📅 2017-yil 20-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 20 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 июня 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 20 June 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Россия Федерацияси ҳудудида вақтинчалик меҳнат фаолиятини амалга оширишни режалаштирган фуқаролар учун Ўзбекистон Республикаси ҳудудида комплекс имтиҳон ташкил этиш чора-тадбирлари тўғрисида
[Кўчирма]
Ўзбекистон Республикаси Президентининг «Ўзбекистон Республикаси ва Россия Федерацияси ўртасида икки томонлама стратегик ҳамкорлик ва шерикчилик муносабатларини янада кенгайтириш чора-тадбирлари тўғрисида» 2017 йил 12 апрелдаги ПҚ-2885-сон қарорини бажариш юзасидан ҳамда Россия Федерацияси ҳудудида вақтинчалик меҳнат фаолиятини амалга оширишни режалаштирган Ўзбекистон Республикаси фуқароларига комплекс имтиҳондан ўтишлари учун зарур шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Бандлик ва меҳнат муносабатлари вазирлиги ҳамда Олий ва ўрта махсус таълим вазирлигининг:
Ўзбекистон Миллий университети, И.Каримов номидаги Тошкент давлат техника университети ва М.В.Ломоносов номидаги Москва давлат университетининг Тошкент шаҳридаги филиалини Россия Федерацияси ҳудудида вақтинчалик меҳнат фаолиятини амалга оширишни режалаштирган Ўзбекистон Республикаси фуқароларининг комплекс имтиҳондан ўтишини ташкил этиш бўйича бош ваколатли олий таълим муассасалари (кейинги ўринларда бош ваколатли олий таълим муассасалари деб аталади) этиб белгилаш;
Ўзбекистон Республикаси Бандлик ва меҳнат муносабатлари вазирлигининг буюртманомалари асосида республиканинг минтақавий ва Тошкент шаҳридаги олий таълим муассасаларида бош ваколатли олий таълим муассасалари томонидан, Россия Федерацияси ҳудудида вақтинчалик меҳнат фаолиятини амалга оширишни истаган Ўзбекистон фуқаролари сонини ҳисобга олган ҳолда, комплекс имтиҳон, ўтказиш бўйича Марказлар (кейинги ўринларда Марказ деб аталади) очиш тўғрисидаги таклифларига розилик берилсин.
2. Рус тили, Россия Федерацияси тарихи ва қонунчилик асослари бўйича билимларни аниқлашга қаратилган комплекс имтиҳон пулли таълим хизмати эканлиги ва комплекс имтиҳон топширувчи номзодлар (кейинги ўринларда номзодлар деб аталади) томонидан тўловлар Ўзбекистон Республикаси Олий ва ўрта махсус таълим вазирлиги ҳамда Бандлик ва меҳнат муносабатлари вазирлиги билан келишилган тарифлар бўйича миллий валютада амалга оширилиши маълумот учун қабул қилинсин.
3. Ўзбекистон Республикаси Олий ва ўрта махсус таълим вазирлиги ҳамда Бандлик ва меҳнат муносабатлари вазирлиги уч ой муддатда:
бош ваколатли олий таълим муассасалари ва Россия олий таълим муассасалари ўртасида Ўзбекистон Республикаси ҳудудида комплекс имтиҳонларни ўтказиш ҳақидаги икки томонлама шартномалар ҳамда Марказлар фаолиятининг ташкилий, ҳуқуқий, техник ва молиявий жиҳатларини тартибга солувчи шартномалар тузилишини;
бош ваколатли олий таълим муассасалари ва Россия олий таълим муассасалари ўртасидаги шартномаларга мувофиқ, ваколатли Россия олий таълим муассасалари томонидан ўқитишнинг белгиланган талаблари ва муддатларига мувофиқ, тестор-имтиҳон олувчиларни тайёрлашни, шунингдек уларни пулли асосда сертификатлаш ташкил этилишини таъминласинлар.
