UzbekAI

Ўзбекистон Республикаси Президентининг

Қарори

ПРОГНОЗ КЎРСАТКИЧЛАРИ

Тижорат банкларининг молиявий барқарорлиги ва капиталлашуви даражасини оширишга оид қўшимча чора-тадбирлар тўғрисида

[Кўчирма]

Тижорат банкларининг капиталлашуви даражасини янада қўллаб-қувватлаш, банк тизимининг молиявий барқарорлигини ошириш ҳамда инвестиция лойиҳалари ва тадбиркорликни молиялаштиришда уларнинг иштирокини кенгайтириш мақсадида:

1. Ўзбекистон Республикаси Марказий банки, Молия вазирлиги, Иқтисодиёт вазирлиги, Тикланиш ва тараққиёт жамғармасининг 2017 йилда Тикланиш ва тараққиёт жамғармасининг маблағлари ҳисобидан эквиваленти 500 млн. АҚШ доллари миқдорида тижорат банкларининг устав капиталларида давлат улушини ошириш тўғрисидаги таклифи иловага мувофиқ маъқуллансин.

Белгилансинки, мазкур қарорнинг иловасига мувофиқ тижорат банкларининг устав капиталларига йўналтирилаётган Ўзбекистон Республикаси Тикланиш ва тараққиёт жамғармасининг маблағлари, уларнинг устав капиталларига маблағлар тушган кундаги Ўзбекистон Республикаси Марказий банкининг курси бўйича ҳисобга олинади.

2. Мазкур қарорга мувофиқ Ўзбекистон Республикаси Тикланиш ва тараққиёт жамғармасининг улушини шакллантириш ва ошириш ҳисобига йўналтирилаётган маблағлар, биринчи навбатда, 2017-2018 йилларда ҳудудларни ижтимоий-иқтисодий ривожлантириш ва тадбиркорлик субъектларини молиявий қўллаб-қувватлашнинг тасдиқланган манзилли дастурларини молиялаштиришга (биргаликда молиялаштиришга) сарфланади.

3. Ўзбекистон Республикаси Тикланиш ва тараққиёт жамғармаси, Марказий банк бир ҳафта муддатда иловага мувофиқ тижорат банкларининг устав капиталларига маблағлар ўтказилишини таъминласин.

Бунда, тижорат банкларининг акцияларини қўшимча чиқаришни давлат рўйхатидан ўтказилишига қадар маблағлар, уларни кейинчалик акцияларни харид қилишга йўналтирган ҳолда «Акцияларга ёзилиш депозити» тижорат банкларининг махсус ҳисобварақларига йўналтирилади.

6. Ўзбекистон Республикаси Марказий банки ликвидликнинг чуқур етишмовчилиги юзага келган ҳолда тижорат банкларига 3 ой муддатгача таъминотсиз кредитларни бериш механизмини жорий этсин. Белгилансинки, ушбу кредитлар фақат банкларнинг ликвидлигини таъминлаб туриш, тўловларнинг узилмаслигини таъминлаш мақсадида берилади, ушбу ресурслардан кредитлар бериш учун фойдаланишга йўл қўйилмайди.

Белгилансинки, Ўзбекистон Республикаси Марказий банкининг таъминотсиз кредитларини олгандан сўнг мижозларнинг тўловларини узлуксиз амалга оширишни таъминлаолмаган тижорат банки устидан Марказий банк васийликка олиш режимини жорий этиш ҳуқуқига эга.

7. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Қимматли қоғозлар бозорини мувофиқлаштириш ва ривожлантириш маркази белгиланган тартибда, мазкур қарорнинг иловасида кўрсатилган тижорат банкларининг қўшимча ва янги чиқарилган акцияларини рўйхатдан ўтказилишини таъминласин.

8. Мазкур қарорнинг иловасида кўрсатилган тижорат банклари, ушбу қарордан келиб чиқадиган, уларнинг уставига киритиладиган ўзгартиш ва қўшимчаларни Ўзбекистон Республикаси Марказий банкида белгиланган тартибда рўйхатдан ўтказилишини таъминласинлар.

