📅 2017-yil 11-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 11 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 июля 2017 г. · Постановления Президента
Официальный текст. Официальный документ. Редакционные примечания не включены.
📅 11 July 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Йўл ҳаракати хавфсизлигини таъминлаш тизимини янада такомиллаштириш чора-тадбирлари тўғрисида
[Кўчирма]
Ўзбекистон Республикаси Президентининг 2017 йил 10 апрелдаги ПФ-5005-сонли «Ички ишлар органларининг фаолияти самарадорлигини тубдан ошириш, жамоат тартибини, фуқаролар ҳуқуқлари, эркинликлари ва қонуний манфаатларини ишончли ҳимоя қилишни таъминлашда уларнинг масъулиятини кучайтириш чора-тадбирлари тўғрисида»ги Фармонига мувофиқ, шунингдек йўл ҳаракати хавфсизлигини таъминлаш тизимини янада такомиллаштириш мақсадида:
1. Йўл ҳаракати хавфсизлигини таъминлашнинг қуйидаги асосий йўналишларини амалга ошириш Ўзбекистон Республикаси Ички ишлар вазирлиги ва унинг ҳудудий бўлинмаларининг энг муҳим вазифаси деб ҳисоблансин:
биринчидан — йўл ҳаракати хавфсизлиги республика, ўрта ва қуйи бўлинмалари фаолиятини ташкил этишнинг сифат жиҳатидан янги тартибини ўрнатиш, бунда уларнинг асосий вазифалари ва функциялари, раҳбарлар ва ходимларнинг ўзига юклатилган вазифаларни бажариши учун шахсий жавобгарлиги аниқ белгиланиши ва тақсимланишини назарда тутиш;
иккинчидан — йўлларда, айниқса Тошкент шаҳрида йўл-транспорт ҳодисаларининг содир этилиши ва тирбандликнинг ҳосил бўлишига имкон берувчи сабаб ва шарт-шароитларни тизимли равишда комплекс таҳлил қилиш ва бартараф этиш асосида йўл ҳаракати қоидалари бузилиши профилактикаси, йўл-транспорт ҳодисалари ва йўллар бандлигининг олдини олиш тизимини такомиллаштириш;
учинчидан — ҳуқуқбузарликларни ўз вақтида аниқлаш ва уларга чек қўйишнинг, назоратнинг юқори самарадорлигини таъминловчи йўл ҳаракатини автоматлаштирилган тарзда тартибга солиш, видеокузатув ва йўл ҳаракати қоидалари бузилишини қайд этиш тизимларини, бошқа техник воситаларни, аввало вилоят марказларида янада кенгайтириш;
тўртинчидан — йўлларни сақлаш ва уларни йўл белгилари, ахборот кўрсатгичлари, йўл ҳаракатини тартибга солишнинг бошқа техник воситалари билан жиҳозлаш бўйича ўрнатилган талабларга сўзсиз риоя этилишини таъминлаш;
бешинчидан — фуқаролар орасида йўл ҳаракати иштирокчиларининг йўл ҳаракати қоидаларига риоя қилиш маданиятини оширишга қаратилган самарали тушунтириш ишлари тизимини, шу жумладан аҳоли орасида тарғибот-ташвиқот ишларининг шакл ва усулларини кенгайтириш ҳамда такомиллаштириш орқали ривожлантириш;
олтинчидан — йўл ҳаракати иштирокчиларининг ҳуқуқларига сўзсиз риоя этилишини, уларнинг шаъни ва қадр-қиммати ҳурмат қилинишини, хизматни ўташ вақтида муомала маданияти ва одоб-ахлоқ қоидаларига қатъий амал қилинишини таъминлаш;
еттинчидан — йўл-патрул хизмати ходимларининг хизмат вазифаларини лозим даражада бажариши устидан назоратни коррупция ва ваколатини суиистеъмол қилиш ҳолатларини истисно этадиган тарзда кучайтириш, шунингдек кадрларни танлаш, уларни касбий тайёрлаш ва қайта тайёрлашнинг таъсирчан механизмини жорий этиш;
саккизинчидан — давлат хизматларини кўрсатишнинг соддалаштирилган тартиб-таомилларини назарда тутувчи ҳамда маъмурий ҳуқуқбузарликлар тўғрисидаги ишларни кўриб чиқишнинг шаффофлигини таъминловчи замонавий ахборот-коммуникация технологияларини кенг қўллаш.
2. Ўзбекистон Республикаси Ички ишлар вазирлиги ва Автомобиль йўллари давлат қўмитасининг «Uzavtoyoʻlbelgi» давлат унитар корхонасини ташкил этиш (кейинги ўринларда — «Uzavtoyoʻlbelgi» ДУК) ҳамда стандартлаштириш бўйича норматив ҳужжатлар талабларига мувофиқ умумий фойдаланишдаги автомобиль йўллари ва хўжаликлараро қишлоқ автомобиль йўллари учун йўл белгилари, ахборот кўрсатгичлари, йўл ҳаракатини тартибга солишнинг бошқа техник воситаларини ишлаб чиқаришни унинг асосий вазифаси этиб белгилаш ҳақидаги таклифи маъқуллансин.
3. Қайд этилсинки, Ўзбекистон Республикаси Президентининг 2017 йил 14 февралдаги ПҚ-2776-сонли «Ўзбекистон Республикаси Автомобиль йўллари давлат қўмитаси ва Ўзбекистон Республикаси Вазирлар Маҳкамаси ҳузуридаги Республика йўл жамғармаси фаолиятларини ташкил этиш тўғрисида»ги қарорига асосан умумий фойдаланишдаги автомобиль йўллари ва хўжаликлараро қишлоқ автомобиль йўлларини, шаҳарлар ва бошқа аҳоли пунктлари кўчаларини қуриш, реконструкция қилиш ва таъмирлаш Ўзбекистон Республикаси Автомобиль йўллари давлат қўмитасининг пудратчи ташкилотлари томонидан амалга оширилади.
