📅 2017-yil 14-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 14 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 июля 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 14 July 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси фуқароларининг сафарбарлик чақируви резервидаги хизматни ўташи тартибини такомиллаштиришга доир қўшимча чора-тадбирлари тўғрисида
Ўзбекистон Республикаси фуқароларининг сафарбарлик чақируви резервидаги хизматни ўташи тартибини такомиллаштириш, сафарбарлик чақируви резервидаги хизматга чақирилган фуқароларнинг ижтимоий муҳофазасини таъминлаш, пул бадалларини тўлаган, лекин ҳарбий йиғинларни ўтамаган сафарбарлик чақируви резерви хизматчиларининг вафоти муносабати билан уларнинг яқин қариндошларини, ворисларини ёхуд васийларини маънавий ва моддий қўллаб-қувватлаш мақсадида Вазирлар Маҳкамаси қарор қилади:
1. Қуйидагилар маълумот учун қабул қилинсин:
а) Вазирлар Маҳкамасининг «Ўзбекистон Республикаси фуқароларининг сафарбарлик чақируви резервидаги хизматини ташкил этиш чора-тадбирлари тўғрисида» 2003 йил 22 февралдаги 99-сон қарори асосида фуқароларнинг Ўзбекистон Республикаси Вазирлар Маҳкамаси томонидан белгиланадиган миқдорда пул бадалларини тўлаши ва хизмат даврида бир марта бир ойлик ҳарбий йиғинларда хизматни ўташи сафарбарлик чақируви резервида хизмат қилиш шарти ҳисобланади;
б) 2015 йил 16 сентябрда Вазирлар Маҳкамасининг «Вазирлар Маҳкамасининг «Ўзбекистон Республикаси фуқароларининг сафарбарлик чақируви резервидаги хизматини ташкил этиш чора-тадбирлари тўғрисида» 2003 йил 22 февралдаги 99-сон қарорига ўзгартириш ва қўшимчалар киритиш ҳақида» 267-сон қарори қабул қилинган, унга мувофиқ сафарбарлик чақируви резерви хизматчиси вафот этган тақдирда тўланган пул бадаллари унинг яқин қариндошига, меросхўрига, васийсига ёки ҳомийсига қайтарилади;
в) Ўзбекистон Республикаси Мудофаа вазирлигининг статистик маълумотларига кўра 2015 йил сентябрь ойигача бўлган даврда 233,5 млн сўм миқдорида пул бадалларини тўлаган, лекин вафоти муносабати билан ҳарбий йиғинларни ўтамаган сафарбарлик чақируви резерви хизматчиларининг сони 244 нафарни ташкил этади.
2. Ўзбекистон Республикаси Мудофаа вазирлиги Молия вазирлиги билан биргаликда Вазирлар Маҳкамасининг «Вазирлар Маҳкамасининг «Ўзбекистон Республикаси фуқароларининг сафарбарлик чақируви резервидаги хизматини ташкил этиш чора-тадбирлари тўғрисида» 2003 йил 22 февралдаги 99-сон қарорига ўзгартириш ва қўшимчалар киритиш ҳақида» 2015 йил 16 сентябрдаги 267-сон қарори кучга киргунгача даврда пул бадалларини тўлаган, лекин вафоти (ҳалок бўлиши) муносабати билан ҳарбий йиғинларни ўтамаган сафарбарлик чақируви резерви хизматчиларининг яқин қариндошлари, меросхўрлари, васийлари ёки ҳомийларининг мурожаатлари бўйича тўланган пул бадаллари Вазирлар Маҳкамасининг 2003 йил 22 февралдаги 99-сон қарори билан тасдиқланган Ўзбекистон Республикаси фуқароларининг сафарбарлик чақируви резервида хизматни ўташи тартиби тўғрисидаги низомда белгиланган тартибда қайтарилишини таъминласин.
3. Ўзбекистон Республикаси Мудофаа вазирлиги вафот этган (ҳалок бўлган) сафарбарлик чақируви резерви хизматчиларининг яқин қариндошлари, меросхўрлари, васийлари ёки ҳомийларига ушбу қарорнинг 2-бандига мувофиқ қайтарилган пул бадаллари тўғрисида ҳар чоракда Ўзбекистон Республикаси Вазирлар Маҳкамасига белгиланган тартибда ахборот киритсин.
