UzbekAI

Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг

Қарори

НИЗОМ

МАЪЛУМОТ

РЎЙХАТИ

Илмий даражалар берувчи илмий кенгаш тўғрисидаги низомни тасдиқлаш ҳақида

Ўзбекистон Республикаси Вазирлар Маҳкамасининг 2012 йил 28 декабрдаги 365-сон « Олий ўқув юртидан кейинги таълим ҳамда олий малакали илмий ва илмий-педагог кадрларни аттестациядан ўтказиш тизимини такомиллаштириш чора-тадбирлари тўғрисида »ги ҳамда 2017 йил 22 майдаги 304-сон « Олий ўқув юртидан кейинги таълим тизимини янада такомиллаштириш чора-тадбирлари тўғрисида »ги қарорларига мувофиқ Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсати қарор қилади:

1. Илмий даражалар берувчи илмий кенгаш тўғрисидаги низом иловага мувофиқ тасдиқлансин.

2. Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2016 йил 28 апрелдаги 224/7-сон «Фан доктори илмий даражасини берувчи илмий кенгаш тўғрисидаги низомни тасдиқлаш ҳақида»ги қарори (рўйхат рақами 2796, 2016 йил 8 июнь) (Ўзбекистон Республикаси қонун ҳужжатлари тўплами, 2016 й., 23-сон, 277-модда) ўз кучини йўқотган деб топилсин.

3. Мазкур қарор расмий эълон қилинган кундан эътиборан кучга киради.

Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2017 йил 31 майдаги 239/3-сон қарорига ИЛОВА

Илмий даражалар берувчи илмий кенгаш тўғрисида

Мазкур Низом Ўзбекистон Республикасининг «Таълим тўғрисида»ги Қонуни , Ўзбекистон Республикаси Президентининг 2017 йил 16 февралдаги ПФ-4958-сон «Олий ўқув юртидан кейинги таълим тизимини янада такомиллаштириш тўғрисида»ги Фармони ҳамда Ўзбекистон Республикаси Вазирлар Маҳкамасининг 2012 йил 28 декабрдаги 365-сон « Олий таълимдан кейинги таълим ҳамда олий малакали илмий ва илмий-педагог кадрларни аттестациядан ўтказиш тизимини такомиллаштириш чора-тадбирлари тўғрисида »ги ва 2017 йил 22 майдаги 304-сон « Олий таълимдан кейинги таълим тизимини янада такомиллаштириш чора-тадбирлари тўғрисида »ги қарорларига мувофиқ фалсафа доктори (Doctor of Philosophy, PhD) ва фан доктори (Doctor of Sciences, DSc) илмий даражаларини берувчи илмий кенгаш (бундан буён матнда Илмий кенгаш деб юритилади) фаолияти тартибини белгилайди.

1-боб. Умумий қоидалар

1. Мазкур Низомда қуйидаги асосий тушунчалар қўлланилади:

Илмий кенгаш — муайян фан тармоғининг (тармоқларининг) тегишли ихтисосликлари йўналишида талабгорлар учун кўзда тутилган аттестация тадбирларини амалга оширишни ташкил этиш юзасидан Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссияси (бундан буён матнда ОАК деб юритилади) қарори билан етакчи илмий ёки таълим ташкилоти ҳузурида муайян муддат давомида жамоатчилик асосида фаолият кўрсатиш учун тузилган илмий-ташкилий тузилма;

изланувчи — фалсафа доктори (PhD) ёки фан доктори (DSc) илмий даражасини олиш учун докторлик диссертациясини тайёрлаётган шахс;

талабгор — диссертацияси ҳимоя учун Илмий кенгашга қабул қилинган ва аттестация иши кўрилиш жараёнида бўлган шахс;

аттестация иши — талабгорнинг илмий даражасини тасдиқлаш юзасидан расмийлаштирилган ҳужжатлар тўплами;

диссертация — муаллиф томонидан шахсан олиб борилган, тадқиқот моҳияти тегишли талабларга жавоб берган, тугалланган ва мазмунан яхлит илмий иш сифатида илмий янгилиги ва амалий натижалари тизимли равишда асослаб берилган қўлёзма ҳуқуқига эга бўлган илмий асар;

диссертация автореферати — диссертация тадқиқоти юзасидан умумий маълумотлар келтирилиб, ишнинг илмий янгилиги ва амалий натижалари тизимли равишда умумлаштирилган ҳолда қисқача баён қилинган ҳамда нашр этилган ишлар юзасидан маълумотлар берилган ва белгиланган талаблар асосида расмийлаштирилган қўлёзма ҳуқуқига эга бўлган илмий асар;

диссертация бажарилган муассаса — илмий ёки таълим ташкилоти кенгаши қарори билан диссертация мавзуси бўйича тадқиқот олиб бориш учун масъул муассаса сифатида тасдиқланган муассаса;

экспертиза — ҳужжатларнинг моҳияти ва амалга оширилган аттестация тадбирларининг тегишли қонунчилик ҳужжатлари талабларига мувофиқлигини илмий ва меъёрий-техник жиҳатдан баҳолаш;

Илмий даража берувчи бир марталик илмий кенгаш (бундан буён матнда Бир марталик илмий кенгаш деб юритилади) — фақат битта фалсафа доктори (PhD) ёки фан доктори (DSc) диссертацияси ҳимоясини ташкил қилиш учун ОАК қарори билан тузилган вақтинчалик илмий-ташкилий тузилма;

Илмий кенгаш қошидаги илмий семинар (бундан буён матнда Илмий семинар деб юритилади) — диссертацияни якуний дастлабки экспертизадан ўтказадиган семинар;

диссертация ҳимояси — тадқиқот натижаларининг илмий янгилиги, хулосалари, тавсияларининг тўғрилиги ва асосланганлиги, диссертациянинг назарий ва амалий аҳамияти, талабгорнинг фанга қўшган ҳиссаси бўйича Илмий кенгашда илмий жамоатчилик олдида ўтказиладиган муҳокама;

илмий раҳбар — илмий изланишлар олиб бораётган изланувчига илмий ва ўқув-методик ёрдам кўрсатиш мақсадида белгиланган тартибда тайинланган, фаол тарзда илмий ва илмий-педагогик фаолият олиб борувчи фан доктори, шунингдек илмий унвонга эга бўлган фан номзоди ёки фалсафа доктори (PhD);

илмий консультант — фан доктори (DSc) илмий даражасини олиш учун илмий изланишлар олиб бораётган изланувчига илмий ва ўқув-методик ёрдам кўрсатиш мақсадида белгиланган тартибда тайинланган, фаол тарзда илмий ва илмий-педагогик фаолият олиб борувчи фан доктори;

жамоавий тақриз — ОАК томонидан юборилган диссертацияни кўриб чиқиш натижалари юзасидан Илмий кенгашнинг қўшимча хулосаси;

ҳисоб комиссияси — Илмий кенгаш мажлисида Илмий кенгаш аъзолари томонидан талабгорга илмий даража бериш бўйича ёпиқ овоз бериш асосида муносабат билдириш жараёнини ташкил этиш юзасидан мазкур Илмий кенгаш қарори билан тузилган вақтинчалик ишчи гуруҳ;

апелляция — илмий даражалар бериш ёки уларни беришни рад қилиш ёхуд илмий даражадан маҳрум этиш ёки уни тиклаш тўғрисидаги қарорлар юзасидан берилган мурожаат.

2. Илмий кенгаш диссертациялар экспертизасининг сифати, холислиги, диссертация ҳимояси учун зарур шароит яратилиши ва қабул қилган қарорларининг асослилиги учун масъул ҳисобланади.

2-боб. Илмий кенгашни тузиш, унинг фаолиятини тўхтатиб туриш ёки тугатиш

3. Ўз ҳузурида Илмий кенгаш тузиш учун илмий ёки таълим ташкилоти қуйидаги талабларга жавоб бериши керак:

штатида муайян фан тармоғида тан олинган ютуқларга, илмий-тадқиқот натижаларини амалиётга самарали жорий қилишга эришган, тегишли йўналишлар бўйича етарли илмий салоҳиятга — камида 2 нафар фан доктори ҳамда сифатли олий малакали илмий ва илмий-педагог кадрлар мавжудлиги;

штатида муайян фан тармоғи бўйича давлат грантлари ва халқаро грантлар, илмий лойиҳаларни (хўжалик шартномалари асосидаги илмий-тадқиқот лойиҳалари ва бошқаларни) бажаришда иштирок этаётган ҳамда ҳавола қилинаётган илмий ишлари, шу жумладан хорижий мамлакатларнинг нуфузли ихтисослашган илмий журналларида нашр қилинган илмий ишлари мавжуд бўлган ходимлар бўлиши;

тегишли йўналишлар бўйича доимий ишлаб турган илмий семинарларга, республика ва халқаро миқёсдаги конференция, семинар ва бошқа тадбирларни ташкил қилиш тажрибасига эга бўлиши;

олий таълимдан кейинги таълим.

4. Илмий кенгаш етакчи илмий ва таълим ташкилотлари ҳузурида мазкур ташкилотлар ёки муассасалар бўйсунувчи вазирлик ва идораларнинг мурожаатига асосан ОАК томонидан тузилади.

Ташкилот ёки муассаса Илмий кенгаш тузиш учун мазкур Низомнинг 3-бандида назарда тутилган талабларнинг барчасига жавоб бермаган тақдирда, тегишли вазирлик ва идораларнинг мурожаатларига асосан, ОАК томонидан илмий ва таълим ташкилотлари ҳузурида, истисно тариқасида, муассасалараро Илмий кенгаш тузилиши мумкин.

Илмий кенгашнинг таркиби, шу жумладан унинг раиси, раис ўринбосари (ўринбосарлари) ва илмий котиби тегишли вазирлик ва идораларнинг мурожаатига асосан ОАK томонидан муқобиллик асосида тасдиқланади. Илмий кенгаш ихтисосликлари бўйича етакчи мутахассис-олимлар — фан докторлари Илмий кенгаш раиси ва ўринбосари (ўринбосарлари) этиб тайинланади.

Илмий кенгаш ихтисослиги бўйича илмий даражага эга бўлган ҳамда Илмий кенгаш тузилаётган илмий ёки таълим ташкилотида штат асосида ишлайдиган мутахассис ОАК томонидан Илмий кенгаш илмий котиби этиб тайинланади.

5. Вазирлик ва идораларнинг мурожаатида Илмий кенгаш тузиш зарурати асослаб берилади ва унга мазкур Низомнинг 1-иловасига мувофиқ шаклдаги Илмий кенгаш таркибига киритиш кўзда тутилаётган шахслар тўғрисидаги маълумот ҳамда ушбу шахсларнинг объектив-маълумотномалари илова қилинади. Илмий кенгашнинг раиси, раис ўринбосари ва илмий котиблигига камида учтадан номзод кўрсатилиши лозим.

6. Илмий кенгаш аъзолари, қоида тариқасида, камида 9 нафар ва кўпи билан 21 нафар аъзодан иборат таркибда шакллантирилади.

Фан доктори (DSc) илмий даражасини берувчи илмий кенгаш фалсафа доктори (PhD) илмий даражасини олиш учун диссертация ҳимоясини ўтказиш ҳуқуқига эга.

Фан доктори (DSc) илмий даражасини берувчи илмий кенгаш таркибига Илмий кенгаш ҳар бир ихтисослигининг тегишли фан тармоғи бўйича камида 5 нафар фан доктори киритилади. Истисно тариқасида, Илмий кенгаш илмий котиби сифатида фаол илмий фаолият олиб бораётган ва катта илмий-амалий тажрибага эга бўлган фан номзоди ёхуд фалсафа доктори (PhD) ёки унга тенглаштирилган бошқа илмий даражага эга мутахассис (бундан буён матнда фалсафа доктори (PhD) деб юритилади) киритилиши мумкин.

Фалсафа доктори (PhD) илмий даражасини берувчи илмий кенгаш таркибига Илмий кенгаш ҳар бир ихтисослигининг тегишли фан тармоғи бўйича камида 5 нафар илмий даражага эга бўлган мутахассис киритилади. Бунда фан докторлари сони Илмий кенгаш аъзоларининг ярмидан кам бўлмаслиги лозим.

Юридик фанлар ва исломшунослик фанлари бўйича Илмий кенгаш таркибига, эксперимент тариқасида, илмий даражага эга бўлмаган юқори малакали ва тажрибали амалиётчи мутахассислар киритилиши мумкин. Бунда уларнинг сони Илмий кенгаш ҳар бир ихтисослигининг тегишли фан тармоғи бўйича аъзолари умумий сонининг 20 фоизидан ортиқ бўлмаслиги лозим.

7. Зарур ҳолларда, Илмий кенгаш таркибига Илмий кенгаш ихтисосликларига яқин ихтисослик бўйича илмий даражага эга бўлган шахслар ҳам киритилиши мумкин.

Бир шахс фақат битта фан тармоғининг битта ихтисослиги бўйича Илмий кенгашга киритилади ҳамда кўпи билан иккита Илмий кенгаш аъзоси бўлиши мумкин.

Илмий кенгаш аъзолигига тавсия этилаётган шахслар охирги 3 йил ичида камида 5 та илмий иш нашр эттирган бўлиши шарт. Мазкур талаб юридик фанлар ва исломшунослик фанлари бўйича Илмий кенгаш аъзолигига тавсия этилаётган илмий даражага эга бўлмаган юқори малакали ва тажрибали амалиётчи мутахассисларга нисбатан татбиқ этилмайди.

8. ОАК Раёсати ва ОАК эксперт кенгашларининг аъзолари Илмий кенгаш таркибига киритилмайди.

ОАК Раёсати аъзолари Илмий кенгашлар мажлисларида ва улар қошидаги Илмий семинарларда иштирок этишлари мумкин.

Илмий кенгаш раиси Илмий кенгаш фаолиятида иштирок эта олмаган тақдирда, унинг вазифасини вақтинча раис ўринбосарларидан бири бажаради.

9. Илмий кенгаш таркиби 3 йил муддатга тасдиқланади. Илмий кенгаш таркибининг камида 15 фоизи ҳар йили белгиланган тартибда янгиланиши зарур.

Илмий кенгаш аъзоси Илмий кенгаш таркибида сурункасига икки муддатдан ортиқ ишлаши мумкин эмас.

Илмий кенгаш таркибидан чиқарилган аъзолар унинг таркибига 1 йил ўтгандан кейин қайта киритилиши мумкин.

Илмий кенгаш раиси, раис ўринбосари (ўринбосарлари) ва илмий котиби тегишли вазифани 3 йил муддатга бажаради. Зиммасига юклатилган вазифаларни сифатли бажараётган Илмий кенгаш раиси, раис ўринбосари (ўринбосарлари) ва илмий котиби ўз вазифасини кейинги муддатда тегишли вазирлик ёки идоранинг мурожаатига асосан ОАК Раёсатининг қарори асосида давом эттириши мумкин.

10. Илмий кенгаш ихтисосликлари рўйхати ва Илмий кенгаш раиси тегишли вазирлик ва идораларнинг мурожаати ёки ОАК эксперт кенгашининг тавсиясига асосан ОАК томонидан ўзгартирилиши мумкин.

11. Илмий кенгаш таркибига Илмий кенгаш раисининг Илмий кенгаш тузилган илмий ёки таълим ташкилоти раҳбари билан келишилган мурожаати асосида ОАК томонидан ўзгартиришлар киритилиши мумкин. Бунда ўзгартиришлар аниқ кўрсатилиши, асослаб берилиши, шунингдек субъектив хусусиятга эга бўлмаслиги лозим.

12. Диссертация ихтисослиги ёки тегишли фан тармоғи бўйича Илмий кенгаш бўлмаган тақдирда, диссертация бажарилган муассаса диссертацияни дастлабки экспертизадан ўтказиб, диссертация ихтисослигига яқин келувчи Илмий кенгашга, бундай Илмий кенгаш бўлмаганда эса, тўғридан-тўғри ОАКга Бир марталик илмий кенгаш тузишни сўраб мурожаат қилади.

13. Бир марталик илмий кенгаш тузиш бўйича мурожаатга мазкур Низомнинг 1-иловасига мувофиқ шаклдаги Бир марталик илмий кенгаш таркибига киритиш кўзда тутилаётган шахслар тўғрисидаги маълумот ва ушбу шахсларнинг объектив-маълумотномалари ҳамда мазкур Низомнинг 2-иловасида келтирилган ҳужжатлар илова қилинади.

14. Диссертация бажарилган муассаса Бир марталик илмий кенгаш тузиш бўйича Илмий кенгашга мурожаат қилганда, тақдим этилган ҳужжатлар Илмий кенгаш раҳбарияти томонидан кўриб чиқилади.

Кўриб чиқиш натижалари ижобий бўлган тақдирда, Илмий кенгаш томонидан Бир марталик илмий кенгаш тузиш зарурлиги асослантирилиб, ОАКга мурожаат қилинади.

15. Тақдим этилган ҳужжатлар белгиланган тартибда ОАК томонидан кўриб чиқилиб, Бир марталик илмий кенгаш тузишнинг мақсадга мувофиқлиги ёхуд мақсадга мувофиқ эмаслиги бўйича хулоса берилади.

ОАК томонидан Бир марталик илмий кенгашни тузиш мақсадга мувофиқ деб топилганда, диссертация бажарилган муассаса ёки Илмий кенгаш мурожаатига мувофиқ ОАК қарори билан Бир марталик илмий кенгаш таркиби, шу жумладан раиси, раис ўринбосари (ўринбосарлари) ва илмий котиби тасдиқланади.

16. Бир марталик илмий кенгаш камида 11 нафар ва кўпи билан 15 нафар аъзодан иборат таркибда Илмий кенгаш таркибини шакллантириш бўйича мазкур Низомда белгиланган тартибда тузилади. Зарур ҳолларда, Бир марталик илмий кенгаш таркиби диссертация ихтисослигига яқин фан соҳалари бўйича илмий даражага эга бўлган шахслардан иборат таркибда тузилиши мумкин.

Диссертация бўйича етакчи ташкилот ва расмий оппонентлар ОАК томонидан тавсия этилиши мумкин.

17. ОАК томонидан Бир марталик илмий кенгашни тузиш мақсадга мувофиқ эмас деб топилганда, тегишли Илмий кенгаш ёки муассасага эътирозлар ва камчиликлар асослантирилган жавоб хати юборилади. Мазкур хатга ОАКнинг тегишли қарори илова қилинади.

ОАК томонидан билдирилган эътирозлар ва камчиликлар бартараф этилганда, диссертация муассаса ёки тегишли Илмий кенгаш томонидан, ОАК қарори чиққан кундан эътиборан 6 ой ўтгандан кейин қайта дастлабки экспертизадан ўтказилиб, Бир марталик илмий кенгаш тузишни сўраб такроран мурожаат қилиниши мумкин.

18. Бир марталик илмий кенгаш фаолияти Илмий кенгаш фаолиятини ташкил этиш бўйича мазкур Низомда белгиланган тартибда амалга оширилади.

19. Қуйидаги ҳолларда Илмий кенгаш фаолияти ОАК қарори асосида 6 ойгача тўхтатиб турилади:

Илмий кенгаш томонидан мунтазам равишда олий малакали илмий ва илмий-педагог кадрлар тайёрлаш ва уларни аттестациядан ўтказиш соҳасидаги қонунчилик ҳужжатлари талабларига жавоб бермайдиган ҳамда илмий жиҳатдан савияси паст диссертация ҳимоялари ўтказилиб, Илмий кенгаш томонидан улар юзасидан ижобий хулосалар берилганда;

Илмий кенгаш фаолияти давомида ҳимоя қилинган иккита диссертацияга ОАК томонидан рад жавоби берилганда;

Илмий кенгаш томонидан диссертация ҳимоясини ўтказиш тартиби сурункасига 2 марта бузилганда.

20. Илмий кенгаш фаолиятини тўхтатиб туриш тўғрисидаги ОАК қарорида унинг фаолиятини тўхтатиб туришга сабаб бўлган ҳолат ҳамда йўл қўйилган камчиликлар, шунингдек ушбу камчиликларни бартараф этиш бўйича тавсиялар ҳамда тўхтатиб туриш муддати кўрсатилади.

21. ОАК қарорида кўрсатилган муддат ичида тегишли камчиликлар бартараф этилгандан сўнг, ОАК қарорига асосан Илмий кенгаш ўз фаолиятини давом эттириши мумкин.

22. Фаолияти илгари бир марта тўхтатиб турилган Илмий кенгаш томонидан мазкур Низомнинг 19-бандида кўрсатилган ҳолатлардан бири такрорланса, бундай Илмий кенгаш фаолияти ОАК томонидан тугатилади. Илмий кенгаш фаолиятини тугатиш ОАК қарори асосида амалга оширилади. Илмий кенгаш фаолияти тугатилган тақдирда, умумий асосларда янгитдан Илмий кенгаш тузилиши мумкин.

3-боб. Кенгаш ишини ташкил этиш

23. Илмий кенгаш қонунийлик, холислик, очиқлик, шаффофлик ва тезкорлик принциплари асосида ОАK раҳбарлигида фаолият олиб боради. Илмий кенгаш фаолияти муассасанинг веб-сайти орқали ёритиб борилади.

24. Илмий кенгаш ўзи фаолият юритаётган муассасанинг расмий бланки ва Давлат герби тасвири туширилган муҳридан фойдаланади. Муассаса раҳбарияти томонидан Илмий кенгаш фаолият олиб бориши учун зарур шарт-шароитлар яратиб берилади.

25. Илмий кенгаш мажлислари:

диссертацияни ҳимояга қабул қилиш;

диссертация ҳимоясини ўтказиш;

ОАК томонидан юборилган диссертацияни, апелляцияларни, Илмий семинар ҳисоботини кўриб чиқиш;

илмий даражадан маҳрум этиш ёки уни тиклаш;

Илмий кенгаш фаолияти билан боғлиқ бошқа масалалар юзасидан ўтказилади.

26. Илмий кенгаш томонидан кўпи билан 4 та ихтисослик ёки фан тармоғи бўйича диссертациялар ҳимояга қабул қилиниши мумкин.

27. Илмий кенгаш мажлисида битта диссертация ҳимояси ёки битта жамоавий тақриз муҳокамаси, кун давомида эса, иккита масала юзасидан мажлис ўтказилиши мумкин. Диссертация ҳимоялари сессия тарзида ОАK рухсати билан ўтказилади.

