📅 2017-yil 30-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 30 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 30 июня 2017 г. · Указы Президента
Официальный текст. Официальный документ. Редакционные примечания не включены.
📅 30 June 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Республикада ахборот технологиялари соҳасини ривожлантириш учун шарт-шароитларни тубдан яхшилаш чора-тадбирлари тўғрисида
Кейинги йилларда ахборот-коммуникация технологияларини (кейинги ўринларда АКТ деб аталади) давлат бошқаруви ва давлат хизматлари кўрсатишнинг барча соҳаларига жорий этиш бўйича босқичма-босқич ўтказилаётган ислоҳотлар ахборот хизматларини илгари суриш, «электрон ҳукумат» тизимини ривожлантириш ва амалга ошириш, халқ билан мулоқот қилиш ва аҳолининг кундалик муаммоларини жойларда ўз вақтида ҳал қилишнинг самарали механизмларини яратиш имконини берди.
Бу борада эришилган натижаларга қарамасдан, ахборот технологиялари ривожланиши ва уларни иқтисодиёт соҳаларига жорий этишнинг ҳозирги ҳолати, шунингдек маҳаллий дастурий маҳсулотларнинг экспорт даражаси ҳали ҳам пастлигича қолмоқда. Ахборот технологияларининг рақобатдош ва юқори унумдорликка эга тармоғини шакллантириш учун мамлакатнинг фан ва таълим соҳасидаги салоҳиятидан етарлича фойдаланилмаяпти.
Республикада амал қилаётган ташкилий-иқтисодий шароит АКТ соҳасида тез ўсишни намойиш этаётган хорижий мамлакатларда яратилган шароитларга нисбатан мамлакатнинг рақобатдошлиги пастлигини ҳисобга олган ҳолда ушбу соҳанинг янада ривожланишига етарли даражада ёрдам бермаяпти.
АКТнинг жадал ривожланиши янги имкониятларни очиб берар экан, давлат томонидан кенг кўламли қўллаб-қувватлашни ҳамда республиканинг халқаро АКТ бозоридаги ўрнини кучайтиришни талаб қилади.
АКТдан фойдаланишга асосланган иқтисодиётнинг юқори технологик тармоқларини шакллантириш ва фаол ривожлантириш учун қулай шароитлар яратиш, ахборот технологиялари маҳсулотлари ишлаб чиқарувчилар ва буюртмачиларига қўшимча имтиёзлар ва преференциялар бериш ҳисобига ушбу тармоқда илм-фан, таълим ва ишлаб чиқаришнинг интеграциялашувини янада чуқурлаштириш, АКТ маҳсулотлари экспортини кўпайтириш, шунингдек маҳаллий ва хорижий инвестициялар жалб этилишини рағбатлантириш мақсадида:
2. Белгилаб қўйилсинки, Дастурий маҳсулотлар ва ахборот технологиялари технологик парки (кейинги ўринларда — Технопарк) ахборот технологиялари маҳсулотларини ишлаб чиқаришни ривожлантириш учун энг қулай шароитларни яратиш мақсадида бутун республика ҳудудида Технопарк резидентларини жойлаштирган ҳолда Ўзбекистон Республикаси ҳудуди доирасида экстерриториаллик принципи асосида ташкил қилинади.
5. Технопарк резидентлари 2028 йил 1 январгача бўлган муддатга:
барча турдаги солиқлар ва давлат мақсадли жамғармаларига мажбурий ажратмаларни, шунингдек ижтимоий солиқни тўлашдан;
белгиланган тартибда тасдиқланадиган рўйхатлар бўйича Ўзбекистон Республикасида ишлаб чиқарилмайдиган, ўз эҳтиёжлари учун олиб кирилаётган ускуналар, бутловчи қисмлар, деталлар, узеллар, технологик ҳужжатлар, дастурий таъминот воситалари учун божхона тўловлари тўлашдан (божхона йиғимларидан ташқари) озод этилсин.
7. Ўзбекистон Республикаси Ахборот технологиялари ва коммуникацияларини ривожлантириш вазирлиги Молия вазирлиги ва Давлат солиқ қўмитаси билан биргаликда:
ҳар йили берилган имтиёзлар ва преференцияларнинг АКТ миллий бозорининг ривожланишига таъсири, ички ва ташқи бозорларда дастурий маҳсулотлар ва АКТ хизматларининг рақобатдошлиги даражасини таҳлил қилсин ва таҳлил натижаларини кейинчалик Мувофиқлаштирувчи кенгашга киритсин;
2017 йил 1 ноябргача бўлган муддатда Ўзбекистон Республикаси Президентининг «Мамлакатимизнинг дастурий таъминот воситалари ишлаб чиқувчиларини рағбатлантиришни янада кучайтириш чора-тадбирлари тўғрисида»ги 2013 йил 20 сентябрдаги ПҚ-2042-сон қарорига мувофиқ яратилган Дастурий таъминот воситалари ишлаб чиқувчилари миллий реестрининг келгусида фаолият юритишининг мақсадга мувофиқлиги тўғрисидаги таклифларни Мувофиқлаштирувчи кенгашга киритсин.
