UzbekAI

Ўзбекистон Республикаси Олий суди пленумининг

ҚарорИ

Фуқаролик, жиноят ва маъмурий ишларни кўришда суд мажлисларини видеоконференцалоқа режимида ўтказишнинг айрим масалалари тўғрисида

Фуқаро ва тадбиркорлик субъектлари — суд процесси иштирокчиларининг суд орқали ҳуқуқларини ҳимоя қилинишида янада қулай шарт-шароитлар яратиш, одил судловга эришиш даражасини ошириш, молиявий ва вақт харажатларини қисқартириш, шунингдек ишларни кўришда тезкорликни таъминлаш ва процессуал муддатларни тежаш мақсадида «Судлар тўғрисида»ги Ўзбекистон Республикаси Қонунининг 17-моддасига асосланиб, Ўзбекистон Республикаси Олий суди Пленуми қарор қилади:

1. Судларга тушунтирилсинки, бундан буён, процессуал қонун ҳужжатларига тегишли ўзгартиришлар киритилгунга қадар, фуқаролик ва жиноят ишлари бўйича судлар ҳамда маъмурий судлар процесс иштирокчиларининг розилиги билан Қорақалпоғистон Республикаси, вилоятлар ва Тошкент шаҳар иқтисодий судларида ўрнатилган телекоммуникацион технологиялардан фойдаланган ҳолда суд мажлисларини видеоконференцалоқа режимида ўтказишга ҳақли.

Бунда, суд мажлисларини видеоконференцалоқа режимида ўтказишнинг зарурий шарти ишда иштирок этувчи шахслардан лоақал биттаси бошқа маъмурий-ҳудудий бирлик (Қорақалпоғистон Республикаси, вилоятлар ва Тошкент шаҳри) ҳудудида, яъни ишни кўраётган суд жойлашган ҳудуддан ташқарида жойлашган бўлиши лозимлиги ҳисобланади.

2. Судлар назарда тутишлари лозимки, видеоконференцалоқа режимидаги суд мажлиси деганда, реал вақт режимида телекоммуникация технологиялари воситасида аудио- ва видео- ахборотлар алмашинуви имкониятларидан фойдаланган ҳолда ишни кўраётган суд ва суд мажлисини ўтказишга кўмаклашаётган суд ўртасидаги интерактив ўзаро таъсир қилиш йўли билан масофадан суд мажлисини ўтказиш тушунилади.

Ишни кўраётган суд деганда, иш юритувида бўлган фуқаролик, жиноят ишлари бўйича судлар ва маъмурий суд тушунилади.

Видеоконференцалоқа режимидаги суд мажлисини ўтказишга кўмаклашадиган суд деганда, видеоконференцалоқа режимидаги суд мажлисини ўтказиш учун техник ва бошқа шароитларни таъминлаётган ва ишни кўраётган суд ҳудудидан ташқарида жойлашган иқтисодий суд тушунилади.

3. Видеоконференцалоқа режимидаги суд мажлисини ўтказишда иш Ўзбекистон Республикаси Фуқаролик процессуал ва Жиноят-процессуал кодексининг умумий қоидаларига мувофиқ кўрилади.

4. Ишни судда кўришга тайёрлаш пайтида ва видеоконференцалоқа режимида суд мажлисларини ўтказишда судлар Ўзбекистон Республикаси Олий хўжалик суди Пленумининг «Хўжалик судлари томонидан видеоконференцалоқа режимида суд мажлисларини ўтказишда Ўзбекистон Республикаси Хўжалик процессуал кодекси нормаларини қўллашнинг айрим масалалари ҳақида» 2014 йил 28 ноябрдаги 270-сонли қарорининг қоидаларини ҳам қўллашлари лозим.

Олий суд раиси К. КАМИЛОВ

Пленум котиби, Олий суд судьяси И. АЛИМОВ

Тошкент ш.,

2017 йил 24 июнь,

23-сон

Oʻzbekiston Respublikasi Oliy sudi plenumining

QarorI

Fuqarolik, jinoyat va maʼmuriy ishlarni koʻrishda sud majlislarini videokonferensaloqa rejimida oʻtkazishning ayrim masalalari toʻgʻrisida

Fuqaro va tadbirkorlik subyektlari — sud protsessi ishtirokchilarining sud orqali huquqlarini himoya qilinishida yanada qulay shart-sharoitlar yaratish, odil sudlovga erishish darajasini oshirish, moliyaviy va vaqt xarajatlarini qisqartirish, shuningdek ishlarni koʻrishda tezkorlikni taʼminlash va protsessual muddatlarni tejash maqsadida “Sudlar toʻgʻrisida”gi Oʻzbekiston Respublikasi Qonunining 17-moddasiga asoslanib, Oʻzbekiston Respublikasi Oliy sudi Plenumi qaror qiladi:

1. Sudlarga tushuntirilsinki, bundan buyon, protsessual qonun hujjatlariga tegishli oʻzgartirishlar kiritilgunga qadar, fuqarolik va jinoyat ishlari boʻyicha sudlar hamda maʼmuriy sudlar protsess ishtirokchilarining roziligi bilan Qoraqalpogʻiston Respublikasi, viloyatlar va Toshkent shahar iqtisodiy sudlarida oʻrnatilgan telekommunikatsion texnologiyalardan foydalangan holda sud majlislarini videokonferensaloqa rejimida oʻtkazishga haqli.