28. Илмий кенгаш диссертация ҳимоясини ўтказиш навбатини режалаштиришда, биринчи ўринда, ОАK томонидан қўшимча хулоса олиш учун юборилган диссертацияларни кўриб чиқишга эътибор қаратиши лозим.

29. Илмий кенгаш раиси ҳар йили 10 январга қадар ҳузурида Илмий кенгаш тузилган муассасага ҳамда ОАKга ўтган йилнинг 31 декабрь ҳолатига кўра мазкур Низомнинг 3-иловасига мувофиқ шаклда Илмий кенгаш фаолияти бўйича ҳисобот беради.

30. Талабгор ўз диссертацияси ҳимоясига оид барча ҳужжатлар билан танишиш ва Илмий кенгаш раҳбариятидан барча масалалар хусусида малакали ёрдам олиш ҳуқуқига эга.

4-боб. Илмий кенгашда диссертацияни дастлабки экспертизадан ўтказиш

31. Диссертация бажарилган муассаса томонидан диссертацияни дастлабки экспертизадан ўтказиш натижалари бўйича ижобий хулоса берилганда, изланувчи томонидан Илмий кенгашга мазкур Низомнинг 2-иловасида келтирилган ҳужжатлар тақдим этилади.

32. Илмий кенгаш диссертация бажарилган муассасанинг хулосасидан қониқмаган тақдирда, диссертацияни қўшимча равишда экспертизага юбориши мумкин.

Илмий кенгаш томонидан диссертация дастлабки экспертизадан ўтказиш учун қабул қилиб олингандан сўнг, Илмий семинарга юборилади.

33. Изланувчи томонидан ҳужжатлар топширилган кундан эътиборан фалсафа доктори (PhD) илмий даражасини олиш учун диссертация 2 ой ичида, фан доктори (DSc) илмий даражасини олиш учун диссертация эса 3 ой ичида Илмий кенгаш томонидан дастлабки экспертизадан ўтказилади.

34. Диссертацияга холисона хулоса бериш ва Илмий кенгашга диссертацияни ҳимояга қабул қилиш юзасидан асосли тавсиялар бериш учун муайян ихтисослик (ихтисосликлар) бўйича Илмий кенгаш ҳузурида тузиладиган Илмий семинар масъул ҳисобланади.

Илмий семинар Илмий кенгаш назорати остида фаолият юритади.

35. Илмий семинар камида 15 нафар аъзодан, шу жумладан раис, раис ўринбосари ва илмий котибдан иборат таркибда ОАК билан келишилган ҳолда Илмий кенгаш раиси томонидан 2 йилгача бўлган муддатга тасдиқланади. Бир марталик илмий кенгаш томонидан тузиладиган Илмий семинар таркиби ҳузурида Илмий кенгаш тузилган илмий ёки таълим ташкилоти раҳбари билан келишилган ҳолда тўғридан-тўғри Бир марталик илмий кенгаш раиси томонидан тасдиқланади.

Илмий кенгаш раиси Илмий семинарнинг таркибига ОАК билан келишилган ҳолда ўзгартириш киритиши мумкин.

Илмий семинар таркибига Илмий кенгаш аъзолари, ОАКнинг тегишли эксперт кенгаши аъзолари, илмий ва илмий-педагогик фаолият кўрсатаётган мутахассис-олимлар ҳамда юқори малакали ва тажрибали амалиётчи мутахассислар киритилади.

36. Диссертация Илмий семинар раҳбарияти томонидан Илмий кенгаш раисининг (ўринбосарининг) йўлланмаси асосида Илмий кенгаш илмий котибидан қабул қилинади ва рўйхатга олинади ҳамда шу куннинг ўзида Илмий семинар аъзоларидан ёки бошқа мутахассис-олимлар орасидан 2 нафар тақризчи тайинланади.

Тақризчилар диссертация билан танишиб чиқиб, тақризларини фалсафа доктори (PhD) илмий даражасини олиш учун 15 кун ичида, фан доктори (DSc) илмий даражасини олиш учун эса 1 ой ичида Илмий семинар илмий котибига тақдим этади. Изланувчи Илмий семинар мажлисидан камида 5 кун олдин Илмий семинар илмий котиби томонидан тақризлар билан таништирилиши лозим.

37. Илмий семинар иши мажлис шаклида ташкил этилади. Мажлиснинг кун тартиби унинг аъзоларига мажлис ўтказилишидан камида 5 кун олдин Илмий семинар илмий котиби томонидан тарқатилади ҳамда Илмий кенгаш фаолият кўрсатиб турган муассаса веб-сайтида эълон қилинади.

Мажлисда Илмий семинарга аъзо бўлмаган мутахассислар ҳам иштирок этишлари мумкин.

Илмий семинар мажлиси Илмий семинар аъзоларининг камида учдан икки қисми иштирок этган тақдирда ваколатли ҳисобланади. Илмий семинар мажлиси раис, у бўлмаганда раис ўринбосари раҳбарлигида ўтказилади.

Илмий семинар мажлисида илмий котиб иштирок этмаган тақдирда, унинг вазифасини бажариш Илмий семинар раиси томонидан Илмий семинар аъзоларидан бирининг зиммасига юклатилади.

Бир вақтнинг ўзида раис, раис ўринбосари ва илмий котиб бўлмаса, Илмий семинар мажлиси ўтказилмайди.

38. Илмий семинарга раислик қилувчи мажлисни очиш вақтида қайд этиш варақаси асосида Илмий семинар аъзоларини мажлиснинг ваколатлилиги ҳақида хабардор қилиб, изланувчининг фамилияси, исми ва отасининг исми ҳамда диссертация мавзусини эълон қилиб, Илмий семинар илмий котибига сўз беради.

Изланувчи ҳақида Илмий семинар илмий котиби томонидан қисқача маълумот берилгандан сўнг, диссертациянинг моҳияти ва асосий ҳолатларини баён этиш учун сўз изланувчига берилади.

Изланувчининг маърузаси тугагач, савол-жавоблардан сўнг, тақризчиларга сўз берилади. Тақризчилардан бири узрли сабабларга кўра келмаган тақдирда, унинг тақризи Илмий семинар мажлисида илмий котиб томонидан тўлиқ ўқиб эшиттирилади. Тақризчиларнинг иккаласи ҳам бўлмаган тақдирда, Илмий семинар мажлисини ўтказиш бошқа вақтга қолдирилади.

Ҳар бир тақризчининг маърузасидан сўнг изланувчига сўз берилади.

Диссертация бўйича муҳокамада мажлисда иштирок этаётган барча шахслар қатнашиши мумкин.

Илмий семинар мажлисида раислик қилувчи мазкур диссертация бўйича тушган таклифларни навбатига қараб очиқ овозга қўяди.

Илмий семинарнинг Илмий кенгашга диссертацияни ҳимояга қабул қилиш тўғрисидаги хулосаси мажлисда иштирок этаётган Илмий семинар аъзоларининг камида учдан икки қисми томонидан ёқлаб овоз берилган тақдирда, қабул қилинган ҳисобланади. Мазкур хулоса «диссертация ҳимояга тавсия этилсин» ёки «диссертацияни қайта ишлаш тавсия этилсин» тарзида берилади. Илмий семинар хулосалари очиқ овоз бериш йўли билан қабул қилинади ва овоз бериш натижалари Илмий семинар баённомасида акс эттирилади. Баённомага Илмий семинар томонидан ишлаб чиқилган Илмий кенгаш хулосаси лойиҳаси ва зарур ҳолларда Илмий кенгаш таркибига қўшимча аъзолар киритиш бўйича таклифлар илова қилинади.

Агар илмий семинар муайян диссертация бўйича «диссертацияни қайта ишлаш тавсия этилсин» хулосасини қабул қилса, Илмий кенгаш расмий хат билан иш бажарилган муассасага диссертацияни қайтаради (йўлланма хатга изланувчи тақдим этган ҳужжатлар ҳамда илмий семинар томонидан кўрсатилган камчиликлар ва уларни бартараф этиш бўйича таклифлар илова қилинди). Илмий семинарда кўрсатилган камчиликлар бартараф этилгандан сўнг диссертация бажарилган муассаса томонидан камида 3 ойдан кейин диссертация дастлабки экспертизадан ўтказилади ва натижалари бўйича ижобий хулоса берилган тақдирда изланувчи томонидан Илмий кенгашга тегишли ҳужжатлар тақдим этилади.

39. Илмий семинар мажлиси баённомасида диссертация ҳимоясини ўтказиш учун асос бўлган ихтисосликка унинг мувофиқлиги, диссертациянинг илмий савияси, унинг илмий ва амалий аҳамияти, олинган натижаларнинг асосланганлиги, эълон қилинган ишларда диссертация натижалари қанчалик тўлиқ баён этилганлиги, илмий натижаларнинг амалиётга жорий этилганлиги, изланувчиларга қўйиладиган талабларнинг бажарилганлиги, диссертация ва диссертация авторефератини расмийлаштириш қай даражада бажарилганлиги ҳақидаги хулоса, шунингдек Илмий кенгашга диссертацияни ҳимояга қабул қилиш, расмий оппонентлар ва етакчи ташкилотни тайинлаш бўйича тавсия акс эттирилади.

Илмий семинар мажлисининг баённомаси раислик қилувчи ва илмий котиб томонидан имзоланади ҳамда Илмий кенгаш фаолият кўрсатиб турган муассаса раҳбари томонидан тасдиқланади ва унга муассасанинг гербли муҳри қўйилади. Илмий семинар баённомасига мажлисда иштирок этган аъзолар ва таклиф этилган шахсларнинг қайд варақаси нусхаси илова қилинади.

Илмий семинар баённомаси изланувчига ва Илмий кенгаш раисига Илмий семинар раиси ёки илмий котиби томонидан берилади.

Илмий семинарда диссертация фалсафа доктори (PhD) илмий даражасини олиш учун 1 ой ичида, фан доктори (DSc) илмий даражасини олиш учун эса 2 ой ичида муҳокамадан ўтказилади.

40. Илмий семинар фаолияти мазкур Низомда назарда тутилган талабларга мувофиқ ўтказилмаган ёки Илмий семинарда диссертацияга объектив баҳо берилмаган тақдирда, ОАК томонидан Илмий кенгашга Илмий семинар фаолиятини тўхтатиш ва уни қайта ташкил этиш тўғрисида таклиф берилади.

Илмий семинар раиси ҳар йили 10 декабрга қадар Илмий кенгаш раисига Илмий семинар фаолияти ҳақида ҳисобот тақдим этади. Ҳисобот эркин шаклда ёзилиб, унда Илмий семинарга топширилган ва кўриб чиқилган ишлар юзасидан аниқ маълумотлар келтирилиши керак.

Илмий кенгаш Илмий семинар ҳисоботини ўз мажлисида муҳокама қилади ва ўзининг йиллик ҳисоботи билан бирга уни ОАКга тақдим этади.

5-боб. Диссертацияни ҳимояга қабул қилиш

41. Диссертация бўйича Илмий семинарнинг ижобий хулосаси тақдим этилган кундан эътиборан 1 ой ичида Илмий кенгаш томонидан диссертация ҳимояга қабул қилиб олиниши ва бу ҳақда қарор чиқарилиши лозим.

42. Диссертация юзасидан салбий тақриз ва (ёки) хулоса берилган, лекин берилган салбий тақриз ва (ёки) хулосалар изланувчининг аризасига кўра кўриб чиқиш натижасида Илмий кенгаш томонидан асосли эмас, деб топилган тақдирдагина, Илмий кенгашда изланувчининг хоҳишига кўра диссертацияни ҳимояга қабул қилиш масаласи кўриб чиқилиши мумкин.

43. Диссертация ўз моҳиятига кўра Илмий кенгаш ихтисосликларига тўғри келмаган ёки изланувчи томонидан қонунчилик ҳужжатлари талабларига мувофиқ бажарилмаган тақдирда, диссертация Илмий кенгаш томонидан ҳимояга қабул қилинмайди. Бунда изланувчига диссертацияни Илмий кенгаш томонидан ҳимояга қабул қилмаслик сабаблари кўрсатилган мажлис баённомасидан кўчирма ҳамда изланувчи топширган барча ҳужжатлар қайтариб берилади.

44. Илмий кенгашнинг диссертацияни ҳимояга қабул қилиш тўғрисидаги қарори Илмий семинарнинг ижобий хулосасига асосан очиқ овоз бериш йўли билан мажлисда иштирок этаётган Илмий кенгаш аъзоларининг камида учдан икки қисми томонидан ёқлаб овоз берилсагина, қабул қилинган ҳисобланади.

Етакчи ташкилот ва расмий оппонентлар Илмий кенгаш томонидан диссертацияни ҳимояга қабул қилиш тўғрисида қарор қабул қилинганидан кейин тасдиқланади.

Илмий кенгашда диссертация ҳимояга қабул қилинган кундан бошлаб 5 кун ичида диссертация ва диссертация автореферати лойиҳаси Илмий кенгаш томонидан расмий оппонентлар ва етакчи ташкилотга кузатув хати орқали юборилади.

45. Илмий кенгаш диссертация йўналиши бўйича тадқиқотлар олиб бораётган олимларидан расмий оппонентлар тайинлайди.

Фалсафа доктори (PhD) илмий даражасини олиш учун диссертация бўйича 2 нафар расмий оппонент тайинланади, улардан бири фан доктори бўлиши керак, иккинчиси эса, фан доктори ёки фалсафа доктори (PhD) бўлиши мумкин. Расмий оппонентларнинг 1 нафари ҳимоя ўтаётган Илмий кенгаш аъзоси бўлиши керак.

Фан доктори (DSc) илмий даражасини олиш учун диссертация бўйича фан докторлари ёки профессорлар орасидан 3 нафар расмий оппонент тайинланади, бунда улардан 1 нафари ҳимоя ўтаётган Илмий кенгаш аъзоси бўлиши керак. Айрим ҳолларда, истисно тариқасида, Илмий кенгашнинг 2 нафар аъзоси ОАК билан келишилган ҳолда расмий оппонент бўлиши мумкин.

Расмий оппонентлар турли ташкилотларнинг ходимлари бўлиши лозим.

46. Қуйидагилар расмий оппонент бўла олмайдилар:

ОАK Раёсати аъзолари;

ОАK аппарати ходимлари;

ОАK эксперт кенгашлари аъзолари (эксперт кенгаши йўналишидаги диссертациялар бўйича);

диссертацияни кўриб чиқаётган Илмий кенгаш раиси, раис ўринбосари ва илмий котиби;

талабгорнинг илмий раҳбари (консультанти);

талабгорнинг илмий ишлари ҳаммуаллифлари;

диссертация бажарилган, талабгорнинг асосий иш жойи ёки ҳузурида Илмий кенгаш фаолият кўрсатаётган ёхуд илмий-тадқиқот ишлари бўйича талабгор буюртмачи ёки ижрочи (шерик ижрочи) бўлган илмий ҳамда таълим ташкилотларининг раҳбарлари ва уларнинг ўринбосарлари;

талабгор ишлаётган кафедра, лаборатория, сектор ёки бўлим ходимлари.

Зарур ҳолларда, Илмий кенгаш раисининг ўринбосари ёки илмий котиби ОАКнинг рухсати билан расмий оппонент қилиб тайинланиши мумкин.

47. Расмий оппонент диссертация, диссертация автореферати ва диссертация мавзуси бўйича эълон қилинган ишларни ўрганиб чиқиб, ўз фикрини Илмий кенгашга тақриз шаклида тақдим этади. Тақризда танланган мавзунинг долзарблиги, диссертацияда келтирилган илмий тафсилот, асосий натижалар, хулоса ҳамда амалий ва назарий тавсиялар қай даражада асосланганлиги ва янгилиги, шунингдек диссертациянинг унга қўйилган талабларга мувофиқлиги акс эттирилади.

Расмий оппонентларнинг тақризи нусхалари Илмий кенгаш томонидан диссертация ҳимоясидан камида 5 кун олдин талабгорга топширилиши керак.

Расмий оппонент ўзи тайёрлаган тақризнинг холис ва сифатли бўлиши ҳамда Илмий кенгаш белгилаган муддатда тақдим этилиши учун масъулдир.

Расмий оппонентнинг тақризи унга қўйилган талабларга жавоб бермаган тақдирда, Илмий кенгаш тақризни қайта ишлаш учун расмий оппонентга қайтариб беришга ёки расмий оппонентни алмаштиришга ҳақли. Бунда диссертация ҳимояси бошқа кунга қолдирилади.

48. Илмий кенгаш томонидан диссертация юзасидан етакчи ташкилот сифатида тегишли фан ёки иқтисодиёт тармоқларида ўз ютуқлари билан танилган салоҳиятли ташкилот тайинланади. Етакчи ташкилотлар рўйхати тегишли Илмий кенгаш тавсияси асосида ОАК томонидан тасдиқланади.

49. Қуйидаги ташкилотлар етакчи ташкилот бўлиши мумкин эмас:

диссертация бажарилган муассаса;

талабгор ишлаётган ташкилот;

талабгорнинг илмий-тадқиқот ишлари бўйича буюртмачи, ижрочи (шерик ижрочи) бўлган ташкилот;

ҳузурида Илмий кенгаш фаолият юритаётган муассаса;

расмий оппонентлар ва илмий раҳбарнинг (консультантнинг) асосий иш жойи бўлган ташкилот.

50. Етакчи ташкилотнинг тақризида талабгор эришган натижаларнинг фан ва ишлаб чиқариш учун аҳамияти акс эттирилиши, шунингдек диссертация натижалари ва хулосаларидан фойдаланилганлиги тўғрисида маълумот ва фойдаланишга доир аниқ тавсиялар бўлиши керак.

Етакчи ташкилотнинг тақризи илмий семинар баённомасидан кенгайтирилган батафсил кўчирма шаклида ёзилиб, илмий семинар раиси ва илмий котиби томонидан имзоланади ҳамда шу ташкилот раҳбари ёки раҳбар ўринбосари томонидан тасдиқланади. Улар тақризнинг сифати ва холислиги учун шахсан масъулдир.

Етакчи ташкилот тақризининг нусхаси Илмий кенгаш томонидан диссертация ҳимоясидан камида 5 кун олдин талабгорга топширилади.

51. Етакчи ташкилотнинг тақризи унга қўйилган талабга жавоб бермаган тақдирда, Илмий кенгаш уни етакчи ташкилотга қайтариш ёки етакчи ташкилотни алмаштиришга ҳақли. У ҳолда диссертация ҳимояси бошқа кунга қолдирилади.

52. Илмий кенгаш томонидан хорижий мамлакатларнинг тегишли таълим муассасалари ва илмий марказлари келишув асосида етакчи ташкилот, чет эллик таниқли мутахассис-олим эса, унинг розилиги билан диссертация ҳимояси юзасидан расмий оппонент этиб тайинланиши мумкин.

53. Диссертация ҳимояга қабул қилингандан сўнг ундаги аниқланган ноаниқликлар ва хатоларни тузатишга йўл қўйилмайди.

54. Диссертацияни ҳимояга қабул қилиш тўғрисида қарор қабул қилингандан сўнг ва диссертация автореферати чоп этилишидан олдин Илмий кенгаш диссертация ҳимояси тўғрисида ОАK веб-сайтида эълон бериш учун ОАКга мазкур Низомнинг 4-иловасида келтирилган ҳужжатларни тақдим этади.

Диссертация ҳимояси ҳақида эълон тегишли ҳужжатлар тақдим этилган кундан эътиборан 15 кун ичида ОАКда тегишли ҳужжатлар меъёрий-техник экспертизадан ўтказилиб, талабларга мувофиқ бўлган тақдирда ОАК веб-сайтига жойлаштирилади.

ОАК меъёрий-техник экспертиза жараёнида диссертация ва авторефератда кўчирмачилик (плагиат) ҳолатини аниқлашнинг электрон экспертизасини ташкил қилади. Бунда кўчирмачилик (плагиат) бўйича ҳар қандай ҳол (ҳоллар) аниқланган тақдирда, ҳужжатлар Илмий кенгашга қайтарилади ва диссертация муҳокамадан олиб ташланади.

55. Диссертация ҳимояси тўғрисида ОАК веб-сайтида эълон берилганидан кейин Илмий кенгаш раиси томонидан диссертация авторефератини қўлёзма ҳуқуқи билан чоп этишга рухсат берилади ва диссертация ҳимоя қилинадиган кун тайинланади. Диссертация авторефератининг тўлиқ матни Илмий кенгашнинг илмий котиби томонидан ҳузурида Илмий кенгаш фаолият юритаётган муассасанинг веб-сайтига жойлаштирилиши, «ZiyoNET» таълим ахборот тармоғига жойлаштириш учун юборилиши таъминланади.

56. Диссертация ҳимояси ОАК веб-сайтида эълон берилгандан сўнг 40 кун ичида ўтказилиши шарт. Мазкур талаб Илмий кенгаш томонидан бажарилмаган тақдирда, диссертация ҳимоясини ўтказишга рухсат бериш масаласи ОАК Раёсати томонидан ҳал этилади.

57. Фалсафа доктори (PhD) илмий даражасини олиш учун тайёрланган диссертация автореферати ўзбек ва рус ёки инглиз тилларида 2 босма табоқ, ҳар бир тилда 1 босма табоқ ҳажмда тайёрланиб, унинг учинчи (рус ёки инглиз) тилидаги қисқача мазмуни ҳам берилади.

Фан доктори (DSc) илмий даражасини олиш учун тайёрланган диссертация автореферати ўзбек ва рус ёки инглиз тилларида 3 босма табоқ, ҳар бир тилда 1,5 босма табоқ ҳажмда тайёрланиб, унинг учинчи (рус ёки инглиз) тилидаги қисқача мазмуни ҳам берилади.

Диссертация автореферати Илмий кенгаш раисининг рухсати билан чоп этилади. Таржиманинг аниқлиги ва тўғрилиги учун талабгор, илмий раҳбар (консультант), диссертация бажарилган муассаса ва Илмий кенгаш масъулдир.

Ижтимоий-гуманитар фанлар соҳасидаги диссертация авторефератининг ҳажми кўпи билан 30 фоизга оширилиши мумкин.

Диссертация авторефератида диссертациянинг асосий ғояси ва хулосалари, янги илмий йўналиш ёки иқтисодиёт тармоғи муаммоси ечими баён қилинган, ўтказилган тадқиқотга талабгорнинг қўшган ҳиссаси, тадқиқот натижаларининг қай даражада янгилиги ва амалий аҳамияти кўрсатилиши керак.

