📅 2017-yil 22-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 22 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 июня 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 22 June 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Қурилиш ва уй-жой коммунал хўжалиги вазирлиги тизими ходимларини моддий рағбатлантириш чора-тадбирлари тўғрисида
Ўзбекистон Республикаси Президентининг «Ўзбекистон Республикаси Уй-жой коммунал хизмат кўрсатиш вазирлиги фаолиятини ташкил этиш тўғрисида» 2017 йил 18 апрелдаги ПҚ-2900-сон қарорини бажариш юзасидан, шунингдек Қурилиш ва уй-жой коммунал хўжалиги вазирлиги тизими ходимлари касбларининг жозибадорлигини ошириш ва уларни ижтимоий муҳофаза қилишни такомиллаштириш мақсадида Вазирлар Маҳкамаси қарор қилади:
1. Қурилиш ва уй-жой коммунал хўжалиги вазирлиги тизими ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низом иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов зиммасига юклансин.
Вазирлар Маҳкамасининг 2017 йил 22 июндаги 409-сон қарорига ИЛОВА
Қурилиш ва уй-жой коммунал хўжалиги вазирлиги тизими ходимлари меҳнатига ҳақ тўлаш ва уларни моддий рағбатлантириш тартиби тўғрисида
1-боб. Умумий қоидалар
1 Ушбу Низом қуйидаги ходимларнинг меҳнатига ҳақ тўлаш ва уларни моддий рағбатлантириш тартибини белгилайди:
Ўзбекистон Республикаси Қурилиш ва уй-жой коммунал хўжалиги вазирлиги (кейинги ўринларда — Вазирлик) марказий аппарати, унинг ташкилий тузилмасига кирадиган Ўзбекистон Республикаси Давлат бюджети маблағлари ҳисобига молиялаштириладиган ҳудудий бўлинмалари, тасарруфидаги ташкилотлар ва бюджетдан маблағ олувчи буюртмачи ташкилотлари (кейинги ўринларда бюджет ташкилотлари деб аталади) ходимлари;
Вазирлик тизимига кирадиган ва ўзини ўзи молиялаштирадиган (хўжалик ҳисобида фаолият юритадиган) ташкилотлар (кейинги ўринларда — тизим ташкилотлари) ходимлари.
2. Вазирлик ва тизим ташкилотлари ходимлари меҳнатига ҳақ тўлаш Ўзбекистон Республикаси Меҳнат кодексига , ушбу Низомга, бошқа қонун ҳужжатларига, жамоавий шартномаларга, шунингдек бошқа маҳаллий норматив ҳужжатларга мувофиқ амалга оширилади ва у қуйидагиларни ўз ичига олади:
лавозим маошлари (тариф ставкалари);
лавозим маошларига қўшимчалар ва устамалар;
рағбатлантирувчи тўловлар;
меҳнатнинг якуний натижаларига кўра белгиланадиган мукофотлар.
3. Тизим ташкилотлари ходимларининг лавозим маошларига қўшимчалар ва устамалар, шунингдек мукофотлар мазкур ташкилотларнинг раҳбарлари томонидан, белгиланган тартибда молиявий имкониятлардан келиб чиққан ҳолда белгиланади.
2-боб. Лавозим маошларини (тариф ставкаларини) белгилаш тартиби
4. Бошқарув ходимларининг, хизмат кўрсатувчи ва техник ходимларнинг лавозим маошлари, шунингдек ишчиларнинг тариф ставкалари қонун ҳужжатларига мувофиқ Меҳнатга ҳақ тўлаш бўйича ягона тариф сеткаси асосида белгиланади.
Ходимнинг лавозим маоши белгиланган меҳнатга ҳақ тўлашнинг энг кам миқдорини ягона тариф сеткасининг тегишли разряди тариф коэффициентига кўпайтириш йўли билан аниқланади (оширилган ва рағбатлантирувчи коэффициентни инобатга олган ҳолда).
Соатбай тариф сеткаси миқдори ходимнинг лавозим маошини (тариф ставкасини) беш кунлик иш ҳафтаси асосида, иш вақти нормал давом этган тақдирда иш соатларининг ўртача ойлик миқдорига бўлиш йўли билан аниқланади.
Вазирлик, бюджет ташкилотлари ва унинг ташкилий тузилмасига кирадиган ташкилотлар ходимларининг Ягона тариф сеткаси бўйича меҳнатга ҳақ тўлашнинг тасдиқланган разрядларига мувофиқ лавозим маоши, лавозим маошига устама ҳақлар, байрам пули, чораклик мукофот пули ҳамда бошқа тўловлар ва устамаларни белгилашда тариф коэффициенти 1,8 бараварга оширилган миқдорда қўлланилади.
Тизим ташкилотлари ходимларига Вазирлик марказий аппарати ходимлари учун белгиланган меҳнатга ҳақ тўлаш ва моддий рағбатлантириш шартлари татбиқ этилади, шунингдек, зарур ҳолларда бошқача шартлар қўлланиши мумкин.
6. Ходимларнинг лавозим маошларини ўзгартириш қуйидаги ҳолатларда амалга оширилади:
Ўзбекистон Республикаси Президенти қарорлари билан белгиланган меҳнатга ҳақ тўлашнинг энг кам миқдорига мувофиқ иш ҳақи миқдорлари оширилганда;
ходим ушбу ташкилотда бошқа лавозимга ўтганда ёки ходимга янада юқори малака разряди берилганда.
Ўзбекистон Республикаси Президенти ва Вазирлар Маҳкамасининг қарорлари билан тегишли тартиб-таомиллар белгиланганда.
