📅 2017-yil 23-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 23 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 июня 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 23 June 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Террорчилик ҳаракати оқибатида зарар кўрган шахсларни ижтимоий реабилитация қилиш тартиби тўғрисидаги Низомни тасдиқлаш ҳақида
«Терроризмга қарши кураш тўғрисида»ги Ўзбекистон Республикаси Қонунига мувофиқ Вазирлар Маҳкамаси қарор қилади:
1. Террорчилик ҳаракати оқибатида зарар кўрган шахсларни ижтимоий реабилитация қилиш тартиби тўғрисидаги Низом иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Ўзбекистон Республикаси Бош вазирининг ўринбосари Ж.А.Қўчқоров зиммасига юклансин.
Вазирлар Маҳкамасининг 2017 йил 23 июндаги 414-сон қарорига ИЛОВА
Террорчилик ҳаракати оқибатида зарар кўрган шахсларни ижтимоий реабилитация қилиш тартиби тўғрисида
1-боб. Умумий қоидалар
1. Ушбу Низом «Терроризмга қарши кураш тўғрисида»ги Ўзбекистон Республикаси Қонунига мувофиқ террорчилик ҳаракати оқибатида зарар кўрган Ўзбекистон Республикаси фуқароларини, хорижий фуқароларни ва фуқаролиги бўлмаган шахсларни (кейинги ўринларда террорчилик ҳаракати оқибатида зарар кўрган шахслар деб аталади) ижтимоий реабилитация қилиш тартибини белгилайди.
2. Ушбу Низомнинг амал қилиши террорчиликка қарши операциялар ўтказилган зонада зарар кўрган шахсларга тез тиббий ёки бошқа шошилинч ёрдам кўрсатишга татбиқ этилмайди.
3. Террорчилик ҳаракати оқибатида зарар кўрган шахсларни ижтимоий реабилитация қилиш уларни нормал ҳаёт фаолиятига қайтариш мақсадида ўтказилади ва ҳуқуқий ёрдам беришни, уларнинг руҳий, тиббий, касбий реабилитациясини, уларни ишга жойлаштиришни, зарур ҳолларда уларга обод турар жой ва қонунчиликда назарда тутилган бошқа ёрдам беришни ўз ичига олади.
Террорчилик ҳаракати оқибатида зарар кўрган шахсларга бир вақтнинг ўзида ижтимоий реабилитация қилиш бўйича ёрдамнинг ушбу банднинг биринчи хатбошида кўрсатилган бир нечта тури (кейинги ўринларда ижтимоий реабилитация бўйича ёрдам бериш деб аталади) кўрсатилиши мумкин.
4. Хорижий давлатларда содир этилган террорчилик ҳаракатлари оқибатида зарар кўрган Ўзбекистон Республикаси фуқароларини ижтимоий реабилитация қилиш, агар Ўзбекистон Республикасининг халқаро шартномаларида ўзгача ҳол назарда тутилмаган бўлса, ушбу Низомга мувофиқ амалга оширилади.
5. Террорчилик ҳаракати оқибатида зарар кўрган шахсни жабрланган деб эътироф этиш тўғрисида суриштирувчи, терговчи, прокурорнинг қарори ёки суднинг ажрими ижтимоий реабилитацияни амалга ошириш учун асос ҳисобланади.
6. Террорчилик ҳаракати оқибатида зарар кўрган шахсларни ижтимоий реабилитация қилиш ушбу Низомга иловага мувофиқ схема бўйича амалга оширилади.
2-боб. Ижтимоий реабилитация қилиш масалаларини кўриб чиқиш бўйича идоралараро комиссия
7. Террорчилик ҳаракати оқибатида зарар кўрган шахсларни ижтимоий реабилитация қилиш бўйича ёрдамнинг тегишли тури кўрсатилишини таъминлаш учун террорчиликка қарши курашувчи давлат органлари — Ўзбекистон Республикаси Давлат хавфсизлик хизмати, Миллий гвардияси, Ички ишлар вазирлиги, Давлат божхона қўмитаси, Мудофаа вазирлиги, Фавқулодда вазиятлар вазирлиги, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти вакилларидан иборат таркибда Ижтимоий реабилитация қилиш масалаларини кўриб чиқиш бўйича идоралараро комиссия (кейинги ўринларда Идоралараро комиссия деб аталади) ташкил этилади.
Идоралараро комиссия таркибига кўриб чиқилаётган масаланинг ўзига хослигидан (ҳуқуқий ёрдам, руҳий, тиббий, касбий реабилитация, ишга жойлаштириш, обод уй-жой бериш ва шу кабилар) келиб чиқиб тегишли давлат бошқаруви органлари, маҳаллий ижро этувчи ҳокимият органлари ва фуқароларнинг ўзини ўзи бошқариш органлари вакиллари киритилиши мумкин.
