📅 2017-yil 15-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 июня 2017 г. · Постановления Президента
Официальный текст. Официальный документ. Редакционные примечания не включены.
📅 15 June 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
ТАРКИБИ
Ўзбекистон Республикаси Фанлар академиясининг Навоий бўлими фаолиятини ташкил этиш чора-тадбирлари тўғрисида
Ўзбекистон Республикаси Президентининг 2017 йил 17 февралдаги «Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида» ПҚ-2789-сонли қарори ижросини таъминлаш ва Навоий вилоятидаги инновация лойиҳаларини ишлаб чиқиш ва жорий этиш орқали иқтисодиётнинг реал секторлари самарадорлигини ошириш ҳамда Ўзбекистон Республикаси Фанлар академиясининг Навоий бўлими фаолиятини ташкил этиш бўйича зарур чора-тадбирларни амалга оширишни таъминлаш мақсадида:
1. Ўзбекистон Республикаси Фанлар академиясининг Навоий бўлими ташкил этилсин (кейинги ўринларда — Бўлим).
2. Бўлимнинг асосий вазифалари ва фаолияти йўналишлари этиб қуйидагилар белгилансин:
Навоий вилоятининг (кейинги ўринларда — ҳудуд) саноат ва қишлоқ хўжалиги тармоқлари ҳолатининг тизимли таҳлилини олиб бориш, муаммоли масалаларни аниқлаш ва уларнинг самарали ечимини излаш учун устувор илмий йўналишларни белгилаш;
ҳудуднинг иқтисодиёт тармоқларини техник ва технологик ривожланиши, энерго ва ресурстежамкор технологияларни жорий этишни таъминлаш, ишлаб чиқилаётган маҳсулотларнинг таннархини пасайтиришга ёрдам берувчи илмий тадқиқотларни ташкил этиш ва ўтказиш;
ҳудуднинг технологик ва ижтимоий-иқтисодий ривожланишига қаратилган илмий тадқиқотларни мувофиқлаштириш ва мониторингини олиб бориш;
ҳудудни янада ривожлантиришга қаратилган геология, кончилик иши, металлургия, кимё, геотехнология, робототехника, мехатроника, нанотехнология, биотехнология, агрокимё, экология, автоматика, энергетика ва машинасозлик соҳаларида фундаментал, амалий тадқиқотлар ва инновацион ишланмаларни ўтказишда иштирок этиш;
ҳудуднинг илмий ва илмий-педагог юқори малакали кадрлари, таълим муассасалари ўқитувчилари ва саноат корхоналари мутахассисларини тайёрлаш, қайта тайёрлаш ва малакасини оширишда иштирок этиш;
фан-таълим ва ишлаб чиқаришнинг интеграциялашуви жараёнини жадаллаштиришга кўмаклашувчи шароитлар яратиш;
саноат ва қишлоқ хўжалиги соҳаларида жаҳон ва мамлакат илм-фани ютуқларини ўрганиш ва таҳлил қилиш, ҳудуднинг хусусиятлари ва эҳтиёжларини инобатга олиб, улардан фойдаланиш бўйича тавсиялар ишлаб чиқиш;
ҳамкорликдаги илмий тадқиқотларга хорижий мутахассисларни жалб этган ҳолда, ҳудуднинг муаммоларини ҳал этиш бўйича изланишлар ва илмий тадқиқотлар олиб бориш доирасида халқаро ҳамкорликни ташкил этиш.
3. Ўзбекистон Республикаси Фанлар академиясининг Навоий бўлими тузилмаси 1-иловага мувофиқ тасдиқлансин.
Ўзбекистон Республикаси Фанлар академияси президентига, зарур ҳолларда, Бўлимнинг тузилмасига ходимларнинг тасдиқланган умумий сони доирасида ўзгартиришлар киритиш ҳуқуқи берилсин.