Диссертация автореферати камида 60 нусхада чоп этилади.

58. Диссертациянинг бир нусхаси Илмий кенгаш томонидан у ҳимояга қабул қилинган кундан бошлаб 5 кун ичида, диссертация авторефератининг икки нусхаси эса, ҳимоядан камида 12 кун олдин ҳузурида Илмий кенгаш тузилган муассасанинг Ахборот-ресурс марказига топширилади ва бу ерда улар қўлёзма ҳуқуқи билан доимий сақланади.

59. Диссертация ҳимояси ўтказиладиган манзил, кун ва аниқ вақт ҳимоядан камида 12 кун олдин ҳузурида Илмий кенгаш фаолият юритаётган муассасанинг веб-сайти орқали маълум қилинади, шунингдек мазкур Низомнинг 5-иловасида кўрсатилган диссертация автореферати юборилиши шарт бўлган ташкилотлар рўйхатига ҳамда Илмий кенгаш томонидан тасдиқланадиган қўшимча рўйхатга асосан диссертация автореферати тарқатилади.

Илмий кенгаш томонидан тасдиқланган қўшимча рўйхатга Илмий кенгаш аъзолари, тегишли фан соҳалари бўйича илмий-мувофиқлаштирувчи марказлар, манфаатдор ташкилотлар ҳамда етакчи мутахассис-олимлар киритилади.

60. Диссертация автореферати Илмий кенгаш аъзолари ва ОАКга реестр асосида Илмий кенгаш илмий котиби томонидан топширилади, расмий оппонентлар ва етакчи ташкилотга кузатув хати орқали етказилади. Диссертация автореферати тарқатилиши шарт бўлган ташкилотлар ҳамда Илмий кенгаш тасдиқлаган рўйхат бўйича қолган шахсларга почта алоқаси бўлими орқали юборилади.

Илмий кенгашнинг ҳар бир аъзоси диссертация автореферати ва Илмий кенгаш фаолият юритаётган муассасанинг Ахборот-ресурс марказида сақланаётган диссертация билан батафсил танишиб чиқиши шарт. Илмий кенгаш аъзолари томонидан диссертация автореферати бўйича диссертация юзасидан тақриз берилиши мумкин.

6-боб. Диссертацияни ҳимоя қилиш юзасидан Илмий кенгаш мажлисини ўтказиш

61. Диссертацияни илмий жамоатчилик олдида ҳимоя қилиш жараёни илмий баҳс билан, юксак талабчанлик, қатъийлик, илмий ахлоқ-одобга риоя этилган ҳолда ўтиши, унда диссертациядаги барча илмий ва амалий хулоса ҳамда тавсияларнинг асосланганлиги таҳлил қилиниши лозим.

62. Илмий кенгаш мажлислари Илмий кенгаш раиси раҳбарлигида ўтказилади. Илмий кенгаш раиси, раис ўринбосари ва илмий котиби ўзи илмий раҳбар (консультант) бўлган талабгорнинг диссертацияси ҳимояси ўтказилаётганда, Илмий кенгаш мажлисида ушбу вазифаларни бажариши мумкин эмас. Бунда уларнинг вазифасини бажариш ҳузурида Илмий кенгаш фаолият юритаётган муассаса раҳбарининг буйруғи билан Илмий кенгаш аъзоларидан бирининг зиммасига вақтинча юклатилади.

Бир вақтнинг ўзида раис, раис ўринбосари ва илмий котиб ҳам бўлмаса, Илмий кенгаш мажлиси ўтказилмайди.

63. Илмий кенгаш мажлиси очилишидан олдин Илмий семинар томонидан тайёрланган Илмий кенгаш хулосаси лойиҳаси Илмий кенгаш аъзоларига тарқатилади.

64. Илмий кенгаш мажлиси унинг ишида аъзоларининг камида учдан икки қисми ва унда ҳимоя қилинаётган фан доктори (DSc) илмий даражасини олиш учун диссертациянинг (ҳар бир) ихтисослиги бўйича камида 3 нафар фан доктори, фалсафа доктори (PhD) илмий даражасини олиш учун диссертациянинг (ҳар бир) ихтисослиги бўйича эса, камида 2 нафар фан доктори ва 1 нафар фалсафа доктори (PhD) иштирок этганда ваколатли ҳисобланади.

Илмий кенгаш аъзоларининг мажлисда иштирок этаётганлиги ҳамда уларнинг Илмий кенгашдаги ихтисослиги, илмий даражалари мажлис стенограммасида қайд этилади.

65. Илмий кенгаш мажлиси очилгандан сўнг раис мазкур Низомнинг 6-иловасига мувофиқ шаклдаги Илмий кенгаш аъзоларининг қайд варақаси асосида мажлиснинг ваколатлилигини, диссертация мавзусини, расмий оппонентларнинг исм ва фамилияларини ҳамда етакчи ташкилот номини эълон қилади. Шундан сўнг илмий котиб томонидан талабгор топширган ҳужжатларнинг асосий мазмуни ва уларнинг белгиланган талабларга қай даражада мувофиқ келиши ҳақида маълумот берилади.

66. Талабгорга диссертациянинг моҳияти ва асосий ҳолатларини баён этиш ҳамда саволларга жавоб бериш учун сўз берилади. Илмий раҳбар (консультант) талабгордан кейин сўзга чиқади.

Илмий раҳбар (консультант) ўз фикрини якунлагач, илмий котиб томонидан диссертация бажарилган муассасанинг ва Илмий семинарнинг хулосалари, етакчи ташкилот тақризи, диссертация ва диссертация автореферати бўйича Илмий кенгашга келиб тушган бошқа тақризлар ўқиб эшиттирилади.

Илмий кенгашга диссертация ва диссертация автореферати бўйича кўп ижобий тақризлар келиб тушган тақдирда, Илмий кенгаш аъзоларининг розилиги билан илмий котиб томонидан тақризларда қайд этилган фикрлар қисқача баён қилинади, салбий тақризлар эса, тўлиқ ўқиб эшиттирилади. Тақризлар ўқиб эшиттирилгач, талабгорга сўз берилади. Талабгордан сўнг диссертация бўйича расмий оппонентлар сўзга чиқади. Ҳар бир расмий оппонентнинг нутқидан кейин талабгорга сўз берилади.

67. Фалсафа доктори (PhD) илмий даражасини олиш учун диссертация ҳимоясида, қоида тариқасида, расмий оппонентларнинг ҳаммаси қатнашиши шарт.

Фан доктори (DSc) илмий даражасини олиш учун диссертацияга ижобий тақриз берган битта расмий оппонент узрли сабабларга кўра диссертация ҳимоясида иштирок эта олмаган тақдирда, ҳимояга рухсат берилади. Бунда ушбу оппонентнинг тақризи илмий котиб томонидан Илмий кенгаш мажлисида тўлиқ ўқиб эшиттирилади.

68. Илмий кенгаш аъзолари ва мажлисда қатнашаётганларнинг барчаси илмий мунозарада иштирок этиш ҳуқуқига эга.

69. Диссертация ҳимояси ва мунозаралар тугагандан сўнг илмий даража бериш тўғрисидаги масала Илмий кенгаш томонидан яширин овоз бериш йўли билан ҳал этилади.

70. Яширин овоз бериш мазкур Низомнинг 7-иловасига мувофиқ шаклдаги бюллетень асосида ҳисоб комиссияси томонидан ўтказилади.

71. Ҳисоб комиссияси 3 кишидан иборат таркибда Илмий кенгаш мажлисида иштирок этаётган ва ҳал қилувчи овозга эга бўлган Илмий кенгаш аъзоларининг кўпчилик овози билан очиқ овоз бериш йўли билан сайланади.

72. Яширин овоз беришда Илмий кенгаш мажлисида иштирок этаётган ва ҳал қилувчи овозга эга бўлган Илмий кенгаш аъзолари қатнашади ва уларга ҳисоб комиссияси томонидан қайднома асосида бюллетень берилади.

Диссертация ҳимоясига кечикиб келган ёки ҳимоя тугашидан олдин кетиб қолган Илмий кенгаш аъзолари кворумни аниқлашда ҳисобга олинмайди ва яширин овоз беришда иштирок этмайди.

Ўзи аъзо бўлган Илмий кенгашда диссертация ҳимоя қилаётган талабгор овоз беришда иштирок этмайди ва мажлисдаги Илмий кенгаш аъзоларининг рўйхатида ҳисобга олинмайди.

73. Овоз бериш якунлангач, ҳисоб комиссияси аъзолари томонидан қутича очилиб, бюллетенлар саналади ва овоз бериш натижалари юзасидан мазкур Низомнинг 8-иловасига мувофиқ шаклдаги ҳисоб комиссияси мажлисининг баённомаси (бундан буён матнда ҳисоб комиссияси баённомаси деб юритилади) тузилади.

74. Тарқатилмаган бюллетенларга яширин овоз бериш бошланишидан олдин тегишли белги қўйилиб, ҳисоб комиссиясида қолдирилади ва қолган бюллетенлар ҳақида ҳисоб комиссияси баённомасида қайд қилинади. Фикрни аниқлаш имконини бермайдиган бюллетенлар яроқсиз деб топилади ва бу ҳақда ҳисоб комиссияси баённомасида қайд қилинади.

Ҳисоб комиссияси баённомаси расмийлаштирилгандан сўнг ҳисоб комиссияси томонидан барча бюллетенлар конвертга солиб муҳрланади ва ушбу баённомага илова қилинади. Ҳисоб комиссияси баённомаси яширин овоз беришда иштирок этган Илмий кенгаш аъзоларининг кўпчилик овози билан очиқ овоз бериш орқали тасдиқланади.

Ҳисоб комиссияси баённомаси тасдиқланмаган тақдирда, диссертация муҳокамаси давом эттирилади. Бунда ҳисоб комиссияси томонидан янги бюллетенлар тайёрланади ва белгиланган тартибда яширин овоз бериш қайта ўтказилади.

Ҳисоб комиссиясининг ишлаш тартиби бузилган тақдирда, ҳисоб комиссияси баённомасини тасдиқламаслик масаласи Илмий кенгаш томонидан кўриб чиқилиши мумкин.

75. Ҳисоб комиссияси баённомаси тасдиқлангандан сўнг илмий даража бериш масаласида ижобий қарор қабул қилинганда, Илмий кенгаш хулосаси лойиҳаси муҳокамага қўйилади.

76. Диссертация юзасидан Илмий кенгаш хулосасида қуйидагилар акс эттирилади:

талабгорнинг энг муҳим илмий натижалари;

илмий ва амалий натижаларнинг тўғрилиги ва янгилигига берилган баҳо;

диссертациянинг илмий ва амалий аҳамияти;

диссертация натижаларидан фойдаланилганлиги тўғрисида маълумот, фойдаланиш бўйича тавсиялар;

диссертациянинг унга қўйиладиган талаблардан қай бирига мослиги.

Хулоса очиқ овоз бериш йўли билан мажлисда иштирок этган Илмий кенгаш аъзоларининг кўпчилик овози билан қабул қилинади.

Илмий даража бериш масаласи юзасидан салбий қарор қабул қилинганда, хулоса муҳокамага қўйилмайди.

77. Диссертациянинг натижаларини амалиётга (фан, техника, соғлиқни сақлаш, ижтимоий соҳалар ва иқтисодиёт тармоқларининг бошқа соҳаларига) татбиқ қилинганлигини тасдиқловчи ҳужжатлар асосида талабгор томонидан ишлаб чиқилган тавсиялар Илмий кенгаш томонидан муҳокама қилинади ва тасдиқланади.

78. Илмий кенгаш томонидан овоз бериш натижалари асосида илмий даража бериш ёки уни беришни рад қилиш тўғрисида қарор қабул қилинади.

79. Илмий даража бериш масаласи юзасидан унга мажлисда иштирок этган ва овоз бериш ҳуқуқига эга бўлган Илмий кенгаш аъзоларининг камида учдан икки қисми томонидан ёқлаб овоз берилганда, ижобий қарор қабул қилинган ҳисобланади.

80. Илмий кенгашнинг қарори ўқиб эшиттирилгач, талабгорга якунловчи сўз берилади.

81. Илмий кенгаш томонидан ижобий қарор қабул қилинганда, диссертация ҳимоясидан кейин 10 кун ичида мазкур Низомнинг 9-иловасида келтирилган ҳужжатлардан иборат бўлган аттестация ишининг бир нусхаси ОАКга юборилади.

82. Аттестация ишининг иккинчи нусхаси муассаса архивида сақланади.

7-боб. ОАК томонидан юборилган диссертацияни кўриб чиқиш юзасидан Илмий кенгаш мажлисини ўтказиш.

83. Қўшимча хулоса олиш учун ОАК томонидан юборилган диссертация 2 ой ичида Илмий кенгаш томонидан кўриб чиқилади. Ушбу масала Илмий кенгаш мажлисида кўриб чиқилишидан олдин Илмий кенгаш аъзоларидан иборат бўлган 3 кишилик комиссияга талабгорнинг диссертацияси, экспертизанинг олдинги босқичларида билдирилган танқидий фикрларни ўрганиб чиқиш ва тегишли хулоса лойиҳасини Илмий кенгашга тақдим этиш топширилади.

84. Талабгор ўз диссертацияси кўриб чиқилаётган Илмий кенгаш мажлисига таклиф этилади. Талабгор комиссиянинг хулосаси билан олдиндан таништирилган бўлиши керак. Мажлисда талабгорнинг расмий оппонентлари, етакчи ташкилот вакиллари, зарур ҳолларда Илмий кенгаш томонидан таклиф этиладиган бошқа шахслар иштирок этиши мумкин.

Илмий кенгаш аъзоларининг мажлисда иштирок этаётганлиги ҳамда уларнинг Илмий кенгашдаги ихтисослиги ва илмий даражалари мажлис стенограммасида қайд этилади.

85. Илмий кенгаш мажлисини очиш вақтида раис мажлиснинг ваколатлилиги ҳақида Илмий кенгаш аъзоларини хабардор қилади.

Раис мажлисни очгандан сўнг мажлисда қўшимча хулоса олиш учун юборилган диссертация кўриб чиқилишини эълон қилади, диссертациянинг мавзусини, диссертация ҳимояси ўтказилган Илмий кенгашни, расмий оппонентларнинг исм ва фамилиялари ҳамда етакчи ташкилотни кўрсатиб ўтади.

Илмий кенгашнинг илмий котиби томонидан диссертация бўйича экспертизанинг олдинги босқичларида айтилган танқидий фикрлар ҳақида маълумот берилади.

Талабгор томонидан диссертациянинг моҳияти ва асосий ҳолатлари баён этилади. Бунда талабгорга саволлар берилиши мумкин.

86. Муҳокама комиссия аъзоларидан бирининг сўзга чиқиши билан бошланади. Илмий кенгаш мажлисида иштирок этаётган ҳар бир шахс сўзга чиқиш ҳуқуқига эга. Муҳокамадан сўнг талабгорга якунловчи сўз берилади ва Илмий кенгаш томонидан мазкур Низомнинг 70 — 74-бандларига мувофиқ яширин овоз бериш ўтказилади.

Кўриб чиқилган масала юзасидан мажлисда иштирок этган ва овоз бериш ҳуқуқига эга бўлган Илмий кенгаш аъзоларининг камида учдан икки қисми томонидан ёқлаб овоз берилганда, Илмий кенгаш томонидан ижобий қарор қабул қилинган ҳисобланади.

87. Баённома тасдиқлангач, Илмий кенгаш очиқ овоз бериш йўли билан мажлисда иштирок этган Илмий кенгаш аъзоларининг кўпчилик овози билан қўшимча хулоса матнини қабул қилади. Хулосада диссертация унга қўйиладиган талабларининг қай бирига жавоб бериши ёки жавоб бермаслиги кўрсатилади. Хулоса нусхаси талабгорга у тасдиқлангандан кейин берилади.

88. Яширин овоз бериш натижалари кўрсатилган ҳамда Илмий кенгаш раиси ва илмий котиби имзолаган стенограмма ва хулосанинг матни талабгорнинг диссертацияси билан бирга 10 кун ичида ОАКга юборилади.

8-боб. Илмий даражалардан маҳрум этиш ёки уларни тиклаш масалаларини кўриб чиқиш юзасидан Илмий кенгаш мажлисини ўтказиш

89. Илмий кенгаш мажлисига шахсни илмий даражадан маҳрум этиш ёки уни тиклаш масаласини қўйиш учун асос бўладиган материаллар тушган тақдирда, ушбу материалларнинг асослилигини ўрганиш Илмий кенгаш аъзолари орасидан камида беш кишидан иборат таркибда тузиладиган комиссияга топширилади.

Ўрганиш натижаларига асосан комиссия томонидан хулоса чиқарилади ва хулоса Илмий кенгашда кўриб чиқиш учун топширилади. Комиссия тайёрлаган материаллар Илмий кенгаш томонидан бир ой ичида кўриб чиқилиши лозим.

90. Илмий кенгаш мажлиси илмий даражадан маҳрум этиш ёки уни тиклаш масаласи қўйилган шахс иштирокида ўтказилади. Шахс бу ҳақда мажлис ўтказилишидан камида 10 кун олдин огоҳлантирилиши шарт. Агар шахс мажлисга узрсиз сабабларга кўра келмаса ёки мажлисга келишдан бош тортса, Илмий кенгаш томонидан унинг иштирокисиз мажлис ўтказиш тўғрисида қарор қабул қилинади. Мазкур шахс узрли сабабларга кўра мажлисга кела олмаслиги ҳақида хабардор қилиб, мажлисни бошқа кунга ёки бошқа вақтга қолдириш ҳақида олдиндан сўраб мурожаат қилганда, Илмий кенгаш мажлиси бошқа кунга ёки бошқа вақтга қолдирилади.

91. Илмий кенгаш раиси мажлисни очиш вақтида аъзоларни мажлиснинг ваколатлилиги тўғрисида хабардор қилади ҳамда мажлисда илмий даражадан маҳрум этиш ёки уни тиклаш ҳақидаги масала кўриб чиқилишини эълон қилади. Мазкур масала юзасидан комиссия аъзоларидан бири маъруза қилади. Маъруза тугагач, илмий даражадан маҳрум этиш ёки уни тиклаш масаласи қўйилган шахсга сўз берилади. Илмий кенгаш мажлисида иштирок этганларнинг барчаси сўзга чиқиш ҳуқуқига эга.

92. Муҳокамадан сўнг Илмий кенгаш томонидан мазкур Низомнинг 70 — 74-бандларига мувофиқ илмий даражадан маҳрум этиш ёки уни тиклаш юзасидан яширин овоз бериш ўтказилади. Илмий кенгашнинг илмий даражадан маҳрум этиш ёки уни тиклаш ҳақидаги қарори мажлисда иштирок этган ва овоз бериш ҳуқуқига эга бўлган Илмий кенгаш аъзоларининг камида учдан икки қисми томонидан ёқлаб овоз берилганда, қабул қилинган ҳисобланади.

93. Илмий кенгаш томонидан баённома тасдиқлангач, яширин овоз бериш натижаларига асосланган ҳолда очиқ овоз бериш йўли билан мажлисда иштирок этган Илмий кенгаш аъзоларининг кўпчилик овози билан қарор матни қабул қилинади. Қарорда кўриб чиқилган материалларнинг моҳияти ва натижалари аниқ-равшан кўрсатилиши ҳамда ОАКдан илмий даражадан маҳрум этиш ёки уни тиклашни сўраш учун етарли асос бор ёки йўқлиги тўғрисида хулоса бўлиши лозим.

Яширин овоз бериш натижалари ҳамда Илмий кенгаш қарори илмий даражадан маҳрум этиш ёки уни тиклаш масаласи қўйилган шахсга дарҳол маълум қилиниши лозим.

94. Илмий кенгаш томонидан шахсни илмий даражадан маҳрум этиш ёки уни тиклаш тўғрисида қарор қабул қилинган тақдирда, Илмий кенгаш раиси ва илмий котиби томонидан имзоланган Илмий кенгаш мажлисининг стенограммаси ва яширин овоз бериш натижалари кўрсатилган хулоса 10 кун ичида ОАКга юборилади.

9-боб. Апелляцияни кўриб чиқиш юзасидан Илмий кенгаш мажлисини ўтказиш

95. Манфаатдор шахс (шахслар) Илмий кенгаш қарори юзасидан апелляция берганда, Илмий кенгаш раиси томонидан Илмий кенгаш аъзолари орасидан камида беш кишидан иборат таркибда тузиладиган комиссияга зарур материалларни ўрганиб чиқиш ҳамда апелляция юзасидан Илмий кенгаш хулосаси лойиҳасини тайёрлаш топширилади.

Агар апелляция илмий даража бериш бўйича Илмий кенгаш қарори юзасидан берилган бўлса, Илмий кенгаш раиси бир ҳафта ичида бу ҳақда ОАКни хабардор қилади.

Апелляция Илмий кенгаш томонидан бир ойлик муддатда кўриб чиқилади.

96. Апелляция берган манфаатдор шахс (шахслар) мажлисдан камида 5 кун олдин хабардор қилиниб, Илмий кенгаш мажлисига таклиф этилади. Апелляция берган шахс узрли сабабларга кўра келмаган тақдирда, Илмий кенгаш мажлиси бошқа вақтга ёки бошқа кунга кўчирилади. Апелляция берган шахс узрсиз сабабларга кўра Илмий кенгаш мажлисига келмаган тақдирда, мажлис унинг иштирокисиз ўтказилади.

97. Илмий кенгаш раиси томонидан мажлисни очиш вақтида мажлиснинг ваколатлилиги ҳақида маълум қилинади.

Илмий кенгаш раиси мажлис очилгандан сўнг апелляция кўриб чиқилишини эълон қилади ва уни ўқиб эшиттириш учун илмий котибга сўз беради. Комиссия аъзоларидан бири комиссиянинг иши натижаларини ҳамда апелляция юзасидан Илмий кенгаш хулосаси лойиҳасини ўқиб эшиттиради.

Илмий кенгаш мажлисида иштирок этаётганларнинг барчаси муҳокамада иштирок этиш ҳуқуқига эга.

98. Муҳокама тугагандан сўнг Илмий кенгаш ёпиқ овоз бериш асосида мажлисда иштирок этган ва овоз бериш ҳуқуқига эга бўлган Илмий кенгаш аъзоларининг камида учдан икки қисмининг овози билан апелляция юзасидан хулоса қабул қилади.

