📅 2017-yil 7-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 7 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 июля 2017 г. · Постановления Президента
Официальный текст. Официальный документ. Редакционные примечания не включены.
📅 7 July 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қишлоқ хўжалиги машинасозлиги соҳасида илмий-техникавий базани янада ривожлантириш чора-тадбирлари тўғрисида
Қишлоқ хўжалиги машинасозлиги соҳасида илмий-техникавий салоҳиятни янада ривожлантириш, қишлоқ хўжалиги техникасининг янги турларини ўзлаштиришга йўналтирилган ягона илмий-техникавий ва инвестициявий сиёсатни олиб бориш, республиканинг қишлоқ хўжалигида ресурсларни тежайдиган агротехнологияларни жорий этишни таъминлайдиган юқори қувватга эга қишлоқ хўжалиги техникаси ва механизация воситаларини ишлаб чиқариш бўйича замонавий ишлаб чиқаришларни барпо этиш мақсадида:
1. Маълумот учун қабул қилинсинки:
Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳамда Корея Республикаси Савдо, саноат ва энергетика вазирлиги ўртасида 2016 йилнинг 28 сентябрида мамлакатларимиз ўртасида ўзаро ҳамкорликни мустаҳкамлаш ва илғор технологиялар билан алмашишни, шунингдек, Ўзбекистонда қишлоқ хўжалиги машинасозлиги конструкторлик-технологик ўзбек-корея марказини ташкил этишни назарда тутадиган Қишлоқ хўжалиги машинасозлиги тармоғида ҳамкорлик қилиш масалалари бўйича ўзаро англашув Меморандуми (кейинги ўринларда — Меморандум) имзоланди;
Меморандумга мувофиқ Ўзбекистон томони ишлаб чиқариш майдонларини ва уларни реконструкция қилишни, Корея томони — қўшма марказ фаолиятини ташкил этиш учун зарур ускуналари тақдим этилишини таъминлайди;
имзоланган Меморандумни амалга оширишда Ўзбекистон томонидан масъул ташкилотлар этиб «Ўзагротехмаш» АЖ, Корея томонидан — Корея Республикаси Савдо, саноат ва энергетика вазирлиги ҳузуридаги Технологияларни ривожлантириш Корея институти белгиланди;
Ўзбекистон Республикаси Президентининг «2015 — 2019 йилларда таркибий ўзгартиришларни таъминлаш, ишлаб чиқаришни модернизация ва диверсификация қилиш чора-тадбирлари Дастури тўғрисида» 2015 йил 4 мартдаги ПФ-4707-сонли Фармонида назарда тутилган «Тажрибавий ишлаб чиқаришни ўз ичига олган конструкторлик бюросини ташкил этиш» инвестиция лойиҳасини амалга ошириш мақсадида «Ўзагротехсаноатхолдинг» АЖ тузилмасида «Agrosanoatmashinjiniring» МЧЖ ташкил этилди;
тугатилаётган «Тошкент трактор заводи» АЖ кредиторлари қўмитаси йиғилишида Ўзбекистон Республикасининг «Банкротлик тўғрисида»ги Қонунига , шу жумладан, «Трактор» ҚКБ» УК ва «ЎзАгротех КБ» МЧЖ мувофиқ акциядорлик жамиятининг сотилмаган ва кредиторлар томонидан талаб этилмаётган активларини Тошкент шаҳри ҳокимлигига топшириш таклифи маъкулланган.
