📅 2017-yil 10-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 10 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 июля 2017 г. · Постановления Президента
Официальный текст. Официальный документ. Редакционные примечания не включены.
📅 10 July 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тез юрар йўловчи поездлари ҳаракатини ташкил этган ҳолда «Қарши-Китоб» темир йўл линиясини электрлаштириш» инвестиция лойиҳасини амалга ошириш чора-тадбирлари тўғрисида
Республика темир йўллари тармоғини янада ривожлантириш, темир йўл транспортида электрлаштириш ва замонавий технологияларни жорий этиш ҳисобига йўловчи ва юк ташиш самарадорлигини ошириш, халқаро стандартларга мувофиқ «Қарши-Китоб» темир йўл линиясида тез юрар йўловчи поездлари ҳаракатини ташкил этиш максадида:
1. Ўзбекистон Республикаси Иқтисодиёт вазирлиги, Молия вазирлиги ва «Ўзбекистон темир йўллари» АЖнинг 2017-2018 йилларда тез юрар йўловчи поездлари ҳаракатини ташкил этган ҳолда «Қарши-Китоб» темир йўл линиясини электрлаштириш» инвестиция лойиҳасини амалга ошириш (кейинги ўринларда — инвестиция лойиҳаси) тўғрисидаги таклифи қабул қилинсин.
2. Ҳисоб-китоб нархи эквиваленти 58,87 млн. АҚШ доллари миқдоридаги:
«Ўзбекистон темир йўллари» АЖнинг эквиваленти 18,58 млн. АҚШ доллари ҳамда «Ўзбекэнерго» АЖнинг эквиваленти 7,31 млн. АҚШ доллари миқдоридаги ўз маблағлари;
«Ўзбекистон Республикасининг 2018 йилги Давлат бюджети маблағлари параметрларида назарда тутиладиган 50,0 млрд, сўмга тенг (эквиваленти 14.06 млн. АҚШ доллари) миқдоридаги марказлаштирилган инвестиция маблағлари;
инвестиция лойиҳаси доирасида валюта харажатларини молиялаштириш учун «Ўзбекистон Республикаси Ташқи иқтисодий фаолият миллий банки томонидан қайта молиялаштириладиган, Ўзбекистон Республикаси Тикланиш ва тараққиёт жамғармасининг «Ўзбекистон темир йўллари» АЖга тақдим этадиган 18,92 млн. АҚШ доллари миқдоридаги кредитининг қайта молиялаштириш учун банкнинг 0,5 фоиз миқдордаги маржасини қўшганда йиллик 2,5 фоизли ставка билан 2 йиллик имтиёзли даврни қўшиб ҳисоблаганда 15 йил муддатга бериладиган кредити инвестиция лойиҳасини молиялаштириш манбалари этиб белгилансин.
3. Белгилансинки:
инвестиция лойиҳасини амалга ошириш, техник-иқтисодий ҳисоб-китобни ишлаб чиққан ҳолда бир босқичли тартибда амалга оширилади;
«Ўзбекистон темир йўллари» АЖ жалб этилаётган кредитдан мақсадли фойдаланилиши ҳамда инвестиция лойиҳасини самарали амалга ошириш юзасидан жавобгар ижро этувчи орган ҳисобланади;
инвестиция лойиҳасини амалга ошириш доирасида жалб этилаётган кредитни сўндириш, унинг фоизлари ва комиссияларини тўлаш билан боғлиқ сарф-харажатлар «Ўзбекистон темир йўллари» АЖнинг ўз маблағлари ҳисобидан амалга оширилади;
лойиҳани амалга ошириш доирасида ташқи электр таъминоти объектларини лойиҳалаш ва қуриш «Ўзбекистон темир йўллари» АЖнинг ўз маблағлари ҳисобидан амалга оширилади.
4. Инвестиция лойиҳасини амалга ошириш доирасида:
«Ўзбекистон темир йўллари» АЖ — «Қарши-Китоб» темир йўл линиясида тез юрар йўловчи поезди ҳаракатини ташкил этиш билан биргаликда электрлаштириш бўйича бош буюртмачи;
«Ўзбекэнерго» АЖ — ташқи электр таъминоти объектларини қуриш бўйича бош буюртмачи;
«Тоштемирйўллойиҳа» МЧЖ ва «Средазэнергосетьпроект» АЖ — бош лойиҳа ташкилотлари;
«Ўзбекистон темир йўллари» АЖ ва «Ўзбекэнерго» АЖнинг таркибий бўлинмалари — бош пудрат ташкилотлари этиб белгилансин.