3-боб. Қўшимчалар ва устамалар
7. Вазирлик ва бюджет ташкилотлари ходимларига меҳнат тўғрисидаги қонунчиликка мувофиқ Ўзбекистон Республикаси Давлат бюджети маблағлари ҳисобидан лавозим маошига қуйидаги қўшимчалар ва устамалар тўланади (оширилган ва рағбатлантирувчи коэффициентни инобатга олган ҳолда).
иш вақтидан бошқа вақтларда, дам олиш ва байрам кунларида ишлаганлик учун — соатбай тариф ставкасидан келиб чиққан ҳолда 2 баравар миқдорида;
тунги вақтда ишлаганлик учун — соатбай тариф ставкасидан келиб чиққан ҳолда 1,5 баравар миқдорида;
узоқ муддат ишлаганлик учун ҳар ойлик устамалар (оширилган ва рағбатлантирувчи коэффициентларни инобатга олган ҳолда) лавозим маошига фоиз миқдорида тўланади (тўлаш шартлари, миқдори ва тартиби маҳаллий ҳужжатлар билан белгиланади).
Жамоа келишувларида, жамоа шартномасида, иш берувчи томонидан касаба уюшмаси қўмитаси билан келишувга кўра қабул қилинадиган ички ҳужжатларда, меҳнат тўғрисидаги қонунчиликка мувофиқ меҳнат шартномасида белгиланган бошқа қўшимча тўловлар, устамалар, рағбатлантириш, байрам ва мукофот пуллари тўланади ҳамда моддий ёрдамлар кўрсатилади.
8. Тизим ташкилотлари ходимларига ташкилотларнинг ўз маблағлари ҳисобидан лавозим маошига (оширилган ва рағбатлантирувчи коэффициентни инобатга олган ҳолда) қуйидаги қўшимчалар ва устамалар белгиланиши мумкин:
касбларни (лавозимларни) қўшиб бажарганлик ва хизмат кўрсатиш ҳудудини кенгайтирганлик учун — амалда бажарилган ишлар учун;
дам олиш ва байрам кунларида ишлаганлик учун — соатбай тариф ставкасидан келиб чиққан ҳолда икки баравар миқдорда;
узоқ муддат ишлаганлик учун лавозим маошига фоизлар ҳисобида — ҳар ойда ушбу Низомнинг 7-бандида назарда тутилган миқдорларда ва шартларда.
Шунингдек, жамоа келишувларида, жамоа шартномасида, иш берувчи томонидан касаба уюшмаси қўмитаси билан келишувга кўра қабул қилинадиган ички ҳужжатларда, меҳнат тўғрисидаги қонунчиликка мувофиқ меҳнат шартномасида белгиланган бошқа қўшимчалар, устамалар, рағбатлантириш, байрам ва мукофот пуллари тўланади ҳамда моддий ёрдамлар кўрсатилади.
4-боб. Вазирлик ходимларини мукофотлаш ва уларга моддий ёрдам кўрсатиш тартиби
10. Вазирлик ходимларини мукофотлаш ва уларга моддий ёрдам кўрсатиш Давлат бюджети ва Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси (кейинги ўринларда — Жамғарма) маблағлари ҳисобидан амалга оширилади.
Бюджет ташкилотлари ходимларини мукофотлаш ва уларга моддий ёрдам кўрсатиш Давлат бюджети ва бюджетдан ташқари маблағлар ҳисобидан амалга оширилади.
11. Вазирлик ва бюджет ташкилотлари ходимларига байрам кунлари учун штат жадвалига мувофиқ лавозим маошининг икки баравари миқдорида мукофот тўланади.
12. Мукофотларнинг аниқ миқдорларини белгилаш учун Вазирликда бюджет ташкилотлари ходимларини мукофотлаш тартибини белгилаш комиссияси (кейинги ўринларда — комиссия) ташкил этилади.
Аъзолари сони камида 6 кишидан иборат бўлган комиссиянинг таркиби Ўзбекистон Республикаси қурилиш ва уй-жой коммунал хўжалиги вазири томонидан тузилади.
Комиссия қарори кўпчилик овоз билан қабул қилинади ва тегишли баён билан расмийлаштирилади. Овозлар тенг бўлган тақдирда, раиснинг овози ҳал қилувчи ҳисобланади.
13. Ўзбекистон Республикаси қурилиш ва уй-жой коммунал хўжалиги вазири томонидан тасдиқланадиган Вазирлик тизими ходимлари фаолиятини баҳолашнинг тармоқ рейтинг тизимига мувофиқ лавозим маошига қуйидаги миқдорларда ҳар ойлик шахсий устамалар тўланади:
70 баллдан 75 баллгача тўплаганларга — 50 фоиз;
76 баллдан 80 баллгача тўплаганларга — 75 фоиз;
81 баллдан 85 баллгача тўплаганларга — 100 фоиз;
86 баллдан 90 баллгача тўплаганларга — 125 фоиз;
91 баллдан 95 баллгача тўплаганларга — 150 фоиз;
96 баллдан 100 баллгача тўплаганларга — 200 фоиз.
Бюджет ташкилотлари ва тизим ташкилотлари томонидан тузиладиган Комиссиялар ҳамда ишлаб чиқилган рейтинг баллари шкаласига мувофиқ бюджет ташкилотларининг бюджетдан ташқари маблағлари (бюджетдан маблағ олувчи буюртмачи ташкилотларда — буюртмачининг сақлаш харажатлари учун ажратилган маблағлар) ва тизим ташкилотларининг ўз маблағлари ҳисобидан ходимлар фаолиятини баҳолашнинг рейтинг тизимига мувофиқ лавозим маошига ҳар ойлик устамалар тўланади.
