📅 2017-yil 19-iyun · Vazirlik va idoralar hujjatlari · Adliya vazirligi BANDLIK VA MEHNAT MUNOSABATLARI vazirligi Moliya vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 19 июнь · Вазирлик ва идоралар ҳужжатлари · Адлия вазирлиги БАНДЛИК ВА МЕҲНАТ МУНОСАБАТЛАРИ вазирлиги Молия вазирлиги
Расмий матн. Расмий ҳужжат. Таҳририй изоҳлар киритилмаган.
📅 19 июня 2017 г. · Документы министерств и ведомств · Министерства юстиции Министерства занятости и трудовых отношений Министерства финансов
Официальный текст. Официальный документ. Редакционные примечания не включены.
📅 19 June 2017 · Ministry and agency documents · Adliya vazirligi BANDLIK VA MEHNAT MUNOSABATLARI vazirligi Moliya vazirligi
Official text. Official document. Editorial notes are not included.
Ўзбекистон Республикаси Адлия вазирлиги Ўзбекистон Республикаси БАНДЛИК ВА МЕҲНАТ МУНОСАБАТЛАРИ вазирлиги Ўзбекистон Республикаси Молия вазирлигининг
Қарори
Давлат нотариал идоралари ва нотариал архивлар фаолиятини молиялаштириш тартиби тўғрисидаги низомга ўзгартириш ва қўшимчалар киритиш ҳақида
Ўзбекистон Республикасининг «Нотариат тўғрисида»ги Қонуни ва Ўзбекистон Республикаси Вазирлар Маҳкамасининг 2010 йил 2 июндаги 104-сон «Ўзбекистон Республикаси Президентининг «Ўзбекистон Республикасида нотариат институтини янада такомиллаштириш чоралари тўғрисида» 2010 йил 5 майдаги ПФ-4216-сон Фармонини амалга ошириш чора-тадбирлари ҳақида»ги қарорига мувофиқ Ўзбекистон Республикаси Адлия вазирлиги, Бандлик ва меҳнат муносабатлари вазирлиги ва Молия вазирлиги қарор қилади:
1. Ўзбекистон Республикаси Адлия вазирлиги, Меҳнат ва аҳолини ижтимоий муҳофаза қилиш вазирлиги ва Молия вазирлигининг 2010 йил 22 декабрдаги 19, 201 ва 106-сон қарори (рўйхат рақами 2168, 2010 йил 22 декабрь) (Ўзбекистон Республикаси қонун ҳужжатлари тўплами, 2010 й., 51-сон, 501-модда) билан тасдиқланган Давлат нотариал идоралари ва нотариал архивлар фаолиятини молиялаштириш тартиби тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Адлия вазирлиги, Бандлик ва меҳнат муносабатлари вазирлиги ва Молия вазирлигининг 2017 йил 19 июндаги 5, 16-қ/қ ва 89-сон қарорига ИЛОВА
Давлат нотариал идоралари ва нотариал архивлар фаолиятини молиялаштириш тартиби тўғрисидаги низомга киритилаётган ўзгартириш ва қўшимчалар
1. 10-банднинг «б» кичик банди қуйидаги таҳрирда баён этилсин:
«б) мазкур Низомнинг 1-банди учинчи хатбошисида кўрсатилган маблағлар қуйидаги харажатларни қоплаш учун йўналтирилади:
ходимларнинг лавозим маошларига ҳар ойлик шахсий устама ўрнатиш, уларни мукофотлаш, қимматбаҳо совғалар билан рағбатлантириш ва уларга моддий ёрдам кўрсатишга, иш берувчиларнинг тўловларини ўз ичига олган ҳолда;
коммунал-эксплуатацион ва жорий сақлаш бўйича бошқа хизматлар харажатларини (коммунал хизматлар, алоқа хизмати, бинолар ижараси, канцелярия ва идора анжомларини сотиб олиш, техникани таъмирлаш ва хизмат кўрсатиш, архивга ишлов бериш ва бошқа харажатларни) қоплашга;».
2. 16 , 18 ва 19-бандлар ўз кучини йўқотган деб топилсин.