8. Терроризмга қарши курашишда иштирок этувчи давлат органлари фаолиятини мувофиқлаштириш, шунингдек Идоралараро комиссия фаолиятини ташкил этиш Ўзбекистон Республикаси Давлат хавфсизлик хизмати томонидан амалга оширилади.
Ўзбекистон Республикаси Давлат хавфсизлик хизмати раисининг ўринбосари Идоралараро комиссиянинг раиси ҳисобланади.
9. Идоралараро комиссиянинг шахсий таркиби ва иш регламенти унинг раиси томонидан тасдиқланади.
3-боб. Террорчилик ҳаракати оқибатида зарар кўрган шахсларнинг мурожаатларини кўриб чиқиш ва уларни ижтимоий реабилитация қилиш тартиби
10. Ижтимоий реабилитация бўйича ёрдам олиш учун террорчилик ҳаракати оқибатида зарар кўрган шахслар ёки уларнинг вакиллари Идоралараро комиссияга ёзма тарзда мурожаат қиладилар ва қуйидаги ҳужжатларни тақдим этадилар:
террорчилик ҳаракати оқибатида зарар кўрган шахснинг фамилияси, исми ва отасининг исми, яшаш манзили ва талаб этиладиган ёрдам тури кўрсатилган ҳолда ижтимоий реабилитация қилиш бўйича ёрдамнинг тегишли тури кўрсатилишини таъминлаш учун ижтимоий реабилитация қилиш бўйича ёрдам бериш тўғрисидаги ариза;
террорчилик ҳаракати оқибатида зарар кўрган шахснинг паспорти ёки унинг шахсини тасдиқлайдиган бошқа ҳужжатнинг нусхаси;
террорчилик ҳаракати оқибатида зарар кўрган шахснинг вакили мурожаат қилган тақдирда вакилнинг ваколатларини тасдиқлайдиган ҳужжатнинг асл нусхаси ва унинг шахсини тасдиқлайдиган ҳужжатнинг нусхаси;
шахсни террорчилик оқибатида зарар кўрган деб эътироф этиш тўғрисида суриштирувчи, терговчи, прокурорнинг қарори ёки суд ажримининг нусхаси.
11. Террорчилик ҳаракати оқибатида зарар кўрган шахсларни ижтимоий реабилитация қилиш зарар кўрган шахслар ёки улар вакилларининг ёзма мурожаатисиз давлат органлари ёки бошқа ташкилотларнинг ташаббуси билан амалга оширилиши мумкин.
Бунда тегишли давлат органлари ёки бошқа ташкилотлар Идоралараро комиссияга қуйидаги ҳужжатларни тақдим этадилар:
террорчилик ҳаракати оқибатида зарар кўрган шахсларнинг фамилияси, исми ва отасининг исми, яшаш манзили ва талаб этиладиган ёрдам тури кўрсатилган ҳолда ижтимоий реабилитация бўйича ёрдам бериш тўғрисидаги хат;
террорчилик ҳаракати оқибатида зарар кўрган шахснинг паспорти ёки шахсини тасдиқлайдиган бошқа ҳужжатнинг нусхаси;
шахсни террорчилик ҳаракати оқибатида зарар кўрган жабрланувчи деб эътироф этиш тўғрисида суриштирувчи, терговчи, прокурорнинг қарори ёки суд ажримининг нусхаси.
12. Террорчилик ҳаракати оқибатида зарар кўрган шахснинг ёки унинг вакилининг, шунингдек ушбу Низомнинг 11-бандида кўрсатилган давлат органлари ёки бошқа ташкилотларнинг мурожаати Идоралараро комиссия томонидан беш иш куни мобайнида кўриб чиқилиши керак.
13. Ушбу Низомнинг 10 ва 11-бандларида кўрсатилган ҳужжатлар тўлиқ бўлмаган ҳажмда тақдим этилган, шунингдек ҳужжатларни расмийлаштиришда ноаниқликлар аниқланган тақдирда Идоралараро комиссия икки кун мобайнида мурожаат қилган шахслардан ёки давлат органлари ва бошқа ташкилотлардан етишмаётган ҳужжатларни ёки аниқланган ноаниқликларни бартараф этиш учун қўшимча маълумотларни сўраб олади.
14. Тақдим этилган ҳужжатларда ёлғон маълумот кўрсатилиши ҳолати аниқланганда Идоралараро комиссия ижтимоий реабилитация бўйича ёрдам кўрсатишни рад этиш тўғрисида қарор қабул қилади.
