UzbekAI

Ўзбекистон Республикаси Вазирлар Маҳкамасининг

қарори

Жисмоний шахсларнинг меҳнат стажини электрон ҳисобга олишни янада такомиллаштириш чора-тадбирлари тўғрисида

Ўзбекистон Республикаси Президентининг «Ўзбекистон Республикасини янада ривожлантириш бўйича Ҳаракатлар стратегияси тўғрисида» 2017 йил 7 февралдаги ПФ-4947-сон Фармонига мувофиқ, шунингдек жисмоний шахсларнинг меҳнат стажини электрон ҳисобга олиш тизимини янада такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг «Фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ўтказилган суғурта бадаллари тўғрисидаги маълумотларни якка тартибда ҳисобга олишни жорий этиш чора-тадбирлари ҳақида» 2015 йил 14 апрелдаги 90-сон қарорига мувофиқ 2016 йил 1 январдан бошлаб, давлат солиқ хизматларига тақдим этиладиган солиқ бўйича ҳисоботлар асосида шакллантириладиган, фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ўтказилган суғурта бадаллари тўғрисидаги маълумотларни якка тартибда ҳисобга олишнинг Марказлаштирилган электрон реестри ташкил этилганлиги маълумот учун қабул қилинсин,

2. Ўзбекистон Республикаси Бандлик ва меҳнат муносабатлари вазирлиги, Молия вазирлиги ва Молия вазирлиги ҳузуридаги бюджетдан ташқари Пенсия жамғармасининг жисмоний шахсларнинг меҳнат стажларини электрон ҳисобга олишга босқичма-босқич ўтиш тўғрисидаги қуйидаги таклифлари маъқуллансин:

якка тартибдаги тадбиркорларни, деҳқон хўжаликлари аъзоларини, қорамол ўстириш ва бошқа қишлоқ хўжалиги маҳсулотлари етиштириш билан шуғулланаётган шахсларни ҳамда юридик шахс мақомига эга бўлмасдан тадбиркорлик фаолияти билан шуғулланаётган бошқа субъектлари бўйича — 2018 йил 1 январдан бошлаб;

қолган ташкилотлар бўйича — 2019 йил 1 январдан бошлаб.

3. Белгилаб қўйилсинки, меҳнат стажи (шу жумладан лавозим мавқеи, вақтинчалик меҳнатга лаёқатсизлик даврлари, меҳнат таътилидаги ва узрли сабабларга кўра ишда бўлмаган даврлар) ҳақидаги маълумотлар ҳар бир жисмоний шахс бўйича иш берувчилар томонидан давлат солиқ хизмати органларига Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ягона ижтимоий тўлов ва суғурта бадаллари бўйича солиқ ҳисоботи таркибида тақдим этилади.

4. Ўзбекистон Республикаси Ахборот технологиялари ва коммуникацияларини ривожлантириш вазирлиги Бандлик ва меҳнат муносабатлари вазирлиги, Давлат солиқ қўмитаси, Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси билан биргаликда, бу борадаги илғор амалий тажрибаларни ўрганиш асосида, жисмоний шахслар меҳнат стажининг архивга оид маълумотларини, уларнинг кафолатланган сақланишини таъминловчи резерв сақлаш механизмини яратиш тўғрисида таклифларни 2017 йил охирига қадар Ўзбекистон Республикаси Вазирлар Маҳкамасига белгиланган тартибда киритсин.