8. Технопарк резидентлари билан тузилган меҳнат шартномалари бўйича ходимлар томонидан 2028 йил 1 январгача олинган меҳнатга ҳақ тўлаш тарзидаги даромадлар:
7,5 фоиз миқдордаги қатъий белгиланган ставка бўйича жисмоний шахслардан олинадиган даромад солиғига тортилиши;
солиқ солиш мақсадида белгиланадиган жисмоний шахсларнинг умумий йиллик даромадлари ҳажмига киритилмаслиги белгилаб қўйилсин.
9. Ўзбекистон Республикаси Ахборот технологиялари ва коммуникацияларини ривожлантириш вазирлиги Марказий банк билан биргаликда уч ой муддатда республикада товарлар ва хизматларга ҳақ тўлаш учун халқаро тўлов карталарини қабул қилиш, шунингдек Ўзбекистон Республикаси резидентларининг банк ҳисоб рақамларига Интернет бутунжаҳон ахборот тармоғидаги онлайн дўконлар орқали товарлар ва хизматларни сотишдан олинган валюта тушумини ҳисобга олиш тизимининг мукаммал ишлашига доир зарур чоралар кўрсин.
10. Ўзбекистон Республикаси Инвестициялар ва ташқи савдо вазирлиги доимий асосда Технопарк резидентлари ахборот технологиялари маҳсулотларининг хорижга кириб боришини таъминласин.
11. Ўзбекистон Республикаси Вазирлар Маҳкамаси бир ой муддатда Инновация маркази тўғрисидаги низомни тасдиқласин, унда қуйидаги тартиб назарда тутилсин:
Инновация маркази ва Мувофиқлаштирувчи кенгаш фаолиятини ташкил этиш;
юридик шахсларни резидент мақомини олишнинг аниқ мезонларини белгилашни ҳисобга олган ҳолда Инновация маркази резидентлари сифатида рўйхатга олиш;
Инновация маркази резидентлари учун махсус валюта режимини қўллаш.
12. Ўзбекистон Миллий телерадиокомпанияси, Ўзбекистон Миллий ахборот агентлиги Технопарк фаолиятининг оммавий ахборот воситаларида кенг ёритилишини ташкил қилсин.
13. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 30 июнь,
ПФ-5099-сон
Oʻzbekiston Respublikasi Prezidentining
Farmoni
Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari toʻgʻrisida
Keyingi yillarda axborot-kommunikatsiya texnologiyalarini (keyingi oʻrinlarda AKT deb ataladi) davlat boshqaruvi va davlat xizmatlari koʻrsatishning barcha sohalariga joriy etish boʻyicha bosqichma-bosqich oʻtkazilayotgan islohotlar axborot xizmatlarini ilgari surish, “elektron hukumat” tizimini rivojlantirish va amalga oshirish, xalq bilan muloqot qilish va aholining kundalik muammolarini joylarda oʻz vaqtida hal qilishning samarali mexanizmlarini yaratish imkonini berdi.
Bu borada erishilgan natijalarga qaramasdan, axborot texnologiyalari rivojlanishi va ularni iqtisodiyot sohalariga joriy etishning hozirgi holati, shuningdek mahalliy dasturiy mahsulotlarning eksport darajasi hali ham pastligicha qolmoqda. Axborot texnologiyalarining raqobatdosh va yuqori unumdorlikka ega tarmogʻini shakllantirish uchun mamlakatning fan va taʼlim sohasidagi salohiyatidan yetarlicha foydalanilmayapti.
Respublikada amal qilayotgan tashkiliy-iqtisodiy sharoit AKT sohasida tez oʻsishni namoyish etayotgan xorijiy mamlakatlarda yaratilgan sharoitlarga nisbatan mamlakatning raqobatdoshligi pastligini hisobga olgan holda ushbu sohaning yanada rivojlanishiga yetarli darajada yordam bermayapti.
AKTning jadal rivojlanishi yangi imkoniyatlarni ochib berar ekan, davlat tomonidan keng koʻlamli qoʻllab-quvvatlashni hamda respublikaning xalqaro AKT bozoridagi oʻrnini kuchaytirishni talab qiladi.