Белгилансинки:
республикада йўл белгилари, ахборот кўрсаткичлари, йўл ҳаракатини тартибга солишнинг бошқа техник воситаларини ишлаб чиқариш рақобат тўғрисидаги қонунчилик ҳужжатларига тўлиқ риоя қилган ҳолда тадбиркорлик субъектлари томонидан амалга оширилади;
«Uzavtoyoʻlbelgi» ДУКнинг таъсисчиси Ўзбекистон Республикаси Автомобиль йўллари давлат қўмитаси ҳисобланади.
4. «Uzavtoyoʻlbelgi» ДУКга, истисно тариқасида, Ўзбекистон Республикаси Вазирлар Маҳкамаси билан келишилган ҳолда маҳаллий ва хорижий ташкилотлар билан мазкур қарорга асосан маҳсулот сотиб олиш ва етказиб бериш ҳамда хизматлар кўрсатиш тўғрисидаги шартномаларни танлов (тендер) савдоларини ўтказмасдан тузишга рухсат берилсин.
5. Ўзбекистон Республикаси Иқтисодиёт вазирлиги, «Ўзметкомбинат» АЖ ва «Ўзқурилишматериаллари» АЖ «Uzavtoyoʻlbelgi» ДУКнинг асосланган ҳисоб-китобларига биноан йўл белгилари, ахборот кўрсатгичлари, йўл ҳаракатини тартибга солишнинг бошқа техник воситаларини, шунингдек уларни мустаҳкамлаш учун ўрнатиш конструкцияларини ишлаб чиқариш учун тартибга солинадиган нархлар бўйича тўғридан-тўғри шартномалар орқали металл прокати ва цемент ажратилишини таъминласин.
6. Ўзбекистон Республикаси Марказий банкига тижорат банклари билан биргаликда «Uzavtoyoʻlbelgi» ДУКнинг асосланган буюртманомалари бўйича асбоб-ускуналар, бутловчи буюмлар, эҳтиёт қисмлар, материаллар, жиҳозлар, хом ашё, технологик ҳужжатлар, техника, дастурий маҳсулотлар ва бошқа воситаларни сотиб олиш учун зарур бўлган пул маблағларини конвертация қилиш тавсия этилсин.
7. Ўзбекистон Республикаси Автомобиль йўллари давлат қўмитаси:
икки ой муддатда «Uzavtoyoʻlbelgi» ДУК фаолиятини ташкил этиш тартибини белгиловчи Ҳукумат қарори лойиҳасини Ўзбекистон Республикаси Вазирлар Маҳкамасига киритсин;
икки ой муддатда Ўзбекистон Республикаси Ички ишлар вазирлиги билан биргаликда Ўрнатилган йўл белгиларини хатловдан ўтказиш, уларни босқичма-босқич замонавий юқори интенсив (нур қайтарувчи) қопламали йўл белгилари билан алмаштириш, шунингдек узоқ муддат фойдаланиладиган барқарор йўл чизиқларини чизиш учун махсус техника ва асбоб-ускуналар сотиб олиш бўйича чора-тадбирлар дастурини ишлаб чиқсин ва Ўзбекистон Республикаси Вазирлар Маҳкамасига киритсин;
уч ой муддатда халқаро ва давлат аҳамиятига молик йўллар учун 900 мм, бошқа йўллар учун — 700 мм ўлчамдаги металл корпусли ва юқори интенсив (нур қайтарувчи) қопламали йўл белгиларини ишлаб чиқариш, шунингдек яқин жойлашган объектлар хусусиятлари ва қатнов қисмининг узоқлигини инобатга олган ҳолда уларнинг аниқ кўриниши учун шароит яратиш имкониятини берувчи конструкцияларга мустаҳкамлашни назарда тутган ҳолда йўл ҳаракати соҳасида стандартлаштириш бўйича янгиланган норматив ҳужжатлар тасдиқласин.
8. Махсус эксплуатация-монтаж бошқармаси қошидаги «Uzavtomotobelgi» шуъба корхонаси «Uzavtomotobelgi» давлат унитар корхонасига (кейинги ўринларда — «Uzavtomotobelgi» ДУК) ўзгартирилсин.
Белгилансинки:
Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати «Uzavtomotobelgi» ДУКнинг таъсисчиси ҳисобланади;
«Uzavtomotobelgi» ДУК «Uzavtomotobelgi» шуъба корхонасининг шартномалари ва мажбуриятлари бўйича ҳуқуқий вориси ҳисобланади.
Ўзбекистон Республикаси Ички ишлар вазирлиги икки ой муддатда белгиланган тартибда «Uzavtomotobelgi» ДУКнинг тузилмаси ва уставини тасдиқласин.
12. 2017 йил 1 сентябрдан эътиборан автотранспорт воситалари учун харидоргир ҳарф ва рақамлар комбинациясига эга бўлган давлат рўйхат рақамларини оширилган тўлов ставкалари бўйича, шу жумладан кимошди савдосини ўтказиш йўли билан танлаш тартиби жорий этилсин.
13. 2018 йил 1 январдан эътиборан автотранспорт воситасидан фойдаланиш ва (ёки) уни тасарруф этиш ҳуқуқи учун ишончномаларни, автотранспорт воситасининг ижара, текин фойдаланиш, гаров, лизинг шартномаларини фуқаролар томонидан ички ишлар органларининг тегишли йўл ҳаракати хавфсизлиги бўлинмаларида ҳисобга қўйиш тўғрисидаги талаб нотариуслар томонидан уларнинг электрон шаклини жўнатиш тартибини ўрнатган ҳолда бекор қилинсин.