3. 17-банд қуйидаги таҳрирда баён этилсин:
«17. Ходимларнинг лавозим маошларига ҳар ойлик шахсий устамалар қуйидаги мезонлардан бири мавжуд бўлган тақдирда ўрнатилади:
а) нотариуслар учун:
нотариус лавозимида бир йилдан кам бўлмаган иш стажи;
юридик фанлар номзоди ёки доктори илмий даражасининг мавжудлиги;
Ўзбекистон Республикасининг фахрий унвонлари ва давлат мукофотлари билан тақдирланганлиги;
нотариат институтини такомиллаштириш бўйича таклифлар, шу жумладан, норматив-ҳуқуқий ҳужжатларнинг лойиҳаларини ишлаб чиқишда қатнашиши.
б) бошқа ходимлар:
олий маълумотга эгалиги;
нотариал идорада ёки нотариал архивда бир йилдан кам бўлмаган иш стажи.».
4. 20 ва 21-бандлар қуйидаги таҳрирда баён этилсин:
«20. Нотариус ва унга бириктирилган ходимларнинг лавозим маошларига ҳар ойлик шахсий устамалар ўрнатишга нотариус томонидан ҳисобот ойи давомида амалга оширилган ҳуқуқий ва техник тусдаги қўшимча ҳаракатлар учун ундирилган тушумларнинг 40 фоизи ажратилади.
Ажратилган маблағларни нотариус ва унга бириктирилган ходимлар ўртасида тақсимлаш нотариуснинг таклифига асосан амалга оширилади. Маблағларни тақсимлашда ходимнинг нотариал идора вазифа ва функцияларини бажаришга қўшган ҳиссаси, уларнинг меҳнат ва ижро интизомига риоя этганлиги инобатга олинади.
Нотариал архив ходимларининг лавозим маошларига ҳар ойлик шахсий устамалар улар лавозим маошларининг 75 фоизи миқдорида белгиланади.
21. Ходимларнинг лавозим маошларига ҳар ойлик шахсий устамалар ҳисобот ойи якуни натижаси бўйича ҳудудий адлия органлари раҳбарларининг буйруқлари билан ўрнатилади.».
5. Қуйидаги мазмундаги 21 1 -банд билан тўлдирилсин:
«21 1 . Ходимнинг лавозим маошларига ҳар ойлик шахсий устамалар қуйидаги ҳолларда ўрнатилмайди:
ходимга нисбатан интизомий жазо чораси қўлланилганда (ушбу интизомий жазонинг амал қилиш муддатига);
нотариус томонидан бир ойда амалга оширилган нотариал ҳаракатлар сони муайян ҳудуд бўйича (Қорақалпоғистон Республикаси, вилоятлар ва Тошкент шаҳри) нотариал ҳаракатлар умумий сонининг ҳар бир нотариусга тўғри келадиган ўртача миқдорининг ярмидан кам бўлса — нотариус ва унга бириктирилган ходимларга.».
6. 22-банднинг учинчи хатбошиси «нафақага чиқиш,» деган сўзлардан кейин «коррупцияга оид ҳуқуқбузарлик фактлари ҳақида хабар бериш,» деган сўзлар билан тўлдирилсин.
7. 24-бандда :
биринчи хатбошидаги «Нотариал идоралар ва нотариал архивлар ходимларини моддий рағбатлантириш» деган сўзлар «Ходимларни мукофотлаш, қимматбаҳо совғалар билан рағбатлантириш ва уларга моддий ёрдам кўрсатиш» деган сўзлар билан алмаштирилсин;
ўзбек тилидаги матннинг учинчи хатбошиси қуйидаги таҳрирда баён этилсин:
«катта нотариусларнинг (нотариусларнинг) таклифлари бўйича — нотариал идораларнинг бошқа ходимларига нисбатан амалга оширилади.».
