📅 2017-yil 13-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 июля 2017 г. · Постановления Президента
Официальный текст. Официальный документ. Редакционные примечания не включены.
📅 13 July 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
НИЗОМ
ТАВСИФИ
ТАВСИФИ
«Маҳалла ифтихори» кўкрак нишонини таъсис этиш тўғрисида
Жамиятимизда фуқароларнинг ўзини ўзи бошқариш органларининг ўрни ва ролини кучайтириш, жойларда маънавий муҳит барқарорлигини таъминлаш, миллатлараро дўстлик ва ҳамжиҳатликни мустаҳкамлаш, ёш авлодни она Ватанга муҳаббат ва истиқлол ғояларига садоқат руҳида тарбиялаш, аҳолини ижтимоий қўллаб-қувватлаш, кенг қамровли профилактика тадбирлари ва жамоатчилик назоратини амалга ошириш, маҳалла фуқаролар йиғинларининг моддий-техника базасини ривожлантириш ишларига муносиб ҳисса қўшиб келаётган фаол, ташаббускор фуқаролар ва жамоатчилик тузилмалари вакилларини тақдирлаш мақсадида ҳамда Ўзбекистон Республикаси Президентининг 2017 йил 3 февралдаги «Маҳалла институтини янада такомиллаштириш чора-тадбирлари тўғрисида»ги ПФ-4944-сонли Фармонига асосан:
1. «Маҳалла ифтихори» кўкрак нишони таъсис этилсин.
2. Қуйидагилар:
«Маҳалла ифтихори» кўкрак нишони тўғрисидаги Низом 1-иловага мувофиқ;
«Маҳалла ифтихори» кўкрак нишони ва унинг гувоҳномасининг тавсифлари 2 , 3-иловаларга мувофиқ тасдиқлансин.
3. Ўзбекистон Республикаси Вазирлар Маҳкамаси «Маҳалла ифтихори» кўкрак нишонлари ва уларнинг гувоҳномалари тайёрланишини таъминласин.
4. Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгашининг «Маҳалла ифтихори» кўкрак нишонлари ва уларнинг гувоҳномаларини тайёрлаш билан боғлиқ харажатлар Ўзбекистон «Маҳалла» хайрия жамоат фонди маблағлари ҳисобидан қопланиши тўғрисидаги таклифи маъқуллансин.
5. Ўзбекистон Республикаси Адлия вазирлиги бошқа манфаатдор вазирлик ва идоралар билан биргаликда бир ой муддатда норматив-ҳуқуқий ҳужжатларга ушбу қарордан келиб чиқадиган ўзгартиш ва қўшимчаларни киритсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Арипов зиммасига юклансин.
Ўзбекистон Республикаси Президентининг 2017 йил 13 июлдаги ПҚ-3132-сонли қарорига 1-ИЛОВА
«Маҳалла ифтихори» кўкрак нишони тўғрисидаги
1. «Маҳалла ифтихори» кўкрак нишони (кейинги ўринларда — кўкрак нишони) билан жамиятимизда фуқароларнинг ўзини ўзи бошқариш органларининг ўрни ва ролини кучайтириш, жойларда маънавий муҳит барқарорлигини таъминлаш, миллатлараро дўстлик ва ҳамжиҳатликни мустаҳкамлаш, ёш авлодни она Ватанга муҳаббат ва истиқлол ғояларига садоқат руҳида тарбиялаш, аҳолини ижтимоий қўллаб-қувватлаш, кенг қамровли профилактика тадбирлари ва жамоатчилик назоратини амалга ошириш, маҳалла фуқаролар йиғинларининг моддий-техника базасини ривожлантириш ишларига муносиб ҳисса қўшиб келаётган фаол, ташаббускор фуқаролар ва жамоатчилик тузилмалари вакиллари тақдирланадилар.
Кўкрак нишони билан Ўзбекистон Республикаси фуқароси бўлмаган шахслар ҳам тақдирланиши мумкин.
2. Кўкрак нишони билан тақдирлашга оид таклифлар маҳалла фуқаролар йиғинлари томонидан (фуқаролар вакилларининг йиғилишлари қарорлари асосида) туман (шаҳар) камбағалликни қисқартириш ва бандлик бўлимларига берилади.
