📅 2017-yil 29-iyun · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 июнь · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 29 июня 2017 г. · Документы министерств и ведомств · Министр юстиции
Официальный текст. Официальный документ. Редакционные примечания не включены.
📅 29 June 2017 · Ministry and agency documents · Adliya vaziri
Official text. Official document. Editorial notes are not included.
Ўзбекистон Республикаси Адлия вазирининг
буйруғи
НИЗОМ
Тошкент давлат юридик университети бакалавриатига хорижий фуқароларни қабул қилиш учун суҳбат ўтказиш ва унинг натижаларини белгилаш тартиби тўғрисидаги низомни тасдиқлаш ҳақида
Ўзбекистон Республикаси Вазирлар Маҳкамасининг 2017 йил 2 июндаги 347-сон «Тошкент давлат юридик университетида кадрлар тайёрлаш тизимини янада такомиллаштириш чора-тадбирлари тўғрисида»ги қарорига мувофиқ буюраман:
1. Тошкент давлат юридик университети бакалавриатига хорижий фуқароларни қабул қилиш учун суҳбат ўтказиш ва унинг натижаларини белгилаш тартиби тўғрисидаги низом иловага мувофиқ тасдиқлансин.
2. Мазкур буйруқ давлат рўйхатидан ўтказилсин ва Идоравий норматив-ҳуқуқий ҳужжатларни давлат рўйхатидан ўтказиш бошқармаси Идоравий норматив-ҳуқуқий ҳужжатларнинг давлат реестрига тегишли ёзув киритсин.
3. Ҳуқуқий тарғибот ва ахборот бошқармаси ушбу идоравий норматив-ҳуқуқий ҳужжатнинг «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да нашр этилишини таъминласин.
4. Мазкур буйруқ расмий эълон қилинган кундан эътиборан кучга киради.
5. Мазкур буйруқнинг ижросини назорат қилиш вазирнинг биринчи ўринбосари Н. Жўраев зиммасига юклансин.
Ўзбекистон Республикаси адлия вазирининг 2017 йил 29 июндаги 164-мҳ-сон буйруғига ИЛОВА
Тошкент давлат юридик университети бакалавриатига хорижий фуқароларни қабул қилиш учун суҳбат ўтказиш ва унинг натижаларини белгилаш тартиби тўғрисидаги
Мазкур Низом Ўзбекистон Республикаси Президентининг 2017 йил 28 апрелдаги ПҚ-2932-сон «Тошкент давлат юридик университетида кадрлар тайёрлаш тизимини тубдан такомиллаштириш ва самарадорлигини ошириш чора-тадбирлари тўғрисида»ги қарори ҳамда Вазирлар Маҳкамасининг 2017 йил 2 июндаги 347-сон қарори билан тасдиқланган Тошкент давлат юридик университетида кадрлар тайёрлаш тизимини янада такомиллаштириш чора-тадбирлари тўғрисидаги низомга мувофиқ Тошкент давлат юридик университети (бундан буён матнда ТДЮУ деб юритилади) бакалавриатига хорижий фуқароларни қабул қилиш учун суҳбат ўтказиш ва унинг натижаларини белгилаш тартибини белгилайди.
1-боб. Умумий қоидалар
1. ТДЮУ бакалавриатига хорижий фуқароларни қабул қилиш учун суҳбат (бундан буён матнда суҳбат деб юритилади):
уларнинг дунёқарашини (ҳозирги кунда дунёда рўй бераётган асосий ва муҳим ижтимоий-сиёсий ва ижтимоий-иқтисодий жараёнлардан умумий хабардорлиги);
касбий иштиёқи ва мотивацияларини (юрист касбининг моҳияти ва мазмуни, унинг жамиятдаги ўрни ва аҳамияти, юристнинг касбий фаолият соҳалари, ушбу касбнинг қийинчиликлари тўғрисида тасаввурга эгалик, юрист касбини танлашга ундаган сабаблар);
умумий интеллектуал даражасини (ўз фикрини аниқ-равшан, мантиқий ва ижодий баён қила олиш ҳамда ўз фикрини асослантира олиш қобилияти);
маънавий-ахлоқий даражасини (қатъий маънавий-ахлоқий принципларга эга бўлиш, мулоқот этикаси ва ташқи кўриниш маданиятига риоя этиши) аниқлаш нуқтаи назаридан ўтказилади.
2. Суҳбат ТДЮУ ректорининг буйруғи билан тузиладиган махсус комиссия (бундан буён матнда Махсус комиссия деб юритилади) томонидан ўтказилади.
Махсус комиссия ўз фаолиятини коллегиаллик, ошкоралик, холислик ва бетарафлик принциплари асосида амалга оширади.
Махсус комиссия таркибига ТДЮУ ходимлари билан бир қаторда бошқа ташкилотларнинг вакиллари ҳам уларнинг раҳбарлари билан келишилган ҳолда киритилиши мумкин.
Махсус комиссияга комиссиянинг бошқа аъзолари фаолиятини ўзаро умумий мувофиқлаштирувчи раис бошчилик қилади. ТДЮУ ректори лавозими бўйича Махсус комиссия раиси ҳисобланади. Махсус комиссия фаолиятини ташкилий таъминлаш унинг котибига юкланади.
3. Суҳбат Адлия вазирлиги билан келишган ҳолда ТДЮУ томонидан белгиланган муддатларда ўтказилади.