2. «Ўзагротехсаноатхолдинг» АЖ, Ўзбекистон Республикаси Хусусий корхоналарга кўмаклашиш ва рақобатни ривожлантириш давлат қўмитаси ва Тошкент шаҳар ҳокимлигининг:
«Трактор» ҚКБ» УК ва «ЎзАгротех КБ» МЧЖнинг устав капиталларидаги «Тошкент трактор заводи» АЖ улушини давлат улушини шакллантириш учун «Ўзагротехмаш» АЖ устав капиталига белгиланган тартибда топшириш орқали кейинчалик номинал нархи бўйича «Ўзагротехсаноатхолдинг» АЖнинг устав капиталига топшириш ҳисобига уларни Тошкент шаҳри ҳокимлигига топшириш;
«Agrosanoatmashinjiniring» МЧЖни «Қишлоқ хўжалиги машинасозлиги конструкторлик-технологик маркази» МЧЖ (кейинги ўринларда — Марказ) этиб қайта номлаш, кейинчалик унга илмий-текшириш ва тажриба-конструктор ишлари, технологик лойиҳалаштириш ҳамда замонавий технологияларни жорий этиш, шунингдек, тажриба-экспериментал ишлаб чиқариш бўйича бўлинмаларни ўз ичига олган «Трактор» ҚКБ» УК ва «ЎзАгротех КБ» МЧЖни бирлаштириш;
«Агромаш-БМКБ» АЖ устав капиталидаги «Ўзагротехмаш» АЖ акциялар пакетини баҳолаш ташкилоти томонидан белгиланган нархда Марказнинг устав капиталига топшириш тўғрисидаги таклифларига розилик берилсин.
3. Қуйидагилар Марказнинг асосий вазифалари этиб белгилансин:
қишлоқ хўжалиги техникасининг амалий масалалари бўйича илмий-текшириш ва инновация ишларини олиб бориш;
ресурс тежовчи агротехнологиялар бўйича пахта, ғалла, боғдорчилик-узумчилик, сабзавот-дуккакли ўсимликларни қайта ишлаш учун замонавий қишлоқ хўжалиги техникасининг янги турларини, шунингдек, махсус техниканинг бошқа турларини ишлаб чиқиш;
янги машиналар ва ускуналарнинг тажриба намуналарини ишлаб чиқариш учун технологик асбоб-ускуналарни ишлаб чиқиш ва тайёрлаш;
тармоқ корхоналарида уларни кейинчалик жорий этиш мақсадида, замонавий технологиялар ва ускуналардан фойдаланган ҳолда янги қишлоқ хўжалиги техникаси тажриба намуналарини тайёрлаш;
қишлоқ хўжалиги техникасининг янги намуналарини синовдан ўтказишни ўз ичига олган тармоқдаги илмий-текшириш, инновация ва тажриба-конструкторлик ишларини мувофиқлаштириш;
тармоқ корхоналари ва республиканинг бошқа ташкилотлари ўртасида илмий-техникавий кооперацияни ривожлантириш;
Корея Республикаси Савдо, саноат ва энергетика вазирлиги ҳузуридаги Технологияларни ривожлантириш Корея институтини ҳисобга олган ҳолда, машинасозлик соҳасидаги илғор хорижий илмий-текшириш институтлари, инжиниринг марказлари, ишлаб чиқарувчи компаниялар ва халқаро ташкилотлар билан ҳамкорлик ўрнатиш.
4. Белгилансинки, Марказ қайта ташкил этилаётган «Трактор» ҚКБ» УК ва «ЎзАгротех КБ» МЧЖнинг интеллектуал мулки объектлари, илмий-конструкторлик ишланмалари ва бошқа техник ҳужжатлар, шунингдек, илмий-техник лойиҳалар ва мазкур ташкилотларнинг тузилган шартномаларини амалга оширишни ҳисобга олган ҳолда ҳуқуқлари ва мажбуриятлари бўйича ҳуқуқий вориси ҳисобланади.
5. «Ўзагротехсаноатхолдинг» АЖ Марказнинг таъсис ҳужжатларини, унинг тузилмаси, штат жадвалини белгиланган тартибда тасдиқланишини, шунингдек, уни юқори малакали мутахассислар билан бутлашни таъминласин.
6. Маълумот учун қабул қилинсинки, Корея томонининг Меморандумига мувофиқ 2016 йилнинг декабрь ойида — 2017 йилнинг февраль ойида «Agrosanoatmashinjiniring» МЧЖ манзилига 364,4 минг АҚШ доллари миқдоридаги дастурий таъминот, ҳисоблаш ва ўлчаш ускуналари етказиб берилди.