14. Ўзбекистон Республикаси Ички ишлар вазирлигининг:
Тошкент шаҳрида компьютерлаштирилган тизимни кенгайтириш, шунингдек уни Нукус шаҳри ва вилоят марказларида жорий қилиш орқали йўл ҳаракати хавфсизлигини бошқаришнинг ягона марказлаштирилган ахборот-компьютер тизимини яратиш;
ҳуқуқбузарликларни ўз вақтида аниқлаш ва уларга чек қўйиш, автомобиль ҳаракати устидан самарали назоратни таъминлаш мақсадида йўл-патрул хизмати стационар постларини мақбуллаштириш, уларни белгиланган намунавий схема бўйича босқичма-босқич реконструкция ва модернизация қилиш, моддий-техник жиҳозлаш;
2018 йил 1 январдан эътиборан йўл ҳаракати хавфсизлиги бўлинмаларининг жисмоний шахсларга тегишли енгил автотранспорт воситаларини, юк, йўловчи ва махсус транспорт воситалари бундан мустасно, мажбурий техник кўрикдан ўтказиш бўйича функцияларини юридик шахслар — тадбиркорлик субъектларига босқичма-босқич улар кўрсатадиган хизматлар учун қатъий нархлар ҳамда ички ишлар органлари билан ўзаро ҳамкорликка оид талабларни ўрнатган ҳолда ўтказиш;
йўл-патрул хизмати махсус асбоб-ускуналари ва автомобиль техникасини узлуксиз янгилаб бориш учун ҳар йили 55 та белгиланган тартибда жиҳозланган автотранспорт воситалари, 600 та жезл, 500 та радиостанция ва бошқа воситаларни харид қилиш ҳақидаги таклифлари маъқуллансин.
15. Тошкент шаҳрида, Самарқанд ва Хоразм вилоятларида тажриба тариқасида йўл-патрул хизмати мотоциклдаги гуруҳлари тузилсин ва уларга йўллар ва кўчаларнинг ҳаракатланиш қийин бўлган қатнов қисмларида, одамлар гавжум жойларда, шунингдек хорижий ва бошқа делегацияларни кузатишда йўл ҳаракати хавфсизлигини таъминлаш бўйича вазифалар юклатилсин.
16. Ўзбекистон Республикаси Вазирлар Маҳкамаси:
бир ой муддатда автотранспорт воситалари учун харидоргир ҳарф ва рақамлар комбинациясига эга бўлган давлат рўйхат рақамларини оширилган тўлов ставкалари бўйича, шу жумладан кимошди савдосини ўтказиш йўли билан танлаш тартибини тасдиқласин;
2017 йил 1 октябрга қадар Йўл ҳаракати хавфсизлигини бошқаришнинг ягона марказлаштирилган ахборот-компьютер тизимини жорий қилиш, шунингдек йўл-патрул хизмати стационар постлари сонини ва жойлашувини мақбуллаштиришни инобатга олган ҳолда уларни белгиланган намунавий схема бўйича босқичма-босқич реконструкция ва модернизация қилиш, моддий-техник жиҳозлаш бўйича чора-тадбирлар дастурларини тасдиқласин;
2017 йил 1 декабрга қадар мазкур қарор талабларини инобатга олган ҳолда юридик шахслар — тадбиркорлик субъектлари томонидан жисмоний шахсларга тегишли енгил автотранспорт воситаларини мажбурий техник кўрикдан ўтказиш тартибини белгиласин.
17. Ўзбекистон Республикаси Ички ишлар вазирлиги:
Тошкент шаҳар, Самарқанд ва Хоразм вилоятларида мотоциклда йўл-патрул хизматини ўташни ташкил этиш, ходимларни мотоциклни бошқаришга ўргатиш чораларини кўрсин ва 2018 йил 1 октябрга қадар тажриба натижаларини таҳлил қилган ҳолда йўл-патрул хизматининг мазкур турини мамлакатнинг бошқа ҳудудларида жорий этиш бўйича таклифлар киритсин;
уч ой муддатда йўл-патрул хизмати махсус автотранспорт воситаларини аудио ва видео қайд этиш қурилмалари, шунингдек уларнинг ходимларини мобил видеокамералар билан босқичма-босқич жиҳозлаш тўғрисидаги таклифларни Ўзбекистон Республикаси Вазирлар Маҳкамасига киритсин;
Ўзбекистон Республикаси Ахборот технологиялари ва коммуникацияларини ривожлантириш вазирлиги, Адлия вазирлиги билан биргаликда йўл ҳаракати соҳасида маъмурий ҳуқуқбузарликлар тўғрисидаги ишларни кўриб чиқиш ва расмийлаштириш, тегишли нотариал ҳаракатларни ҳисобга олиш, автотранспорт воситаларининг техник кўрикдан ўтишини назорат қилиш, шунингдек йўл ҳаракати хавфсизлиги бўлинмалари томонидан давлат хизматларини кўрсатиш тартиб-таомилларини соддалаштиришни таъминловчи электрон тизим ишлаб чиқсин ва 2018 йил 1 январдан бошлаб жорий этсин;
Ўзбекистон Республикаси Олий ва ўрта махсус таълим вазирлиги, бошқа манфаатдор вазирлик ва идоралар билан биргаликда 2017 йил 1 декабрга қадар автотранспорт воситалари ҳайдовчиларини тайёрлаш ва қайта тайёрлаш тизимини, шу жумладан ўқув жараёни самарадорлигини ошириш ва ўқитишнинг замонавий усулларини жорий қилишни назарда тутган ҳолда, янада такомиллаштириш бўйича таклифларни Ўзбекистон Республикаси Вазирлар Маҳкамасига киритсин.
18. «Ўзэлтехсаноат» АК икки ой муддатда маҳаллий хом ашё ва материаллардан фойдаланиш ва бутловчи қисмларни ишлаб чиқаришни маҳаллийлаштириш ҳисобига маҳсулот таннархини туширган ҳолда махсус жиҳозланган автотранспорт воситалари учун юқори сифатли ишорали овоз кучайтиргич мосламалар ишлаб чиқариш бўйича таклифларни Ўзбекистон Республикаси Вазирлар Маҳкамасига киритсин.
19. Белгилансинки, мазкур қарорда назарда тутилган чора-тадбирларни амалга ошириш билан боғлиқ харажатлар Ўзбекистон Республикаси Ички ишлар вазирлигининг асосланган ҳисоб-китобларига кўра Ўзбекистон Республикаси Молия вазирлиги томонидан ажратиладиган бюджет маблағлари, Ўзбекистон Республикаси Ички ишлар вазирлигининг бюджетдан ташқари маблағлари, хорижий давлатлар давлат кредитлари ва халқаро молия ташкилотлари маблағлари, шунингдек қонунчиликда тақиқланмаган бошқа манбалар ҳисобидан амалга оширилади.
20. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов ҳамда Ўзбекистон Республикаси Президентининг Давлат маслаҳатчиси О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 11 июль,
ПҚ-3127-сон
Oʻzbekiston Respublikasi Prezidentining
Qarori
Yoʻl harakati xavfsizligini taʼminlash tizimini yanada takomillashtirish chora-tadbirlari toʻgʻrisida
[Koʻchirma]
Oʻzbekiston Respublikasi Prezidentining 2017-yil 10-apreldagi PF-5005-sonli “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni taʼminlashda ularning masʼuliyatini kuchaytirish chora-tadbirlari toʻgʻrisida”gi Farmoniga muvofiq, shuningdek yoʻl harakati xavfsizligini taʼminlash tizimini yanada takomillashtirish maqsadida:
1. Yoʻl harakati xavfsizligini taʼminlashning quyidagi asosiy yoʻnalishlarini amalga oshirish Oʻzbekiston Respublikasi Ichki ishlar vazirligi va uning hududiy boʻlinmalarining eng muhim vazifasi deb hisoblansin:
birinchidan — yoʻl harakati xavfsizligi respublika, oʻrta va quyi boʻlinmalari faoliyatini tashkil etishning sifat jihatidan yangi tartibini oʻrnatish, bunda ularning asosiy vazifalari va funksiyalari, rahbarlar va xodimlarning oʻziga yuklatilgan vazifalarni bajarishi uchun shaxsiy javobgarligi aniq belgilanishi va taqsimlanishini nazarda tutish;
ikkinchidan — yoʻllarda, ayniqsa Toshkent shahrida yoʻl-transport hodisalarining sodir etilishi va tirbandlikning hosil boʻlishiga imkon beruvchi sabab va shart-sharoitlarni tizimli ravishda kompleks tahlil qilish va bartaraf etish asosida yoʻl harakati qoidalari buzilishi profilaktikasi, yoʻl-transport hodisalari va yoʻllar bandligining oldini olish tizimini takomillashtirish;
uchinchidan — huquqbuzarliklarni oʻz vaqtida aniqlash va ularga chek qoʻyishning, nazoratning yuqori samaradorligini taʼminlovchi yoʻl harakatini avtomatlashtirilgan tarzda tartibga solish, videokuzatuv va yoʻl harakati qoidalari buzilishini qayd etish tizimlarini, boshqa texnik vositalarni, avvalo viloyat markazlarida yanada kengaytirish;
toʻrtinchidan — yoʻllarni saqlash va ularni yoʻl belgilari, axborot koʻrsatgichlari, yoʻl harakatini tartibga solishning boshqa texnik vositalari bilan jihozlash boʻyicha oʻrnatilgan talablarga soʻzsiz rioya etilishini taʼminlash;
beshinchidan — fuqarolar orasida yoʻl harakati ishtirokchilarining yoʻl harakati qoidalariga rioya qilish madaniyatini oshirishga qaratilgan samarali tushuntirish ishlari tizimini, shu jumladan aholi orasida targʻibot-tashviqot ishlarining shakl va usullarini kengaytirish hamda takomillashtirish orqali rivojlantirish;
oltinchidan — yoʻl harakati ishtirokchilarining huquqlariga soʻzsiz rioya etilishini, ularning shaʼni va qadr-qimmati hurmat qilinishini, xizmatni oʻtash vaqtida muomala madaniyati va odob-axloq qoidalariga qatʼiy amal qilinishini taʼminlash;
yettinchidan — yoʻl-patrul xizmati xodimlarining xizmat vazifalarini lozim darajada bajarishi ustidan nazoratni korrupsiya va vakolatini suiisteʼmol qilish holatlarini istisno etadigan tarzda kuchaytirish, shuningdek kadrlarni tanlash, ularni kasbiy tayyorlash va qayta tayyorlashning taʼsirchan mexanizmini joriy etish;
sakkizinchidan — davlat xizmatlarini koʻrsatishning soddalashtirilgan tartib-taomillarini nazarda tutuvchi hamda maʼmuriy huquqbuzarliklar toʻgʻrisidagi ishlarni koʻrib chiqishning shaffofligini taʼminlovchi zamonaviy axborot-kommunikatsiya texnologiyalarini keng qoʻllash.
2. Oʻzbekiston Respublikasi Ichki ishlar vazirligi va Avtomobil yoʻllari davlat qoʻmitasining “Uzavtoyoʻlbelgi” davlat unitar korxonasini tashkil etish (keyingi oʻrinlarda — “Uzavtoyoʻlbelgi” DUK) hamda standartlashtirish boʻyicha normativ hujjatlar talablariga muvofiq umumiy foydalanishdagi avtomobil yoʻllari va xoʻjaliklararo qishloq avtomobil yoʻllari uchun yoʻl belgilari, axborot koʻrsatgichlari, yoʻl harakatini tartibga solishning boshqa texnik vositalarini ishlab chiqarishni uning asosiy vazifasi etib belgilash haqidagi taklifi maʼqullansin.
3. Qayd etilsinki, Oʻzbekiston Respublikasi Prezidentining 2017-yil 14-fevraldagi PQ-2776-sonli “Oʻzbekiston Respublikasi Avtomobil yoʻllari davlat qoʻmitasi va Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi faoliyatlarini tashkil etish toʻgʻrisida”gi qaroriga asosan umumiy foydalanishdagi avtomobil yoʻllari va xoʻjaliklararo qishloq avtomobil yoʻllarini, shaharlar va boshqa aholi punktlari koʻchalarini qurish, rekonstruksiya qilish va taʼmirlash Oʻzbekiston Respublikasi Avtomobil yoʻllari davlat qoʻmitasining pudratchi tashkilotlari tomonidan amalga oshiriladi.
Belgilansinki:
respublikada yoʻl belgilari, axborot koʻrsatkichlari, yoʻl harakatini tartibga solishning boshqa texnik vositalarini ishlab chiqarish raqobat toʻgʻrisidagi qonunchilik hujjatlariga toʻliq rioya qilgan holda tadbirkorlik subyektlari tomonidan amalga oshiriladi;
“Uzavtoyoʻlbelgi” DUKning taʼsischisi Oʻzbekiston Respublikasi Avtomobil yoʻllari davlat qoʻmitasi hisoblanadi.
