📅 2017-yil 10-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 10 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 июля 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 10 July 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
низом
Ўзбекистон Республикаси Бош прокуратураси ҳузуридаги Мажбурий ижро бюросининг электр энергияси ва табиий газ етказиб берувчилар билан ўзаро ҳамкорлик қилиш ҳамда истеъмолчиларни электр энергияси ва газ тармоқларидан узиб қўйиш тартиби тўғрисидаги низомларни тасдиқлаш ҳақида
Ўзбекистон Республикаси Президентининг «Ўзбекистон Республикаси Бош прокуратураси ҳузуридаги Мажбурий ижро бюроси фаолиятини ташкил этиш тўғрисида» 2017 йил 30 майдаги ПҚ-3016-сон қарорини бажариш юзасидан Вазирлар Маҳкамаси қарор қилади:
1. Қуйидагилар:
Истеъмолчиларни электр энергияси ва газ тармоқларидан узиб қўйиш тартиби тўғрисидаги низом 2-иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.
Вазирлар Маҳкамасининг 2017 йил 10 июлдаги 484-сон қарорига 2-ИЛОВА
Истеъмолчиларни электр энергияси ва табиий газ тармоқларидан узиб қўйиш тартиби тўғрисида
1-боб. Умумий қоидалар
1. Ушбу Низом шартномавий мажбуриятларни бажармаганлик учун, шунингдек ушбу Низомда назарда тутилган бошқа ҳолатларда истеъмолчиларни электр ва газ тармоқларидан узиб қўйиш тартибини белгилайди.
2. Ушбу Низомда қуйидаги асосий тушунчалар қўлланилади:
истеъмолчи — электр ва газ таъминоти шартномасига мувофиқ электр энергияси ва табиий газдан ишлаб чиқариш ва (ёки) маиший эҳтиёжлар учун фойдаланадиган юридик ёки жисмоний шахс;
энергия ресурслари етказиб берувчилар — «Ҳудудий электр тармоқлари» АЖ, «Ҳудудгазтаъминот» АЖ ва уларнинг бўлинмалари, шунингдек, истеъмолчиларга электр энергияси ва табиий газни етказиб беришни таъминловчи, ишончли бошқарув тўғрисидаги шартнома асосида фаолият юритувчи бошқа ташкилотлар.
3. Истеъмолчиларни электр ва газ тармоқларидан узиб қўйиш қуйидаги ҳолатларда амалга оширилади:
шартнома мажбуриятлари бажарилмаганда, шу жумладан, ҳисоб-китоблар ўз вақтида амалга оширилмаганлиги оқибатида фойдаланилган электр энергияси ва табиий газ учун қарздорлик мавжуд бўлганда;
Энергия ресурслари етказиб берувчилар талабномалари бажарилмаганда, шу жумладан, унинг вакилларига электр энергияси ва табиий газ истеъмолини ҳисобга олиш приборларидан кўрсаткичларни олиш учун рухсат этилмаганда;
электр ва газ тармоқларига ноқонуний уланиш, уларни талон-торож қилиш ёки улардан фойдаланиш қоидаларини бузишнинг бошқа ҳолатлари аниқланганда;
электр энергияси ва табиий газ истеъмолини ҳисобга олиш приборлари қасддан бузилганда, кўрсаткичларни ўзгартириш мақсадида уларга ташқаридан аралашилганда.
4. Истеъмолчиларни электр ва газ тармоқларидан узиб қўйиш ҳамда уларни қайта улаш энергия ресурсларини етказиб берувчилар томонидан амалга оширилади.
8. Энергия ресурсларини етказиб берувчилар мутахассислари истеъмолчиларни электр ва газ тармоқларидан узиб қўйиш ҳамда уларни қайта улаш ишларини ўтказишда зарур хавфсизлик чораларини кўришлари шарт.
9. Ўзбекистон Республикаси Вазирлар Маҳкамасининг 2004 йил 5 февралдаги 57-сон қарорига 5-иловада , шунингдек Ўзбекистон Республикаси Вазирлар Маҳкамасининг 2004 йил 1 ноябрдаги 511-сон қарори билан тасдиқланган Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги низомнинг 18-бандида кўрсатилган корхоналар фақат суднинг қарори бўйича узиб қўйилиши мумкин.