5. Ўзбекистон Республикаси Бандлик ва меҳнат муносабатлари вазирлиги Ахборот технологиялари ва коммуникацияларини ривожлантириш вазирлиги, Давлат солиқ қўмитаси ҳамда Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси билан биргаликда — 2019 йилдан бошлаб, фуқароларга меҳнат фаолияти ҳақидаги маълумотларни тақдим этиш бўйича давлат интерактив хизматининг Давлат интерактив хизматлари кўрсатишнинг ягона портали орқали тақдим этилишини жорий қилсин,

6. Вазирликлар ва идоралар ўзлари қабул қилган идоравий норматив-ҳуқуқий ҳужжатларни икки ой муддатда ушбу қарорга мувофиқлаштирсинлар.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2017 йил 4 июль,

462-сон

(Ўзбекистон Республикаси қонун ҳужжатлари тўплами, 2017 й., 27-сон, 620-модда)

Oʻzbekiston Respublikasi Vazirlar Mahkamasining

qarori

Jismoniy shaxslarning mehnat stajini elektron hisobga olishni yanada takomillashtirish chora-tadbirlari toʻgʻrisida

Oʻzbekiston Respublikasi Prezidentining “Oʻzbekiston Respublikasini yanada rivojlantirish boʻyicha Harakatlar strategiyasi toʻgʻrisida” 2017-yil 7-fevraldagi PF-4947-son Farmoniga muvofiq, shuningdek jismoniy shaxslarning mehnat stajini elektron hisobga olish tizimini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “Fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilgan sugʻurta badallari toʻgʻrisidagi maʼlumotlarni yakka tartibda hisobga olishni joriy etish chora-tadbirlari haqida” 2015-yil 14-apreldagi 90-son qaroriga muvofiq 2016-yil 1-yanvardan boshlab, davlat soliq xizmatlariga taqdim etiladigan soliq boʻyicha hisobotlar asosida shakllantiriladigan, fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilgan sugʻurta badallari toʻgʻrisidagi maʼlumotlarni yakka tartibda hisobga olishning Markazlashtirilgan elektron reyestri tashkil etilganligi maʼlumot uchun qabul qilinsin,

2. Oʻzbekiston Respublikasi Bandlik va mehnat munosabatlari vazirligi, Moliya vazirligi va Moliya vazirligi huzuridagi budjetdan tashqari Pensiya jamgʻarmasining jismoniy shaxslarning mehnat stajlarini elektron hisobga olishga bosqichma-bosqich oʻtish toʻgʻrisidagi quyidagi takliflari maʼqullansin:

yakka tartibdagi tadbirkorlarni, dehqon xoʻjaliklari aʼzolarini, qoramol oʻstirish va boshqa qishloq xoʻjaligi mahsulotlari yetishtirish bilan shugʻullanayotgan shaxslarni hamda yuridik shaxs maqomiga ega boʻlmasdan tadbirkorlik faoliyati bilan shugʻullanayotgan boshqa subyektlari boʻyicha — 2018-yil 1-yanvardan boshlab;

qolgan tashkilotlar boʻyicha — 2019-yil 1-yanvardan boshlab.

3. Belgilab qoʻyilsinki, mehnat staji (shu jumladan lavozim mavqeyi, vaqtinchalik mehnatga layoqatsizlik davrlari, mehnat taʼtilidagi va uzrli sabablarga koʻra ishda boʻlmagan davrlar) haqidagi maʼlumotlar har bir jismoniy shaxs boʻyicha ish beruvchilar tomonidan davlat soliq xizmati organlariga Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga yagona ijtimoiy toʻlov va sugʻurta badallari boʻyicha soliq hisoboti tarkibida taqdim etiladi.

4. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Bandlik va mehnat munosabatlari vazirligi, Davlat soliq qoʻmitasi, Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi bilan birgalikda, bu boradagi ilgʻor amaliy tajribalarni oʻrganish asosida, jismoniy shaxslar mehnat stajining arxivga oid maʼlumotlarini, ularning kafolatlangan saqlanishini taʼminlovchi rezerv saqlash mexanizmini yaratish toʻgʻrisida takliflarni 2017-yil oxiriga qadar Oʻzbekiston Respublikasi Vazirlar Mahkamasiga belgilangan tartibda kiritsin.