4. Белгилаб қўйилсинки:
Бўлим давлат муассасаси шаклидаги юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва банк, шу жумладан, валюта ҳисоб рақамига эга;
Бўлимнинг фаолияти тўғрисидаги ҳисобот ҳар йили Ўзбекистон Республикаси Фанлар академиясининг Президиуми ва «Навоий кон-металлургия комбинати» Давлат корхонасининг Илмий-техник кенгаши мажлисларида тингланади;
Ўзбекистон Республикаси Фанлар академияси илмий-тадқиқот муассасаларининг тегишли лавозимлари учун назарда тутилган меҳнатга ҳақ тўлаш ва моддий рағбатлантириш шартлари Бўлим ходимларига ҳам жорий этилади;
Бўлим раиси мақоми Ўзбекистон Республикаси Фанлар академияси вице-президенти лавозимига тенглаштирилади ва бир вақтнинг ўзида «Навоий кон-металлургия комбинати» Давлат корхонаси бош директорининг илмий ишлар бўйича ўринбосари ҳисобланади;
Бўлим раиси Ўзбекистон Республикаси Вазирлар Маҳкамаси ва «Навоий кон-металлургия комбинати» Давлат корхонаси билан келишилган ҳолда Ўзбекистон Республикаси Фанлар академияси Президентининг буйруғи билан лавозимга тайинланади ва озод қилинади.
5. Ўзбекистон Республикаси Фанлар академияси, Олий ва ўрта махсус таълим вазирлиги ва «Навоий кон-металлургия комбинати» Давлат корхонасининг Ўзбекистон Республикаси Фанлар академияси Навоий бўлими ҳузурида 2-иловага мувофиқ таркибда Идоралараро илмий-техникавий кенгаш ташкил этиш тўғрисидаги таклифига розилик берилсин.
6. Бўлим ҳузуридаги Идоралараро илмий-техникавий кенгашнинг асосий вазифалари этиб қуйидагилар белгилансин:
ҳудуднинг ижтимоий-иқтисодий ривожланиши билан боғлиқ илмий тадқиқотларни мувофиқлаштириш;
фан, таълим ва ишлаб чиқаришнинг самарали интеграциялашуви учун қулай шароитлар яратиш;
ҳудуддаги ташкилотлар билан шартномалар асосида янги илмий тадқиқотлар натижалари ва инновация ишланмаларини амалиётга жорий этишга кўмаклашиш;
юқори илмий натижаларга эришган ва ҳудудда илм-фаннинг ривожланишига муносиб ҳисса қўшган олимларни, жумладан ёш олимларни қўллаб-қувватлаш;
Бўлимни моддий-техник таъминлаш учун ҳомийлик маблағларини жалб этишга кўмаклашиш.
7. Ўзбекистон Республикаси Фанлар академияси «Навоий кон- металлургия комбинати» Давлат корхонаси билан биргаликда Бўлим ҳузуридаги Идоралараро илмий-техникавий кенгаш тўғрисидаги Низомни бир ой муддатда ишлаб чиқсин ва тасдиқласин.
8. Ўзбекистон Республикаси Фанлар академияси:
бир ой муддатда Бўлимнинг уставини тасдиқласин ва уни белгиланган тартибда давлат рўйхатидан ўтказишни таъминласин;
икки ой муддатда Бўлимни юқори малакали илмий кадрлар, шу жумладан, истиқболли йўналишлар бўйича таклиф этилган хорижий олим — мутахассислар билан тўлдириш бўйича зарур чораларни кўрсин;
Бўлим илмий ходимларнинг етакчи хорижий илмий ва таълим муассасаларида мақсадли тажриба орттиришларини ташкил этиш бўйича комплекс чора-тадбирларни амалга оширишни таъминласин.
9. Бўлим фаолиятини молиялаштириш манбалари этиб қуйидагилар ҳисоблансин:
«Навоий кон-металлургия комбинати» Давлат корхонаси маблағлари, шу жумладан, тегишли илмий-технологик ишланмаларни жорий этиш натижасида олинган соф фойданинг 10 фоизи миқдори;
Ўзбекистон Республикаси Инновацион ривожланиш вазирлиги томонидан ўтказиладиган танловлар натижалари бўйича ажратиладиган грантлар, илмий-тадқиқот ишларини бажариш учун хўжалик шартномаларидан келиб тушадиган тушумлар, халқаро молия ва бошқа институтлар, хорижий ташкилотлар грантлари ҳамда қонун ҳужжатларида тақиқланмаган бошқа манбалар.
10. Бўлим бепул фойдаланиш ҳуқуқи билан Навоий шаҳри, Ғалаба шоҳ-кўчасидаги Навоий давлат кончилик институти биноси манзилига жойлаштирилсин.