2-боб. Истеъмолчиларни электр ва газ тармоқларидан узиб қўйиш тартиби
11. Истеъмол қилинган электр энергияси ва табиий газ учун қарзи мавжуд бўлган истеъмолчиларнинг рўйхати энергия ресурслари етказиб берувчилар томонидан шакллантирилади.
12. Энергия ресурслари етказиб берувчилар истеъмол қилинган электр энергияси ва табиий газ учун қарзлари мавжуд бўлган истеъмолчиларнинг энергия ресурслари етказиб берувчилар томонидан шакллантирилган ва тақдим этилган рўйхатлари асосида истеъмолчиларни қарзни беш кун муддатда тўлаш зарурлиги тўғрисида ёзма хабардор қилади.
13. Энергия ресурслари етказиб берувчилар истеъмолчилар хабардор қилинган пайтдан бошлаб беш кун муддат ўтгандан кейин қарзларни мажбурий, шу жумладан қонун ҳужжатларида белгиланган тартибда истеъмолчиларни электр ва газ тармоқларидан узиб қўйиш йўли билан ундириш чораларини кўради.
14. Электр энергияси ва табиий газдан фойдаланиш қоидаларини бузиш ҳолатлари аниқланган тақдирда, энергия ресурслари етказиб берувчилар уларни электр ва газ тармоқларидан гувоҳлар иштирокида дарҳол узиб қўйиш ҳамда фойдаланиш қоидаларини бузган шахсларни қонун ҳужжатларида белгиланган жавобгарликка тортиш чораларини кўради.
15. Электр энергияси ва табиий газ истеъмолчилари узиб қўйиладиган электр ва газ тармоқларининг нуқталари энергия ресурслари етказиб берувчилар ходимлари томонидан назорат тартибида мажбурий пломбаланиши шарт.
16. Энергия ресурслари етказиб берувчилар томонидан истеъмолчи электр ва газ тармоқларидан узиб қўйилганда, тармоқдан узиб қўйиш ҳақида икки нусхада далолатнома расмийлаштирилади, унинг бир нусхаси истеъмолчига берилади.
17. Истеъмолчи далолатномани имзолашдан бош тортган тақдирда далолатномага бу ҳақда тегишли ёзув киритилади. Бош тортиш икки нафар гувоҳ ёки фуқароларнинг ўзини ўзи бошқариш органи вакили томонидан тасдиқланиши лозим. Бунда истеъмолчи далолатномада унинг мазмуни бўйича тушунтириш ва эътирозларни, шунингдек имзолашдан бош тортиш сабабларини баён этиш ҳуқуқига эга.
18. Электр ва газ тармоқларидан узиб қўйилган истеъмолчилар ҳақидаги маълумотлар энергия ресурслари етказиб берувчилар ходими томонидан электрон маълумотлар тизимига киритилади.
3-боб. Истеъмолчиларни электр ва газ тармоқларига қайта улаш тартиби
19. Истеъмолчилар қуйидаги ҳолларда электр ва газ тармоқларига қайта уланади:
электр энергияси ва табиий газдан фойдаланишда йўл қўйилган қоидабузарликлар бартараф этилганда;
истеъмол қилинган электр энергияси ва табиий газ учун қарзлар тўланганда;
электр ва газ тармоқларига қайта уланиш учун ушбу Низомнинг 23-бандида белгиланган миқдордаги сумма тўланганда.
20. Истеъмолчилар энергия ресурслари етказиб берувчиларга, жумладан, ахборот-коммуникация технологияларидан фойдаланиш орқали мурожаат қилганда электр ва газ тармоқларига қайта уланади.
Истеъмолчилар электр ва газ тармоқларига аниқланган қоидабузарликлар бартараф этилгандан кейинги кундан кечиктирмай энергия ресурслари етказиб берувчилар томонидан қайта уланади.
21. Электр энергияси ва табиий газ хизматларидан фойдаланиш қоидалари бузилганлиги учун истеъмолчилар тармоқдан узилганда, уларни тармоққа қайта улаш энергия ресурслари етказиб берувчилар томонидан электр энергияси ва табиий газ хизматларидан фойдаланиш қоидаларини бузиш сабаблари ҳамда шароитлари бартараф этилганлиги нуқтаи назаридан истеъмолчиларнинг бинолари кўздан кечирилгандан кейин амалга оширилади.
22. Қайта улаш якуни бўйича икки нусхада далолатнома тузилади, унинг бир нусхаси истеъмолчига берилади.