4. Белгилансинки, Марказлар фаолиятини ташкил этиш билан боғлиқ, шу жумладан зарур биноларни тайёрлаш, алоқа каналларини ташкил этиш, жиҳозлар ва техник воситалар сотиб олиш, имтиҳон олувчи тесторларни тайёрлаш билан боғлиқ бўлган харажатлар бошланғич босқичда Ўзбекистон Республикаси Бандлик ва меҳнат муносабатлари вазирлиги билан келишилган ҳисоб-китоблар асосида Ўзбекистон Республикаси Бандлик ва меҳнат муносабатлари вазирлигининг Ташқи меҳнат миграцияси агентлиги (кейинги ўринларда Агентлик деб аталади) маблағлари ҳисобидан молиялаштирилади, кейинчалик ушбу харажатлар кўрсатилган хизматлар учун Марказларга келиб тушган маблағлар ҳисобидан Агентлик харажатлари қопланади.
5. Қуйидагиларга:
бош ваколатли олий таълим муассасаларига — бош ваколатли олий таълим муассасалари ва Россия олий таълим муассасалари ўртасидаги шартномаларга мувофиқ, келгусида Россия томонига мақсадли ажратиш учун комплекс имтиҳон топшириш қийматининг бир қисмини (банк ва почта хизматларини ҳисобга олган ҳолда), имтиҳон олувчи тесторларни тайёрлаш ва аттестациядан ўтказиш, Марказларни россиялик мутахассислар томонидан мониторинг ва назорат қилиш билан боғлиқ бўлган харажатларни қоплаш қисмини ҳар бир номзоддан хорижий валютада қабул қилишга;
комплекс имтиҳонни ўтказиш бўйича ваколатли бўлган Россия олий таълим муассасаларига — бош ваколатли олий таълим муассасалари билан шартномалар доирасида Ўзбекистон Республикаси ҳудудида ўз фаолиятини доимий муассаса сифатида ҳисобга қўймаган ҳолда амалга оширишга рухсат этилсин.
6. Белгилансинки:
ҳар бир номзод комплекс имтиҳонни топшириш қийматини хорижий валютада тўлаган қисмидан қолган қисмини бош ваколатли олий таълим муассасалари тарифлари бўйича миллий валютада тўлайди ва мазкур маблағлар Марказлар очилган олий таълим муассасаларининг алоҳида бюджетдан ташқари ҳисобига ўтказилади;
олий таълим муассасаларининг алоҳида бюджетдан ташқари ҳисобига келиб тушган маблағлар Марказлар жами харажатларининг ўрни тўлдирилгандан кейин Марказ ҳамда Марказлар очилган олий таълим муассасаларининг моддий- техника базасини янада ривожлантиришга ва ходимлар фаолиятини рағбатлантиришга йўналтирилади.
7. Ўзбекистон Республикаси Марказий банкига қуйидагилар тавсия этилсин:
хизмат кўрсатувчи тижорат банклари билан биргаликда Марказларни тўловларни қабул қилиш бўйича терминаллар билан жиҳозлаш;
8. Ўзбекистон Республикаси Ахборот технологиялари ва коммуникацияларини ривожлантириш вазирлиги Агентлик сўровлари асосида комплекс имтиҳонни ўтказиш бўйича ваколатли бўлган Россия олий таълим муассасалари томонидан имтиҳонлар жараёнини «онлайн» режимида кузатиш ҳамда имтиҳонлар натижаларига кўра, материалларнинг электрон шаклини (аудио, видео ва ёзма маълумотларни) етказиб бериш учун юқори тезликка эга бўлган Интернет ва алоқанинг зарур каналлари билан Марказларни белгиланган тартибда таъминласин.
9. Ўзбекистон Республикаси Бандлик ва меҳнат муносабатлари вазирлиги, Вазирлар Маҳкамаси ҳузуридаги Давлат персоналлаштириш маркази, Олий ва ўрта махсус таълим вазирлиги, Ахборот технологиялари ва коммуникацияларини ривожлантириш вазирлиги ҳамда Ички ишлар вазирлиги белгиланган тартибда ва муддатда комплекс имтиҳонни муваффақиятли топширган фуқаролар маълумотларининг автоматлаштирилган электрон базасини яратиш ҳамда уни Агентлик орқали меҳнат фаолиятини амалга ошириш учун хорижга кетган фуқаролар ҳақидаги маълумотларнинг мавжуд электрон базаси билан синхронлаштирсинлар.