Адлия вазири М. ИКРАМОВ
Бандлик ва меҳнат муносабатлари вазири А. АБДУҲАКИМОВ
Молия вазири Б. ХОДЖАЕВ
Тошкент ш.,
2017 йил 19 июнь,
Тошкент ш.,
2017 йил 19 июнь,
Тошкент ш.,
2017 йил 19 июнь,
5-сон
16-қ/қ-сон
89-сон
Oʻzbekiston Respublikasi Adliya vazirligi Oʻzbekiston Respublikasi BANDLIK VA MEHNAT MUNOSABATLARI vazirligi Oʻzbekiston Respublikasi Moliya vazirligining
Qarori
Davlat notarial idoralari va notarial arxivlar faoliyatini moliyalashtirish tartibi toʻgʻrisidagi nizomga oʻzgartirish va qoʻshimchalar kiritish haqida
Oʻzbekiston Respublikasining “Notariat toʻgʻrisida”gi Qonuni va Oʻzbekiston Respublikasi Vazirlar Mahkamasining 2010-yil 2-iyundagi 104-son “Oʻzbekiston Respublikasi Prezidentining “Oʻzbekiston Respublikasida notariat institutini yanada takomillashtirish choralari toʻgʻrisida” 2010-yil 5-maydagi PF-4216-son Farmonini amalga oshirish chora-tadbirlari haqida”gi qaroriga muvofiq Oʻzbekiston Respublikasi Adliya vazirligi, Bandlik va mehnat munosabatlari vazirligi va Moliya vazirligi qaror qiladi:
1. Oʻzbekiston Respublikasi Adliya vazirligi, Mehnat va aholini ijtimoiy muhofaza qilish vazirligi va Moliya vazirligining 2010-yil 22-dekabrdagi 19, 201 va 106-son qarori (roʻyxat raqami 2168, 2010-yil 22-dekabr) (Oʻzbekiston Respublikasi qonun hujjatlari toʻplami, 2010-y., 51-son, 501-modda) bilan tasdiqlangan Davlat notarial idoralari va notarial arxivlar faoliyatini moliyalashtirish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Adliya vazirligi, Bandlik va mehnat munosabatlari vazirligi va Moliya vazirligining 2017-yil 19-iyundagi 5, 16-q/q va 89-son qaroriga ILOVA
Davlat notarial idoralari va notarial arxivlar faoliyatini moliyalashtirish tartibi toʻgʻrisidagi nizomga kiritilayotgan oʻzgartirish va qoʻshimchalar
1. 10-bandning “b” kichik bandi quyidagi tahrirda bayon etilsin:
“b) mazkur Nizomning 1-bandi uchinchi xatboshisida koʻrsatilgan mablagʻlar quyidagi xarajatlarni qoplash uchun yoʻnaltiriladi:
xodimlarning lavozim maoshlariga har oylik shaxsiy ustama oʻrnatish, ularni mukofotlash, qimmatbaho sovgʻalar bilan ragʻbatlantirish va ularga moddiy yordam koʻrsatishga, ish beruvchilarning toʻlovlarini oʻz ichiga olgan holda;
kommunal-ekspluatatsion va joriy saqlash boʻyicha boshqa xizmatlar xarajatlarini (kommunal xizmatlar, aloqa xizmati, binolar ijarasi, kanselyariya va idora anjomlarini sotib olish, texnikani taʼmirlash va xizmat koʻrsatish, arxivga ishlov berish va boshqa xarajatlarni) qoplashga;”.
2. 16 , 18 va 19-bandlar oʻz kuchini yoʻqotgan deb topilsin.
3. 17-band quyidagi tahrirda bayon etilsin:
“17. Xodimlarning lavozim maoshlariga har oylik shaxsiy ustamalar quyidagi mezonlardan biri mavjud boʻlgan taqdirda oʻrnatiladi:
a) notariuslar uchun:
notarius lavozimida bir yildan kam boʻlmagan ish staji;
yuridik fanlar nomzodi yoki doktori ilmiy darajasining mavjudligi;
Oʻzbekiston Respublikasining faxriy unvonlari va davlat mukofotlari bilan taqdirlanganligi;
notariat institutini takomillashtirish boʻyicha takliflar, shu jumladan, normativ-huquqiy hujjatlarning loyihalarini ishlab chiqishda qatnashishi.
b) boshqa xodimlar:
oliy maʼlumotga egaligi;
notarial idorada yoki notarial arxivda bir yildan kam boʻlmagan ish staji.”.