11. «Навоий кон-металлургия комбинати» Давлат корхонаси:
бир ой муддатда Бўлим фаолиятини ташкил этиш учун зарур мебель, компьютер техникаси, жиҳоз ва бошқа моддий воситалар билан таъминлашни;
Навоий шаҳри, Меъморлар кўчаси, 2-уй манзили бўйича жойлашган бинони Бўлимнинг илмий-тадқиқот лабораторияларини ташкил этиш ва жойлаштириш учун уни капитал таъмирлашни;
Бўлимнинг илмий-тадқиқот лабораторияларини замонавий лаборатория асбоб-ускуналари билан жиҳозлашни;
Ўзбекистон Республикаси ва хорижий мамлакат илмий-тадқиқот муассасаларидан таклиф этиладиган илмий маслаҳатчиларнинг вақтинча яшашлари учун турар-жой комплексини қуришни таъминласин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси А.Н. Юнусходжаев зиммасига юклансин.
Ўзбекистон Республикаси Президентининг 2017 йил 15 июндаги ПҚ-3059-сонли қарорига 1-ИЛОВА
Ўзбекистон Республикаси Фанлар академиясининг Навоий бўлими
Ўзбекистон Республикаси Президентининг 2017 йил 15 июндаги ПҚ–3059-сонли қарорига 2-ИЛОВА
Ўзбекистон Республикаси Фанлар академиясининг Навоий бўлими ҳузуридаги Идоралараро илмий-техник кенгаш
Ғ.И. Ибрагимов — Ўзбекистон Республикаси Бош вазири ўринбосари, Идоралараро илмий-техник кенгаш раиси Б.С. Йўлдошев — Фанлар академияси президенти, Идоралараро илмий-техник кенгаш раиси ўринбосари Қ.С. Санақулов — «Навоий КМК» ДК бош директори, Идоралараро илмий-техник кенгаш раиси ўринбосари К.Б. Турсунов — Навоий вилояти ҳокими М.М. Каримов — Олий ва ўрта махсус таълим вазири ўринбосари И.Ю. Абдураҳмонов — И нновацион ривожланиш вазири И.Б. Тўрамуратов — Давлат геология ва минерал ресурслари қўмитаси раиси Б.М. Шарипов — «Навоийазот» АЖ бошқаруви раиси Б.С. Назаров — «Қизилқумцемент» АЖ бошқаруви раиси С.П. Бобосодиқов — «Электрокимёзавод» АЖ ҚК бош директори К.Х. Ғаниев — «НавоийТЭС» АЖ бошқаруви раиси Н.П. Снитка — «Навоий КМК» ДК бош муҳандиси Б.Т. Ибрагимов — Фанлар академияси бош илмий котиби лавозим бўйича — Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази бош директори ўринбосари С.Л. Лутпуллаев — Фанлар академиясининг Физика-техника институти директори Б.С. Зокиров — Фанлар академиясининг Умумий ва ноорганик кимё институти директори лавозимига кўра — Фанлар академиясининг Ион-плазма ва лазер технологиялари институти директори А.У. Мирзаев — Давлат геология ва минерал ресурслари қўмитасининг Геология ва геофизика институти директори С.С. Негматов — Тошкент давлат техника университетининг «Фан ва тараққиёт» ДУК директорининг илмий маслаҳатчиси Ш.Я. Мирзаахмедов — «Юқори технологиялар ўқув-экспериментал маркази» ДК директори лавозимига кўра — Фанлар академиясининг Навоий бўлими раиси, Идоралараро илмий-техник кенгаш котиби
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 июнь,
ПҚ-3059-сон
Oʻzbekiston Respublikasi Prezidentining
Qarori
TUZILMASI
TARKIBI
Oʻzbekiston Respublikasi Fanlar akademiyasining Navoiy boʻlimi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining 2017-yil 17-fevraldagi “Fanlar akademiyasi faoliyati, ilmiy-tadqiqot ishlarini tashkil etish, boshqarish va moliyalashtirishni yanada takomillashtirish chora-tadbirlari toʻgʻrisida” PQ-2789-sonli qarori ijrosini taʼminlash va Navoiy viloyatidagi innovatsiya loyihalarini ishlab chiqish va joriy etish orqali iqtisodiyotning real sektorlari samaradorligini oshirish hamda Oʻzbekiston Respublikasi Fanlar akademiyasining Navoiy boʻlimi faoliyatini tashkil etish boʻyicha zarur chora-tadbirlarni amalga oshirishni taʼminlash maqsadida:
1. Oʻzbekiston Respublikasi Fanlar akademiyasining Navoiy boʻlimi tashkil etilsin (keyingi oʻrinlarda — Boʻlim).
2. Boʻlimning asosiy vazifalari va faoliyati yoʻnalishlari etib quyidagilar belgilansin:
Navoiy viloyatining (keyingi oʻrinlarda — hudud) sanoat va qishloq xoʻjaligi tarmoqlari holatining tizimli tahlilini olib borish, muammoli masalalarni aniqlash va ularning samarali yechimini izlash uchun ustuvor ilmiy yoʻnalishlarni belgilash;
hududning iqtisodiyot tarmoqlarini texnik va texnologik rivojlanishi, energo va resurstejamkor texnologiyalarni joriy etishni taʼminlash, ishlab chiqilayotgan mahsulotlarning tannarxini pasaytirishga yordam beruvchi ilmiy tadqiqotlarni tashkil etish va oʻtkazish;
hududning texnologik va ijtimoiy-iqtisodiy rivojlanishiga qaratilgan ilmiy tadqiqotlarni muvofiqlashtirish va monitoringini olib borish;
hududni yanada rivojlantirishga qaratilgan geologiya, konchilik ishi, metallurgiya, kimyo, geotexnologiya, robototexnika, mexatronika, nanotexnologiya, biotexnologiya, agrokimyo, ekologiya, avtomatika, energetika va mashinasozlik sohalarida fundamental, amaliy tadqiqotlar va innovatsion ishlanmalarni oʻtkazishda ishtirok etish;
hududning ilmiy va ilmiy-pedagog yuqori malakali kadrlari, taʼlim muassasalari oʻqituvchilari va sanoat korxonalari mutaxassislarini tayyorlash, qayta tayyorlash va malakasini oshirishda ishtirok etish;
fan-taʼlim va ishlab chiqarishning integratsiyalashuvi jarayonini jadallashtirishga koʻmaklashuvchi sharoitlar yaratish;
sanoat va qishloq xoʻjaligi sohalarida jahon va mamlakat ilm-fani yutuqlarini oʻrganish va tahlil qilish, hududning xususiyatlari va ehtiyojlarini inobatga olib, ulardan foydalanish boʻyicha tavsiyalar ishlab chiqish;
hamkorlikdagi ilmiy tadqiqotlarga xorijiy mutaxassislarni jalb etgan holda, hududning muammolarini hal etish boʻyicha izlanishlar va ilmiy tadqiqotlar olib borish doirasida xalqaro hamkorlikni tashkil etish.
3. Oʻzbekiston Respublikasi Fanlar akademiyasining Navoiy boʻlimi tuzilmasi 1-ilovaga muvofiq tasdiqlansin.
Oʻzbekiston Respublikasi Fanlar akademiyasi prezidentiga, zarur hollarda, Boʻlimning tuzilmasiga xodimlarning tasdiqlangan umumiy soni doirasida oʻzgartirishlar kiritish huquqi berilsin.
4. Belgilab qoʻyilsinki:
Boʻlim davlat muassasasi shaklidagi yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va bank, shu jumladan, valyuta hisob raqamiga ega;
Boʻlimning faoliyati toʻgʻrisidagi hisobot har yili Oʻzbekiston Respublikasi Fanlar akademiyasining Prezidiumi va “Navoiy kon-metallurgiya kombinati” Davlat korxonasining Ilmiy-texnik kengashi majlislarida tinglanadi;
Oʻzbekiston Respublikasi Fanlar akademiyasi ilmiy-tadqiqot muassasalarining tegishli lavozimlari uchun nazarda tutilgan mehnatga haq toʻlash va moddiy ragʻbatlantirish shartlari Boʻlim xodimlariga ham joriy etiladi;
Boʻlim raisi maqomi Oʻzbekiston Respublikasi Fanlar akademiyasi vitse-prezidenti lavozimiga tenglashtiriladi va bir vaqtning oʻzida “Navoiy kon-metallurgiya kombinati” Davlat korxonasi bosh direktorining ilmiy ishlar boʻyicha oʻrinbosari hisoblanadi;
Boʻlim raisi Oʻzbekiston Respublikasi Vazirlar Mahkamasi va “Navoiy kon-metallurgiya kombinati” Davlat korxonasi bilan kelishilgan holda Oʻzbekiston Respublikasi Fanlar akademiyasi Prezidentining buyrugʻi bilan lavozimga tayinlanadi va ozod qilinadi.