4. Суҳбат ТДЮУда таълим бериладиган тилида ўтказилади.
5. Суҳбатнинг ушбу Низомга қатъий риоя этган ҳолда ташкил этилиши ва ўтказилиши учун масъулият тегишли ўқув йили учун тузиладиган ТДЮУ қабул комиссияси масъул котибига (бундан буён матнда масъул котиб деб юритилади) ҳамда ТДЮУ бакалавриатига қабул масалалари бўйича масъул котибнинг ўринбосарига, Махсус комиссия аъзоларига юкланади.
2-боб. Суҳбат ўтказишга тайёргарлик кўриш
6. ТДЮУ қабул комиссиясининг (бундан буён матнда Қабул комиссияси деб юритилади) суҳбат ўтказиш бўйича иш режаси Қабул комиссияси раиси томонидан тасдиқланади.
7. Қабул комиссиясининг суҳбатни ташкил этишдаги асосий вазифалари қуйидагилар ҳисобланади:
суҳбат жараёнининг адолатли ўтказилишини таъминлаш;
суҳбат ўтказиш билан боғлиқ зарур шароитларни яратиш;
ТДЮУга ўқишга кириш ва унда таълим олиш, шунингдек ТДЮУда яратилган шароитлар ҳақида хорижий фуқароларга ахборотлар ва маълумотномалар тақдим этиш, шу жумладан, Интернет жаҳон ахборот тармоғи орқали;
хорижий фуқароларга суҳбатнинг натижалари ҳақида маълумот тақдим этиш.
8. Бинолар ва аудиторияларни суҳбат ўтказиш учун тайёрлаш масъулияти ТДЮУ бакалавриатига қабул масалалари бўйича масъул котибнинг ўринбосари зиммасига юкланади.
9. Суҳбат ўтказиладиган бинода суҳбат ўтказиш жараёни учун зарур бўлган техник, тиббий ва маиший шароитлар яратилиши лозим. Бинолар ва аудиториялар санитария ва ёнғин хавфсизлиги қоидаларига тўлиқ жавоб бериши шарт.
10. Суҳбат саволларини тузиш учун эксперт гуруҳи ташкил этилади. Эксперт гуруҳи тегишли соҳанинг малакали мутахассислари орасидан шакллантирилади. Эксперт гуруҳи фаолиятига Қабул комиссияси раиси раҳбарлик қилади.
11. Саволлар мазкур Низомнинг 1-бандида кўрсатилган мезонлар кесимида тузилади.
12. Саволларни тузишда қуйидаги талабларга алоҳида эътибор қаратилади:
саволлар лўнда, оддий ва равон тилда баён этилиши ҳамда таҳлилий фикрлаш қобилиятини аниқлашга қаратилган бўлиши лозим;
саволлар ўрта махсус ва профессионал таълим даражасига мос бўлиши лозим;
саволларда фойдаланилган тушунчалар ва атамалар уларни турлича изоҳлаш имкониятини истисно этиши лозим;
саволлар орфографик, стилистик ва грамматик жиҳатдан тўғри шакллантирилган бўлиши лозим.
13. Тузиладиган саволларнинг сифати ва мазмуни бўйича масъулият эксперт гуруҳи аъзоларига юкланади.
14. Суҳбат ўтказиш учун саволлар Қабул комиссияси раисига топширилган вақтдан бошлаб эксперт гуруҳи ўз фаолиятини тугатади. Тузилган саволлар билетларни шакллантириш учун топширилгунга қадар Қабул комиссияси раисида сақланади.
15. Тузилган саволлар суҳбат ўтказилишидан бир кун олдин суҳбат билетларини шакллантириш учун масъул котибга топширилади. Ҳар бир билет тўртта саволдан иборат бўлиши лозим (ушбу Низомнинг 1-бандида кўрсатилган ҳар бир мезон бўйича биттадан).
Шакллантирилган билетлар конвертларга жойлаштирилади ва Қабул комиссиясининг муҳри билан тасдиқланади ҳамда масъул котибда сақланади.
3-боб. Суҳбат ўтказиш ва унинг натижаларини белгилаш
16. Хорижий фуқароларнинг суҳбатдан ўтиши мажбурий ҳисобланади.
Хорижий фуқаролар билан суҳбат бевосита ёки заруратга кўра масофавий (онлайн) тарзда амалга оширилади.
17. Суҳбат ўтказиш жадвали масъул котибнинг тақдимномасига биноан ТДЮУ ректорининг буйруғи билан тасдиқланади. Суҳбатдан ўтувчи хорижий фуқароларнинг рўйхати буйруққа илова қилинади.
18. Суҳбат ўтказиш жадвали, қоида тариқасида, суҳбат бошланишидан бир ой олдин ТДЮУ веб-сайтида жойлаштирилади.
19. Суҳбат, қоида тариқасида, ТДЮУ биноларида ўтказилади.
20. Хорижий фуқаролар суҳбат ўтказиш учун бинога тегишли навбат бўйича олиб кирилади.
Масофавий (онлайн) суҳбат коммуникация технологияларидан фойдаланган ҳолда реал вақт режимида амалга оширилади. Бунда, ушбу коммуникация технологиялари абитуриентнинг шахсини тасдиқлаш имконини берадиган техник талабларга жавоб бериши лозим.
21. Хорижий фуқаро томонидан суҳбатга мобил телефон ва бошқа алоқа воситаларининг олиб кирилиши ва улардан фойдаланилиши қатъиян тақиқланади.