10. Ўзбекистон Республикаси Бандлик ва меҳнат муносабатлари вазирлиги Олий ва ўрта махсус таълим вазирлиги ҳамда Ўзбекистон Республикаси Вазирлар Маҳкамаси ҳузуридаги Давлат тест маркази билан биргаликда комплекс имтиҳонни ўтказишни ташкил этиш тартибини бир ой муддатда ишлаб чиқсин ва тасдиқласин.
11. Агентлик ўз расмий веб-сайтида фуқароларнинг комплекс имтиҳонни топширишга тайёрланиши учун услубий материалларни ҳамда имтиҳон ўтказиш жойи ва вақти бўйича эълонлар жойлаштирилишини ва уларнинг тизимли тарзда янгилаб борилишини таъминласин.
12. Ўзбекистон Республикаси Ички ишлар вазирлиги Агентликнинг буюртманомаларига биноан Ўзбекистон фуқаролари учун комплекс имтиҳонни ташкил этиш бўйича икки томонлама ҳамкорлик доирасида Ўзбекистон Республикасига келаётган Россия Федерацияси олий таълим муассасалари мутахассисларининг вақтинча турган жойи бўйича рўйхатга олинишини ҳамда унинг муддати узайтирилишини таъминласин.
13. 2022 йил 1 январгача муддатга:
бош ваколатли олий таълим муассасалари ҳамда марказлар очилган Тошкент шаҳридаги ва минтақавий олий таълим муассасалари — комплекс имтиҳонни топширишга тайёрлаш учун ўқитиш ҳамда комплекс имтиҳонни ўтказишдан олинган даромадлар бўйича юридик шахслар даромадига солинадиган фойда солиғидан, шунингдек комплекс имтиҳонни топшириш ва тайёрлаш учун ўқитиш тўлови қисми давлат мақсадли фондларига мажбурий тўловлар ва қўшилган қиймат солиғидан, Россия олий таълим муассасалари — тестор-имтиҳон олувчиларни тайёрлаш, аттестациядан ўтказиш ва сертификатлаш ҳамда Марказларни назорат қилиш ва мониторингини ўтказиш хизматлари бўйича қўшилган қиймат солиғидан;
комплекс имтиҳонни ўтказиш бўйича ваколатли бўлган Россия олий таълим муассасалари (Ўзбекистон Республикасининг норезидентлари) — Ўзбекистон Республикасининг ваколатли олий таълим муассасалари билан шартномалар доирасида тестор-имтиҳон олувчиларни тайёрлаш, аттестациядан ўтказиш ва сертификатлаш, Марказларни назорат ва мониторинг қилишдан олинган даромадлар бўйича юридик шахслар даромадидан олинадиган фойда солиғи тўлашдан;
Ўзбекистон Республикаси Олий ва ўрта махсус таълим вазирлиги буюртманомалари асосида Марказлар фаолиятини ташкил этиш учун бепул олиб кириладиган ўқув адабиётлари, асбоб-ускуналар, компьютерлар, ташкилий техника ва мультимедия маҳсулотлари — божхона тўловларидан (божхона йиғимларидан ташқари) озод қилинсин.
14. Ўзбекистон Республикаси Бандлик ва меҳнат муносабатлари вазирлигига Олий ва ўрта махсус таълим вазирлиги билан биргаликда Россия Федерацияси ҳудудида вақтинчалик меҳнат фаолиятини амалга оширишни режалаштирган Ўзбекистон фуқароларининг комплекс имтиҳон топширишини ташкил этиш бўйича бош ваколатли олий таълим муассасаларини танлаш ҳуқуқи берилсин.
15. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
16. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А.Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 20 июнь,
400-сон
Oʻzbekiston Respublikasi Vazirlar Mahkamasining
qarori
Rossiya Federatsiyasi hududida vaqtinchalik mehnat faoliyatini amalga oshirishni rejalashtirgan fuqarolar uchun Oʻzbekiston Respublikasi hududida kompleks imtihon tashkil etish chora-tadbirlari toʻgʻrisida
[Koʻchirma]
Oʻzbekiston Respublikasi Prezidentining “Oʻzbekiston Respublikasi va Rossiya Federatsiyasi oʻrtasida ikki tomonlama strategik hamkorlik va sherikchilik munosabatlarini yanada kengaytirish chora-tadbirlari toʻgʻrisida” 2017-yil 12-apreldagi PQ-2885-son qarorini bajarish yuzasidan hamda Rossiya Federatsiyasi hududida vaqtinchalik mehnat faoliyatini amalga oshirishni rejalashtirgan Oʻzbekiston Respublikasi fuqarolariga kompleks imtihondan oʻtishlari uchun zarur shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Bandlik va mehnat munosabatlari vazirligi hamda Oliy va oʻrta maxsus taʼlim vazirligining:
Oʻzbekiston Milliy universiteti, I.Karimov nomidagi Toshkent davlat texnika universiteti va M.V.Lomonosov nomidagi Moskva davlat universitetining Toshkent shahridagi filialini Rossiya Federatsiyasi hududida vaqtinchalik mehnat faoliyatini amalga oshirishni rejalashtirgan Oʻzbekiston Respublikasi fuqarolarining kompleks imtihondan oʻtishini tashkil etish boʻyicha bosh vakolatli oliy taʼlim muassasalari (keyingi oʻrinlarda bosh vakolatli oliy taʼlim muassasalari deb ataladi) etib belgilash;
Oʻzbekiston Respublikasi Bandlik va mehnat munosabatlari vazirligining buyurtmanomalari asosida respublikaning mintaqaviy va Toshkent shahridagi oliy taʼlim muassasalarida bosh vakolatli oliy taʼlim muassasalari tomonidan, Rossiya Federatsiyasi hududida vaqtinchalik mehnat faoliyatini amalga oshirishni istagan Oʻzbekiston fuqarolari sonini hisobga olgan holda, kompleks imtihon, oʻtkazish boʻyicha Markazlar (keyingi oʻrinlarda Markaz deb ataladi) ochish toʻgʻrisidagi takliflariga rozilik berilsin.
2. Rus tili, Rossiya Federatsiyasi tarixi va qonunchilik asoslari boʻyicha bilimlarni aniqlashga qaratilgan kompleks imtihon pulli taʼlim xizmati ekanligi va kompleks imtihon topshiruvchi nomzodlar (keyingi oʻrinlarda nomzodlar deb ataladi) tomonidan toʻlovlar Oʻzbekiston Respublikasi Oliy va oʻrta maxsus taʼlim vazirligi hamda Bandlik va mehnat munosabatlari vazirligi bilan kelishilgan tariflar boʻyicha milliy valyutada amalga oshirilishi maʼlumot uchun qabul qilinsin.
3. Oʻzbekiston Respublikasi Oliy va oʻrta maxsus taʼlim vazirligi hamda Bandlik va mehnat munosabatlari vazirligi uch oy muddatda:
bosh vakolatli oliy taʼlim muassasalari va Rossiya oliy taʼlim muassasalari oʻrtasida Oʻzbekiston Respublikasi hududida kompleks imtihonlarni oʻtkazish haqidagi ikki tomonlama shartnomalar hamda Markazlar faoliyatining tashkiliy, huquqiy, texnik va moliyaviy jihatlarini tartibga soluvchi shartnomalar tuzilishini;
bosh vakolatli oliy taʼlim muassasalari va Rossiya oliy taʼlim muassasalari oʻrtasidagi shartnomalarga muvofiq, vakolatli Rossiya oliy taʼlim muassasalari tomonidan oʻqitishning belgilangan talablari va muddatlariga muvofiq, testor-imtihon oluvchilarni tayyorlashni, shuningdek ularni pulli asosda sertifikatlash tashkil etilishini taʼminlasinlar.