4. 20 va 21-bandlar quyidagi tahrirda bayon etilsin:
“20. Notarius va unga biriktirilgan xodimlarning lavozim maoshlariga har oylik shaxsiy ustamalar oʻrnatishga notarius tomonidan hisobot oyi davomida amalga oshirilgan huquqiy va texnik tusdagi qoʻshimcha harakatlar uchun undirilgan tushumlarning 40 foizi ajratiladi.
Ajratilgan mablagʻlarni notarius va unga biriktirilgan xodimlar oʻrtasida taqsimlash notariusning taklifiga asosan amalga oshiriladi. Mablagʻlarni taqsimlashda xodimning notarial idora vazifa va funksiyalarini bajarishga qoʻshgan hissasi, ularning mehnat va ijro intizomiga rioya etganligi inobatga olinadi.
Notarial arxiv xodimlarining lavozim maoshlariga har oylik shaxsiy ustamalar ular lavozim maoshlarining 75 foizi miqdorida belgilanadi.
21. Xodimlarning lavozim maoshlariga har oylik shaxsiy ustamalar hisobot oyi yakuni natijasi boʻyicha hududiy adliya organlari rahbarlarining buyruqlari bilan oʻrnatiladi.”.
5. Quyidagi mazmundagi 21 1 -band bilan toʻldirilsin:
“21 1 . Xodimning lavozim maoshlariga har oylik shaxsiy ustamalar quyidagi hollarda oʻrnatilmaydi:
xodimga nisbatan intizomiy jazo chorasi qoʻllanilganda (ushbu intizomiy jazoning amal qilish muddatiga);
notarius tomonidan bir oyda amalga oshirilgan notarial harakatlar soni muayyan hudud boʻyicha (Qoraqalpogʻiston Respublikasi, viloyatlar va Toshkent shahri) notarial harakatlar umumiy sonining har bir notariusga toʻgʻri keladigan oʻrtacha miqdorining yarmidan kam boʻlsa — notarius va unga biriktirilgan xodimlarga.”.
6. 22-bandning uchinchi xatboshisi “nafaqaga chiqish,” degan soʻzlardan keyin “korrupsiyaga oid huquqbuzarlik faktlari haqida xabar berish,” degan soʻzlar bilan toʻldirilsin.
7. 24-bandda :
birinchi xatboshidagi “Notarial idoralar va notarial arxivlar xodimlarini moddiy ragʻbatlantirish” degan soʻzlar “Xodimlarni mukofotlash, qimmatbaho sovgʻalar bilan ragʻbatlantirish va ularga moddiy yordam koʻrsatish” degan soʻzlar bilan almashtirilsin;
oʻzbek tilidagi matnning uchinchi xatboshisi quyidagi tahrirda bayon etilsin:
“katta notariuslarning (notariuslarning) takliflari boʻyicha — notarial idoralarning boshqa xodimlariga nisbatan amalga oshiriladi.”.
Adliya vaziri M. IKRAMOV
Bandlik va mehnat munosabatlari vaziri A. ABDUHAKIMOV
Moliya vaziri B. XODJAYEV
Toshkent sh.,
2017-yil 19-iyun,
Toshkent sh.,
2017-yil 19-iyun,
Toshkent sh.,
2017-yil 19-iyun,
5-son
16-q/q-son
89-son
Министерства юстиции Республики Узбекистан Министерства занятости и трудовых отношений Республики Узбекистан Министерства финансов Республики Узбекистан
Постановление
О внесении изменений и дополнений в Положение о порядке финансирования деятельности государственных нотариальных контор и нотариальных архивов
В соответствии с Законом Республики Узбекистан «О нотариате» и постановлением Кабинета Министров Республики Узбекистан от 2 июня 2010 года № 104 «О мерах по реализации Указа Президента Республики Узбекистан от 5 мая 2010 года № УП-4216 «О мерах по дальнейшему совершенствованию института нотариата в Республике Узбекистан» Министерство юстиции, Министерство занятости и трудовых отношений и Министерство финансов Республики Узбекистан постановляют:
1. Внести изменения и дополнения в Положение о порядке финансирования деятельности государственных нотариальных контор и нотариальных архивов, утвержденное постановлением Министерства юстиции, Министерства труда и социальной защиты населения и Министерства финансов Республики Узбекистан от 22 декабря 2010 года №№ 19, 201 и 106 (рег. № 2168 от 22 декабря 2010 года) (Собрание законодательства Республики Узбекистан, 2010 г., № 51, ст. 501), согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Министерства юстиции, Министерства занятости и трудовых отношений и Министерства финансов Республики Узбекистан от 19 июня 2017 года №№ 5, 16-к/к и 89
Изменения и дополнения, вносимые в Положение о порядке финансирования деятельности государственных нотариальных контор и нотариальных архивов
1. Подпункт «б» пункта 10 изложить в следующей редакции:
«б) в абзаце третьем пункта 1 настоящего Положения, направляются на покрытие следующих расходов:
установление персональных ежемесячных надбавок к должностным окладам работников, их премирование, награждение ценными подарками и оказание им материальной помощи, включая отчисления работодателей;
покрытие расходов по оплате коммунально-эксплуатационных и других услуг по текущему содержанию (коммунальные услуги, услуги связи, аренда помещений, приобретение канцелярских и офисных принадлежностей, ремонт и обслуживание техники, обработка архива и прочие расходы);».