14. Вазирлик ходимларига қуйидагилар тўланади:
йўлкира ва овқатланиш учун — базавий ҳисоблаш миқдорининг уч баравари миқдорида ҳар ойлик компенсация;
қишлоқ хўжалиги маҳсулотлари ва қанд-шакар харид қилиш учун — базавий ҳисоблаш миқдорининг ўн бараваридан кўп бўлмаган миқдорда бир йўла моддий ёрдам;
вазирлик ва тизим ташкилоти ходимларига жамоа келишувларида, жамоа шартномасида, иш берувчи томонидан касаба уюшмаси қўмитаси билан келишувга кўра қабул қилинадиган ички ҳужжатларида, меҳнат тўғрисидаги қонунчиликка мувофиқ меҳнат шартномасида белгиланган бошқа қўшимча тўловлар, устамалар, рағбатлантириш, байрам ва мукофот пуллари, моддий ёрдам ва бошқа турдаги тўловлар бюджет ташкилотларининг бюджетдан ташқари маблағлари (бюджетдан маблағ олувчи буюртмачи ташкилотларида — буюртмачининг сақлаш харажатлари учун ажратилган маблағлар) ва тизим ташкилотларининг ўз маблағлари ҳисобидан.
5-боб. Тизим ташкилотлари ходимларини мукофотлаш ва уларга моддий ёрдам кўрсатиш тартиби
15. Тизим ташкилотлари ходимларини мукофотлаш умуман ташкилот бўйича белгиланган асосий кўрсаткичларни бажарилганда, шунингдек ишлаб чиқариш самарадорлигини оширишга, харажатларни камайтиришга ва ишлаб чиқаришнинг ички резервларидан фойдаланишга йўналтирилган тадбирлар ўз вақтида бажарилганда ҳамда кутилаётган самарага эришилганда ҳисобот давридаги ишларнинг натижалари бўйича амалга оширилади.
Ўзининг функционал вазифаларини ўз вақтида, сифатли бажариш ва ташкилот фаолияти натижаларига шахсий улуш қўшиш тизим ташкилотлари ходимларига алоҳида шахсий ўрнак кўрсатганлик учун мукофот белгилаш учун асосий кўрсаткичлар ҳисобланади. Тизим ташкилотлари ходимларини мукофотлашнинг аниқ кўрсаткичлари тегишли ташкилотлар раҳбарлари томонидан касаба уюшма қўмитаси билан келишилган ҳолда белгиланади.
17. Тизим ташкилотлари ходимларини байрам кунларида мукофотлаш миқдорлари тегишли ташкилотларнинг раҳбарлари томонидан, молиявий имкониятлардан келиб чиққан ҳолда белгиланади.
18. Тизим ташкилотлари ходимларига моддий ёрдам тўлаш ушбу Низомнинг 15-бандида назарда тутилган миқдорларда ва шартларда амалга оширилади.
5 1 -боб. Вазирлик ҳузуридаги давлат муассасаси шаклидаги Иссиқлик таъминоти объектлари бўйича инжиниринг компанияси (кейинги ўринларда — Инжиниринг компанияси) ходимларининг меҳнатига ҳақ тўлаш ва уларни моддий рағбатлантириш тартиби
18 1 . Инжиниринг компанияси ходимларини мукофотлаш ва уларга моддий ёрдам кўрсатиш иссиқлик таъминоти объектларини қуриш ҳамда реконструкция қилиш лойиҳаларини амалга ошириш доирасида буюртмачини сақлаш харажатларини белгиланган тартибда назарда тутадиган Давлат бюджети маблағлари ҳамда қонунчилик ҳужжатлари билан тақиқланмаган бошқа манбалар ҳисобидан амалга оширилади.
18 2 . Инжиниринг компанияси ходимларига:
иш вақтидан бошқа вақтларда, дам олиш ва байрам кунларида, тунги вақтда ишлаганлик, шунингдек, узоқ муддат ишлаганлик учун ушбу Низомнинг 7-8-бандларида назарда тутилган тартибда лавозим маошига устамалар;
овқатланиш харажатларини қоплаш учун — базавий ҳисоблаш миқдорининг бир баравари миқдорида ҳар ойлик тўлов;
йўлкира харажатларини қоплаш учун — базавий ҳисоблаш миқдорининг бир баравари миқдорида ҳар ойлик тўлов, хизмат автотранспорти бириктирилган ходимлар бундан мустасно;
қишлоқ хўжалиги маҳсулотларини сотиб олиш учун — базавий ҳисоблаш миқдорининг ўн бараваридан кўп бўлмаган миқдорда бир йўла моддий ёрдам пули тўланади;
18 3 . Мукофотлар ва устамаларнинг аниқ миқдорини белгилаш учун Инжиниринг компанияларида ходимларни мукофотлаш тартибини белгилаш комиссияси (кейинги ўринларда — комиссия) ташкил этилади.
Комиссия Инжиниринг компанияси раҳбарининг қарори билан 7 кишидан иборат таркибда тузилади. Комиссия қарори кўпчилик овоз билан қабул қилинади ва тегишли баённома билан расмийлаштирилади. Овозлар тенг бўлган тақдирда, комиссия раисининг овози ҳал қилувчи ҳисобланади.
8-боб. Вазирлик ва тизим ташкилотларининг ходимларини моддий рағбатлантиришни таъминлаш юзасидан масъулият
23. Вазирлик ва тизим ташкилотларининг раҳбарлари ва бош бухгалтерлари ходимлар меҳнатини нормалаш ва ҳисобга олишнинг ташкил этилиши, лавозим маошлари ва тариф ставкаларининг тўғри белгиланганлиги, ушбу Низомда назарда тутилган қўшимчалар, устамалар ва мукофотларнинг тўғри ҳисоблаб чиқилганлиги учун шахсан жавоб берадилар.