«Ўзагротехсаноатхолдинг» АЖ:
Корея томони билан белгиланган тартибда Ўзбекистон — Корея қишлоқ хўжалиги машинасозлиги конструкторлик-технологик Марказини ташкил этиш лойиҳасини янада амалга ошириш бўйича ишларни давом этсин;
лойиҳанинг амалга оширилиб борилиши тўғрисидаги ахборотни ҳар чоракда Ўзбекистон Республикаси Вазирлар Маҳкамасига тақдим этиб борсин.
7. «Ўзагротехсаноатхолдинг» АЖ, Фанлар академияси, Фан ва технологиялар агентлиги, Ўзбекистон Республикаси Қишлоқ ва сув хўжалиги вазирлигининг тармоқда ягона техник сиёсатни самарали олиб боришни таъминлаш, илмий-техник ва технологик ривожлантиришда устувор ва истиқболли йўналишларни белгилаш, техник ва иқтисодий асосланган қарорларни ишлаб чиқиш, шунингдек, ушбу ташкилотларнинг юқори малакали мутахассислари, олимлар, муҳандислар ва конструкторлари, шу жумладан, манфаатдор бошқа вакиллар ичидан шакллантириладиган тегишли маҳаллий ва хорижий илмий-текшириш муассасалари билан самарали ўзаро баҳамжиҳат ҳаракатларни амалга ошириш учун «Ўзагротехсаноатхолдинг» АЖ ҳузурида Илмий-техникавий кенгашни ташкил этиш тўғрисидаги таклифига розилик берилсин.
«Ўзагротехсаноатхолдинг» АЖ Фанлар академияси, Фан ва технологиялар агентлиги, Ўзбекистон Республикаси Қишлоқ ва сув хўжалиги вазирлиги билан биргаликда икки ой муддатда Илмий-техникавий кенгаш тўғрисидаги Низомни, шунингдек, 2020 йилгача илмий-текшириш, инновация ва тажриба-конструкторлик ишларининг тармоқ дастурларини тасдиқласин.
8. Марказ 2020 йилнинг 1 январигача қўшилган қиймат солиғи, мулк солиғи ва Ўзбекистон Республикаси Вазирлар Маҳкамаси ҳузуридаги Республика йўл жамғармаси ва Ўзбекистон Республикаси Молия вазирлиги ҳузуридаги Таълим ва тиббиёт муассасаларининг моддий-техник базасини ривожлантириш бюджетдан ташқари жамғармасига бўлган мажбурий ажратмалардан озод этилсин.
9. Ўзбекистон Республикаси Ташқи ишлар вазирлиги Марказ талабномаларига кўра Марказ лойиҳаларини амалга оширишда иштирок этадиган чет эллик мутахассисларга консуллик ва бошқа йиғимлар ундирилмаган ҳолда кўп марталик визалар расмийлаштирилишини таъминласин.
10. Ўзбекистон Республикаси Ички ишлар вазирлиги Марказ талабномаларига кўра Марказ лойиҳаларини амалга оширишда иштирок этадиган чет эллик мутахассисларга давлат божларини ундирмаган ҳолда кўп марталик визалар берилишини ва визалар муддати узайтирилишини, шунингдек, уларнинг вақтинчалик яшаш жойига прописка қилинишини ва вақтинчалик прописка муддати узайтирилишини таъминласин.
