📅 2017-yil 6-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 6 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 июля 2017 г. · Постановления Президента
Официальный текст. Официальный документ. Редакционные примечания не включены.
📅 6 July 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тошкент шаҳрида болалар буюмлари ва ўйинчоқларини ишлаб чиқарувчи замонавий корхонани ташкил этиш чора-тадбирлари тўғрисида
Аҳолининг болалар буюмлари ва ўйинчоқларига бўлган талаб-эҳтиёжини қондириш, бўш турган давлат мулки объектларидан самарали фойдаланиш ҳамда талаб юқори бўлаётган сифатли, замонавий маҳаллий болалар буюмлари ва ўйинчоқлари, бошқа рақобатдош, импорт ўрнини босувчи маҳсулотлар ишлаб чиқаришни таъминлаш мақсадида:
1. Маълумот учун қабул қилинсинки:
Тошкент шаҳри, Олмазор тумани, Қорасарой кўчаси, 336-уйда жойлашган собиқ «Тошўйинчоқ» заводининг майдони 12 минг кв. метрли асосий бинолари ва иншоотлари ҳамда умумий ер майдони ҳудуди 2,8 га бўлган бошқа бинолар ва иншоот (кейинги ўринларда — объект)лари узоқ муддат давомида бўш бўлиб, ишлаб чиқариш линиялари яроқсиз ҳолга келиб қолган ва фаолият юритмайди;
ҳозирги вақтда заводнинг барча бинолари ва иншоотлари туташ ҳудудлари билан бирга давлат мулкига ўтказилган.
2. Тошкент шаҳар ҳокимлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Иқтисодиёт вазирлиги, Ташқи иқтисодий фаолият миллий банкининг:
объектни баланс қийматида хўжалик юритиш ҳуқуқи билан Ўзбекистон Республикаси Ташқи иқтисодий фаолият миллий банкига бепул топшириш:
кейинчалик объектни баҳолаш компанияси томонидан белгиланган қиймат бўйича, сифатли, замонавий маҳаллий болалар буюмлари ва ўйинчоқларини ишлаб чиқаришни ташкиллаштириш ҳамда инвестицияларни жалб этиш шарти билан банкнинг бошқарув компанияси — «NBU INVESTMENT» МЧЖ мулкига (устав фондига) ўтказиш тўғрисидаги таклифларига розилик берилсин.
3. Тошкент шаҳар ҳокимлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ташқи иқтисодий фаолият миллий банки бир ой муддатда объектни қабул қилиш-топширишни белгиланган тартибда таъминласин.
Белгилансинки, объектни Ўзбекистон Республикаси Ташқи иқтисодий фаолият миллий банкига қабул қилиш-топшириш ҳамда уни кейинчалик «NBU INVESTMENT» МЧЖнинг мулкига (устав фондига) топшириш солиққа тортилмайди.
4. Ўзбекистон Республикаси Ташқи иқтисодий фаолият миллий банки «NBU INVESTMENT» МЧЖ билан биргаликда:
2018 йилнинг 1 мартигача бўлган муддатда инвестицияларни жалб этишни ва ички бозор каби ташқи бозорларда ҳам сотишга мўлжалланган замонавий маҳаллий болалар буюмлари ва ўйинчоқлари ишлаб чиқарилиши (кейинги ўринларда — инвестиция лойиҳалари)ни ташкиллаштиришни;
объектнинг бут сақланиши ва оқилона фойдаланилиши, объект негизида яратиладиган корхоналар янги инвесторларга сотилгунга қадар ишлаб чиқариш қувватларининг юкланишини, барқарор молия-хўжалик фаолияти барқарорлигини таъминласин.
5. Ўзбекистон Республикаси Ташқи иқтисодий фаолият миллий банки ва «NBU INVESTMENT» МЧЖга лойиҳани амалга ошириш доирасида:
объект негизида 100 фоизгача улуш билан қатнашган ҳолда, шу жумладан, бошқа инвесторлар иштирокида корхоналар ташкил этиш;
барпо этилаётган корхоналарни ёки уларнинг устав фондидаги улушларни корхоналар тикланиб боришига қараб, янги инвесторларга маблағ қандай валютада сарфланган бўлса шундай валюта билан бозор қийматида сотиш ҳуқуқи берилсин.