9. Ўзбекистон Республикаси Марказий банки Адлия вазирлиги, бошқа манфаатдор вазирлик ва идоралар билан биргаликда бир ой муддатда Вазирлар Маҳкамасига қонунчиликка мазкур қарордан келиб чиқадиган ўзгартиш ва қўшимчалар тўғрисида таклифлар киритсин.

Вазирлик ва идоралар ушбу қарорга ўзининг норматив-ҳуқуқий ҳужжатларини мувофиқлаштирсин.

10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси Марказий банки раиси М.Б. Нурмуратов зиммасига юклансин.

Ўзбекистон Республикаси Президентининг 2017 йил 16 июндаги ПҚ-3066-сон қарорига ИЛОВА

2017 йилда айрим тижорат банкларининг устав капиталларини ошириш

млн АҚШ доллари экв. Т/р Банкларнинг номи 01.06.2017 йилги устав капитали миқдори Устав капиталини қўшимча кўпайтириш 1. Ўзбекистон Республикаси ТИФ миллий банки 452 51 2. «Асака» АТБ 264 70 3. «Ўзсаноатқурилишбанк» АТБ 266 71 4. Халқ банки 134 65 5. «Қишлоқ қурилиш банк» АТБ 158 46 6. «Ипотека-банк» АТИБ 120 60 7. «Микрокредитбанк» АТБ 91 30 8. «Агробанк» АТБ 152 100 9. «Туронбанк» АТБ 26 7 Жами 1661 500

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 16 июнь,

ПҚ-3066-сон

(Ўзбекистон Республикаси қонун ҳужжатлари тўплами, 2017 й., 26-сон, 577-модда)

lex.uz

Oʻzbekiston Respublikasi Prezidentining

Qarori

PROGNOZ KOʻRSATKICHLARI

Tijorat banklarining moliyaviy barqarorligi va kapitallashuvi darajasini oshirishga oid qoʻshimcha chora-tadbirlar toʻgʻrisida

[Koʻchirma]

Tijorat banklarining kapitallashuvi darajasini yanada qoʻllab-quvvatlash, bank tizimining moliyaviy barqarorligini oshirish hamda investitsiya loyihalari va tadbirkorlikni moliyalashtirishda ularning ishtirokini kengaytirish maqsadida:

1. Oʻzbekiston Respublikasi Markaziy banki, Moliya vazirligi, Iqtisodiyot vazirligi, Tiklanish va taraqqiyot jamgʻarmasining 2017-yilda Tiklanish va taraqqiyot jamgʻarmasining mablagʻlari hisobidan ekvivalenti 500 mln. AQSH dollari miqdorida tijorat banklarining ustav kapitallarida davlat ulushini oshirish toʻgʻrisidagi taklifi ilovaga muvofiq maʼqullansin.

Belgilansinki, mazkur qarorning ilovasiga muvofiq tijorat banklarining ustav kapitallariga yoʻnaltirilayotgan Oʻzbekiston Respublikasi Tiklanish va taraqqiyot jamgʻarmasining mablagʻlari, ularning ustav kapitallariga mablagʻlar tushgan kundagi Oʻzbekiston Respublikasi Markaziy bankining kursi boʻyicha hisobga olinadi.

2. Mazkur qarorga muvofiq Oʻzbekiston Respublikasi Tiklanish va taraqqiyot jamgʻarmasining ulushini shakllantirish va oshirish hisobiga yoʻnaltirilayotgan mablagʻlar, birinchi navbatda, 2017-2018-yillarda hududlarni ijtimoiy-iqtisodiy rivojlantirish va tadbirkorlik subyektlarini moliyaviy qoʻllab-quvvatlashning tasdiqlangan manzilli dasturlarini moliyalashtirishga (birgalikda moliyalashtirishga) sarflanadi.

3. Oʻzbekiston Respublikasi Tiklanish va taraqqiyot jamgʻarmasi, Markaziy bank bir hafta muddatda ilovaga muvofiq tijorat banklarining ustav kapitallariga mablagʻlar oʻtkazilishini taʼminlasin.

