📅 2017-yil 15-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 июня 2017 г. · Постановления Президента
Официальный текст. Официальный документ. Редакционные примечания не включены.
📅 15 June 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ўзчармсаноат» уюшмасининг моддий-техник базасини мустаҳкамлаш бўйича қушимча чора-тадбирлар тўғрисида
«Ўзчармсаноат» уюшмаси фаолиятини самарали ташкил этиш ва моддий-техник базасини янада мустаҳкамлаш ҳамда давлат мулкидан самарали фойдаланиш мақсадида:
1. «Ўзчармсаноат» уюшмаси, Тошкент шаҳар ҳокимлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг илгари оператив бошқариш ҳуқуқида Тошкент шаҳар ҳокимлигига берилган Тошкент шаҳар, Мирзо Улуғбек тумани, Мустақиллик шоҳ кўчаси, 109-уй манзилида жойлашган бино ва унга тегишли бўлган ҳудудни «Ўзчармсаноат» уюшмасига бепул фойдаланишга топшириш тўғрисидаги таклифларига розилик берилсин.
2. Тошкент шаҳар ҳокимлиги мазкур қарорнинг 1-бандида кўрсатилган объектни ўрнатилган тартибда топширишни, «Ўзчармсаноат» уюшмаси эса қабул қилиб олишни, шунингдек, уюшма фаолиятининг қатъий мақсадига мувофиқ ундан самарали фойдаланиш таъминлансин.
Тошкент шаҳар ҳокимлиги манфаатдор вазирликлар ва идоралар билан биргаликда «Ўзчармсаноат» Уюшмаси биносига олиб борувчи йўлларни яратишни белгиланган тартибда таъминласин.
3. Ўзбекистон Республикаси Президентининг 2015 йил 31 декабрдаги «Ўзбекистон Республикаси Ташқи иқтисодий алоқалар, инвестициялар ва савдо вазирлиги таркибини оптималлаштириш ва фаолияти самарадорлигини янада ошириш чора-тадбирлари тўғрисида» ПҚ-2463-сонли қарорининг 5-илова 4-позицияси чиқариб ташлансин.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 июнь,
ПҚ-3058-сон
Oʻzbekiston Respublikasi Prezidentining
Qarori
“Oʻzcharmsanoat” uyushmasining moddiy-texnik bazasini mustahkamlash boʻyicha qushimcha chora-tadbirlar toʻgʻrisida
“Oʻzcharmsanoat” uyushmasi faoliyatini samarali tashkil etish va moddiy-texnik bazasini yanada mustahkamlash hamda davlat mulkidan samarali foydalanish maqsadida:
1. “Oʻzcharmsanoat” uyushmasi, Toshkent shahar hokimligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasining ilgari operativ boshqarish huquqida Toshkent shahar hokimligiga berilgan Toshkent shahar, Mirzo Ulugʻbek tumani, Mustaqillik shoh koʻchasi, 109-uy manzilida joylashgan bino va unga tegishli boʻlgan hududni “Oʻzcharmsanoat” uyushmasiga bepul foydalanishga topshirish toʻgʻrisidagi takliflariga rozilik berilsin.
2. Toshkent shahar hokimligi mazkur qarorning 1-bandida koʻrsatilgan obyektni oʻrnatilgan tartibda topshirishni, “Oʻzcharmsanoat” uyushmasi esa qabul qilib olishni, shuningdek, uyushma faoliyatining qatʼiy maqsadiga muvofiq undan samarali foydalanish taʼminlansin.
Toshkent shahar hokimligi manfaatdor vazirliklar va idoralar bilan birgalikda “Oʻzcharmsanoat” Uyushmasi binosiga olib boruvchi yoʻllarni yaratishni belgilangan tartibda taʼminlasin.
3. Oʻzbekiston Respublikasi Prezidentining 2015-yil 31-dekabrdagi “Oʻzbekiston Respublikasi Tashqi iqtisodiy aloqalar, investitsiyalar va savdo vazirligi tarkibini optimallashtirish va faoliyati samaradorligini yanada oshirish chora-tadbirlari toʻgʻrisida” PQ-2463-sonli qarorining 5-ilova 4-pozitsiyasi chiqarib tashlansin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-iyun,
PQ-3058-son
Президента Республики Узбекистан
Постановление
О дополнительных мерах по укреплению материально-технической базы ассоциации «Узчармсаноат»
В целях эффективной организации деятельности и дальнейшего укрепления материально-технической базы ассоциации «Узчармсаноат», а также обеспечения эффективного распоряжения государственным имуществом:
1. Согласиться с предложениями ассоциации «Узчармсаноат», хокимията города Ташкента, Государственного комитета Республики Узбекистан по содействию приватизированным предприятиям и развитию конкуренции о передаче в безвозмездное пользование ассоциации «Узчармсаноат» здания с прилегающей территорией, расположенного по адресу: г. Ташкент, Мирзо-Улугбекский район, проспект Мустакиллик, дом 109, ранее переданного на праве оперативного управления хокимияту города Ташкента.
2. Хокимияту города Ташкента в установленном порядке обеспечить передачу, а ассоциации «Узчармсаноат» принятие объекта, указанного в пункте 1 настоящего постановления, а также его эффективное использование строго в соответствии с целями деятельности ассоциации.
Хокимияту г. Ташкента совместно с заинтересованными министерствами и ведомствами обеспечить в установленном порядке создание подъездных путей к зданию ассоциации «Узчармсаноат».
3. Позицию 4 приложения № 5 к постановлению Президента Республики Узбекистан от 31 декабря 2015 года № ПП-2463 «О мерах по оптимизации структуры и дальнейшему повышению эффективности деятельности Министерства внешних экономических связей, инвестиций и торговли Республики Узбекистан» исключить.
4. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
15 июня 2017 г.,
№ ПП-3058