AKTdan foydalanishga asoslangan iqtisodiyotning yuqori texnologik tarmoqlarini shakllantirish va faol rivojlantirish uchun qulay sharoitlar yaratish, axborot texnologiyalari mahsulotlari ishlab chiqaruvchilar va buyurtmachilariga qoʻshimcha imtiyozlar va preferensiyalar berish hisobiga ushbu tarmoqda ilm-fan, taʼlim va ishlab chiqarishning integratsiyalashuvini yanada chuqurlashtirish, AKT mahsulotlari eksportini koʻpaytirish, shuningdek mahalliy va xorijiy investitsiyalar jalb etilishini ragʻbatlantirish maqsadida:
2. Belgilab qoʻyilsinki, Dasturiy mahsulotlar va axborot texnologiyalari texnologik parki (keyingi oʻrinlarda — Texnopark) axborot texnologiyalari mahsulotlarini ishlab chiqarishni rivojlantirish uchun eng qulay sharoitlarni yaratish maqsadida butun respublika hududida Texnopark rezidentlarini joylashtirgan holda Oʻzbekiston Respublikasi hududi doirasida eksterritoriallik prinsipi asosida tashkil qilinadi.
5. Texnopark rezidentlari 2028-yil 1-yanvargacha boʻlgan muddatga:
barcha turdagi soliqlar va davlat maqsadli jamgʻarmalariga majburiy ajratmalarni, shuningdek ijtimoiy soliqni toʻlashdan;
belgilangan tartibda tasdiqlanadigan roʻyxatlar boʻyicha Oʻzbekiston Respublikasida ishlab chiqarilmaydigan, oʻz ehtiyojlari uchun olib kirilayotgan uskunalar, butlovchi qismlar, detallar, uzellar, texnologik hujjatlar, dasturiy taʼminot vositalari uchun bojxona toʻlovlari toʻlashdan (bojxona yigʻimlaridan tashqari) ozod etilsin.
7. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Moliya vazirligi va Davlat soliq qoʻmitasi bilan birgalikda:
har yili berilgan imtiyozlar va preferensiyalarning AKT milliy bozorining rivojlanishiga taʼsiri, ichki va tashqi bozorlarda dasturiy mahsulotlar va AKT xizmatlarining raqobatdoshligi darajasini tahlil qilsin va tahlil natijalarini keyinchalik Muvofiqlashtiruvchi kengashga kiritsin;
2017-yil 1-noyabrgacha boʻlgan muddatda Oʻzbekiston Respublikasi Prezidentining “Mamlakatimizning dasturiy taʼminot vositalari ishlab chiquvchilarini ragʻbatlantirishni yanada kuchaytirish chora-tadbirlari toʻgʻrisida”gi 2013-yil 20-sentabrdagi PQ-2042-son qaroriga muvofiq yaratilgan Dasturiy taʼminot vositalari ishlab chiquvchilari milliy reyestrining kelgusida faoliyat yuritishining maqsadga muvofiqligi toʻgʻrisidagi takliflarni Muvofiqlashtiruvchi kengashga kiritsin.
8. Texnopark rezidentlari bilan tuzilgan mehnat shartnomalari boʻyicha xodimlar tomonidan 2028-yil 1-yanvargacha olingan mehnatga haq toʻlash tarzidagi daromadlar:
7,5 foiz miqdordagi qatʼiy belgilangan stavka boʻyicha jismoniy shaxslardan olinadigan daromad soligʻiga tortilishi;
soliq solish maqsadida belgilanadigan jismoniy shaxslarning umumiy yillik daromadlari hajmiga kiritilmasligi belgilab qoʻyilsin.
9. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Markaziy bank bilan birgalikda uch oy muddatda respublikada tovarlar va xizmatlarga haq toʻlash uchun xalqaro toʻlov kartalarini qabul qilish, shuningdek Oʻzbekiston Respublikasi rezidentlarining bank hisob raqamlariga Internet butunjahon axborot tarmogʻidagi onlayn doʻkonlar orqali tovarlar va xizmatlarni sotishdan olingan valyuta tushumini hisobga olish tizimining mukammal ishlashiga doir zarur choralar koʻrsin.
10. Oʻzbekiston Respublikasi Investitsiyalar va tashqi savdo vazirligi doimiy asosda Texnopark rezidentlari axborot texnologiyalari mahsulotlarining xorijga kirib borishini taʼminlasin.
11. Oʻzbekiston Respublikasi Vazirlar Mahkamasi bir oy muddatda Innovatsiya markazi toʻgʻrisidagi nizomni tasdiqlasin, unda quyidagi tartib nazarda tutilsin:
Innovatsiya markazi va Muvofiqlashtiruvchi kengash faoliyatini tashkil etish;
yuridik shaxslarni rezident maqomini olishning aniq mezonlarini belgilashni hisobga olgan holda Innovatsiya markazi rezidentlari sifatida roʻyxatga olish;
Innovatsiya markazi rezidentlari uchun maxsus valyuta rejimini qoʻllash.
12. Oʻzbekiston Milliy teleradiokompaniyasi, Oʻzbekiston Milliy axborot agentligi Texnopark faoliyatining ommaviy axborot vositalarida keng yoritilishini tashkil qilsin.
13. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 30-iyun,
PF-5099-son
Президента Республики Узбекистан
Указ
О мерах по коренному улучшению условий для развития отрасли информационных технологий в республике
Проводимые за последние годы поэтапные реформы по внедрению информационно-коммуникационных технологий (далее — ИКТ) во все сферы государственного управления и предоставления государственных услуг позволили добиться значительного прогресса в продвижении информационных услуг, развитии и реализации системы «электронное правительство», создании эффективных механизмов налаживания диалога с народом и своевременного решения насущных проблем населения на местах.
Вместе с тем, несмотря на достигнутые результаты, современное состояние развития информационных технологий и внедрения их в отрасли экономики, а также уровень экспорта отечественных программных продуктов все еще остаются низкими, недостаточно используется научно-образовательный потенциал страны для формирования конкурентоспособной и высокопроизводительной отрасли информационных технологий.
Действующие организационно-экономические условия в республике не способствуют дальнейшему развитию данной отрасли с учетом низкого конкурентного преимущества страны по сравнению с условиями, созданными в зарубежных странах, демонстрирующих быстрый рост в сфере ИКТ.
Стремительное развитие ИКТ, открывая новые возможности, предъявляет высокие требования к масштабам государственной поддержки и усилению позиций республики на глобальном рынке ИКТ.
В целях создания благоприятных условий для формирования и активного развития высокотехнологичных отраслей экономики, основанных на использовании ИКТ, дальнейшего углубления интеграции науки, образования и производства в данной отрасли за счет предоставления дополнительных льгот и преференций разработчикам и заказчикам продуктов информационных технологий, увеличения экспорта продукции ИКТ, а также стимулирования привлечения отечественных и зарубежных инвестиций:
2. Установить, что Технологический парк программных продуктов и информационных технологий (далее — Технопарк) создается на принципе экстерриториальности в пределах территории Республики Узбекистан с размещением резидентов Технопарка на всей территории республики в целях создания благоприятных условий для развития производства продукции информационных технологий.
5. Освободить сроком до 1 января 2028 года резидентов Технопарка от:
уплаты всех видов налогов и обязательных отчислений в государственные целевые фонды, а также социального налога;
уплаты таможенных платежей (за исключением таможенных сборов) за ввозимые для собственных нужд оборудование, комплектующие части, детали, узлы, технологическую документацию, программное обеспечение, непроизводимые в Республике Узбекистан, по перечням, утверждаемым в установленном порядке;
7. Министерству по развитию информационных технологий и коммуникаций совместно с Министерством финансов и Государственным налоговым комитетом Республики Узбекистан:
ежегодно анализировать степень влияния предоставленных льгот и преференций на развитие национального рынка ИКТ, конкурентоспособности программных продуктов и услуг ИКТ на внутреннем и внешнем рынках, с последующим внесением результатов анализа в Координационный совет;
внести в срок до 1 ноября 2017 года в Координационный совет предложения о целесообразности дальнейшего функционирования Национального реестра разработчиков программного обеспечения, созданного в соответствии с постановлением Президента Республики Узбекистан от 20 сентября 2013 года № ПП-2042 «О мерах по дальнейшему усилению стимулирования отечественных разработчиков программного обеспечения».
8. Установить, что доходы в виде оплаты труда, полученные до 1 января 2028 года работниками по трудовым договорам с резидентами Технопарка:
облагаются налогом на доходы физических лиц по фиксированной ставке 7,5 процента;
не включаются в объем совокупных годовых доходов физических лиц, определяемых в целях налогообложения.
9. Министерству по развитию информационных технологий и коммуникаций совместно с Центральным банком Республики Узбекистан в трехмесячный срок принять необходимые меры по полноценному функционированию в республике системы приема международных платежных карт для оплаты товаров и услуг, а также зачисления на банковские счета резидентов Республики Узбекистан валютной выручки от реализации товаров и услуг через онлайновые магазины во всемирной информационной сети Интернет.
10. Министерству инвестиций и внешней торговли Республики Узбекистан обеспечить на постоянной основе продвижение продукции информационных технологий резидентов Технопарка за рубежом.
11. Кабинету Министров Республики Узбекистан в месячный срок утвердить Положение об Инновационном центре, предусмотрев в нем порядок:
организации деятельности Инновационного центра и Координационного совета;
регистрации юридических лиц в качестве резидентов Инновационного центра с учетом определения конкретных критериев получения статуса резидента;
применения специального валютного режима для резидентов Инновационного центра.
12. Национальной телерадиокомпании Узбекистана, Национальному информационному агентству Узбекистана организовать широкое освещение в средствах массовой информации деятельности Технопарка.
13. Контроль за исполнением настоящего Указа возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
30 июня 2017 г.,
№ УП-5099