Идоралараро комиссия террорчилик ҳаракати оқибатида зарар кўрган шахсни ёки унинг вакилини ёхуд тегишли давлат органи ва бошқа ташкилотни ижтимоий реабилитация бўйича ёрдам бериш рад этилганлиги тўғрисида қарор қабул қилинганлиги ҳақида бундай қарор қабул қилинган кундан бошлаб икки иш куни мобайнида рад этиш сабабларини кўрсатиб ёзма шаклда хабардор қилади.
15. Идоралараро комиссия террорчилик ҳаракати оқибатида зарар кўрган шахснинг ёки унинг вакилининг ёхуд давлат органи ёки бошқа ташкилотнинг мурожаатини кўриб чиқиш якунлари бўйича ижтимоий реабилитация бўйича талаб этиладиган ёрдам туридан келиб чиқиб ижтимоий реабилитация бўйича ёрдам берадиган масъул давлат органи ёки муассасани (кейинги ўринларда ижтимоий реабилитация бўйича масъул орган деб аталади) белгилайди ва шахсни унга ижтимоий реабилитация бўйича ёрдам бериш учун йўллаш тўғрисида қарор қабул қилади.
16. Идоралараро комиссия томонидан қабул қилинган қарор бундай қарор қабул қилинган кундан бошлаб бир иш кунидан кечикмай ижтимоий реабилитация бўйича масъул органга юборилади.
Бунда Идоралараро комиссия террорчилик ҳаракати оқибатида зарар кўрган шахсни ёки унинг вакилини, шунингдек ушбу Низомнинг 11-бандида назарда тутилган ҳолатда тегишли давлат органи ва бошқа ташкилотни ҳам қабул қилинган қарор тўғрисида у қабул қилинган кундан бошлаб икки иш куни мобайнида ёзма шаклда хабардор қилиши керак.
Хатда ижтимоий реабилитация бўйича масъул органнинг номи, у жойлашган жой, ижтимоий реабилитация бўйича масъул орган раҳбарининг (масъул ходимнинг) фамилияси, исми, отасининг исми ва унинг хизмат телефони рақами кўрсатилади.
17. Ижтимоий реабилитация бўйича масъул орган Идоралараро комиссиянинг қарори олингандан кейин бир иш куни мобайнида унинг ижро этилишини ташкил этади.
Террорчилик ҳаракати оқибатида зарар кўрган шахсларга ижтимоий реабилитация бўйича ёрдам белгиланган тартибда кўрсатилади. Бунда ижтимоий реабилитация бўйича масъул органлар томонидан бюрократизм ва сансалорлик қилинишига йўл қўйилмайди.
18. Ижтимоий реабилитация бўйича масъул орган бир иш куни мобайнида Идоралараро комиссияга ижтимоий реабилитация бўйича ёрдам берилганлиги тўғрисидаги маълумотни ёзма шаклда юборади.
19. Террорчилик ҳаракати оқибатида зарар кўрган шахс ёки унинг вакили ижтимоий реабилитация бўйича берилган ёрдамдан қониқмаган тақдирда Идоралараро комиссияга ижтимоий реабилитация бўйича тегишли ёрдам берган ижтимоий реабилитация бўйича масъул орган устидан шикоят билан мурожаат қилиш ҳуқуқига эга.
Ушбу банднинг биринчи хатбошида назарда тутилган ҳолатда Идоралараро комиссия томонидан террорчилик ҳаракати оқибатида зарар кўрган шахснинг ёки унинг вакилининг асосланган ва қонуний талабларини қондириш юзасидан қўшимча чоралар кўрилади.
20. Ижтимоий реабилитация бўйича масъул органнинг раҳбари ижтимоий реабилитация бўйича бериладиган ёрдамнинг ўз вақтидалиги ва сифати учун шахсан жавоб беради.
21. Террорчилик ҳаракати оқибатида зарар кўрган шахсларни ижтимоий реабилитация қилиш Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳрининг маҳаллий бюджетлари маблағлари ҳисобига амалга оширилади.
4-боб. Якунловчи қоида
22. Ушбу Низом талаблари бузилишида айбдор бўлган шахслар қонунчиликда белгиланган тартибда жавоб беради.
Террорчилик ҳаракати оқибатида зарар кўрган шахсларни ижтимоий реабилитация қилиш тартиби тўғрисидаги низомга ИЛОВА
Террорчилик ҳаракати оқибатида зарар кўрган шахсларни ижтимоий реабилитация қилиш
Ўзбекистон Республикасининг Бош вазири А. АРИПОВ
Тошкент ш.,
2017 йил 23 июнь,
414-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Terrorchilik harakati oqibatida zarar koʻrgan shaxslarni ijtimoiy reabilitatsiya qilish tartibi toʻgʻrisidagi Nizomni tasdiqlash haqida
“Terrorizmga qarshi kurash toʻgʻrisida”gi Oʻzbekiston Respublikasi Qonuniga muvofiq Vazirlar Mahkamasi qaror qiladi:
1. Terrorchilik harakati oqibatida zarar koʻrgan shaxslarni ijtimoiy reabilitatsiya qilish tartibi toʻgʻrisidagi Nizom ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Oʻzbekiston Respublikasi Bosh vazirining oʻrinbosari J.A.Qoʻchqorov zimmasiga yuklansin.