11. Ўзбекистон Республикаси Меҳнат вазирлиги Марказ талабномаларига кўра Марказ лойиҳаларини амалга оширишда иштирок этаётган мутахассисларга Ўзбекистон Республикасига жалб қилиш учун белгиланган тартибдаги рухсатномалар берилишини (муддати узайтирилишини), шунингдек, ушбу чет эллик фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (муддати узайтирилишини) таъминласин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 7 июль,
ПҚ-3117-сон
Oʻzbekiston Respublikasi Prezidentining
Qarori
Qishloq xoʻjaligi mashinasozligi sohasida ilmiy-texnikaviy bazani yanada rivojlantirish chora-tadbirlari toʻgʻrisida
Qishloq xoʻjaligi mashinasozligi sohasida ilmiy-texnikaviy salohiyatni yanada rivojlantirish, qishloq xoʻjaligi texnikasining yangi turlarini oʻzlashtirishga yoʻnaltirilgan yagona ilmiy-texnikaviy va investitsiyaviy siyosatni olib borish, respublikaning qishloq xoʻjaligida resurslarni tejaydigan agrotexnologiyalarni joriy etishni taʼminlaydigan yuqori quvvatga ega qishloq xoʻjaligi texnikasi va mexanizatsiya vositalarini ishlab chiqarish boʻyicha zamonaviy ishlab chiqarishlarni barpo etish maqsadida:
1. Maʼlumot uchun qabul qilinsinki:
Oʻzbekiston Respublikasi Tashqi iqtisodiy aloqalar, investitsiyalar va savdo vazirligi hamda Koreya Respublikasi Savdo, sanoat va energetika vazirligi oʻrtasida 2016-yilning 28-sentabrida mamlakatlarimiz oʻrtasida oʻzaro hamkorlikni mustahkamlash va ilgʻor texnologiyalar bilan almashishni, shuningdek, Oʻzbekistonda qishloq xoʻjaligi mashinasozligi konstruktorlik-texnologik oʻzbek-koreya markazini tashkil etishni nazarda tutadigan Qishloq xoʻjaligi mashinasozligi tarmogʻida hamkorlik qilish masalalari boʻyicha oʻzaro anglashuv Memorandumi (keyingi oʻrinlarda — Memorandum) imzolandi;
Memorandumga muvofiq Oʻzbekiston tomoni ishlab chiqarish maydonlarini va ularni rekonstruksiya qilishni, Koreya tomoni — qoʻshma markaz faoliyatini tashkil etish uchun zarur uskunalari taqdim etilishini taʼminlaydi;
imzolangan Memorandumni amalga oshirishda Oʻzbekiston tomonidan masʼul tashkilotlar etib “Oʻzagrotexmash” AJ, Koreya tomonidan — Koreya Respublikasi Savdo, sanoat va energetika vazirligi huzuridagi Texnologiyalarni rivojlantirish Koreya instituti belgilandi;
Oʻzbekiston Respublikasi Prezidentining “2015 — 2019-yillarda tarkibiy oʻzgartirishlarni taʼminlash, ishlab chiqarishni modernizatsiya va diversifikatsiya qilish chora-tadbirlari Dasturi toʻgʻrisida” 2015-yil 4-martdagi PF-4707-sonli Farmonida nazarda tutilgan “Tajribaviy ishlab chiqarishni oʻz ichiga olgan konstruktorlik byurosini tashkil etish” investitsiya loyihasini amalga oshirish maqsadida “Oʻzagrotexsanoatxolding” AJ tuzilmasida “Agrosanoatmashinjiniring” MCHJ tashkil etildi;
tugatilayotgan “Toshkent traktor zavodi” AJ kreditorlari qoʻmitasi yigʻilishida Oʻzbekiston Respublikasining “Bankrotlik toʻgʻrisida”gi Qonuniga , shu jumladan, “Traktor” QKB” UK va “OʻzAgrotex KB” MCHJ muvofiq aksiyadorlik jamiyatining sotilmagan va kreditorlar tomonidan talab etilmayotgan aktivlarini Toshkent shahri hokimligiga topshirish taklifi maʼkullangan.