Илмий кенгаш раиси ва илмий котиби томонидан имзоланган стенограмма ва яширин овоз бериш натижалари кўрсатилган апелляция юзасидан хулоса ҳамда кўриб чиқилган апелляция 10 кун ичида ОАКга юборилади.

10-боб. Якуний қоида

99. Мазкур Низом Ўзбекистон Республикаси Жисмоний тарбия ва спорт давлат қўмитаси, Маданият вазирлиги, Олий ва ўрта махсус таълим вазирлиги, Соғлиқни сақлаш вазирлиги, Халқ таълими вазирлиги, Қишлоқ ва сув хўжалиги вазирлиги, Ташқи ишлар вазирлиги, Фанлар академияси, Фан ва технологиялар агентлиги билан келишилган.

Келишилди:

Илмий даражалар берувчи илмий кенгаш тўғрисидаги низомга 1-ИЛОВА

Илмий кенгаш таркибига киритиш кўзда тутилаётган шахслар тўғрисидаги

__________________________________________________________________________________________________________________________________________________________________________________ҳузуридаги (муассасанинг номи, манзили) ___________________________________________________________________________________________________________________________________________________________________________________________ (шифрлар, ихтисосликлар ва фан тармоқларининг номи) бўйича Илмий кенгаш таркибига киритиш кўзда тутилаётган шахслар: Т/р Ф.И.О. Туғилган йили, миллати, фуқаролиги Асосий иш жойи, лавозими Илмий даражаси (диссертация ҳимоя қилинган ихтисослик шифри) Илмий унвони (ихтисослиги) Илмий кенгашдаги ихтисослиги ва фан тармоғи Охирги уч йил ичидаги асосий илмий ишлари Ихтисослик бўйича ташкил этган (этадиган) муаллифлик курси номи, давомийлиги, ўтказиш жойи муаллифлик курси бўлмаган ҳолда уни ташкил этиш режасидан маълумот 1 2 3 4 5 6 7 8 9 Асосий иш жойи Илмий кенгаш тузилаётган муассаса бўлган илмий кенгаш аъзолари _________ та, бошқа муассасалардан таклиф этилган мутахассислар __________ та. Ректор (директор) _____________ _______________________________________ (имзо) (Ф.И.О) (сана) М.Ў.

Илмий даражалар берувчи илмий кенгаш тўғрисидаги низомга 2-ИЛОВА

Илмий кенгаш ёки диссертация бажарилган муассаса томонидан Бир марталик илмий кенгаш тузиш бўйича ёки изланувчи томонидан илмий даражалар берувчи илмий кенгашга тақдим этиладиган ҳужжатлар

1. Диссертация бажарилган муассасанинг диссертацияни ҳимояга қабул қилиш ёки Бир марталик илмий кенгаш тузиш ҳақидаги мурожаати.

2. Изланувчи тўғрисидаги объектив-маълумотнома ва унинг электрон шакли ёзилган СD-диск.

5. Малакавий имтиҳонларни топширганлиги ҳақидаги гувоҳномалар (фалсафа доктори (PhD) илмий даражасига талабгор учун).

6. Диссертация бажарилган муассасанинг хулосаси.

7. Диссертация муҳокама қилинган ташкилотлар хулосалари (агар мавжуд бўлса).

8. Изланувчининг диссертация бажарилган муассаса томонидан тасдиқланган илмий ишлари рўйхати, асосий илмий ишлари нусхалари.

9. Илмий раҳбар (консультант)нинг тақризи.

10. Фан доктори (DSc) илмий даражасига талабгор учун фан номзоди ёки фалсафа доктори (PhD) ёхуд унга тенглаштирилган бошқа илмий даража диссертацияси автореферати.

11. Ҳаммуаллифликдаги илмий ишларни диссертацияга тўла ёки қисман киритиш учун ҳаммуаллифларнинг ёзма равишда билдирган розилиги.

12. Диссертация ва диссертация автореферати.

Илмий даражалар берувчи илмий кенгаш тўғрисидаги низомга 3-ИЛОВА

Илмий кенгашнинг 20____ йилдаги фаолияти ҳақида ҲИСОБ О Т ___________________________________________________________________________________________________________________________________________________________________________________ ҳузуридаги (муассасанинг номи) _______________________________________________________________________________________________________________________________ рақамли Илмий кенгаш ОАКнинг 20___ йил _____ ___________________ (илмий кенгаш шифри) даги _________-сон қарори билан тасдиқланган. Илмий кенгашга ______________________________________________________________________________________________________________________________________ ________________________________________ ихтисослигидан (ихтисослик шифри ва номи) ______________________________________________________________________________________________________________________________________________________________________________ фанлари бўйича (фан тармоғи) _______________________________________________________________________________________________________________________________________________________________________________ ихтисослигидан (ихтисослик шифри ва номи) _______________________________________________________________________________________________________________________________________________________________________________ фанлари бўйича (фан тармоғи) диссертацияларни ҳимояга қабул қилиб олишга рухсат этилган. Ҳисоботда қуйидаги маълумотлар бўлиши керак: 1. Ўтказилган мажлислар сони. 2. Илмий кенгаш аъзоларининг мажлисларда иштирок этиш фаоллиги: Т/р Илмий кенгаш аъзосининг Ф.И.О. (ихтисослик шифри) Иштирок этган мажлислари сони Мажлисларнинг умумий сонига нисбатан фоиз ҳисобида Муҳокамаларда иштирок этган мажлислари сони Расмий оппонент бўлган диссертациялари сони Фаоллик даражаси (фаол ёки нофаол) 1 2 3 4 5 6 3. Ҳисобот йилида Илмий кенгаш кўриб чиққан диссертацияларнинг қисқача таҳлили ҳамда қуйидагилар алоҳида кўрсатилиши лозим: кўриб чиқилган ишлар мавзусининг таҳлили ва мавзуларнинг иқтисодиёт тармоқларини ривожлантириш дастурларига боғлиқлиги ва илмий-тадқиқот ишларининг истиқболли йўналишларини аниқлашга доир таклифлар; кўриб чиқилган ишларнинг илмий натижаларидан иқтисодиёт тармоқларида қай даражада фойдаланилаётганлиги тўғрисида маълумот. 4. Фалсафа доктори (PhD) илмий даражаси олиш учун топширилган ва кўриб чиқилган диссертациялар ҳақида маълумот: Ихтисослик шифри Ихтисослик шифри Ихтисослик шифри фан тармоғи фан тармоғи фан тармоғи фан тармоғи фан тармоғи фан тармоғи 1 2 3 4 5 6 7 Дастлабки босқичда муҳокамадан олинган ишлар Диссертация ҳимояси якунлари бўйича ижобий қарор чиқарилган ишлар Шу жумладан бошқа ташкилотлардан хорижий мамлакатлардан Диссертация ҳимояси якунлари бўйича салбий қарор чиқарилган ишлар Шу жумладан бошқа ташкилотларда хорижий мамлакатлардан Қўшимча хулосалар берилган ишлар Илмий кенгаш муҳокамасига берилган ишлар сони (20_____ йил 31 декабрь ҳолатига) Изоҳ: 1. Маълумотлар каср шаклида берилади, унинг суратида кўриб чиқилган диссертациялар сони, махражида эса — таянч докторантурада (битирган вақтидан қатъи назар) тайёргарликдан ўтган талабгорлар диссертацияларининг сони кўрсатилади. 5. Фан доктори (DSc) илмий даражаси олиш учун топширилган ва кўриб чиқилган диссертациялар ҳақида маълумот: Ихтисослик шифри Ихтисослик шифри Ихтисослик шифри фан тармоғи фан тармоғи фан тармоғи фан тармоғи фан тармоғи фан тармоғи 1 2 3 4 5 6 7 Дастлабки босқичда муҳокамадан олинган ишлар Диссертация ҳимояси якунлари бўйича ижобий қарор чиқарилган ишлар Шу жумладан бошқа ташкилотлардан хорижий мамлакатлардан Диссертация ҳимояси якунлари бўйича салбий қарор чиқарилган ишлар Шу жумладан бошқа ташкилотларда хорижий мамлакатлардан Қўшимча хулосалар берилган ишлар Илмий кенгаш муҳокамасига берилган ишлар сони (20_____ йил 31 декабрь ҳолатига) Изоҳ: 1. Маълумотлар каср шаклида берилади, унинг суратида кўриб чиқилган диссертациялар сони, махражида эса — докторантурада (битирган вақтидан қатъи назар) тайёргарликдан ўтган талабгорлар диссертацияларининг сони кўрсатилади. 6. Илмий маъруза шаклида ҳимоя қилинган фан доктори ( DSc ) диссертациялари ҳимоялари тўғрисида маълумот: Т/р Ф.И.О. Ихтисослик шифри Фан тармоғи 1 2 3 7. Туташ ихтисосликларда бажарилган диссертациялар бўйича ўтказилган ҳимоялар тўғрисида маълумот: Т/р Ф.И.О. Илмий кенгашдаги ихтисослик шифри Ихтисослик шифри Фан тармоғи 1 2 3 4 2. Ихтисосликлар туташ келган мавзуда бажарилган диссертациялар учун ОАК қарорига асосан Илмий кенгашга қайси ихтисосликлар бўйича диссертация ҳимоясини ўтказиш ҳуқуқи берилган бўлса, фақат шу ихтисосликларгина кўрсатилади. 8. Ташкил этилган Бир марталик илмий кенгашларда ҳимоя қилинган диссертациялар ҳақида маълумот: Т/р Ф.И.О. Илмий кенгашдаги ихтисослик шифри Ихтисослик шифри Фан тармоғи 1 2 3 4 9. Диссертация ҳимоясисиз илмий даража берилганлар ҳақида маълумот: Т/р Ф.И.О. Илмий кенгашдаги ихтисослик шифри Ихтисослик шифри Фан тармоғи 1 2 3 4 10. Илмий кенгашнинг веб-сайти бўйича тўлиқ маълумотлар. 11. Диссертация ҳимоялари тўғрисида республика марказий газеталарида берилган эълонлар тўғрисида тўлиқ маълумот. 12. Аттестация ишини такомиллаштириш бўйича таклиф ва мулоҳазалар (мавжуд бўлса). Илмий кенгаш раиси __________ (имзо) __________________________________ (Ф.И.О.) Илмий кенгаш илмий котиби __________ (имзо) __________________________________ (Ф.И.О.) _____________________ (сана) М.Ў.

Илмий даражалар берувчи илмий кенгаш тўғрисидаги низомга 4-ИЛОВА

Диссертация ҳимояси ҳақида ОАК веб-сайтида эълон қилиш бўйича тақдим этиладиган ҳужжатлар

1. Илмий даражалар берувчи илмий кенгаш раиси имзолаган йўлланма хат.

2. Талабгор тўғрисидаги объектив-маълумотнома ва унинг электрон шакли ёзилган СD-диск.

3. Диссертация ҳимояси ҳақида эълон матни ва унинг электрон шакли ёзилган СD-диск.

4. Диссертация илмий натижаларининг амалиётга жорий этилгани тўғрисида берилган ҳужжатларнинг нусхалари.

5. Диссертация авторефератининг қўлёзмаси ҳамда диссертация ва авторефератнинг электрон шакли ёзилган СD-диск.

Илмий даражалар берувчи илмий кенгаш тўғрисидаги низомга 5-ИЛОВА

Диссертация автореферати юборилиши шарт бўлган ташкилотлар

1. Ўзбекистон Республикаси Олий Мажлисининг Сенати.

2. Ўзбекистон Республикаси Олий Мажлисининг Қонунчилик палатаси.

3. Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссияси.

4. Ўзбекистон Республикаси Олий таълим, фан ва инновациялар вазирлиги ҳузурида Инновацион ривожланиш агентлиги.

5. Алишер Навоий номидаги Ўзбекистон Миллий кутубхонаси.

6. Ўзбекистон Республикаси Фанлар академиясининг Асосий кутубхонаси.

7. Ўзбекистон Миллий энциклопедияси.

8. Ўзбекистон Республикаси Миллий китоб палатаси.

9. Ўзбекистон Республикаси Адлия вазирлиги (юридик фанлар бўйича бажарилган ишлар).

11. Ўзбекистон Республикаси Судьялар олий кенгаши ҳузуридаги Судьялар олий мактаби (юридик фанлар бўйича бажарилган ишлар).

12. Инсон ҳуқуқлари бўйича Ўзбекистон Республикаси Миллий маркази (юридик фанлар бўйича бажарилган ишлар).

13. Ўзбекистон Республикаси Давлат илмий тиббиёт кутубхонаси (тиббиёт ва фармацевтика фанлари бўйича бажарилган ишлар).

14. Мустақил Давлатлар Ҳамдўстлиги мамлакатларининг Миллий (Давлат) кутубхоналари.

Илмий даражалар берувчи илмий кенгаш тўғрисидаги низомга 6-ИЛОВА

Илмий кенгаш аъзоларининг ҚАЙД ВАРАҚАСИ ___________________________________________________________________________________________________________________________________________________________________________ ихтисослиги бўйича (ихтисослик шифри ва номи) ________________________________________________________________ (Ф.И.О.) ____________________________________________________________________________________________________________ юзасидан (қайси масала бўйича) 20 ____ йил _________________ даги Илмий кенгаш мажлисининг _______________________-сон баённомасига оид. Т/р Ф.И.О. Илмий даражаси, Илмий кенгашдаги ихтисослик шифри Мажлисга келди (имзо) Бюллетень олди (имзо) 1 2 3 4 Илмий кенгаш илмий котиби __________ (имзо) __________________________________________ (Ф.И.О.)

Илмий даражалар берувчи илмий кенгаш тўғрисидаги низомга 7-ИЛОВА

Яширин овоз бериш БЮЛЛЕТЕНИ (Илмий кенгаш шифри) Илмий кенгашнинг 20____ йил _________________ даги мажлисининг ______________-сон баённомасига оид. Талабгорнинг Ф.И.О. Илмий даражага муносиб Овоз бериш натижалари Розиман Рози эмасман

Илмий даражалар берувчи илмий кенгаш тўғрисидаги низомга 8-ИЛОВА

Ҳисоб комиссияси мажлисининг ‎БАЁННОМАСИ ‎ _________________________________ ‎(Илмий кенгаш шифри) ‎‎20_____ йил __________________________ ‎ ‎‎_________________________ ‎ ‎ ‎ ‎ ‎ ‎ (жой номи)‎ ‎ ‎‎Сайланган комиссия таркиби: ‎ ‎ ‎ ‎ ‎ ‎ ‎‎_____________________________________________ (Ф.И.О.) ‎ ‎ ‎ ‎ ‎‎_____________________________________________ (Ф.И.О.) ‎ ‎ ‎ ‎‎Комиссия ________________________________________________________ нинг ‎(Ф.И.О.) ‎ ‎‎__________________________________________ илмий даражасини олишга қўйилган диссертацияси юзасидан ‎‎(фан тармоғи ва илмий даража) ‎ ‎ ‎ ‎ ‎‎яширин берилган овозларни санаш учун сайланган. ‎ ‎ ‎ ‎ ‎‎Илмий кенгаш таркиби _______ кишидан иборат этиб тасдиқланган. ‎Илмий кенгаш таркибига ҳал қилувчи овоз бериш ҳуқуқи билан қўшимча равишда ___________ киши киритилган. ‎Мажлисда Илмий кенгаш аъзоларидан _______ киши, шу жумладан кўриб чиқилаётган диссертация ихтисослиги бўйича ___________ нафар фан доктори иштирок этди. ‎ ‎ ‎ ‎ ‎‎___________ та бюллетень тарқатилди. ‎___________ та бюллетень тарқатилмай қолди. ‎ ‎ ‎ ‎ ‎‎Қутичада __________ та бюллетень борлиги аниқланди. ‎‎Овоз бериш натижалари: ‎ ‎ ‎ ‎ ‎ ‎ ‎‎______________________________________________________________________________га ‎(Ф.И.О.) ‎‎____________________________________________________________________________ илмий даражасини ‎‎(фан тармоғи ва илмий даража) ‎ ‎ ‎‎бериш бўйича қуйидагича овоз берилди: ‎тарафдорлар _______ та (__________ фоиз); ‎қаршилар _________ та (__________ фоиз); ‎яроқсиз деб топилган бюллетенлар _________ та (_________ фоиз). ‎ ‎ ‎ ‎‎Ҳисоб комиссияси раиси_______________________________________________________________________ ‎(Ф.И.О.) ‎‎Комиссия аъзолари:____________________________________________________________________________ ‎(Ф.И.О.) ‎____________________________________________________________________________________________ ‎(Ф.И.О.)

Илмий даражалар берувчи илмий кенгаш тўғрисидаги низомга 9-ИЛОВА

Илмий даражалар берувчи илмий кенгаш томонидан ОАКга юбориладиган аттестация иши ҳужжатлари

1. Илмий даражалар берувчи илмий кенгаш раиси (мажлис раиси) томонидан имзолаган муассаса бланкидаги кузатув хати.

2. Талабгор тўғрисидаги объектив-маълумотнома.

3. Илмий даражалар берувчи илмий кенгаш раиси (мажлис раиси) ва илмий котиби томонидан имзоланган Илмий кенгаш мажлиси стенограммасининг асл нусхаси (Илмий кенгаш аъзоларининг қайд варақаси стенограммага илова қилинади).

4. Расмий оппонентларнинг ва етакчи ташкилотнинг тақризлари.

5. Диссертация ҳимояси тўғрисида ОАК веб-сайтида ёки «ОАК Бюллетени» журналида ҳамда республика марказий газетасида берилган эълон нусхалари.

6. Диссертация натижаларидан амалиётда фойдаланилганлиги, фойдаланиш мумкинлиги тўғрисидаги ҳужжатлар;

8. Талабгорнинг фаолияти ва аттестация тадбирлари натижаларини тасдиқловчи ҳужжатлар (малакавий имтиҳонларни топширганлиги тўғрисидаги гувоҳномаларнинг асл нусхалари; ҳаммуаллифликдаги илмий ишларни диссертацияга тўла ёки қисман киритиш учун ҳаммуаллифларнинг ёзма равишда билдирган розилиги).

9. Диссертациянинг битта нусхаси ва диссертация авторефератининг иккита нусхаси ҳамда талабгорнинг асосий илмий ишлари нусхалари.

10. Фан доктори (DSc) илмий даражаси талабгори учун фан номзоди ёки фалсафа доктори (PhD) ёхуд унга тенглаштирилган бошқа илмий даража диссертацияси автореферати.

11. Диссертация, диссертация автореферати ва талабгор тўғрисидаги объектив-маълумотноманинг электрон шакли ёзилган СD-диск.

Олий аттестация комиссияси раиси А. ЮСУПОВ

Қишлоқ ва сув хўжалиги вазири З. МИРЗАЕВ

Олий ва ўрта махсус таълим вазири Р. КАСИМОВ

Халқ таълими вазири У. ИНОЯТОВ

Ташқи ишлар вазири А. КАМИЛОВ

Соғлиқни сақлаш вазири А. ШАДМАНОВ

Маданият вазири М. МУРАТОВ

Фанлар академияси президенти в. в. б. Б. ИБРАГИМОВ

Жисмоний тарбия ва спорт давлат қўмитаси раиси Р. КУРБАНОВ

Фан ва технологиялар агентлиги бош директори М. БОЛТАБАЕВ

Тошкент ш.,

2017 йил 31 май,

2017 йил 29 май

2017 йил 30 май

239/3-сон

(Ўзбекистон Республикаси қонун ҳужжатлари тўплами, 2017 й., 25-сон, 568-модда; Қонун ҳужжатлари маълумотлари миллий базаси, 02.02.2018 й., 10/18/2893-1/0649-сон, 17.07.2018 й., 10/18/2893-2/1522-сон; 13.08.2020 й., 10/20/2893-3/1177-сон; 19.04.2021 й., 10/21/2893-4/0349-сон; Қонунчилик маълумотлари миллий базаси, 28.07.2021 й., 10/21/3313/0724-сон; 27.01.2022 й., 10/22/2893-5/0090-сон; 19.08.2024 й., 10/24/3552/0630-сон)

lex.uz

Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining

Qarori

NIZOM

MAʼLUMOT

ROʻYXATI

Ilmiy darajalar beruvchi ilmiy kengash toʻgʻrisidagi nizomni tasdiqlash haqida

Oʻzbekiston Respublikasi Vazirlar Mahkamasining 2012-yil 28-dekabrdagi 365-son “ Oliy oʻquv yurtidan keyingi taʼlim hamda oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish chora-tadbirlari toʻgʻrisida ”gi hamda 2017-yil 22-maydagi 304-son “ Oliy oʻquv yurtidan keyingi taʼlim tizimini yanada takomillashtirish chora-tadbirlari toʻgʻrisida ”gi qarorlariga muvofiq Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:

1. Ilmiy darajalar beruvchi ilmiy kengash toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2016-yil 28-apreldagi 224/7-son “Fan doktori ilmiy darajasini beruvchi ilmiy kengash toʻgʻrisidagi nizomni tasdiqlash haqida”gi qarori (roʻyxat raqami 2796, 2016-yil 8-iyun) (Oʻzbekiston Respublikasi qonun hujjatlari toʻplami, 2016-y., 23-son, 277-modda) oʻz kuchini yoʻqotgan deb topilsin.

3. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2017-yil 31-maydagi 239/3-son qaroriga ILOVA

Ilmiy darajalar beruvchi ilmiy kengash toʻgʻrisida

Mazkur Nizom Oʻzbekiston Respublikasining “Taʼlim toʻgʻrisida”gi Qonuni , Oʻzbekiston Respublikasi Prezidentining 2017-yil 16-fevraldagi PF-4958-son “Oliy oʻquv yurtidan keyingi taʼlim tizimini yanada takomillashtirish toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2012-yil 28-dekabrdagi 365-son “ Oliy taʼlimdan keyingi taʼlim hamda oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish chora-tadbirlari toʻgʻrisida ”gi va 2017-yil 22-maydagi 304-son “ Oliy taʼlimdan keyingi taʼlim tizimini yanada takomillashtirish chora-tadbirlari toʻgʻrisida ”gi qarorlariga muvofiq falsafa doktori (Doctor of Philosophy, PhD) va fan doktori (Doctor of Sciences, DSc) ilmiy darajalarini beruvchi ilmiy kengash (bundan buyon matnda Ilmiy kengash deb yuritiladi) faoliyati tartibini belgilaydi.

