📅 2017-yil 6-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 6 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 июля 2017 г. · Постановления Президента
Официальный текст. Официальный документ. Редакционные примечания не включены.
📅 6 July 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республика ихтисослаштирилган «Қурилишмашлизинг» лизинг компанияси биносини сотиш тўғрисида
Ўзбекистон Республикаси Президентининг «Республика ихтисослаштирилган «Қурилишмашлизинг» компаниясини ташкил этиш тўғрисида» 2014 йил 18 июндаги ПҚ-2190-сонли қарорини ижро этиш ҳамда давлат мулкидан оқилона ва самарали фойдаланиш мақсадида:
1. Маълумот учун қабул қилинсинки:
Тошкент шаҳри, Мустақиллик шох кўчаси, 105-уйда жойлашган туташ ҳудуди билан бирга маъмурий бино (майдони 1 908 кв.м) (кейинги ўринларда — маъмурий бино) «Тошкент шаҳар давлат мулкини ижарага бериш маркази» АЖ ҳамда «Қурилишмашлизинг» АЖ ўртасида тузилган ижара шартномасига мувофиқ «Республика ихтисослаштирилган «Қурилишмашлизинг» лизинг компанияси» АЖга (кейинги ўринларда — «Қурилишмашлизинг» АЖ) белгиланган тартибда ижарага берилган;
«Қурилишмашлизинг» АЖ томонидан маъмурий бинони белгиланган тартибда 265,0 миллион сўмлик ҳажмда мукаммал таъмирлаш ишлари амалга оширилган;
Ўзбекистон Республикаси Президентининг «Тадбиркорлик мақсадларида фойдаланиш учун давлат мулки объектларини сотишни жадаллаштириш ва унинг тартиб-таомилларини янада соддалаштириш чора-тадбирлари тўғрисида» 2017 йил 17 январдаги ПФ-4933-сонли Фармонининг 1-бандида белгиланган тартибга мувофиқ, янги иш ўринларини яратиш имконини берган асосий фондларни модернизация қилган ва мукаммал таъмирдан чиқарган давлат мулки объектининг ижарачисига уни хусусийлаштиришда ижарага олинган объектни биринчи навбатда сотиб олиш учун устун ҳуқуқ берилади.
2. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Тошкент шаҳар ҳокимлиги ва «Қурилишмашлизинг» АЖнинг:
«Тошкент вилояти баҳолаш ва консалтинг маркази» МЧЖ томонидан ўрнатилган тартибда белгиланган бозор қиймати 6.35 млрд, сўм миқдоридаги маъмурий бинони «Қурилишмашлизинг» АЖга сотиш тўғрисидаги;
маъмурий бино қийматининг 15 фоизи миқдорида белгиланган тартибда тўланган бўнак (аванс) тўловини чиқариб ташлаб, «Қурилишмашлизинг» АЖ томонидан маъмурий бинонинг харид тўловини икки йилга кечиктириш шарти билан тўлаш тўғрисидаги таклифларига розилик берилсин.
3. «Қурилишмашлизинг» АЖ Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Тошкент шаҳар ҳокимлиги билан биргаликда бир ой муддатда маъмурий бинони харид қилиш билан боғлиқ ҳужжатларнинг тегишлича расмийлаштирилишини таъминласин.
4. Тошкент шаҳар ҳокимлиги манфаатдор вазирликлар ва идоралар билан биргаликда маъмурий бинога кириш йўлларини Мустақиллик шох кўчаси томонидан белгиланган тартибда ташкиллаштирсин.
5. Ўзбекистон Республикаси Президентининг «Ўзбекистон Республикаси Ташқи иқтисодий алоқалар, инвестициялар ва савдо вазирлиги тузилмасини оптималлаштириш ва фаолияти самарадорлигини янада ошириш чора-тадбирлари тўғрисида» 2015 йил 31 декабрдаги ПҚ-2463-сонли қарорининг 5-иловасидаги 2-позицияси чиқариб ташлансин.
6. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 6 июль,
ПҚ-3116-сон
Oʻzbekiston Respublikasi Prezidentining
Qarori
Respublika ixtisoslashtirilgan “Qurilishmashlizing” lizing kompaniyasi binosini sotish toʻgʻrisida
Oʻzbekiston Respublikasi Prezidentining “Respublika ixtisoslashtirilgan “Qurilishmashlizing” kompaniyasini tashkil etish toʻgʻrisida” 2014-yil 18-iyundagi PQ-2190-sonli qarorini ijro etish hamda davlat mulkidan oqilona va samarali foydalanish maqsadida:
1. Maʼlumot uchun qabul qilinsinki:
Toshkent shahri, Mustaqillik shox koʻchasi, 105-uyda joylashgan tutash hududi bilan birga maʼmuriy bino (maydoni 1 908 kv.m) (keyingi oʻrinlarda — maʼmuriy bino) “Toshkent shahar davlat mulkini ijaraga berish markazi” AJ hamda “Qurilishmashlizing” AJ oʻrtasida tuzilgan ijara shartnomasiga muvofiq “Respublika ixtisoslashtirilgan “Qurilishmashlizing” lizing kompaniyasi” AJga (keyingi oʻrinlarda — “Qurilishmashlizing” AJ) belgilangan tartibda ijaraga berilgan;
“Qurilishmashlizing” AJ tomonidan maʼmuriy binoni belgilangan tartibda 265,0 million soʻmlik hajmda mukammal taʼmirlash ishlari amalga oshirilgan;
Oʻzbekiston Respublikasi Prezidentining “Tadbirkorlik maqsadlarida foydalanish uchun davlat mulki obyektlarini sotishni jadallashtirish va uning tartib-taomillarini yanada soddalashtirish chora-tadbirlari toʻgʻrisida” 2017-yil 17-yanvardagi PF-4933-sonli Farmonining 1-bandida belgilangan tartibga muvofiq, yangi ish oʻrinlarini yaratish imkonini bergan asosiy fondlarni modernizatsiya qilgan va mukammal taʼmirdan chiqargan davlat mulki obyektining ijarachisiga uni xususiylashtirishda ijaraga olingan obyektni birinchi navbatda sotib olish uchun ustun huquq beriladi.