7. Ўзбекистон Республикаси Президентининг «Иқтисодий ночор корхоналарни қўллаб-қувватлаш механизмларини янада кенгайтириш ҳамда тижорат банкларининг кўчмас мулк объектлари негизида янги ишлаб чиқариш қувватларини ташкил этишни рағбатлантириш чора-тадбирлари тўғрисида» 2017 йил 20 апрелдаги ПФ-5022-сонли Фармонининг 8-банди объект ҳудудида амалга оширилаётган инвестиция лойиҳалари доирасида «NBU INVESTMENT» МЧЖ иштирокида ташкил этилаётган корхоналарга жорий этилсин.
8. Инвестиция лойиҳаларини амалга ошириш доирасида Ўзбекистон Республикаси Ташқи иқтисодий фаолият миллий банки ва «NBU INVESTMENT» МЧЖга;
2018 йил 1 мартгача объект ҳудудида, белгиланган шаҳарсозлик нормалари ва қоидаларига риоя қилган ҳолда, қурилиш ва реконструкция қилиш ишларини амалга оширишда параллел тарзда лойиҳалаш ва молиялаштиришга;
лойиҳа ва пудрат ташкилотларини, шунингдек, кейинчалик ускуна, бутловчи буюмлар, техника ва технологиялар, эҳтиёт қисмлар, хомашё ва материалларни сотиб олиш бўйича белгиланган тартибда импорт шартномалари экспертизасини ўтказган ҳолда, энг яхши таклифларни танлаб олиш асосида тендер (танлов) савдолари ўтказмасдан ускуналар, бутловчи буюмлар, техника ва технологиялар, эҳтиёт қисмлар, хомашё ва материаллар етказиб берувчиларни аниқлашга, истисно тариқасида рухсат берилсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 6 июль,
ПҚ-3115-сон
Oʻzbekiston Respublikasi Prezidentining
Qarori
Toshkent shahrida bolalar buyumlari va oʻyinchoqlarini ishlab chiqaruvchi zamonaviy korxonani tashkil etish chora-tadbirlari toʻgʻrisida
Aholining bolalar buyumlari va oʻyinchoqlariga boʻlgan talab-ehtiyojini qondirish, boʻsh turgan davlat mulki obyektlaridan samarali foydalanish hamda talab yuqori boʻlayotgan sifatli, zamonaviy mahalliy bolalar buyumlari va oʻyinchoqlari, boshqa raqobatdosh, import oʻrnini bosuvchi mahsulotlar ishlab chiqarishni taʼminlash maqsadida:
1. Maʼlumot uchun qabul qilinsinki:
Toshkent shahri, Olmazor tumani, Qorasaroy koʻchasi, 336-uyda joylashgan sobiq “Toshoʻyinchoq” zavodining maydoni 12 ming kv. metrli asosiy binolari va inshootlari hamda umumiy yer maydoni hududi 2,8 ga boʻlgan boshqa binolar va inshoot (keyingi oʻrinlarda — obyekt)lari uzoq muddat davomida boʻsh boʻlib, ishlab chiqarish liniyalari yaroqsiz holga kelib qolgan va faoliyat yuritmaydi;
hozirgi vaqtda zavodning barcha binolari va inshootlari tutash hududlari bilan birga davlat mulkiga oʻtkazilgan.
2. Toshkent shahar hokimligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Iqtisodiyot vazirligi, Tashqi iqtisodiy faoliyat milliy bankining:
obyektni balans qiymatida xoʻjalik yuritish huquqi bilan Oʻzbekiston Respublikasi Tashqi iqtisodiy faoliyat milliy bankiga bepul topshirish:
keyinchalik obyektni baholash kompaniyasi tomonidan belgilangan qiymat boʻyicha, sifatli, zamonaviy mahalliy bolalar buyumlari va oʻyinchoqlarini ishlab chiqarishni tashkillashtirish hamda investitsiyalarni jalb etish sharti bilan bankning boshqaruv kompaniyasi — “NBU INVESTMENT” MChJ mulkiga (ustav fondiga) oʻtkazish toʻgʻrisidagi takliflariga rozilik berilsin.