3. Туман (шаҳар) камбағалликни қисқартириш ва бандлик бўлимларининг кўкрак нишони билан тақдирлашга оид таклифлари Қорақалпоғистон Республикаси Камбағалликни қисқартириш ва бандлик вазирлиги, вилоятлар ва Тошкент шаҳри камбағалликни қисқартириш ва бандлик бошқармалари томонидан кўриб чиқилиб, ҳар йилнинг 3 январь санасига қадар Ўзбекистон Республикаси Камбағалликни қисқартириш ва бандлик вазирлигига (кейинги ўринларда — Вазирлик) тақдим этилади.
4. Кўкрак нишони билан тақдирлашга оид таклифларни кўриб чиқиш тартиби камбағалликни қисқартириш ва бандлик вазири томонидан белгиланади.
5. Камбағалликни қисқартириш ва бандлик вазирининг буйруғи билан кўкрак нишонига тавсия этилган номзодларни кўриб чиқиш бўйича доимий комиссия (кейинги ўринларда — комиссия) ташкил этилади.
6. Комиссия хулосаси асосида камбағалликни қисқартириш ва бандлик вазирининг кўкрак нишони билан тақдирлашга оид буйруғи қабул қилинади.
Кўкрак нишони билан тақдирлаш тўғрисидаги буйруқ ахборот воситаларида эълон қилинади.
7. Кўкрак нишони билан тақдирланган шахслар базавий ҳисоблаш миқдорининг тўрт баравари миқдорида бир йўла тўланадиган пул мукофоти оладилар.
Бир йўла тўланадиган пул мукофотлари Ўзбекистон «Маҳалла» хайрия жамоат фонди маблағлари ҳисобидан амалга оширилади.
8. Кўкрак нишони, унинг гувоҳномаси ва пул мукофоти Маҳалла тизими ходимлари куни арафасида камбағалликни қисқартириш ва бандлик вазири томонидан тантанали вазиятда топширилади.
9. Кўкрак нишони билан тақдирланган шахсларнинг маҳалла тизими ривожига қўшган муносиб ҳиссаси ва ибратли фаолиятини кенг тарғиб қилиш мақсадида маҳалла фуқаролар йиғинлари ҳамда туман (шаҳар) марказларидаги «Маҳалла маркази» мажмуалари биноларига ўрнатиладиган «Маҳалламиз ифтихорлари» ахборот пешлавҳасининг намунавий шакли камбағалликни қисқартириш ва бандлик вазири томонидан тасдиқланади.
10. Кўкрак нишони билан тақдирланган шахслар Ўзбекистон «Маҳалла» хайрия жамоат фонди ҳисобидан мамлакатимиз санаторийларида даволанишлари учун бир маротабалик бепул йўлланма олиш ҳуқуқига эга бўладилар.
11. Кўкрак нишони такроран берилмайди.
12. Кўкрак нишони давлат мукофотларидан кейин кўкракнинг чап томонига тақилади.
Ўзбекистон Республикаси Президентининг 2017 йил 13 июлдаги ПҚ-3132-сонли қарорига 2-ИЛОВА
«Маҳалла ифтихори» кўкрак нишонининг
«Маҳалла ифтихори» кўкрак нишони диаметри 34 миллиметрли доира шаклида бўлиб, мис қотишмасидан тайёрланади.
Кўкрак нишонининг олд томони юқори қисмида Ўзбекистон Республикасининг харитаси, унинг остида маҳалланинг рамзий дарвозасини ифодаловчи арка тасвири кўтарилаётган қуёш нурлари фонида акс эттирилган.
Кўкрак нишонининг айланаси бўйлаб зарҳал ҳошия билан ўралган кўк рангдаги эмал доира ичида «MAHALLA IFTIXORI» сўзлари ёзилган. Ҳарфларнинг баландлиги 2,3 миллиметр, ёзувлар зарҳалланган. Унинг пастки қисми марказида иккита саккиз қиррали юлдуз оралиғида фахр-ифтихор ва шараф маъноларини ифода этувчи дафна япроқлари тасвирланган.
Кўкрак нишонининг орқа томони марказида беш қаторда ҳарфларнинг баландлиги 2 миллиметр бўлган «MAHALLA», «TIZIMI RIVOJIGA», «QOʻSHGAN», «MUNOSIB HISSASI», «UCHUN» сўзлари ёзилган.
Кўкрак нишонининг қалинлиги 2,2 миллиметр.
Тасвирлар ва ёзувлар қабариқдир.
Кўкрак нишонининг олд ва орқа томонларининг четлари қабариқ доира билан ўралган.