2. “Oʻzagrotexsanoatxolding” AJ, Oʻzbekiston Respublikasi Xususiy korxonalarga koʻmaklashish va raqobatni rivojlantirish davlat qoʻmitasi va Toshkent shahar hokimligining:
“Traktor” QKB” UK va “OʻzAgrotex KB” MCHJning ustav kapitallaridagi “Toshkent traktor zavodi” AJ ulushini davlat ulushini shakllantirish uchun “Oʻzagrotexmash” AJ ustav kapitaliga belgilangan tartibda topshirish orqali keyinchalik nominal narxi boʻyicha “Oʻzagrotexsanoatxolding” AJning ustav kapitaliga topshirish hisobiga ularni Toshkent shahri hokimligiga topshirish;
“Agrosanoatmashinjiniring” MCHJni “Qishloq xoʻjaligi mashinasozligi konstruktorlik-texnologik markazi” MCHJ (keyingi oʻrinlarda — Markaz) etib qayta nomlash, keyinchalik unga ilmiy-tekshirish va tajriba-konstruktor ishlari, texnologik loyihalashtirish hamda zamonaviy texnologiyalarni joriy etish, shuningdek, tajriba-eksperimental ishlab chiqarish boʻyicha boʻlinmalarni oʻz ichiga olgan “Traktor” QKB” UK va “OʻzAgrotex KB” MCHJni birlashtirish;
“Agromash-BMKB” AJ ustav kapitalidagi “Oʻzagrotexmash” AJ aksiyalar paketini baholash tashkiloti tomonidan belgilangan narxda Markazning ustav kapitaliga topshirish toʻgʻrisidagi takliflariga rozilik berilsin.
3. Quyidagilar Markazning asosiy vazifalari etib belgilansin:
qishloq xoʻjaligi texnikasining amaliy masalalari boʻyicha ilmiy-tekshirish va innovatsiya ishlarini olib borish;
resurs tejovchi agrotexnologiyalar boʻyicha paxta, gʻalla, bogʻdorchilik-uzumchilik, sabzavot-dukkakli oʻsimliklarni qayta ishlash uchun zamonaviy qishloq xoʻjaligi texnikasining yangi turlarini, shuningdek, maxsus texnikaning boshqa turlarini ishlab chiqish;
yangi mashinalar va uskunalarning tajriba namunalarini ishlab chiqarish uchun texnologik asbob-uskunalarni ishlab chiqish va tayyorlash;
tarmoq korxonalarida ularni keyinchalik joriy etish maqsadida, zamonaviy texnologiyalar va uskunalardan foydalangan holda yangi qishloq xoʻjaligi texnikasi tajriba namunalarini tayyorlash;
qishloq xoʻjaligi texnikasining yangi namunalarini sinovdan oʻtkazishni oʻz ichiga olgan tarmoqdagi ilmiy-tekshirish, innovatsiya va tajriba-konstruktorlik ishlarini muvofiqlashtirish;
tarmoq korxonalari va respublikaning boshqa tashkilotlari oʻrtasida ilmiy-texnikaviy kooperatsiyani rivojlantirish;
Koreya Respublikasi Savdo, sanoat va energetika vazirligi huzuridagi Texnologiyalarni rivojlantirish Koreya institutini hisobga olgan holda, mashinasozlik sohasidagi ilgʻor xorijiy ilmiy-tekshirish institutlari, injiniring markazlari, ishlab chiqaruvchi kompaniyalar va xalqaro tashkilotlar bilan hamkorlik oʻrnatish.
4. Belgilansinki, Markaz qayta tashkil etilayotgan “Traktor” QKB” UK va “OʻzAgrotex KB” MCHJning intellektual mulki obyektlari, ilmiy-konstruktorlik ishlanmalari va boshqa texnik hujjatlar, shuningdek, ilmiy-texnik loyihalar va mazkur tashkilotlarning tuzilgan shartnomalarini amalga oshirishni hisobga olgan holda huquqlari va majburiyatlari boʻyicha huquqiy vorisi hisoblanadi.
5. “Oʻzagrotexsanoatxolding” AJ Markazning taʼsis hujjatlarini, uning tuzilmasi, shtat jadvalini belgilangan tartibda tasdiqlanishini, shuningdek, uni yuqori malakali mutaxassislar bilan butlashni taʼminlasin.