Bunda, sud majlislarini videokonferensaloqa rejimida oʻtkazishning zaruriy sharti ishda ishtirok etuvchi shaxslardan loaqal bittasi boshqa maʼmuriy-hududiy birlik (Qoraqalpogʻiston Respublikasi, viloyatlar va Toshkent shahri) hududida, yaʼni ishni koʻrayotgan sud joylashgan hududdan tashqarida joylashgan boʻlishi lozimligi hisoblanadi.

2. Sudlar nazarda tutishlari lozimki, videokonferensaloqa rejimidagi sud majlisi deganda, real vaqt rejimida telekommunikatsiya texnologiyalari vositasida audio- va video- axborotlar almashinuvi imkoniyatlaridan foydalangan holda ishni koʻrayotgan sud va sud majlisini oʻtkazishga koʻmaklashayotgan sud oʻrtasidagi interaktiv oʻzaro taʼsir qilish yoʻli bilan masofadan sud majlisini oʻtkazish tushuniladi.

Ishni koʻrayotgan sud deganda, ish yurituvida boʻlgan fuqarolik, jinoyat ishlari boʻyicha sudlar va maʼmuriy sud tushuniladi.

Videokonferensaloqa rejimidagi sud majlisini oʻtkazishga koʻmaklashadigan sud deganda, videokonferensaloqa rejimidagi sud majlisini oʻtkazish uchun texnik va boshqa sharoitlarni taʼminlayotgan va ishni koʻrayotgan sud hududidan tashqarida joylashgan iqtisodiy sud tushuniladi.

3. Videokonferensaloqa rejimidagi sud majlisini oʻtkazishda ish Oʻzbekiston Respublikasi Fuqarolik protsessual va Jinoyat-protsessual kodeksining umumiy qoidalariga muvofiq koʻriladi.

4. Ishni sudda koʻrishga tayyorlash paytida va videokonferensaloqa rejimida sud majlislarini oʻtkazishda sudlar Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan videokonferensaloqa rejimida sud majlislarini oʻtkazishda Oʻzbekiston Respublikasi Xoʻjalik protsessual kodeksi normalarini qoʻllashning ayrim masalalari haqida” 2014-yil 28-noyabrdagi 270-sonli qarorining qoidalarini ham qoʻllashlari lozim.

Oliy sud raisi K. KAMILOV

Plenum kotibi, Oliy sud sudyasi I. ALIMOV

Toshkent sh.,

2017-yil 24-iyun,

23-son

Пленума Верховного суда Республики Узбекистан

Постановление

О некоторых вопросах проведения судебных заседаний в режиме видеоконференцсвязи при рассмотрении гражданских, уголовных и административных дел

В целях создания более благоприятных условий для реализации права на судебную защиту, обеспечения доступности правосудия, минимизации финансовых и временных затрат граждан и субъектов предпринимательства — участников судебного процесса, а также обеспечения оперативности в рассмотрении дел и экономии процессуальных сроков, руководствуясь статьей 17 Закона Республики Узбекистан «О судах», Пленум Верховного суда Республики Узбекистан постановляет:

1. Разъяснить судам, что впредь, до внесения соответствующих изменений в процессуальное законодательство, суды по гражданским и уголовным делам и административные суды с согласия участников процесса вправе проводить судебные заседания в режиме видеоконференцсвязи с использованием телекоммуникационных технологий, установленных в экономических судах Республики Каракалпакстан, областей и города Ташкента.

При этом, необходимым условием проведения судебного заседания в режиме видеоконференцсвязи является нахождение хотя бы одного из лиц, участвующих в деле, на территории другой административно-территориальной единицы (Республики Каракалпакстан, областей и города Ташкента), то есть вне территории нахождения суда, рассматривающего дело.

2. Судам следует иметь в виду, что под судебным заседанием в режиме видеоконференцсвязи следует понимать проведение судебного заседания на расстоянии путем интерактивного взаимодействия между судом, рассматривающим дело, и судом, содействующим проведению судебного заседания с использованием возможностей обмена аудио- и видео- информацией посредством телекоммуникационных технологий в режиме реального времени.

Под судом, рассматривающим дело, понимаются суды по гражданским, уголовным делам и административный суд, в производстве которого находится дело.

Под судом, содействующим в проведении судебного заседания в режиме видеоконференцсвязи, понимается экономический суд, обеспечивающий технические и другие условия для проведения судебного заседания в режиме видеоконференцсвязи, и находящийся вне территории суда, рассматривающего дело.

3. При проведении судебного заседания в режиме видеоконференцсвязи дело рассматривается в соответствии с общими правилами Гражданского процессуального и Уголовно-процессуального кодекса Республики Узбекистан.

4. При подготовке дела к рассмотрению и проведении судебного заседания в режиме видеоконференцсвязи судам следует также руководствоваться Положениями постановления Пленума Высшего хозяйственного суда Республики Узбекистан от 28 ноября 2014 года № 270 «О некоторых вопросах применения хозяйственными судами норм Хозяйственного процессуального кодекса Республики Узбекистан при проведении судебных заседаний в режиме видеоконференцсвязи».

Председатель Верховного суда К. КАМИЛОВ

Секретарь Пленума, судья Верховного суда И. АЛИМОВ

г. Ташкент,

24 июня 2017 г.,

№ 23