5. Oʻzbekiston Respublikasi Fanlar akademiyasi, Oliy va oʻrta maxsus taʼlim vazirligi va “Navoiy kon-metallurgiya kombinati” Davlat korxonasining Oʻzbekiston Respublikasi Fanlar akademiyasi Navoiy boʻlimi huzurida 2-ilovaga muvofiq tarkibda Idoralararo ilmiy-texnikaviy kengash tashkil etish toʻgʻrisidagi taklifiga rozilik berilsin.
6. Boʻlim huzuridagi Idoralararo ilmiy-texnikaviy kengashning asosiy vazifalari etib quyidagilar belgilansin:
hududning ijtimoiy-iqtisodiy rivojlanishi bilan bogʻliq ilmiy tadqiqotlarni muvofiqlashtirish;
fan, taʼlim va ishlab chiqarishning samarali integratsiyalashuvi uchun qulay sharoitlar yaratish;
hududdagi tashkilotlar bilan shartnomalar asosida yangi ilmiy tadqiqotlar natijalari va innovatsiya ishlanmalarini amaliyotga joriy etishga koʻmaklashish;
yuqori ilmiy natijalarga erishgan va hududda ilm-fanning rivojlanishiga munosib hissa qoʻshgan olimlarni, jumladan yosh olimlarni qoʻllab-quvvatlash;
Boʻlimni moddiy-texnik taʼminlash uchun homiylik mablagʻlarini jalb etishga koʻmaklashish.
7. Oʻzbekiston Respublikasi Fanlar akademiyasi “Navoiy kon- metallurgiya kombinati” Davlat korxonasi bilan birgalikda Boʻlim huzuridagi Idoralararo ilmiy-texnikaviy kengash toʻgʻrisidagi Nizomni bir oy muddatda ishlab chiqsin va tasdiqlasin.
8. Oʻzbekiston Respublikasi Fanlar akademiyasi:
bir oy muddatda Boʻlimning ustavini tasdiqlasin va uni belgilangan tartibda davlat roʻyxatidan oʻtkazishni taʼminlasin;
ikki oy muddatda Boʻlimni yuqori malakali ilmiy kadrlar, shu jumladan, istiqbolli yoʻnalishlar boʻyicha taklif etilgan xorijiy olim — mutaxassislar bilan toʻldirish boʻyicha zarur choralarni koʻrsin;
Boʻlim ilmiy xodimlarning yetakchi xorijiy ilmiy va taʼlim muassasalarida maqsadli tajriba orttirishlarini tashkil etish boʻyicha kompleks chora-tadbirlarni amalga oshirishni taʼminlasin.
9. Boʻlim faoliyatini moliyalashtirish manbalari etib quyidagilar hisoblansin:
“Navoiy kon-metallurgiya kombinati” Davlat korxonasi mablagʻlari, shu jumladan, tegishli ilmiy-texnologik ishlanmalarni joriy etish natijasida olingan sof foydaning 10 foizi miqdori;
Oʻzbekiston Respublikasi Innovatsion rivojlanish vazirligi tomonidan oʻtkaziladigan tanlovlar natijalari boʻyicha ajratiladigan grantlar, ilmiy-tadqiqot ishlarini bajarish uchun xoʻjalik shartnomalaridan kelib tushadigan tushumlar, xalqaro moliya va boshqa institutlar, xorijiy tashkilotlar grantlari hamda qonun hujjatlarida taqiqlanmagan boshqa manbalar.
10. Boʻlim bepul foydalanish huquqi bilan Navoiy shahri, Gʻalaba shoh-koʻchasidagi Navoiy davlat konchilik instituti binosi manziliga joylashtirilsin.