Ўзбекистон Республикасининг Бош вазири А. АРИПОВ
Тошкент ш.,
2017 йил 22 июнь,
409-сон
Oʻzbekiston Respublikasi Vazirlar Mahkamasining
qarori
NIZOM
Qurilish va uy-joy kommunal xoʻjaligi vazirligi tizimi xodimlarini moddiy ragʻbatlantirish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasi Uy-joy kommunal xizmat koʻrsatish vazirligi faoliyatini tashkil etish toʻgʻrisida” 2017-yil 18-apreldagi PQ-2900-son qarorini bajarish yuzasidan, shuningdek Qurilish va uy-joy kommunal xoʻjaligi vazirligi tizimi xodimlari kasblarining jozibadorligini oshirish va ularni ijtimoiy muhofaza qilishni takomillashtirish maqsadida Vazirlar Mahkamasi qaror qiladi:
1. Qurilish va uy-joy kommunal xoʻjaligi vazirligi tizimi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizom ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov zimmasiga yuklansin.
Vazirlar Mahkamasining 2017-yil 22-iyundagi 409-son qaroriga ILOVA
Qurilish va uy-joy kommunal xoʻjaligi vazirligi tizimi xodimlari mehnatiga haq toʻlash va ularni moddiy ragʻbatlantirish tartibi toʻgʻrisida
1-bob. Umumiy qoidalar
1 Ushbu Nizom quyidagi xodimlarning mehnatiga haq toʻlash va ularni moddiy ragʻbatlantirish tartibini belgilaydi:
Oʻzbekiston Respublikasi Qurilish va uy-joy kommunal xoʻjaligi vazirligi (keyingi oʻrinlarda — Vazirlik) markaziy apparati, uning tashkiliy tuzilmasiga kiradigan Oʻzbekiston Respublikasi Davlat budjeti mablagʻlari hisobiga moliyalashtiriladigan hududiy boʻlinmalari, tasarrufidagi tashkilotlar va budjetdan mablagʻ oluvchi buyurtmachi tashkilotlari (keyingi oʻrinlarda budjet tashkilotlari deb ataladi) xodimlari;
Vazirlik tizimiga kiradigan va oʻzini oʻzi moliyalashtiradigan (xoʻjalik hisobida faoliyat yuritadigan) tashkilotlar (keyingi oʻrinlarda — tizim tashkilotlari) xodimlari.
2. Vazirlik va tizim tashkilotlari xodimlari mehnatiga haq toʻlash Oʻzbekiston Respublikasi Mehnat kodeksiga , ushbu Nizomga, boshqa qonun hujjatlariga, jamoaviy shartnomalarga, shuningdek boshqa mahalliy normativ hujjatlarga muvofiq amalga oshiriladi va u quyidagilarni oʻz ichiga oladi:
lavozim maoshlari (tarif stavkalari);
lavozim maoshlariga qoʻshimchalar va ustamalar;
ragʻbatlantiruvchi toʻlovlar;
mehnatning yakuniy natijalariga koʻra belgilanadigan mukofotlar.
3. Tizim tashkilotlari xodimlarining lavozim maoshlariga qoʻshimchalar va ustamalar, shuningdek mukofotlar mazkur tashkilotlarning rahbarlari tomonidan, belgilangan tartibda moliyaviy imkoniyatlardan kelib chiqqan holda belgilanadi.
2-bob. Lavozim maoshlarini (tarif stavkalarini) belgilash tartibi
4. Boshqaruv xodimlarining, xizmat koʻrsatuvchi va texnik xodimlarning lavozim maoshlari, shuningdek ishchilarning tarif stavkalari qonun hujjatlariga muvofiq Mehnatga haq toʻlash boʻyicha yagona tarif setkasi asosida belgilanadi.
Xodimning lavozim maoshi belgilangan mehnatga haq toʻlashning eng kam miqdorini yagona tarif setkasining tegishli razryadi tarif koeffitsiyentiga koʻpaytirish yoʻli bilan aniqlanadi (oshirilgan va ragʻbatlantiruvchi koeffitsiyentni inobatga olgan holda).
Soatbay tarif setkasi miqdori xodimning lavozim maoshini (tarif stavkasini) besh kunlik ish haftasi asosida, ish vaqti normal davom etgan taqdirda ish soatlarining oʻrtacha oylik miqdoriga boʻlish yoʻli bilan aniqlanadi.
Vazirlik, budjet tashkilotlari va uning tashkiliy tuzilmasiga kiradigan tashkilotlar xodimlarining Yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshi, lavozim maoshiga ustama haqlar, bayram puli, choraklik mukofot puli hamda boshqa toʻlovlar va ustamalarni belgilashda tarif koeffitsiyenti 1,8 baravarga oshirilgan miqdorda qoʻllaniladi.
Tizim tashkilotlari xodimlariga Vazirlik markaziy apparati xodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi, shuningdek, zarur hollarda boshqacha shartlar qoʻllanishi mumkin.
6. Xodimlarning lavozim maoshlarini oʻzgartirish quyidagi holatlarda amalga oshiriladi:
Oʻzbekiston Respublikasi Prezidenti qarorlari bilan belgilangan mehnatga haq toʻlashning eng kam miqdoriga muvofiq ish haqi miqdorlari oshirilganda;
xodim ushbu tashkilotda boshqa lavozimga oʻtganda yoki xodimga yanada yuqori malaka razryadi berilganda.
Oʻzbekiston Respublikasi Prezidenti va Vazirlar Mahkamasining qarorlari bilan tegishli tartib-taomillar belgilanganda.