Vazirlar Mahkamasining 2017-yil 23-iyundagi 414-son qaroriga ILOVA
Terrorchilik harakati oqibatida zarar koʻrgan shaxslarni ijtimoiy reabilitatsiya qilish tartibi toʻgʻrisida
1-bob. Umumiy qoidalar
1. Ushbu Nizom “Terrorizmga qarshi kurash toʻgʻrisida”gi Oʻzbekiston Respublikasi Qonuniga muvofiq terrorchilik harakati oqibatida zarar koʻrgan Oʻzbekiston Respublikasi fuqarolarini, xorijiy fuqarolarni va fuqaroligi boʻlmagan shaxslarni (keyingi oʻrinlarda terrorchilik harakati oqibatida zarar koʻrgan shaxslar deb ataladi) ijtimoiy reabilitatsiya qilish tartibini belgilaydi.
2. Ushbu Nizomning amal qilishi terrorchilikka qarshi operatsiyalar oʻtkazilgan zonada zarar koʻrgan shaxslarga tez tibbiy yoki boshqa shoshilinch yordam koʻrsatishga tatbiq etilmaydi.
3. Terrorchilik harakati oqibatida zarar koʻrgan shaxslarni ijtimoiy reabilitatsiya qilish ularni normal hayot faoliyatiga qaytarish maqsadida oʻtkaziladi va huquqiy yordam berishni, ularning ruhiy, tibbiy, kasbiy reabilitatsiyasini, ularni ishga joylashtirishni, zarur hollarda ularga obod turar joy va qonunchilikda nazarda tutilgan boshqa yordam berishni oʻz ichiga oladi.
Terrorchilik harakati oqibatida zarar koʻrgan shaxslarga bir vaqtning oʻzida ijtimoiy reabilitatsiya qilish boʻyicha yordamning ushbu bandning birinchi xatboshida koʻrsatilgan bir nechta turi (keyingi oʻrinlarda ijtimoiy reabilitatsiya boʻyicha yordam berish deb ataladi) koʻrsatilishi mumkin.
4. Xorijiy davlatlarda sodir etilgan terrorchilik harakatlari oqibatida zarar koʻrgan Oʻzbekiston Respublikasi fuqarolarini ijtimoiy reabilitatsiya qilish, agar Oʻzbekiston Respublikasining xalqaro shartnomalarida oʻzgacha hol nazarda tutilmagan boʻlsa, ushbu Nizomga muvofiq amalga oshiriladi.
5. Terrorchilik harakati oqibatida zarar koʻrgan shaxsni jabrlangan deb eʼtirof etish toʻgʻrisida surishtiruvchi, tergovchi, prokurorning qarori yoki sudning ajrimi ijtimoiy reabilitatsiyani amalga oshirish uchun asos hisoblanadi.
6. Terrorchilik harakati oqibatida zarar koʻrgan shaxslarni ijtimoiy reabilitatsiya qilish ushbu Nizomga ilovaga muvofiq sxema boʻyicha amalga oshiriladi.
2-bob. Ijtimoiy reabilitatsiya qilish masalalarini koʻrib chiqish boʻyicha idoralararo komissiya
7. Terrorchilik harakati oqibatida zarar koʻrgan shaxslarni ijtimoiy reabilitatsiya qilish boʻyicha yordamning tegishli turi koʻrsatilishini taʼminlash uchun terrorchilikka qarshi kurashuvchi davlat organlari — Oʻzbekiston Respublikasi Davlat xavfsizlik xizmati, Milliy gvardiyasi, Ichki ishlar vazirligi, Davlat bojxona qoʻmitasi, Mudofaa vazirligi, Favqulodda vaziyatlar vazirligi, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti vakillaridan iborat tarkibda Ijtimoiy reabilitatsiya qilish masalalarini koʻrib chiqish boʻyicha idoralararo komissiya (keyingi oʻrinlarda Idoralararo komissiya deb ataladi) tashkil etiladi.
Idoralararo komissiya tarkibiga koʻrib chiqilayotgan masalaning oʻziga xosligidan (huquqiy yordam, ruhiy, tibbiy, kasbiy reabilitatsiya, ishga joylashtirish, obod uy-joy berish va shu kabilar) kelib chiqib tegishli davlat boshqaruvi organlari, mahalliy ijro etuvchi hokimiyat organlari va fuqarolarning oʻzini oʻzi boshqarish organlari vakillari kiritilishi mumkin.