4. Belgilansinki, Markazlar faoliyatini tashkil etish bilan bogʻliq, shu jumladan zarur binolarni tayyorlash, aloqa kanallarini tashkil etish, jihozlar va texnik vositalar sotib olish, imtihon oluvchi testorlarni tayyorlash bilan bogʻliq boʻlgan xarajatlar boshlangʻich bosqichda Oʻzbekiston Respublikasi Bandlik va mehnat munosabatlari vazirligi bilan kelishilgan hisob-kitoblar asosida Oʻzbekiston Respublikasi Bandlik va mehnat munosabatlari vazirligining Tashqi mehnat migratsiyasi agentligi (keyingi oʻrinlarda Agentlik deb ataladi) mablagʻlari hisobidan moliyalashtiriladi, keyinchalik ushbu xarajatlar koʻrsatilgan xizmatlar uchun Markazlarga kelib tushgan mablagʻlar hisobidan Agentlik xarajatlari qoplanadi.
5. Quyidagilarga:
bosh vakolatli oliy taʼlim muassasalariga — bosh vakolatli oliy taʼlim muassasalari va Rossiya oliy taʼlim muassasalari oʻrtasidagi shartnomalarga muvofiq, kelgusida Rossiya tomoniga maqsadli ajratish uchun kompleks imtihon topshirish qiymatining bir qismini (bank va pochta xizmatlarini hisobga olgan holda), imtihon oluvchi testorlarni tayyorlash va attestatsiyadan oʻtkazish, Markazlarni rossiyalik mutaxassislar tomonidan monitoring va nazorat qilish bilan bogʻliq boʻlgan xarajatlarni qoplash qismini har bir nomzoddan xorijiy valyutada qabul qilishga;
kompleks imtihonni oʻtkazish boʻyicha vakolatli boʻlgan Rossiya oliy taʼlim muassasalariga — bosh vakolatli oliy taʼlim muassasalari bilan shartnomalar doirasida Oʻzbekiston Respublikasi hududida oʻz faoliyatini doimiy muassasa sifatida hisobga qoʻymagan holda amalga oshirishga ruxsat etilsin.
6. Belgilansinki:
har bir nomzod kompleks imtihonni topshirish qiymatini xorijiy valyutada toʻlagan qismidan qolgan qismini bosh vakolatli oliy taʼlim muassasalari tariflari boʻyicha milliy valyutada toʻlaydi va mazkur mablagʻlar Markazlar ochilgan oliy taʼlim muassasalarining alohida budjetdan tashqari hisobiga oʻtkaziladi;
oliy taʼlim muassasalarining alohida budjetdan tashqari hisobiga kelib tushgan mablagʻlar Markazlar jami xarajatlarining oʻrni toʻldirilgandan keyin Markaz hamda Markazlar ochilgan oliy taʼlim muassasalarining moddiy- texnika bazasini yanada rivojlantirishga va xodimlar faoliyatini ragʻbatlantirishga yoʻnaltiriladi.
7. Oʻzbekiston Respublikasi Markaziy bankiga quyidagilar tavsiya etilsin:
xizmat koʻrsatuvchi tijorat banklari bilan birgalikda Markazlarni toʻlovlarni qabul qilish boʻyicha terminallar bilan jihozlash;
8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Agentlik soʻrovlari asosida kompleks imtihonni oʻtkazish boʻyicha vakolatli boʻlgan Rossiya oliy taʼlim muassasalari tomonidan imtihonlar jarayonini “onlayn” rejimida kuzatish hamda imtihonlar natijalariga koʻra, materiallarning elektron shaklini (audio, video va yozma maʼlumotlarni) yetkazib berish uchun yuqori tezlikka ega boʻlgan Internet va aloqaning zarur kanallari bilan Markazlarni belgilangan tartibda taʼminlasin.
9. Oʻzbekiston Respublikasi Bandlik va mehnat munosabatlari vazirligi, Vazirlar Mahkamasi huzuridagi Davlat personallashtirish markazi, Oliy va oʻrta maxsus taʼlim vazirligi, Axborot texnologiyalari va kommunikatsiyalarini rivojlantirish vazirligi hamda Ichki ishlar vazirligi belgilangan tartibda va muddatda kompleks imtihonni muvaffaqiyatli topshirgan fuqarolar maʼlumotlarining avtomatlashtirilgan elektron bazasini yaratish hamda uni Agentlik orqali mehnat faoliyatini amalga oshirish uchun xorijga ketgan fuqarolar haqidagi maʼlumotlarning mavjud elektron bazasi bilan sinxronlashtirsinlar.