5. «Ўзбекистон темир йўллари» АЖ ва «Ўзбекэнерго» АЖ 2018 йилнинг 1 январига қадар муддатда инвестиция лойиҳасининг техник-иқтисодий ҳисоб-китобини тасдиқлаш учун Ўзбекистон Республикаси Вазирлар Маҳкамасига киритсин.
6. «Ўзбекистон темир йўллари» АЖ ва «Ўзбекэнерго» АЖга, инвестиция лойиҳасини амалга ошириш доирасида, истисно тариқасида:
2018 йилнинг 1 апрелига қадар «Қарши-Китоб» темир йўл линиясини электрлаштириш билан бирга тез юрар йўловчи поезди ҳаракатини ташкил этган ҳолда ташқи электр таъминоти объектларини қуриш билан бир вақтда лойиҳа-смета ҳужжатларини ишлаб чиқишни параллел равишда олиб боришга;
тендер савдоларини ўтказмасдан, маҳсулот ишлаб чиқарувчи заводлар ёки уларнинг расмий дилерлари (дистрибьюторлари) билан ортиб жўнатишдан олдинги мажбурий инспекцияни ўтказган ҳолда энг яхши таклифларни танлаб олиш асосида ускуналар ва материаллар, эҳтиёт қисмлар, бутловчи буюмлар ва узеллар етказиб бериш тўғрисида шартномалар тузишга;
Ўзбекистон Республикаси Тикланиш ва тараққиёт жамғармаси, Ўзбекистон Республикаси Ташқи иқтисодий фаолият миллий банки билан биргаликда лойиҳанинг техник-иқтисодий ҳисоб-китоби тасдиқлангунига қадар белгиланган тартибда ваколатли органларда экспертизадан ўтган импорт шартномалари бўйича, шунингдек, мамлакатимизнинг пудрат ташкилотлари ва маҳсулот етказиб берувчилари билан тузилган шартномалар бўйича молиялаштиришни очишга рухсат берилсин.
7. Ўзбекистон Республикаси молия вазирига инвестиция лойиҳасини амалга оширишни молиялаштириш учун жалб этилаётган Ўзбекистон Республикаси Тикланиш ва тараққиёт жамғармасининг қайта молиялаштириладиган кредити бўйича «Ўзбекистон темир йўллари» АЖнинг Ўзбекистон Республикаси Ташқи иқтисодий фаолият миллий банки олдидаги мажбуриятлари юзасидан белгиланган тартибда Ўзбекистон Республикасининг Давлат кафолатини бериш ваколати берилсин.
8. Ўзбекистон Республикаси Ахборот технологиялари ва коммуникацияларини ривожлантириш вазирлиги, «Ўзбекэнерго» АЖ, «Ўзбекнефтгаз» МХК инвестиция лойиҳасини амалга ошириш доирасида, мансублигига қараб, ўз маблағлари ҳисобига, қурилиш ҳудудига тушаётган мавжуд муҳандислик коммуникацияларини кўчириш ва улаш, шунингдек, муҳандислик коммуникацияларининг узлуксиз ишлашини таъминлашни ҳисобга олган ҳолда уларнинг лойиҳа ҳужжатларига мувофиқ уланиши билан боғлиқ ишларни амалга оширсин.
