📅 2017-yil 23-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 23 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 июня 2017 г. · Постановления Президента
Официальный текст. Официальный документ. Редакционные примечания не включены.
📅 23 June 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республика аҳолисини ижтимоий аҳамиятга эга озиқ-овқат товарларининг асосий турлари билан ишончли таъминлашга оид кечиктириб бўлмайдиган чора-тадбирлари тўғрисида
Ижтимоий аҳамиятга эга озиқ-овқат товарларининг асосий турларига аҳолининг ортиб бораётган талабини янада тўлиқроқ қондириш, уларнинг харид имкониятларини мустаҳкамлаш, нарх-навонинг ошиб кетиши, инфляция ва аҳолининг реал даромадлари тушиб кетишига олиб келувчи омиллар шаклланишига йўл қўймаслик мақсадида:
1. Қуйидагилар Ўзбекистон Республикаси Вазирлар Маҳкамаси, вазирлик ва идоралар, хўжалик бирлашмалари, Қорақалпоғистон Республикаси Вазирлар Кенгаши вилоятлар ва Тошкент шаҳар ҳокимлиги раҳбарларининг муҳим вазифалари этиб — биринчи навбатда, маҳаллий ишлаб чиқаришни ривожлантириш асосида озиқ-овқат ва бошқа истеъмол товарларга аҳолининг ўсиб бораётган талабини барқарор таъминлаш, шунингдек, истеъмол бозорининг баланслашганлиги юзасидан тизимли мониторинг ва назорат олиб боришни ташкиллаштириш ҳамда товарлар ва хизматларга нарх-навонинг ошиб кетишига йўл қўймаслик ҳисоблансин.
Ўзбекистон Республикаси Ташқи савдо вазирлиги, Иқтисодиёт вазирлиги, Молия вазирлиги, Давлат божхона қўмитаси ва Хусусийлаштирилган корхоналарга кўмаклашиш ва рақобатни ривожлантириш давлат қўмитаси бир ой муддатда:
Республикада ишлаб чиқарилмайдиган ёки етарли ҳажмларда ишлаб чиқарилмайдиган ички истеъмол бозорида талабгор бўлган ижтимоий аҳамиятга эга озиқ-овқат товарларининг асосий турларини;
республика ишлаб чиқариш қувватларини етарли даражада фаолият юритишини таъминлашни ҳисобга олган ҳолда, қорамолчилик тармоқларининг эхтиёжларини тўлақонли ва сифатли қондириш мақсадида ем-хашак ишлаб чиқариш учун ғалла, уруғлик материаллар ва бошқа хом ашё ресурсларини импорт қилишда божхона ставкаларини камайтириш бўйича Вазирлар Маҳкамасига таклифлар киритсин:
8. Белгилансинки, 2017/2018 ўқув йилларида тўлов-шартнома асосида олий таълим муассасаларида ўқиш (бакалавриат, магистратура) баҳоси 2016/2017 ўқув йиллари даражасида сақланиб қолинади.
9. Ўзбекистон Республикаси Молия вазирлиги:
2017 йилда ўзининг шахсий валюта ресурслари ҳисобидан бюджетдан молиялаштириладиган соғлиқни сақлаш муассасалари, аввало, оилавий поликлиникалар, шошилинч ва тез тиббий ёрдам муассасалари учун дори воситалари ва тиббиётга мўлжалланган буюмларни харид қилишга эквиваленти 70 млн АҚШ доллари миқдоридаги қўшимча валюта маблағларини ажратсин;
2018 йилги ва кейинги йиллардаги Ўзбекистон Республикасининг Давлат бюджетида мазкур мақсадларга бюджет маблағларининг оширилган ҳажмлари сақланиб қолиниши назарда тутилсин.
10. Ўзбекистон Республикаси Молия вазирлиги, Иқтисодиёт вазирлиги, Тараққиёт ва тикланиш жамғармасининг Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисидаги таклифи қабул қилинсин.
Тадбиркорлик фаолиятини ривожлантиришни қўллаб-қувватлаш давлат жамғармасининг асосий вазифалари этиб, тадбиркорлик субъектларининг тижорат банклари кредитларидан фойдаланиш имкониятларини кенгайтириш ҳамда саноат, озиқ-овқат ва қишлоқ хўжалиги маҳсулотларини ишлаб чиқариш соҳасида тадбиркорлик субъектлари лойиҳаларини амалга оширишни молиявий қўллаб-қувватлаш орқали кредит шартларини юмшатиш, шунингдек, фоизларни тўлашга бўлган харажатларнинг бир қисмини компенсация қилиш ҳамда тижорат банкларининг кредитлари бўйича кафолатларни тақдим этиш кўринишидаги ижтимоий йўналтирилган давлат дастурларини амалга ошириш ҳисобланади.