Bunda, tijorat banklarining aksiyalarini qoʻshimcha chiqarishni davlat roʻyxatidan oʻtkazilishiga qadar mablagʻlar, ularni keyinchalik aksiyalarni xarid qilishga yoʻnaltirgan holda “Aksiyalarga yozilish depoziti” tijorat banklarining maxsus hisobvaraqlariga yoʻnaltiriladi.

6. Oʻzbekiston Respublikasi Markaziy banki likvidlikning chuqur yetishmovchiligi yuzaga kelgan holda tijorat banklariga 3 oy muddatgacha taʼminotsiz kreditlarni berish mexanizmini joriy etsin. Belgilansinki, ushbu kreditlar faqat banklarning likvidligini taʼminlab turish, toʻlovlarning uzilmasligini taʼminlash maqsadida beriladi, ushbu resurslardan kreditlar berish uchun foydalanishga yoʻl qoʻyilmaydi.

Belgilansinki, Oʻzbekiston Respublikasi Markaziy bankining taʼminotsiz kreditlarini olgandan soʻng mijozlarning toʻlovlarini uzluksiz amalga oshirishni taʼminlaolmagan tijorat banki ustidan Markaziy bank vasiylikka olish rejimini joriy etish huquqiga ega.

7. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Qimmatli qogʻozlar bozorini muvofiqlashtirish va rivojlantirish markazi belgilangan tartibda, mazkur qarorning ilovasida koʻrsatilgan tijorat banklarining qoʻshimcha va yangi chiqarilgan aksiyalarini roʻyxatdan oʻtkazilishini taʼminlasin.

8. Mazkur qarorning ilovasida koʻrsatilgan tijorat banklari, ushbu qarordan kelib chiqadigan, ularning ustaviga kiritiladigan oʻzgartish va qoʻshimchalarni Oʻzbekiston Respublikasi Markaziy bankida belgilangan tartibda roʻyxatdan oʻtkazilishini taʼminlasinlar.

9. Oʻzbekiston Respublikasi Markaziy banki Adliya vazirligi, boshqa manfaatdor vazirlik va idoralar bilan birgalikda bir oy muddatda Vazirlar Mahkamasiga qonunchilikka mazkur qarordan kelib chiqadigan oʻzgartish va qoʻshimchalar toʻgʻrisida takliflar kiritsin.

Vazirlik va idoralar ushbu qarorga oʻzining normativ-huquqiy hujjatlarini muvofiqlashtirsin.

10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.

Oʻzbekiston Respublikasi Prezidentining 2017-yil 16-iyundagi PQ-3066-son qaroriga ILOVA

2017-yilda ayrim tijorat banklarining ustav kapitallarini oshirish

mln AQSH dollari ekv. T/r Banklarning nomi 01.06.2017-yilgi ustav kapitali miqdori Ustav kapitalini qoʻshimcha koʻpaytirish 1. Oʻzbekiston Respublikasi TIF milliy banki 452 51 2. “Asaka” ATB 264 70 3. “Oʻzsanoatqurilishbank” ATB 266 71 4. Xalq banki 134 65 5. “Qishloq qurilish bank” ATB 158 46 6. “Ipoteka-bank” ATIB 120 60 7. “Mikrokreditbank” ATB 91 30 8. “Agrobank” ATB 152 100 9. “Turonbank” ATB 26 7 Jami 1661 500

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 16-iyun,

PQ-3066-son

(Oʻzbekiston Respublikasi qonun hujjatlari toʻplami, 2017-y., 26-son, 577-modda)

lex.uz

Президента Республики Узбекистан

Постановление

Прогнозные параметры

О дополнительных мерах по повышению финансовой устойчивости и уровня капитализации коммерческих банков

[Извлечение]

В целях дальнейшего поддержания уровня капитализации коммерческих банков, повышения финансовой устойчивости банковской системы и расширения их участия в финансировании инвестиционных проектов и предпринимательства:

1. Одобрить предложение Центрального банка, Министерства финансов, Министерства экономики, Фонда реконструкции и развития Республики Узбекистан об увеличении в 2017 году государственной доли уставных капиталах коммерческих банков за счет средств Фонда реконструкции и развития на сумму в эквиваленте 500 млн. долларов США согласно приложению.