9. Инвестиция лойиҳасини амалга ошириш доирасида унинг барча қатнашчилари 2019 йилнинг 1 январига қадар:
белгиланган тартибда тасдиқланадиган рўйхатлар бўйича республикамизда ишлаб чиқарилмайдиган ва олиб келинадиган, ускуналар ва материаллар, эҳтиёт қисмлар, бутловчи буюмлар ва узеллар, технологик ҳужжатлар ва жиҳозлар божхона тўловларидан (божхона расмийлаштируви йиғимларидан ташқари);
товарлар, ишлар (хизматлар), шу жумладан, Ўзбекистон Республикасининг норезидентлари томонидан бажарилган ишлар (кўрсатилган хизматлар) қўшилган қиймат солиғидан. шунингдек, Ўзбекистон Республикаси Вазирлар Маҳкамаси ҳузуридаги Республика йўл жамғармасига ҳамда Ўзбекистон Республикаси Молия вазирлиги ҳузуридаги Бюджетдан ташқари таълим ва тиббиёт муассасаларининг моддий-техника базасини ривожлантириш жамғармасига тўланадиган мажбурий ажратмалар ва йиғимлардан;
бажарилган ишлар (кўрсатилган хизматлар)дан олинган Ўзбекистон Республикаси норезидентларининг даромадлари қисмида фойда солиғидан;
«Ўзбекистон темир йўллари» АЖ ташкилотлари томонидан беғараз асосда топширилаётган ва қабул қилинаётган мулк қисмида фойда солиғи тўлашдан озод қилинсин.
10. Ўзбекистон Республикаси Иқтисодиёт вазирлиги, «Ўзметкомбинат» АЖ, «Ўзқурилишматериаллари» АЖ бош буюртмачиларнинг иш ҳужжатлари параметрларини ҳисобга олган ҳолда тақдим этиладиган асосланган ҳисоб- китобларга кўра, инвестиция лойиҳасини амалга ошириш учун зарур бўлган цемент ва металл прокати ажратилиши ҳамда тўғридан-тўғри шартномалар бўйича бошқариладиган нархларда етказиб берилишини таъминласин.
11. Ўзбекистон Республикаси Иқтисодиёт вазирлиги ва Молия вазирлиги Ўзбекистон Республикасининг 2018 йилги Инвестиция дастурини шакллантиришда «Қарши-Китоб» темир йўл линиясини электрлаштириш билан бирга тез юрар йўловчи поезди ҳаракатини ташкил этиш ишларини молиялаштириш учун Ўзбекистон Республикасининг Давлат бюджетидан тегишли маблағлар ажратилишини назарда тутсин.
12. Ўзбекистон Республикаси Ташқи ишлар вазирлиги «Ўзбекистон темир йўллари» АЖ буюртманомаларига кўра, инвестиция лойиҳасини амалга оширишда иштирок этаётган хорижий мутахассислар учун кириш визаларини консуллик ва бошқа йиғимлар ундирилмаган ҳолда расмийлаштиришни таъминласин.
13. Ўзбекистон Республикаси Ички ишлар вазирлиги «Ўзбекистон темир йўллари» АЖ буюртманомаларига кўра, инвестиция лойиҳасини амалга оширишда иштирок этаётган хорижий мутахассисларга кўп марталик визалар расмийлаштирилиши, берилиши ва муддати узайтирилишини, шунингдек, вақтинча яшаш жойида вақтинчалик рўйхатга олиниши ва унинг муддати узайтирилишини давлат божи ундирмасдан таъминласин.
14. Ўзбекистон Республикаси Давлат архитектура ва қурилиш қўмитаси инвестиция лойиҳасини амалга ошириш доирасида белгиланган тартибда шаҳарсозлик ҳужжатларининг давлат экспертизасидан ўтказилишини таъминласин ҳамда қурилиш-монтаж ишларининг сифати устидан давлат архитектура-қурилиш назоратини ўрнатсин.
15. Қашқадарё вилояти ҳокимлиги белгиланган тартибда:
бир ой муддатда «Қарши-Китоб» темир йўл линиясини электрлаштириш билан бирга тез юрар йўловчи поезди ҳаракатини ташкил этиш билан биргаликда электрлаштириш билан боғлиқ объектлар барпо этилишига ер участкалари ажратилишини;
«Қарши-Китоб» темир йўл линиясини электрлаштириш билан бирга тез юрар йўловчи поезди ҳаракатини ташкил этиш бўйича ишлар ўтказиладиган туманда яшовчи фуқароларнинг инвестиция лойиҳасида назарда тутилган муддатларда кўчирилишини;
ер майдонлари ажратилиши муносабати билан (фермер хўжаликларининг кўрган зарарлари, қирқилган дарахтлар, фуқароларнинг кўчирилишини юзасидан) товон пули маҳаллий бюджет маблағлари ва қонун ҳужжатларида тақиқланмаган бошқа манбалар ҳисобидан тўланилишини таъминласин.
16. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 10 июль,
ПҚ-3121-сон
Oʻzbekiston Respublikasi Prezidentining
Qarori
Tez yurar yoʻlovchi poyezdlari harakatini tashkil etgan holda “Qarshi-Kitob” temir yoʻl liniyasini elektrlashtirish” investitsiya loyihasini amalga oshirish chora-tadbirlari toʻgʻrisida
Respublika temir yoʻllari tarmogʻini yanada rivojlantirish, temir yoʻl transportida elektrlashtirish va zamonaviy texnologiyalarni joriy etish hisobiga yoʻlovchi va yuk tashish samaradorligini oshirish, xalqaro standartlarga muvofiq “Qarshi-Kitob” temir yoʻl liniyasida tez yurar yoʻlovchi poyezdlari harakatini tashkil etish maksadida:
1. Oʻzbekiston Respublikasi Iqtisodiyot vazirligi, Moliya vazirligi va “Oʻzbekiston temir yoʻllari” AJning 2017-2018-yillarda tez yurar yoʻlovchi poyezdlari harakatini tashkil etgan holda “Qarshi-Kitob” temir yoʻl liniyasini elektrlashtirish” investitsiya loyihasini amalga oshirish (keyingi oʻrinlarda — investitsiya loyihasi) toʻgʻrisidagi taklifi qabul qilinsin.
2. Hisob-kitob narxi ekvivalenti 58,87 mln. AQSH dollari miqdoridagi:
“Oʻzbekiston temir yoʻllari” AJning ekvivalenti 18,58 mln. AQSH dollari hamda “Oʻzbekenergo” AJning ekvivalenti 7,31 mln. AQSH dollari miqdoridagi oʻz mablagʻlari;
“Oʻzbekiston Respublikasining 2018-yilgi Davlat budjeti mablagʻlari parametrlarida nazarda tutiladigan 50,0 mlrd, soʻmga teng (ekvivalenti 14.06 mln. AQSH dollari) miqdoridagi markazlashtirilgan investitsiya mablagʻlari;
investitsiya loyihasi doirasida valyuta xarajatlarini moliyalashtirish uchun “Oʻzbekiston Respublikasi Tashqi iqtisodiy faoliyat milliy banki tomonidan qayta moliyalashtiriladigan, Oʻzbekiston Respublikasi Tiklanish va taraqqiyot jamgʻarmasining “Oʻzbekiston temir yoʻllari” AJga taqdim etadigan 18,92 mln. AQSH dollari miqdoridagi kreditining qayta moliyalashtirish uchun bankning 0,5 foiz miqdordagi marjasini qoʻshganda yillik 2,5 foizli stavka bilan 2 yillik imtiyozli davrni qoʻshib hisoblaganda 15 yil muddatga beriladigan krediti investitsiya loyihasini moliyalashtirish manbalari etib belgilansin.
3. Belgilansinki:
investitsiya loyihasini amalga oshirish, texnik-iqtisodiy hisob-kitobni ishlab chiqqan holda bir bosqichli tartibda amalga oshiriladi;
“Oʻzbekiston temir yoʻllari” AJ jalb etilayotgan kreditdan maqsadli foydalanilishi hamda investitsiya loyihasini samarali amalga oshirish yuzasidan javobgar ijro etuvchi organ hisoblanadi;
investitsiya loyihasini amalga oshirish doirasida jalb etilayotgan kreditni soʻndirish, uning foizlari va komissiyalarini toʻlash bilan bogʻliq sarf-xarajatlar “Oʻzbekiston temir yoʻllari” AJning oʻz mablagʻlari hisobidan amalga oshiriladi;
loyihani amalga oshirish doirasida tashqi elektr taʼminoti obyektlarini loyihalash va qurish “Oʻzbekiston temir yoʻllari” AJning oʻz mablagʻlari hisobidan amalga oshiriladi.
4. Investitsiya loyihasini amalga oshirish doirasida:
“Oʻzbekiston temir yoʻllari” AJ — “Qarshi-Kitob” temir yoʻl liniyasida tez yurar yoʻlovchi poyezdi harakatini tashkil etish bilan birgalikda elektrlashtirish boʻyicha bosh buyurtmachi;
“Oʻzbekenergo” AJ — tashqi elektr taʼminoti obyektlarini qurish boʻyicha bosh buyurtmachi;
“Toshtemiryoʻlloyiha” MCHJ va “Sredazenergosetproyekt” AJ — bosh loyiha tashkilotlari;
“Oʻzbekiston temir yoʻllari” AJ va “Oʻzbekenergo” AJning tarkibiy boʻlinmalari — bosh pudrat tashkilotlari etib belgilansin.