22. Хорижий фуқаро аудиторияга Махсус комиссия котиби томонидан таклиф этилади.
23. Суҳбатдан олдин хорижий фуқаро паспорт ёки унинг ўрнини босувчи ҳужжатни кўрсатиши шарт.
24. Суҳбат ўтказишда хорижий фуқаро саволлар берилган билетни танлайди.
Масофавий (онлайн) суҳбатда хорижий фуқаро томонидан саволлар берилган билетни танлаш масофавий тарзда (тегишли билет рақамини реал вақт режимида танлаш орқали) амалга оширилади.
25. Билет олинганидан сўнг хорижий фуқарога суҳбатга тайёрланиш учун 20 дақиқа ажратилади. Бунда хорижий фуқаро суҳбатга тайёрланиш учун қоғоз варақлардан фойдаланиши мумкин. Қоғоз варақларни тақдим этиш учун масъулият Махсус комиссия зиммасига юкланади.
26. Суҳбатдан ўтиш жараёнида хорижий фуқарога билет мазмуни бўйича қўшимча саволлар берилиши мумкин. Битта хорижий фуқаро билан суҳбат 15 минутгача давом этади.
27. Суҳбат натижалари унинг бевосита ёки масофавий (онлайн) тарзда ўтказилишидан қатъи назар баллар қўйиш йўли билан 100 баллик тизимда баҳоланади. Ушбу Низомнинг 1- бандида кўрсатилган ҳар бир мезон бўйича балларнинг энг юқори миқдори 25 баллни ташкил этади.
28. Хорижий фуқаро жадвал бўйича суҳбатга келмаган ҳолларда 0 балл қўйилади.
29. Суҳбат натижаларини белгилаш учун Махсус комиссиянинг ҳар бир аъзоси бошқа аъзолардан мустақил равишда мазкур Низомнинг иловасида келтирилган шаклдаги баҳолаш варағини тўлдириб, уни имзолайди ҳамда Махсус комиссиянинг котибига топширади. Махсус комиссиянинг котиби хорижий фуқарога Махсус комиссия аъзолари томонидан қўйилган ўртача баллни ҳисоблаб чиқади.
30. Хорижий фуқаро 55 баллдан юқори балл тўплаганда суҳбатдан ўтган ҳисобланади.
31. Суҳбатдан ўтган хорижий фуқаролар рўйхати улар томонидан тўпланган баллар асосида рейтинг тизимига мувофиқ аниқланади.
32. Суҳбат жараёни ва натижалари Махсус комиссиянинг барча аъзолари томонидан имзоланадиган ва ТДЮУ ректори томонидан тасдиқланадиган йиғилиш баённомасида қайд этилади.
Суҳбат жараёни ва натижаларини қайд этиш учун видео- ва аудиоёзув қўлланиши мумкин. Бундай ҳолларда видео- ва аудиоёзув 24 соат ичида Махсус комиссия раисига тақдим этилади.
33. ТДЮУ бакалавриатига хорижий фуқароларни қабул қилиш учун суҳбатни қайта ўтказиш тақиқланади.
34. Суҳбат натижалари шикоят қилиниши ва апелляция тартибида кўрилиши мумкин эмас.
35. Суҳбат натижаларига кўра ТДЮУ бакалавриатига хорижий фуқароларни қабул қилиш ҳақида ТДЮУ ректори томонидан буйруқ қабул қилинади.
36. Суҳбат натижалари бутун суҳбат жараёни ўтказилгандан сўнг кейинги иш кунида ТДЮУ веб-сайтида эълон қилинади.
4-боб. Якуний қоидалар
37. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.
38. Мазкур Низом Олий ва ўрта махсус таълим вазирлиги ҳамда Тошкент давлат юридик университети билан келишилган.
Тошкент давлат юридик университети бакалавриатига хорижий фуқароларни қабул қилиш учун суҳбат ўтказиш ва унинг натижаларини белгилаш тартиби тўғрисидаги низомга ИЛОВА
Тошкент давлат юридик университети бакалавриатига хорижий фуқарони қабул қилиш учун ўтказилган суҳбат жавобларини БАҲОЛАШ ВАРАҒИ Сана __________________ Хорижий фуқаронинг Ф.И.О._________________________________________________________________ ____________________________________________________________________________________________ Т/р Баҳолаш мезонлари Баллар 1. Дунёқараши 2. Касбий иштиёқи ва мотивациялари 3. Умумий интеллектуал даражаси 4. Маънавий-ахлоқий даражаси Жами баллар: Изоҳ::_________________________________________________________________________________________________________________________________________________________________________________________________________________________________________________________________________. Махсус комиссия аъзоси: ____________________________________________________________________ ___________________ (Ф.И.О.) (имзо)
Вазир М. ИКРАМОВ
Олий ва ўрта махсус таълим вазири И. МАДЖИДОВ
Адлия вазири ўринбосари — Тошкент давлат юридик университети ректори Е. КАНЬЯЗОВ
Тошкент ш.,
2017 йил 29 июнь,
2017 йил 27 июнь
2017 йил 27 июнь
164-мҳ-сон
Oʻzbekiston Respublikasi Adliya vazirining
buyrugʻi
NIZOM
Toshkent davlat yuridik universiteti bakalavriatiga xorijiy fuqarolarni qabul qilish uchun suhbat oʻtkazish va uning natijalarini belgilash tartibi toʻgʻrisidagi nizomni tasdiqlash haqida
Oʻzbekiston Respublikasi Vazirlar Mahkamasining 2017-yil 2-iyundagi 347-son “Toshkent davlat yuridik universitetida kadrlar tayyorlash tizimini yanada takomillashtirish chora-tadbirlari toʻgʻrisida”gi qaroriga muvofiq buyuraman:
1. Toshkent davlat yuridik universiteti bakalavriatiga xorijiy fuqarolarni qabul qilish uchun suhbat oʻtkazish va uning natijalarini belgilash tartibi toʻgʻrisidagi nizom ilovaga muvofiq tasdiqlansin.
