UzbekAI

Ўзбекистон Республикасининг Интеллектуал мулк агентлиги бош директорининг

буйруғи

Товар белгисини миллий рўйхатдан ўтказишни халқаро рўйхатдан ўтказишга алмаштириш қоидаларини тасдиқлаш тўғрисида

Ўзбекистон Республикаси «Товар белгилари, хизмат кўрсатиш белгилари ва товар келиб чиққан жой номлари тўғрисида»ги Қонунига мувофиқ буюраман:

1. Товар белгисини миллий рўйхатдан ўтказишни халқаро рўйхатдан ўтказишга алмаштириш қоидалари иловага мувофиқ тасдиқлансин.

2. Мазкур буйруқ расмий эълон қилинган кундан эътиборан кучга киради.

Ўзбекистон Республикаси Интеллектуал мулк агентлиги Бош директорининг 2017 йил 15 майдаги 19-сон буйруғига ИЛОВА

Товар белгисини миллий рўйхатдан ўтказишни халқаро рўйхатдан ўтказишга алмаштириш қоидалари

Мазкур Қоидалар Белгиларни халқаро рўйхатдан ўтказиш тўғрисидаги Мадрид битимига доир Баённоманинг (Мадрид, 1989 йил 27 июнь) 4-bis моддасига ва Ўзбекистон Республикасининг «Товар белгилари, хизмат кўрсатиш белгилари ва товар келиб чиққан жой номлари тўғрисида»ги Қонунига мувофиқ товар белгисини миллий рўйхатдан ўтказишни халқаро рўйхатдан ўтказишга алмаштириш тартибини белгилайди.

1-боб. Умумий қоидалар

1. Белгиларни халқаро рўйхатдан ўтказиш тўғрисидаги Мадрид битимига доир Баённоманинг (Мадрид, 1989 йил 27 июнь) 4-bis моддасига мувофиқ, агар Ўзбекистон Республикасида миллий рўйхатдан ўтказилган товар белгиси халқаро рўйхатдан ўтказилган товар белгиси билан бир хил бўлса ва ушбу рўйхатдан ўтказилган товар белгилари битта шахс номига берилган бўлса, товар белгисини миллий рўйхатдан ўтказишни халқаро рўйхатдан ўтказишга алмаштириш мумкин. Бунда, миллий рўйхатдан ўтказилган товар белгисига доир ҳуқуқларга таъсир қилинмаслиги лозим.

2. Товар белгисини миллий рўйхатдан ўтказишни халқаро рўйхатдан ўтказишга алмаштириш қуйидаги шартларга риоя этилган ҳолда амалга оширилади:

халқаро рўйхатдан ўтказиш натижасида юзага келадиган ҳуқуқий жиҳатдан муҳофаза қилиш Ўзбекистон Республикаси ҳудудига татбиқ этилса;

миллий рўйхатдан ўтказилган барча товарлар Ўзбекистон Республикасига нисбатан халқаро рўйхатдан ўтказишда ҳам санаб ўтилган бўлса;

товар белгисини халқаро рўйхатдан ўтказишнинг кучга кириш санаси товар белгисини миллий рўйхатдан ўтказиш санасидан кейин бўлса.

2-боб. Аризани бериш ва уни кўриб чиқиш

3. Товар белгисини миллий рўйхатдан ўтказишни халқаро рўйхатдан ўтказишга алмаштириш тўғрисидаги ариза (бундан буён матнда ариза деб юритилади) мазкур Қоидаларнинг 1-иловасига мувофиқ шаклда Ўзбекистон Республикаси Адлия вазирлигига (бундан буён матнда Вазирлик деб юритилади) халқаро рўйхатдан ўтказиш эгасининг ишончномаси билан патент вакили томонидан тақдим этилади. Ариза патент вакили томонидан имзоланади.

4. Ариза битта товар белгисини рўйхатга ўтказишга оид бўлиши лозим.

5. Ариза ва ишончнома Вазирликка бевосита тақдим этилади ёки почта орқали юборилади.

6. Ариза Вазирликка келиб тушган кундан эътиборан ўн беш кунлик муддат ичида кўриб чиқилади.

7. Ариза Вазирлик томонидан мазкур Қоидаларнинг 2-бандида белгиланган талабларга мувофиқлиги юзасидан текшириб чиқилади.