3. Toshkent shahar hokimligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Tashqi iqtisodiy faoliyat milliy banki bir oy muddatda obyektni qabul qilish-topshirishni belgilangan tartibda taʼminlasin.
Belgilansinki, obyektni Oʻzbekiston Respublikasi Tashqi iqtisodiy faoliyat milliy bankiga qabul qilish-topshirish hamda uni keyinchalik “NBU INVESTMENT” MChJning mulkiga (ustav fondiga) topshirish soliqqa tortilmaydi.
4. Oʻzbekiston Respublikasi Tashqi iqtisodiy faoliyat milliy banki “NBU INVESTMENT” MChJ bilan birgalikda:
2018-yilning 1-martigacha boʻlgan muddatda investitsiyalarni jalb etishni va ichki bozor kabi tashqi bozorlarda ham sotishga moʻljallangan zamonaviy mahalliy bolalar buyumlari va oʻyinchoqlari ishlab chiqarilishi (keyingi oʻrinlarda — investitsiya loyihalari)ni tashkillashtirishni;
obyektning but saqlanishi va oqilona foydalanilishi, obyekt negizida yaratiladigan korxonalar yangi investorlarga sotilgunga qadar ishlab chiqarish quvvatlarining yuklanishini, barqaror moliya-xoʻjalik faoliyati barqarorligini taʼminlasin.
5. Oʻzbekiston Respublikasi Tashqi iqtisodiy faoliyat milliy banki va “NBU INVESTMENT” MChJga loyihani amalga oshirish doirasida:
obyekt negizida 100 foizgacha ulush bilan qatnashgan holda, shu jumladan, boshqa investorlar ishtirokida korxonalar tashkil etish;
barpo etilayotgan korxonalarni yoki ularning ustav fondidagi ulushlarni korxonalar tiklanib borishiga qarab, yangi investorlarga mablagʻ qanday valyutada sarflangan boʻlsa shunday valyuta bilan bozor qiymatida sotish huquqi berilsin.
7. Oʻzbekiston Respublikasi Prezidentining “Iqtisodiy nochor korxonalarni qoʻllab-quvvatlash mexanizmlarini yanada kengaytirish hamda tijorat banklarining koʻchmas mulk obyektlari negizida yangi ishlab chiqarish quvvatlarini tashkil etishni ragʻbatlantirish chora-tadbirlari toʻgʻrisida” 2017-yil 20-apreldagi PF-5022-sonli Farmonining 8-bandi obyekt hududida amalga oshirilayotgan investitsiya loyihalari doirasida “NBU INVESTMENT” MChJ ishtirokida tashkil etilayotgan korxonalarga joriy etilsin.
8. Investitsiya loyihalarini amalga oshirish doirasida Oʻzbekiston Respublikasi Tashqi iqtisodiy faoliyat milliy banki va “NBU INVESTMENT” MChJga;
2018-yil 1-martgacha obyekt hududida, belgilangan shaharsozlik normalari va qoidalariga rioya qilgan holda, qurilish va rekonstruksiya qilish ishlarini amalga oshirishda parallel tarzda loyihalash va moliyalashtirishga;
loyiha va pudrat tashkilotlarini, shuningdek, keyinchalik uskuna, butlovchi buyumlar, texnika va texnologiyalar, ehtiyot qismlar, xomashyo va materiallarni sotib olish boʻyicha belgilangan tartibda import shartnomalari ekspertizasini oʻtkazgan holda, eng yaxshi takliflarni tanlab olish asosida tender (tanlov) savdolari oʻtkazmasdan uskunalar, butlovchi buyumlar, texnika va texnologiyalar, ehtiyot qismlar, xomashyo va materiallar yetkazib beruvchilarni aniqlashga, istisno tariqasida ruxsat berilsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 6-iyul,
PQ-3115-son
Президента Республики Узбекистан
Постановление
О мерах по организации современного производства детских принадлежностей и игрушек в городе Ташкенте
В целях удовлетворения потребностей населения в детских принадлежностях и игрушках, эффективного использования пустующих объектов государственной собственности и обеспечения производства пользующихся высоким спросом качественных, современных отечественных детских принадлежностей и игрушек, другой конкурентоспособной импортозамещающей продукции:
1. Принять к сведению, что:
основные здания и сооружения бывшего завода «Ташигрушка» с площадью более 12 тыс. кв. м., находящиеся по адресу: город Ташкент, Алмазарский район, ул. Карасарай, дом 336, а также другие здания и сооружения с общей территорией земельного участка 2,8 га (далее — объект), пустуют в течение длительного времени, производственные линии пришли в негодность и не функционируют;
в настоящее время все здания и сооружения завода с прилегающей территорией переданы в государственную собственность.