Кўкрак нишони илгакчалар ва ҳалқача ёрдамида тўғри тўртбурчак шаклидаги қадағичга уланган.
Қадағичнинг эни — 26 миллиметр, бўйи — 17 миллиметрдан иборат. Қадағич эни 22 миллиметрли шойи лента билан қопланган бўлиб, лентанинг ўртасидан эни 8 миллиметрли оқ рангли йўл, икки четидан эса ҳар бирининг эни 7 миллиметр бўлган яшил рангли йўл ўтган.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
«Маҳалла ифтихори» кўкрак нишони
Ўзбекистон Республикаси Президентининг 2017 йил 13 июлдаги ПҚ-3132-сонли қарорига 3-ИЛОВА
«Маҳалла ифтихори» кўкрак нишони гувоҳномасининг
«Маҳалла ифтихори» кўкрак нишони гувоҳномаси 160 х 110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.
Гувоҳноманинг ташқи томони (биринчи ва тўртинчи бетлари) кўк рангда бўлиб, плёнка билан қопланган.
Гувоҳноманинг биринчи бети эни 7,5 миллиметрли, ички бурчаклари айлана шаклида бўлган тўқ кўк рангли ҳошия билан ўралган.
Гувоҳноманинг юқори чеккасидан (биринчи бети) 35 миллиметр пастда, марказда оралиғи 3,5 миллиметрли икки сатрдан иборат матн жойлашган. Биринчи сатрда «Mahalla iftixori», иккинчи сатрда «koʻkrak nishoni» («Times new Roman Bold» шрифти, 17-кегль) сўзлари ёзилган. Ундан 6 миллиметр пастда «GUVOHNOMASI» (катта ҳарфларда, «Times new Roman Bold» шрифти, 17-кегль) сўзи ёзилган. Ёзувлар зарҳал рангида акс эттирилган.
Гувоҳноманинг ички томони (иккинчи ва учинчи бетлари) «Тангир» тасвири туширилган оч ҳаво рангда бўлиб, офсет усулида чоп этилган.
Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.
Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда «GUVOHNOMA» (катта ҳарфларда, «Times new Roman Bold» шрифти, 10-кегль) сўзи ҳамда гувоҳнома тартиб рақами учун «№» белгиси ва 15 миллиметрли чизиқ жойлашган.
«GUVOHNOMA» сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган.
Пастки чизиқдан 6 миллиметр қуйида, марказда оралиғи 2 миллиметрли уч сатрдан иборат матн жойлашган. Биринчи сатрда «Oʻzbekiston Respublikasi», иккинчи сатрда «Kambagʻallikni qisqartirish va bandlik», учинчи сатрда «vazirligining» («Times new Roman Bold» шрифти, 10-кегль) сўзлари ёзилган.
Ундан 5 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда «20__ y. «___» ___________dagi», иккинчи сатрда «____-sonli buyrugʻiga asosan» («Times new Roman Bold» шрифти, 10-кегль) сўзлари ёзилган.
Ундан 5 миллиметр пастда, марказда оралиғи 5 миллиметрли икки сатрдан иборат матн жойлашган. Биринчи сатрда марказда «Mahalla iftixori» («Times new Roman Bolt» шрифти, 12-кегль), иккинчи сатрда «koʻkrak nishoni bilan mukofotlandi» («Times new Roman Bold» шрифти, 10-кегль) сўзлари ёзилган.
Сўнгги сўзлардан 9 миллиметр пастда, чап томонда оралиғи 2 миллиметрли икки сатрдан иборат матн жойлашган. Биринчи сатрда «Kambagʻallikni qisqartirish», иккинчи сатрда «va bandlik vaziri» («Times new Roman Bold» шрифти, 10 кегль) сўзлари ёзилган.