3-bob. Qoʻshimchalar va ustamalar
7. Vazirlik va budjet tashkilotlari xodimlariga mehnat toʻgʻrisidagi qonunchilikka muvofiq Oʻzbekiston Respublikasi Davlat budjeti mablagʻlari hisobidan lavozim maoshiga quyidagi qoʻshimchalar va ustamalar toʻlanadi (oshirilgan va ragʻbatlantiruvchi koeffitsiyentni inobatga olgan holda).
ish vaqtidan boshqa vaqtlarda, dam olish va bayram kunlarida ishlaganlik uchun — soatbay tarif stavkasidan kelib chiqqan holda 2 baravar miqdorida;
tungi vaqtda ishlaganlik uchun — soatbay tarif stavkasidan kelib chiqqan holda 1,5 baravar miqdorida;
uzoq muddat ishlaganlik uchun har oylik ustamalar (oshirilgan va ragʻbatlantiruvchi koeffitsiyentlarni inobatga olgan holda) lavozim maoshiga foiz miqdorida toʻlanadi (toʻlash shartlari, miqdori va tartibi mahalliy hujjatlar bilan belgilanadi).
Jamoa kelishuvlarida, jamoa shartnomasida, ish beruvchi tomonidan kasaba uyushmasi qoʻmitasi bilan kelishuvga koʻra qabul qilinadigan ichki hujjatlarda, mehnat toʻgʻrisidagi qonunchilikka muvofiq mehnat shartnomasida belgilangan boshqa qoʻshimcha toʻlovlar, ustamalar, ragʻbatlantirish, bayram va mukofot pullari toʻlanadi hamda moddiy yordamlar koʻrsatiladi.
8. Tizim tashkilotlari xodimlariga tashkilotlarning oʻz mablagʻlari hisobidan lavozim maoshiga (oshirilgan va ragʻbatlantiruvchi koeffitsiyentni inobatga olgan holda) quyidagi qoʻshimchalar va ustamalar belgilanishi mumkin:
kasblarni (lavozimlarni) qoʻshib bajarganlik va xizmat koʻrsatish hududini kengaytirganlik uchun — amalda bajarilgan ishlar uchun;
dam olish va bayram kunlarida ishlaganlik uchun — soatbay tarif stavkasidan kelib chiqqan holda ikki baravar miqdorda;
uzoq muddat ishlaganlik uchun lavozim maoshiga foizlar hisobida — har oyda ushbu Nizomning 7-bandida nazarda tutilgan miqdorlarda va shartlarda.
Shuningdek, jamoa kelishuvlarida, jamoa shartnomasida, ish beruvchi tomonidan kasaba uyushmasi qoʻmitasi bilan kelishuvga koʻra qabul qilinadigan ichki hujjatlarda, mehnat toʻgʻrisidagi qonunchilikka muvofiq mehnat shartnomasida belgilangan boshqa qoʻshimchalar, ustamalar, ragʻbatlantirish, bayram va mukofot pullari toʻlanadi hamda moddiy yordamlar koʻrsatiladi.
4-bob. Vazirlik xodimlarini mukofotlash va ularga moddiy yordam koʻrsatish tartibi
10. Vazirlik xodimlarini mukofotlash va ularga moddiy yordam koʻrsatish Davlat budjeti va Qurilish va uy-joy kommunal xoʻjaligi vazirligi faoliyatini qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan amalga oshiriladi.
Budjet tashkilotlari xodimlarini mukofotlash va ularga moddiy yordam koʻrsatish Davlat budjeti va budjetdan tashqari mablagʻlar hisobidan amalga oshiriladi.
11. Vazirlik va budjet tashkilotlari xodimlariga bayram kunlari uchun shtat jadvaliga muvofiq lavozim maoshining ikki baravari miqdorida mukofot toʻlanadi.
12. Mukofotlarning aniq miqdorlarini belgilash uchun Vazirlikda budjet tashkilotlari xodimlarini mukofotlash tartibini belgilash komissiyasi (keyingi oʻrinlarda — komissiya) tashkil etiladi.
Aʼzolari soni kamida 6 kishidan iborat boʻlgan komissiyaning tarkibi Oʻzbekiston Respublikasi qurilish va uy-joy kommunal xoʻjaligi vaziri tomonidan tuziladi.
Komissiya qarori koʻpchilik ovoz bilan qabul qilinadi va tegishli bayon bilan rasmiylashtiriladi. Ovozlar teng boʻlgan taqdirda, raisning ovozi hal qiluvchi hisoblanadi.
13. Oʻzbekiston Respublikasi qurilish va uy-joy kommunal xoʻjaligi vaziri tomonidan tasdiqlanadigan Vazirlik tizimi xodimlari faoliyatini baholashning tarmoq reyting tizimiga muvofiq lavozim maoshiga quyidagi miqdorlarda har oylik shaxsiy ustamalar toʻlanadi:
70 balldan 75 ballgacha toʻplaganlarga — 50 foiz;
76 balldan 80 ballgacha toʻplaganlarga — 75 foiz;
81 balldan 85 ballgacha toʻplaganlarga — 100 foiz;
86 balldan 90 ballgacha toʻplaganlarga — 125 foiz;
91 balldan 95 ballgacha toʻplaganlarga — 150 foiz;
96 balldan 100 ballgacha toʻplaganlarga — 200 foiz.
Budjet tashkilotlari va tizim tashkilotlari tomonidan tuziladigan Komissiyalar hamda ishlab chiqilgan reyting ballari shkalasiga muvofiq budjet tashkilotlarining budjetdan tashqari mablagʻlari (budjetdan mablagʻ oluvchi buyurtmachi tashkilotlarda — buyurtmachining saqlash xarajatlari uchun ajratilgan mablagʻlar) va tizim tashkilotlarining oʻz mablagʻlari hisobidan xodimlar faoliyatini baholashning reyting tizimiga muvofiq lavozim maoshiga har oylik ustamalar toʻlanadi.