2. Mazkur buyruq davlat roʻyxatidan oʻtkazilsin va Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.
3. Huquqiy targʻibot va axborot boshqarmasi ushbu idoraviy normativ-huquqiy hujjatning “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.
4. Mazkur buyruq rasmiy eʼlon qilingan kundan eʼtiboran kuchga kiradi.
5. Mazkur buyruqning ijrosini nazorat qilish vazirning birinchi oʻrinbosari N. Joʻrayev zimmasiga yuklansin.
Oʻzbekiston Respublikasi adliya vazirining 2017-yil 29-iyundagi 164-mh-son buyrugʻiga ILOVA
Toshkent davlat yuridik universiteti bakalavriatiga xorijiy fuqarolarni qabul qilish uchun suhbat oʻtkazish va uning natijalarini belgilash tartibi toʻgʻrisidagi
Mazkur Nizom Oʻzbekiston Respublikasi Prezidentining 2017-yil 28-apreldagi PQ-2932-son “Toshkent davlat yuridik universitetida kadrlar tayyorlash tizimini tubdan takomillashtirish va samaradorligini oshirish chora-tadbirlari toʻgʻrisida”gi qarori hamda Vazirlar Mahkamasining 2017-yil 2-iyundagi 347-son qarori bilan tasdiqlangan Toshkent davlat yuridik universitetida kadrlar tayyorlash tizimini yanada takomillashtirish chora-tadbirlari toʻgʻrisidagi nizomga muvofiq Toshkent davlat yuridik universiteti (bundan buyon matnda TDYU deb yuritiladi) bakalavriatiga xorijiy fuqarolarni qabul qilish uchun suhbat oʻtkazish va uning natijalarini belgilash tartibini belgilaydi.
1-bob. Umumiy qoidalar
1. TDYU bakalavriatiga xorijiy fuqarolarni qabul qilish uchun suhbat (bundan buyon matnda suhbat deb yuritiladi):
ularning dunyoqarashini (hozirgi kunda dunyoda roʻy berayotgan asosiy va muhim ijtimoiy-siyosiy va ijtimoiy-iqtisodiy jarayonlardan umumiy xabardorligi);
kasbiy ishtiyoqi va motivatsiyalarini (yurist kasbining mohiyati va mazmuni, uning jamiyatdagi oʻrni va ahamiyati, yuristning kasbiy faoliyat sohalari, ushbu kasbning qiyinchiliklari toʻgʻrisida tasavvurga egalik, yurist kasbini tanlashga undagan sabablar);
umumiy intellektual darajasini (oʻz fikrini aniq-ravshan, mantiqiy va ijodiy bayon qila olish hamda oʻz fikrini asoslantira olish qobiliyati);
maʼnaviy-axloqiy darajasini (qatʼiy maʼnaviy-axloqiy prinsiplarga ega boʻlish, muloqot etikasi va tashqi koʻrinish madaniyatiga rioya etishi) aniqlash nuqtai nazaridan oʻtkaziladi.
2. Suhbat TDYU rektorining buyrugʻi bilan tuziladigan maxsus komissiya (bundan buyon matnda Maxsus komissiya deb yuritiladi) tomonidan oʻtkaziladi.
Maxsus komissiya oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.
Maxsus komissiya tarkibiga TDYU xodimlari bilan bir qatorda boshqa tashkilotlarning vakillari ham ularning rahbarlari bilan kelishilgan holda kiritilishi mumkin.
Maxsus komissiyaga komissiyaning boshqa aʼzolari faoliyatini oʻzaro umumiy muvofiqlashtiruvchi rais boshchilik qiladi. TDYU rektori lavozimi boʻyicha Maxsus komissiya raisi hisoblanadi. Maxsus komissiya faoliyatini tashkiliy taʼminlash uning kotibiga yuklanadi.
3. Suhbat Adliya vazirligi bilan kelishgan holda TDYU tomonidan belgilangan muddatlarda oʻtkaziladi.
4. Suhbat TDYUda taʼlim beriladigan tilida oʻtkaziladi.
5. Suhbatning ushbu Nizomga qatʼiy rioya etgan holda tashkil etilishi va oʻtkazilishi uchun masʼuliyat tegishli oʻquv yili uchun tuziladigan TDYU qabul komissiyasi masʼul kotibiga (bundan buyon matnda masʼul kotib deb yuritiladi) hamda TDYU bakalavriatiga qabul masalalari boʻyicha masʼul kotibning oʻrinbosariga, Maxsus komissiya aʼzolariga yuklanadi.
2-bob. Suhbat oʻtkazishga tayyorgarlik koʻrish
6. TDYU qabul komissiyasining (bundan buyon matnda Qabul komissiyasi deb yuritiladi) suhbat oʻtkazish boʻyicha ish rejasi Qabul komissiyasi raisi tomonidan tasdiqlanadi.