8. Terrorizmga qarshi kurashishda ishtirok etuvchi davlat organlari faoliyatini muvofiqlashtirish, shuningdek Idoralararo komissiya faoliyatini tashkil etish Oʻzbekiston Respublikasi Davlat xavfsizlik xizmati tomonidan amalga oshiriladi.
Oʻzbekiston Respublikasi Davlat xavfsizlik xizmati raisining oʻrinbosari Idoralararo komissiyaning raisi hisoblanadi.
9. Idoralararo komissiyaning shaxsiy tarkibi va ish reglamenti uning raisi tomonidan tasdiqlanadi.
3-bob. Terrorchilik harakati oqibatida zarar koʻrgan shaxslarning murojaatlarini koʻrib chiqish va ularni ijtimoiy reabilitatsiya qilish tartibi
10. Ijtimoiy reabilitatsiya boʻyicha yordam olish uchun terrorchilik harakati oqibatida zarar koʻrgan shaxslar yoki ularning vakillari Idoralararo komissiyaga yozma tarzda murojaat qiladilar va quyidagi hujjatlarni taqdim etadilar:
terrorchilik harakati oqibatida zarar koʻrgan shaxsning familiyasi, ismi va otasining ismi, yashash manzili va talab etiladigan yordam turi koʻrsatilgan holda ijtimoiy reabilitatsiya qilish boʻyicha yordamning tegishli turi koʻrsatilishini taʼminlash uchun ijtimoiy reabilitatsiya qilish boʻyicha yordam berish toʻgʻrisidagi ariza;
terrorchilik harakati oqibatida zarar koʻrgan shaxsning pasporti yoki uning shaxsini tasdiqlaydigan boshqa hujjatning nusxasi;
terrorchilik harakati oqibatida zarar koʻrgan shaxsning vakili murojaat qilgan taqdirda vakilning vakolatlarini tasdiqlaydigan hujjatning asl nusxasi va uning shaxsini tasdiqlaydigan hujjatning nusxasi;
shaxsni terrorchilik oqibatida zarar koʻrgan deb eʼtirof etish toʻgʻrisida surishtiruvchi, tergovchi, prokurorning qarori yoki sud ajrimining nusxasi.
11. Terrorchilik harakati oqibatida zarar koʻrgan shaxslarni ijtimoiy reabilitatsiya qilish zarar koʻrgan shaxslar yoki ular vakillarining yozma murojaatisiz davlat organlari yoki boshqa tashkilotlarning tashabbusi bilan amalga oshirilishi mumkin.
Bunda tegishli davlat organlari yoki boshqa tashkilotlar Idoralararo komissiyaga quyidagi hujjatlarni taqdim etadilar:
terrorchilik harakati oqibatida zarar koʻrgan shaxslarning familiyasi, ismi va otasining ismi, yashash manzili va talab etiladigan yordam turi koʻrsatilgan holda ijtimoiy reabilitatsiya boʻyicha yordam berish toʻgʻrisidagi xat;
terrorchilik harakati oqibatida zarar koʻrgan shaxsning pasporti yoki shaxsini tasdiqlaydigan boshqa hujjatning nusxasi;
shaxsni terrorchilik harakati oqibatida zarar koʻrgan jabrlanuvchi deb eʼtirof etish toʻgʻrisida surishtiruvchi, tergovchi, prokurorning qarori yoki sud ajrimining nusxasi.
12. Terrorchilik harakati oqibatida zarar koʻrgan shaxsning yoki uning vakilining, shuningdek ushbu Nizomning 11-bandida koʻrsatilgan davlat organlari yoki boshqa tashkilotlarning murojaati Idoralararo komissiya tomonidan besh ish kuni mobaynida koʻrib chiqilishi kerak.
13. Ushbu Nizomning 10 va 11-bandlarida koʻrsatilgan hujjatlar toʻliq boʻlmagan hajmda taqdim etilgan, shuningdek hujjatlarni rasmiylashtirishda noaniqliklar aniqlangan taqdirda Idoralararo komissiya ikki kun mobaynida murojaat qilgan shaxslardan yoki davlat organlari va boshqa tashkilotlardan yetishmayotgan hujjatlarni yoki aniqlangan noaniqliklarni bartaraf etish uchun qoʻshimcha maʼlumotlarni soʻrab oladi.
14. Taqdim etilgan hujjatlarda yolgʻon maʼlumot koʻrsatilishi holati aniqlanganda Idoralararo komissiya ijtimoiy reabilitatsiya boʻyicha yordam koʻrsatishni rad etish toʻgʻrisida qaror qabul qiladi.
