📅 2017-yil 16-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 16 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 июня 2017 г. · Постановления Президента
Официальный текст. Официальный документ. Редакционные примечания не включены.
📅 16 June 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тугатилган «Мотор заводи» акциядорлик жамияти мулки комплексининг бир қисмини сотишда «Ўзэлтехсаноат» акциядорлик компаниясини қўшимча қиймат солиғи тўловидан озод этиш тўғрисида
Ички ва ташқи бозорлар учун рақобатдош электротехника маҳсулотларини ишлаб чиқариш бўйича янги ишлаб чиқаришларни ташкил этиш ва фаолият юритаётганларини модернизация қилишда «Ўзэлтехсаноат» АК фаолиятини қўллаб-қувватлаш мақсадида:
1. Қуйидагилар:
а) Ўзбекистон Республикаси Президентининг 2017 йил 13 февралдаги «2017 — 2021 йилларда электротехника саноатини бошқаришни янада такомиллаштириш, уни жадал ривожлантириш ва диверсификациялаш чора-тадбирлари тўғрисида» ПҚ-2772-сонли қарорида назарда тутилган:
Ўзбекистон Республикаси Президентининг 2014 йил 6 февралдаги ПҚ-2123-сонли қарори билан тугатилган «Мотор заводи» АЖнинг мулки комплексининг бир қисмини инвесторлар томонидан инвестиция мажбуриятларини қабул қилган ҳолда сотиш;
тушган маблағларни тугатилган «Мотор заводи» АЖ кредиторлари талабларини қоплашга, электротехника тармоғида янги қувватлар барпо этиш, фаолият юритаётганларини модернизация қилиш ва кенгайтириш бўйича инвестиция лойиҳаларига йўналтириш;
б) Вазирлар Маҳкамасининг «Электрмаиший техникаларни ишлаб чиқариш ва маркетинг қилиш Марказини янада ривожлантириш чора-тадбирлари тўғрисида» 2017 йил 3 апрелдаги 172-сонли қарорига мувофиқ «Мотор заводи» АЖ мулки комплексининг бир қисмини «Vedanta Production» МЧЖ ХКга сотишга рухсат олингани маълумот учун қабул қилинсин.
2. Тугатилган «Мотор заводи» АЖ мулки комплексининг бир қисмини сотишда «Ўзэлтехсаноат» АК қўшимча қиймат солиғи тўлашдан озод этилсин, бўшайдиган маблағлар электротехника саноатида янги қувватлар барпо этиш, фаолият юритаётганларини модернизация қилиш ва кенгайтириш бўйича инвестиция лойиҳаларини амалга оширишга йўналтирилсин.
3. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 16 июнь,
ПҚ-3065-сон
Oʻzbekiston Respublikasi Prezidentining
Qarori
Tugatilgan “Motor zavodi” aksiyadorlik jamiyati mulki kompleksining bir qismini sotishda “Oʻzeltexsanoat” aksiyadorlik kompaniyasini qoʻshimcha qiymat soligʻi toʻlovidan ozod etish toʻgʻrisida
Ichki va tashqi bozorlar uchun raqobatdosh elektrotexnika mahsulotlarini ishlab chiqarish boʻyicha yangi ishlab chiqarishlarni tashkil etish va faoliyat yuritayotganlarini modernizatsiya qilishda “Oʻzeltexsanoat” AK faoliyatini qoʻllab-quvvatlash maqsadida:
1. Quyidagilar:
a) Oʻzbekiston Respublikasi Prezidentining 2017-yil 13-fevraldagi “2017 — 2021-yillarda elektrotexnika sanoatini boshqarishni yanada takomillashtirish, uni jadal rivojlantirish va diversifikatsiyalash chora-tadbirlari toʻgʻrisida” PQ-2772-sonli qarorida nazarda tutilgan:
Oʻzbekiston Respublikasi Prezidentining 2014-yil 6-fevraldagi PQ-2123-sonli qarori bilan tugatilgan “Motor zavodi” AJning mulki kompleksining bir qismini investorlar tomonidan investitsiya majburiyatlarini qabul qilgan holda sotish;
tushgan mablagʻlarni tugatilgan “Motor zavodi” AJ kreditorlari talablarini qoplashga, elektrotexnika tarmogʻida yangi quvvatlar barpo etish, faoliyat yuritayotganlarini modernizatsiya qilish va kengaytirish boʻyicha investitsiya loyihalariga yoʻnaltirish;
b) Vazirlar Mahkamasining “Elektrmaishiy texnikalarni ishlab chiqarish va marketing qilish Markazini yanada rivojlantirish chora-tadbirlari toʻgʻrisida” 2017-yil 3-apreldagi 172-sonli qaroriga muvofiq “Motor zavodi” AJ mulki kompleksining bir qismini “Vedanta Production” MCHJ XKga sotishga ruxsat olingani maʼlumot uchun qabul qilinsin.
2. Tugatilgan “Motor zavodi” AJ mulki kompleksining bir qismini sotishda “Oʻzeltexsanoat” AK qoʻshimcha qiymat soligʻi toʻlashdan ozod etilsin, boʻshaydigan mablagʻlar elektrotexnika sanoatida yangi quvvatlar barpo etish, faoliyat yuritayotganlarini modernizatsiya qilish va kengaytirish boʻyicha investitsiya loyihalarini amalga oshirishga yoʻnaltirilsin.
3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 16-iyun,
PQ-3065-son
Президента Республики Узбекистан
Постановление
Об освобождении АК «Узэлтехсаноат» от уплаты налога на добавленную стоимость при реализации части имущественного комплекса ликвидированного АО «Моторный завод»
В целях поддержки деятельности АК «Узэлтехсаноат» по созданию новых и модернизации действующих производств по выпуску конкурентоспособной на внутреннем и внешних рынках электротехнической продукции:
1. Принять к сведению, что в соответствии с постановлениями:
а) Президента Республики Узбекистан от 13 февраля 2017 года № ПП-2772 «О мерах по дальнейшему совершенствованию управления, ускоренному развитию и диверсификации электротехнической промышленности на 2017 — 2021 гг.» предусмотрены:
реализация части имущественного комплекса ликвидированного АО «Моторный завод» с принятием инвесторами инвестиционных обязательств согласно постановлению Президента Республики Узбекистан от 6 февраля 2014 года № ПП-2123;
направление вырученных средств на погашение требований кредиторов ликвидированного АО «Моторный завод», реализацию инвестиционных проектов по созданию новых, модернизации и расширению действующих мощностей электротехнической отрасли;
б) Кабинета Министров от 3 апреля 2017 года № 172 «О мерах по дальнейшему развитию Центра по производству и маркетингу электробытовой техники» получено согласие на реализацию части имущественного комплекса ликвидированного АО «Моторный завод» иностранному инвестору — ИП ООО «Vedanta Production».
2. Освободить АК «Узэлтехсаноат» от уплаты налога на добавленную стоимость при реализации части имущественного комплекса ликвидированного АО «Моторный завод», с целевым направлением высвобождаемых средств на реализацию инвестиционных проектов по созданию новых, модернизации и расширению действующих мощностей электротехнической промышленности.
3. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
16 июня 2017 г.,
№ ПП-3065