Ўзбекистон Республикаси Вазирлар Маҳкамаси бир ой муддатда фоизларни тўлаш харажатларининг бир қисмини компенсация қилиш ва тижорат банклари кредитлари бўйича кафолатларни тақдим этиш механизми ишлаб чиқилиши ва тасдиқланилишини таъминласин.
11. Ўзбекистон Республикаси Марказий банкига:
тижорат банкларининг устав капиталларини 500 млн АҚШ доллари суммасида оширишни ҳисобга олган ҳолда, тижорат банкларининг ликвидлиги мавжудлиги устидан доимий мониторингни таъминлаш, хўжалик субъектларининг, шу жумладан, Ўзбекистон Республикаси Давлат бюджетига солиқ ва бошқа мажбурий тўловларни узлуксиз ўз вақтида тўланилишини таъминлаш бўйича таъсирчан чора-тадбирлар қабул қилиш;
пул-кредит сиёсати инструментларини жадаллаштириш ва ундан қайишқоқлик билан фойдаланиш, шу жумладан, қисқа муддатли ликвидликни бошқариш ва мажбурий резерв талаблари ставкалари бўйича операцияларни, шунингдек, тижорат банклари томонидан қонун ҳужжатлари билан белгиланган иқтисодий нормативларга риоя қилиш устидан назоратни кучайтириш;
Ўзбекистон банклари уюшмаси ва тижорат банклари билан биргаликда замонавий тўлов технологияларини янада кенг жорий этиш ва банк пластик карточкаларидан фойдаланиш жозибадорлигини ошириш бўйича қўшимча комплекс чора-тадбирлар ишлаб чиқиш ва тасдиқлаш тавсия этилсин.
12. Ўзбекистон Республикаси Давлат солиқ қўмитаси тижорат банклари билан биргаликда бир ой муддатда пул воситаларининг банкдан ташқари айланмасини қисқартириш, шу жумладан, хўжалик субъектлари томонидан савдо тушумини тўлиқ ва ўз вақтида инкассация қилиш ва мунтазам назорат текширувларини ўтказиш орқали уни яширишга йўл қўймаслик бўйича қўшимча чора-тадбирлар комплексини ишлаб чиқсин ва тасдиқлаш учун Ўзбекистон Республикаси Вазирлар Маҳкамасига киритсин.
13. Ўзбекистон Республикаси Вазирлар Маҳкамаси:
бир ҳафта муддатда Ички истеъмол бозорида нарх-навони барқарорлаштиришга кўмаклашиш жамғармаси маблағларидан фойдаланиш тўғрисидаги вақтинча низомни тасдиқласин;
бир ой муддатда Ўзбекистон Республикаси Вазирлар Маҳкамасининг Президиуми мажлисида Ўзбекистон Республикаси Президентининг 2016 йил 31 октябрдаги «Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида» ПҚ-2647-сонли қарори ижросининг амалга оширилиб борилишини танқидий кўриб чиқсин ҳамда натижалар бўйича амалдаги тартибни янада такомиллаштириш бўйича таклифлар киритсин.
14. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Иқтисодиёт вазирлиги, Молия вазирлиги бошқа манфаатдор вазирликлар ва идоралар билан биргаликда бир ой муддатда:
ижтимоий аҳамиятга эга озиқ-овқат товарларининг асосий турлари (нон, ун, пахта ёғи, шакар), шунингдек, пахта шроти ва шелухасига бўлган улгуржи ва чакана нархларни бошқаришнинг амалдаги механизмлари самарадорлигини танқидий ўрганиб чиқсин;
қишлоқ хўжалиги экинлари экишда бозор механизми асосида ва унинг тузилмасини такомиллаштиришни таъминлайдиган соғлом рақобат муҳитини яратиш, ижтимоий аҳамиятга эга озиқ-овқат товарлари ва ем-хашак-озуқа маҳсулотларининг асосий турларига барқарор нархларни шакллантириш, шунингдек, аҳолининг ижтимоий ҳожадманд қатламларини тегишли чоралар орқали манзилли қўллаб-қувватлашга оид аниқ таклифларни танқидий ўрганишлар натижалари бўйича Ўзбекистон Республикаси Вазирлар Маҳкамасига киритсин.
15. Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг (кейинги ўринларда — департамент) ижтимоий аҳамиятга эга озиқ-овқат товарларига нарх-навони оширишга қарши курашиш соҳасидаги қўшимча вазифалари этиб қуйидагилар белгилансин:
ижтимоий аҳамиятга эга озиқ-овқат товарларига (юртимизда ишлаб чиқарилган ўсимлик ёғи ва ун, гўшт, шакар), шунингдек, шелуха ва шротга бўлган нарх-навони сунъий оширишга, уларга бўлган танқислик ва ажиотаж талабнинг вужудга келишига йўналтирилган қонунга хилоф ҳаракатларни аниқлаш ва чек қўйиш;
марказлаштирилган ресурслар ҳисобидан озиқ-овқат товарлари, пахта шроти ва шелухасини харид қилиш, етказиб бериш ва сотишда суиистеъмол қилинишлар ва коррупцияга қарши курашиш;
ижтимоий аҳамиятга эга озиқ-овқат товарларига, шунингдек, шелуха ва шротни сотишда нарх-навони шакллантиришнинг белгиланган механизмларига риоя этилишини тизимли ўрганиш, аниқланган қонунчилик бузилишлари бўйича материалларни қонун ҳужжатларига мувофиқ чора кўриш учун ваколатли органларга йўналтириши;
назорат қилувчи органлар ва бозорлар маъмурияти ходимлари томонидан йўл қўйилган коррупция, улар томонидан бозорлар фаолиятини ташкил этишнинг белгиланган тартиблари ва қонун ҳужжатлари талабларига риоя этмаслик, шу жумладан, нархларни асоссиз кўтариш, уларнинг ҳудудларида ўз фаолиятини норасмий олиб бораётган шахсларга нисбатан чоралар кўрмаслик ҳолатларини аниқлаш.
Белгилансинки:
Департамент, уларнинг мулкдорлиги шаклидан қатъи назар, юридик шахслардан ва фуқаролардан ижтимоий аҳамиятга эга озиқ-овқат товарлари, шелуха ва шротга бўлган нархларнинг оширилиши, нарх-навони манипуляция қилиш, танқислик ва уларга ажиотаж талабни сунъий вужудга келтириш, уларни харид қилиш, етказиб бериш ва сотишда суиистеъмол қилинишлар ва коррупцияга қарши курашиш ҳолатларини ўрганиш учун зарур бўлган маълумотлар ва тушунтиришларни талаб қилиб олиш ҳуқуқига эга;
Департамент томонидан ижтимоий аҳамиятга эга озиқ-овқат товарлари, пахта шроти ва шелухасига бўлган нархларни ошириш, уларни харид қилиш, етказиб бериш ва сотишда суиистеъмол қилинишлар ва коррупция ҳолатларини аниқлаш бўйича тезкор-қидирув чора-тадбирларини олиб бориш, молия-хўжалик фаолиятини текшириш ҳисобланмайди ҳамда бунда Назорат органлари фаолиятини мувофиқлаштириш республика кенгашининг махсус рухсати талаб этилмайди.
Департамент томонидан олиб борилган тезкор-қидирув чора-тадбирлари натижалари, хусусан, таҳлилий материаллар, текширув харидлари ёки назорат харидлари натижалари бўйича олинган товар ёки касса чеклари, шунингдек, қонун бузилишини тасдиқловчи чекларни бермаслик ҳолатларини аниқлаш, кейинчалик қонунбузарликнинг кенг миқёсини, нархларни ошириш усуллари ва механизмларини аниқлаш учун зарур ҳолларда Назорат органлари фаолиятини мувофиқлаштириш республика кенгашининг махсус рухсати талаб этилмаган ҳолда молия- хўжалик фаолиятини текшириш учун асос ҳисобланади.
Ўзбекистон Республикаси Бош прокуратураси икки ой муддатда Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг низоми ва тузилмасига тегишли ўзгартиш ва қўшимчалар тўғрисида Ўзбекистон Республикаси Президенти девонига таклифлар киритсин.
16. Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси давлат солиқ хизмати органлари ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг ижтимоий аҳамиятга эга озиқ-овқат товарларига бўлган нарх-навони шакллантириш тартиби бузилиши ҳолатлари аниқланиши бўйича материалларни ўз вақтида кўриб чиқиш ва чоралар кўришни таъминласин.
17. Ўзбекистон Республикаси давлат статистика қўмитаси Иқтисодиёт вазирлиги, Ўзбекистон Республикаси Марказий банки, бошқа манфаатдор вазирликлар ва идоралар билан биргаликда халқаро стандартларга мувофиқ товарлар ва хизматларни танлаб олиш усулларини назарда тутган ҳолда инфляция даражасини мониторинг ва ҳисоб-китоб қилишнинг такомиллаштирилган усулларини 2018 йилнинг 1 январидан бошлаб амалиётга жорий этсин.
18. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Марказий банки раиси М.Б. Нурмуратов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 23 июнь,
ПҚ-3082-сон
Oʻzbekiston Respublikasi Prezidentining
Qarori
Respublika aholisini ijtimoiy ahamiyatga ega oziq-ovqat tovarlarining asosiy turlari bilan ishonchli taʼminlashga oid kechiktirib boʻlmaydigan chora-tadbirlari toʻgʻrisida
Ijtimoiy ahamiyatga ega oziq-ovqat tovarlarining asosiy turlariga aholining ortib borayotgan talabini yanada toʻliqroq qondirish, ularning xarid imkoniyatlarini mustahkamlash, narx-navoning oshib ketishi, inflyatsiya va aholining real daromadlari tushib ketishiga olib keluvchi omillar shakllanishiga yoʻl qoʻymaslik maqsadida:
1. Quyidagilar Oʻzbekiston Respublikasi Vazirlar Mahkamasi, vazirlik va idoralar, xoʻjalik birlashmalari, Qoraqalpogʻiston Respublikasi Vazirlar Kengashi viloyatlar va Toshkent shahar hokimligi rahbarlarining muhim vazifalari etib — birinchi navbatda, mahalliy ishlab chiqarishni rivojlantirish asosida oziq-ovqat va boshqa isteʼmol tovarlarga aholining oʻsib borayotgan talabini barqaror taʼminlash, shuningdek, isteʼmol bozorining balanslashganligi yuzasidan tizimli monitoring va nazorat olib borishni tashkillashtirish hamda tovarlar va xizmatlarga narx-navoning oshib ketishiga yoʻl qoʻymaslik hisoblansin.
Oʻzbekiston Respublikasi Tashqi savdo vazirligi, Iqtisodiyot vazirligi, Moliya vazirligi, Davlat bojxona qoʻmitasi va Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bir oy muddatda:
Respublikada ishlab chiqarilmaydigan yoki yetarli hajmlarda ishlab chiqarilmaydigan ichki isteʼmol bozorida talabgor boʻlgan ijtimoiy ahamiyatga ega oziq-ovqat tovarlarining asosiy turlarini;
respublika ishlab chiqarish quvvatlarini yetarli darajada faoliyat yuritishini taʼminlashni hisobga olgan holda, qoramolchilik tarmoqlarining extiyojlarini toʻlaqonli va sifatli qondirish maqsadida yem-xashak ishlab chiqarish uchun gʻalla, urugʻlik materiallar va boshqa xom ashyo resurslarini import qilishda bojxona stavkalarini kamaytirish boʻyicha Vazirlar Mahkamasiga takliflar kiritsin:
8. Belgilansinki, 2017/2018 oʻquv yillarida toʻlov-shartnoma asosida oliy taʼlim muassasalarida oʻqish (bakalavriat, magistratura) bahosi 2016/2017 oʻquv yillari darajasida saqlanib qolinadi.
9. Oʻzbekiston Respublikasi Moliya vazirligi:
2017-yilda oʻzining shaxsiy valyuta resurslari hisobidan budjetdan moliyalashtiriladigan sogʻliqni saqlash muassasalari, avvalo, oilaviy poliklinikalar, shoshilinch va tez tibbiy yordam muassasalari uchun dori vositalari va tibbiyotga moʻljallangan buyumlarni xarid qilishga ekvivalenti 70 mln AQSH dollari miqdoridagi qoʻshimcha valyuta mablagʻlarini ajratsin;
2018-yilgi va keyingi yillardagi Oʻzbekiston Respublikasining Davlat budjetida mazkur maqsadlarga budjet mablagʻlarining oshirilgan hajmlari saqlanib qolinishi nazarda tutilsin.
10. Oʻzbekiston Respublikasi Moliya vazirligi, Iqtisodiyot vazirligi, Taraqqiyot va tiklanish jamgʻarmasining Tadbirkorlik faoliyatini rivojlantirishni qoʻllab-quvvatlash davlat jamgʻarmasini tashkil etish toʻgʻrisidagi taklifi qabul qilinsin.
Tadbirkorlik faoliyatini rivojlantirishni qoʻllab-quvvatlash davlat jamgʻarmasining asosiy vazifalari etib, tadbirkorlik subyektlarining tijorat banklari kreditlaridan foydalanish imkoniyatlarini kengaytirish hamda sanoat, oziq-ovqat va qishloq xoʻjaligi mahsulotlarini ishlab chiqarish sohasida tadbirkorlik subyektlari loyihalarini amalga oshirishni moliyaviy qoʻllab-quvvatlash orqali kredit shartlarini yumshatish, shuningdek, foizlarni toʻlashga boʻlgan xarajatlarning bir qismini kompensatsiya qilish hamda tijorat banklarining kreditlari boʻyicha kafolatlarni taqdim etish koʻrinishidagi ijtimoiy yoʻnaltirilgan davlat dasturlarini amalga oshirish hisoblanadi.
Oʻzbekiston Respublikasi Vazirlar Mahkamasi bir oy muddatda foizlarni toʻlash xarajatlarining bir qismini kompensatsiya qilish va tijorat banklari kreditlari boʻyicha kafolatlarni taqdim etish mexanizmi ishlab chiqilishi va tasdiqlanilishini taʼminlasin.