«Маҳалла ифтихори» кўкрак нишони ГУВОҲНОМАСИ
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 13 июль,
ПҚ-3132-сон
Oʻzbekiston Respublikasi Prezidentining
Qarori
NIZOM
TAVSIFI
TAVSIFI
“Mahalla iftixori” koʻkrak nishonini taʼsis etish toʻgʻrisida
Jamiyatimizda fuqarolarning oʻzini oʻzi boshqarish organlarining oʻrni va rolini kuchaytirish, joylarda maʼnaviy muhit barqarorligini taʼminlash, millatlararo doʻstlik va hamjihatlikni mustahkamlash, yosh avlodni ona Vatanga muhabbat va istiqlol gʻoyalariga sadoqat ruhida tarbiyalash, aholini ijtimoiy qoʻllab-quvvatlash, keng qamrovli profilaktika tadbirlari va jamoatchilik nazoratini amalga oshirish, mahalla fuqarolar yigʻinlarining moddiy-texnika bazasini rivojlantirish ishlariga munosib hissa qoʻshib kelayotgan faol, tashabbuskor fuqarolar va jamoatchilik tuzilmalari vakillarini taqdirlash maqsadida hamda Oʻzbekiston Respublikasi Prezidentining 2017-yil 3-fevraldagi “Mahalla institutini yanada takomillashtirish chora-tadbirlari toʻgʻrisida”gi PF-4944-sonli Farmoniga asosan:
1. “Mahalla iftixori” koʻkrak nishoni taʼsis etilsin.
2. Quyidagilar:
“Mahalla iftixori” koʻkrak nishoni toʻgʻrisidagi Nizom 1-ilovaga muvofiq;
“Mahalla iftixori” koʻkrak nishoni va uning guvohnomasining tavsiflari 2 , 3-ilovalarga muvofiq tasdiqlansin.
3. Oʻzbekiston Respublikasi Vazirlar Mahkamasi “Mahalla iftixori” koʻkrak nishonlari va ularning guvohnomalari tayyorlanishini taʼminlasin.
4. Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashining “Mahalla iftixori” koʻkrak nishonlari va ularning guvohnomalarini tayyorlash bilan bogʻliq xarajatlar Oʻzbekiston “Mahalla” xayriya jamoat fondi mablagʻlari hisobidan qoplanishi toʻgʻrisidagi taklifi maʼqullansin.
5. Oʻzbekiston Respublikasi Adliya vazirligi boshqa manfaatdor vazirlik va idoralar bilan birgalikda bir oy muddatda normativ-huquqiy hujjatlarga ushbu qarordan kelib chiqadigan oʻzgartish va qoʻshimchalarni kiritsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.Aripov zimmasiga yuklansin.
Oʻzbekiston Respublikasi Prezidentining 2017-yil 13-iyuldagi PQ-3132-sonli qaroriga 1-ILOVA
“Mahalla iftixori” koʻkrak nishoni toʻgʻrisidagi
1. “Mahalla iftixori” koʻkrak nishoni (keyingi oʻrinlarda — koʻkrak nishoni) bilan jamiyatimizda fuqarolarning oʻzini oʻzi boshqarish organlarining oʻrni va rolini kuchaytirish, joylarda maʼnaviy muhit barqarorligini taʼminlash, millatlararo doʻstlik va hamjihatlikni mustahkamlash, yosh avlodni ona Vatanga muhabbat va istiqlol gʻoyalariga sadoqat ruhida tarbiyalash, aholini ijtimoiy qoʻllab-quvvatlash, keng qamrovli profilaktika tadbirlari va jamoatchilik nazoratini amalga oshirish, mahalla fuqarolar yigʻinlarining moddiy-texnika bazasini rivojlantirish ishlariga munosib hissa qoʻshib kelayotgan faol, tashabbuskor fuqarolar va jamoatchilik tuzilmalari vakillari taqdirlanadilar.
Koʻkrak nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.
2. Koʻkrak nishoni bilan taqdirlashga oid takliflar mahalla fuqarolar yigʻinlari tomonidan (fuqarolar vakillarining yigʻilishlari qarorlari asosida) tuman (shahar) kambagʻallikni qisqartirish va bandlik boʻlimlariga beriladi.
3. Tuman (shahar) kambagʻallikni qisqartirish va bandlik boʻlimlarining koʻkrak nishoni bilan taqdirlashga oid takliflari Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahri kambagʻallikni qisqartirish va bandlik boshqarmalari tomonidan koʻrib chiqilib, har yilning 3-yanvar sanasiga qadar Oʻzbekiston Respublikasi Kambagʻallikni qisqartirish va bandlik vazirligiga (keyingi oʻrinlarda — Vazirlik) taqdim etiladi.
4. Koʻkrak nishoni bilan taqdirlashga oid takliflarni koʻrib chiqish tartibi kambagʻallikni qisqartirish va bandlik vaziri tomonidan belgilanadi.