5. “Oʻzbekiston temir yoʻllari” AJ va “Oʻzbekenergo” AJ 2018-yilning 1-yanvariga qadar muddatda investitsiya loyihasining texnik-iqtisodiy hisob-kitobini tasdiqlash uchun Oʻzbekiston Respublikasi Vazirlar Mahkamasiga kiritsin.
6. “Oʻzbekiston temir yoʻllari” AJ va “Oʻzbekenergo” AJga, investitsiya loyihasini amalga oshirish doirasida, istisno tariqasida:
2018-yilning 1-apreliga qadar “Qarshi-Kitob” temir yoʻl liniyasini elektrlashtirish bilan birga tez yurar yoʻlovchi poyezdi harakatini tashkil etgan holda tashqi elektr taʼminoti obyektlarini qurish bilan bir vaqtda loyiha-smeta hujjatlarini ishlab chiqishni parallel ravishda olib borishga;
tender savdolarini oʻtkazmasdan, mahsulot ishlab chiqaruvchi zavodlar yoki ularning rasmiy dilerlari (distribyutorlari) bilan ortib joʻnatishdan oldingi majburiy inspeksiyani oʻtkazgan holda eng yaxshi takliflarni tanlab olish asosida uskunalar va materiallar, ehtiyot qismlar, butlovchi buyumlar va uzellar yetkazib berish toʻgʻrisida shartnomalar tuzishga;
Oʻzbekiston Respublikasi Tiklanish va taraqqiyot jamgʻarmasi, Oʻzbekiston Respublikasi Tashqi iqtisodiy faoliyat milliy banki bilan birgalikda loyihaning texnik-iqtisodiy hisob-kitobi tasdiqlanguniga qadar belgilangan tartibda vakolatli organlarda ekspertizadan oʻtgan import shartnomalari boʻyicha, shuningdek, mamlakatimizning pudrat tashkilotlari va mahsulot yetkazib beruvchilari bilan tuzilgan shartnomalar boʻyicha moliyalashtirishni ochishga ruxsat berilsin.
7. Oʻzbekiston Respublikasi moliya vaziriga investitsiya loyihasini amalga oshirishni moliyalashtirish uchun jalb etilayotgan Oʻzbekiston Respublikasi Tiklanish va taraqqiyot jamgʻarmasining qayta moliyalashtiriladigan krediti boʻyicha “Oʻzbekiston temir yoʻllari” AJning Oʻzbekiston Respublikasi Tashqi iqtisodiy faoliyat milliy banki oldidagi majburiyatlari yuzasidan belgilangan tartibda Oʻzbekiston Respublikasining Davlat kafolatini berish vakolati berilsin.
8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, “Oʻzbekenergo” AJ, “Oʻzbekneftgaz” MXK investitsiya loyihasini amalga oshirish doirasida, mansubligiga qarab, oʻz mablagʻlari hisobiga, qurilish hududiga tushayotgan mavjud muhandislik kommunikatsiyalarini koʻchirish va ulash, shuningdek, muhandislik kommunikatsiyalarining uzluksiz ishlashini taʼminlashni hisobga olgan holda ularning loyiha hujjatlariga muvofiq ulanishi bilan bogʻliq ishlarni amalga oshirsin.
9. Investitsiya loyihasini amalga oshirish doirasida uning barcha qatnashchilari 2019-yilning 1-yanvariga qadar:
belgilangan tartibda tasdiqlanadigan roʻyxatlar boʻyicha respublikamizda ishlab chiqarilmaydigan va olib kelinadigan, uskunalar va materiallar, ehtiyot qismlar, butlovchi buyumlar va uzellar, texnologik hujjatlar va jihozlar bojxona toʻlovlaridan (bojxona rasmiylashtiruvi yigʻimlaridan tashqari);
tovarlar, ishlar (xizmatlar), shu jumladan, Oʻzbekiston Respublikasining norezidentlari tomonidan bajarilgan ishlar (koʻrsatilgan xizmatlar) qoʻshilgan qiymat soligʻidan. shuningdek, Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasiga hamda Oʻzbekiston Respublikasi Moliya vazirligi huzuridagi Budjetdan tashqari taʼlim va tibbiyot muassasalarining moddiy-texnika bazasini rivojlantirish jamgʻarmasiga toʻlanadigan majburiy ajratmalar va yigʻimlardan;
bajarilgan ishlar (koʻrsatilgan xizmatlar)dan olingan Oʻzbekiston Respublikasi norezidentlarining daromadlari qismida foyda soligʻidan;
“Oʻzbekiston temir yoʻllari” AJ tashkilotlari tomonidan begʻaraz asosda topshirilayotgan va qabul qilinayotgan mulk qismida foyda soligʻi toʻlashdan ozod qilinsin.