7. Qabul komissiyasining suhbatni tashkil etishdagi asosiy vazifalari quyidagilar hisoblanadi:
suhbat jarayonining adolatli oʻtkazilishini taʼminlash;
suhbat oʻtkazish bilan bogʻliq zarur sharoitlarni yaratish;
TDYUga oʻqishga kirish va unda taʼlim olish, shuningdek TDYUda yaratilgan sharoitlar haqida xorijiy fuqarolarga axborotlar va maʼlumotnomalar taqdim etish, shu jumladan, Internet jahon axborot tarmogʻi orqali;
xorijiy fuqarolarga suhbatning natijalari haqida maʼlumot taqdim etish.
8. Binolar va auditoriyalarni suhbat oʻtkazish uchun tayyorlash masʼuliyati TDYU bakalavriatiga qabul masalalari boʻyicha masʼul kotibning oʻrinbosari zimmasiga yuklanadi.
9. Suhbat oʻtkaziladigan binoda suhbat oʻtkazish jarayoni uchun zarur boʻlgan texnik, tibbiy va maishiy sharoitlar yaratilishi lozim. Binolar va auditoriyalar sanitariya va yongʻin xavfsizligi qoidalariga toʻliq javob berishi shart.
10. Suhbat savollarini tuzish uchun ekspert guruhi tashkil etiladi. Ekspert guruhi tegishli sohaning malakali mutaxassislari orasidan shakllantiriladi. Ekspert guruhi faoliyatiga Qabul komissiyasi raisi rahbarlik qiladi.
11. Savollar mazkur Nizomning 1-bandida koʻrsatilgan mezonlar kesimida tuziladi.
12. Savollarni tuzishda quyidagi talablarga alohida eʼtibor qaratiladi:
savollar loʻnda, oddiy va ravon tilda bayon etilishi hamda tahliliy fikrlash qobiliyatini aniqlashga qaratilgan boʻlishi lozim;
savollar oʻrta maxsus va professional taʼlim darajasiga mos boʻlishi lozim;
savollarda foydalanilgan tushunchalar va atamalar ularni turlicha izohlash imkoniyatini istisno etishi lozim;
savollar orfografik, stilistik va grammatik jihatdan toʻgʻri shakllantirilgan boʻlishi lozim.
13. Tuziladigan savollarning sifati va mazmuni boʻyicha masʼuliyat ekspert guruhi aʼzolariga yuklanadi.
14. Suhbat oʻtkazish uchun savollar Qabul komissiyasi raisiga topshirilgan vaqtdan boshlab ekspert guruhi oʻz faoliyatini tugatadi. Tuzilgan savollar biletlarni shakllantirish uchun topshirilgunga qadar Qabul komissiyasi raisida saqlanadi.
15. Tuzilgan savollar suhbat oʻtkazilishidan bir kun oldin suhbat biletlarini shakllantirish uchun masʼul kotibga topshiriladi. Har bir bilet toʻrtta savoldan iborat boʻlishi lozim (ushbu Nizomning 1-bandida koʻrsatilgan har bir mezon boʻyicha bittadan).
Shakllantirilgan biletlar konvertlarga joylashtiriladi va Qabul komissiyasining muhri bilan tasdiqlanadi hamda masʼul kotibda saqlanadi.
3-bob. Suhbat oʻtkazish va uning natijalarini belgilash
16. Xorijiy fuqarolarning suhbatdan oʻtishi majburiy hisoblanadi.
Xorijiy fuqarolar bilan suhbat bevosita yoki zaruratga koʻra masofaviy (onlayn) tarzda amalga oshiriladi.
17. Suhbat oʻtkazish jadvali masʼul kotibning taqdimnomasiga binoan TDYU rektorining buyrugʻi bilan tasdiqlanadi. Suhbatdan oʻtuvchi xorijiy fuqarolarning roʻyxati buyruqqa ilova qilinadi.
18. Suhbat oʻtkazish jadvali, qoida tariqasida, suhbat boshlanishidan bir oy oldin TDYU veb-saytida joylashtiriladi.
19. Suhbat, qoida tariqasida, TDYU binolarida oʻtkaziladi.
20. Xorijiy fuqarolar suhbat oʻtkazish uchun binoga tegishli navbat boʻyicha olib kiriladi.
Masofaviy (onlayn) suhbat kommunikatsiya texnologiyalaridan foydalangan holda real vaqt rejimida amalga oshiriladi. Bunda, ushbu kommunikatsiya texnologiyalari abituriyentning shaxsini tasdiqlash imkonini beradigan texnik talablarga javob berishi lozim.
21. Xorijiy fuqaro tomonidan suhbatga mobil telefon va boshqa aloqa vositalarining olib kirilishi va ulardan foydalanilishi qatʼiyan taqiqlanadi.
22. Xorijiy fuqaro auditoriyaga Maxsus komissiya kotibi tomonidan taklif etiladi.
23. Suhbatdan oldin xorijiy fuqaro pasport yoki uning oʻrnini bosuvchi hujjatni koʻrsatishi shart.
24. Suhbat oʻtkazishda xorijiy fuqaro savollar berilgan biletni tanlaydi.
Masofaviy (onlayn) suhbatda xorijiy fuqaro tomonidan savollar berilgan biletni tanlash masofaviy tarzda (tegishli bilet raqamini real vaqt rejimida tanlash orqali) amalga oshiriladi.