1-bob. Umumiy qoidalar

1. Mazkur Nizomda quyidagi asosiy tushunchalar qoʻllaniladi:

Ilmiy kengash — muayyan fan tarmogʻining (tarmoqlarining) tegishli ixtisosliklari yoʻnalishida talabgorlar uchun koʻzda tutilgan attestatsiya tadbirlarini amalga oshirishni tashkil etish yuzasidan Oʻzbekiston Respublikasi Oliy taʼlim, fan va innovatsiyalar vazirligi huzuridagi Oliy attestatsiya komissiyasi (bundan buyon matnda OAK deb yuritiladi) qarori bilan yetakchi ilmiy yoki taʼlim tashkiloti huzurida muayyan muddat davomida jamoatchilik asosida faoliyat koʻrsatish uchun tuzilgan ilmiy-tashkiliy tuzilma;

izlanuvchi — falsafa doktori (PhD) yoki fan doktori (DSc) ilmiy darajasini olish uchun doktorlik dissertatsiyasini tayyorlayotgan shaxs;

talabgor — dissertatsiyasi himoya uchun Ilmiy kengashga qabul qilingan va attestatsiya ishi koʻrilish jarayonida boʻlgan shaxs;

attestatsiya ishi — talabgorning ilmiy darajasini tasdiqlash yuzasidan rasmiylashtirilgan hujjatlar toʻplami;

dissertatsiya — muallif tomonidan shaxsan olib borilgan, tadqiqot mohiyati tegishli talablarga javob bergan, tugallangan va mazmunan yaxlit ilmiy ish sifatida ilmiy yangiligi va amaliy natijalari tizimli ravishda asoslab berilgan qoʻlyozma huquqiga ega boʻlgan ilmiy asar;

dissertatsiya avtoreferati — dissertatsiya tadqiqoti yuzasidan umumiy maʼlumotlar keltirilib, ishning ilmiy yangiligi va amaliy natijalari tizimli ravishda umumlashtirilgan holda qisqacha bayon qilingan hamda nashr etilgan ishlar yuzasidan maʼlumotlar berilgan va belgilangan talablar asosida rasmiylashtirilgan qoʻlyozma huquqiga ega boʻlgan ilmiy asar;

dissertatsiya bajarilgan muassasa — ilmiy yoki taʼlim tashkiloti kengashi qarori bilan dissertatsiya mavzusi boʻyicha tadqiqot olib borish uchun masʼul muassasa sifatida tasdiqlangan muassasa;

ekspertiza — hujjatlarning mohiyati va amalga oshirilgan attestatsiya tadbirlarining tegishli qonunchilik hujjatlari talablariga muvofiqligini ilmiy va meʼyoriy-texnik jihatdan baholash;

Ilmiy daraja beruvchi bir martalik ilmiy kengash (bundan buyon matnda Bir martalik ilmiy kengash deb yuritiladi) — faqat bitta falsafa doktori (PhD) yoki fan doktori (DSc) dissertatsiyasi himoyasini tashkil qilish uchun OAK qarori bilan tuzilgan vaqtinchalik ilmiy-tashkiliy tuzilma;

Ilmiy kengash qoshidagi ilmiy seminar (bundan buyon matnda Ilmiy seminar deb yuritiladi) — dissertatsiyani yakuniy dastlabki ekspertizadan oʻtkazadigan seminar;

dissertatsiya himoyasi — tadqiqot natijalarining ilmiy yangiligi, xulosalari, tavsiyalarining toʻgʻriligi va asoslanganligi, dissertatsiyaning nazariy va amaliy ahamiyati, talabgorning fanga qoʻshgan hissasi boʻyicha Ilmiy kengashda ilmiy jamoatchilik oldida oʻtkaziladigan muhokama;

ilmiy rahbar — ilmiy izlanishlar olib borayotgan izlanuvchiga ilmiy va oʻquv-metodik yordam koʻrsatish maqsadida belgilangan tartibda tayinlangan, faol tarzda ilmiy va ilmiy-pedagogik faoliyat olib boruvchi fan doktori, shuningdek ilmiy unvonga ega boʻlgan fan nomzodi yoki falsafa doktori (PhD);

ilmiy konsultant — fan doktori (DSc) ilmiy darajasini olish uchun ilmiy izlanishlar olib borayotgan izlanuvchiga ilmiy va oʻquv-metodik yordam koʻrsatish maqsadida belgilangan tartibda tayinlangan, faol tarzda ilmiy va ilmiy-pedagogik faoliyat olib boruvchi fan doktori;

jamoaviy taqriz — OAK tomonidan yuborilgan dissertatsiyani koʻrib chiqish natijalari yuzasidan Ilmiy kengashning qoʻshimcha xulosasi;

hisob komissiyasi — Ilmiy kengash majlisida Ilmiy kengash aʼzolari tomonidan talabgorga ilmiy daraja berish boʻyicha yopiq ovoz berish asosida munosabat bildirish jarayonini tashkil etish yuzasidan mazkur Ilmiy kengash qarori bilan tuzilgan vaqtinchalik ishchi guruh;

apellyatsiya — ilmiy darajalar berish yoki ularni berishni rad qilish yoxud ilmiy darajadan mahrum etish yoki uni tiklash toʻgʻrisidagi qarorlar yuzasidan berilgan murojaat.

2. Ilmiy kengash dissertatsiyalar ekspertizasining sifati, xolisligi, dissertatsiya himoyasi uchun zarur sharoit yaratilishi va qabul qilgan qarorlarining asosliligi uchun masʼul hisoblanadi.

2-bob. Ilmiy kengashni tuzish, uning faoliyatini toʻxtatib turish yoki tugatish

3. Oʻz huzurida Ilmiy kengash tuzish uchun ilmiy yoki taʼlim tashkiloti quyidagi talablarga javob berishi kerak:

shtatida muayyan fan tarmogʻida tan olingan yutuqlarga, ilmiy-tadqiqot natijalarini amaliyotga samarali joriy qilishga erishgan, tegishli yoʻnalishlar boʻyicha yetarli ilmiy salohiyatga — kamida 2 nafar fan doktori hamda sifatli oliy malakali ilmiy va ilmiy-pedagog kadrlar mavjudligi;

shtatida muayyan fan tarmogʻi boʻyicha davlat grantlari va xalqaro grantlar, ilmiy loyihalarni (xoʻjalik shartnomalari asosidagi ilmiy-tadqiqot loyihalari va boshqalarni) bajarishda ishtirok etayotgan hamda havola qilinayotgan ilmiy ishlari, shu jumladan xorijiy mamlakatlarning nufuzli ixtisoslashgan ilmiy jurnallarida nashr qilingan ilmiy ishlari mavjud boʻlgan xodimlar boʻlishi;

tegishli yoʻnalishlar boʻyicha doimiy ishlab turgan ilmiy seminarlarga, respublika va xalqaro miqyosdagi konferensiya, seminar va boshqa tadbirlarni tashkil qilish tajribasiga ega boʻlishi;

oliy taʼlimdan keyingi taʼlim.

4. Ilmiy kengash yetakchi ilmiy va taʼlim tashkilotlari huzurida mazkur tashkilotlar yoki muassasalar boʻysunuvchi vazirlik va idoralarning murojaatiga asosan OAK tomonidan tuziladi.

Tashkilot yoki muassasa Ilmiy kengash tuzish uchun mazkur Nizomning 3-bandida nazarda tutilgan talablarning barchasiga javob bermagan taqdirda, tegishli vazirlik va idoralarning murojaatlariga asosan, OAK tomonidan ilmiy va taʼlim tashkilotlari huzurida, istisno tariqasida, muassasalararo Ilmiy kengash tuzilishi mumkin.

Ilmiy kengashning tarkibi, shu jumladan uning raisi, rais oʻrinbosari (oʻrinbosarlari) va ilmiy kotibi tegishli vazirlik va idoralarning murojaatiga asosan OAK tomonidan muqobillik asosida tasdiqlanadi. Ilmiy kengash ixtisosliklari boʻyicha yetakchi mutaxassis-olimlar — fan doktorlari Ilmiy kengash raisi va oʻrinbosari (oʻrinbosarlari) etib tayinlanadi.

Ilmiy kengash ixtisosligi boʻyicha ilmiy darajaga ega boʻlgan hamda Ilmiy kengash tuzilayotgan ilmiy yoki taʼlim tashkilotida shtat asosida ishlaydigan mutaxassis OAK tomonidan Ilmiy kengash ilmiy kotibi etib tayinlanadi.

5. Vazirlik va idoralarning murojaatida Ilmiy kengash tuzish zarurati asoslab beriladi va unga mazkur Nizomning 1-ilovasiga muvofiq shakldagi Ilmiy kengash tarkibiga kiritish koʻzda tutilayotgan shaxslar toʻgʻrisidagi maʼlumot hamda ushbu shaxslarning obyektiv-maʼlumotnomalari ilova qilinadi. Ilmiy kengashning raisi, rais oʻrinbosari va ilmiy kotibligiga kamida uchtadan nomzod koʻrsatilishi lozim.

6. Ilmiy kengash aʼzolari, qoida tariqasida, kamida 9 nafar va koʻpi bilan 21 nafar aʼzodan iborat tarkibda shakllantiriladi.

Fan doktori (DSc) ilmiy darajasini beruvchi ilmiy kengash falsafa doktori (PhD) ilmiy darajasini olish uchun dissertatsiya himoyasini oʻtkazish huquqiga ega.

Fan doktori (DSc) ilmiy darajasini beruvchi ilmiy kengash tarkibiga Ilmiy kengash har bir ixtisosligining tegishli fan tarmogʻi boʻyicha kamida 5 nafar fan doktori kiritiladi. Istisno tariqasida, Ilmiy kengash ilmiy kotibi sifatida faol ilmiy faoliyat olib borayotgan va katta ilmiy-amaliy tajribaga ega boʻlgan fan nomzodi yoxud falsafa doktori (PhD) yoki unga tenglashtirilgan boshqa ilmiy darajaga ega mutaxassis (bundan buyon matnda falsafa doktori (PhD) deb yuritiladi) kiritilishi mumkin.

Falsafa doktori (PhD) ilmiy darajasini beruvchi ilmiy kengash tarkibiga Ilmiy kengash har bir ixtisosligining tegishli fan tarmogʻi boʻyicha kamida 5 nafar ilmiy darajaga ega boʻlgan mutaxassis kiritiladi. Bunda fan doktorlari soni Ilmiy kengash aʼzolarining yarmidan kam boʻlmasligi lozim.

Yuridik fanlar va islomshunoslik fanlari boʻyicha Ilmiy kengash tarkibiga, eksperiment tariqasida, ilmiy darajaga ega boʻlmagan yuqori malakali va tajribali amaliyotchi mutaxassislar kiritilishi mumkin. Bunda ularning soni Ilmiy kengash har bir ixtisosligining tegishli fan tarmogʻi boʻyicha aʼzolari umumiy sonining 20 foizidan ortiq boʻlmasligi lozim.

7. Zarur hollarda, Ilmiy kengash tarkibiga Ilmiy kengash ixtisosliklariga yaqin ixtisoslik boʻyicha ilmiy darajaga ega boʻlgan shaxslar ham kiritilishi mumkin.

Bir shaxs faqat bitta fan tarmogʻining bitta ixtisosligi boʻyicha Ilmiy kengashga kiritiladi hamda koʻpi bilan ikkita Ilmiy kengash aʼzosi boʻlishi mumkin.

Ilmiy kengash aʼzoligiga tavsiya etilayotgan shaxslar oxirgi 3 yil ichida kamida 5 ta ilmiy ish nashr ettirgan boʻlishi shart. Mazkur talab yuridik fanlar va islomshunoslik fanlari boʻyicha Ilmiy kengash aʼzoligiga tavsiya etilayotgan ilmiy darajaga ega boʻlmagan yuqori malakali va tajribali amaliyotchi mutaxassislarga nisbatan tatbiq etilmaydi.

8. OAK Rayosati va OAK ekspert kengashlarining aʼzolari Ilmiy kengash tarkibiga kiritilmaydi.

OAK Rayosati aʼzolari Ilmiy kengashlar majlislarida va ular qoshidagi Ilmiy seminarlarda ishtirok etishlari mumkin.

Ilmiy kengash raisi Ilmiy kengash faoliyatida ishtirok eta olmagan taqdirda, uning vazifasini vaqtincha rais oʻrinbosarlaridan biri bajaradi.

9. Ilmiy kengash tarkibi 3 yil muddatga tasdiqlanadi. Ilmiy kengash tarkibining kamida 15 foizi har yili belgilangan tartibda yangilanishi zarur.

Ilmiy kengash aʼzosi Ilmiy kengash tarkibida surunkasiga ikki muddatdan ortiq ishlashi mumkin emas.

Ilmiy kengash tarkibidan chiqarilgan aʼzolar uning tarkibiga 1 yil oʻtgandan keyin qayta kiritilishi mumkin.

Ilmiy kengash raisi, rais oʻrinbosari (oʻrinbosarlari) va ilmiy kotibi tegishli vazifani 3 yil muddatga bajaradi. Zimmasiga yuklatilgan vazifalarni sifatli bajarayotgan Ilmiy kengash raisi, rais oʻrinbosari (oʻrinbosarlari) va ilmiy kotibi oʻz vazifasini keyingi muddatda tegishli vazirlik yoki idoraning murojaatiga asosan OAK Rayosatining qarori asosida davom ettirishi mumkin.

10. Ilmiy kengash ixtisosliklari roʻyxati va Ilmiy kengash raisi tegishli vazirlik va idoralarning murojaati yoki OAK ekspert kengashining tavsiyasiga asosan OAK tomonidan oʻzgartirilishi mumkin.

11. Ilmiy kengash tarkibiga Ilmiy kengash raisining Ilmiy kengash tuzilgan ilmiy yoki taʼlim tashkiloti rahbari bilan kelishilgan murojaati asosida OAK tomonidan oʻzgartirishlar kiritilishi mumkin. Bunda oʻzgartirishlar aniq koʻrsatilishi, asoslab berilishi, shuningdek subyektiv xususiyatga ega boʻlmasligi lozim.

12. Dissertatsiya ixtisosligi yoki tegishli fan tarmogʻi boʻyicha Ilmiy kengash boʻlmagan taqdirda, dissertatsiya bajarilgan muassasa dissertatsiyani dastlabki ekspertizadan oʻtkazib, dissertatsiya ixtisosligiga yaqin keluvchi Ilmiy kengashga, bunday Ilmiy kengash boʻlmaganda esa, toʻgʻridan-toʻgʻri OAKga Bir martalik ilmiy kengash tuzishni soʻrab murojaat qiladi.

13. Bir martalik ilmiy kengash tuzish boʻyicha murojaatga mazkur Nizomning 1-ilovasiga muvofiq shakldagi Bir martalik ilmiy kengash tarkibiga kiritish koʻzda tutilayotgan shaxslar toʻgʻrisidagi maʼlumot va ushbu shaxslarning obyektiv-maʼlumotnomalari hamda mazkur Nizomning 2-ilovasida keltirilgan hujjatlar ilova qilinadi.

14. Dissertatsiya bajarilgan muassasa Bir martalik ilmiy kengash tuzish boʻyicha Ilmiy kengashga murojaat qilganda, taqdim etilgan hujjatlar Ilmiy kengash rahbariyati tomonidan koʻrib chiqiladi.

Koʻrib chiqish natijalari ijobiy boʻlgan taqdirda, Ilmiy kengash tomonidan Bir martalik ilmiy kengash tuzish zarurligi asoslantirilib, OAKga murojaat qilinadi.

15. Taqdim etilgan hujjatlar belgilangan tartibda OAK tomonidan koʻrib chiqilib, Bir martalik ilmiy kengash tuzishning maqsadga muvofiqligi yoxud maqsadga muvofiq emasligi boʻyicha xulosa beriladi.

OAK tomonidan Bir martalik ilmiy kengashni tuzish maqsadga muvofiq deb topilganda, dissertatsiya bajarilgan muassasa yoki Ilmiy kengash murojaatiga muvofiq OAK qarori bilan Bir martalik ilmiy kengash tarkibi, shu jumladan raisi, rais oʻrinbosari (oʻrinbosarlari) va ilmiy kotibi tasdiqlanadi.

16. Bir martalik ilmiy kengash kamida 11 nafar va koʻpi bilan 15 nafar aʼzodan iborat tarkibda Ilmiy kengash tarkibini shakllantirish boʻyicha mazkur Nizomda belgilangan tartibda tuziladi. Zarur hollarda, Bir martalik ilmiy kengash tarkibi dissertatsiya ixtisosligiga yaqin fan sohalari boʻyicha ilmiy darajaga ega boʻlgan shaxslardan iborat tarkibda tuzilishi mumkin.

Dissertatsiya boʻyicha yetakchi tashkilot va rasmiy opponentlar OAK tomonidan tavsiya etilishi mumkin.

17. OAK tomonidan Bir martalik ilmiy kengashni tuzish maqsadga muvofiq emas deb topilganda, tegishli Ilmiy kengash yoki muassasaga eʼtirozlar va kamchiliklar asoslantirilgan javob xati yuboriladi. Mazkur xatga OAKning tegishli qarori ilova qilinadi.

OAK tomonidan bildirilgan eʼtirozlar va kamchiliklar bartaraf etilganda, dissertatsiya muassasa yoki tegishli Ilmiy kengash tomonidan, OAK qarori chiqqan kundan eʼtiboran 6 oy oʻtgandan keyin qayta dastlabki ekspertizadan oʻtkazilib, Bir martalik ilmiy kengash tuzishni soʻrab takroran murojaat qilinishi mumkin.

18. Bir martalik ilmiy kengash faoliyati Ilmiy kengash faoliyatini tashkil etish boʻyicha mazkur Nizomda belgilangan tartibda amalga oshiriladi.

19. Quyidagi hollarda Ilmiy kengash faoliyati OAK qarori asosida 6 oygacha toʻxtatib turiladi:

Ilmiy kengash tomonidan muntazam ravishda oliy malakali ilmiy va ilmiy-pedagog kadrlar tayyorlash va ularni attestatsiyadan oʻtkazish sohasidagi qonunchilik hujjatlari talablariga javob bermaydigan hamda ilmiy jihatdan saviyasi past dissertatsiya himoyalari oʻtkazilib, Ilmiy kengash tomonidan ular yuzasidan ijobiy xulosalar berilganda;

Ilmiy kengash faoliyati davomida himoya qilingan ikkita dissertatsiyaga OAK tomonidan rad javobi berilganda;

Ilmiy kengash tomonidan dissertatsiya himoyasini oʻtkazish tartibi surunkasiga 2-marta buzilganda.

20. Ilmiy kengash faoliyatini toʻxtatib turish toʻgʻrisidagi OAK qarorida uning faoliyatini toʻxtatib turishga sabab boʻlgan holat hamda yoʻl qoʻyilgan kamchiliklar, shuningdek ushbu kamchiliklarni bartaraf etish boʻyicha tavsiyalar hamda toʻxtatib turish muddati koʻrsatiladi.

21. OAK qarorida koʻrsatilgan muddat ichida tegishli kamchiliklar bartaraf etilgandan soʻng, OAK qaroriga asosan Ilmiy kengash oʻz faoliyatini davom ettirishi mumkin.

22. Faoliyati ilgari bir marta toʻxtatib turilgan Ilmiy kengash tomonidan mazkur Nizomning 19-bandida koʻrsatilgan holatlardan biri takrorlansa, bunday Ilmiy kengash faoliyati OAK tomonidan tugatiladi. Ilmiy kengash faoliyatini tugatish OAK qarori asosida amalga oshiriladi. Ilmiy kengash faoliyati tugatilgan taqdirda, umumiy asoslarda yangitdan Ilmiy kengash tuzilishi mumkin.

3-bob. Kengash ishini tashkil etish

23. Ilmiy kengash qonuniylik, xolislik, ochiqlik, shaffoflik va tezkorlik prinsiplari asosida OAK rahbarligida faoliyat olib boradi. Ilmiy kengash faoliyati muassasaning veb-sayti orqali yoritib boriladi.

24. Ilmiy kengash oʻzi faoliyat yuritayotgan muassasaning rasmiy blanki va Davlat gerbi tasviri tushirilgan muhridan foydalanadi. Muassasa rahbariyati tomonidan Ilmiy kengash faoliyat olib borishi uchun zarur shart-sharoitlar yaratib beriladi.

25. Ilmiy kengash majlislari:

dissertatsiyani himoyaga qabul qilish;

dissertatsiya himoyasini oʻtkazish;

OAK tomonidan yuborilgan dissertatsiyani, apellyatsiyalarni, Ilmiy seminar hisobotini koʻrib chiqish;

ilmiy darajadan mahrum etish yoki uni tiklash;

Ilmiy kengash faoliyati bilan bogʻliq boshqa masalalar yuzasidan oʻtkaziladi.

26. Ilmiy kengash tomonidan koʻpi bilan 4 ta ixtisoslik yoki fan tarmogʻi boʻyicha dissertatsiyalar himoyaga qabul qilinishi mumkin.

27. Ilmiy kengash majlisida bitta dissertatsiya himoyasi yoki bitta jamoaviy taqriz muhokamasi, kun davomida esa, ikkita masala yuzasidan majlis oʻtkazilishi mumkin. Dissertatsiya himoyalari sessiya tarzida OAK ruxsati bilan oʻtkaziladi.

28. Ilmiy kengash dissertatsiya himoyasini oʻtkazish navbatini rejalashtirishda, birinchi oʻrinda, OAK tomonidan qoʻshimcha xulosa olish uchun yuborilgan dissertatsiyalarni koʻrib chiqishga eʼtibor qaratishi lozim.

29. Ilmiy kengash raisi har yili 10-yanvarga qadar huzurida Ilmiy kengash tuzilgan muassasaga hamda OAKga oʻtgan yilning 31-dekabr holatiga koʻra mazkur Nizomning 3-ilovasiga muvofiq shaklda Ilmiy kengash faoliyati boʻyicha hisobot beradi.

30. Talabgor oʻz dissertatsiyasi himoyasiga oid barcha hujjatlar bilan tanishish va Ilmiy kengash rahbariyatidan barcha masalalar xususida malakali yordam olish huquqiga ega.

4-bob. Ilmiy kengashda dissertatsiyani dastlabki ekspertizadan oʻtkazish

31. Dissertatsiya bajarilgan muassasa tomonidan dissertatsiyani dastlabki ekspertizadan oʻtkazish natijalari boʻyicha ijobiy xulosa berilganda, izlanuvchi tomonidan Ilmiy kengashga mazkur Nizomning 2-ilovasida keltirilgan hujjatlar taqdim etiladi.