4-боб. Истеъмолчиларни электр ва газ тармоқларига қайта улаш учун тўлов
24. Авария ҳолатида ёки истеъмолчининг аризасига асосан электр энергияси ва газ тармоқларидан узиб қўйилган, шунингдек, электр энергияси ва табиий газ истеъмолини назорат қилиш ва ҳисобга олишнинг автоматлаштирилган тизимларига уланган истеъмолчиларни электр ва газ тармоқларига қайта улаш учун тўлов ундирилмайди.
5-боб. Якунловчи қоида
25. Ушбу Низом талаблари бузилишида айбдор бўлган шахслар белгиланган тартибда жавоб беради.
Ўзбекистон Республикасининг Бош вазири А. АРИПОВ
Тошкент ш.,
2017 йил 10 июль,
484-сон
Oʻzbekiston Respublikasi Vazirlar Mahkamasining
qarori
nizom
Oʻzbekiston Respublikasi Bosh prokuraturasi huzuridagi Majburiy ijro byurosining elektr energiyasi va tabiiy gaz yetkazib beruvchilar bilan oʻzaro hamkorlik qilish hamda isteʼmolchilarni elektr energiyasi va gaz tarmoqlaridan uzib qoʻyish tartibi toʻgʻrisidagi nizomlarni tasdiqlash haqida
Oʻzbekiston Respublikasi Prezidentining “Oʻzbekiston Respublikasi Bosh prokuraturasi huzuridagi Majburiy ijro byurosi faoliyatini tashkil etish toʻgʻrisida” 2017-yil 30-maydagi PQ-3016-son qarorini bajarish yuzasidan Vazirlar Mahkamasi qaror qiladi:
1. Quyidagilar:
Isteʼmolchilarni elektr energiyasi va gaz tarmoqlaridan uzib qoʻyish tartibi toʻgʻrisidagi nizom 2-ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Vazirlar Mahkamasining 2017-yil 10-iyuldagi 484-son qaroriga 2-ILOVA
Isteʼmolchilarni elektr energiyasi va tabiiy gaz tarmoqlaridan uzib qoʻyish tartibi toʻgʻrisida
1-bob. Umumiy qoidalar
1. Ushbu Nizom shartnomaviy majburiyatlarni bajarmaganlik uchun, shuningdek ushbu Nizomda nazarda tutilgan boshqa holatlarda isteʼmolchilarni elektr va gaz tarmoqlaridan uzib qoʻyish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
isteʼmolchi — elektr va gaz taʼminoti shartnomasiga muvofiq elektr energiyasi va tabiiy gazdan ishlab chiqarish va (yoki) maishiy ehtiyojlar uchun foydalanadigan yuridik yoki jismoniy shaxs;
energiya resurslari yetkazib beruvchilar — “Hududiy elektr tarmoqlari” AJ, “Hududgaztaʼminot” AJ va ularning boʻlinmalari, shuningdek, isteʼmolchilarga elektr energiyasi va tabiiy gazni yetkazib berishni taʼminlovchi, ishonchli boshqaruv toʻgʻrisidagi shartnoma asosida faoliyat yurituvchi boshqa tashkilotlar.
3. Isteʼmolchilarni elektr va gaz tarmoqlaridan uzib qoʻyish quyidagi holatlarda amalga oshiriladi:
shartnoma majburiyatlari bajarilmaganda, shu jumladan, hisob-kitoblar oʻz vaqtida amalga oshirilmaganligi oqibatida foydalanilgan elektr energiyasi va tabiiy gaz uchun qarzdorlik mavjud boʻlganda;
Energiya resurslari yetkazib beruvchilar talabnomalari bajarilmaganda, shu jumladan, uning vakillariga elektr energiyasi va tabiiy gaz isteʼmolini hisobga olish priborlaridan koʻrsatkichlarni olish uchun ruxsat etilmaganda;
elektr va gaz tarmoqlariga noqonuniy ulanish, ularni talon-toroj qilish yoki ulardan foydalanish qoidalarini buzishning boshqa holatlari aniqlanganda;
elektr energiyasi va tabiiy gaz isteʼmolini hisobga olish priborlari qasddan buzilganda, koʻrsatkichlarni oʻzgartirish maqsadida ularga tashqaridan aralashilganda.