5. Kambagʻallikni qisqartirish va bandlik vazirining buyrugʻi bilan koʻkrak nishoniga tavsiya etilgan nomzodlarni koʻrib chiqish boʻyicha doimiy komissiya (keyingi oʻrinlarda — komissiya) tashkil etiladi.
6. Komissiya xulosasi asosida kambagʻallikni qisqartirish va bandlik vazirining koʻkrak nishoni bilan taqdirlashga oid buyrugʻi qabul qilinadi.
Koʻkrak nishoni bilan taqdirlash toʻgʻrisidagi buyruq axborot vositalarida eʼlon qilinadi.
7. Koʻkrak nishoni bilan taqdirlangan shaxslar bazaviy hisoblash miqdorining toʻrt baravari miqdorida bir yoʻla toʻlanadigan pul mukofoti oladilar.
Bir yoʻla toʻlanadigan pul mukofotlari Oʻzbekiston “Mahalla” xayriya jamoat fondi mablagʻlari hisobidan amalga oshiriladi.
8. Koʻkrak nishoni, uning guvohnomasi va pul mukofoti Mahalla tizimi xodimlari kuni arafasida kambagʻallikni qisqartirish va bandlik vaziri tomonidan tantanali vaziyatda topshiriladi.
9. Koʻkrak nishoni bilan taqdirlangan shaxslarning mahalla tizimi rivojiga qoʻshgan munosib hissasi va ibratli faoliyatini keng targʻib qilish maqsadida mahalla fuqarolar yigʻinlari hamda tuman (shahar) markazlaridagi “Mahalla markazi” majmualari binolariga oʻrnatiladigan “Mahallamiz iftixorlari” axborot peshlavhasining namunaviy shakli kambagʻallikni qisqartirish va bandlik vaziri tomonidan tasdiqlanadi.
10. Koʻkrak nishoni bilan taqdirlangan shaxslar Oʻzbekiston “Mahalla” xayriya jamoat fondi hisobidan mamlakatimiz sanatoriylarida davolanishlari uchun bir marotabalik bepul yoʻllanma olish huquqiga ega boʻladilar.
11. Koʻkrak nishoni takroran berilmaydi.
12. Koʻkrak nishoni davlat mukofotlaridan keyin koʻkrakning chap tomoniga taqiladi.
Oʻzbekiston Respublikasi Prezidentining 2017-yil 13-iyuldagi PQ-3132-sonli qaroriga 2-ILOVA
“Mahalla iftixori” koʻkrak nishonining
“Mahalla iftixori” koʻkrak nishoni diametri 34 millimetrli doira shaklida boʻlib, mis qotishmasidan tayyorlanadi.
Koʻkrak nishonining old tomoni yuqori qismida Oʻzbekiston Respublikasining xaritasi, uning ostida mahallaning ramziy darvozasini ifodalovchi arka tasviri koʻtarilayotgan quyosh nurlari fonida aks ettirilgan.
Koʻkrak nishonining aylanasi boʻylab zarhal hoshiya bilan oʻralgan koʻk rangdagi emal doira ichida “MAHALLA IFTIXORI” soʻzlari yozilgan. Harflarning balandligi 2,3 millimetr, yozuvlar zarhallangan. Uning pastki qismi markazida ikkita sakkiz qirrali yulduz oraligʻida faxr-iftixor va sharaf maʼnolarini ifoda etuvchi dafna yaproqlari tasvirlangan.
Koʻkrak nishonining orqa tomoni markazida besh qatorda harflarning balandligi 2 millimetr boʻlgan “MAHALLA”, “TIZIMI RIVOJIGA”, “QOʻSHGAN”, “MUNOSIB HISSASI”, “UCHUN” soʻzlari yozilgan.
Koʻkrak nishonining qalinligi 2,2 millimetr.
Tasvirlar va yozuvlar qabariqdir.
Koʻkrak nishonining old va orqa tomonlarining chetlari qabariq doira bilan oʻralgan.
Koʻkrak nishoni ilgakchalar va halqacha yordamida toʻgʻri toʻrtburchak shaklidagi qadagʻichga ulangan.