25. Bilet olinganidan soʻng xorijiy fuqaroga suhbatga tayyorlanish uchun 20 daqiqa ajratiladi. Bunda xorijiy fuqaro suhbatga tayyorlanish uchun qogʻoz varaqlardan foydalanishi mumkin. Qogʻoz varaqlarni taqdim etish uchun masʼuliyat Maxsus komissiya zimmasiga yuklanadi.
26. Suhbatdan oʻtish jarayonida xorijiy fuqaroga bilet mazmuni boʻyicha qoʻshimcha savollar berilishi mumkin. Bitta xorijiy fuqaro bilan suhbat 15 minutgacha davom etadi.
27. Suhbat natijalari uning bevosita yoki masofaviy (onlayn) tarzda oʻtkazilishidan qatʼi nazar ballar qoʻyish yoʻli bilan 100 ballik tizimda baholanadi. Ushbu Nizomning 1- bandida koʻrsatilgan har bir mezon boʻyicha ballarning eng yuqori miqdori 25 ballni tashkil etadi.
28. Xorijiy fuqaro jadval boʻyicha suhbatga kelmagan hollarda 0 ball qoʻyiladi.
29. Suhbat natijalarini belgilash uchun Maxsus komissiyaning har bir aʼzosi boshqa aʼzolardan mustaqil ravishda mazkur Nizomning ilovasida keltirilgan shakldagi baholash varagʻini toʻldirib, uni imzolaydi hamda Maxsus komissiyaning kotibiga topshiradi. Maxsus komissiyaning kotibi xorijiy fuqaroga Maxsus komissiya aʼzolari tomonidan qoʻyilgan oʻrtacha ballni hisoblab chiqadi.
30. Xorijiy fuqaro 55 balldan yuqori ball toʻplaganda suhbatdan oʻtgan hisoblanadi.
31. Suhbatdan oʻtgan xorijiy fuqarolar roʻyxati ular tomonidan toʻplangan ballar asosida reyting tizimiga muvofiq aniqlanadi.
32. Suhbat jarayoni va natijalari Maxsus komissiyaning barcha aʼzolari tomonidan imzolanadigan va TDYU rektori tomonidan tasdiqlanadigan yigʻilish bayonnomasida qayd etiladi.
Suhbat jarayoni va natijalarini qayd etish uchun video- va audioyozuv qoʻllanishi mumkin. Bunday hollarda video- va audioyozuv 24 soat ichida Maxsus komissiya raisiga taqdim etiladi.
33. TDYU bakalavriatiga xorijiy fuqarolarni qabul qilish uchun suhbatni qayta oʻtkazish taqiqlanadi.
34. Suhbat natijalari shikoyat qilinishi va apellyatsiya tartibida koʻrilishi mumkin emas.
35. Suhbat natijalariga koʻra TDYU bakalavriatiga xorijiy fuqarolarni qabul qilish haqida TDYU rektori tomonidan buyruq qabul qilinadi.
36. Suhbat natijalari butun suhbat jarayoni oʻtkazilgandan soʻng keyingi ish kunida TDYU veb-saytida eʼlon qilinadi.
4-bob. Yakuniy qoidalar
37. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.
38. Mazkur Nizom Oliy va oʻrta maxsus taʼlim vazirligi hamda Toshkent davlat yuridik universiteti bilan kelishilgan.
Toshkent davlat yuridik universiteti bakalavriatiga xorijiy fuqarolarni qabul qilish uchun suhbat oʻtkazish va uning natijalarini belgilash tartibi toʻgʻrisidagi nizomga ILOVA
Toshkent davlat yuridik universiteti bakalavriatiga xorijiy fuqaroni qabul qilish uchun oʻtkazilgan suhbat javoblarini BAHOLASH VARAGʻI Sana __________________ Xorijiy fuqaroning F.I.O._________________________________________________________________ ____________________________________________________________________________________________ T/r Baholash mezonlari Ballar 1. Dunyoqarashi 2. Kasbiy ishtiyoqi va motivatsiyalari 3. Umumiy intellektual darajasi 4. Maʼnaviy-axloqiy darajasi Jami ballar: Izoh::_________________________________________________________________________________________________________________________________________________________________________________________________________________________________________________________________________. Maxsus komissiya aʼzosi: ____________________________________________________________________ ___________________ (F.I.O.) (imzo)
Vazir M. IKRAMOV
Oliy va oʻrta maxsus taʼlim vaziri I. MADJIDOV
Adliya vaziri oʻrinbosari — Toshkent davlat yuridik universiteti rektori E. KANYAZOV
Toshkent sh.,
2017-yil 29-iyun,
2017-yil 27-iyun
2017-yil 27-iyun
164-mh-son
Министра юстиции Республики Узбекистан
Приказ
ПОЛОЖЕНИЕ
Об утверждении Положения о порядке проведения собеседования для приема иностранных граждан в бакалавриат Ташкентского государственного юридического университета и определения его результатов
В соответствии с постановлением Кабинета Министров Республики Узбекистан от 2 июня 2017 года № 347 «О мерах по дальнейшему совершенствованию системы подготовки кадров в Ташкентском государственном юридическом университете», приказываю:
1. Утвердить Положение о порядке проведения собеседования для приема иностранных граждан в бакалавриат Ташкентского государственного юридического университета и определения его результатов согласно приложению .