14. Vazirlik xodimlariga quyidagilar toʻlanadi:
yoʻlkira va ovqatlanish uchun — bazaviy hisoblash miqdorining uch baravari miqdorida har oylik kompensatsiya;
qishloq xoʻjaligi mahsulotlari va qand-shakar xarid qilish uchun — bazaviy hisoblash miqdorining oʻn baravaridan koʻp boʻlmagan miqdorda bir yoʻla moddiy yordam;
vazirlik va tizim tashkiloti xodimlariga jamoa kelishuvlarida, jamoa shartnomasida, ish beruvchi tomonidan kasaba uyushmasi qoʻmitasi bilan kelishuvga koʻra qabul qilinadigan ichki hujjatlarida, mehnat toʻgʻrisidagi qonunchilikka muvofiq mehnat shartnomasida belgilangan boshqa qoʻshimcha toʻlovlar, ustamalar, ragʻbatlantirish, bayram va mukofot pullari, moddiy yordam va boshqa turdagi toʻlovlar budjet tashkilotlarining budjetdan tashqari mablagʻlari (budjetdan mablagʻ oluvchi buyurtmachi tashkilotlarida — buyurtmachining saqlash xarajatlari uchun ajratilgan mablagʻlar) va tizim tashkilotlarining oʻz mablagʻlari hisobidan.
5-bob. Tizim tashkilotlari xodimlarini mukofotlash va ularga moddiy yordam koʻrsatish tartibi
15. Tizim tashkilotlari xodimlarini mukofotlash umuman tashkilot boʻyicha belgilangan asosiy koʻrsatkichlarni bajarilganda, shuningdek ishlab chiqarish samaradorligini oshirishga, xarajatlarni kamaytirishga va ishlab chiqarishning ichki rezervlaridan foydalanishga yoʻnaltirilgan tadbirlar oʻz vaqtida bajarilganda hamda kutilayotgan samaraga erishilganda hisobot davridagi ishlarning natijalari boʻyicha amalga oshiriladi.
Oʻzining funksional vazifalarini oʻz vaqtida, sifatli bajarish va tashkilot faoliyati natijalariga shaxsiy ulush qoʻshish tizim tashkilotlari xodimlariga alohida shaxsiy oʻrnak koʻrsatganlik uchun mukofot belgilash uchun asosiy koʻrsatkichlar hisoblanadi. Tizim tashkilotlari xodimlarini mukofotlashning aniq koʻrsatkichlari tegishli tashkilotlar rahbarlari tomonidan kasaba uyushma qoʻmitasi bilan kelishilgan holda belgilanadi.
17. Tizim tashkilotlari xodimlarini bayram kunlarida mukofotlash miqdorlari tegishli tashkilotlarning rahbarlari tomonidan, moliyaviy imkoniyatlardan kelib chiqqan holda belgilanadi.
18. Tizim tashkilotlari xodimlariga moddiy yordam toʻlash ushbu Nizomning 15-bandida nazarda tutilgan miqdorlarda va shartlarda amalga oshiriladi.
5 1 -bob. Vazirlik huzuridagi davlat muassasasi shaklidagi Issiqlik taʼminoti obyektlari boʻyicha injiniring kompaniyasi (keyingi oʻrinlarda — Injiniring kompaniyasi) xodimlarining mehnatiga haq toʻlash va ularni moddiy ragʻbatlantirish tartibi
18 1 . Injiniring kompaniyasi xodimlarini mukofotlash va ularga moddiy yordam koʻrsatish issiqlik taʼminoti obyektlarini qurish hamda rekonstruksiya qilish loyihalarini amalga oshirish doirasida buyurtmachini saqlash xarajatlarini belgilangan tartibda nazarda tutadigan Davlat budjeti mablagʻlari hamda qonunchilik hujjatlari bilan taqiqlanmagan boshqa manbalar hisobidan amalga oshiriladi.
18 2 . Injiniring kompaniyasi xodimlariga:
ish vaqtidan boshqa vaqtlarda, dam olish va bayram kunlarida, tungi vaqtda ishlaganlik, shuningdek, uzoq muddat ishlaganlik uchun ushbu Nizomning 7-8-bandlarida nazarda tutilgan tartibda lavozim maoshiga ustamalar;
ovqatlanish xarajatlarini qoplash uchun — bazaviy hisoblash miqdorining bir baravari miqdorida har oylik toʻlov;
yoʻlkira xarajatlarini qoplash uchun — bazaviy hisoblash miqdorining bir baravari miqdorida har oylik toʻlov, xizmat avtotransporti biriktirilgan xodimlar bundan mustasno;
qishloq xoʻjaligi mahsulotlarini sotib olish uchun — bazaviy hisoblash miqdorining oʻn baravaridan koʻp boʻlmagan miqdorda bir yoʻla moddiy yordam puli toʻlanadi;
18 3 . Mukofotlar va ustamalarning aniq miqdorini belgilash uchun Injiniring kompaniyalarida xodimlarni mukofotlash tartibini belgilash komissiyasi (keyingi oʻrinlarda — komissiya) tashkil etiladi.
Komissiya Injiniring kompaniyasi rahbarining qarori bilan 7 kishidan iborat tarkibda tuziladi. Komissiya qarori koʻpchilik ovoz bilan qabul qilinadi va tegishli bayonnoma bilan rasmiylashtiriladi. Ovozlar teng boʻlgan taqdirda, komissiya raisining ovozi hal qiluvchi hisoblanadi.