4. Isteʼmolchilarni elektr va gaz tarmoqlaridan uzib qoʻyish hamda ularni qayta ulash energiya resurslarini yetkazib beruvchilar tomonidan amalga oshiriladi.
8. Energiya resurslarini yetkazib beruvchilar mutaxassislari isteʼmolchilarni elektr va gaz tarmoqlaridan uzib qoʻyish hamda ularni qayta ulash ishlarini oʻtkazishda zarur xavfsizlik choralarini koʻrishlari shart.
9. Oʻzbekiston Respublikasi Vazirlar Mahkamasining 2004-yil 5-fevraldagi 57-son qaroriga 5-ilovada , shuningdek Oʻzbekiston Respublikasi Vazirlar Mahkamasining 2004-yil 1-noyabrdagi 511-son qarori bilan tasdiqlangan Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomning 18-bandida koʻrsatilgan korxonalar faqat sudning qarori boʻyicha uzib qoʻyilishi mumkin.
2-bob. Isteʼmolchilarni elektr va gaz tarmoqlaridan uzib qoʻyish tartibi
11. Isteʼmol qilingan elektr energiyasi va tabiiy gaz uchun qarzi mavjud boʻlgan isteʼmolchilarning roʻyxati energiya resurslari yetkazib beruvchilar tomonidan shakllantiriladi.
12. Energiya resurslari yetkazib beruvchilar isteʼmol qilingan elektr energiyasi va tabiiy gaz uchun qarzlari mavjud boʻlgan isteʼmolchilarning energiya resurslari yetkazib beruvchilar tomonidan shakllantirilgan va taqdim etilgan roʻyxatlari asosida isteʼmolchilarni qarzni besh kun muddatda toʻlash zarurligi toʻgʻrisida yozma xabardor qiladi.
13. Energiya resurslari yetkazib beruvchilar isteʼmolchilar xabardor qilingan paytdan boshlab besh kun muddat oʻtgandan keyin qarzlarni majburiy, shu jumladan qonun hujjatlarida belgilangan tartibda isteʼmolchilarni elektr va gaz tarmoqlaridan uzib qoʻyish yoʻli bilan undirish choralarini koʻradi.
14. Elektr energiyasi va tabiiy gazdan foydalanish qoidalarini buzish holatlari aniqlangan taqdirda, energiya resurslari yetkazib beruvchilar ularni elektr va gaz tarmoqlaridan guvohlar ishtirokida darhol uzib qoʻyish hamda foydalanish qoidalarini buzgan shaxslarni qonun hujjatlarida belgilangan javobgarlikka tortish choralarini koʻradi.
15. Elektr energiyasi va tabiiy gaz isteʼmolchilari uzib qoʻyiladigan elektr va gaz tarmoqlarining nuqtalari energiya resurslari yetkazib beruvchilar xodimlari tomonidan nazorat tartibida majburiy plombalanishi shart.
16. Energiya resurslari yetkazib beruvchilar tomonidan isteʼmolchi elektr va gaz tarmoqlaridan uzib qoʻyilganda, tarmoqdan uzib qoʻyish haqida ikki nusxada dalolatnoma rasmiylashtiriladi, uning bir nusxasi isteʼmolchiga beriladi.
17. Isteʼmolchi dalolatnomani imzolashdan bosh tortgan taqdirda dalolatnomaga bu haqda tegishli yozuv kiritiladi. Bosh tortish ikki nafar guvoh yoki fuqarolarning oʻzini oʻzi boshqarish organi vakili tomonidan tasdiqlanishi lozim. Bunda isteʼmolchi dalolatnomada uning mazmuni boʻyicha tushuntirish va eʼtirozlarni, shuningdek imzolashdan bosh tortish sabablarini bayon etish huquqiga ega.
18. Elektr va gaz tarmoqlaridan uzib qoʻyilgan isteʼmolchilar haqidagi maʼlumotlar energiya resurslari yetkazib beruvchilar xodimi tomonidan elektron maʼlumotlar tizimiga kiritiladi.
3-bob. Isteʼmolchilarni elektr va gaz tarmoqlariga qayta ulash tartibi
19. Isteʼmolchilar quyidagi hollarda elektr va gaz tarmoqlariga qayta ulanadi:
elektr energiyasi va tabiiy gazdan foydalanishda yoʻl qoʻyilgan qoidabuzarliklar bartaraf etilganda;
isteʼmol qilingan elektr energiyasi va tabiiy gaz uchun qarzlar toʻlanganda;
elektr va gaz tarmoqlariga qayta ulanish uchun ushbu Nizomning 23-bandida belgilangan miqdordagi summa toʻlanganda.