32. Ilmiy kengash dissertatsiya bajarilgan muassasaning xulosasidan qoniqmagan taqdirda, dissertatsiyani qoʻshimcha ravishda ekspertizaga yuborishi mumkin.

Ilmiy kengash tomonidan dissertatsiya dastlabki ekspertizadan oʻtkazish uchun qabul qilib olingandan soʻng, Ilmiy seminarga yuboriladi.

33. Izlanuvchi tomonidan hujjatlar topshirilgan kundan eʼtiboran falsafa doktori (PhD) ilmiy darajasini olish uchun dissertatsiya 2 oy ichida, fan doktori (DSc) ilmiy darajasini olish uchun dissertatsiya esa 3 oy ichida Ilmiy kengash tomonidan dastlabki ekspertizadan oʻtkaziladi.

34. Dissertatsiyaga xolisona xulosa berish va Ilmiy kengashga dissertatsiyani himoyaga qabul qilish yuzasidan asosli tavsiyalar berish uchun muayyan ixtisoslik (ixtisosliklar) boʻyicha Ilmiy kengash huzurida tuziladigan Ilmiy seminar masʼul hisoblanadi.

Ilmiy seminar Ilmiy kengash nazorati ostida faoliyat yuritadi.

35. Ilmiy seminar kamida 15 nafar aʼzodan, shu jumladan rais, rais oʻrinbosari va ilmiy kotibdan iborat tarkibda OAK bilan kelishilgan holda Ilmiy kengash raisi tomonidan 2 yilgacha boʻlgan muddatga tasdiqlanadi. Bir martalik ilmiy kengash tomonidan tuziladigan Ilmiy seminar tarkibi huzurida Ilmiy kengash tuzilgan ilmiy yoki taʼlim tashkiloti rahbari bilan kelishilgan holda toʻgʻridan-toʻgʻri Bir martalik ilmiy kengash raisi tomonidan tasdiqlanadi.

Ilmiy kengash raisi Ilmiy seminarning tarkibiga OAK bilan kelishilgan holda oʻzgartirish kiritishi mumkin.

Ilmiy seminar tarkibiga Ilmiy kengash aʼzolari, OAKning tegishli ekspert kengashi aʼzolari, ilmiy va ilmiy-pedagogik faoliyat koʻrsatayotgan mutaxassis-olimlar hamda yuqori malakali va tajribali amaliyotchi mutaxassislar kiritiladi.

36. Dissertatsiya Ilmiy seminar rahbariyati tomonidan Ilmiy kengash raisining (oʻrinbosarining) yoʻllanmasi asosida Ilmiy kengash ilmiy kotibidan qabul qilinadi va roʻyxatga olinadi hamda shu kunning oʻzida Ilmiy seminar aʼzolaridan yoki boshqa mutaxassis-olimlar orasidan 2 nafar taqrizchi tayinlanadi.

Taqrizchilar dissertatsiya bilan tanishib chiqib, taqrizlarini falsafa doktori (PhD) ilmiy darajasini olish uchun 15 kun ichida, fan doktori (DSc) ilmiy darajasini olish uchun esa 1 oy ichida Ilmiy seminar ilmiy kotibiga taqdim etadi. Izlanuvchi Ilmiy seminar majlisidan kamida 5 kun oldin Ilmiy seminar ilmiy kotibi tomonidan taqrizlar bilan tanishtirilishi lozim.

37. Ilmiy seminar ishi majlis shaklida tashkil etiladi. Majlisning kun tartibi uning aʼzolariga majlis oʻtkazilishidan kamida 5 kun oldin Ilmiy seminar ilmiy kotibi tomonidan tarqatiladi hamda Ilmiy kengash faoliyat koʻrsatib turgan muassasa veb-saytida eʼlon qilinadi.

Majlisda Ilmiy seminarga aʼzo boʻlmagan mutaxassislar ham ishtirok etishlari mumkin.

Ilmiy seminar majlisi Ilmiy seminar aʼzolarining kamida uchdan ikki qismi ishtirok etgan taqdirda vakolatli hisoblanadi. Ilmiy seminar majlisi rais, u boʻlmaganda rais oʻrinbosari rahbarligida oʻtkaziladi.

Ilmiy seminar majlisida ilmiy kotib ishtirok etmagan taqdirda, uning vazifasini bajarish Ilmiy seminar raisi tomonidan Ilmiy seminar aʼzolaridan birining zimmasiga yuklatiladi.

Bir vaqtning oʻzida rais, rais oʻrinbosari va ilmiy kotib boʻlmasa, Ilmiy seminar majlisi oʻtkazilmaydi.

38. Ilmiy seminarga raislik qiluvchi majlisni ochish vaqtida qayd etish varaqasi asosida Ilmiy seminar aʼzolarini majlisning vakolatliligi haqida xabardor qilib, izlanuvchining familiyasi, ismi va otasining ismi hamda dissertatsiya mavzusini eʼlon qilib, Ilmiy seminar ilmiy kotibiga soʻz beradi.

Izlanuvchi haqida Ilmiy seminar ilmiy kotibi tomonidan qisqacha maʼlumot berilgandan soʻng, dissertatsiyaning mohiyati va asosiy holatlarini bayon etish uchun soʻz izlanuvchiga beriladi.

Izlanuvchining maʼruzasi tugagach, savol-javoblardan soʻng, taqrizchilarga soʻz beriladi. Taqrizchilardan biri uzrli sabablarga koʻra kelmagan taqdirda, uning taqrizi Ilmiy seminar majlisida ilmiy kotib tomonidan toʻliq oʻqib eshittiriladi. Taqrizchilarning ikkalasi ham boʻlmagan taqdirda, Ilmiy seminar majlisini oʻtkazish boshqa vaqtga qoldiriladi.

Har bir taqrizchining maʼruzasidan soʻng izlanuvchiga soʻz beriladi.

Dissertatsiya boʻyicha muhokamada majlisda ishtirok etayotgan barcha shaxslar qatnashishi mumkin.

Ilmiy seminar majlisida raislik qiluvchi mazkur dissertatsiya boʻyicha tushgan takliflarni navbatiga qarab ochiq ovozga qoʻyadi.

Ilmiy seminarning Ilmiy kengashga dissertatsiyani himoyaga qabul qilish toʻgʻrisidagi xulosasi majlisda ishtirok etayotgan Ilmiy seminar aʼzolarining kamida uchdan ikki qismi tomonidan yoqlab ovoz berilgan taqdirda, qabul qilingan hisoblanadi. Mazkur xulosa “dissertatsiya himoyaga tavsiya etilsin” yoki “dissertatsiyani qayta ishlash tavsiya etilsin” tarzida beriladi. Ilmiy seminar xulosalari ochiq ovoz berish yoʻli bilan qabul qilinadi va ovoz berish natijalari Ilmiy seminar bayonnomasida aks ettiriladi. Bayonnomaga Ilmiy seminar tomonidan ishlab chiqilgan Ilmiy kengash xulosasi loyihasi va zarur hollarda Ilmiy kengash tarkibiga qoʻshimcha aʼzolar kiritish boʻyicha takliflar ilova qilinadi.

Agar ilmiy seminar muayyan dissertatsiya boʻyicha “dissertatsiyani qayta ishlash tavsiya etilsin” xulosasini qabul qilsa, Ilmiy kengash rasmiy xat bilan ish bajarilgan muassasaga dissertatsiyani qaytaradi (yoʻllanma xatga izlanuvchi taqdim etgan hujjatlar hamda ilmiy seminar tomonidan koʻrsatilgan kamchiliklar va ularni bartaraf etish boʻyicha takliflar ilova qilindi). Ilmiy seminarda koʻrsatilgan kamchiliklar bartaraf etilgandan soʻng dissertatsiya bajarilgan muassasa tomonidan kamida 3 oydan keyin dissertatsiya dastlabki ekspertizadan oʻtkaziladi va natijalari boʻyicha ijobiy xulosa berilgan taqdirda izlanuvchi tomonidan Ilmiy kengashga tegishli hujjatlar taqdim etiladi.

39. Ilmiy seminar majlisi bayonnomasida dissertatsiya himoyasini oʻtkazish uchun asos boʻlgan ixtisoslikka uning muvofiqligi, dissertatsiyaning ilmiy saviyasi, uning ilmiy va amaliy ahamiyati, olingan natijalarning asoslanganligi, eʼlon qilingan ishlarda dissertatsiya natijalari qanchalik toʻliq bayon etilganligi, ilmiy natijalarning amaliyotga joriy etilganligi, izlanuvchilarga qoʻyiladigan talablarning bajarilganligi, dissertatsiya va dissertatsiya avtoreferatini rasmiylashtirish qay darajada bajarilganligi haqidagi xulosa, shuningdek Ilmiy kengashga dissertatsiyani himoyaga qabul qilish, rasmiy opponentlar va yetakchi tashkilotni tayinlash boʻyicha tavsiya aks ettiriladi.

Ilmiy seminar majlisining bayonnomasi raislik qiluvchi va ilmiy kotib tomonidan imzolanadi hamda Ilmiy kengash faoliyat koʻrsatib turgan muassasa rahbari tomonidan tasdiqlanadi va unga muassasaning gerbli muhri qoʻyiladi. Ilmiy seminar bayonnomasiga majlisda ishtirok etgan aʼzolar va taklif etilgan shaxslarning qayd varaqasi nusxasi ilova qilinadi.

Ilmiy seminar bayonnomasi izlanuvchiga va Ilmiy kengash raisiga Ilmiy seminar raisi yoki ilmiy kotibi tomonidan beriladi.

Ilmiy seminarda dissertatsiya falsafa doktori (PhD) ilmiy darajasini olish uchun 1 oy ichida, fan doktori (DSc) ilmiy darajasini olish uchun esa 2 oy ichida muhokamadan oʻtkaziladi.

40. Ilmiy seminar faoliyati mazkur Nizomda nazarda tutilgan talablarga muvofiq oʻtkazilmagan yoki Ilmiy seminarda dissertatsiyaga obyektiv baho berilmagan taqdirda, OAK tomonidan Ilmiy kengashga Ilmiy seminar faoliyatini toʻxtatish va uni qayta tashkil etish toʻgʻrisida taklif beriladi.

Ilmiy seminar raisi har yili 10-dekabrga qadar Ilmiy kengash raisiga Ilmiy seminar faoliyati haqida hisobot taqdim etadi. Hisobot erkin shaklda yozilib, unda Ilmiy seminarga topshirilgan va koʻrib chiqilgan ishlar yuzasidan aniq maʼlumotlar keltirilishi kerak.

Ilmiy kengash Ilmiy seminar hisobotini oʻz majlisida muhokama qiladi va oʻzining yillik hisoboti bilan birga uni OAKga taqdim etadi.

5-bob. Dissertatsiyani himoyaga qabul qilish

41. Dissertatsiya boʻyicha Ilmiy seminarning ijobiy xulosasi taqdim etilgan kundan eʼtiboran 1 oy ichida Ilmiy kengash tomonidan dissertatsiya himoyaga qabul qilib olinishi va bu haqda qaror chiqarilishi lozim.

42. Dissertatsiya yuzasidan salbiy taqriz va (yoki) xulosa berilgan, lekin berilgan salbiy taqriz va (yoki) xulosalar izlanuvchining arizasiga koʻra koʻrib chiqish natijasida Ilmiy kengash tomonidan asosli emas, deb topilgan taqdirdagina, Ilmiy kengashda izlanuvchining xohishiga koʻra dissertatsiyani himoyaga qabul qilish masalasi koʻrib chiqilishi mumkin.

43. Dissertatsiya oʻz mohiyatiga koʻra Ilmiy kengash ixtisosliklariga toʻgʻri kelmagan yoki izlanuvchi tomonidan qonunchilik hujjatlari talablariga muvofiq bajarilmagan taqdirda, dissertatsiya Ilmiy kengash tomonidan himoyaga qabul qilinmaydi. Bunda izlanuvchiga dissertatsiyani Ilmiy kengash tomonidan himoyaga qabul qilmaslik sabablari koʻrsatilgan majlis bayonnomasidan koʻchirma hamda izlanuvchi topshirgan barcha hujjatlar qaytarib beriladi.

44. Ilmiy kengashning dissertatsiyani himoyaga qabul qilish toʻgʻrisidagi qarori Ilmiy seminarning ijobiy xulosasiga asosan ochiq ovoz berish yoʻli bilan majlisda ishtirok etayotgan Ilmiy kengash aʼzolarining kamida uchdan ikki qismi tomonidan yoqlab ovoz berilsagina, qabul qilingan hisoblanadi.

Yetakchi tashkilot va rasmiy opponentlar Ilmiy kengash tomonidan dissertatsiyani himoyaga qabul qilish toʻgʻrisida qaror qabul qilinganidan keyin tasdiqlanadi.

Ilmiy kengashda dissertatsiya himoyaga qabul qilingan kundan boshlab 5 kun ichida dissertatsiya va dissertatsiya avtoreferati loyihasi Ilmiy kengash tomonidan rasmiy opponentlar va yetakchi tashkilotga kuzatuv xati orqali yuboriladi.

45. Ilmiy kengash dissertatsiya yoʻnalishi boʻyicha tadqiqotlar olib borayotgan olimlaridan rasmiy opponentlar tayinlaydi.

Falsafa doktori (PhD) ilmiy darajasini olish uchun dissertatsiya boʻyicha 2 nafar rasmiy opponent tayinlanadi, ulardan biri fan doktori boʻlishi kerak, ikkinchisi esa, fan doktori yoki falsafa doktori (PhD) boʻlishi mumkin. Rasmiy opponentlarning 1 nafari himoya oʻtayotgan Ilmiy kengash aʼzosi boʻlishi kerak.

Fan doktori (DSc) ilmiy darajasini olish uchun dissertatsiya boʻyicha fan doktorlari yoki professorlar orasidan 3 nafar rasmiy opponent tayinlanadi, bunda ulardan 1 nafari himoya oʻtayotgan Ilmiy kengash aʼzosi boʻlishi kerak. Ayrim hollarda, istisno tariqasida, Ilmiy kengashning 2 nafar aʼzosi OAK bilan kelishilgan holda rasmiy opponent boʻlishi mumkin.

Rasmiy opponentlar turli tashkilotlarning xodimlari boʻlishi lozim.

46. Quyidagilar rasmiy opponent boʻla olmaydilar:

OAK Rayosati aʼzolari;

OAK apparati xodimlari;

OAK ekspert kengashlari aʼzolari (ekspert kengashi yoʻnalishidagi dissertatsiyalar boʻyicha);

dissertatsiyani koʻrib chiqayotgan Ilmiy kengash raisi, rais oʻrinbosari va ilmiy kotibi;

talabgorning ilmiy rahbari (konsultanti);

talabgorning ilmiy ishlari hammualliflari;

dissertatsiya bajarilgan, talabgorning asosiy ish joyi yoki huzurida Ilmiy kengash faoliyat koʻrsatayotgan yoxud ilmiy-tadqiqot ishlari boʻyicha talabgor buyurtmachi yoki ijrochi (sherik ijrochi) boʻlgan ilmiy hamda taʼlim tashkilotlarining rahbarlari va ularning oʻrinbosarlari;

talabgor ishlayotgan kafedra, laboratoriya, sektor yoki boʻlim xodimlari.

Zarur hollarda, Ilmiy kengash raisining oʻrinbosari yoki ilmiy kotibi OAKning ruxsati bilan rasmiy opponent qilib tayinlanishi mumkin.

47. Rasmiy opponent dissertatsiya, dissertatsiya avtoreferati va dissertatsiya mavzusi boʻyicha eʼlon qilingan ishlarni oʻrganib chiqib, oʻz fikrini Ilmiy kengashga taqriz shaklida taqdim etadi. Taqrizda tanlangan mavzuning dolzarbligi, dissertatsiyada keltirilgan ilmiy tafsilot, asosiy natijalar, xulosa hamda amaliy va nazariy tavsiyalar qay darajada asoslanganligi va yangiligi, shuningdek dissertatsiyaning unga qoʻyilgan talablarga muvofiqligi aks ettiriladi.

Rasmiy opponentlarning taqrizi nusxalari Ilmiy kengash tomonidan dissertatsiya himoyasidan kamida 5 kun oldin talabgorga topshirilishi kerak.

Rasmiy opponent oʻzi tayyorlagan taqrizning xolis va sifatli boʻlishi hamda Ilmiy kengash belgilagan muddatda taqdim etilishi uchun masʼuldir.

Rasmiy opponentning taqrizi unga qoʻyilgan talablarga javob bermagan taqdirda, Ilmiy kengash taqrizni qayta ishlash uchun rasmiy opponentga qaytarib berishga yoki rasmiy opponentni almashtirishga haqli. Bunda dissertatsiya himoyasi boshqa kunga qoldiriladi.

48. Ilmiy kengash tomonidan dissertatsiya yuzasidan yetakchi tashkilot sifatida tegishli fan yoki iqtisodiyot tarmoqlarida oʻz yutuqlari bilan tanilgan salohiyatli tashkilot tayinlanadi. Yetakchi tashkilotlar roʻyxati tegishli Ilmiy kengash tavsiyasi asosida OAK tomonidan tasdiqlanadi.

49. Quyidagi tashkilotlar yetakchi tashkilot boʻlishi mumkin emas:

dissertatsiya bajarilgan muassasa;

talabgor ishlayotgan tashkilot;

talabgorning ilmiy-tadqiqot ishlari boʻyicha buyurtmachi, ijrochi (sherik ijrochi) boʻlgan tashkilot;

huzurida Ilmiy kengash faoliyat yuritayotgan muassasa;

rasmiy opponentlar va ilmiy rahbarning (konsultantning) asosiy ish joyi boʻlgan tashkilot.

50. Yetakchi tashkilotning taqrizida talabgor erishgan natijalarning fan va ishlab chiqarish uchun ahamiyati aks ettirilishi, shuningdek dissertatsiya natijalari va xulosalaridan foydalanilganligi toʻgʻrisida maʼlumot va foydalanishga doir aniq tavsiyalar boʻlishi kerak.

Yetakchi tashkilotning taqrizi ilmiy seminar bayonnomasidan kengaytirilgan batafsil koʻchirma shaklida yozilib, ilmiy seminar raisi va ilmiy kotibi tomonidan imzolanadi hamda shu tashkilot rahbari yoki rahbar oʻrinbosari tomonidan tasdiqlanadi. Ular taqrizning sifati va xolisligi uchun shaxsan masʼuldir.

Yetakchi tashkilot taqrizining nusxasi Ilmiy kengash tomonidan dissertatsiya himoyasidan kamida 5 kun oldin talabgorga topshiriladi.

51. Yetakchi tashkilotning taqrizi unga qoʻyilgan talabga javob bermagan taqdirda, Ilmiy kengash uni yetakchi tashkilotga qaytarish yoki yetakchi tashkilotni almashtirishga haqli. U holda dissertatsiya himoyasi boshqa kunga qoldiriladi.

52. Ilmiy kengash tomonidan xorijiy mamlakatlarning tegishli taʼlim muassasalari va ilmiy markazlari kelishuv asosida yetakchi tashkilot, chet ellik taniqli mutaxassis-olim esa, uning roziligi bilan dissertatsiya himoyasi yuzasidan rasmiy opponent etib tayinlanishi mumkin.

53. Dissertatsiya himoyaga qabul qilingandan soʻng undagi aniqlangan noaniqliklar va xatolarni tuzatishga yoʻl qoʻyilmaydi.

54. Dissertatsiyani himoyaga qabul qilish toʻgʻrisida qaror qabul qilingandan soʻng va dissertatsiya avtoreferati chop etilishidan oldin Ilmiy kengash dissertatsiya himoyasi toʻgʻrisida OAK veb-saytida eʼlon berish uchun OAKga mazkur Nizomning 4-ilovasida keltirilgan hujjatlarni taqdim etadi.

Dissertatsiya himoyasi haqida eʼlon tegishli hujjatlar taqdim etilgan kundan eʼtiboran 15 kun ichida OAKda tegishli hujjatlar meʼyoriy-texnik ekspertizadan oʻtkazilib, talablarga muvofiq boʻlgan taqdirda OAK veb-saytiga joylashtiriladi.

OAK meʼyoriy-texnik ekspertiza jarayonida dissertatsiya va avtoreferatda koʻchirmachilik (plagiat) holatini aniqlashning elektron ekspertizasini tashkil qiladi. Bunda koʻchirmachilik (plagiat) boʻyicha har qanday hol (hollar) aniqlangan taqdirda, hujjatlar Ilmiy kengashga qaytariladi va dissertatsiya muhokamadan olib tashlanadi.

55. Dissertatsiya himoyasi toʻgʻrisida OAK veb-saytida eʼlon berilganidan keyin Ilmiy kengash raisi tomonidan dissertatsiya avtoreferatini qoʻlyozma huquqi bilan chop etishga ruxsat beriladi va dissertatsiya himoya qilinadigan kun tayinlanadi. Dissertatsiya avtoreferatining toʻliq matni Ilmiy kengashning ilmiy kotibi tomonidan huzurida Ilmiy kengash faoliyat yuritayotgan muassasaning veb-saytiga joylashtirilishi, “ZiyoNET” taʼlim axborot tarmogʻiga joylashtirish uchun yuborilishi taʼminlanadi.

56. Dissertatsiya himoyasi OAK veb-saytida eʼlon berilgandan soʻng 40 kun ichida oʻtkazilishi shart. Mazkur talab Ilmiy kengash tomonidan bajarilmagan taqdirda, dissertatsiya himoyasini oʻtkazishga ruxsat berish masalasi OAK Rayosati tomonidan hal etiladi.

57. Falsafa doktori (PhD) ilmiy darajasini olish uchun tayyorlangan dissertatsiya avtoreferati oʻzbek va rus yoki ingliz tillarida 2 bosma taboq, har bir tilda 1 bosma taboq hajmda tayyorlanib, uning uchinchi (rus yoki ingliz) tilidagi qisqacha mazmuni ham beriladi.

Fan doktori (DSc) ilmiy darajasini olish uchun tayyorlangan dissertatsiya avtoreferati oʻzbek va rus yoki ingliz tillarida 3 bosma taboq, har bir tilda 1,5 bosma taboq hajmda tayyorlanib, uning uchinchi (rus yoki ingliz) tilidagi qisqacha mazmuni ham beriladi.