11. “Navoiy kon-metallurgiya kombinati” Davlat korxonasi:
bir oy muddatda Boʻlim faoliyatini tashkil etish uchun zarur mebel, kompyuter texnikasi, jihoz va boshqa moddiy vositalar bilan taʼminlashni;
Navoiy shahri, Meʼmorlar koʻchasi, 2-uy manzili boʻyicha joylashgan binoni Boʻlimning ilmiy-tadqiqot laboratoriyalarini tashkil etish va joylashtirish uchun uni kapital taʼmirlashni;
Boʻlimning ilmiy-tadqiqot laboratoriyalarini zamonaviy laboratoriya asbob-uskunalari bilan jihozlashni;
Oʻzbekiston Respublikasi va xorijiy mamlakat ilmiy-tadqiqot muassasalaridan taklif etiladigan ilmiy maslahatchilarning vaqtincha yashashlari uchun turar-joy kompleksini qurishni taʼminlasin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi A.N. Yunusxodjayev zimmasiga yuklansin.
Oʻzbekiston Respublikasi Prezidentining 2017-yil 15-iyundagi PQ-3059-sonli qaroriga 1-ILOVA
Oʻzbekiston Respublikasi Fanlar akademiyasining Navoiy boʻlimi
Oʻzbekiston Respublikasi Prezidentining 2017-yil 15-iyundagi PQ–3059-sonli qaroriga 2-ILOVA
Oʻzbekiston Respublikasi Fanlar akademiyasining Navoiy boʻlimi huzuridagi Idoralararo ilmiy-texnik kengash
Gʻ.I. Ibragimov — Oʻzbekiston Respublikasi Bosh vaziri oʻrinbosari, Idoralararo ilmiy-texnik kengash raisi B.S. Yoʻldoshev — Fanlar akademiyasi prezidenti, Idoralararo ilmiy-texnik kengash raisi oʻrinbosari Q.S. Sanaqulov — “Navoiy KMK” DK bosh direktori, Idoralararo ilmiy-texnik kengash raisi oʻrinbosari K.B. Tursunov — Navoiy viloyati hokimi M.M. Karimov — Oliy va oʻrta maxsus taʼlim vaziri oʻrinbosari I.Yu. Abdurahmonov — I nnovatsion rivojlanish vaziri I.B. Toʻramuratov — Davlat geologiya va mineral resurslari qoʻmitasi raisi B.M. Sharipov — “Navoiyazot” AJ boshqaruvi raisi B.S. Nazarov — “Qizilqumsement” AJ boshqaruvi raisi S.P. Bobosodiqov — “Elektrokimyozavod” AJ QK bosh direktori K.X. Gʻaniyev — “NavoiyTES” AJ boshqaruvi raisi N.P. Snitka — “Navoiy KMK” DK bosh muhandisi B.T. Ibragimov — Fanlar akademiyasi bosh ilmiy kotibi lavozim boʻyicha — Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi bosh direktori oʻrinbosari S.L. Lutpullayev — Fanlar akademiyasining Fizika-texnika instituti direktori B.S. Zokirov — Fanlar akademiyasining Umumiy va noorganik kimyo instituti direktori lavozimiga koʻra — Fanlar akademiyasining Ion-plazma va lazer texnologiyalari instituti direktori A.U. Mirzayev — Davlat geologiya va mineral resurslari qoʻmitasining Geologiya va geofizika instituti direktori S.S. Negmatov — Toshkent davlat texnika universitetining “Fan va taraqqiyot” DUK direktorining ilmiy maslahatchisi Sh.Ya. Mirzaaxmedov — “Yuqori texnologiyalar oʻquv-eksperimental markazi” DK direktori lavozimiga koʻra — Fanlar akademiyasining Navoiy boʻlimi raisi, Idoralararo ilmiy-texnik kengash kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-iyun,
PQ-3059-son
Президента Республики Узбекистан
Постановление
СТРУКТУРА
СОСТАВ
О мерах по организации деятельности Навоийского отделения Академии наук Республики Узбекистан
Во исполнение постановления Президента Республики Узбекистан от 17 февраля 2017 года № ПП–2789 «О мерах по дальнейшему совершенствованию деятельности Академии наук, организации, управления и финансирования научно-исследовательской деятельности» и в целях повышения эффективности реального сектора экономики Навоийской области посредством разработки и внедрения инновационных проектов, а также обеспечения реализации необходимых мер по организации деятельности Навоийского отделения Академии наук Республики Узбекистан:
1. Создать Навоийское отделение Академии наук Республики Узбекистан (далее — Отделение).