20. Isteʼmolchilar energiya resurslari yetkazib beruvchilarga, jumladan, axborot-kommunikatsiya texnologiyalaridan foydalanish orqali murojaat qilganda elektr va gaz tarmoqlariga qayta ulanadi.
Isteʼmolchilar elektr va gaz tarmoqlariga aniqlangan qoidabuzarliklar bartaraf etilgandan keyingi kundan kechiktirmay energiya resurslari yetkazib beruvchilar tomonidan qayta ulanadi.
21. Elektr energiyasi va tabiiy gaz xizmatlaridan foydalanish qoidalari buzilganligi uchun isteʼmolchilar tarmoqdan uzilganda, ularni tarmoqqa qayta ulash energiya resurslari yetkazib beruvchilar tomonidan elektr energiyasi va tabiiy gaz xizmatlaridan foydalanish qoidalarini buzish sabablari hamda sharoitlari bartaraf etilganligi nuqtai nazaridan isteʼmolchilarning binolari koʻzdan kechirilgandan keyin amalga oshiriladi.
22. Qayta ulash yakuni boʻyicha ikki nusxada dalolatnoma tuziladi, uning bir nusxasi isteʼmolchiga beriladi.
4-bob. Isteʼmolchilarni elektr va gaz tarmoqlariga qayta ulash uchun toʻlov
24. Avariya holatida yoki isteʼmolchining arizasiga asosan elektr energiyasi va gaz tarmoqlaridan uzib qoʻyilgan, shuningdek, elektr energiyasi va tabiiy gaz isteʼmolini nazorat qilish va hisobga olishning avtomatlashtirilgan tizimlariga ulangan isteʼmolchilarni elektr va gaz tarmoqlariga qayta ulash uchun toʻlov undirilmaydi.
5-bob. Yakunlovchi qoida
25. Ushbu Nizom talablari buzilishida aybdor boʻlgan shaxslar belgilangan tartibda javob beradi.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 10-iyul,
484-son
Кабинета Министров Республики Узбекистан
Постановление
Положение
Об утверждении положений о порядке взаимодействия Бюро принудительного исполнения при Генеральной прокуратуре Республики Узбекистан с поставщиками электрической энергии и природного газа и о порядке отключения потребителей от электрических и газовых сетей
Во исполнение постановления Президента Республики Узбекистан от 30 мая 2017 года № ПП-3016 «Об организации деятельности Бюро принудительного исполнения при Генеральной прокуратуре Республики Узбекистан» Кабинет Министров постановляет:
1. Утвердить:
Положение о порядке отключения потребителей от электрических и газовых сетей согласно приложению № 2 .
2. Контроль за исполнением настоящего постановления возложить на заместителя Премьер-министра Республики Узбекистан Г.И. Ибрагимова
ПРИЛОЖЕНИЕ № 2 к постановлению Кабинета Министров от 10 июля 2017 года № 484
о порядке отключения потребителей от электрических и газовых сетей
Глава 1. Общие положения
1. Настоящее Положение определяет порядок отключения потребителей от электрических и газовых сетей за невыполнение договорных обязательств неисполнение, а также в иных случаях, предусмотренных настоящим Положением.
2. В настоящем Положении используются следующие основные понятия:
потребитель — юридическое или физическое лицо, использующее электрическую энергию и природный газ для производственных и (или) бытовых нужд в соответствии с договором электро- и газоснабжения;
поставщики энергоресурсов — АО «Региональные электрические сети», АО «Ҳудудгазтаъминот» и их подразделения, а также другие организации, действующие на основании договора о доверительном управлении, обеспечивающие поставку электрической энергии и природного газа потребителям.
3. Отключение потребителей от электрических и газовых сетей производится в случаях:
невыполнения договорных обязательств, в том числе при наличии задолженности за потребленные электрическую энергию и природный газ в результате несвоевременного осуществления расчетов;
При невыполнении требований поставщиков энергоресурсов, в том числе при недопуске его представителей к снятию показаний с приборов учета потребления электроэнергии и природного газа;
выявления фактов хищений, незаконных подключений к электрическим и газовым сетям или иных нарушений правил пользования электрической энергией и природным газом;
умышленной порчи приборов учета потребления электрической энергии и природного газа, вмешательства в них извне с целью изменения показателей.