10. Oʻzbekiston Respublikasi Bandlik va mehnat munosabatlari vazirligi Oliy va oʻrta maxsus taʼlim vazirligi hamda Oʻzbekiston Respublikasi Vazirlar Mahkamasi huzuridagi Davlat test markazi bilan birgalikda kompleks imtihonni oʻtkazishni tashkil etish tartibini bir oy muddatda ishlab chiqsin va tasdiqlasin.
11. Agentlik oʻz rasmiy veb-saytida fuqarolarning kompleks imtihonni topshirishga tayyorlanishi uchun uslubiy materiallarni hamda imtihon oʻtkazish joyi va vaqti boʻyicha eʼlonlar joylashtirilishini va ularning tizimli tarzda yangilab borilishini taʼminlasin.
12. Oʻzbekiston Respublikasi Ichki ishlar vazirligi Agentlikning buyurtmanomalariga binoan Oʻzbekiston fuqarolari uchun kompleks imtihonni tashkil etish boʻyicha ikki tomonlama hamkorlik doirasida Oʻzbekiston Respublikasiga kelayotgan Rossiya Federatsiyasi oliy taʼlim muassasalari mutaxassislarining vaqtincha turgan joyi boʻyicha roʻyxatga olinishini hamda uning muddati uzaytirilishini taʼminlasin.
13. 2022-yil 1-yanvargacha muddatga:
bosh vakolatli oliy taʼlim muassasalari hamda markazlar ochilgan Toshkent shahridagi va mintaqaviy oliy taʼlim muassasalari — kompleks imtihonni topshirishga tayyorlash uchun oʻqitish hamda kompleks imtihonni oʻtkazishdan olingan daromadlar boʻyicha yuridik shaxslar daromadiga solinadigan foyda soligʻidan, shuningdek kompleks imtihonni topshirish va tayyorlash uchun oʻqitish toʻlovi qismi davlat maqsadli fondlariga majburiy toʻlovlar va qoʻshilgan qiymat soligʻidan, Rossiya oliy taʼlim muassasalari — testor-imtihon oluvchilarni tayyorlash, attestatsiyadan oʻtkazish va sertifikatlash hamda Markazlarni nazorat qilish va monitoringini oʻtkazish xizmatlari boʻyicha qoʻshilgan qiymat soligʻidan;
kompleks imtihonni oʻtkazish boʻyicha vakolatli boʻlgan Rossiya oliy taʼlim muassasalari (Oʻzbekiston Respublikasining norezidentlari) — Oʻzbekiston Respublikasining vakolatli oliy taʼlim muassasalari bilan shartnomalar doirasida testor-imtihon oluvchilarni tayyorlash, attestatsiyadan oʻtkazish va sertifikatlash, Markazlarni nazorat va monitoring qilishdan olingan daromadlar boʻyicha yuridik shaxslar daromadidan olinadigan foyda soligʻi toʻlashdan;
Oʻzbekiston Respublikasi Oliy va oʻrta maxsus taʼlim vazirligi buyurtmanomalari asosida Markazlar faoliyatini tashkil etish uchun bepul olib kiriladigan oʻquv adabiyotlari, asbob-uskunalar, kompyuterlar, tashkiliy texnika va multimediya mahsulotlari — bojxona toʻlovlaridan (bojxona yigʻimlaridan tashqari) ozod qilinsin.
14. Oʻzbekiston Respublikasi Bandlik va mehnat munosabatlari vazirligiga Oliy va oʻrta maxsus taʼlim vazirligi bilan birgalikda Rossiya Federatsiyasi hududida vaqtinchalik mehnat faoliyatini amalga oshirishni rejalashtirgan Oʻzbekiston fuqarolarining kompleks imtihon topshirishini tashkil etish boʻyicha bosh vakolatli oliy taʼlim muassasalarini tanlash huquqi berilsin.
15. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
16. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A.Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 20-iyun,
400-son
Кабинета Министров Республики Узбекистан
Постановление
О мерах по организации комплексного экзамена на территории Республики Узбекистан для граждан, планирующих осуществлять временную трудовую деятельность на территории Российской Федерации
[Извлечение]
Во исполнение постановления Президента Республики Узбекистан от 12 апреля 2017 года № ПП-2885 «О мерах по дальнейшему расширению двустороннего стратегического сотрудничества и союзнических отношений между Республикой Узбекистан и Российской Федерацией» и в целях создания необходимых условий для прохождения комплексного экзамена гражданами Республики Узбекистан, планирующими осуществлять временную трудовую деятельность на территории Российской Федерации Кабинет Министров постановляет:
1. Согласиться с предложениями Министерства занятости и трудовых отношений и Министерства высшего и среднего специального образования Республики Узбекистан:
об определении Национального университета Узбекистана, Ташкентского государственного технического университета имени И.Каримова и филиала Московского государственного университета имени М.В. Ломоносова в городе Ташкенте в качестве головных уполномоченных высших учебных заведений по организации прохождения комплексного экзамена гражданами Республики Узбекистан, планирующими осуществлять временную трудовую деятельность на территории Российской Федерации (далее — головные уполномоченные вузы);
об открытии по заявкам Министерства занятости и трудовых отношений Республики Узбекистан головными уполномоченными вузами в региональных вузах республики и в вузах города Ташкента центров по проведению комплексного экзамена (далее — центры), с учетом количества граждан Республики Узбекистан, желающих осуществлять временную трудовую деятельность на территории Российской Федерации,
2. Принять к сведению, что комплексный экзамен, направленный на выявление знаний по русскому языку, истории и основам законодательства Российской Федерации, является платной образовательной услугой и оплачивается кандидатами, сдающими комплексный экзамен (далее — кандидаты), в национальной валюте по тарифам, согласованным с Министерством высшего и среднего специального образования и Министерством занятости и трудовых отношений Республики Узбекистан.
3. Министерству высшего и среднего специального образования и Министерству занятости и трудовых отношений Республики Узбекистан в трехмесячный срок обеспечить:
заключение между головными уполномоченными вузами и российскими вузами двусторонних соглашений о проведении комплексного экзамена на территории Республики Узбекистан, а также договоров, регулирующих организационные, правовые, технические и финансовые аспекты деятельности центров;
организацию подготовки тесторов-экзаменаторов уполномоченными российскими вузами в соответствии с установленными требованиями и сроками обучения, а также их сертификации на платной основе согласно договорам между головными уполномоченными вузами и российскими вузами.
4. Установить, что на начальном этапе расходы, связанные с организацией деятельности центров, в том числе подготовкой необходимых помещений, организацией каналов связи, приобретением инвентаря и технических средств, подготовкой тесторов-экзаменаторов, финансируются за счет средств Агентства по внешней трудовой миграции при Министерстве занятости и трудовых отношений Республики Узбекистан (далее — Агентство) по расчетам, согласованным с Министерством занятости и трудовых отношений Республики Узбекистан, с последующим возмещением произведенных расходов Агентству центрами из средств, поступивших за оказанные услуги.
5. Разрешить:
головным уполномоченным вузам взымать с каждого кандидата часть суммы от стоимости сдачи комплексного экзамена в иностранной валюте для дальнейшего целевого отчисления российской стороне (с учетом банковских и почтовых услуг), покрытия расходов, связанных с подготовкой и аттестацией тесторов-экзаменаторов, проведением инспектирования и мониторинга центров российскими специалистами, согласно договорам между головными уполномоченными вузами и российскими вузами:
российским вузам, уполномоченным по проведению комплексного экзамена, осуществлять свою деятельность на территории Республики Узбекистан в рамках договоров, заключенных с головными уполномоченными вузами, без постановки на учет в качестве постоянного учреждения.