11. Oʻzbekiston Respublikasi Markaziy bankiga:
tijorat banklarining ustav kapitallarini 500 mln AQSH dollari summasida oshirishni hisobga olgan holda, tijorat banklarining likvidligi mavjudligi ustidan doimiy monitoringni taʼminlash, xoʻjalik subyektlarining, shu jumladan, Oʻzbekiston Respublikasi Davlat budjetiga soliq va boshqa majburiy toʻlovlarni uzluksiz oʻz vaqtida toʻlanilishini taʼminlash boʻyicha taʼsirchan chora-tadbirlar qabul qilish;
pul-kredit siyosati instrumentlarini jadallashtirish va undan qayishqoqlik bilan foydalanish, shu jumladan, qisqa muddatli likvidlikni boshqarish va majburiy rezerv talablari stavkalari boʻyicha operatsiyalarni, shuningdek, tijorat banklari tomonidan qonun hujjatlari bilan belgilangan iqtisodiy normativlarga rioya qilish ustidan nazoratni kuchaytirish;
Oʻzbekiston banklari uyushmasi va tijorat banklari bilan birgalikda zamonaviy toʻlov texnologiyalarini yanada keng joriy etish va bank plastik kartochkalaridan foydalanish jozibadorligini oshirish boʻyicha qoʻshimcha kompleks chora-tadbirlar ishlab chiqish va tasdiqlash tavsiya etilsin.
12. Oʻzbekiston Respublikasi Davlat soliq qoʻmitasi tijorat banklari bilan birgalikda bir oy muddatda pul vositalarining bankdan tashqari aylanmasini qisqartirish, shu jumladan, xoʻjalik subyektlari tomonidan savdo tushumini toʻliq va oʻz vaqtida inkassatsiya qilish va muntazam nazorat tekshiruvlarini oʻtkazish orqali uni yashirishga yoʻl qoʻymaslik boʻyicha qoʻshimcha chora-tadbirlar kompleksini ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin.
13. Oʻzbekiston Respublikasi Vazirlar Mahkamasi:
bir hafta muddatda Ichki isteʼmol bozorida narx-navoni barqarorlashtirishga koʻmaklashish jamgʻarmasi mablagʻlaridan foydalanish toʻgʻrisidagi vaqtincha nizomni tasdiqlasin;
bir oy muddatda Oʻzbekiston Respublikasi Vazirlar Mahkamasining Prezidiumi majlisida Oʻzbekiston Respublikasi Prezidentining 2016-yil 31-oktabrdagi “Aholini dori-darmon vositalari va tibbiyot buyumlari bilan taʼminlashni yanada yaxshilashga doir chora-tadbirlar toʻgʻrisida” PQ-2647-sonli qarori ijrosining amalga oshirilib borilishini tanqidiy koʻrib chiqsin hamda natijalar boʻyicha amaldagi tartibni yanada takomillashtirish boʻyicha takliflar kiritsin.
14. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Iqtisodiyot vazirligi, Moliya vazirligi boshqa manfaatdor vazirliklar va idoralar bilan birgalikda bir oy muddatda:
ijtimoiy ahamiyatga ega oziq-ovqat tovarlarining asosiy turlari (non, un, paxta yogʻi, shakar), shuningdek, paxta shroti va sheluxasiga boʻlgan ulgurji va chakana narxlarni boshqarishning amaldagi mexanizmlari samaradorligini tanqidiy oʻrganib chiqsin;
qishloq xoʻjaligi ekinlari ekishda bozor mexanizmi asosida va uning tuzilmasini takomillashtirishni taʼminlaydigan sogʻlom raqobat muhitini yaratish, ijtimoiy ahamiyatga ega oziq-ovqat tovarlari va yem-xashak-ozuqa mahsulotlarining asosiy turlariga barqaror narxlarni shakllantirish, shuningdek, aholining ijtimoiy hojadmand qatlamlarini tegishli choralar orqali manzilli qoʻllab-quvvatlashga oid aniq takliflarni tanqidiy oʻrganishlar natijalari boʻyicha Oʻzbekiston Respublikasi Vazirlar Mahkamasiga kiritsin.
15. Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining (keyingi oʻrinlarda — departament) ijtimoiy ahamiyatga ega oziq-ovqat tovarlariga narx-navoni oshirishga qarshi kurashish sohasidagi qoʻshimcha vazifalari etib quyidagilar belgilansin:
ijtimoiy ahamiyatga ega oziq-ovqat tovarlariga (yurtimizda ishlab chiqarilgan oʻsimlik yogʻi va un, goʻsht, shakar), shuningdek, sheluxa va shrotga boʻlgan narx-navoni sunʼiy oshirishga, ularga boʻlgan tanqislik va ajiotaj talabning vujudga kelishiga yoʻnaltirilgan qonunga xilof harakatlarni aniqlash va chek qoʻyish;
markazlashtirilgan resurslar hisobidan oziq-ovqat tovarlari, paxta shroti va sheluxasini xarid qilish, yetkazib berish va sotishda suiisteʼmol qilinishlar va korrupsiyaga qarshi kurashish;
ijtimoiy ahamiyatga ega oziq-ovqat tovarlariga, shuningdek, sheluxa va shrotni sotishda narx-navoni shakllantirishning belgilangan mexanizmlariga rioya etilishini tizimli oʻrganish, aniqlangan qonunchilik buzilishlari boʻyicha materiallarni qonun hujjatlariga muvofiq chora koʻrish uchun vakolatli organlarga yoʻnaltirishi;
nazorat qiluvchi organlar va bozorlar maʼmuriyati xodimlari tomonidan yoʻl qoʻyilgan korrupsiya, ular tomonidan bozorlar faoliyatini tashkil etishning belgilangan tartiblari va qonun hujjatlari talablariga rioya etmaslik, shu jumladan, narxlarni asossiz koʻtarish, ularning hududlarida oʻz faoliyatini norasmiy olib borayotgan shaxslarga nisbatan choralar koʻrmaslik holatlarini aniqlash.
Belgilansinki:
Departament, ularning mulkdorligi shaklidan qatʼi nazar, yuridik shaxslardan va fuqarolardan ijtimoiy ahamiyatga ega oziq-ovqat tovarlari, sheluxa va shrotga boʻlgan narxlarning oshirilishi, narx-navoni manipulyatsiya qilish, tanqislik va ularga ajiotaj talabni sunʼiy vujudga keltirish, ularni xarid qilish, yetkazib berish va sotishda suiisteʼmol qilinishlar va korrupsiyaga qarshi kurashish holatlarini oʻrganish uchun zarur boʻlgan maʼlumotlar va tushuntirishlarni talab qilib olish huquqiga ega;
Departament tomonidan ijtimoiy ahamiyatga ega oziq-ovqat tovarlari, paxta shroti va sheluxasiga boʻlgan narxlarni oshirish, ularni xarid qilish, yetkazib berish va sotishda suiisteʼmol qilinishlar va korrupsiya holatlarini aniqlash boʻyicha tezkor-qidiruv chora-tadbirlarini olib borish, moliya-xoʻjalik faoliyatini tekshirish hisoblanmaydi hamda bunda Nazorat organlari faoliyatini muvofiqlashtirish respublika kengashining maxsus ruxsati talab etilmaydi.
Departament tomonidan olib borilgan tezkor-qidiruv chora-tadbirlari natijalari, xususan, tahliliy materiallar, tekshiruv xaridlari yoki nazorat xaridlari natijalari boʻyicha olingan tovar yoki kassa cheklari, shuningdek, qonun buzilishini tasdiqlovchi cheklarni bermaslik holatlarini aniqlash, keyinchalik qonunbuzarlikning keng miqyosini, narxlarni oshirish usullari va mexanizmlarini aniqlash uchun zarur hollarda Nazorat organlari faoliyatini muvofiqlashtirish respublika kengashining maxsus ruxsati talab etilmagan holda moliya- xoʻjalik faoliyatini tekshirish uchun asos hisoblanadi.
Oʻzbekiston Respublikasi Bosh prokuraturasi ikki oy muddatda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining nizomi va tuzilmasiga tegishli oʻzgartish va qoʻshimchalar toʻgʻrisida Oʻzbekiston Respublikasi Prezidenti devoniga takliflar kiritsin.
16. Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi davlat soliq xizmati organlari va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining ijtimoiy ahamiyatga ega oziq-ovqat tovarlariga boʻlgan narx-navoni shakllantirish tartibi buzilishi holatlari aniqlanishi boʻyicha materiallarni oʻz vaqtida koʻrib chiqish va choralar koʻrishni taʼminlasin.
17. Oʻzbekiston Respublikasi davlat statistika qoʻmitasi Iqtisodiyot vazirligi, Oʻzbekiston Respublikasi Markaziy banki, boshqa manfaatdor vazirliklar va idoralar bilan birgalikda xalqaro standartlarga muvofiq tovarlar va xizmatlarni tanlab olish usullarini nazarda tutgan holda inflyatsiya darajasini monitoring va hisob-kitob qilishning takomillashtirilgan usullarini 2018-yilning 1-yanvaridan boshlab amaliyotga joriy etsin.
18. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 23-iyun,
PQ-3082-son
Президента Республики Узбекистан
Постановление
О неотложных мерах по надежному обеспечению населения республики основными видами социально-значимых продовольственных товаров
В целях наиболее полного удовлетворения растущего спроса населения на основные виды социально-значимых продовольственных товаров, укрепления его покупательской способности, недопущения формирования факторов, приводящих к росту цен, инфляционным ожиданиям и снижению реальных доходов населения:
1. Считать важнейшей задачей руководителей Кабинета Министров Республики Узбекистан, министерств и ведомств, хозяйственных объединений, Совета Министров Республики Каракалпакстан, хокимов областей и г.Ташкента — устойчивое обеспечение растущего спроса населения на продовольственные и другие потребительские товары, в первую очередь, на основе расширения их отечественного производства, а также организацию системного мониторинга и контроля за сбалансированностью потребительского рынка и недопущением роста цен на товары и услуги.
Министерству внешней торговли, Министерству экономики, Министерству финансов, Государственному таможенному комитету Республики Узбекистан и Государственному комитету Республики Узбекистан по содействию приватизированным предприятиям и развитию конкуренции в месячный срок внести в Кабинет Министров предложения по снижению ставок таможенных пошлин при импорте:
востребованных на внутреннем потребительском рынке основных видов социально-значимых продовольственных товаров, непроизводимых в республике или производимых в недостаточных объемах;
зерна, семенного материала и других сырьевых ресурсов для производства кормов в целях полного и качественного удовлетворения потребности отраслей животноводства и с учетом обеспечения необходимой загрузки производственных мощностей в республике.
8. Установить, что стоимость обучения в высших образовательных учреждениях (бакалавриат, магистратура) на платно-контрактной основе на 2017/2018 учебный год сохраняется на уровне 2016/2017 учебного года.
9. Министерству финансов Республики Узбекистан:
выделить до конца 2017 года за счет собственных валютных ресурсов дополнительные средства в размере эквивалентно 70 млн долларов США на приобретение лекарственных средств и изделий медицинского назначения для учреждений здравоохранения, финансируемых из бюджета, прежде всего семейных поликлиник, учреждений экстренной и скорой медицинской помощи;
предусматривать в Государственном бюджете Республики Узбекистан на 2018 год и последующие годы сохранение увеличенных объемов бюджетных ассигнований на эти цели.
10. Принять предложение Министерства финансов, Министерства экономики, Фонда реконструкции и развития Республики Узбекистан о создании Государственного фонда поддержки развития предпринимательской деятельности.
Считать основными задачами Государственного фонда поддержки развития предпринимательской деятельности расширение доступа субъектов предпринимательства к кредитам коммерческих банков и смягчение условий кредитования путем осуществления финансовой поддержки реализации проектов субъектов предпринимательства в сфере производства промышленной, продовольственной и сельскохозяйственной продукции, а также государственных программ социальной направленности, в виде компенсаций части затрат на уплату процентов и предоставления гарантий по кредитам коммерческих банков.
Кабинету Министров Республики Узбекистан в месячный срок обеспечить разработку и утверждение механизма компенсации части затрат на уплату процентов и предоставления гарантий по кредитам коммерческих банков.
11. Рекомендовать Центральному банку Республики Узбекистан:
принять действенные меры по обеспечению постоянного мониторинга за ликвидностью коммерческих банков, своевременным обеспечением бесперебойности платежей хозяйствующих субъектов, в том числе по налоговым и другим обязательным платежам в Государственный бюджет Республики Узбекистан с учетом увеличения уставных капиталов коммерческих банков на сумму 500 млн долларов США;
активизировать и гибко использовать инструменты денежно-кредитной политики, в том числе операции по управлению краткосрочной ликвидностью и ставками обязательных резервных требований, а также усилить надзор над соблюдением коммерческими банками установленных законодательством экономических нормативов;
совместно с Ассоциацией банков Узбекистана и коммерческими банками разработать и утвердить комплекс дополнительных мер по дальнейшему внедрению современных платежных технологий и повышению привлекательности использования банковских пластиковых карт.
12. Государственному налоговому комитету Республики Узбекистан совместно с коммерческими банками в месячный срок разработать и внести на утверждение в Кабинет Министров Республики Узбекистан комплекс дополнительных мер, направленных на сокращение внебанковского оборота денежных средств, в том числе за счет обеспечения полноты и своевременности инкассирования торговой выручки хозяйствующими субъектами и недопущения ее сокрытия путем проведения регулярных надзорных обследований.
13. Кабинету Министров Республики Узбекистан:
в недельный срок утвердить Временное положение об использовании средств Фонда содействия стабилизации цен на внутреннем потребительском рынке;
в месячный срок критически рассмотреть на заседании Президиума Кабинета Министров Республики Узбекистан ход реализации постановления Президента Республики Узбекистан от 31 октября 2016 года № ПП-2647 «О мерах по дальнейшему улучшению обеспечения населения лекарственными средствами и изделиями медицинского назначения» и внести по итогам предложения по дальнейшему совершенствованию действующего порядка.