Установить, что средства Фонда реконструкции и развития Республики Узбекистан, направляемые в уставные капиталы коммерческих банков в соответствии с приложением к настоящему постановлению, учитываются в их уставном капитале по курсу Центрального банка Республики Узбекистан на день внесения средств.

2. Определить, что средства, направляемые в соответствии с настоящим постановлением в счет формирования и увеличения доли Фонда реконструкции и развития Республики Узбекистан, используются приоритетно на финансирование (софинансирование) утвержденных адресных программ социально-экономического развития регионов в 2017-2018 годах и финансовой поддержки субъектов предпринимательства.

3. Фонду реконструкции и развития, Центральному банку Республики Узбекистан в недельный срок обеспечить перечисление средств в уставный капитал коммерческих банков согласно приложению .

При этом до государственной регистрации дополнительного выпуска акций коммерческих банков, средства направляются на специальные счета коммерческих банков «Депозиты по подписке на акции» для последующего их направления на приобретение акций.

6. Центральному банку Республики Узбекистан внедрить механизм, предусматривающий в случаях возникновения острого дефицита ликвидности предоставление коммерческим банкам кредитов без обеспечения на срок до 3-х месяцев. Установить, что данные кредиты выдаются исключительно для поддержания ликвидности банков в целях обеспечения бесперебойности платежей, не допуская использования этих ресурсов на выдачу кредитов.

Определить, что Центральный банк Республики Узбекистан вправе вводить режим опеки над коммерческим банком, не обеспечившим бесперебойное осуществление платежей клиентов после получения от Центрального банка кредитов без обеспечения.

7. Государственному комитету Республики Узбекистан по содействию приватизированным предприятиям и развитию конкуренции, Центру по координации и развитию рынка ценных бумаг обеспечить в установленном порядке регистрацию дополнительных и новых выпусков акций коммерческих банков, указанных в приложении к настоящему постановлению.

8. Коммерческим банкам, указанным в приложении к настоящему постановлению, обеспечить в установленном порядке регистрацию в Центральном банке Республики Узбекистан вносимых в их уставы изменений и дополнений, вытекающих из настоящего постановления.

9. Центральному банку Республики Узбекистан совместно с Министерством юстиции Республики Узбекистан и другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.

Министерствам и ведомствам привести принятые ими нормативно-правовые акты в соответствие с настоящим постановлением.

10. Контроль за исполнением настоящего постановления возложить на заместителя Премьер-министра Республики Узбекистан Ж.А. Кучкарова и Председателя Центрального банка Республики Узбекистан М.Б. Нурмуратова.

ПРИЛОЖЕНИЕ к постановлению Президента Республики Узбекистан от 16 июня 2017 года № ПП-3066

увеличения уставного капитала отдельных коммерческих банков в 2017 году

экв. млн долларов США № Наименование банков Размер уставного капитала на 01.06.2017 г. Дополнительное увеличение уставного капитала 1. Национальный банк ВЭД Республики Узбекистан 452 51 2. АКБ «Асака» 264 70 3. АКБ «Узпромстройбанк» 266 71 4. Народный банк 134 65 5. АКБ «Кишлок курилиш банк» 158 46 6. АКИБ «Ипотека-банк» 120 60 7. АКБ «Микрокредитбанк» 91 30 8. АКБ «Агробанк» 152 100 9. АКБ «Туронбанк» 26 7 Всего 1661 500

Президент Республики Узбекистан Ш. МИРЗИЁЕВ

г. Ташкент,

16 июня 2017 г.,

№ ПП-3066

(Собрание законодательства Республики Узбекистан, 2017 г., № 26, ст. 577)

lex.uz