4. Вазирлар Маҳкамасининг 2003 йил 22 февралдаги 99-сон қарори билан тасдиқланган Ўзбекистон Республикаси фуқароларининг сафарбарлик чақируви резервида хизматни ўташи тартиби тўғрисидаги Низомда ( Ўзбекистон Республикаси ҚТ, 2003 й., 2-сон, 17-модда):
9 1 -банднинг учинчи хатбошидаги «I ёки II гуруҳ ногиронлиги» сўзлари «I, II ёки III гуруҳ ногиронлиги» сўзлари билан алмаштирилсин;
9 2 -банднинг биринчи хатбошидаги «I ёки II гуруҳ ногирони (лаёқатсиз)» сўзлари «I, II ёки III гуруҳ ногирони (лаёқатсиз)» сўзлари билан алмаштирилсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 14 июль,
497-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi fuqarolarining safarbarlik chaqiruvi rezervidagi xizmatni oʻtashi tartibini takomillashtirishga doir qoʻshimcha chora-tadbirlari toʻgʻrisida
Oʻzbekiston Respublikasi fuqarolarining safarbarlik chaqiruvi rezervidagi xizmatni oʻtashi tartibini takomillashtirish, safarbarlik chaqiruvi rezervidagi xizmatga chaqirilgan fuqarolarning ijtimoiy muhofazasini taʼminlash, pul badallarini toʻlagan, lekin harbiy yigʻinlarni oʻtamagan safarbarlik chaqiruvi rezervi xizmatchilarining vafoti munosabati bilan ularning yaqin qarindoshlarini, vorislarini yoxud vasiylarini maʼnaviy va moddiy qoʻllab-quvvatlash maqsadida Vazirlar Mahkamasi qaror qiladi:
1. Quyidagilar maʼlumot uchun qabul qilinsin:
a) Vazirlar Mahkamasining “Oʻzbekiston Respublikasi fuqarolarining safarbarlik chaqiruvi rezervidagi xizmatini tashkil etish chora-tadbirlari toʻgʻrisida” 2003-yil 22-fevraldagi 99-son qarori asosida fuqarolarning Oʻzbekiston Respublikasi Vazirlar Mahkamasi tomonidan belgilanadigan miqdorda pul badallarini toʻlashi va xizmat davrida bir marta bir oylik harbiy yigʻinlarda xizmatni oʻtashi safarbarlik chaqiruvi rezervida xizmat qilish sharti hisoblanadi;
b) 2015-yil 16-sentabrda Vazirlar Mahkamasining “Vazirlar Mahkamasining “Oʻzbekiston Respublikasi fuqarolarining safarbarlik chaqiruvi rezervidagi xizmatini tashkil etish chora-tadbirlari toʻgʻrisida” 2003-yil 22-fevraldagi 99-son qaroriga oʻzgartirish va qoʻshimchalar kiritish haqida” 267-son qarori qabul qilingan, unga muvofiq safarbarlik chaqiruvi rezervi xizmatchisi vafot etgan taqdirda toʻlangan pul badallari uning yaqin qarindoshiga, merosxoʻriga, vasiysiga yoki homiysiga qaytariladi;
v) Oʻzbekiston Respublikasi Mudofaa vazirligining statistik maʼlumotlariga koʻra 2015-yil sentyabr oyigacha boʻlgan davrda 233,5 mln soʻm miqdorida pul badallarini toʻlagan, lekin vafoti munosabati bilan harbiy yigʻinlarni oʻtamagan safarbarlik chaqiruvi rezervi xizmatchilarining soni 244 nafarni tashkil etadi.
2. Oʻzbekiston Respublikasi Mudofaa vazirligi Moliya vazirligi bilan birgalikda Vazirlar Mahkamasining “Vazirlar Mahkamasining “Oʻzbekiston Respublikasi fuqarolarining safarbarlik chaqiruvi rezervidagi xizmatini tashkil etish chora-tadbirlari toʻgʻrisida” 2003-yil 22-fevraldagi 99-son qaroriga oʻzgartirish va qoʻshimchalar kiritish haqida” 2015-yil 16-sentabrdagi 267-son qarori kuchga kirgungacha davrda pul badallarini toʻlagan, lekin vafoti (halok boʻlishi) munosabati bilan harbiy yigʻinlarni oʻtamagan safarbarlik chaqiruvi rezervi xizmatchilarining yaqin qarindoshlari, merosxoʻrlari, vasiylari yoki homiylarining murojaatlari boʻyicha toʻlangan pul badallari Vazirlar Mahkamasining 2003-yil 22-fevraldagi 99-son qarori bilan tasdiqlangan Oʻzbekiston Respublikasi fuqarolarining safarbarlik chaqiruvi rezervida xizmatni oʻtashi tartibi toʻgʻrisidagi nizomda belgilangan tartibda qaytarilishini taʼminlasin.