Idoralararo komissiya terrorchilik harakati oqibatida zarar koʻrgan shaxsni yoki uning vakilini yoxud tegishli davlat organi va boshqa tashkilotni ijtimoiy reabilitatsiya boʻyicha yordam berish rad etilganligi toʻgʻrisida qaror qabul qilinganligi haqida bunday qaror qabul qilingan kundan boshlab ikki ish kuni mobaynida rad etish sabablarini koʻrsatib yozma shaklda xabardor qiladi.
15. Idoralararo komissiya terrorchilik harakati oqibatida zarar koʻrgan shaxsning yoki uning vakilining yoxud davlat organi yoki boshqa tashkilotning murojaatini koʻrib chiqish yakunlari boʻyicha ijtimoiy reabilitatsiya boʻyicha talab etiladigan yordam turidan kelib chiqib ijtimoiy reabilitatsiya boʻyicha yordam beradigan masʼul davlat organi yoki muassasani (keyingi oʻrinlarda ijtimoiy reabilitatsiya boʻyicha masʼul organ deb ataladi) belgilaydi va shaxsni unga ijtimoiy reabilitatsiya boʻyicha yordam berish uchun yoʻllash toʻgʻrisida qaror qabul qiladi.
16. Idoralararo komissiya tomonidan qabul qilingan qaror bunday qaror qabul qilingan kundan boshlab bir ish kunidan kechikmay ijtimoiy reabilitatsiya boʻyicha masʼul organga yuboriladi.
Bunda Idoralararo komissiya terrorchilik harakati oqibatida zarar koʻrgan shaxsni yoki uning vakilini, shuningdek ushbu Nizomning 11-bandida nazarda tutilgan holatda tegishli davlat organi va boshqa tashkilotni ham qabul qilingan qaror toʻgʻrisida u qabul qilingan kundan boshlab ikki ish kuni mobaynida yozma shaklda xabardor qilishi kerak.
Xatda ijtimoiy reabilitatsiya boʻyicha masʼul organning nomi, u joylashgan joy, ijtimoiy reabilitatsiya boʻyicha masʼul organ rahbarining (masʼul xodimning) familiyasi, ismi, otasining ismi va uning xizmat telefoni raqami koʻrsatiladi.
17. Ijtimoiy reabilitatsiya boʻyicha masʼul organ Idoralararo komissiyaning qarori olingandan keyin bir ish kuni mobaynida uning ijro etilishini tashkil etadi.
Terrorchilik harakati oqibatida zarar koʻrgan shaxslarga ijtimoiy reabilitatsiya boʻyicha yordam belgilangan tartibda koʻrsatiladi. Bunda ijtimoiy reabilitatsiya boʻyicha masʼul organlar tomonidan byurokratizm va sansalorlik qilinishiga yoʻl qoʻyilmaydi.
18. Ijtimoiy reabilitatsiya boʻyicha masʼul organ bir ish kuni mobaynida Idoralararo komissiyaga ijtimoiy reabilitatsiya boʻyicha yordam berilganligi toʻgʻrisidagi maʼlumotni yozma shaklda yuboradi.
19. Terrorchilik harakati oqibatida zarar koʻrgan shaxs yoki uning vakili ijtimoiy reabilitatsiya boʻyicha berilgan yordamdan qoniqmagan taqdirda Idoralararo komissiyaga ijtimoiy reabilitatsiya boʻyicha tegishli yordam bergan ijtimoiy reabilitatsiya boʻyicha masʼul organ ustidan shikoyat bilan murojaat qilish huquqiga ega.
Ushbu bandning birinchi xatboshida nazarda tutilgan holatda Idoralararo komissiya tomonidan terrorchilik harakati oqibatida zarar koʻrgan shaxsning yoki uning vakilining asoslangan va qonuniy talablarini qondirish yuzasidan qoʻshimcha choralar koʻriladi.
20. Ijtimoiy reabilitatsiya boʻyicha masʼul organning rahbari ijtimoiy reabilitatsiya boʻyicha beriladigan yordamning oʻz vaqtidaligi va sifati uchun shaxsan javob beradi.
21. Terrorchilik harakati oqibatida zarar koʻrgan shaxslarni ijtimoiy reabilitatsiya qilish Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahrining mahalliy budjetlari mablagʻlari hisobiga amalga oshiriladi.
4-bob. Yakunlovchi qoida
22. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradi.