5. Oʻzbekiston Respublikasi Bandlik va mehnat munosabatlari vazirligi Axborot texnologiyalari va kommunikatsiyalarini rivojlantirish vazirligi, Davlat soliq qoʻmitasi hamda Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi bilan birgalikda — 2019-yildan boshlab, fuqarolarga mehnat faoliyati haqidagi maʼlumotlarni taqdim etish boʻyicha davlat interaktiv xizmatining Davlat interaktiv xizmatlari koʻrsatishning yagona portali orqali taqdim etilishini joriy qilsin,

6. Vazirliklar va idoralar oʻzlari qabul qilgan idoraviy normativ-huquqiy hujjatlarni ikki oy muddatda ushbu qarorga muvofiqlashtirsinlar.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 4-iyul,

462-son

(Oʻzbekiston Respublikasi qonun hujjatlari toʻplami, 2017-y., 27-son, 620-modda)

Кабинета Министров Республики Узбекистан

Постановление

О мерах но дальнейшему совершенствованию электронного учета трудового стажа физических лиц

В соответствии с Указом Президента Республики Узбекистан от 7 февраля, 2017 года № УП-4947 «О Стратегии действий по дальнейшему развитию Республики Узбекистан», а также в целях дальнейшего совершенствования системы учета трудового стажа физических лиц Кабинет Министров постановляет:

1. Принять к сведению, что в соответствии с постановлением Кабинета Министров Республики Узбекистан от 14 апреля 2015 года № 90 «О мерах по внедрению индивидуального учета сведений о начисленных страховых взносах граждан во внебюджетный Пенсионный фонд при Министерстве финансов Республики Узбекистан» с 1 января 2016 года создан электронный Централизованный реестр индивидуального учета начисленных страховых взносов граждан во внебюджетный Пенсионный фонд при Министерстве финансов Республики Узбекистан, формируемый на основе предоставляемой налоговой отчетности в органы государственной налоговой службы.

2. Согласиться с предложением Министерства занятости и трудовых отношений, Министерства финансов и внебюджетного Пенсионного фонда при Министерстве финансов Республики Узбекистан о поэтапном переходе на электронный учет трудового стажа физических лиц, начиная:

с 1 января 2018 года — индивидуальных предпринимателей, членов дехканских хозяйств, лиц, осуществляющих выращивание крупного рогатого скота и другой сельскохозяйственной продукции, а также других субъектов предпринимательства без образования юридического лица;

с 1 января 2019 года — остальных организаций.

3. Установить, что сведения о трудовом стаже (в том числе должностном положении, периодах временной нетрудоспособности, времени нахождения в отпусках и иных периодах отсутствия на работе по уважительным причинам) в разрезе каждого физического лица представляются работодателями в органы государственной налоговой службы в составе налоговой отчетности по единому социальному платежу и страховым взносам граждан во внебюджетный Пенсионный фонд при Министерстве финансов Республики Узбекистан.

4. Министерству по развитию информационных технологий и коммуникаций совместно с Министерством занятости и трудовых отношений Республики Узбекистан, Государственным налоговым комитетом и внебюджетным Пенсионным фондом при Министерстве финансов Республики Узбекистан на основе изучения практического передового опыта до конца 2017 года внести в установленном порядке в Кабинет Министров Республики Узбекистан предложения о создании механизма резервного хранения архивных сведений трудового стажа физических лиц, обеспечивающего гарантированную сохранность данных.

5. Министерству занятости и трудовых отношений совместно с Министерством по развитию информационных технологий и коммуникаций, Государственным налоговым комитетом и внебюджетным Пенсионным фондом при Министерстве финансов Республики Узбекистан внедрить, начиная с 2019 года государственную интерактивную услугу по предоставлению гражданам сведений о трудовой деятельности через Единый портал интерактивных государственных услуг,

6. Министерствам и ведомствам в двухмесячный срок привести принятые ими нормативно-правовые акты в соответствие с настоящим постановлением.

7. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова

Премьер-министр Республики Узбекистан А. АРИПОВ

г. Ташкент,

4 июля 2017 г.,

№ 462

(Собрание законодательства Республики Узбекистан, 2017 г., № 27, ст. 620)