4. “Uzavtoyoʻlbelgi” DUKga, istisno tariqasida, Oʻzbekiston Respublikasi Vazirlar Mahkamasi bilan kelishilgan holda mahalliy va xorijiy tashkilotlar bilan mazkur qarorga asosan mahsulot sotib olish va yetkazib berish hamda xizmatlar koʻrsatish toʻgʻrisidagi shartnomalarni tanlov (tender) savdolarini oʻtkazmasdan tuzishga ruxsat berilsin.
5. Oʻzbekiston Respublikasi Iqtisodiyot vazirligi, “Oʻzmetkombinat” AJ va “Oʻzqurilishmateriallari” AJ “Uzavtoyoʻlbelgi” DUKning asoslangan hisob-kitoblariga binoan yoʻl belgilari, axborot koʻrsatgichlari, yoʻl harakatini tartibga solishning boshqa texnik vositalarini, shuningdek ularni mustahkamlash uchun oʻrnatish konstruksiyalarini ishlab chiqarish uchun tartibga solinadigan narxlar boʻyicha toʻgʻridan-toʻgʻri shartnomalar orqali metall prokati va sement ajratilishini taʼminlasin.
6. Oʻzbekiston Respublikasi Markaziy bankiga tijorat banklari bilan birgalikda “Uzavtoyoʻlbelgi” DUKning asoslangan buyurtmanomalari boʻyicha asbob-uskunalar, butlovchi buyumlar, ehtiyot qismlar, materiallar, jihozlar, xom ashyo, texnologik hujjatlar, texnika, dasturiy mahsulotlar va boshqa vositalarni sotib olish uchun zarur boʻlgan pul mablagʻlarini konvertatsiya qilish tavsiya etilsin.
7. Oʻzbekiston Respublikasi Avtomobil yoʻllari davlat qoʻmitasi:
ikki oy muddatda “Uzavtoyoʻlbelgi” DUK faoliyatini tashkil etish tartibini belgilovchi Hukumat qarori loyihasini Oʻzbekiston Respublikasi Vazirlar Mahkamasiga kiritsin;
ikki oy muddatda Oʻzbekiston Respublikasi Ichki ishlar vazirligi bilan birgalikda Oʻrnatilgan yoʻl belgilarini xatlovdan oʻtkazish, ularni bosqichma-bosqich zamonaviy yuqori intensiv (nur qaytaruvchi) qoplamali yoʻl belgilari bilan almashtirish, shuningdek uzoq muddat foydalaniladigan barqaror yoʻl chiziqlarini chizish uchun maxsus texnika va asbob-uskunalar sotib olish boʻyicha chora-tadbirlar dasturini ishlab chiqsin va Oʻzbekiston Respublikasi Vazirlar Mahkamasiga kiritsin;
uch oy muddatda xalqaro va davlat ahamiyatiga molik yoʻllar uchun 900 mm, boshqa yoʻllar uchun — 700 mm oʻlchamdagi metall korpusli va yuqori intensiv (nur qaytaruvchi) qoplamali yoʻl belgilarini ishlab chiqarish, shuningdek yaqin joylashgan obyektlar xususiyatlari va qatnov qismining uzoqligini inobatga olgan holda ularning aniq koʻrinishi uchun sharoit yaratish imkoniyatini beruvchi konstruksiyalarga mustahkamlashni nazarda tutgan holda yoʻl harakati sohasida standartlashtirish boʻyicha yangilangan normativ hujjatlar tasdiqlasin.
8. Maxsus ekspluatatsiya-montaj boshqarmasi qoshidagi “Uzavtomotobelgi” shuʼba korxonasi “Uzavtomotobelgi” davlat unitar korxonasiga (keyingi oʻrinlarda — “Uzavtomotobelgi” DUK) oʻzgartirilsin.
Belgilansinki:
Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati “Uzavtomotobelgi” DUKning taʼsischisi hisoblanadi;
“Uzavtomotobelgi” DUK “Uzavtomotobelgi” shuʼba korxonasining shartnomalari va majburiyatlari boʻyicha huquqiy vorisi hisoblanadi.
Oʻzbekiston Respublikasi Ichki ishlar vazirligi ikki oy muddatda belgilangan tartibda “Uzavtomotobelgi” DUKning tuzilmasi va ustavini tasdiqlasin.
12. 2017-yil 1-sentabrdan eʼtiboran avtotransport vositalari uchun xaridorgir harf va raqamlar kombinatsiyasiga ega boʻlgan davlat roʻyxat raqamlarini oshirilgan toʻlov stavkalari boʻyicha, shu jumladan kimoshdi savdosini oʻtkazish yoʻli bilan tanlash tartibi joriy etilsin.
13. 2018-yil 1-yanvardan eʼtiboran avtotransport vositasidan foydalanish va (yoki) uni tasarruf etish huquqi uchun ishonchnomalarni, avtotransport vositasining ijara, tekin foydalanish, garov, lizing shartnomalarini fuqarolar tomonidan ichki ishlar organlarining tegishli yoʻl harakati xavfsizligi boʻlinmalarida hisobga qoʻyish toʻgʻrisidagi talab notariuslar tomonidan ularning elektron shaklini joʻnatish tartibini oʻrnatgan holda bekor qilinsin.