Qadagʻichning eni — 26 millimetr, boʻyi — 17 millimetrdan iborat. Qadagʻich eni 22 millimetrli shoyi lenta bilan qoplangan boʻlib, lentaning oʻrtasidan eni 8 millimetrli oq rangli yoʻl, ikki chetidan esa har birining eni 7 millimetr boʻlgan yashil rangli yoʻl oʻtgan.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Mahalla iftixori” koʻkrak nishoni
Oʻzbekiston Respublikasi Prezidentining 2017-yil 13-iyuldagi PQ-3132-sonli qaroriga 3-ILOVA
“Mahalla iftixori” koʻkrak nishoni guvohnomasining
“Mahalla iftixori” koʻkrak nishoni guvohnomasi 160 x 110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.
Guvohnomaning tashqi tomoni (birinchi va toʻrtinchi betlari) koʻk rangda boʻlib, plyonka bilan qoplangan.
Guvohnomaning birinchi beti eni 7,5 millimetrli, ichki burchaklari aylana shaklida boʻlgan toʻq koʻk rangli hoshiya bilan oʻralgan.
Guvohnomaning yuqori chekkasidan (birinchi beti) 35 millimetr pastda, markazda oraligʻi 3,5 millimetrli ikki satrdan iborat matn joylashgan. Birinchi satrda “Mahalla iftixori”, ikkinchi satrda “koʻkrak nishoni” (“Times new Roman Bold” shrifti, 17-kegl) soʻzlari yozilgan. Undan 6 millimetr pastda “GUVOHNOMASI” (katta harflarda, “Times new Roman Bold” shrifti, 17-kegl) soʻzi yozilgan. Yozuvlar zarhal rangida aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och havo rangda boʻlib, ofset usulida chop etilgan.
Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.
Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda “GUVOHNOMA” (katta harflarda, “Times new Roman Bold” shrifti, 10-kegl) soʻzi hamda guvohnoma tartib raqami uchun “№” belgisi va 15 millimetrli chiziq joylashgan.
“GUVOHNOMA” soʻzidan 11 millimetr pastda mukofotlangan shaxsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.
Pastki chiziqdan 6 millimetr quyida, markazda oraligʻi 2 millimetrli uch satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “Kambagʻallikni qisqartirish va bandlik”, uchinchi satrda “vazirligining” (“Times new Roman Bold” shrifti, 10-kegl) soʻzlari yozilgan.
Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli buyrugʻiga asosan” (“Times new Roman Bold” shrifti, 10-kegl) soʻzlari yozilgan.
Undan 5 millimetr pastda, markazda oraligʻi 5 millimetrli ikki satrdan iborat matn joylashgan. Birinchi satrda markazda “Mahalla iftixori” (“Times new Roman Bolt” shrifti, 12-kegl), ikkinchi satrda “koʻkrak nishoni bilan mukofotlandi” (“Times new Roman Bold” shrifti, 10-kegl) soʻzlari yozilgan.
Soʻnggi soʻzlardan 9 millimetr pastda, chap tomonda oraligʻi 2 millimetrli ikki satrdan iborat matn joylashgan. Birinchi satrda “Kambagʻallikni qisqartirish”, ikkinchi satrda “va bandlik vaziri” (“Times new Roman Bold” shrifti, 10 kegl) soʻzlari yozilgan.
“Mahalla iftixori” koʻkrak nishoni GUVOHNOMASI
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 13-iyul,
PQ-3132-son
Президента Республики Узбекистан
Постановление
ПОЛОЖЕНИЕ
ОПИСАНИЕ
ОПИСАНИЕ
Об учреждении нагрудного знака «Маҳалла ифтихори»
В целях поощрения активных и инициативных граждан, представителей общественных структур, внесших достойный вклад в дело усиления роли и значения органов самоуправления граждан в обществе, обеспечения стабильности духовной среды на местах, укрепления межнациональной дружбы и согласия, воспитания молодого поколения в духе любви к Родине и верности идеям независимости, осуществления социальной поддержки населения, широкомасштабных профилактических мероприятий и общественного контроля, развития материально-технической базы сходов граждан махаллей, а также в соответствии с Указом Президента Республики Узбекистан от 3 февраля 2017 года № УП-4944 «О мерах по дальнейшему совершенствованию института махалли»:
1. Учредить нагрудный знак «Маҳалла ифтихори».
2. Утвердить:
Положение о нагрудном знаке «Маҳалла ифтихори» согласно приложению № 1 ;
Описание нагрудного знака «Маҳалла ифтихори» и удостоверения к нему согласно приложениям №№ 2 , 3 .
3. Кабинету Министров Республики Узбекистан обеспечить изготовление нагрудных знаков «Маҳалла ифтихори» и удостоверений к ним.