Terrorchilik harakati oqibatida zarar koʻrgan shaxslarni ijtimoiy reabilitatsiya qilish tartibi toʻgʻrisidagi nizomga ILOVA
Terrorchilik harakati oqibatida zarar koʻrgan shaxslarni ijtimoiy reabilitatsiya qilish
Oʻzbekiston Respublikasining Bosh vaziri A. ARIPOV
Toshkent sh.,
2017-yil 23-iyun,
414-son
Кабинета Министров Республики Узбекистан
Постановление
ПОЛОЖЕНИЕ
СХЕМА
Об утверждении Положения о порядке осуществления социальной реабилитации лиц, пострадавших в результате террористической акции
В соответствии с Законом Республики Узбекистан «О борьбе с терроризмом» Кабинет Министров постановляет:
1. Утвердить Положение о порядке осуществления социальной реабилитации лиц, пострадавших в результате террористической акции, согласно приложению .
2. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к постановлению Кабинета Министров от 23 июня 2017 года № 414
о порядке осуществления социальной реабилитации лиц, пострадавших в результате террористической акции
Глава 1. Общие положения
1. Настоящее Положение в соответствии с Законом Республики Узбекистан «О борьбе с терроризмом» определяет порядок осуществления социальной реабилитации граждан Республики Узбекистан, иностранных граждан и лиц без гражданства, пострадавших в результате террористической акции (далее — лица, пострадавшие в результате террористической акции).
2. Действие настоящего Положения не распространяется на оказание срочной медицинской или иной экстренной помощи лицам, пострадавшим в зоне проведения антитеррористической операции.
3. Социальная реабилитация лиц, пострадавших в результате террористической акции, проводится в целях возвращения их к нормальной жизнедеятельности и включает в себя правовую помощь, психологическую, медицинскую, профессиональную реабилитацию, трудоустройство, предоставление им в необходимых случаях благоустроенного жилья и другую помощь, предусмотренную законодательством.
Лицам, пострадавшим в результате террористической акции, одновременно может предоставляться несколько из указанных в абзаце первом настоящего пункта видов помощи по социальной реабилитации (далее — помощь по социальной реабилитации).
4. Социальная реабилитация граждан Республики Узбекистан, пострадавших в результате террористических акций, совершенных в иностранных государствах, осуществляется в соответствии с настоящим Положением, если иное не предусмотрено международными договорами Республики Узбекистан.
5. Основанием для осуществления социальной реабилитации является постановление дознавателя, следователя, прокурора или определение суда о признании лица, пострадавшего в результате террористической акции, потерпевшим.
6. Социальная реабилитации лиц, пострадавших в результате террористической акции, осуществляется по схеме согласно приложению к настоящему Положению.
Глава 2. Межведомственная комиссия по рассмотрению вопросов осуществления социальной реабилитации
7. Для обеспечения оказания соответствующего вида помощи по социальной реабилитации лицам, пострадавшим в результате террористической акции, создается Межведомственная комиссия по рассмотрению вопросов осуществления социальной реабилитации (далее — Межведомственная комиссия) в составе представителей государственных органов, осуществляющих борьбу с терроризмом, — Национальной гвардии, Службы государственной безопасности, Министерства внутренних дел, Государственного таможенного комитета, Министерства обороны, Министерства по чрезвычайным ситуациям Республики Узбекистан, Департамента по борьбе с экономическими преступлениями при Генеральной прокуратуре Республики Узбекистан.
В состав Межведомственной комиссии, исходя из специфики рассматриваемого вопроса (правовая помощь, психологическая, медицинская, профессиональная реабилитация, трудоустройство, предоставление благоустроенного жилья и др.), также могут быть включены представители соответствующих органов государственного управления, органов исполнительной власти на местах и органов самоуправления граждан.
8. Координация деятельности государственных органов, участвующих в борьбе с терроризмом, а также организация деятельности Межведомственной комиссии осуществляются Службой государственной безопасности Республики Узбекистан.
Председателем Межведомственной комиссии является заместитель председателя Службы государственной безопасности Республики Узбекистан.
9. Персональный состав и регламент работы Межведомственной комиссии утверждается ее председателем.
Глава 3. Порядок рассмотрения обращений лиц, пострадавших в результате террористической акции, и осуществления их социальной реабилитации
10. Для получения помощи по социальной реабилитации лица, пострадавшие в результате террористической акции, или их представители письменно обращаются в Межведомственную комиссию и представляют следующие документы:
заявление о предоставлении помощи по социальной реабилитации, с указанием фамилии, имени и отчества, адреса проживания лица, пострадавшего в результате террористической акции, и вида требуемой помощи;
копию паспорта или иного документа, удостоверяющего личность лица, пострадавшего в результате террористической акции;
в случае обращения представителя лица, пострадавшего в результате террористической акции, оригинал документа, подтверждающего полномочия представителя, и копию документа, удостоверяющего его личность;
копию постановления дознавателя, следователя, прокурора или определения суда о признании лица, пострадавшего в результате террористической акции, потерпевшим.