2. Определить основными задачами и направлениями деятельности Отделения:
проведение системного анализа состояния отраслей промышленности и сельского хозяйства Навоийской области (далее — территория), выявление проблемных вопросов и определение приоритетных научных направлений для поиска их эффективного решения;
организацию и проведение научных исследований, способствующих техническому и технологическому развитию отраслей экономики территории и обеспечивающих внедрение энерго- и ресурсосберегающих технологий, снижение себестоимости производимых продуктов;
координацию и мониторинг научных исследований, направленных на технологическое и социально-экономическое развитие территории;
участие в проведении фундаментальных, прикладных исследований и инновационных разработок в области геологии, горного дела, металлургии, химии, геотехнологии, робототехники, мехатроники, нанотехнологии, биотехнологии, агрохимии, экологии, автоматики, энергетики и машиностроения, направленных на дальнейшее развитие территории;
участие в подготовке, переподготовке и повышении квалификации высококвалифицированных научных и научно-педагогических кадров, преподавателей образовательных учреждений и специалистов промышленных предприятий территории;
создание условий, способствующих ускорению процесса интеграции науки с образованием и производством;
изучение и анализ достижений мировой и отечественной науки в области промышленности и сельского хозяйства, выработку рекомендаций по их использованию с учетом особенностей и потребностей территории;
организацию международного сотрудничества в рамках изучения и проведения научных исследований по решению проблем территории, с привлечением, зарубежных специалистов к совместным научным исследованиям.
3. Утвердить структуру Навоийского отделения Академии наук Республики Узбекистан согласно приложению № 1 .
Предоставить право Президенту Академии наук Республики Узбекистан, при необходимости, вносить изменения в структуру Отделения в пределах утвержденной предельной общей численности работников.
4. Установить, что:
Отделение является юридическим лицом в форме государственного учреждения, имеет печать с изображением Государственного герба Республики Узбекистан и со своим наименованием на государственном языке и банковские счета, в том числе валютные;
годовой отчет о деятельности Отделения ежегодно заслушивается на заседаниях Президиума Академии наук Республики Узбекистан и Научно- технического совета Государственного предприятия «Навоийский горно-металлургический комбинат»;
на работников Отделения распространяются условия оплаты и материального стимулирования труда, предусмотренные для соответствующих должностей научно-исследовательских учреждений Академии наук Республики Узбекистан;
председатель Отделения приравнивается по статусу к вице-президенту Академии наук Республики Узбекистан и одновременно является заместителем генерального директора по науке Государственного предприятия «Навоийский горно-металлургический комбинат»;
председатель Отделения назначается и освобождается от должности приказом Президента Академии наук Республики Узбекистан по согласованию с Кабинетом Министров Республики Узбекистан и Государственным предприятием «Навоийский горно-металлургический комбинат».
5. Согласиться с предложением Академии наук, Министерства высшего и среднего специального образования Республики Узбекистан, Государственного предприятия «Навоийский горно-металлургический комбинат» об образовании Межведомственного научно-технического совета при Навоийском отделении Академии наук Республики Узбекистан в составе согласно приложению № 2 .
6. Определить основными Задачами Межведомственного научно- технического совета при Отделении:
координацию научных исследований, связанных с социально- экономическим развитием территории;
создание благоприятных условий для эффективной интеграции науки, образования и производства;
содействие во внедрении в практику результатов новых научных исследований и инновационных разработок на основе договоров с организациями и предприятиями территории;
поддержку ученых, в том числе молодых научных работников, достигших высоких научных результатов и внесших достойный вклад в развитие науки территории;
содействие в привлечении благотворительных средств для материально- технического обеспечения Отделения.
7. Академии наук Республики Узбекистан совместно с Государственным предприятием «Навоийский горно-металлургический комбинат» в месячный срок разработать и утвердить Положение о Межведомственном научно-техническом совете при Отделении.