4. Одобрить предложение Республиканского совета по координации деятельности органов самоуправления граждан по покрытию расходов, связанных с изготовлением нагрудных знаков «Маҳалла ифтихори» и удостоверений к ним, за счет средств благотворительного общественного фонда Узбекистана «Маҳалла».
5. Министерству юстиции Республики Узбекистан совместно с заинтересованными министерствами и ведомствами в месячный срок внести изменения и дополнения в нормативно-правовые документы, вытекающие из настоящего постановления.
6. Контроль за исполнением настоящего постановления возложить на Премьер-министра Республики Узбекистан А. Арипова.
ПРИЛОЖЕНИЕ № 1 к постановлению Президента Республики Узбекистан от 13 июля 2017 года № ПП-3132
о нагрудном знаке «Маҳалла ифтихори»
1. Нагрудным знаком «Маҳалла ифтихори» (далее — нагрудный знак) награждаются активные и инициативные граждане, представители общественных структур, внесшие достойный вклад в дело усиления роли и значения органов самоуправления граждан в обществе, обеспечения стабильности духовной среды на местах, укрепления межнациональной дружбы и согласия, воспитания молодого поколения в духе любви к Родине и верности идеям независимости, осуществления социальной поддержки населения, широкомасштабных профилактических мероприятий и общественного контроля, развития материально-технической базы сходов граждан махаллей.
Нагрудным знаком могут награждаться и лица, не являющиеся гражданами Республики Узбекистан.
2. Предложения по награждению нагрудным знаком вносятся сходами граждан махалли (на основе решений собрания представителей граждан) в районный (городской) отдел занятости и сокращения бедности.
3. Предложения по награждению нагрудным знаком, внесенные районными (городскими) отделами занятости и сокращения бедности, рассматриваются Министерством занятости и сокращения бедности Республики Каракалпакстан, областными и Ташкентским городским управлениями занятости и сокращения бедности, а также сдаются ежегодно до 3 января в Министерство занятости и сокращения бедности Республики Узбекистан (далее — Министерство).
4. Порядок рассмотрения предложений по награждению нагрудным знаком устанавливается министром занятости и сокращения бедности.
5. Приказом министра занятости и сокращения бедности создается постоянно действующая комиссия (далее — комиссия) по рассмотрению представленных кандидатов на награждение нагрудным знаком.
6. На основании заключения комиссии министром занятости и сокращения бедности издается приказ о награждении нагрудным знаком.
Приказ о награждении нагрудным знаком публикуется в средствах информации.
7. Лица, награжденные нагрудным знаком, получают единовременное денежное вознаграждение в размере четырехкратной базовой расчетной величины.
Выплата единовременных денежных вознаграждений осуществляется за счет средств благотворительного общественного фонда Узбекистана «Маҳалла».
8. Вручение нагрудного знака, удостоверения к нему и денежного вознаграждения производится в торжественной обстановке министром занятости и сокращения бедности накануне Дня работников системы махалли.
9. В целях широкой пропаганды образцовой деятельности награжденных нагрудным знаком лиц, внесших достойный вклад в развитие системы махалли, министром занятости и сокращения бедности утверждается типовая форма информационного стенда «Маҳалламиз ифтихорлари», устанавливаемого в зданиях сходов граждан махаллей и комплексов «Маҳалла маркази» в районных (городских) центрах.
10. Лицам, награжденным нагрудным знаком, предоставляется право на одноразовые бесплатные путевки для лечения в санаториях страны за счет благотворительного общественного фонда Узбекистана «Маҳалла».
11. Повторное награждение нагрудным знаком не производится.
12. Нагрудный знак носится на левой стороне груди, после государственных наград.
ПРИЛОЖЕНИЕ № 2 к постановлению Президента Республики Узбекистан от 13 июля 2017 года № ПП-3132
нагрудного знака «Mаҳалла ифтихори»
Нагрудный знак «Маҳалла ифтихори» изготавливается из медного сплава, имеет форму круга диаметром 34 миллиметра.
На лицевой стороне нагрудного знака в верхней части на фоне лучей восходящего солнца изображена карта Республики Узбекистан, под ней — арка, символизирующая ворота махалли.
По окружности на голубом эмалевом поясе с позолоченной окантовкой надпись «MAНALLA IFTIXORI». Надписи позолоченные, высота букв 2,3 миллиметра. Внизу по центру между двумя восьмиконечными звездочками изображены лавровые ветви — символ почета и славы.