4. Отключение потребителей от электрических и газовых сетей и их повторное подключение осуществляется поставщиками энергоресурсов.
8. Специалисты поставщиков энергоресурсов обязаны принимать необходимые меры безопасности при проведении работ по отключению потребителей от электрических и газовых сетей и их повторному подключению.
9. Предприятия, указанные в приложении № 5 к постановлению Кабинета Министров Республики Узбекистан от 5 февраля 2004 г. № 57, а также в пункте 18 Положения о порядке взаиморасчетов между потребителями электрической энергии и предприятиями территориальных электрических сетей, утвержденного постановлением Кабинета Министров от 1 ноября 2004 г. № 511, могут быть отключены только по решению суда.
Глава 2. Порядок отключения потребителей от электрических и газовых сетей
11. Перечень потребителей, имеющих задолженность за потребленную электроэнергию и природный газ, формируется поставщиками энергоресурсов.
12. Поставщики энергоресурсов на основании сформированных и представленных поставщиками энергоресурсов списков потребителей, имеющих задолженность за потребленные электрическую энергию и природный газ, извещает потребителей о необходимости погашения задолженности в пятидневный срок.
13. Поставщики энергоресурсов по истечении пятидневного срока с момента извещения потребителей принимает меры по принудительному взысканию задолженности, в том числе посредством отключения потребителей от электрических и газовых сетей в установленном законодательством порядке.
14. В случае выявления нарушений правил пользования электрической энергией и природным газом поставщики энергоресурсов принимают меры к их немедленному отключению от электро-и газовых сетей в присутствии свидетелей и привлечению лиц, нарушивших правила пользования, к установленной законодательством ответственности.
15. Точки электрических и газовых сетей, от которых производится отключение потребителей электрической энергии и природного газа, подлежат обязательному контрольному опломбированию работниками поставщиков энергоресурсов.
16. При отключении потребителя от электрических и газовых сетей поставщиками энергоресурсов составляется акт отключения от сети в двух экземплярах, один экземпляр которого выдается потребителю.
17. В случае отказа потребителя от подписания акта в акте делается соответствующая запись. Отказ от подписания акта должен быть удостоверен двумя свидетелями либо представителем органа самоуправления граждан. При этом потребитель имеет право изложить в акте свои объяснения и замечания, а также мотивы своего отказа от подписания.
18. Информация о потребителях, отключенных от электрических и газовых сетей, вводится в электронную информационную систему работником поставщиков энергоресурсов.
Глава 3. Порядок повторного подключения потребителей к электрическим и газовым сетям
19. Повторное подключение потребителей к электрическим и газовым сетям осуществляется при условии:
устранения допущенных нарушений правил пользования электрической энергией и природным газом;
погашения задолженности за потребленные электрическую энергию и природный газ;
оплаты стоимости повторного подключения к электрическим и газовым сетям в размерах, указанных в пункте 23 настоящего Положения.
20. Когда потребители обращаются к поставщикам энергоресурсов, в том числе с помощью информационно-коммуникационных технологий, они повторно подключаются к электрическим и газовым сетям.
Потребители подключаются к электрическим и газовым сетям поставщиками энергоресурсов не позднее следующего дня после устранения выявленных нарушений.
21. При отключении потребителей от сети за нарушение правил пользования услугами по электроснабжению и природному газу их повторное подключение к сети производится поставщиками энергоресурсов после осмотра помещений потребителей с точки зрения устранения причин и условий нарушения правил пользования услугами по электроснабжению и природному газу.
22. По итогам повторного подключения составляется акт в двух экземплярах, один экземпляр которого вручается потребителю.
Глава 4. Плата за повторное подключение к электрическим и газовым сетям
24. Плата за повторное подключение к электрическим и газовым сетям потребителей, отключенных от электрических и газовых сетей в случае аварии или по заявлению потребителя, а также подключенных к автоматизированным системам контроля и учета потребления электроэнергии и природного газа, не взимается.
Глава 5. Заключительное положение
25. Лица, виновные в нарушении требований настоящего Положения, несут ответственность в установленном порядке.
Премьер-министр Республики Узбекистан А. АРИПОВ
г. Ташкент,
10 июля 2017 г.,
№ 484