8-bob. Vazirlik va tizim tashkilotlarining xodimlarini moddiy ragʻbatlantirishni taʼminlash yuzasidan masʼuliyat
23. Vazirlik va tizim tashkilotlarining rahbarlari va bosh buxgalterlari xodimlar mehnatini normalash va hisobga olishning tashkil etilishi, lavozim maoshlari va tarif stavkalarining toʻgʻri belgilanganligi, ushbu Nizomda nazarda tutilgan qoʻshimchalar, ustamalar va mukofotlarning toʻgʻri hisoblab chiqilganligi uchun shaxsan javob beradilar.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 22-iyun,
409-son
Кабинета Министров Республики Узбекистан
Постановление
ПОЛОЖЕНИЕ
О мерах материального стимулирования работников системы министерства строительства и жилищно-коммунального хозяйства
Во исполнение постановления Президента Республики Узбекистан от 18 апреля 2017 года № ПП-2900 «Об организации деятельности Министерства жилищно-коммунального хозяйства Республики Узбекистан», а также в целях повышения привлекательности профессий работников Министерства строительства и жилищно-коммунального хозяйства и улучшения их социальной защиты Кабинет Министров постановляет:
1. Утвердить «Положение о порядке оплаты труда и материального стимулирования работников системы Министерства строительства и жилищно-коммунального хозяйства согласно приложению .
2. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова.
ПРИЛОЖЕНИЕ к постановлению Кабинета Министров от 22 июня 2017 года № 409
о порядке оплаты труда и материального стимулирования работников системы Министерства строительства и жилищно-коммунального хозяйства
Глава 1. Общие положения
1. Настоящее Положение определяет порядок оплаты труда и материального стимулирования работников:
Работники центрального аппарата Министерства строительства и жилищно-коммунального хозяйства Республики Узбекистан (далее — Министерство), территориальных подразделений, подведомственных организаций и заказчиков — получателей бюджетных средств (далее — бюджетные организации), входящих в его организационную структуру и финансируемые за счет Государственного бюджета Республики Узбекистан;
Работники входящих в систему министерства и самофинансируемых (функционирующих за счет хозрасчета) организаций (далее — системные организации).
2. Оплата труда работников министерств и системных организаций осуществляется в соответствии с Трудовым кодексом Республики Узбекистан, настоящим Положением, другими законодательными актами, коллективными договорами, а также иными локальными нормативными документами и включает в себя:
должностные оклады (тарифные ставки);
доплаты и надбавки к должностным окладам;
стимулирующие выплаты;
премии, устанавливаемые в зависимости от конечных результатов труда.
3. Доплаты и надбавки к заработной плате работников системных организаций, а также премии определяются в установленном порядке руководителями этих организаций исходя из финансовых возможностей.
Глава 2. Порядок определения должностных окладов (тарифных ставок)
4. Должностные оклады управленческого, обслуживающего и технического работника, а также тарифные ставки рабочих устанавливаются на основе Единой тарифной сетки по оплате труда в соответствии с законодательством.
Должностной оклад работника определяется путем умножения установленного минимального размера оплаты труда на тарифный коэффициент соответствующего разряда единой тарифной сетки (с учетом повышенного и стимулирующего коэффициента).
Размер часовой тарифной ставки определяется путем деления должностного оклада (тарифной ставки) работника на среднемесячное число рабочих часов при нормальной продолжительности рабочего времени на основе пятидневной рабочей недели.
В соответствии с утвержденными разрядами оплаты труда работников Министерства, бюджетных организаций и организаций, входящих в его организационную структуру, по Единой тарифной сетке при определении заработной платы, надбавки к заработной плате, праздничных, квартальных премии, других выплат и премий применяется тарифный коэффициент в размере, увеличенном в 1,8 раза.
На работников системных организаций распространяются условия оплаты труда и материального стимулирования, установленные для работников центрального аппарата Министерства, а также в необходимых случаях могут применяться иные условия.
6. Изменение должностных окладов работников осуществляется при:
повышении размеров заработной платы в соответствии с минимальным размером оплаты труда, установленной решениями Президента Республики Узбекистан;
переходе работника на другую должность в данной организации или присвоении работнику более высокого квалификационного разряда.
установлении соответствующих порядков и процедур постановлениями Президента Республики Узбекистан и Кабинета Министров.
Глава 3. Доплаты и надбавки
7. В соответствии с законодательством о труде работникам Министерства и бюджетных организаций выплачиваются следующие доплаты и надбавки к должностному окладу за счет Государственного бюджета Республики Узбекистан (с учетом повышенного и стимулирующего коэффициента).
за сверхурочное время, работу в выходные и праздничные дни — в 2-кратном размере, исходя из почасовой тарифной ставки;
за работу в ночное время — в 1,5-кратном размере, исходя из почасовой тарифной ставки;
ежемесячные надбавки за выслугу лет — в процентном отношении к должностному окладу (с учетом повышенного и стимулирующего коэффициента) (условия, размеры и порядок выплаты определяются локальными актами);
другие дополнительные выплаты, надбавки, поощрения, праздничные и премиальные выплаты, материальная помощь, установленные в коллективных соглашениях, коллективном договоре, внутренних документах, принимаемых работодателем по согласованию с профсоюзным комитетом, а также в трудовом договоре в соответствии с законодательством о труде.
8. За счет собственных средств организаций могут определяться следующие надбавки и премии к заработной плате работников системных организаций (с учетом повышенного и стимулирующего коэффициента):
за совмещение профессий (должностей) и расширение зоны обслуживания — за фактически выполненную работу;
за работу в выходные и праздничные дни — в двойном размере, исходя из почасовой тарифной ставки;
за выслугу лет в виде процентов к должностному окладу — ежемесячно в размерах и на условиях, предусмотренных пунктом 7 настоящего Положения.
другие дополнительные выплаты, надбавки, поощрения, праздничные и премиальные выплаты, материальная помощь, установленные в коллективных соглашениях, коллективном договоре, внутренних документах, принимаемых работодателем по согласованию с профсоюзным комитетом, а также в трудовом договоре в соответствии с законодательством о труде.
Глава 4. Порядок награждения и оказания финансовой помощи работникам Министерства
10. Награждение и оказание материальной поддержки работникам Министерства осуществляется за счет средств Государственного бюджета и Фонда поддержки деятельности Министерства строительства и жилищно-коммунального хозяйства (далее — Фонд).