8. Академии наук Республики Узбекистан:
в месячный срок в установленном порядке утвердить устав Отделения и обеспечить его государственную регистрацию;
в двухмесячный срок принять необходимые меры по укомплектованию на конкурсной основе Отделения высококвалифицированными научными кадрами, в том числе приглашенными зарубежными учеными — специалистами по перспективным направлениям;
обеспечить реализацию комплекса мер по организации прохождения научными работниками Отделения целевых стажировок в ведущих зарубежных научных и образовательных учреждениях.
9. Установить, что источниками финансирования деятельности Отделения являются:
средства Государственного предприятия «Навоийский горно-металлургический комбинат», в том числе за счет 10 процентов от чистой прибыли, полученной в результате внедрения соответствующих научно-технологических разработок;
гранты, выделяемые по результатам конкурсов, проводимых Министерством инновационного развития Республики Узбекистан, поступления от хозяйственных договоров на выполнение научно-исследовательских работ, гранты международных финансовых и других институтов, иностранных организаций, а также иные источники, не запрещенные законодательством.
10. Разместить Отделение на условиях безвозмездного пользования в здании Навоийского государственного горного института по адресу: г.Навои, проспект Галаба.
11. Государственному предприятию «Навоийский горно-металлургический комбинат» обеспечить:
в месячный срок Отделение необходимой мебелью, компьютерной техникой, инвентарем и другими материальными средствами для организации его деятельности;
проведение капитального ремонта здания, расположенного по адресу: г. Навои, ул. Меъморлар, 2 для организации и размещения в нем научно- исследовательских лабораторий Отделения;
оснащение научно-исследовательских лабораторий Отделения современным лабораторным оборудованием;
строительство жилого комплекса для временного проживания научных консультантов, приглашаемых из научно-исследовательских учреждений Республики Узбекистан и зарубежных стран.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника Президента Республики Узбекистан А.Н. Юнусходжаева.
ПРИЛОЖЕНИЕ № 1 к постановлению Президента Республики Узбекистан от 15 июня 2017 года № ПП–3059
Навоийского отделения Академии наук Республики Узбекистан
ПРИЛОЖЕНИЕ № 2 к постановлению Президента Республики Узбекистан от 15 июня 2017 года № ПП–3059
Межведомственного научно-технического совета при Навоийском отделении Академии наук Республики Узбекистан
Ибрагимов Г.И. — заместитель Премьер-министра Республики Узбекистан, председатель Межведомственного научно-технического совета Юлдашев Б.С. — президент Академии наук, заместитель председателя Межведомственного научно-технического совета Санакулов К.С. — генеральный директор ГП « Навоийский ГМК», заместитель председателя Межведомственного научно-технического совета Турсунов К.Б. — хоким Навоийской области Каримов М.М. — заместитель министра высшего и среднего специального образования Абдурахмонов И.Ю. — министр инновационного развития Турамуратов И.Б. — председатель Государственного комитета по геологии и минеральным ресурсам Шарипов Б.М. — председатель правления АО «Навоиазот» Назаров Б.С. — председатель правления АО «Кызылкумцемент» Бабасадыков С.П. — генеральный директор СП АО «Электрокимёзавод» Ганиев К.Х. — председатель правления АО «НавоиТЭС» Снитка Н.П. — главный инженер ГП «Навоийский ГМК» Ибрагимов Б.Т. — главный ученый секретарь Академии наук по должности — заместитель генерального директора Национального центра знаний и инноваций в сельском хозяйстве при Министерстве сельского хозяйства Лутпуллаев С.Л. — директор Физико-технического института Академии наук Закиров Б.С. — директор Института общей и неорганической химии Академии наук по должности — директор Института ионно-плазменных и лазерных технологий Академии наук Мирзаев А.У. — директор Института геологии и геофизики Государственного комитета по геологии и минеральным ресурсам Негматов С.С. — научный консультант председателя ГУП «Фан ва тараккиёт»Ташкентского государственного технического университета Мирзаахмедов Ш.Я. — директор ГП «Учебно-экспериментальный центр высоких технологий» по должности — председатель Навоийского отделения Академии наук, секретарь Межведомственного научно-технического совета
Президент Республики Узбекистан Ш. МИРЗИЁЕВ
г. Ташкент,
15 июня 2017 г.,
№ ПП-3059