14. Oʻzbekiston Respublikasi Ichki ishlar vazirligining:
Toshkent shahrida kompyuterlashtirilgan tizimni kengaytirish, shuningdek uni Nukus shahri va viloyat markazlarida joriy qilish orqali yoʻl harakati xavfsizligini boshqarishning yagona markazlashtirilgan axborot-kompyuter tizimini yaratish;
huquqbuzarliklarni oʻz vaqtida aniqlash va ularga chek qoʻyish, avtomobil harakati ustidan samarali nazoratni taʼminlash maqsadida yoʻl-patrul xizmati statsionar postlarini maqbullashtirish, ularni belgilangan namunaviy sxema boʻyicha bosqichma-bosqich rekonstruksiya va modernizatsiya qilish, moddiy-texnik jihozlash;
2018-yil 1-yanvardan eʼtiboran yoʻl harakati xavfsizligi boʻlinmalarining jismoniy shaxslarga tegishli yengil avtotransport vositalarini, yuk, yoʻlovchi va maxsus transport vositalari bundan mustasno, majburiy texnik koʻrikdan oʻtkazish boʻyicha funksiyalarini yuridik shaxslar — tadbirkorlik subyektlariga bosqichma-bosqich ular koʻrsatadigan xizmatlar uchun qatʼiy narxlar hamda ichki ishlar organlari bilan oʻzaro hamkorlikka oid talablarni oʻrnatgan holda oʻtkazish;
yoʻl-patrul xizmati maxsus asbob-uskunalari va avtomobil texnikasini uzluksiz yangilab borish uchun har yili 55 ta belgilangan tartibda jihozlangan avtotransport vositalari, 600 ta jezl, 500 ta radiostansiya va boshqa vositalarni xarid qilish haqidagi takliflari maʼqullansin.
15. Toshkent shahrida, Samarqand va Xorazm viloyatlarida tajriba tariqasida yoʻl-patrul xizmati mototsikldagi guruhlari tuzilsin va ularga yoʻllar va koʻchalarning harakatlanish qiyin boʻlgan qatnov qismlarida, odamlar gavjum joylarda, shuningdek xorijiy va boshqa delegatsiyalarni kuzatishda yoʻl harakati xavfsizligini taʼminlash boʻyicha vazifalar yuklatilsin.
16. Oʻzbekiston Respublikasi Vazirlar Mahkamasi:
bir oy muddatda avtotransport vositalari uchun xaridorgir harf va raqamlar kombinatsiyasiga ega boʻlgan davlat roʻyxat raqamlarini oshirilgan toʻlov stavkalari boʻyicha, shu jumladan kimoshdi savdosini oʻtkazish yoʻli bilan tanlash tartibini tasdiqlasin;
2017-yil 1-oktabrga qadar Yoʻl harakati xavfsizligini boshqarishning yagona markazlashtirilgan axborot-kompyuter tizimini joriy qilish, shuningdek yoʻl-patrul xizmati statsionar postlari sonini va joylashuvini maqbullashtirishni inobatga olgan holda ularni belgilangan namunaviy sxema boʻyicha bosqichma-bosqich rekonstruksiya va modernizatsiya qilish, moddiy-texnik jihozlash boʻyicha chora-tadbirlar dasturlarini tasdiqlasin;
2017-yil 1-dekabrga qadar mazkur qaror talablarini inobatga olgan holda yuridik shaxslar — tadbirkorlik subyektlari tomonidan jismoniy shaxslarga tegishli yengil avtotransport vositalarini majburiy texnik koʻrikdan oʻtkazish tartibini belgilasin.
17. Oʻzbekiston Respublikasi Ichki ishlar vazirligi:
Toshkent shahar, Samarqand va Xorazm viloyatlarida mototsiklda yoʻl-patrul xizmatini oʻtashni tashkil etish, xodimlarni mototsiklni boshqarishga oʻrgatish choralarini koʻrsin va 2018-yil 1-oktabrga qadar tajriba natijalarini tahlil qilgan holda yoʻl-patrul xizmatining mazkur turini mamlakatning boshqa hududlarida joriy etish boʻyicha takliflar kiritsin;
uch oy muddatda yoʻl-patrul xizmati maxsus avtotransport vositalarini audio va video qayd etish qurilmalari, shuningdek ularning xodimlarini mobil videokameralar bilan bosqichma-bosqich jihozlash toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Adliya vazirligi bilan birgalikda yoʻl harakati sohasida maʼmuriy huquqbuzarliklar toʻgʻrisidagi ishlarni koʻrib chiqish va rasmiylashtirish, tegishli notarial harakatlarni hisobga olish, avtotransport vositalarining texnik koʻrikdan oʻtishini nazorat qilish, shuningdek yoʻl harakati xavfsizligi boʻlinmalari tomonidan davlat xizmatlarini koʻrsatish tartib-taomillarini soddalashtirishni taʼminlovchi elektron tizim ishlab chiqsin va 2018-yil 1-yanvardan boshlab joriy etsin;
Oʻzbekiston Respublikasi Oliy va oʻrta maxsus taʼlim vazirligi, boshqa manfaatdor vazirlik va idoralar bilan birgalikda 2017-yil 1-dekabrga qadar avtotransport vositalari haydovchilarini tayyorlash va qayta tayyorlash tizimini, shu jumladan oʻquv jarayoni samaradorligini oshirish va oʻqitishning zamonaviy usullarini joriy qilishni nazarda tutgan holda, yanada takomillashtirish boʻyicha takliflarni Oʻzbekiston Respublikasi Vazirlar Mahkamasiga kiritsin.
18. “Oʻzeltexsanoat” AK ikki oy muddatda mahalliy xom ashyo va materiallardan foydalanish va butlovchi qismlarni ishlab chiqarishni mahalliylashtirish hisobiga mahsulot tannarxini tushirgan holda maxsus jihozlangan avtotransport vositalari uchun yuqori sifatli ishorali ovoz kuchaytirgich moslamalar ishlab chiqarish boʻyicha takliflarni Oʻzbekiston Respublikasi Vazirlar Mahkamasiga kiritsin.
19. Belgilansinki, mazkur qarorda nazarda tutilgan chora-tadbirlarni amalga oshirish bilan bogʻliq xarajatlar Oʻzbekiston Respublikasi Ichki ishlar vazirligining asoslangan hisob-kitoblariga koʻra Oʻzbekiston Respublikasi Moliya vazirligi tomonidan ajratiladigan budjet mablagʻlari, Oʻzbekiston Respublikasi Ichki ishlar vazirligining budjetdan tashqari mablagʻlari, xorijiy davlatlar davlat kreditlari va xalqaro moliya tashkilotlari mablagʻlari, shuningdek qonunchilikda taqiqlanmagan boshqa manbalar hisobidan amalga oshiriladi.
20. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidentining Davlat maslahatchisi O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 11-iyul,
PQ-3127-son
Президента Республики Узбекистан
Постановление
О мерах по дальнейшему совершенствованию системы обеспечения безопасности дорожного движения
[Извлечение]
В соответствии с Указом Президента Республики Узбекистан от 10 апреля 2017 года № УП-5005 «О мерах по коренному повышению эффективности деятельности органов внутренних дел, усилению их ответственности за обеспечение общественного порядка, надежной защиты прав, свобод и законных интересов граждан», а также в целях дальнейшего совершенствования системы обеспечения безопасности дорожного движения:
1. Считать важнейшей задачей Министерства внутренних дел Республики Узбекистан и его территориальных подразделений реализацию следующих основных направлений обеспечения безопасности дорожного движения:
первое — установление качественно нового порядка организации работы республиканского, средних и низовых подразделений безопасности дорожного движения, предусматривающего четкое определение и разграничение их основных задач и функций, персональной ответственности руководителей и сотрудников за выполнение возложенных задач на вверенном участке работы;
второе — совершенствование системы профилактики нарушений правил дорожного движения, предупреждения дорожно-транспортных происшествий и загруженности дорог на основе систематического комплексного анализа и устранения причин и условий, способствующих совершению происшествий и образованию пробок на дорогах, особенно в городе Ташкенте;
третье — дальнейшее расширение систем автоматизированного регулирования дорожного движения, видеонаблюдения и фиксации нарушений правил дорожного движения, иных технических средств, прежде всего в областных центрах, обеспечивающих высокую эффективность контроля, своевременного выявления и пресечения правонарушений;
четвертое — обеспечение неукоснительного соблюдения установленных требований по содержанию дорог и оборудованию их дорожными знаками, информационными указателями, другими техническими средствами регулирования дорожного движения;
пятое — развитие эффективной системы разъяснительной работы среди граждан, направленной на повышение культуры соблюдения правил дорожного движения его участниками, в том числе путем расширения и совершенствования форм и методов агитационно-пропагандистской работы среди населения;
шестое — обеспечение неукоснительного соблюдения прав участников дорожного движения, уважения их чести и достоинства, строгого следования правилам культуры общения и этического поведения в ходе несения службы;
седьмое — усиление контроля за надлежащим выполнением сотрудниками дорожно-патрульной службы служебных обязанностей, исключающего проявления коррупции и злоупотребления полномочиями, а также внедрение действенного механизма подбора кадров, их профессиональной подготовки и переподготовки;
восьмое — широкое применение современных информационно-коммуникационных технологий, предусматривающих упрощенные процедуры оказания государственных услуг и обеспечивающих прозрачность рассмотрения дел об административных правонарушениях.
2. Одобрить предложение Министерства внутренних дел Республики Узбекистан и Государственного комитета Республики Узбекистан по автомобильным дорогам о создании Государственного унитарного предприятия «Uzavtoyoʻlbelgi» (далее — ГУП «Uzavtoyoʻlbelgi»), определив его основной задачей производство дорожных знаков, информационных указателей, других технических средств регулирования дорожного движения для автомобильных дорог общего пользования и межхозяйственных сельских автомобильных дорог в соответствии с требованиями нормативных документов по стандартизации.
3. Отметить, что согласно постановлению Президента Республики Узбекистан от 14 февраля 2017 года № ПП-2776 «Об организации деятельности Государственного комитета Республики Узбекистан по автомобильным дорогам и Республиканского дорожного фонда при Кабинете Министров Республики Узбекистан», строительство, реконструкция и ремонт автомобильных дорог общего пользования и межхозяйственных сельских автомобильных дорог, улиц городов и иных населенных пунктов осуществляются подрядными организациями Государственного комитета Республики Узбекистан по автомобильным дорогам.
Определить, что:
производство дорожных знаков, информационных указателей, других технических средств регулирования дорожного движения в республике осуществляется субъектами предпринимательства с полным соблюдением актов законодательства о конкуренции;
учредителем ГУП «Uzavtoyoʻlbelgi» является Государственный комитет Республики Узбекистан по автомобильным дорогам.
4. Разрешить, в порядке исключения, ГУП «Uzavtoyoʻlbelgi» по согласованию с Кабинетом Министров Республики Узбекистан заключать без проведения конкурсных (тендерных) торгов договора с отечественными и зарубежными организациями на закупку и поставку товаров и оказание услуг в соответствии с настоящим постановлением.
5. Министерству экономики Республики Узбекистан, АО «Узметкомбинат» и АО «Узкурилишматериаллари» обеспечить по обоснованным расчетам ГУП «Uzavtoyoʻlbelgi» выделение и поставку по прямым договорам металлопроката и цемента по регулируемым ценам, необходимых для производства дорожных знаков, информационных указателей, других технических средств регулирования дорожного движения, а также установочных конструкций для их крепления.
6. Рекомендовать Центральному банку Республики Узбекистан совместно с уполномоченным банком осуществлять по обоснованным заявкам ГУП «Uzavtoyoʻlbelgi» конвертацию денежных средств, необходимых для приобретения оборудования, комплектующих изделий, запасных частей, материалов, оснастки, сырья, технологической документации, техники, программной продукции и других средств.
7. Государственному комитету Республики Узбекистан по автомобильным дорогам:
в двухмесячный срок внести в Кабинет Министров Республики Узбекистан проект постановления Правительства, определяющего порядок организации деятельности ГУП «Uzavtoyoʻlbelgi»;
в двухмесячный срок совместно с Министерством внутренних дел Республики Узбекистан разработать и внести в Кабинет Министров Республики Узбекистан проект Программы мер по инвентаризации установленных дорожных знаков, поэтапной их замене на современные дорожные знаки с высокоинтенсивным (световозвращающим) покрытием, а также приобретению специальной техники и оборудования для нанесения устойчивых дорожных разметок, обеспечивающих длительный срок их эксплуатации;
в трехмесячный срок утвердить обновленные нормативные документы по стандартизации в области дорожного движения, предусмотрев производство дорожных знаков с металлическим корпусом и высокоинтенсивным (световозвращающим) покрытием для автомобильных дорог международного и государственного значения в размере 900 мм, других дорог — 700 мм, а также их крепление на конструкциях, позволяющее создать условия для явной видимости с учетом отдаленности от проезжей части и особенностей близко расположенных объектов.