11. Социальная реабилитация лиц, пострадавших в результате террористической акции, может осуществляться по инициативе государственных органов или иных организаций без письменного обращения пострадавших лиц или их представителей.
При этом соответствующие государственные органы или иные организации представляют в Межведомственную комиссию следующие документы:
письмо о предоставлении помощи по социальной реабилитации с указанием фамилии, имени и отчества, адреса проживания лица, пострадавшего в результате террористической акции, и вида требуемой помощи;
копию паспорта или иного документа, удостоверяющего личность лица, пострадавшего в результате террористической акции;
копию постановления дознавателя, следователя, прокурора или определения суда о признании лица, пострадавшего в результате террористической акции, потерпевшим.
12. Обращение лица, пострадавшего в результате террористической акции, или его представителя, а также государственных органов или иных организаций, указанных в пункте 11 настоящего Положения, подлежат рассмотрению Межведомственной комиссией в течение пяти рабочих дней.
13. В случае представления документов, указанных в пунктах 10 и 11 настоящего Положения, не в полном объеме, а также выявления неточностей при оформлении документов Межведомственная комиссия в течение двух дней запрашивает у обратившихся лиц или государственных органов и иных организаций недостающие документы или дополнительные сведения для устранения выявленных неточностей.
14. При выявлении факта указания ложной информации в представленных документах Межведомственная комиссия принимает решение об отказе в оказании помощи по социальной реабилитации.
Межведомственная комиссия уведомляет лицо, пострадавшее в результате террористической акции, или его представителя либо соответствующий государственный орган и иную организацию о принятом решении об отказе в предоставлении помощи по социальной реабилитации в течение двух рабочих дней со дня принятия такого решения в письменной форме, указав причины отказа.
15. Межведомственная комиссия по итогам рассмотрения обращения лица, пострадавшего в результате террористической акции, или его представителя либо государственного органа или иной организации, исходя из требуемого вида помощи по социальной реабилитации, определяет ответственный государственный орган или учреждение, которое будет предоставлять помощь по социальной реабилитации, (далее — ответственный орган социальной реабилитации) и принимает решение о направлении лица для предоставления ему помощи по социальной реабилитации.
16. Решение, принятое Межведомственной комиссией, направляется в ответственный орган социальной реабилитации не позднее одного рабочего дня со дня его принятия.
При этом Межведомственная комиссия должна в письменной форме уведомить лицо, пострадавшее в результате террористической акции, или его представителя, а в случае, предусмотренном пунктом 11 настоящего Положения, также соответствующий государственный орган и иную организацию о принятом решении в течение двух рабочих дней со дня его принятия.
В письме указываются наименование ответственного органа социальной реабилитации, место его расположения, фамилия, имя, отчество руководителя (ответственного работника) ответственного органа социальной реабилитации и номер его служебного телефона.
17. Ответственный орган социальной реабилитации в течение одного рабочего дня после получения решения Межведомственной комиссии организует его исполнение.
Помощь по социальной реабилитации лицам, пострадавшим в результате террористической акции, предоставляется в установленном порядке. При этом не допускается проявление бюрократизма и волокиты со стороны ответственных органов социальной реабилитации.
18. Ответственный орган социальной реабилитации в течение одного рабочего дня направляет в Межведомственную комиссию в письменной форме информацию о предоставленной помощи по социальной реабилитации.
19. Лицо, пострадавшее в результате террористической акции, или его представитель в случае неудовлетворения предоставленной помощью по социальной реабилитации имеет право обратиться в Межведомственную комиссию с жалобой на ответственный орган социальной реабилитации, предоставившей соответствующую помощь по социальной реабилитации.
В случае, предусмотренном абзацем первым настоящего пункта, Межведомственной комиссией принимаются дополнительные меры по удовлетворению обоснованных и законных требований лица, пострадавшего в результате террористической акции, или его представителя.
20. Руководитель ответственного органа социальной реабилитации несет персональную ответственность за своевременность и качество предоставляемой помощи по социальной реабилитации.
21. Социальная реабилитации лиц, пострадавших в результате террористической акции, осуществляется за счет средств республиканского бюджета Республики Узбекистан, бюджета Республики Каракалпакстан, местных бюджетов областей и города Ташкента.
Глава 4. Заключительное положение
22. Лица, виновные в нарушении требований настоящего Положения, несут ответственность в порядке, установленном законодательством.
ПРИЛОЖЕНИЕ к Положению о порядке осуществления социальной реабилитации лиц, пострадавших в результате террористической акции
осуществления социальной реабилитации лиц, пострадавших в результате террористической акции
Премьер-министр Республики Узбекистан А. АРИПОВ
г. Ташкент,
23 июня 2017 г.,
№ 414