📅 2017-yil 10-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 10 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 июля 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 10 July 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Меҳнат органлари фаолиятини ташкил этишни такомиллаштириш чора-тадбирлари тўғрисида
Ўзбекистон Республикаси Президентининг «Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида» 2017 йил 24 майдаги ПФ-5052-сон Фармонини ҳамда Ўзбекистон Республикаси Президентининг «Ўзбекистон Республикаси Бандлик ва меҳнат муносабатлари вазирлиги фаолиятини ташкил этиш чора-тадбирлари тўғрисида» 2017 йил 24 майдаги ПҚ-3001-сон қарорини бажариш юзасидан, шунингдек меҳнат органлари фаолиятини янада такомиллаштириш мақсадида Вазирлар Маҳкамаси қарор қилади:
2. Ўзбекистон Республикаси Камбағалликни қисқартириш ва бандлик вазирлиги марказий аппарати, Қорақалпоғистон Республикаси Камбағалликни қисқартириш ва бандлик вазирлиги, вилоятлар ва Тошкент шаҳри камбағалликни қисқартириш ва бандлик бошқармалари ходимларига меҳнат органлари тизимида узоқ муддат ишлаганлик учун ҳар йилги бир йўла тўланадиган мукофот белгилансин.
Белгилаб қўйилсинки, узоқ муддат ишлаганлик учун ҳар йилги бир йўла тўланадиган мукофотни бериш йил мобайнидаги иш якунларига кўра, Ходимлар меҳнатини рағбатлантириш ва меҳнат органларининг моддий-техника базасини мустаҳкамлаш жамғармаси маблағлари ҳисобидан амалга оширилади.
3. Ўзбекистон Республикаси Миллий статистика қўмитаси Ўзбекистон Республикаси Камбағалликни қисқартириш ва бандлик вазирлигига унинг ваколатига кирадиган масалалар юзасидан зарур статистик маълумотларни бепул тақдим этилишини таъминласин.
4. Ўзбекистон Республикаси Бандлик ва меҳнат муносабатлари вазирлиги Вазирлик ҳайъатининг сони ва таркибий рўйхатини икки ҳафта муддатда Ўзбекистон Республикаси Вазирлар Маҳкамасига тасдиқлаш учун киритсин.
5. Вазирлар Маҳкамасининг «Меҳнат органлари фаолиятини ташкил этишни такомиллаштириш чора-тадбирлари тўғрисида» 2016 йил 20 апрелдаги 117-сон қарори (Ўзбекистон Республикаси ҚТ, 2016 й., 4-сон, 26-модда) ўз кучини йўқотган деб ҳисоблансин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 10 июль,
482-сон
Oʻzbekiston Respublikasi Vazirlar Mahkamasining
qarori
Mehnat organlari faoliyatini tashkil etishni takomillashtirish chora-tadbirlari toʻgʻrisida
Oʻzbekiston Respublikasi Prezidentining “Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari toʻgʻrisida” 2017-yil 24-maydagi PF-5052-son Farmonini hamda Oʻzbekiston Respublikasi Prezidentining “Oʻzbekiston Respublikasi Bandlik va mehnat munosabatlari vazirligi faoliyatini tashkil etish chora-tadbirlari toʻgʻrisida” 2017-yil 24-maydagi PQ-3001-son qarorini bajarish yuzasidan, shuningdek mehnat organlari faoliyatini yanada takomillashtirish maqsadida Vazirlar Mahkamasi qaror qiladi:
2. Oʻzbekiston Respublikasi Kambagʻallikni qisqartirish va bandlik vazirligi markaziy apparati, Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahri kambagʻallikni qisqartirish va bandlik boshqarmalari xodimlariga mehnat organlari tizimida uzoq muddat ishlaganlik uchun har yilgi bir yoʻla toʻlanadigan mukofot belgilansin.
Belgilab qoʻyilsinki, uzoq muddat ishlaganlik uchun har yilgi bir yoʻla toʻlanadigan mukofotni berish yil mobaynidagi ish yakunlariga koʻra, Xodimlar mehnatini ragʻbatlantirish va mehnat organlarining moddiy-texnika bazasini mustahkamlash jamgʻarmasi mablagʻlari hisobidan amalga oshiriladi.
3. Oʻzbekiston Respublikasi Milliy statistika qoʻmitasi Oʻzbekiston Respublikasi Kambagʻallikni qisqartirish va bandlik vazirligiga uning vakolatiga kiradigan masalalar yuzasidan zarur statistik maʼlumotlarni bepul taqdim etilishini taʼminlasin.
4. Oʻzbekiston Respublikasi Bandlik va mehnat munosabatlari vazirligi Vazirlik hayʼatining soni va tarkibiy roʻyxatini ikki hafta muddatda Oʻzbekiston Respublikasi Vazirlar Mahkamasiga tasdiqlash uchun kiritsin.
5. Vazirlar Mahkamasining “Mehnat organlari faoliyatini tashkil etishni takomillashtirish chora-tadbirlari toʻgʻrisida” 2016-yil 20-apreldagi 117-son qarori (Oʻzbekiston Respublikasi QT, 2016-y., 4-son, 26-modda) oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 10-iyul,
482-son
Кабинета Министров Республики Узбекистан
Постановление
О мерах по совершенствованию организации деятельности органов по труду
Во исполнение Указа Президента Республики Узбекистан от 24 мая 2017 года № УП-5052 «О мерах по дальнейшему совершенствованию государственной политики в сфере занятости и коренному повышению эффективности деятельности органов по труду» и постановления Президента Республики Узбекистан от 24 мая 2017 года № ПП-3001 «О мерах по организации деятельности Министерства занятости и трудовых отношений Республики Узбекистан», а также в целях дальнейшего совершенствования деятельности органов по труду Кабинет Министров постановляет:
2. Сотрудникам центрального аппарата Министерства по сокращению бедности и занятости Республики Узбекистан, Министерства по сокращению бедности и занятости Республики Каракалпакстан, управлений по сокращению бедности и занятости областей и города Ташкента устанавливается единовременная ежегодная премия за длительную работу в системе органов труда.
Определить, что выплата единовременного ежегодного вознаграждения за выслугу лет производится по итогам работы за год за счет средств Фонда стимулирования труда работников и укрепления материально-технической базы органов по труду.
3. Национальному комитету Республики Узбекистан по статистике предоставлять Министерству по сокращению бедности и занятости Республики Узбекистан необходимую статистическую информацию на бесплатной основе по вопросам, входящим в его компетенцию.
4. Министерству занятости и трудовых отношений в двухнедельный срок внести на утверждение в Кабинет Министров Республики Узбекистан численный и персональный состав членов Коллегии Министерства.
5. Признать утратившим силу постановление Кабинета Министров от 20 апреля 2016 г. № 117 «О мерах по совершенствованию организации деятельности органов по труду» (СП Республики Узбекистан 2016 г., № 4, ст. 26).
6. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Премьер-министр Республики Узбекистан А. АРИПОВ
г. Ташкент,
10 июля 2017 г.,
№ 482