водного хозяйства, переработки сельскохозяйственной и продовольственной продукции Кабинета Министров Республики Узбекистан 12. Баязитов К.Ф. — заведующий сектором Информационно-аналитического департамента по вопросам образования, здравоохранения, физической культуры, спорта и туризма Кабинета Министров Республики Узбекистан, секретарь Рабочей группы
Президент Республики Узбекистан Ш. МИРЗИЁЕВ
г. Ташкент,
15 июня 2017 г.,
№ ПП-3057