Премирование работников бюджетных организаций и оказание им материальной помощи осуществляются за счет средств Государственного бюджета и внебюджетных средств.
11. Работникам Министерства и бюджетных организаций в праздничные дни выплачивается премия в размере двукратного должностного оклада согласно штатному расписанию.
12. Для определения точных размеров премий в Министерстве будет образована Комиссия по определению порядка премирования работников бюджетных организаций (далее — Комиссия).
Состав Комиссии, число членов которой должно быть не менее 6 человек, формируется министром строительства и жилищно-коммунального хозяйства Республики Узбекистан.
Решение Комиссии принимается большинством голосов и оформляется соответствующим протоколом. При равенстве голосов голос председателя является решающим.
13. В соответствии с отраслевой рейтинговой системой оценки эффективности деятельности работников системы Министерства, утверждаемой министром строительства и жилищно-коммунального хозяйства Республики Узбекистан, к должностным окладам выплачиваются ежемесячные персональные надбавки в следующих размерах:
набравшим от 70 баллов до 75 баллов — 50 процентов;
набравшим от 76 баллов до 80 баллов — 75 процентов;
набравшим от 81 баллов до 85 баллов — 100 процентов;
набравшим от 86 баллов до 90 баллов — 125 процентов;
набравшим от 91 баллов до 95 баллов — 150 процентов;
набравшим от 96 баллов до 100 баллов — 200 процентов.
На основании решений Комиссий, создаваемыми бюджетными организациями и системными организациями, а также согласно разработанной шкале рейтинговых баллов, за счет внебюджетных средств бюджетных организаций (в заказчиках – получателях бюджетных средств — за счет средств, выделенных на расходы по содержанию заказчика) и собственных средств системных организаций выплачиваются ежемесячные надбавки к должностному окладу в соответствии с рейтинговой системой оценки деятельности работников.
14. Работникам Министерства выплачиваются:
ежемесячная компенсация на проезд и питание — в трехкратном размере базовой расчетной величины;
единовременная материальная помощь на приобретение сельскохозяйственной продукции и сахара — в размере, не превышающем десятикратный размер базовой расчетной величины;
другие дополнительные выплаты, надбавки, поощрения, праздничные и премиальные выплаты, материальная помощь и другие виды выплат, установленные для работников Министерства и организаций системы в коллективных соглашениях, коллективном договоре, внутренних документах, принимаемых работодателем по согласованию с профсоюзным комитетом, а также в трудовом договоре в соответствии с законодательством о труде, за счет внебюджетных средств бюджетных организаций (в организациях-заказчиках, являющихся получателями бюджетных средств, — за счет средств, выделенных на содержание заказчика) и собственных средств организаций системы.
Глава 5. Порядок премирования работников системных организаций и оказания им финансовой помощи
15. Премирование труда работников системных организаций осуществляется по результатам работы в отчетном периоде при выполнении основных показателей, установленных для организации в целом, а также при своевременном проведении мероприятий, направленных на повышение эффективности производства, снижение затрат и использование внутренних резервов производства и при достижении ожидаемых результатов.
Своевременное, качественное выполнение своих функциональных задач и внесение личного вклада в результаты деятельности организации являются основными показателями для установления премий работникам системных организаций за проявление особого персонального примера. Точные показатели награждения работников системных организаций определяются руководителями соответствующих организаций по согласованию с профсоюзом.
17. Размер вознаграждения работников системных организаций в праздничные дни определяется руководителями соответствующих организаций исходя из финансовых возможностей.
18. Выплата материальной помощи работникам системных организаций осуществляется в размерах и на условиях, предусмотренных пунктом 15 настоящего Положения.
Глава 5 1 . Порядок оплаты труда и материального стимулирования работников Инжиниринговой компании по объектам теплоснабжения при Министерстве (далее — Инжиниринговая компания) в форме государственного учреждения
18 1 . Премирование работников Инжиниринговой компании и оказание им материальной помощи осуществляются за счет средств Государственного бюджета, предусматривающих в установленном порядке расходы на содержание заказчика в рамках реализации проектов строительства и реконструкции объектов теплоснабжения, а также за счет других источников, не запрещенных законодательством.
18 2 . Работникам Инжиниринговой компании выплачиваются:
надбавки к должностному окладу за сверхурочное время, работу в выходные и праздничные дни, в ночное время, а также за выслугу лет в порядке, предусмотренном пунктами 7-8 настоящего Положения;
ежемесячная выплата по возмещению расходов за питание — в размере одной базовой расчетной величины;
ежемесячная выплата по возмещению расходов за транспортные расходы — в размере одной базовой расчетной величины, за исключением работников, за которыми закреплен служебный автотранспорт;
единовременная материальная помощь для приобретения сельскохозяйственной продукции — в размере не более десятикратного размера базовой расчетной величины;
18 3 . Для определения точных размеров премий и надбавок в Инжиниринговых компаниях создается комиссия по определению порядка премирования работников (далее — комиссия).
Комиссия образуется решением руководителя Инжиниринговой компании в составе 7 человек. Решение комиссии принимается большинством голосов и оформляется соответствующим протоколом. При равенстве голосов голос председателя комиссии является решающим.
Глава 8. Ответственность за материальное стимулирование сотрудников Министерства и системных организаций
23. Руководители и главные бухгалтеры министерства и системных организаций несут персональную ответственность за организацию нормирования и учета труда сотрудников, правильное установление должностного оклада и тарифных ставок, правильный расчет доплат, надбавок и премий, предусмотренных настоящим Положением.
Премьер-министр Республики Узбекистан А. АРИПОВ
г. Ташкент,
22 июня 2017 г.,
№ 409