6. Определить, что:
оставшуюся после оплаты в иностранной валюте часть суммы от стоимости сдачи комплексного экзамена каждый кандидат оплачивает в национальной валюте по тарифам головных уполномоченных вузов, зачисляется на отдельный внебюджетный счет вузов, в которых открыты центры;
поступившие на отдельный внебюджетный счет вузов средства после покрытия совокупных затрат центров направляются на дальнейшее развитие материально-технической базы и стимулирование деятельности работников центров, а также вузов, в которых они открыты.
7. Рекомендовать Центральному банку Республики Узбекистан:
совместно с обслуживающими коммерческими банками обеспечить оснащение центров терминалами по приему платежей;
8. Министерству по развитию информационных технологий и коммуникаций Республики Узбекистан по запросам Агентства в установленном порядке обеспечивать центры необходимыми каналами связи и высокоскоростным интернетом для наблюдения за ходом экзаменов в режиме «онлайн» и передачи электронной версии материалов по итогам экзаменов (аудио-, видео- и письменные данные) российским вузам, являющимся уполномоченными по проведению комплексного экзамена.
9. Министерству занятости и трудовых отношений, Государственному центру персонализации при Кабинете Министров Республики Узбекистан, Министерству высшего и среднего специального образования, Министерству по развитию информационных технологий и коммуникаций и Министерству внутренних дел Республики Узбекистан в установленном порядке и сроки создать автоматизированную электронную базу данных граждан, успешно сдавших комплексный экзамен, и синхронизировать ее с существующей электронной базой данных граждан, выехавших за рубеж на длительный срок для осуществления трудовой деятельности по линии Агентства.
10. Министерству занятости и трудовых отношений совместно с Министерством высшего и среднего специального образования Республики Узбекистан и Государственным центром тестирования при Кабинете Министров Республики Узбекистан в месячный срок разработать и утвердить порядок, регламентирующий организацию проведения комплексного экзамена.
11. Агентству организовать размещение и систематическое обновление на официальном веб-сайте Агентства методических материалов, информации о проведении комплексного экзамена, тарифах, а также объявлений о месте и времени их проведения.
12. Министерству внутренних дел Республики Узбекистан по заявкам Агентства обеспечивать регистрацию по месту временного пребывания и ее продление для специалистов вузов Российской Федерации, прибывающих в Республику Узбекистан в рамках двустороннего сотрудничества по организации комплексного экзамена для граждан Узбекистана.
13. Освободить сроком до 1 января 2022 года:
головные уполномоченные вузы, а также вузы города Ташкента и региональные вузы, в которых открыты центры, — от налога на прибыль юридических лиц по доходам, полученным в рамках обучения для подготовки к сдаче комплексного экзамена, а также проведения комплексного экзамена; от налога на добавленную стоимость и обязательных отчислений в государственные целевые фонды в части платы за обучение для подготовки к сдаче комплексного экзамена, а также платы за сдачу комплексного экзамена; от налога на добавленную стоимость — услуги российских вузов по подготовке, аттестации и сертификации тесторов-экзаменаторов, проведение инспектирования и мониторинга центров;
российские вузы, являющиеся уполномоченными по проведению комплексного экзамена (нерезиденты Республики Узбекистан), — от уплаты налога на прибыль юридических лиц по доходам, полученным за подготовку, аттестацию и сертификацию тесторов-экзаменаторов, проведение инспектирования и мониторинга центров в рамках договоров заключенных, с головными уполномоченными вузами Республики Узбекистан;
учебную литературу, приборы, компьютеры и оргтехнику, мультимедийную продукцию, ввозимые на безвозмездной основе для организации деятельности центров по заявкам Министерства высшего и среднего специального образования Республики Узбекистан, — от таможенных платежей (кроме таможенных сборов).
14. Предоставить право Министерству занятости и трудовых отношений совместно с Министерством высшего и среднего специального образования Республики Узбекистан выбора головных уполномоченных вузов по организации прохождения комплексного экзамена гражданами Республики Узбекистан, планирующими осуществлять временную трудовую деятельность на территории Российской Федерации.
15. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
16. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Премьер-министр Республики Узбекистан А. АРИПОВ
г. Ташкент,
20 июня 2017 г.,
№ 400