2. Произвести государственную регистрацию настоящего приказа и Управлению государственной регистрации ведомственных нормативно-правовых актов внести соответствующую запись в Государственный реестр ведомственных нормативно-правовых актов.
3. Управлению правовой пропаганды и информации обеспечить опубликование настоящего ведомственного нормативно-правового акта в «Ўзбекистон Республикаси қонун ҳужжатлари тўплами» — «Собрании законодательства Республики Узбекистан».
4. Настоящий приказ вступает в силу со дня его официального опубликования.
5. Контроль за выполнением настоящего приказа возложить на первого заместителя министра Н. Жураева.
ПРИЛОЖЕНИЕ к приказу министра юстиции Республики Узбекистан от 29 июня 2017 года № 164-мҳ
о порядке проведения собеседования для приема иностранных граждан в бакалавриат Ташкентского государственного юридического университета и определения его результатов
Настоящее Положение, в соответствии с постановлением Президента Республики Узбекистан от 28 апреля 2017 года № ПП-2932 «О мерах по коренному совершенствованию системы и повышению эффективности подготовки кадров в Ташкентском государственном юридическом университете» и Положением о порядке приема иностранных граждан в бакалавриат Ташкентского государственного юридического университета, утвержденным постановлением Кабинета Министров от 2 июня 2017 года № 347, определяет порядок проведения собеседования для приема иностранных граждан в бакалавриат Ташкентского государственного юридического университета (далее — ТГЮУ) и определения его результатов.
Глава 1. Общие положения
1. Собеседование для приема иностранных граждан в бакалавриат ТГЮУ (далее — собеседование) проводится на предмет определения:
мировоззрения (наличие общей осведомленности об основных и наиболее значимых текущих общественно-политических и социально-экономических процессах в мире);
профессиональной склонности и мотивации (наличие представления о сути и содержании профессии юриста, ее месте и значении в обществе, сферах профессиональной деятельности юриста, трудностях данной профессии, причины, побудившие к выбору профессии юриста);
общего интеллектуального уровня (наличие способности ясно, логически и творчески излагать свои мысли и аргументировать свое мнение);
духовно-нравственного уровня (наличие твердых морально-этических принципов, соблюдение этикета общения и культуры внешнего вида).
2. Собеседование проводится специальной комиссией, создаваемой приказом ректора ТГЮУ (далее — Специальная комиссия).
Специальная комиссия осуществляет свою деятельность на принципах коллегиальности, гласности, объективности и беспристрастности.
В состав Специальной комиссии наряду с работниками ТГЮУ могут быть включены представители других организаций по согласованию с их руководителями.
Специальную комиссию возглавляет председатель, осуществляющий общую координацию работы других членов комиссии. Ректор ТГЮУ по должности является председателем Специальной комиссии. Организационное обеспечение деятельности Специальной комиссии возлагается на ее секретаря.
3. Собеседование проводится в сроки, установленные ТГЮУ по согласованию с Министерством юстиции.
4. Собеседование проводится на языках обучения в ТГЮУ.
5. Ответственность за организацию и проведение собеседования в строгом соответствии с настоящим Положением возлагается на ответственного секретаря приемной комиссии ТГЮУ (далее — ответственный секретарь), образуемой на соответствующий учебный год, и заместителя ответственного секретаря по вопросам приема в бакалавриат ТГЮУ, членов Специальной комиссии.
Глава 2. Подготовка к проведению собеседования
6. План работы по проведению собеседования Приемной комиссии ТГЮУ (далее — Приемная комиссия), утверждается председателем Приемной комиссии.
7. Основными задачами Приемной комиссии в организации собеседования являются:
обеспечение справедливого проведения процесса собеседования;
создание необходимых условий, связанных с проведением собеседования;
предоставление иностранным гражданам, в том числе по всемирной информационной сети Интернет, информации и справок по вопросам поступления и обучения в ТГЮУ, а также созданных в ТГЮУ условиях;
предоставление иностранным гражданам информации о результатах собеседования.
8. Ответственность за организацию подготовки зданий и аудиторий для проведения собеседования возлагается на заместителя ответственного секретаря по вопросам приема в бакалавриат ТГЮУ.
9. В здании, где проводится собеседование, должны создаваться технические, медицинские и бытовые условия, необходимые для проведения процесса собеседования. Здания и аудитории должны полностью отвечать правилам санитарии и пожарной безопасности.
10. Для составления вопросов собеседования образуется экспертная группа. Экспертная группа формируется из числа квалифицированных специалистов соответствующей отрасли. Деятельностью экспертной группы руководит Председатель приемной комиссии.
11. Вопросы составляются в разрезе критериев, указанных в пункте 1 настоящего Положения.
12. При составлении вопросов особое внимание уделяется следующим требованиям:
вопросы должны быть изложены лаконичным, простым и понятным языком и направлены на определение способности аналитического мышления;
вопросы должны соответствовать уровню среднего специального и профессионального образования;
определения и понятия, использованные в вопросах, должны исключать возможность их различное толкование;
вопросы должны быть сформулированы с орфографической, стилистической и грамматической точки зрения правильно.
13. Ответственность за качество и содержание составляемых вопросов возлагается на членов экспертной группы.
14. Деятельность экспертной группы заканчивается сдачей вопросов собеседования председателю Приемной комиссии. Составленные вопросы хранятся у председателя Приемной комиссии до их передачи для формирования билетов.