Dissertatsiya avtoreferati Ilmiy kengash raisining ruxsati bilan chop etiladi. Tarjimaning aniqligi va toʻgʻriligi uchun talabgor, ilmiy rahbar (konsultant), dissertatsiya bajarilgan muassasa va Ilmiy kengash masʼuldir.

Ijtimoiy-gumanitar fanlar sohasidagi dissertatsiya avtoreferatining hajmi koʻpi bilan 30 foizga oshirilishi mumkin.

Dissertatsiya avtoreferatida dissertatsiyaning asosiy gʻoyasi va xulosalari, yangi ilmiy yoʻnalish yoki iqtisodiyot tarmogʻi muammosi yechimi bayon qilingan, oʻtkazilgan tadqiqotga talabgorning qoʻshgan hissasi, tadqiqot natijalarining qay darajada yangiligi va amaliy ahamiyati koʻrsatilishi kerak.

Dissertatsiya avtoreferati kamida 60 nusxada chop etiladi.

58. Dissertatsiyaning bir nusxasi Ilmiy kengash tomonidan u himoyaga qabul qilingan kundan boshlab 5 kun ichida, dissertatsiya avtoreferatining ikki nusxasi esa, himoyadan kamida 12 kun oldin huzurida Ilmiy kengash tuzilgan muassasaning Axborot-resurs markaziga topshiriladi va bu yerda ular qoʻlyozma huquqi bilan doimiy saqlanadi.

59. Dissertatsiya himoyasi oʻtkaziladigan manzil, kun va aniq vaqt himoyadan kamida 12 kun oldin huzurida Ilmiy kengash faoliyat yuritayotgan muassasaning veb-sayti orqali maʼlum qilinadi, shuningdek mazkur Nizomning 5-ilovasida koʻrsatilgan dissertatsiya avtoreferati yuborilishi shart boʻlgan tashkilotlar roʻyxatiga hamda Ilmiy kengash tomonidan tasdiqlanadigan qoʻshimcha roʻyxatga asosan dissertatsiya avtoreferati tarqatiladi.

Ilmiy kengash tomonidan tasdiqlangan qoʻshimcha roʻyxatga Ilmiy kengash aʼzolari, tegishli fan sohalari boʻyicha ilmiy-muvofiqlashtiruvchi markazlar, manfaatdor tashkilotlar hamda yetakchi mutaxassis-olimlar kiritiladi.

60. Dissertatsiya avtoreferati Ilmiy kengash aʼzolari va OAKga reyestr asosida Ilmiy kengash ilmiy kotibi tomonidan topshiriladi, rasmiy opponentlar va yetakchi tashkilotga kuzatuv xati orqali yetkaziladi. Dissertatsiya avtoreferati tarqatilishi shart boʻlgan tashkilotlar hamda Ilmiy kengash tasdiqlagan roʻyxat boʻyicha qolgan shaxslarga pochta aloqasi boʻlimi orqali yuboriladi.

Ilmiy kengashning har bir aʼzosi dissertatsiya avtoreferati va Ilmiy kengash faoliyat yuritayotgan muassasaning Axborot-resurs markazida saqlanayotgan dissertatsiya bilan batafsil tanishib chiqishi shart. Ilmiy kengash aʼzolari tomonidan dissertatsiya avtoreferati boʻyicha dissertatsiya yuzasidan taqriz berilishi mumkin.

6-bob. Dissertatsiyani himoya qilish yuzasidan Ilmiy kengash majlisini oʻtkazish

61. Dissertatsiyani ilmiy jamoatchilik oldida himoya qilish jarayoni ilmiy bahs bilan, yuksak talabchanlik, qatʼiylik, ilmiy axloq-odobga rioya etilgan holda oʻtishi, unda dissertatsiyadagi barcha ilmiy va amaliy xulosa hamda tavsiyalarning asoslanganligi tahlil qilinishi lozim.

62. Ilmiy kengash majlislari Ilmiy kengash raisi rahbarligida oʻtkaziladi. Ilmiy kengash raisi, rais oʻrinbosari va ilmiy kotibi oʻzi ilmiy rahbar (konsultant) boʻlgan talabgorning dissertatsiyasi himoyasi oʻtkazilayotganda, Ilmiy kengash majlisida ushbu vazifalarni bajarishi mumkin emas. Bunda ularning vazifasini bajarish huzurida Ilmiy kengash faoliyat yuritayotgan muassasa rahbarining buyrugʻi bilan Ilmiy kengash aʼzolaridan birining zimmasiga vaqtincha yuklatiladi.

Bir vaqtning oʻzida rais, rais oʻrinbosari va ilmiy kotib ham boʻlmasa, Ilmiy kengash majlisi oʻtkazilmaydi.

63. Ilmiy kengash majlisi ochilishidan oldin Ilmiy seminar tomonidan tayyorlangan Ilmiy kengash xulosasi loyihasi Ilmiy kengash aʼzolariga tarqatiladi.

64. Ilmiy kengash majlisi uning ishida aʼzolarining kamida uchdan ikki qismi va unda himoya qilinayotgan fan doktori (DSc) ilmiy darajasini olish uchun dissertatsiyaning (har bir) ixtisosligi boʻyicha kamida 3 nafar fan doktori, falsafa doktori (PhD) ilmiy darajasini olish uchun dissertatsiyaning (har bir) ixtisosligi boʻyicha esa, kamida 2 nafar fan doktori va 1 nafar falsafa doktori (PhD) ishtirok etganda vakolatli hisoblanadi.

Ilmiy kengash aʼzolarining majlisda ishtirok etayotganligi hamda ularning Ilmiy kengashdagi ixtisosligi, ilmiy darajalari majlis stenogrammasida qayd etiladi.

65. Ilmiy kengash majlisi ochilgandan soʻng rais mazkur Nizomning 6-ilovasiga muvofiq shakldagi Ilmiy kengash aʼzolarining qayd varaqasi asosida majlisning vakolatliligini, dissertatsiya mavzusini, rasmiy opponentlarning ism va familiyalarini hamda yetakchi tashkilot nomini eʼlon qiladi. Shundan soʻng ilmiy kotib tomonidan talabgor topshirgan hujjatlarning asosiy mazmuni va ularning belgilangan talablarga qay darajada muvofiq kelishi haqida maʼlumot beriladi.

66. Talabgorga dissertatsiyaning mohiyati va asosiy holatlarini bayon etish hamda savollarga javob berish uchun soʻz beriladi. Ilmiy rahbar (konsultant) talabgordan keyin soʻzga chiqadi.

Ilmiy rahbar (konsultant) oʻz fikrini yakunlagach, ilmiy kotib tomonidan dissertatsiya bajarilgan muassasaning va Ilmiy seminarning xulosalari, yetakchi tashkilot taqrizi, dissertatsiya va dissertatsiya avtoreferati boʻyicha Ilmiy kengashga kelib tushgan boshqa taqrizlar oʻqib eshittiriladi.

Ilmiy kengashga dissertatsiya va dissertatsiya avtoreferati boʻyicha koʻp ijobiy taqrizlar kelib tushgan taqdirda, Ilmiy kengash aʼzolarining roziligi bilan ilmiy kotib tomonidan taqrizlarda qayd etilgan fikrlar qisqacha bayon qilinadi, salbiy taqrizlar esa, toʻliq oʻqib eshittiriladi. Taqrizlar oʻqib eshittirilgach, talabgorga soʻz beriladi. Talabgordan soʻng dissertatsiya boʻyicha rasmiy opponentlar soʻzga chiqadi. Har bir rasmiy opponentning nutqidan keyin talabgorga soʻz beriladi.

67. Falsafa doktori (PhD) ilmiy darajasini olish uchun dissertatsiya himoyasida, qoida tariqasida, rasmiy opponentlarning hammasi qatnashishi shart.

Fan doktori (DSc) ilmiy darajasini olish uchun dissertatsiyaga ijobiy taqriz bergan bitta rasmiy opponent uzrli sabablarga koʻra dissertatsiya himoyasida ishtirok eta olmagan taqdirda, himoyaga ruxsat beriladi. Bunda ushbu opponentning taqrizi ilmiy kotib tomonidan Ilmiy kengash majlisida toʻliq oʻqib eshittiriladi.

68. Ilmiy kengash aʼzolari va majlisda qatnashayotganlarning barchasi ilmiy munozarada ishtirok etish huquqiga ega.

69. Dissertatsiya himoyasi va munozaralar tugagandan soʻng ilmiy daraja berish toʻgʻrisidagi masala Ilmiy kengash tomonidan yashirin ovoz berish yoʻli bilan hal etiladi.

70. Yashirin ovoz berish mazkur Nizomning 7-ilovasiga muvofiq shakldagi byulleten asosida hisob komissiyasi tomonidan oʻtkaziladi.

71. Hisob komissiyasi 3 kishidan iborat tarkibda Ilmiy kengash majlisida ishtirok etayotgan va hal qiluvchi ovozga ega boʻlgan Ilmiy kengash aʼzolarining koʻpchilik ovozi bilan ochiq ovoz berish yoʻli bilan saylanadi.

72. Yashirin ovoz berishda Ilmiy kengash majlisida ishtirok etayotgan va hal qiluvchi ovozga ega boʻlgan Ilmiy kengash aʼzolari qatnashadi va ularga hisob komissiyasi tomonidan qaydnoma asosida byulleten beriladi.

Dissertatsiya himoyasiga kechikib kelgan yoki himoya tugashidan oldin ketib qolgan Ilmiy kengash aʼzolari kvorumni aniqlashda hisobga olinmaydi va yashirin ovoz berishda ishtirok etmaydi.

Oʻzi aʼzo boʻlgan Ilmiy kengashda dissertatsiya himoya qilayotgan talabgor ovoz berishda ishtirok etmaydi va majlisdagi Ilmiy kengash aʼzolarining roʻyxatida hisobga olinmaydi.

73. Ovoz berish yakunlangach, hisob komissiyasi aʼzolari tomonidan quticha ochilib, byulletenlar sanaladi va ovoz berish natijalari yuzasidan mazkur Nizomning 8-ilovasiga muvofiq shakldagi hisob komissiyasi majlisining bayonnomasi (bundan buyon matnda hisob komissiyasi bayonnomasi deb yuritiladi) tuziladi.

74. Tarqatilmagan byulletenlarga yashirin ovoz berish boshlanishidan oldin tegishli belgi qoʻyilib, hisob komissiyasida qoldiriladi va qolgan byulletenlar haqida hisob komissiyasi bayonnomasida qayd qilinadi. Fikrni aniqlash imkonini bermaydigan byulletenlar yaroqsiz deb topiladi va bu haqda hisob komissiyasi bayonnomasida qayd qilinadi.

Hisob komissiyasi bayonnomasi rasmiylashtirilgandan soʻng hisob komissiyasi tomonidan barcha byulletenlar konvertga solib muhrlanadi va ushbu bayonnomaga ilova qilinadi. Hisob komissiyasi bayonnomasi yashirin ovoz berishda ishtirok etgan Ilmiy kengash aʼzolarining koʻpchilik ovozi bilan ochiq ovoz berish orqali tasdiqlanadi.

Hisob komissiyasi bayonnomasi tasdiqlanmagan taqdirda, dissertatsiya muhokamasi davom ettiriladi. Bunda hisob komissiyasi tomonidan yangi byulletenlar tayyorlanadi va belgilangan tartibda yashirin ovoz berish qayta oʻtkaziladi.

Hisob komissiyasining ishlash tartibi buzilgan taqdirda, hisob komissiyasi bayonnomasini tasdiqlamaslik masalasi Ilmiy kengash tomonidan koʻrib chiqilishi mumkin.

75. Hisob komissiyasi bayonnomasi tasdiqlangandan soʻng ilmiy daraja berish masalasida ijobiy qaror qabul qilinganda, Ilmiy kengash xulosasi loyihasi muhokamaga qoʻyiladi.

76. Dissertatsiya yuzasidan Ilmiy kengash xulosasida quyidagilar aks ettiriladi:

talabgorning eng muhim ilmiy natijalari;

ilmiy va amaliy natijalarning toʻgʻriligi va yangiligiga berilgan baho;

dissertatsiyaning ilmiy va amaliy ahamiyati;

dissertatsiya natijalaridan foydalanilganligi toʻgʻrisida maʼlumot, foydalanish boʻyicha tavsiyalar;

dissertatsiyaning unga qoʻyiladigan talablardan qay biriga mosligi.

Xulosa ochiq ovoz berish yoʻli bilan majlisda ishtirok etgan Ilmiy kengash aʼzolarining koʻpchilik ovozi bilan qabul qilinadi.

Ilmiy daraja berish masalasi yuzasidan salbiy qaror qabul qilinganda, xulosa muhokamaga qoʻyilmaydi.

77. Dissertatsiyaning natijalarini amaliyotga (fan, texnika, sogʻliqni saqlash, ijtimoiy sohalar va iqtisodiyot tarmoqlarining boshqa sohalariga) tatbiq qilinganligini tasdiqlovchi hujjatlar asosida talabgor tomonidan ishlab chiqilgan tavsiyalar Ilmiy kengash tomonidan muhokama qilinadi va tasdiqlanadi.

78. Ilmiy kengash tomonidan ovoz berish natijalari asosida ilmiy daraja berish yoki uni berishni rad qilish toʻgʻrisida qaror qabul qilinadi.

79. Ilmiy daraja berish masalasi yuzasidan unga majlisda ishtirok etgan va ovoz berish huquqiga ega boʻlgan Ilmiy kengash aʼzolarining kamida uchdan ikki qismi tomonidan yoqlab ovoz berilganda, ijobiy qaror qabul qilingan hisoblanadi.

80. Ilmiy kengashning qarori oʻqib eshittirilgach, talabgorga yakunlovchi soʻz beriladi.

81. Ilmiy kengash tomonidan ijobiy qaror qabul qilinganda, dissertatsiya himoyasidan keyin 10 kun ichida mazkur Nizomning 9-ilovasida keltirilgan hujjatlardan iborat boʻlgan attestatsiya ishining bir nusxasi OAKga yuboriladi.

82. Attestatsiya ishining ikkinchi nusxasi muassasa arxivida saqlanadi.

7-bob. OAK tomonidan yuborilgan dissertatsiyani koʻrib chiqish yuzasidan Ilmiy kengash majlisini oʻtkazish.

83. Qoʻshimcha xulosa olish uchun OAK tomonidan yuborilgan dissertatsiya 2 oy ichida Ilmiy kengash tomonidan koʻrib chiqiladi. Ushbu masala Ilmiy kengash majlisida koʻrib chiqilishidan oldin Ilmiy kengash aʼzolaridan iborat boʻlgan 3 kishilik komissiyaga talabgorning dissertatsiyasi, ekspertizaning oldingi bosqichlarida bildirilgan tanqidiy fikrlarni oʻrganib chiqish va tegishli xulosa loyihasini Ilmiy kengashga taqdim etish topshiriladi.

84. Talabgor oʻz dissertatsiyasi koʻrib chiqilayotgan Ilmiy kengash majlisiga taklif etiladi. Talabgor komissiyaning xulosasi bilan oldindan tanishtirilgan boʻlishi kerak. Majlisda talabgorning rasmiy opponentlari, yetakchi tashkilot vakillari, zarur hollarda Ilmiy kengash tomonidan taklif etiladigan boshqa shaxslar ishtirok etishi mumkin.

Ilmiy kengash aʼzolarining majlisda ishtirok etayotganligi hamda ularning Ilmiy kengashdagi ixtisosligi va ilmiy darajalari majlis stenogrammasida qayd etiladi.

85. Ilmiy kengash majlisini ochish vaqtida rais majlisning vakolatliligi haqida Ilmiy kengash aʼzolarini xabardor qiladi.

Rais majlisni ochgandan soʻng majlisda qoʻshimcha xulosa olish uchun yuborilgan dissertatsiya koʻrib chiqilishini eʼlon qiladi, dissertatsiyaning mavzusini, dissertatsiya himoyasi oʻtkazilgan Ilmiy kengashni, rasmiy opponentlarning ism va familiyalari hamda yetakchi tashkilotni koʻrsatib oʻtadi.

Ilmiy kengashning ilmiy kotibi tomonidan dissertatsiya boʻyicha ekspertizaning oldingi bosqichlarida aytilgan tanqidiy fikrlar haqida maʼlumot beriladi.

Talabgor tomonidan dissertatsiyaning mohiyati va asosiy holatlari bayon etiladi. Bunda talabgorga savollar berilishi mumkin.

86. Muhokama komissiya aʼzolaridan birining soʻzga chiqishi bilan boshlanadi. Ilmiy kengash majlisida ishtirok etayotgan har bir shaxs soʻzga chiqish huquqiga ega. Muhokamadan soʻng talabgorga yakunlovchi soʻz beriladi va Ilmiy kengash tomonidan mazkur Nizomning 70 — 74-bandlariga muvofiq yashirin ovoz berish oʻtkaziladi.

Koʻrib chiqilgan masala yuzasidan majlisda ishtirok etgan va ovoz berish huquqiga ega boʻlgan Ilmiy kengash aʼzolarining kamida uchdan ikki qismi tomonidan yoqlab ovoz berilganda, Ilmiy kengash tomonidan ijobiy qaror qabul qilingan hisoblanadi.

87. Bayonnoma tasdiqlangach, Ilmiy kengash ochiq ovoz berish yoʻli bilan majlisda ishtirok etgan Ilmiy kengash aʼzolarining koʻpchilik ovozi bilan qoʻshimcha xulosa matnini qabul qiladi. Xulosada dissertatsiya unga qoʻyiladigan talablarining qay biriga javob berishi yoki javob bermasligi koʻrsatiladi. Xulosa nusxasi talabgorga u tasdiqlangandan keyin beriladi.

88. Yashirin ovoz berish natijalari koʻrsatilgan hamda Ilmiy kengash raisi va ilmiy kotibi imzolagan stenogramma va xulosaning matni talabgorning dissertatsiyasi bilan birga 10 kun ichida OAKga yuboriladi.

8-bob. Ilmiy darajalardan mahrum etish yoki ularni tiklash masalalarini koʻrib chiqish yuzasidan Ilmiy kengash majlisini oʻtkazish

89. Ilmiy kengash majlisiga shaxsni ilmiy darajadan mahrum etish yoki uni tiklash masalasini qoʻyish uchun asos boʻladigan materiallar tushgan taqdirda, ushbu materiallarning asosliligini oʻrganish Ilmiy kengash aʼzolari orasidan kamida besh kishidan iborat tarkibda tuziladigan komissiyaga topshiriladi.

Oʻrganish natijalariga asosan komissiya tomonidan xulosa chiqariladi va xulosa Ilmiy kengashda koʻrib chiqish uchun topshiriladi. Komissiya tayyorlagan materiallar Ilmiy kengash tomonidan bir oy ichida koʻrib chiqilishi lozim.

90. Ilmiy kengash majlisi ilmiy darajadan mahrum etish yoki uni tiklash masalasi qoʻyilgan shaxs ishtirokida oʻtkaziladi. Shaxs bu haqda majlis oʻtkazilishidan kamida 10 kun oldin ogohlantirilishi shart. Agar shaxs majlisga uzrsiz sabablarga koʻra kelmasa yoki majlisga kelishdan bosh tortsa, Ilmiy kengash tomonidan uning ishtirokisiz majlis oʻtkazish toʻgʻrisida qaror qabul qilinadi. Mazkur shaxs uzrli sabablarga koʻra majlisga kela olmasligi haqida xabardor qilib, majlisni boshqa kunga yoki boshqa vaqtga qoldirish haqida oldindan soʻrab murojaat qilganda, Ilmiy kengash majlisi boshqa kunga yoki boshqa vaqtga qoldiriladi.

91. Ilmiy kengash raisi majlisni ochish vaqtida aʼzolarni majlisning vakolatliligi toʻgʻrisida xabardor qiladi hamda majlisda ilmiy darajadan mahrum etish yoki uni tiklash haqidagi masala koʻrib chiqilishini eʼlon qiladi. Mazkur masala yuzasidan komissiya aʼzolaridan biri maʼruza qiladi. Maʼruza tugagach, ilmiy darajadan mahrum etish yoki uni tiklash masalasi qoʻyilgan shaxsga soʻz beriladi. Ilmiy kengash majlisida ishtirok etganlarning barchasi soʻzga chiqish huquqiga ega.

92. Muhokamadan soʻng Ilmiy kengash tomonidan mazkur Nizomning 70 — 74-bandlariga muvofiq ilmiy darajadan mahrum etish yoki uni tiklash yuzasidan yashirin ovoz berish oʻtkaziladi. Ilmiy kengashning ilmiy darajadan mahrum etish yoki uni tiklash haqidagi qarori majlisda ishtirok etgan va ovoz berish huquqiga ega boʻlgan Ilmiy kengash aʼzolarining kamida uchdan ikki qismi tomonidan yoqlab ovoz berilganda, qabul qilingan hisoblanadi.

93. Ilmiy kengash tomonidan bayonnoma tasdiqlangach, yashirin ovoz berish natijalariga asoslangan holda ochiq ovoz berish yoʻli bilan majlisda ishtirok etgan Ilmiy kengash aʼzolarining koʻpchilik ovozi bilan qaror matni qabul qilinadi. Qarorda koʻrib chiqilgan materiallarning mohiyati va natijalari aniq-ravshan koʻrsatilishi hamda OAKdan ilmiy darajadan mahrum etish yoki uni tiklashni soʻrash uchun yetarli asos bor yoki yoʻqligi toʻgʻrisida xulosa boʻlishi lozim.

Yashirin ovoz berish natijalari hamda Ilmiy kengash qarori ilmiy darajadan mahrum etish yoki uni tiklash masalasi qoʻyilgan shaxsga darhol maʼlum qilinishi lozim.

94. Ilmiy kengash tomonidan shaxsni ilmiy darajadan mahrum etish yoki uni tiklash toʻgʻrisida qaror qabul qilingan taqdirda, Ilmiy kengash raisi va ilmiy kotibi tomonidan imzolangan Ilmiy kengash majlisining stenogrammasi va yashirin ovoz berish natijalari koʻrsatilgan xulosa 10 kun ichida OAKga yuboriladi.