6. Maʼlumot uchun qabul qilinsinki, Koreya tomonining Memorandumiga muvofiq 2016-yilning dekabr oyida — 2017-yilning fevral oyida “Agrosanoatmashinjiniring” MCHJ manziliga 364,4 ming AQSH dollari miqdoridagi dasturiy taʼminot, hisoblash va oʻlchash uskunalari yetkazib berildi.
“Oʻzagrotexsanoatxolding” AJ:
Koreya tomoni bilan belgilangan tartibda Oʻzbekiston — Koreya qishloq xoʻjaligi mashinasozligi konstruktorlik-texnologik Markazini tashkil etish loyihasini yanada amalga oshirish boʻyicha ishlarni davom etsin;
loyihaning amalga oshirilib borilishi toʻgʻrisidagi axborotni har chorakda Oʻzbekiston Respublikasi Vazirlar Mahkamasiga taqdim etib borsin.
7. “Oʻzagrotexsanoatxolding” AJ, Fanlar akademiyasi, Fan va texnologiyalar agentligi, Oʻzbekiston Respublikasi Qishloq va suv xoʻjaligi vazirligining tarmoqda yagona texnik siyosatni samarali olib borishni taʼminlash, ilmiy-texnik va texnologik rivojlantirishda ustuvor va istiqbolli yoʻnalishlarni belgilash, texnik va iqtisodiy asoslangan qarorlarni ishlab chiqish, shuningdek, ushbu tashkilotlarning yuqori malakali mutaxassislari, olimlar, muhandislar va konstruktorlari, shu jumladan, manfaatdor boshqa vakillar ichidan shakllantiriladigan tegishli mahalliy va xorijiy ilmiy-tekshirish muassasalari bilan samarali oʻzaro bahamjihat harakatlarni amalga oshirish uchun “Oʻzagrotexsanoatxolding” AJ huzurida Ilmiy-texnikaviy kengashni tashkil etish toʻgʻrisidagi taklifiga rozilik berilsin.
“Oʻzagrotexsanoatxolding” AJ Fanlar akademiyasi, Fan va texnologiyalar agentligi, Oʻzbekiston Respublikasi Qishloq va suv xoʻjaligi vazirligi bilan birgalikda ikki oy muddatda Ilmiy-texnikaviy kengash toʻgʻrisidagi Nizomni, shuningdek, 2020-yilgacha ilmiy-tekshirish, innovatsiya va tajriba-konstruktorlik ishlarining tarmoq dasturlarini tasdiqlasin.
8. Markaz 2020-yilning 1-yanvarigacha qoʻshilgan qiymat soligʻi, mulk soligʻi va Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi va Oʻzbekiston Respublikasi Moliya vazirligi huzuridagi Taʼlim va tibbiyot muassasalarining moddiy-texnik bazasini rivojlantirish budjetdan tashqari jamgʻarmasiga boʻlgan majburiy ajratmalardan ozod etilsin.
9. Oʻzbekiston Respublikasi Tashqi ishlar vazirligi Markaz talabnomalariga koʻra Markaz loyihalarini amalga oshirishda ishtirok etadigan chet ellik mutaxassislarga konsullik va boshqa yigʻimlar undirilmagan holda koʻp martalik vizalar rasmiylashtirilishini taʼminlasin.
10. Oʻzbekiston Respublikasi Ichki ishlar vazirligi Markaz talabnomalariga koʻra Markaz loyihalarini amalga oshirishda ishtirok etadigan chet ellik mutaxassislarga davlat bojlarini undirmagan holda koʻp martalik vizalar berilishini va vizalar muddati uzaytirilishini, shuningdek, ularning vaqtinchalik yashash joyiga propiska qilinishini va vaqtinchalik propiska muddati uzaytirilishini taʼminlasin.