3. Oʻzbekiston Respublikasi Mudofaa vazirligi vafot etgan (halok boʻlgan) safarbarlik chaqiruvi rezervi xizmatchilarining yaqin qarindoshlari, merosxoʻrlari, vasiylari yoki homiylariga ushbu qarorning 2-bandiga muvofiq qaytarilgan pul badallari toʻgʻrisida har chorakda Oʻzbekiston Respublikasi Vazirlar Mahkamasiga belgilangan tartibda axborot kiritsin.
4. Vazirlar Mahkamasining 2003-yil 22-fevraldagi 99-son qarori bilan tasdiqlangan Oʻzbekiston Respublikasi fuqarolarining safarbarlik chaqiruvi rezervida xizmatni oʻtashi tartibi toʻgʻrisidagi Nizomda ( Oʻzbekiston Respublikasi QT, 2003-y., 2-son, 17-modda):
9 1 -bandning uchinchi xatboshidagi “I yoki II guruh nogironligi” soʻzlari “I, II yoki III guruh nogironligi” soʻzlari bilan almashtirilsin;
9 2 -bandning birinchi xatboshidagi “I yoki II guruh nogironi (layoqatsiz)” soʻzlari “I, II yoki III guruh nogironi (layoqatsiz)” soʻzlari bilan almashtirilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 14-iyul,
497-son
Кабинета Министров Республики Узбекистан
Постановление
О дополнительных мерах по совершенствованию порядка прохождения службы гражданами Республики Узбекистан в мобилизационном призывном резерве
В целях совершенствования порядка прохождения службы гражданами Республики Узбекистан в мобилизационном призывном резерве, обеспечения социальной защиты граждан, зачисленных на службу в мобилизационный призывной резерв, моральной и материальной поддержки близких родственников, наследников, опекунов либо попечителей в связи со смертью служащих мобилизационного призывного резерва, внесших денежные взносы, но не прошедших военные сборы, Кабинет Министров постановляет:
1. Принять к сведению, что:
а) на основании постановления Кабинета Министров от 22 февраля 2003 г. № 99 «О мерах по организации службы граждан Республики Узбекистан в мобилизационном призывном резерве» условиями службы граждан в мобилизационном призывном резерве являются внесение ими денежного взноса в размере, определяемом Кабинетом Министров Республики Узбекистан, и прохождение ими за период службы одноразовых месячных военных сборов;
б) 16 сентября 2015 года принято постановление Кабинета Министров № 267 «О внесении изменений и дополнений в постановление Кабинета Министров от 22 февраля 2003 г. № 99 «О мерах по организации службы граждан Республики Узбекистан в мобилизационном призывном резерве»», в соответствии с которым в случае смерти служащего мобилизационного призывного резерва внесенные денежные взносы возвращаются близкому родственнику, наследнику, опекуну либо попечителю;
в) по статистическим данным Министерства обороны Республики Узбекистан всего по республике количество служащих мобилизационного призывного резерва, внесших денежные взносы в размере 233,5 млн. сум в период до сентября 2015 года, но не прошедших военные сборы в связи со смертью, составляет 244 единицы.
2. Министерству обороны совместно с Министерством финансов Республики Узбекистан обеспечить в порядке, установленном Положением о порядке прохождения службы гражданами Республики Узбекистан в мобилизационном призывном резерве, утвержденным постановлением Кабинета Министров от 22 февраля 2003 г. № 99, возврат внесенных денежных взносов по обращениям близких родственников, наследников, опекунов либо попечителей умерших (погибших) служащих мобилизационного призывного резерва, внесших денежные взносы в период до вступления в силу постановления Кабинета Министров от 16 сентября 2015 г. № 267 «О внесении изменений и дополнений в постановление Кабинета Министров от 22 февраля 2003 г. № 99 «О мерах по организации службы граждан Республики Узбекистан в мобилизационном призывном резерве»», но не прошедших военные сборы в связи со смертью.
3. Министерству обороны Республики Узбекистан ежеквартально вносить в установленном порядке информацию в Кабинет Министров Республики Узбекистан о возвращенных денежных взносах близким родственникам, наследникам, опекунам либо попечителям умерших (погибших) служащих мобилизационного призывного резерва в соответствии с пунктом 2 настоящего постановления.
4. В Положении о порядке прохождения службы гражданами Республики Узбекистан в мобилизационном призывном резерве, утвержденном постановлением Кабинета Министров от 22 февраля 2003 г. № 99 (СП Республики Узбекистан, 2003 г., № 2, ст. 17):
в абзаце третьем пункта 9 1 слова «инвалидности I или II группы» заменить словами «инвалидности I, II или III группы»;
в абзаце первом пункта 9 2 слова «инвалидом I или II группы (недееспособным)» заменить словами «инвалидом I, II или III группы (недееспособным)».
5. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Премьер-министр Республики Узбекистан А. АРИПОВ
г. Ташкент,
14 июля 2017 г.,
№ 497