10. Oʻzbekiston Respublikasi Iqtisodiyot vazirligi, “Oʻzmetkombinat” AJ, “Oʻzqurilishmateriallari” AJ bosh buyurtmachilarning ish hujjatlari parametrlarini hisobga olgan holda taqdim etiladigan asoslangan hisob- kitoblarga koʻra, investitsiya loyihasini amalga oshirish uchun zarur boʻlgan sement va metall prokati ajratilishi hamda toʻgʻridan-toʻgʻri shartnomalar boʻyicha boshqariladigan narxlarda yetkazib berilishini taʼminlasin.
11. Oʻzbekiston Respublikasi Iqtisodiyot vazirligi va Moliya vazirligi Oʻzbekiston Respublikasining 2018-yilgi Investitsiya dasturini shakllantirishda “Qarshi-Kitob” temir yoʻl liniyasini elektrlashtirish bilan birga tez yurar yoʻlovchi poyezdi harakatini tashkil etish ishlarini moliyalashtirish uchun Oʻzbekiston Respublikasining Davlat budjetidan tegishli mablagʻlar ajratilishini nazarda tutsin.
12. Oʻzbekiston Respublikasi Tashqi ishlar vazirligi “Oʻzbekiston temir yoʻllari” AJ buyurtmanomalariga koʻra, investitsiya loyihasini amalga oshirishda ishtirok etayotgan xorijiy mutaxassislar uchun kirish vizalarini konsullik va boshqa yigʻimlar undirilmagan holda rasmiylashtirishni taʼminlasin.
13. Oʻzbekiston Respublikasi Ichki ishlar vazirligi “Oʻzbekiston temir yoʻllari” AJ buyurtmanomalariga koʻra, investitsiya loyihasini amalga oshirishda ishtirok etayotgan xorijiy mutaxassislarga koʻp martalik vizalar rasmiylashtirilishi, berilishi va muddati uzaytirilishini, shuningdek, vaqtincha yashash joyida vaqtinchalik roʻyxatga olinishi va uning muddati uzaytirilishini davlat boji undirmasdan taʼminlasin.
14. Oʻzbekiston Respublikasi Davlat arxitektura va qurilish qoʻmitasi investitsiya loyihasini amalga oshirish doirasida belgilangan tartibda shaharsozlik hujjatlarining davlat ekspertizasidan oʻtkazilishini taʼminlasin hamda qurilish-montaj ishlarining sifati ustidan davlat arxitektura-qurilish nazoratini oʻrnatsin.
15. Qashqadaryo viloyati hokimligi belgilangan tartibda:
bir oy muddatda “Qarshi-Kitob” temir yoʻl liniyasini elektrlashtirish bilan birga tez yurar yoʻlovchi poyezdi harakatini tashkil etish bilan birgalikda elektrlashtirish bilan bogʻliq obyektlar barpo etilishiga yer uchastkalari ajratilishini;
“Qarshi-Kitob” temir yoʻl liniyasini elektrlashtirish bilan birga tez yurar yoʻlovchi poyezdi harakatini tashkil etish boʻyicha ishlar oʻtkaziladigan tumanda yashovchi fuqarolarning investitsiya loyihasida nazarda tutilgan muddatlarda koʻchirilishini;
yer maydonlari ajratilishi munosabati bilan (fermer xoʻjaliklarining koʻrgan zararlari, qirqilgan daraxtlar, fuqarolarning koʻchirilishini yuzasidan) tovon puli mahalliy budjet mablagʻlari va qonun hujjatlarida taqiqlanmagan boshqa manbalar hisobidan toʻlanilishini taʼminlasin.
16. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 10-iyul,
PQ-3121-son
Президента Республики Узбекистан
Постановление
О мерах по реализации инвестиционного проекта «Электрификация железнодорожной линии «Карши-Китаб» с организацией скоростного движения пассажирских поездов»
В целях дальнейшего развития сети железных дорог республики, повышения эффективности пассажирских и грузовых перевозок за счет электрификации и внедрения современных технологий на железнодорожном транспорте, организации скоростного движения пассажирских поездов на железнодорожной линии «Карши-Китаб» в соответствии с международными стандартами:
1. Принять предложение Министерства экономики, Министерства финансов Республики Узбекистан и АО «Узбекистон темир йуллари» о реализации в период 2017-2018 годы инвестиционного проекта «Электрификация железнодорожной линии «Карши-Китаб» с организацией скоростного движения пассажирских поездов» (далее — инвестиционный проект).
2. Определить источниками финансирования инвестиционного проекта с расчетной стоимостью в эквиваленте 58,87 млн долларов США:
собственные средства АО «Узбекистон темир йуллари» в эквиваленте 18,58 млн долларов США и АО «Узбекэнерго» в эквиваленте 7,31 млн долларов США;
средства централизованных инвестиций в размере 50,0 млрд сум. (эквивалент 14,06 млн долларов США), предусматриваемые в параметрах Государственного бюджета Республики Узбекистан на 2018 год;
кредит Фонда реконструкции и развития Республики Узбекистан в размере 18,92 млн долларов США, предоставляемый АО «Узбекистон темир йуллари» для финансирования валютных расходов в рамках реализации инвестиционного проекта, рефинансируемый Национальным банком внешнеэкономической деятельности Республики Узбекистан сроком на 15 лет, включая льготный период — 2 года, с процентной ставкой 2,5 процента годовых, включая маржу рефинансирующего банка в размере 0,5 процента.
3. Установить, что:
реализация инвестиционного проекта осуществляется в одностадийном порядке с разработкой технико-экономического расчета;
исполнительным органом, ответственным за целевое использование привлекаемого кредита и эффективную реализацию инвестиционного проекта, является АО «Узбекистон темир йуллари»;
расходы, связанные с погашением привлекаемого кредита, выплатой процентов и комиссий по нему, осуществляются в рамках реализации инвестиционного проекта за счет собственных средств АО «Узбекистон темир йуллари»;
проектирование и строительство объектов внешнего электроснабжения в рамках реализации инвестиционного проекта осуществляются за счет средств АО «Узбекэнерго».
4. Определить в рамках реализации инвестиционного проекта:
генеральным заказчиком по электрификации железнодорожной линии «Карши-Китаб» с организацией скоростного движения пассажирских поездов — АО «Узбекистон темир йуллари»;
генеральным заказчиком по строительству объектов внешнего электроснабжения — АО «Узбекэнерго»;
генеральными проектными организациями — ООО «Тоштемирйуллойиха» и АО «Средазэнергосетьпроект»;
генеральными подрядными организациями — структурные подразделения АО «Узбекистон темир йуллари» и АО «Узбекэнерго».
5. АО «Узбекистон темир йуллари» и АО «Узбекэнерго» в срок до 1 января 2018 года внести на утверждение в Кабинет Министров Республики Узбекистан технико-экономический расчет инвестиционного проекта.
6. Разрешить, в порядке исключения, АО «Узбекистон темир йуллари» и АО «Узбекэнерго» в рамках реализации инвестиционного проекта:
осуществлять до 1 апреля 2018 года электрификацию железнодорожной линии «Карши-Китаб» с организацией скоростного движения пассажирских поездов одновременно со строительством объектов внешнего электроснабжения и параллельной разработкой проектно-сметной документации;
заключать с заводами-производителями или их официальными дилерами (дистрибьюторами), без проведения тендерных торгов, контракты на поставку оборудования и материалов, запасных частей, комплектующих изделий и узлов на основе отбора наилучших предложений, с проведением обязательной предотгрузочной инспекции;
совместно с Фондом реконструкции и развития Республики Узбекистан, Национальным банком внешнеэкономической деятельности Республики Узбекистан открывать финансирование до утверждения технико-экономического расчета проекта по импортным контрактам, прошедшим в установленном порядке экспертизу в уполномоченных органах, а также по контрактам, заключенным с отечественными подрядчиками и поставщиками.