8. Преобразовать дочернее предприятие «Uzavtomotobelgi» при Специализированном монтажно-эксплуатационном управлении в Государственное унитарное предприятие «Uzavtomotobelgi» (далее — ГУП «Uzavtomotobelgi»).
Определить:
Служба безопасности дорожного движения Департамента общественной безопасности Министерства внутренних дел Республики Узбекистан учредителем ГУП «Uzavtomotobelgi»;
ГУП «Uzavtomotobelgi» правопреемником по договорам и обязательствам дочернего предприятия «Uzavtomotobelgi».
Министерству внутренних дел Республики Узбекистан в двухмесячный срок утвердить в установленном порядке структуру и устав ГУП «Uzavtomotobelgi».
12. Ввести с 1 сентября 2017 года порядок выбора государственных регистрационных номеров для автотранспортных средств с востребованной комбинацией букв и цифр по повышенной ставке платежей, взимаемых при их выдаче, в том числе путем проведения аукциона.
13. Отменить с 1 января 2018 года требование о постановке гражданами на учет доверенностей на право пользования и (или) распоряжения, договоров аренды, безвозмездного пользования, залога, лизинга автотранспортных средств в соответствующих подразделениях безопасности дорожного движения органов внутренних дел с установлением порядка направления нотариусами их электронной формы.
14. Согласиться с предложениями Министерства внутренних дел Республики Узбекистан о:
создании единой централизованной информационно-компьютерной системы управления безопасностью дорожного движения путем расширения компьютеризированной системы в городе Ташкенте, а также внедрения ее в городе Нукусе и областных центрах;
оптимизации стационарных постов дорожно-патрульной службы, поэтапной их реконструкции, модернизации и материально-техническом оснащении согласно установленной типовой схеме для обеспечения эффективного контроля за автомобильным движением, своевременного выявления и пресечения правонарушений;
поэтапной передаче с 1 января 2018 года субъектам предпринимательства — юридическим лицам функции подразделений безопасности дорожного движения по проведению обязательного технического осмотра легковых автотранспортных средств физических лиц, за исключением грузовых, пассажирских и специальных транспортных средств, с установлением фиксированных цен на предоставляемые услуги и требований по взаимодействию с органами внутренних дел;
ежегодном приобретении 55 автотранспортных средств с их оснащением в установленном порядке, 600 жезлов, 500 радиостанций и других средств для бесперебойного обновления автомобильной техники и специального оборудования дорожно-патрульной службы.
15. Образовать в качестве эксперимента группы дорожно-патрульной службы на мотоциклах в городе Ташкенте, Самаркандской и Хорезмской областях, возложив на них выполнение задач по обеспечению безопасности дорожного движения в труднодоступных проезжих частях дорог и улиц, местах массового скопления людей, а также при сопровождении зарубежных и иных делегаций.
16. Кабинету Министров Республики Узбекистан:
в месячный срок утвердить порядок выбора государственных регистрационных номеров для автотранспортных средств с востребованной комбинацией букв и цифр по повышенной ставке платежей, взимаемых при их выдаче, в том числе путем проведения аукциона;
в срок до 1 октября 2017 года утвердить программы мер по созданию единой централизованной информационно-компьютерной системы управления безопасностью дорожного движения, а также поэтапной реконструкции, модернизации и материально-техническому оснащению стационарных постов дорожно-патрульной службы согласно установленной типовой схеме с учетом оптимизации их количества и размещения;
в срок до 1 декабря 2017 года определить порядок осуществления субъектами предпринимательства — юридическими лицами обязательного технического осмотра легковых автотранспортных средств физических лиц с учетом требований настоящего постановления.
17. Министерству внутренних дел Республики Узбекистан:
принять меры по организации несения дорожно-патрульной службы на мотоциклах в городе Ташкенте, Самаркандской и Хорезмской областях, обучению сотрудников вождению мотоциклов и в срок до 1 октября 2018 года на основе анализа результатов эксперимента внести предложения по распространению данного вида несения дорожно-патрульной службы в других регионах страны;
в трехмесячный срок внести в Кабинет Министров Республики Узбекистан предложения о поэтапном оснащении автотранспортных средств дорожно-патрульной службы оборудованием аудио- и видеофиксации, а также мобильными видеокамерами их сотрудников;
совместно с Министерством по развитию информационных технологий и коммуникаций, Министерством юстиции Республики Узбекистан разработать и внедрить с 1 января 2018 года электронную систему, обеспечивающую упрощение процедур оформления и рассмотрения дел об административных правонарушениях в сфере дорожного движения, учета соответствующих нотариальных действий, контроля за прохождением технического осмотра автотранспортных средств, а также оказания государственных услуг подразделениями безопасности дорожного движения;
совместно с Министерством высшего и среднего специального образования Республики Узбекистан, другими заинтересованными министерствами и ведомствами в срок до 1 декабря 2017 года внести в Кабинет Министров Республики Узбекистан предложения по дальнейшему совершенствованию системы подготовки и переподготовки водителей автотранспортных средств, предусматривающей в том числе повышение эффективности учебного процесса и внедрение современных методов обучения.
18. АК «Узэлтехсаноат» в двухмесячный срок внести в Кабинет Министров Республики Узбекистан предложения по производству высококачественной сигнальной громкоговорящей установки для специально оборудованных автотранспортных средств со снижением себестоимости продукции за счет локализации производства комплектующих деталей и использования сырья и материалов отечественного производства.
19. Определить, что расходы, связанные с реализацией мероприятий, предусмотренных настоящим постановлением, осуществляются за счет бюджетных средств, выделяемых Министерством финансов Республики Узбекистан по обоснованным расчетам Министерства внутренних дел Республики Узбекистан, внебюджетных средств Министерства внутренних дел Республики Узбекистан, привлечения государственных кредитов зарубежных стран и средств международных финансовых организаций, а также других источников, не запрещенных законодательством.
20. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника Президента Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
11 июля 2017 г.,
№ ПП-3127