8. Агар ариза мазкур Қоидаларнинг 2-бандида белгиланган талабларга мувофиқ бўлмаса, Вазирлик халқаро рўйхатдан ўтказиш эгасига мавжуд камчиликларни бартараф этиш тўғрисида патент вакили орқали сўров юборади.

9. Халқаро рўйхатдан ўтказиш эгаси сўров жўнатилган санадан эътиборан уч ой муддат ичида сўровдаги камчиликларни бартараф этиши лозим. Бунда аризани кўриб чиқиш муддатининг ўтиши камчиликлар бартараф этилганлиги ҳақидаги жавоб Вазирликка келиб тушгунга қадар тўхтатиб турилади.

10. Сўровга мазкур Қоидаларнинг 9-бандида кўрсатилган муддат ичида жавоб тақдим этилмаган тақдирда, Вазирлик томонидан патент вакили орқали халқаро рўйхатдан ўтказиш эгасига аризани қаноатлантиришни рад этиш асосларини кўрсатган ҳолда билдиришнома юборилади.

11. Халқаро рўйхатдан ўтказиш эгаси аризани қаноатлантиришни рад этиш устидан судга шикоят қилиши мумкин.

12. Аризани қаноатлантириш рад этилгандан кейин халқаро рўйхатдан ўтказиш эгаси Вазирлик билдиришномасида назарда тутилган камчиликларни бартараф этган ҳолда такроран Ариза топшириши мумкин.

13. Ариза мазкур Қоидаларнинг 2-бандида белгиланган талабларга мувофиқ бўлса, товар белгисини миллий рўйхатдан ўтказишни халқаро рўйхатдан ўтказишга алмаштириш тўғрисидаги маълумотлар Товар белгилари давлат реестрига (бундан буён матнда Давлат реестри деб юритилади) киритилади.

14. Маълумотлар Давлат реестрига киритилган санадан эътиборан ўн кун ичида Вазирлик Бутунжаҳон интеллектуал мулк ташкилоти Халқаро бюросига мазкур Қоидаларнинг 2-иловасида келтирилган шаклда (инглиз тилида) товар белгисини миллий рўйхатдан ўтказишни халқаро рўйхатдан ўтказишга алмаштирилганлиги тўғрисида билдиришнома тайёрлайди.

15. Билдиришнома икки нусхада расмийлаштирилади. Биринчи нусха Бутунжаҳон интеллектуал мулк ташкилоти Халқаро бюросига жўнатилади, иккинчи нусха эса миллий рўйхатдан ўтказишга оид ҳужжатларга қўшиб қўйилади.

16. Товар белгисини миллий рўйхатдан ўтказишни халқаро рўйхатдан ўтказишга алмаштириш тўғрисидаги маълумотлар Давлат реестрига киритилади ва Вазирликнинг ўз расмий веб-сайтида ҳам жойлаштириладиган расмий ахборотномасида эълон қилинади ҳамда халқаро рўйхатдан ўтказиш эгаси товар белгисини миллий рўйхатдан ўтказишни халқаро рўйхатдан ўтказишга алмаштирилганлиги тўғрисида хабардор қилинади.

17. Товар белгисини миллий рўйхатдан ўтказишни халқаро рўйхатдан ўтказишга алмаштирилиши миллий рўйхатдан ўтказилган товар белгисининг амал қилишини тугатилишига олиб келмайди.

Товар белгисини миллий рўйхатдан ўтказишни халқаро рўйхатдан ўтказишга алмаштириш қоидаларига 1-ИЛОВА