2. Пункты 16 , 18 и 19 признать утратившими силу.
3. Пункт 17 изложить в следующей редакции:
«17. Персональные ежемесячные надбавки к должностным окладам работников устанавливаются при наличии одного из следующих критериев:
а) для нотариусов:
стаж работы в должности нотариуса не менее одного года;
наличие ученой степени кандидата или доктора юридических наук;
награждение почетными званиями и государственными наградами Республики Узбекистан;
участие в разработке предложений по совершенствованию института нотариата, в том числе, проектов нормативно-правовых актов.
б) другие работники:
наличие высшего образования;
стаж работы в нотариальной конторе или нотариальном архиве не менее одного года.».
4. Пункты 20 и 21 изложить в следующей редакции:
«20. Для установления персональных ежемесячных надбавок к должностным окладам нотариуса и прикрепленных к нему работников выделяются 40 процентов средств, поступающих за совершенные нотариусом дополнительные действия правового и технического характера.
Распределение выделенных средств между нотариусом и прикрепленными к нему работниками осуществляется по предложению нотариуса. При распределении средств учитывается вклад работника в выполнении задач и функций нотариальной конторы, соблюдение ими трудовой и исполнительной дисциплины.
К должностным окладам работников нотариальных архивов устанавливаются персональные ежемесячные надбавки в размере 75 процентов от их должностного оклада.
21. Персональные ежемесячные надбавки к должностным окладам работников устанавливаются по результатам итогов отчетного месяца в соответствии с приказами руководителей территориальных органов юстиции.».
5. Дополнить пунктом 21 1 следующего содержания:
«21 1 . Персональные ежемесячные надбавки работникам не устанавливаются в следующих случаях:
применения дисциплинарного взыскания в отношении работника (в период действия данного дисциплинарного взыскания);
если количество совершенных нотариусом нотариальных действий в месяц меньше на половину среднего количества нотариальных действий, приходящихся на одного нотариуса по определенной территории (Республика Каракалпакстан, области и город Ташкент) — нотариусу и работникам, прикрепленных к нему.».
6. Абзац третий пункта 22 после слов «уходом на пенсию,» дополнить словами «за сообщение о фактах коррупционных правонарушений;».
7. В пункте 24 :
в абзаце первом слова «Материальное стимулирование работников нотариальных контор и нотариальных архивов» заменить словами «Премирование, награждение ценными подарками работников и оказание им материальной помощи»;
абзац третий текста на узбекском языке изложить в следующей редакции:
«катта нотариуслар (нотариуслар) нинг таклифлари бўйича — нотариал идораларнинг бошқа ходимларига нисбатан амалга оширилади.».
Министр юстиции М. ИКРАМОВ
Министр занятости и трудовых отношений А. АБДУХАКИМОВ
Министр финансов Б. ХОДЖАЕВ
г. Ташкент,
19 июня 2017 г.,
г. Ташкент,
19 июня 2017 г.,
г. Ташкент,
19 июня 2017 г.,
№ 5
№ 16-к/к
№ 89