15. Составленные вопросы за один день до проведения собеседования передаются ответственному секретарю для формирования билетов собеседования. Каждый билет должен состоять из четырех вопросов (по одному из критериев, указанных в пункте 1 настоящего Положения).
Сформированные билеты помещаются в конверты и скрепляются печатью Приемной комиссии и хранятся у ответственного секретаря.
Глава 3. Проведение собеседования и определение его результатов
16. Прохождение иностранными гражданами собеседования является обязательным.
Собеседование с иностранными гражданами проводится непосредственно или при необходимости дистанционно (онлайн).
17. График проведения собеседования утверждается приказом ректора ТГЮУ по представлению ответственного секретаря. Список иностранных граждан, проходящих собеседование, прилагается к приказу.
18. График проведения собеседования публикуется на веб-сайте ТГЮУ, как правило, не менее чем за месяц до начала собеседования.
19. Собеседование, как правило, проводится в зданиях ТГЮУ.
20. Иностранные граждане заводятся в здание для проведения собеседования по соответствующей очередности.
Дистанционная (онлайн) беседа проводится в режиме реального времени с использованием коммуникационных технологий. При этом данные коммуникационные технологии должны соответствовать техническим требованиям, позволяющим подтвердить личность абитуриента.
21. Категорически запрещается пронос на собеседование и пользование иностранным гражданином мобильными телефонами и другими средствами коммуникации.
22. Иностранный гражданин приглашается в аудиторию секретарем Специальной комиссии.
23. Перед собеседованием иностранный гражданин обязан предъявить паспорт или заменяющий его документ.
24. При проведении собеседования иностранный гражданин выбирает билет с вопросами.
Выбор билета, по которому иностранному гражданину задаются вопросы на дистанционном (онлайн) собеседовании, осуществляется дистанционно (путем выбора соответствующего номера билета в режиме реального времени).
25. Для подготовки к собеседованию иностранному гражданину после получения билетов отводится 20 минут. При этом иностранный гражданин может пользоваться листами бумаг для подготовки к собеседованию. Ответственность за предоставление листов бумаг возлагается на Специальную комиссию.
26. В процессе прохождения собеседования иностранному гражданину могут быть заданы дополнительные вопросы по содержанию билета. Собеседование с одним иностранным гражданином продолжается до 15 минут.
27. Результаты собеседования оцениваются по 100 балльной системе с выставлением баллов вне зависимости от того, проводится оно непосредственно или дистанционно (онлайн). Максимальное количество баллов по каждому из критериев, указанных в пункте 1 настоящего Положения, составляет 25 баллов.
28. В случае неявки по графику на собеседование иностранному гражданину выставляется 0 баллов.
29. Для определения результатов собеседования каждый член Специальной комиссии независимо от других членов заполняет оценочный лист по форме согласно приложению к настоящему Положению, подписывает и передает его секретарю Специальной комиссии. Секретарь Специальной комиссии высчитывает средний балл, выставленный иностранному гражданину со стороны членов Специальной комиссии.
30. Иностранный гражданин, набравший более 55 баллов, считается прошедшим собеседование.
31. Список прошедших собеседование иностранных граждан определяется согласно рейтинговой системе на основе набранных ими баллов.
32. Ход и результаты собеседования фиксируются в протоколе заседания Специальной комиссии, подписываемым всеми ее членами и утверждаемым ректором ТГЮУ.
Для фиксации хода и результатов собеседования могут применяться видео- и аудиозапись. В этом случае в течение 24 часов видео- и аудиозапись предоставляется председателю Специальной комиссии.
33. Повторное проведение собеседования для приема иностранных граждан в бакалавриат ТГЮУ запрещается.
34. Результаты собеседования не подлежат обжалованию и рассмотрению в порядке апелляции.
35. По результатам собеседования принимается приказ ректора ТГЮУ о приеме иностранных граждан в бакалавриат ТГЮУ.
36. Результаты собеседования объявляются на веб-сайте ТГЮУ на следующий рабочий день после проведения всего процесса собеседования.
Глава 4. Заключительные положения
37. Лица, виновные в нарушении настоящего Положения, несут ответственность в соответствии с законодательством.
38. Настоящее Положение согласовано с Министерством высшего и среднего специального образования и Ташкентским государственным юридическим университетом.
ПРИЛОЖЕНИЕ к Положению о порядке проведения собеседования для приема иностранных граждан в бакалавриат Ташкентского государственного юридического университета и определения его результатов
ОЦЕНОЧНЫЙ ЛИСТ ответов иностранного гражданина на собеседовании для приема в бакалавриат Ташкентского государственного юридического университета Дата __________________ Ф.И.О. иностранного гражданина_________________________________________________________________ ____________________________________________________________________________________________ № Критерии собеседования Баллы 1. Мировоззрение 2. Профессиональная склонность и мотивация 3. Общий интеллектуальный уровень 4. Духовно-нравственный уровень Итого баллов: Примечание:_________________________________________________________________________________________________________________________________________________________________________________________________________________________________________________________________________. Член Специальной комиссии: ____________________________________________________________________ ___________________ (Ф.И.О.) (Подпись)
Министр М. ИКРАМОВ
Министр высшего и среднего специального образования И. МАДЖИДОВ
Заместитель министра юстиции — Ректор Ташкентского государственного юридического университета Е. КАНЬЯЗОВ
г. Ташкент,
29 июня 2017 г.,
27 июня 2017 года
27 июня 2017 года
№ 164-мҳ