9-bob. Apellyatsiyani koʻrib chiqish yuzasidan Ilmiy kengash majlisini oʻtkazish

95. Manfaatdor shaxs (shaxslar) Ilmiy kengash qarori yuzasidan apellyatsiya berganda, Ilmiy kengash raisi tomonidan Ilmiy kengash aʼzolari orasidan kamida besh kishidan iborat tarkibda tuziladigan komissiyaga zarur materiallarni oʻrganib chiqish hamda apellyatsiya yuzasidan Ilmiy kengash xulosasi loyihasini tayyorlash topshiriladi.

Agar apellyatsiya ilmiy daraja berish boʻyicha Ilmiy kengash qarori yuzasidan berilgan boʻlsa, Ilmiy kengash raisi bir hafta ichida bu haqda OAKni xabardor qiladi.

Apellyatsiya Ilmiy kengash tomonidan bir oylik muddatda koʻrib chiqiladi.

96. Apellyatsiya bergan manfaatdor shaxs (shaxslar) majlisdan kamida 5 kun oldin xabardor qilinib, Ilmiy kengash majlisiga taklif etiladi. Apellyatsiya bergan shaxs uzrli sabablarga koʻra kelmagan taqdirda, Ilmiy kengash majlisi boshqa vaqtga yoki boshqa kunga koʻchiriladi. Apellyatsiya bergan shaxs uzrsiz sabablarga koʻra Ilmiy kengash majlisiga kelmagan taqdirda, majlis uning ishtirokisiz oʻtkaziladi.

97. Ilmiy kengash raisi tomonidan majlisni ochish vaqtida majlisning vakolatliligi haqida maʼlum qilinadi.

Ilmiy kengash aʼzolarining majlisda ishtirok etayotganligi hamda ularning Ilmiy kengashdagi ixtisosligi va ilmiy darajalari majlis stenogrammasida qayd etiladi.

Ilmiy kengash raisi majlis ochilgandan soʻng apellyatsiya koʻrib chiqilishini eʼlon qiladi va uni oʻqib eshittirish uchun ilmiy kotibga soʻz beradi. Komissiya aʼzolaridan biri komissiyaning ishi natijalarini hamda apellyatsiya yuzasidan Ilmiy kengash xulosasi loyihasini oʻqib eshittiradi.

Ilmiy kengash majlisida ishtirok etayotganlarning barchasi muhokamada ishtirok etish huquqiga ega.

98. Muhokama tugagandan soʻng Ilmiy kengash yopiq ovoz berish asosida majlisda ishtirok etgan va ovoz berish huquqiga ega boʻlgan Ilmiy kengash aʼzolarining kamida uchdan ikki qismining ovozi bilan apellyatsiya yuzasidan xulosa qabul qiladi.

Ilmiy kengash raisi va ilmiy kotibi tomonidan imzolangan stenogramma va yashirin ovoz berish natijalari koʻrsatilgan apellyatsiya yuzasidan xulosa hamda koʻrib chiqilgan apellyatsiya 10 kun ichida OAKga yuboriladi.

10-bob. Yakuniy qoida

99. Mazkur Nizom Oʻzbekiston Respublikasi Jismoniy tarbiya va sport davlat qoʻmitasi, Madaniyat vazirligi, Oliy va oʻrta maxsus taʼlim vazirligi, Sogʻliqni saqlash vazirligi, Xalq taʼlimi vazirligi, Qishloq va suv xoʻjaligi vazirligi, Tashqi ishlar vazirligi, Fanlar akademiyasi, Fan va texnologiyalar agentligi bilan kelishilgan.

Kelishildi:

Ilmiy darajalar beruvchi ilmiy kengash toʻgʻrisidagi nizomga 1-ILOVA

Ilmiy kengash tarkibiga kiritish koʻzda tutilayotgan shaxslar toʻgʻrisidagi

Ilmiy darajalar beruvchi ilmiy kengash toʻgʻrisidagi nizomga 2-ILOVA

Ilmiy kengash yoki dissertatsiya bajarilgan muassasa tomonidan Bir martalik ilmiy kengash tuzish boʻyicha yoki izlanuvchi tomonidan ilmiy darajalar beruvchi ilmiy kengashga taqdim etiladigan hujjatlar

1. Dissertatsiya bajarilgan muassasaning dissertatsiyani himoyaga qabul qilish yoki Bir martalik ilmiy kengash tuzish haqidagi murojaati.

2. Izlanuvchi toʻgʻrisidagi obyektiv-maʼlumotnoma va uning elektron shakli yozilgan SD-disk.

5. Malakaviy imtihonlarni topshirganligi haqidagi guvohnomalar (falsafa doktori (PhD) ilmiy darajasiga talabgor uchun).

6. Dissertatsiya bajarilgan muassasaning xulosasi.

7. Dissertatsiya muhokama qilingan tashkilotlar xulosalari (agar mavjud boʻlsa).

8. Izlanuvchining dissertatsiya bajarilgan muassasa tomonidan tasdiqlangan ilmiy ishlari roʻyxati, asosiy ilmiy ishlari nusxalari.

9. Ilmiy rahbar (konsultant)ning taqrizi.

10. Fan doktori (DSc) ilmiy darajasiga talabgor uchun fan nomzodi yoki falsafa doktori (PhD) yoxud unga tenglashtirilgan boshqa ilmiy daraja dissertatsiyasi avtoreferati.

11. Hammualliflikdagi ilmiy ishlarni dissertatsiyaga toʻla yoki qisman kiritish uchun hammualliflarning yozma ravishda bildirgan roziligi.

12. Dissertatsiya va dissertatsiya avtoreferati.

Ilmiy darajalar beruvchi ilmiy kengash toʻgʻrisidagi nizomga 3-ILOVA

Ilmiy kengashning 20____ yildagi faoliyati haqida HISOB O T ___________________________________________________________________________________________________________________________________________________________________________________ huzuridagi (muassasaning nomi) _______________________________________________________________________________________________________________________________ raqamli Ilmiy kengash OAKning 20___ yil _____ ___________________ (ilmiy kengash shifri) dagi _________-son qarori bilan tasdiqlangan. Ilmiy kengashga ______________________________________________________________________________________________________________________________________ ________________________________________ ixtisosligidan (ixtisoslik shifri va nomi) ______________________________________________________________________________________________________________________________________________________________________________ fanlari boʻyicha (fan tarmogʻi) _______________________________________________________________________________________________________________________________________________________________________________ ixtisosligidan (ixtisoslik shifri va nomi) _______________________________________________________________________________________________________________________________________________________________________________ fanlari boʻyicha (fan tarmogʻi) dissertatsiyalarni himoyaga qabul qilib olishga ruxsat etilgan. Hisobotda quyidagi maʼlumotlar boʻlishi kerak: 1. Oʻtkazilgan majlislar soni. 2. Ilmiy kengash aʼzolarining majlislarda ishtirok etish faolligi: T/r Ilmiy kengash aʼzosining F.I.O. (ixtisoslik shifri) Ishtirok etgan majlislari soni Majlislarning umumiy soniga nisbatan foiz hisobida Muhokamalarda ishtirok etgan majlislari soni Rasmiy opponent boʻlgan dissertatsiyalari soni Faollik darajasi (faol yoki nofaol) 1 2 3 4 5 6 3. Hisobot yilida Ilmiy kengash koʻrib chiqqan dissertatsiyalarning qisqacha tahlili hamda quyidagilar alohida koʻrsatilishi lozim: koʻrib chiqilgan ishlar mavzusining tahlili va mavzularning iqtisodiyot tarmoqlarini rivojlantirish dasturlariga bogʻliqligi va ilmiy-tadqiqot ishlarining istiqbolli yoʻnalishlarini aniqlashga doir takliflar; koʻrib chiqilgan ishlarning ilmiy natijalaridan iqtisodiyot tarmoqlarida qay darajada foydalanilayotganligi toʻgʻrisida maʼlumot. 4. Falsafa doktori (PhD) ilmiy darajasi olish uchun topshirilgan va koʻrib chiqilgan dissertatsiyalar haqida maʼlumot: Ixtisoslik shifri Ixtisoslik shifri Ixtisoslik shifri fan tarmogʻi fan tarmogʻi fan tarmogʻi fan tarmogʻi fan tarmogʻi fan tarmogʻi 1 2 3 4 5 6 7 Dastlabki bosqichda muhokamadan olingan ishlar Dissertatsiya himoyasi yakunlari boʻyicha ijobiy qaror chiqarilgan ishlar Shu jumladan boshqa tashkilotlardan xorijiy mamlakatlardan Dissertatsiya himoyasi yakunlari boʻyicha salbiy qaror chiqarilgan ishlar Shu jumladan boshqa tashkilotlarda xorijiy mamlakatlardan Qoʻshimcha xulosalar berilgan ishlar Ilmiy kengash muhokamasiga berilgan ishlar soni (20_____ yil 31-dekabr holatiga) Izoh: 1. Maʼlumotlar kasr shaklida beriladi, uning suratida koʻrib chiqilgan dissertatsiyalar soni, maxrajida esa — tayanch doktoranturada (bitirgan vaqtidan qatʼi nazar) tayyorgarlikdan oʻtgan talabgorlar dissertatsiyalarining soni koʻrsatiladi. 5. Fan doktori (DSc) ilmiy darajasi olish uchun topshirilgan va koʻrib chiqilgan dissertatsiyalar haqida maʼlumot: Ixtisoslik shifri Ixtisoslik shifri Ixtisoslik shifri fan tarmogʻi fan tarmogʻi fan tarmogʻi fan tarmogʻi fan tarmogʻi fan tarmogʻi 1 2 3 4 5 6 7 Dastlabki bosqichda muhokamadan olingan ishlar Dissertatsiya himoyasi yakunlari boʻyicha ijobiy qaror chiqarilgan ishlar Shu jumladan boshqa tashkilotlardan xorijiy mamlakatlardan Dissertatsiya himoyasi yakunlari boʻyicha salbiy qaror chiqarilgan ishlar Shu jumladan boshqa tashkilotlarda xorijiy mamlakatlardan Qoʻshimcha xulosalar berilgan ishlar Ilmiy kengash muhokamasiga berilgan ishlar soni (20_____ yil 31-dekabr holatiga) Izoh: 1. Maʼlumotlar kasr shaklida beriladi, uning suratida koʻrib chiqilgan dissertatsiyalar soni, maxrajida esa — doktoranturada (bitirgan vaqtidan qatʼi nazar) tayyorgarlikdan oʻtgan talabgorlar dissertatsiyalarining soni koʻrsatiladi. 6. Ilmiy maʼruza shaklida himoya qilingan fan doktori ( DSc ) dissertatsiyalari himoyalari toʻgʻrisida maʼlumot: T/r F.I.O. Ixtisoslik shifri Fan tarmogʻi 1 2 3 7. Tutash ixtisosliklarda bajarilgan dissertatsiyalar boʻyicha oʻtkazilgan himoyalar toʻgʻrisida maʼlumot: T/r F.I.O. Ilmiy kengashdagi ixtisoslik shifri Ixtisoslik shifri Fan tarmogʻi 1 2 3 4 2. Ixtisosliklar tutash kelgan mavzuda bajarilgan dissertatsiyalar uchun OAK qaroriga asosan Ilmiy kengashga qaysi ixtisosliklar boʻyicha dissertatsiya himoyasini oʻtkazish huquqi berilgan boʻlsa, faqat shu ixtisosliklargina koʻrsatiladi. 8. Tashkil etilgan Bir martalik ilmiy kengashlarda himoya qilingan dissertatsiyalar haqida maʼlumot: T/r F.I.O. Ilmiy kengashdagi ixtisoslik shifri Ixtisoslik shifri Fan tarmogʻi 1 2 3 4 9. Dissertatsiya himoyasisiz ilmiy daraja berilganlar haqida maʼlumot: T/r F.I.O. Ilmiy kengashdagi ixtisoslik shifri Ixtisoslik shifri Fan tarmogʻi 1 2 3 4 10. Ilmiy kengashning veb-sayti boʻyicha toʻliq maʼlumotlar. 11. Dissertatsiya himoyalari toʻgʻrisida respublika markaziy gazetalarida berilgan eʼlonlar toʻgʻrisida toʻliq maʼlumot. 12. Attestatsiya ishini takomillashtirish boʻyicha taklif va mulohazalar (mavjud boʻlsa). Ilmiy kengash raisi __________ (imzo) __________________________________ (F.I.O.) Ilmiy kengash ilmiy kotibi __________ (imzo) __________________________________ (F.I.O.) _____________________ (sana) M.Oʻ.

Ilmiy darajalar beruvchi ilmiy kengash toʻgʻrisidagi nizomga 4-ILOVA

Dissertatsiya himoyasi haqida OAK veb-saytida eʼlon qilish boʻyicha taqdim etiladigan hujjatlar

1. Ilmiy darajalar beruvchi ilmiy kengash raisi imzolagan yoʻllanma xat.

2. Talabgor toʻgʻrisidagi obyektiv-maʼlumotnoma va uning elektron shakli yozilgan SD-disk.

3. Dissertatsiya himoyasi haqida eʼlon matni va uning elektron shakli yozilgan SD-disk.

4. Dissertatsiya ilmiy natijalarining amaliyotga joriy etilgani toʻgʻrisida berilgan hujjatlarning nusxalari.

5. Dissertatsiya avtoreferatining qoʻlyozmasi hamda dissertatsiya va avtoreferatning elektron shakli yozilgan SD-disk.

Ilmiy darajalar beruvchi ilmiy kengash toʻgʻrisidagi nizomga 5-ILOVA

Dissertatsiya avtoreferati yuborilishi shart boʻlgan tashkilotlar

1. Oʻzbekiston Respublikasi Oliy Majlisining Senati.

2. Oʻzbekiston Respublikasi Oliy Majlisining Qonunchilik palatasi.

3. Oʻzbekiston Respublikasi Oliy taʼlim, fan va innovatsiyalar vazirligi huzuridagi Oliy attestatsiya komissiyasi.

4. Oʻzbekiston Respublikasi Oliy taʼlim, fan va innovatsiyalar vazirligi huzurida Innovatsion rivojlanish agentligi.

5. Alisher Navoiy nomidagi Oʻzbekiston Milliy kutubxonasi.

6. Oʻzbekiston Respublikasi Fanlar akademiyasining Asosiy kutubxonasi.

7. Oʻzbekiston Milliy ensiklopediyasi.

8. Oʻzbekiston Respublikasi Milliy kitob palatasi.

9. Oʻzbekiston Respublikasi Adliya vazirligi (yuridik fanlar boʻyicha bajarilgan ishlar).

11. Oʻzbekiston Respublikasi Sudyalar oliy kengashi huzuridagi Sudyalar oliy maktabi (yuridik fanlar boʻyicha bajarilgan ishlar).

12. Inson huquqlari boʻyicha Oʻzbekiston Respublikasi Milliy markazi (yuridik fanlar boʻyicha bajarilgan ishlar).

13. Oʻzbekiston Respublikasi Davlat ilmiy tibbiyot kutubxonasi (tibbiyot va farmatsevtika fanlari boʻyicha bajarilgan ishlar).

14. Mustaqil Davlatlar Hamdoʻstligi mamlakatlarining Milliy (Davlat) kutubxonalari.

Ilmiy darajalar beruvchi ilmiy kengash toʻgʻrisidagi nizomga 6-ILOVA

Ilmiy kengash aʼzolarining QAYD VARAQASI ___________________________________________________________________________________________________________________________________________________________________________ ixtisosligi boʻyicha (ixtisoslik shifri va nomi) ________________________________________________________________ (F.I.O.) ____________________________________________________________________________________________________________ yuzasidan (qaysi masala boʻyicha) 20 ____ yil _________________ dagi Ilmiy kengash majlisining _______________________-son bayonnomasiga oid. T/r F.I.O. Ilmiy darajasi, Ilmiy kengashdagi ixtisoslik shifri Majlisga keldi (imzo) Byulleten oldi (imzo) 1 2 3 4 Ilmiy kengash ilmiy kotibi __________ (imzo) __________________________________________ (F.I.O.)

Ilmiy darajalar beruvchi ilmiy kengash toʻgʻrisidagi nizomga 7-ILOVA

Yashirin ovoz berish BYULLETENI (Ilmiy kengash shifri) Ilmiy kengashning 20____ yil _________________ dagi majlisining ______________-son bayonnomasiga oid. Talabgorning F.I.O. Ilmiy darajaga munosib Ovoz berish natijalari Roziman Rozi emasman

Ilmiy darajalar beruvchi ilmiy kengash toʻgʻrisidagi nizomga 8-ILOVA

Hisob komissiyasi majlisining ‎BAYONNOMASI ‎ _________________________________ ‎(Ilmiy kengash shifri) ‎‎20_____ yil __________________________ ‎ ‎‎_________________________ ‎ ‎ ‎ ‎ ‎ ‎ (joy nomi)‎ ‎ ‎‎Saylangan komissiya tarkibi: ‎ ‎ ‎ ‎ ‎ ‎ ‎‎_____________________________________________ (F.I.O.) ‎ ‎ ‎ ‎ ‎‎_____________________________________________ (F.I.O.) ‎ ‎ ‎ ‎‎Komissiya ________________________________________________________ ning ‎(F.I.O.) ‎ ‎‎__________________________________________ ilmiy darajasini olishga qoʻyilgan dissertatsiyasi yuzasidan ‎‎(fan tarmogʻi va ilmiy daraja) ‎ ‎ ‎ ‎ ‎‎yashirin berilgan ovozlarni sanash uchun saylangan. ‎ ‎ ‎ ‎ ‎‎Ilmiy kengash tarkibi _______ kishidan iborat etib tasdiqlangan. ‎Ilmiy kengash tarkibiga hal qiluvchi ovoz berish huquqi bilan qoʻshimcha ravishda ___________ kishi kiritilgan. ‎Majlisda Ilmiy kengash aʼzolaridan _______ kishi, shu jumladan koʻrib chiqilayotgan dissertatsiya ixtisosligi boʻyicha ___________ nafar fan doktori ishtirok etdi. ‎ ‎ ‎ ‎ ‎‎___________ ta byulleten tarqatildi. ‎___________ ta byulleten tarqatilmay qoldi. ‎ ‎ ‎ ‎ ‎‎Qutichada __________ ta byulleten borligi aniqlandi. ‎‎Ovoz berish natijalari: ‎ ‎ ‎ ‎ ‎ ‎ ‎‎______________________________________________________________________________ga ‎(F.I.O.) ‎‎____________________________________________________________________________ ilmiy darajasini ‎‎(fan tarmogʻi va ilmiy daraja) ‎ ‎ ‎‎berish boʻyicha quyidagicha ovoz berildi: ‎tarafdorlar _______ ta (__________ foiz); ‎qarshilar _________ ta (__________ foiz); ‎yaroqsiz deb topilgan byulletenlar _________ ta (_________ foiz). ‎ ‎ ‎ ‎‎Hisob komissiyasi raisi_______________________________________________________________________ ‎(F.I.O.) ‎‎Komissiya aʼzolari:____________________________________________________________________________ ‎(F.I.O.) ‎____________________________________________________________________________________________ ‎(F.I.O.)

Ilmiy darajalar beruvchi ilmiy kengash toʻgʻrisidagi nizomga 9-ILOVA

Ilmiy darajalar beruvchi ilmiy kengash tomonidan OAKga yuboriladigan attestatsiya ishi hujjatlari

1. Ilmiy darajalar beruvchi ilmiy kengash raisi (majlis raisi) tomonidan imzolagan muassasa blankidagi kuzatuv xati.

2. Talabgor toʻgʻrisidagi obyektiv-maʼlumotnoma.

3. Ilmiy darajalar beruvchi ilmiy kengash raisi (majlis raisi) va ilmiy kotibi tomonidan imzolangan Ilmiy kengash majlisi stenogrammasining asl nusxasi (Ilmiy kengash aʼzolarining qayd varaqasi stenogrammaga ilova qilinadi).

4. Rasmiy opponentlarning va yetakchi tashkilotning taqrizlari.

5. Dissertatsiya himoyasi toʻgʻrisida OAK veb-saytida yoki “OAK Byulleteni” jurnalida hamda respublika markaziy gazetasida berilgan eʼlon nusxalari.

6. Dissertatsiya natijalaridan amaliyotda foydalanilganligi, foydalanish mumkinligi toʻgʻrisidagi hujjatlar;

8. Talabgorning faoliyati va attestatsiya tadbirlari natijalarini tasdiqlovchi hujjatlar (malakaviy imtihonlarni topshirganligi toʻgʻrisidagi guvohnomalarning asl nusxalari; hammualliflikdagi ilmiy ishlarni dissertatsiyaga toʻla yoki qisman kiritish uchun hammualliflarning yozma ravishda bildirgan roziligi).

9. Dissertatsiyaning bitta nusxasi va dissertatsiya avtoreferatining ikkita nusxasi hamda talabgorning asosiy ilmiy ishlari nusxalari.

10. Fan doktori (DSc) ilmiy darajasi talabgori uchun fan nomzodi yoki falsafa doktori (PhD) yoxud unga tenglashtirilgan boshqa ilmiy daraja dissertatsiyasi avtoreferati.

11. Dissertatsiya, dissertatsiya avtoreferati va talabgor toʻgʻrisidagi obyektiv-maʼlumotnomaning elektron shakli yozilgan SD-disk.

Oliy attestatsiya komissiyasi raisi A. YUSUPOV

Qishloq va suv xoʻjaligi vaziri Z. MIRZAYEV

Oliy va oʻrta maxsus taʼlim vaziri R. KASIMOV

Xalq taʼlimi vaziri U. INOYATOV

Tashqi ishlar vaziri A. KAMILOV

Sogʻliqni saqlash vaziri A. SHADMANOV

Madaniyat vaziri M. MURATOV

Fanlar akademiyasi prezidenti v. v. b. B. IBRAGIMOV

Jismoniy tarbiya va sport davlat qoʻmitasi raisi R. KURBANOV

Fan va texnologiyalar agentligi bosh direktori M. BOLTABAYEV

Toshkent sh.,

2017-yil 31-may,

2017-yil 29-may

2017-yil 30-may

239/3-son

(Oʻzbekiston Respublikasi qonun hujjatlari toʻplami, 2017-y., 25-son, 568-modda; Qonun hujjatlari maʼlumotlari milliy bazasi, 02.02.2018-y., 10/18/2893-1/0649-son, 17.07.2018-y., 10/18/2893-2/1522-son; 13.08.2020-y., 10/20/2893-3/1177-son; 19.04.2021-y., 10/21/2893-4/0349-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 27.01.2022-y., 10/22/2893-5/0090-son; 19.08.2024-y., 10/24/3552/0630-son)

lex.uz