На оборотной стороне нагрудного знака по центру в пять рядов расположена надпись «MAНALLA», «TIZIMI RIVOJIGA», «QOʻSНGAN», «MUNOSIB НISSASI», «UCНUN», высота букв 2 миллиметра.
Толщина нагрудного знака — 2,2 миллиметра.
Изображения и надписи выпуклые.
Края лицевой и оборотной сторон нагрудного знака окаймлены бортиком.
Нагрудный знак при помощи ушка и кольца соединяется с прямоугольной колодкой. Ширина колодки — 26 миллиметров, высота — 17 миллиметров.
Колодка обтянута шелковой лентой шириной 22 миллиметра. В центре — белая продольная полоса шириной 8 миллиметров, по бокам зеленые полосы шириной 7 миллиметров.
На оборотной стороне колодки имеется приспособление в виде булавки для крепления нагрудного знака к одежде.
Нагрудный знак «Mаҳалла ифтихори»
ПРИЛОЖЕНИЕ № 3 к постановлению Президента Республики Узбекистан от 13 июля 2017 года № ПП-3132
удостоверения к нагрудному знаку «Маҳалла ифтихори»
Удостоверение к нагрудному знаку «Маҳалла ифтихори» представляет собой книжку размером 160х110 миллиметров, изготовленную из офсетной бумаги плотностью 240 г/м.кв.
Лицевая сторона удостоверения (первая и четвертая страницы) припрессована пленкой, имеет фон синего цвета.
Первая страница удостоверения оформлена рамкой темно-синего цвета толщиной 7,5 миллиметра с закругленными внутренними уголками.
Вниз от верхнего края удостоверения (первая страница) на 35 миллиметров, по центру, с интервалом 3,5 миллиметра расположен текст в две строки: первая строка «Mahalla iftixori», вторая — «koʻkrak nishoni» (шрифт «Times new Roman Bolt», кегль 17). Ниже на 6 миллиметров — надпись «GUVOНNOMASI» (буквы заглавные, шрифт «Times new Roman Bolt», кегль 17). Надписи выполнены в золотистом цвете.
Внутренняя часть удостоверения (вторая и третья страницы) выполнена в небесно-голубом цвете с нанесением рисунка «Тангир» и отпечатана офсетным способом.
В левой части внутренней стороны удостоверения (вторая страница) по центру расположено цветное изображение нагрудного знака в натуральную величину.
В правой части внутренней стороны удостоверения (третья страница) на 8 миллиметров ниже верхнего края, по центру, расположена надпись «GUVOНNOMA» (буквы заглавные, шрифт «Times new Roman Bolt», кегль 10), знак «№» и далее линия длиной в 15 миллиметров для указания порядкового номера удостоверения.
Ниже на 11 миллиметров надписи «GUVOНNOMA» с интервалами в 8 миллиметров расположены три линии для указания фамилии, имени и отчества награждаемого лица.
На расстоянии 6 миллиметров от нижней линии по центру расположен текст в три строки с интервалом в 2 миллиметра. Первая строка содержит надпись «Oʻzbekiston Respublikasi», вторая — «Kambagʻallikni qisqartirish va bandlik», третья — «vazirligining» (шрифт «Times new Roman Bolt», кегль 10).
Ниже на 5 миллиметров расположен текст в две строки с интервалом в 4 миллиметра. Первая строка содержит надпись «20__ y. «___» ___________dagi», вторая — «____-sonli buyrugʻiga asosan» (шрифт «Times new Roman Bolt», кегль 10).
Далее, ниже на 5 миллиметров, по центру размещен текст в две строки с интервалом в 5 миллиметров: первая строка — «Mahalla iftixori» (шрифт «Times new Roman Bolt», кегль 12), вторая — «koʻkrak nishoni bilan mukofotlandi» (шрифт «Times new Roman Bolt», кегль 10).
Слева, на 9 миллиметров ниже последних слов, расположена надпись в две строки с интервалом 2 миллиметра: первая строка — «Kambagʻallikni qisqartirish», вторая строка — «va bandlik vaziri» (шрифт «Times new Roman Bolt», кегль 10).
Удостоверение к нагрудному знаку «Маҳалла ифтихори»
Президент Республики Узбекистан Ш. МИРЗИЁЕВ
г. Ташкент,
13 июля 2017 г.,
№ ПП-3132