2. Согласиться с предложениями хокимията города Ташкента, Государственного комитета Республики Узбекистан по содействию приватизированным предприятиям и развитию конкуренции, Министерства экономики, Национального банка внешнеэкономической деятельности Республики Узбекистан о:
передаче объекта на безвозмездной основе по балансовой стоимости Национальному банку внешнеэкономической деятельности Республики Узбекистан на праве хозяйственного ведения;
последующей передаче объекта в собственность (в уставный фонд) управляющей компании банка — ООО «NBU INVESTMENT» по стоимости, определяемой оценочной компанией, с условием привлечения инвестиций и организации производства по выпуску качественных, современных отечественных детских принадлежностей и игрушек.
3. Хокимияту города Ташкента, Государственному комитету Республики Узбекистан по содействию приватизированным предприятиям и развитию конкуренции, Национальному банку внешнеэкономической деятельности Республики Узбекистан в месячный срок обеспечить прием-передачу объекта в установленном порядке.
Установить, что прием-передача объекта Национальному банку внешнеэкономической деятельности Республики Узбекистан, а также последующая его передача в собственность (уставный фонд) ООО «NBU INVESTMENT» не подлежат налогообложению.
4. Национальному банку внешнеэкономической деятельности Республики Узбекистан совместно с ООО «NBU INVESTMENT» обеспечить:
в срок до 1 марта 2018 года привлечение инвестиций и организацию производства качественных, современных отечественных детских принадлежностей и игрушек, ориентированных на реализацию их как на внутреннем, так и на внешнем рынках (далее — инвестиционные проекты);
сохранность и рациональное использование объекта, загрузку производственных мощностей, устойчивую финансово-хозяйственную деятельность создаваемых на базе объекта предприятий до момента реализации их новым инвесторам.
5. Предоставить право Национальному банку внешнеэкономической деятельности Республики Узбекистан и ООО «NBU INVESTMENT» в рамках реализации инвестиционных проектов:
создавать на базе объекта предприятия с их долевым участием до 100 процентов включительно, в том числе с участием других инвесторов;
реализовывать новым инвесторам создаваемые предприятия или доли в их уставном фонде по мере восстановления производства по рыночной стоимости в валюте вложенных средств.
7. Распространить на предприятия, создаваемые при участии ООО «NBU INVESTMENT» в рамках реализации инвестиционных проектов, осуществляемых на территории объекта, действие пункта 8 Указа Президента Республики Узбекистан от 20 апреля 2017 года № УП-5022 «О мерах по дальнейшему расширению механизмов поддержки экономически несостоятельных предприятий, а также стимулированию организации новых производственных мощностей на базе объектов недвижимости коммерческих банков».
8. Разрешить, в порядке исключения, Национальному банку внешнеэкономической деятельности Республики Узбекистан и ООО «NBU INVESTMENT» в рамках реализации инвестиционных проектов:
до 1 марта 2018 года осуществление на территории объекта строительства и реконструкции на условиях параллельного проектирования и финансирования, с соблюдением установленных градостроительных норм и правил;
определение проектных и подрядных организаций, а также поставщиков оборудования, комплектующих изделий, техники и технологии, запасных частей, сырья и материалов без проведения тендерных (конкурсных) торгов, на основе отбора наилучших предложений, с последующей экспертизой в установленном порядке импортных контрактов по приобретению оборудования, комплектующих изделий, техники и технологий, запасных частей, сырья и материалов.
9. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
6 июля 2017 г.,
№ ПП-3115