11. Oʻzbekiston Respublikasi Mehnat vazirligi Markaz talabnomalariga koʻra Markaz loyihalarini amalga oshirishda ishtirok etayotgan mutaxassislarga Oʻzbekiston Respublikasiga jalb qilish uchun belgilangan tartibdagi ruxsatnomalar berilishini (muddati uzaytirilishini), shuningdek, ushbu chet ellik fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) taʼminlasin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 7-iyul,
PQ-3117-son
Президента Республики Узбекистан
Постановление
О мерах по дальнейшему развитию научно-технической базы в сфере сельскохозяйственного машиностроения
В целях дальнейшего развития научно-технического потенциала в сфере сельскохозяйственного машиностроения, проведения единой научно-технической и инвестиционной политики, направленной на освоение новых видов сельскохозяйственной техники, создание современных производств по выпуску высокопроизводительной сельскохозяйственной техники и средств механизации, обеспечивающих внедрение ресурсосберегающих агротехнологий в сельском хозяйстве республики:
1. Принять к сведению, что:
между Министерством внешних экономических связей, инвестиций и торговли Республики Узбекистан и Министерством торговли, промышленности и энергетики Республики Корея 28 сентября 2016 года подписан Меморандум о взаимопонимании по вопросам сотрудничества в отрасли сельскохозяйственного машиностроения (далее — Меморандум), предусматривающий укрепление взаимовыгодного сотрудничества и обмен передовыми технологиями между обеими странами, а также создание узбекско-корейского конструкторско-технологического центра сельскохозяйственного машиностроения в Узбекистане;
в соответствии с Меморандумом узбекская сторона предоставляет производственные площади и обеспечивает их реконструкцию, корейская сторона — необходимое оборудование для организации деятельности совместного центра;
организациями, ответственными за реализацию подписанного Меморандума, с узбекской стороны является АО «Узагротехсаноатхолдинг», с корейской стороны — Корейский институт по развитию технологий при Министерстве торговли, промышленности и энергетики Республики Корея;
в целях реализации инвестиционного проекта «Создание конструкторского бюро с опытным производством», предусмотренного Указом Президента Республики Узбекистан от 4 марта 2015 года № УП-4707 «О Программе мер по обеспечению структурных преобразований, модернизации и диверсификации производства на 2015 — 2019 годы», в структуре АО «Узагротехсаноатхолдинг» создано ООО «Agrosanoatmashinjiniring»;
собранием комитета кредиторов ликвидируемого АО «Ташкентский тракторный завод» одобрена передача хокимияту г. Ташкента не реализованных и не востребованных кредиторами активов акционерного общества в соответствии с Законом Республики Узбекистан «О банкротстве», в том числе УП «СКБ — «Трактор» и ООО «КБ-УзАгротех».
2. Согласиться с предложением АО «Узагротехсаноатхолдинг», Государственного комитета Республики Узбекистан по содействию приватизированным предприятиям и развитию конкуренции и хокимията города Ташкента о:
передаче долей АО «Ташкентский тракторный завод» в уставных капиталах УП «СКБ — «Трактор»» и ООО «КБ-УзАгротех» хокимияту города Ташкента для их последующего внесения в установленном порядке в уставный капитал АО «Узагротехмаш» в счет формирования государственной доли, с последующей передачей сформированной доли в уставный капитал АО «Узагротехсаноатхолдинг» по номинальной стоимости;
переименовании ООО «Agrosanoatmashinjiniring» в ООО «Конструкторско-технологический центр сельскохозяйственного машиностроения» (далее — Центр), с последующим присоединением к нему УП «СКБ — «Трактор»» и ООО «КБ-УзАгротех», включающий в себя подразделения по научно-исследовательским и опытно-конструкторским работам, технологическому проектированию и внедрению современных технологий, а также опытно-экспериментальное производство;
передаче по стоимости, определенной оценочной организацией, в уставный капитал Центра пакета акций АО «Узагротехмаш» в уставном капитале АО «БМКБ-Агромаш».