2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Toshkent shahar hokimligi va “Qurilishmashlizing” AJning:
“Toshkent viloyati baholash va konsalting markazi” MChJ tomonidan oʻrnatilgan tartibda belgilangan bozor qiymati 6.35 mlrd, soʻm miqdoridagi maʼmuriy binoni “Qurilishmashlizing” AJga sotish toʻgʻrisidagi;
maʼmuriy bino qiymatining 15 foizi miqdorida belgilangan tartibda toʻlangan boʻnak (avans) toʻlovini chiqarib tashlab, “Qurilishmashlizing” AJ tomonidan maʼmuriy binoning xarid toʻlovini ikki yilga kechiktirish sharti bilan toʻlash toʻgʻrisidagi takliflariga rozilik berilsin.
3. “Qurilishmashlizing” AJ Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Toshkent shahar hokimligi bilan birgalikda bir oy muddatda maʼmuriy binoni xarid qilish bilan bogʻliq hujjatlarning tegishlicha rasmiylashtirilishini taʼminlasin.
4. Toshkent shahar hokimligi manfaatdor vazirliklar va idoralar bilan birgalikda maʼmuriy binoga kirish yoʻllarini Mustaqillik shox koʻchasi tomonidan belgilangan tartibda tashkillashtirsin.
5. Oʻzbekiston Respublikasi Prezidentining “Oʻzbekiston Respublikasi Tashqi iqtisodiy aloqalar, investitsiyalar va savdo vazirligi tuzilmasini optimallashtirish va faoliyati samaradorligini yanada oshirish chora-tadbirlari toʻgʻrisida” 2015-yil 31-dekabrdagi PQ-2463-sonli qarorining 5-ilovasidagi 2-pozitsiyasi chiqarib tashlansin.
6. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 6-iyul,
PQ-3116-son
Президента Республики Узбекистан
Постановление
О реализации здания Республиканской специализированной лизинговой компании «Курилишмашлизинг»
Во исполнение постановления Президента Республики Узбекистан от 18 июня 2014 года № ПП-2190 «О создании Республиканской специализированной компании «Курилишмашлизинг»», а также в целях рационального и эффективного использования государственного имущества:
1. Принять к сведению, что:
административное здание (площадью 1 908 кв.м), с прилегающей территорией, расположенное по адресу г. Ташкент, проспект Мустакиллик, дом 105 (далее — административное здание) передано в установленном порядке в аренду АО «Республиканская специализированная лизинговая компания
«Курилишмашлизинг»» (далее — АО «Курилишмашлизинг») в соответствии с договором аренды, заключенным между ГП «Тошкент шахар давлат мулкини ижарага бериш маркази» и АО «Курилишмашлизинг»;
АО «Курилишмашлизинг» осуществлены в установленном порядке работы по капитальному ремонту административного здания на сумму 265,0 млн сумов;
пунктом 1 Указа Президента Республики Узбекистан от 17 января 2017 года № УП-4933 «О мерах по дальнейшему упрощению процедур и ускорению реализации объектов государственной собственности для использования в предпринимательских целях» установлен порядок, в соответствии с которым арендатору объекта государственной собственности, осуществившему модернизацию и капитальный ремонт основных фондов, которые способствовали созданию новых рабочих мест, предоставляется преимущественное право на приобретение в первоочередном порядке арендуемого объекта при его приватизации.
2. Согласиться с предложениями Государственного комитета Республики Узбекистан по содействию приватизированным предприятиям и развитию конкуренции, хокимията г. Ташкента и АО «Курилишмашлизинг»:
о реализации АО «Курилишмашлизинг» административного здания с рыночной стоимостью в размере 6,35 млрд.сум, определенной в установленном порядке ООО «Тошкент вилояти бахолаш ва консалтинг маркази»;
о внесении АО «Курилишмашлизинг» выкупного платежа за административное здание с отсрочкой платежа на 2 года, за вычетом произведенного в установленном порядке авансового платежа в размере 15% от его стоимости.
3. АО «Курилишмашлизинг» совместно с Государственным комитетом Республики Узбекистан по содействию приватизированным предприятиям и развитию конкуренции и хокимиятом г.Ташкента в месячный срок обеспечить надлежащее оформление документов, связанных с выкупом административного здания.
4. Хокимияту г.Ташкента совместно с заинтересованными министерствами и ведомствами обеспечить в установленном порядке создание подъездных путей к административному зданию со стороны проспекта Мустакиллик.
5. Позицию 2 приложения № 5 к постановлению Президента Республики Узбекистан от 31 декабря 2015 года № ПП-2463 «О мерах по оптимизации структуры и дальнейшему повышению эффективности деятельности Министерства внешних экономических связей, инвестиций и торговли Республики Узбекистан» исключить.
6. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова.
Президент Республики Узбекистан Ш. МИРЗИЁЕВ
г. Ташкент,
6 июля 2017 г.,
№ ПП-3116