7. Уполномочить министра финансов Республики Узбекистан выдать в установленном порядке Государственную гарантию Республики Узбекистан по обязательствам АО «Узбекистон темир йуллари» перед Национальным банком внешнеэкономической деятельности Республики Узбекистан по рефинансируемому кредиту Фонда реконструкции и развития Республики Узбекистан, привлекаемому для финансирования реализации инвестиционного проекта.
8. Министерству по развитию информационных технологий и коммуникаций Республики Узбекистан, АО «Узбекэнерго», АО «Узбекнефтегаз» обеспечить в рамках реализации инвестиционного проекта за счет собственных средств, по принадлежности, перенос и подключение существующих инженерных коммуникаций, подпадающих в зону строительства, а также подключение инженерных коммуникаций согласно проектной документации, с учетом их бесперебойного функционирования.
9. Освободить сроком до 1 января 2019 года в рамках реализации инвестиционного проекта всех его участников от уплаты:
таможенных платежей (за исключением таможенных сборов) оборудование и материалы, запасные части, комплектующие изделия и узлы, технологическую документацию, оснастку, непроизводимые в республике и ввозимые по перечням, утверждаемым в установленном порядке;
налога на добавленную стоимость товары, работы (услуги), включая работы (услуги), выполненные нерезидентами Республики Узбекистан, а также от обязательных отчислений и сборов в Республиканский дорожный фонд при Кабинете Министров и внебюджетный Фонд развития материально-технической базы образовательных и медицинских учреждений при Министерстве финансов Республики Узбекистан;
налога на прибыль в части доходов нерезидентов Республики Узбекистан, полученных от выполненных работ (оказанных услуг);
налога на прибыль в части имущества, передаваемого и принимаемого на безвозмездной основе между организациями АО «Узбекистон темир йуллари».
10. Министерству экономики Республики Узбекистан, АО «Узметкомбинат», АО «Узкурилишматериаллари» обеспечить по обоснованным расчетам, представляемым генеральными заказчиками с учетом параметров рабочей документации, выделение и поставку по прямым договорам необходимых для реализации инвестиционного проекта цемента и металлопроката — по регулируемым ценам.
11. Министерству экономики и Министерству финансов Республики Узбекистан при формировании Инвестиционной программы Республики Узбекистан на 2018 год предусмотреть выделение из Государственного бюджета Республики Узбекистан соответствующих средств на финансирование работ по электрификации железнодорожной линии «Карши-Китаб» с организацией скоростного движения пассажирских поездов.
12. Министерству иностранных дел Республики Узбекистан обеспечить по заявкам АО «Узбекистон темир йуллари» оформление въездных виз иностранным специалистам, участвующим в реализации инвестиционного проекта, без взимания консульских и иных сборов.
13. Министерству внутренних дел Республики Узбекистан обеспечить по заявкам АО «Узбекистон темир йуллари» оформление, выдачу и продление многократных виз, а также временную прописку и продление временной прописки по месту временного проживания иностранных специалистов, участвующих в реализации инвестиционного проекта, без взимания государственной пошлины.
14. Министерству строительства Республики Узбекистан в установленном порядке обеспечить проведение государственной экспертизы градостроительной документации и надлежащий государственный архитектурно-строительный надзор за качеством строительно-монтажных работ в рамках реализации инвестиционного проекта.
15. Хокимияту Кашкадарьинской области в установленном порядке обеспечить:
в месячный срок отвод земельных участков под возведение объектов, связанных с электрификацией железнодорожной линии «Карши-Китаб» с организацией скоростного движения пассажирских поездов;
в предусмотренные инвестиционным проектом сроки отселение граждан, проживающих в районе проведения работ по электрификации железнодорожной линии «Карши-Китаб» с организацией скоростного движения пассажирских поездов;
предоставление компенсации в связи с отводом земельных участков (за понесенные убытки фермерских хозяйств, вырубленные деревья и отселение граждан) за счет средств местного бюджета и других источников, не запрещенных законодательством.
16. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова
Президент Республики Узбекистан Ш. МИРЗИЁЕВ
г. Ташкент,
10 июля 2017 г.,
№ ПП-3121