‎ ‎ ‎ ‎ ‎‎Ўзбекистон Республикаси Адлия вазирлиги (почта манзили)‎ ____________________________ ‎‎(Ф.И.Ш. ёки юридик шахснинг номи) ‎ ‎ ‎ ‎ ‎ ‎‎Манзил __________________________________ ‎Телефон _________________________________ ‎‎АРИЗА ‎‎Товар белгисини миллий рўйхатдан ўтказишни халқаро рўйхатдан ўтказишга алмаштиришингизни сўрайман. ‎‎1. Миллий рўйхатдан ўтказиш ___________________________________________________________________________________-сон ‎Халқаро рўйхатдан ўтказиш ____________________________________________________________________________________-сон ‎‎2. Миллий рўйхатдан ўтказиш товар ва хизматлари товар ва хизматларнинг халқаро классификациясининг ‎______________________________________________________________________________________________________ синфлари ‎Халқаро рўйхатдан ўтказиш товар ва хизматлари товар ва хизматларнинг халқаро классификациясининг ‎______________________________________________________________________________________________________ синфлари ‎‎3. Миллий рўйхатдан ўтказиш эгаси _________________________________________________________________________________ ‎Халқаро рўйхатдан ўтказиш эгаси ___________________________________________________________________________________ ‎4. Миллий рўйхатдан ўтказиш товар белгиси ___________________________________________________________________________ ‎Халқаро рўйхатдан ўтказиш товар белгиси ____________________________________________________________________________ ‎5. Миллий рўйхатдан ўтказиш санаси ________________________________________________________________________________ ‎Халқаро рўйхатдан ўтказиш санаси __________________________________________________________________________________ Патент вакили‎ ‎ ‎‎__________________________________________________________________________________ ‎ ‎ ‎ ‎ ‎‎(Ф.И.Ш., имзо) ‎ ‎ ‎‎Сана ______________________ ‎ ‎ ‎ ‎ ‎ ‎

Товар белгисини миллий рўйхатдан ўтказишни халқаро рўйхатдан ўтказишга алмаштириш қоидаларига 2-ИЛОВА

MINISTRY OF JUSTICE OF TНE ‎REPUBLIC OF UZBEKISTAN ‎‎ ______________________________________________________________________________________________________________ Date‎ ‎ ‎ ‎ ‎ ‎‎The International Bureau of the ‎World Intellectual Property Organization Reg. №‎ ‎ ‎ ‎ ‎ ‎ ‎ ‎ ‎‎NOTIFICATION ‎about the replacement of a national registration by an international registration ‎‎According to Article 4 bis of the Protocol Relating to the Madrid Agreement, Ministry of Justice of the Republic of Uzbekistan replaces the national trademark registration by the international registration № __________________________________________________ ‎‎ — regarding all classes of the Nice Classification according to the list of goods and / or services: __________________________________ ‎‎ — regarding the following classes of the Nice Classification according to the list of goods and / or services: __________________________ ‎‎Date of filing of a national application: _________________________________________________________________________________ ‎Number of a national application: _____________________________________________________________________________________ ‎Date of registration of a national registration: ____________________________________________________________________________ ‎Number of a national registration: ____________________________________________________________________________________ ‎Date of priority of the national registration: _____________________________________________________________________________ ‎‎Нead of the Trademark Examination Department (signature) ________________________________________________________________ ‎‎Нead of the Administration Department (signature) ______________________________________________________________________

Бош директор А. ФАЙЗУЛЛАЕВ

Тошкент ш.,

2017 йил 15 май,

19-сон

(Ўзбекистон Республикаси қонун ҳужжатлари тўплами, 2017 й., 24-сон, 510-модда; Қонунчилик маълумотлари миллий базаси, 17.10.2022 й., 10/22/3392/0951-сон)

lex.uz

Oʻzbekiston Respublikasining Intellektual mulk agentligi bosh direktorining

buyrugʻi

Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish qoidalarini tasdiqlash toʻgʻrisida

Oʻzbekiston Respublikasi “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Qonuniga muvofiq buyuraman:

1. Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish qoidalari ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Intellektual mulk agentligi Bosh direktorining 2017-yil 15-maydagi 19-son buyrugʻiga ILOVA

Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish qoidalari

Mazkur Qoidalar Belgilarni xalqaro roʻyxatdan oʻtkazish toʻgʻrisidagi Madrid bitimiga doir Bayonnomaning (Madrid, 1989-yil 27-iyun) 4-bis moddasiga va Oʻzbekiston Respublikasining “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Qonuniga muvofiq tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish tartibini belgilaydi.

1-bob. Umumiy qoidalar

1. Belgilarni xalqaro roʻyxatdan oʻtkazish toʻgʻrisidagi Madrid bitimiga doir Bayonnomaning (Madrid, 1989-yil 27-iyun) 4-bis moddasiga muvofiq, agar Oʻzbekiston Respublikasida milliy roʻyxatdan oʻtkazilgan tovar belgisi xalqaro roʻyxatdan oʻtkazilgan tovar belgisi bilan bir xil boʻlsa va ushbu roʻyxatdan oʻtkazilgan tovar belgilari bitta shaxs nomiga berilgan boʻlsa, tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish mumkin. Bunda, milliy roʻyxatdan oʻtkazilgan tovar belgisiga doir huquqlarga taʼsir qilinmasligi lozim.

2. Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish quyidagi shartlarga rioya etilgan holda amalga oshiriladi:

xalqaro roʻyxatdan oʻtkazish natijasida yuzaga keladigan huquqiy jihatdan muhofaza qilish Oʻzbekiston Respublikasi hududiga tatbiq etilsa;

milliy roʻyxatdan oʻtkazilgan barcha tovarlar Oʻzbekiston Respublikasiga nisbatan xalqaro roʻyxatdan oʻtkazishda ham sanab oʻtilgan boʻlsa;

tovar belgisini xalqaro roʻyxatdan oʻtkazishning kuchga kirish sanasi tovar belgisini milliy roʻyxatdan oʻtkazish sanasidan keyin boʻlsa.

2-bob. Arizani berish va uni koʻrib chiqish

3. Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish toʻgʻrisidagi ariza (bundan buyon matnda ariza deb yuritiladi) mazkur Qoidalarning 1-ilovasiga muvofiq shaklda Oʻzbekiston Respublikasi Adliya vazirligiga (bundan buyon matnda Vazirlik deb yuritiladi) xalqaro roʻyxatdan oʻtkazish egasining ishonchnomasi bilan patent vakili tomonidan taqdim etiladi. Ariza patent vakili tomonidan imzolanadi.

4. Ariza bitta tovar belgisini roʻyxatga oʻtkazishga oid boʻlishi lozim.

5. Ariza va ishonchnoma Vazirlikka bevosita taqdim etiladi yoki pochta orqali yuboriladi.

6. Ariza Vazirlikka kelib tushgan kundan eʼtiboran oʻn besh kunlik muddat ichida koʻrib chiqiladi.

7. Ariza Vazirlik tomonidan mazkur Qoidalarning 2-bandida belgilangan talablarga muvofiqligi yuzasidan tekshirib chiqiladi.

8. Agar ariza mazkur Qoidalarning 2-bandida belgilangan talablarga muvofiq boʻlmasa, Vazirlik xalqaro roʻyxatdan oʻtkazish egasiga mavjud kamchiliklarni bartaraf etish toʻgʻrisida patent vakili orqali soʻrov yuboradi.

9. Xalqaro roʻyxatdan oʻtkazish egasi soʻrov joʻnatilgan sanadan eʼtiboran uch oy muddat ichida soʻrovdagi kamchiliklarni bartaraf etishi lozim. Bunda arizani koʻrib chiqish muddatining oʻtishi kamchiliklar bartaraf etilganligi haqidagi javob Vazirlikka kelib tushgunga qadar toʻxtatib turiladi.

10. Soʻrovga mazkur Qoidalarning 9-bandida koʻrsatilgan muddat ichida javob taqdim etilmagan taqdirda, Vazirlik tomonidan patent vakili orqali xalqaro roʻyxatdan oʻtkazish egasiga arizani qanoatlantirishni rad etish asoslarini koʻrsatgan holda bildirishnoma yuboriladi.

11. Xalqaro roʻyxatdan oʻtkazish egasi arizani qanoatlantirishni rad etish ustidan sudga shikoyat qilishi mumkin.

12. Arizani qanoatlantirish rad etilgandan keyin xalqaro roʻyxatdan oʻtkazish egasi Vazirlik bildirishnomasida nazarda tutilgan kamchiliklarni bartaraf etgan holda takroran Ariza topshirishi mumkin.

13. Ariza mazkur Qoidalarning 2-bandida belgilangan talablarga muvofiq boʻlsa, tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish toʻgʻrisidagi maʼlumotlar Tovar belgilari davlat reyestriga (bundan buyon matnda Davlat reyestri deb yuritiladi) kiritiladi.

14. Maʼlumotlar Davlat reyestriga kiritilgan sanadan eʼtiboran oʻn kun ichida Vazirlik Butunjahon intellektual mulk tashkiloti Xalqaro byurosiga mazkur Qoidalarning 2-ilovasida keltirilgan shaklda (ingliz tilida) tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirilganligi toʻgʻrisida bildirishnoma tayyorlaydi.

15. Bildirishnoma ikki nusxada rasmiylashtiriladi. Birinchi nusxa Butunjahon intellektual mulk tashkiloti Xalqaro byurosiga joʻnatiladi, ikkinchi nusxa esa milliy roʻyxatdan oʻtkazishga oid hujjatlarga qoʻshib qoʻyiladi.

16. Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish toʻgʻrisidagi maʼlumotlar Davlat reyestriga kiritiladi va Vazirlikning oʻz rasmiy veb-saytida ham joylashtiriladigan rasmiy axborotnomasida eʼlon qilinadi hamda xalqaro roʻyxatdan oʻtkazish egasi tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirilganligi toʻgʻrisida xabardor qilinadi.

17. Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirilishi milliy roʻyxatdan oʻtkazilgan tovar belgisining amal qilishini tugatilishiga olib kelmaydi.

Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish qoidalariga 1-ILOVA

‎ ‎ ‎ ‎ ‎‎Oʻzbekiston Respublikasi Adliya vazirligi (pochta manzili)‎ ____________________________ ‎‎(F.I.Sh. yoki yuridik shaxsning nomi) ‎ ‎ ‎ ‎ ‎ ‎‎Manzil __________________________________ ‎Telefon _________________________________ ‎‎ARIZA ‎‎Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirishingizni soʻrayman. ‎‎1. Milliy roʻyxatdan oʻtkazish ___________________________________________________________________________________-son ‎Xalqaro roʻyxatdan oʻtkazish ____________________________________________________________________________________-son ‎‎2. Milliy roʻyxatdan oʻtkazish tovar va xizmatlari tovar va xizmatlarning xalqaro klassifikatsiyasining ‎______________________________________________________________________________________________________ sinflari ‎Xalqaro roʻyxatdan oʻtkazish tovar va xizmatlari tovar va xizmatlarning xalqaro klassifikatsiyasining ‎______________________________________________________________________________________________________ sinflari ‎‎3. Milliy roʻyxatdan oʻtkazish egasi _________________________________________________________________________________ ‎Xalqaro roʻyxatdan oʻtkazish egasi ___________________________________________________________________________________ ‎4. Milliy roʻyxatdan oʻtkazish tovar belgisi ___________________________________________________________________________ ‎Xalqaro roʻyxatdan oʻtkazish tovar belgisi ____________________________________________________________________________ ‎5. Milliy roʻyxatdan oʻtkazish sanasi ________________________________________________________________________________ ‎Xalqaro roʻyxatdan oʻtkazish sanasi __________________________________________________________________________________ Patent vakili‎ ‎ ‎‎__________________________________________________________________________________ ‎ ‎ ‎ ‎ ‎‎(F.I.Sh., imzo) ‎ ‎ ‎‎Sana ______________________ ‎ ‎ ‎ ‎ ‎ ‎

Tovar belgisini milliy roʻyxatdan oʻtkazishni xalqaro roʻyxatdan oʻtkazishga almashtirish qoidalariga 2-ILOVA

MINISTRY OF JUSTICE OF TNE ‎REPUBLIC OF UZBEKISTAN ‎‎ ______________________________________________________________________________________________________________ Date‎ ‎ ‎ ‎ ‎ ‎‎The International Bureau of the ‎World Intellectual Property Organization Reg. №‎ ‎ ‎ ‎ ‎ ‎ ‎ ‎ ‎‎NOTIFICATION ‎about the replacement of a national registration by an international registration ‎‎According to Article 4 bis of the Protocol Relating to the Madrid Agreement, Ministry of Justice of the Republic of Uzbekistan replaces the national trademark registration by the international registration № __________________________________________________ ‎‎ — regarding all classes of the Nice Classification according to the list of goods and / or services: __________________________________ ‎‎ — regarding the following classes of the Nice Classification according to the list of goods and / or services: __________________________ ‎‎Date of filing of a national application: _________________________________________________________________________________ ‎Number of a national application: _____________________________________________________________________________________ ‎Date of registration of a national registration: ____________________________________________________________________________ ‎Number of a national registration: ____________________________________________________________________________________ ‎Date of priority of the national registration: _____________________________________________________________________________ ‎‎Nead of the Trademark Examination Department (signature) ________________________________________________________________ ‎‎Nead of the Administration Department (signature) ______________________________________________________________________

Bosh direktor A. FAYZULLAYEV

Toshkent sh.,

2017-yil 15-may,

19-son

(Oʻzbekiston Respublikasi qonun hujjatlari toʻplami, 2017-y., 24-son, 510-modda; Qonunchilik maʼlumotlari milliy bazasi, 17.10.2022-y., 10/22/3392/0951-son)

lex.uz