14. Государственному комитету Республики Узбекистан по содействию приватизированным предприятиям и развитию конкуренции, Министерству экономики, Министерству финансов Республики Узбекистан совместно с заинтересованными министерствами и ведомствами в месячный срок:
критически изучить эффективность действующих механизмов регулирования оптовых и розничных цен на отдельные виды основных социально-значимых продовольственных товаров (хлеб, мука, хлопковое масло, сахар), а также хлопковый шрот и шелуху;
внести по результатам критического изучения в Кабинет Министров Республики Узбекистан конкретные предложения по созданию здоровой конкурентной среды, обеспечивающей на основе рыночных механизмов и совершенствования структуры посевов сельскохозяйственных культур формирование устойчивых цен на основные виды социально-значимых продовольственных товаров и кормовой продукции, а также по соответствующим мерам адресной поддержки социально-уязвимых слоев населения.
15. Определить дополнительными задачами Департамента по борьбе с экономическими преступлениями при Генеральной прокуратуре Республики Узбекистан (далее — Департамент) в сфере борьбы с завышением цен на социально значимые продовольственные товары:
выявление и пресечение неправомерных действий, направленных на искусственное завышение цен на социально значимые продовольственные товары (растительное масло и мука отечественного производства, мясо, сахар), а также шелуху и шрот, создание дефицита и ажиотажного спроса на них;
борьба с злоупотреблениями и коррупцией при закупках, поставках и реализации продовольственных товаров, хлопкового шрота и шелухи за счет централизованных ресурсов;
системное изучение соблюдения установленного механизма ценообразования на реализуемые социально-значимые продовольственные товары, а также шелуху и шрот с направлением материалов по выявленным нарушениям законодательства в уполномоченные органы для принятия мер в соответствии с законодательством;
выявление фактов коррупции со стороны работников контролирующих органов и администраций рынков, необеспечение ими соблюдения установленного порядка организации деятельности рынков и требований законодательства, в том числе необоснованного завышения цен, непринятие мер в отношении лиц, нелегально осуществляющих свою деятельность на их территории.
Установить, что:
Департамент вправе истребовать у юридических лиц, вне зависимости от их формы собственности, и граждан сведения и объяснения, необходимые для изучения фактов завышения цен на социально-значимые продовольственные товары, шелуху и шрот, манипулирования ценами, создания искусственного дефицита и ажиотажного спроса на них, злоупотреблений и коррупции при их закупках, поставках и реализации;
проведение Департаментом оперативно-розыскных мероприятий по выявлению фактов завышения цен на социально-значимые продовольственные товары, хлопковый шрот и шелуху, злоупотреблений и коррупции при их закупках, поставках и реализации, не является проверкой финансово-хозяйственной деятельности и не требует специального разрешения Республиканского совета по координации деятельности контролирующих органов;
результаты оперативно-розыскных мероприятий, проведенных Департаментом, в частности, аналитические материалы, товарные или кассовые чеки, полученные по итогам проверочной закупки или контролируемого приобретения, а также фиксация их невыдачи, удостоверяющие факт правонарушения, в целях дальнейшего установления всего масштаба нарушений, способов и механизмов завышения цен при необходимости являются основанием для проведения проверки финансово-хозяйственной деятельности без специального разрешения Республиканского совета по координации деятельности контролирующих органов.
Генеральной прокуратуре Республики Узбекистан в двухмесячный срок внести в Аппарат Президента Республики Узбекистан предложения о соответствующих изменениях и дополнениях в Положение и структуру Департамента по борьбе с налоговыми, валютными преступлениями и легализацией преступных доходов при Генеральной прокуратуре Республики Узбекистан.
16. Комитету по развитию конкуренции и защите прав потребителей Республики Узбекистан обеспечить своевременное рассмотрение и принятие мер по материалам органов государственной налоговой службы и Департамента по выявленным фактам нарушения порядка ценообразования на социально значимые продовольственные товары.
17. Государственному комитету Республики Узбекистан по статистике совместно с Министерством экономики, Центральным банком Республики Узбекистан, другими заинтересованными министерствами и ведомствами внедрить в практику, начиная с 1 января 2018 года, усовершенствованную методику мониторинга и расчета уровня инфляции, имея в виду методы отбора товаров и услуг в соответствии с международными стандартами.
18. Контроль за исполнением настоящего постановления возложить на Премьер-министра Республики Узбекистан А.Н. Арипова и председателя Центрального банка Республики Узбекистан М.Б. Нурмуратова.
Президент Республики Узбекистан Ш. МИРЗИЁЕВ
г. Ташкент,
23 июня 2017 г.,
№ ПП-3082