3. Определить основными задачами Центра:
проведение научно-исследовательских и инновационных работ по прикладным вопросам сельскохозяйственной техники;
разработку новых видов современной сельскохозяйственной техники для возделывания по ресурсосберегающим агротехнологиям хлопчатника, зерновых, садово-виноградниковых, овощебахчевых культур, а также других видов специальной техники;
разработку и изготовление технологической оснастки для производства опытных партий новых машин и оборудования;
изготовление опытных образцов новой сельскохозяйственной техники с использованием современных технологий и оборудования, с целью дальнейшего их внедрения в производство в организациях отрасли;
координацию научно-исследовательских, инновационных и опытно-конструкторских работ в отрасли, включая испытания новых образцов сельскохозяйственной техники;
развитие научно-технической кооперации между организациями отрасли и другими организациями республики;
сотрудничество с ведущими зарубежными научно-исследовательскими институтами, инжиниринговыми центрами, компаниями-производителями и международными организациями в сфере машиностроения, включая Корейский институт по развитию технологий при Министерстве торговли, промышленности и энергетики Республики Корея.
4. Определить, что Центр является правопреемником по правам и обязательствам реорганизуемых УП «СКБ — «Трактор» и ООО «КБ-УзАгротех»», включая права на объекты интеллектуальной собственности, научно-конструкторские разработки и иную техническую документацию, а также научно-технические проекты и заключенные для реализации контракты данных организаций.
5. АО «Узагротехсаноатхолдинг» обеспечить в установленном порядке утверждение учредительных документов Центра, его структуры, штатного расписания, а также укомплектование высококвалифицированными специалистами.
6. Принять к сведению, что в соответствии с Меморандумом корейской стороной в декабре 2016 года — феврале 2017 года в адрес ООО «Agrosanoatmashinjiniring» поставлено программное обеспечение, вычислительное и измерительное оборудование на сумму 364,4 тыс. долларов США.
АО «Узагротехсаноатхолдинг»:
продолжить в установленном порядке работу с корейской стороной по дальнейшей реализации проекта создания узбекско-корейского конструкторско-технологического центра сельскохозяйственного машиностроения;
ежеквартально представлять в Кабинет Министров Республики Узбекистан подробную информацию о ходе реализации проекта.
7. Согласиться с предложением АО «Узагротехсаноатхолдинг», Академии наук, Агентства по науке и технологиям, Министерства сельского и водного хозяйства Республики Узбекистан о создании при АО «Узагротехсаноатхолдинг» Научно-технического совета для обеспечения эффективного проведения единой технической политики в отрасли, определения приоритетных и перспективных направлений научно-технического и технологического развития, выработки технически и экономически обоснованных решений, а также эффективного взаимодействия с соответствующими отечественными и зарубежными научно-исследовательскими учреждениями, формируемого из числа высококвалифицированных специалистов, ученых, инженеров и конструкторов указанных организаций, а также представителей других заинтересованных организаций.
АО «Узагротехсаноатхолдинг» совместно с Академией наук, Агентством по науке и технологиям, Министерством сельского и водного хозяйства Республики Узбекистан в двухмесячный срок утвердить Положение о Научно-техническом совете, а также отраслевую программу научно-исследовательских, инновационных и опытно-конструкторских работ до 2020 года.
8. Освободить Центр до 1 января 2020 года от уплаты налога на добавленную стоимость, налога на имущество и обязательных отчислений в Республиканский дорожный фонд при Кабинете Министров Республики Узбекистан и во внебюджетный Фонд развития материально-технической базы образовательных и медицинских учреждений при Министерстве финансов Республики Узбекистан.
9. Министерству иностранных дел Республики Узбекистан по заявкам Центра обеспечить в установленном порядке оформление многократных въездных виз иностранным специалистам, принимающим участие в реализации проектов Центра, без взимания консульских и иных сборов.
10. Министерству внутренних дел Республики Узбекистан по заявкам Центра обеспечить выдачу и продление многократных виз, а также временную прописку и продление временной прописки по месту временного проживания иностранных специалистов, принимающих участие в реализации проектов Центра, без взимания государственных пошлин.
11. Министерству занятости и трудовых отношений Республики Узбекистан обеспечить по заявкам Центра выдачу (продление) в установленном порядке разрешений на привлечение в Республику Узбекистан иностранных специалистов, принимающих участие в реализации проектов Центра, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
12. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 июля 2017 г.,
№ ПП-3117